CMP: AIE: رواية مع وقف التنفيذ الجزء الثاني2 الفصل الرابع عشر14بقلم نجمة براقة
أخر الاخبار

رواية مع وقف التنفيذ الجزء الثاني2 الفصل الرابع عشر14بقلم نجمة براقة

رواية مع وقف التنفيذ 
الجزء الثاني2 الفصل الرابع عشر14
بقلم نجمة براقة

«تتحدث بالهاتف»

ايمان = يعني ايه مقتلهاش؟!  بقا يعرف انها مصاحبة تلاته غيره، ويسيبها عايش، يخربيت الجيل المنيل،  ايه مفيش رجاله؟!
عادل= بقول ايه يا أمان، ونبي ياحبي لما تيجي المره الجايه متنسيش قميصك عندي لا جوزك يدور عليه...  ما تهدى يا أمان امال لو مكناش مع بعض 
ايمان = ايوه بس حسام ميعرفش انما ده يعرف 
عادل = انتي هتخيلي ما احنا اللي مظبطينها سوا،  وشكله حوار انه جوزها ده طلع فستك انا شوفته راحلها ولاقاها مع الاتنين التنين ومشي عادي 
ايمان تشهق= يعني ايه مش هيموتهم وهيفضلو مهددينا كده،  لا يا واد والله ما ينفع لازم نتصرف احنا صباعنا تحت ضرسهم 
عادل = عاوزانا نعمل ايه تاني 
ايمان = انت عرفت هي قاعده فين 
عادل = ايوه عرفت، قاعده في بيت ضياء ده
ايمان= افرحني وقولي قاعدين مع بعض لوحدهم
ضياء= لا ياحبي قاعده بطولها والواد معتبش هناك من وقت ما راحت بيته
ايمان تفكر للحظات ثم تتابع= يعني هي في بيته في الاخر
عادل= ايوووه متزفته في بيته بتفكري في ايه
ايمان= دهبي كله هدهولك
عادل= وووبعدين
ايمان = هقولك

ـــــــــــــــــــــــــــــــــــــــــــــــــــ 

كانت تجلس في البيت بعد انتهائها من تنظيفه،  لتمسك بالهاتف وتفتح محادثه ضياء وتريد محادثاته ولكن خائفه من رده بسخف كعادته  مؤخراً، لتنظر لصورته وتشعر بتوتر وكأنه يراها، لتخفض جفنيها..ثم تتجراء وتبعث له رساله ولم يأتها منه رد لوقت طويل ف تقرر الاتصال  بحجة انها تريد رقم مازن وبعد لحظات يجيب 

ضياء = مين؟! 
نانسى= هيكون مين يعني غيري،.. مش رقمي ده... ومبتردش علي رسايلي ليه
ضياء = انتي مش رجعتيله تليفونه ايه جابهولك تاني 
نانسى= ماهو يونس ادهوني تاني،..  ومقولتلكش اللي حصل، وقالي ايه، واعتذرلي ازاي، وبعدين وافق.... 
ضياء بمقاطعه = ملاذ. ملاذ اهدي 
نانسى= ايه 
ضياء = انا رديت عشان فاهم ان التليفون مع حد تاني 
نانسى = يعني لو عرفت ان انا مكنتش رديت 
ضياء = لأ انا وعدت حبيبتي مكلمش اي بنات 
نانسى = اها حقك،  وانا اسفه بس كنت متصله عاوزة رقم مازن دي الحكاية..  مع السلامه 
( اغلقت الخط لتنزل دموعها حتي عاد اتصاله عدت مرات وهي تتجاهل وفي النهاية ردت عليه) 

نانسي بصوت باكي= نعم 
ضياء بتنهيده= اتملي الرقم 
نانسى = متصل علشان الرقم مش علشان تشوفني زعلت ولا لا 
ضياء = ملاذ خدي الرقم علشان معلق البنت عشانك 
نانسى بصوت باكي= ماليني 

( اخذ يملي عليها ببطئ ليطيل معاها المكالمة حتى اوقفته) 

نانسى= حد بيخبط 
ضياء = حد مين؟!
نانسى= معرفش 
ضياء = طيب شوفي العين السحريه الاول 
نانسى = طيب 
ضياء = اوعي تفتحي غير لما تشوفي مين 
نانسى = ماشي  

اتجهت نحو الباب وهي تضع الهاتف علي اذنها وهو يستمع لصوت بتركيز  لتنظر من العين السحرية ولا تجد أحد 
نانسى وهو تفتح= مش  شايفه حد.. انا هفتح 
ضياء = اوعي ( قالها ليسمعها تصرخ)  

فتحت الباب لترا عادل بالخارج  وقبل ان يمسكها تركض لداخل وهي ممسكه بالهاتف  وتصرخ وهو يغلق الباب خلفه ويركض خلفها لتغلق الباب وتستند عليه وتستنجد بضياء الذي نهض من محله بفزع لينزل من منزله ركض ويصعد الموتور وهو يحدثها وعند اقترابه من المنزل يتذكر مازن وسؤ فهمه، ان علِم انه ذهب إليها، ليغلق الخط ويتصل بمازن يخبره ويغلق الخط 

«في المنزل»
 تسد الباب بكل قوتها وهو يضربه بكتفه ليزيد صراخها 

عادل= افتحي مش هأذيكي،.. افتحي احسنلك 
نانسي ببكاء =انت عاوز مني إيه، مش كفاية اللي عملتوه فيه 
عادل= افتحي بقولك 
نانسى بصراخ= لاااا، واحد جاي دلوقتى وهيجيب البوليس معاه وهتروح في داهيه لو حصلي حآجه

( يضرب الباب بقدمه ليُفتح، وهي تقع على الأرض، وتأخذ تسحف للخلف وهي تبكي وتترجاه اه لا يأذيها ثم يمسك بشعرها ويرفعها  ويضرب رأسها بالباب لتدوخ، ثم يشدها للخارج ويتجه لصاله ليمسك كابل الشاشه ويقطعه ليعود لها ويلف حول رقبتها ليشد بغيظ حتى خرج لسانها وهي تحاول افلاته  حتي ارتخا جسدها وهي يكمل حتي سمع صوت ضرب في الباب ليتركها ويركض خلفه ليكسره ضياء ويدخل ليفاجئ بضربه على رأسه ويشعر بدوار ليقع على الارض وعادل يهرب، قبل ان يراه.. وهو ينظر إليها ويرفع جفنيه بصعوبه حتى استطاع  التماسك بعض الشيء، لينهض ويتجه نحوها ويرفع رأسها على ذراعه ويضرب على وجهها 

ضياء= ملاذ.....ملاذ فتحي... ملاذ ( وضعها على الأرض ليرا اثر الكابل على رقبتها ليسرع بالضغط على صدرها بسرعة ولم تستجيب، ليزيد أكثر وهو يتنفس بسرعة وبتوتر، والعرق يصب منه ، حتي ظن انها ماتت ليبكي ويرتجف جسده ثم يهدء قليلآ ويعاود المحاوله لبعض الوقت، ثم يتوقف وينظر إليها بتوتر وتردد ثم لا يفكر كثيراً، يميل إليها و ويعطيها تنفّس صناعي عدت مرات حتى ارتفع صدرها وتنفست ليبتعد عنها،  ويظل ينظر لها وهو تأخذ نفسها ليبتسم وسط دموعه حتى فتحت عينيها ووجدته امامها لتسمك بيدها وتريد النهوض ويسرع برفعها عن الأرض لتجلس وتبكي وجسدها يرتجف من الخوف لتمسك به وترتمي في حضنه وتتشبث به ، لينتفض بتفاجئ وينظر إليها بارتباك ويديه تمتد إليها متردده ويريد ضمها ولكن يتراجع،  ليبعدها عنه ويرفعها ويأخذها الي الكنبة، يجلسها عليها  ليجلس علي مقعد اخر ليمسح وجهه بيده ترتجف 

ضياء بدموع = يعني انتي عايزة تعملي فينا ايه تاني، انا مش قولتلك متفتحيش
تنظر له والدموع تشوش رؤيتها = كان عاوز يموتني ( تعود للبكاء) انا معملتش ليهم حآجه علشان يعملو فيه كده
ضياء= اقسم بالله حرام عليكي ( قالها ليوطئ رأسه ويبكي وهي
 تتطلع إليه لتنهض وتقف عنده، وتضع يدها على كتفه لينتفض من لمستها ثم يقف ويبتعد خطوه لتمسك بيده وهو يتطلع اليها بارتباك )  
نانسى بدموع= متمشيش دلوقتي انا خايفه
يبعد يدها= مش ماشي هستنا مازن يوصل، انا كلمته 
نانسى بدموع= طيب 

(يبتعد عنها ويذهب للمطبخ لتذهب خلفه بعد وقت، وعندما يشعر بها يمسح دموعه سريعآ ويغسل وجهه من الحنفيه، لتقترب منه وتضع يدها علي كتفه )
يستدير ويبعد يدها وبدون النظر إليها= اطلعي يكون جيتلك
نانسى بصوت باكي= انت بتبكي علشاني
( يحاول ان يذهب لتقف امامه)
ضياء بحده= وسعي 
نانسى تتطلع به= في ايه؟!  
ضياء بنرفزه= مفيش غير اننا اتبلينا بواحده تافهه زيك مبتعرفش تفكر... انا قولتلك متفتحيش... قولت ولا لأ؟!
نانسى= قولت
ضياء= وكلامي متسمعش ليه، عاوزة توقعي في كام مصيبه تاني علشان تستخدمي عقلك.... انا مش فاهم ايه القرف ده.. الاستاذ يحب وانا اتبلي،.. تقدري تقوليلي لو كنتي موتي انا كنت هقول مين اللي ميته في بيتنا دي 
نانسى بدموع= انت كنت هتزعل عشان موت في بيتك
ضياء= امال ازعل عليكي انتي يعني، ما تموتي ولا تتحرقي حتي، ياشيخه انا من وقت ما سمعت اسمك بس وانا مرتحتش دقيقه
نانسى تبكي= انا اسفه
ينفخ بضيقه= اسكوتي لا تتأسفي ولا تبكي ولا تتنيلي، اقعدي ساكته وبس
توطئ رأسها وتبكي = حاضر 
( ينظر إليها وهو يتنفس بغضب ليهدء قليلآ)
ضياء= خلاص حصل خير بس تعقلي بعد كده
نانسى تاوم ايجابآ وهي تبكي= حاضر
ضياء بنرفزه= بطلي عياط يخربيتك
نانسى بدموع= حاضر 
يتطلع لرأسها = ضربك على راسك؟!
نانسى= ايوه 
ضياء= ملحقتش اشوفه هو مين ده
نانسى بدموع= عادل خطيبي القديم
ضياء= ودا عرف طريقك ازاي
نانسى= معرفش 
ضياء =  هوووف طيب انتي مش هينفع تستني هنا تاني 
نانسى= اعمل ايه طيب 
ضياء= لما يجي مازن ونشوف هيعمل ايه 
نانسى تتطلع به= هو عرف منين 
ضياء = بقولك انا اتصلت بيه 
نانسى= عشان ميسئش الظن بيك؟!  
ضياء = يلا نقعد بره 
نانسى= ممكن الاول تفهمني انا عملت ايه يخليك بقيت كارهني كده...  انا ساعات بشوفك كويس معايا وساعات بحس انك مش طايق تشوفني....  قولي في ايه يمكن يكون سؤء تفاهم و اوضحهولك 
(ضياء يتطلع إليها بصمت لتخطو خطوتين نحوه) 
نانسى= احنا كنا صحاب،  ايه اللي  حصل غيرك معايا كده.....  رد عليه  متسبنيش كده 
ضياء = يلا برا بلاش مازن يجي يلاقينا هنا 
نانسى= هتقولي الاول،..  يلا قول..  انا  مضيقاك في ايه 
ضياء بحده= ابعدي عن وشي 
نانسى = ماهو لأما تجاوبني لأما مش هعديك 
يدفعها بيده وكادت ان تقع ليلحق بها ويمسك يدها ليشدها ف ترتطم به وتضع يديها  علي اكتافه ليقف ثابت امامها حتي فتحت عينيها ونظرت له ليطلع لوجهها بشرود ويحاول إبعاد نظرة  ولكن  شيء يجذبه لنظر إليها لينظر الي اثر الكابل في عنقها ليزيح شعرها عنه ثم يتحسس اثره بيده لترتعش عند لمسته ف ينظر إليها للحظات وتلتقي عينيهم  ثم يخفّض يده ويبتعد عنها خطوات للخلف 

ضياء بربكه= رقبتك اتحزت في..  في  كريم في التلاجه ادهني منه 
نانسى تخفض جفنيها= ماشي 
ضياء بربكه= عديني

( ابتعدت وهو يمر بجانبها ويخرج من المطبخ لتمس عنقها وتشرد ) 

مازن يدخل بسرعه ويبحث عنها = هي فين 
ضياء = جوه اطمن هي كويسه 
مازن يناديها = نااانسى 

(تأتي من الداخل ليركض نحوها ويعانقها لينظر اليهم ضياء ثم يدير وجهه بتوتر وهي تبعده عنها
نانسى = انا كويسه 
مازن يلمس رأسها = ضربك على راسك؟! 
نانسى = اه
يلاحظ اثر الكابل على رقبتها ليلمسها وهي  تبعد يده بسرعه، ليتطلع إليها ضياء ويتذكر ما حدث قبل لحظات وهي تقف امام مازن وتظل تنظر إليه، ليوطئ رأسه ويستند علي الحائط ثم يخرج هاتفه لينشغل به عنها 

مازن= احنا لازم نتجوز علشان اقعد معاكي مش هينفع كده ( قالها لينسط ضياء ويركز فيما تقوله)
نانسى= مش وقته، انا همشي من هنا دلوقتي
مازن= هتروحي فين
نانسى= هروح ليونس يشوفلي شغل في اي حتة 
( قالتها ليعتدل ويتقدم نحوهم وهو منفعل) 
ضياء = طيب وسيبتي ليه يونس من الاول لما هو بطل كده 
(مازن ينظر له في صمت وهي تتابع ما يقوله بهدوء) 
ضياء = هي دي اللي انت مطلع عينيا علشانها،  وعملت فيها زي الست الميت جوزها..  اهي بتقولك اروح ليونس علي اساس سيبنها تموت 
مازن = طيب اهدا في ايه هي بتتكلم وبس
ضياء بانفعال= تتكلم؟!...  يعني ايه تتكلم،  طالع عين مين بسببها، احنا ولا يونس( يتنفس بضيقه)  اقولكم حآجه،  انتو حرين مع بعض، تروح ليونس، او اخوها، او اي حد،.. ولو هتموتو انتو الاتنين والله ما هبصلكم ( قالها لتضع يدها علي رأسها ويختل توازنها ليسرع هو بسندها لتقع بين ذراعيه ثم يحملها ويضعها على الكنبه ليتطلع إليه مازن   وهو ثابت مكانه) 

يتطلع بها ويضرب وجهها = ملاذ....( ينظر لمازن) ميه( قالها لينتبه لنفسه ثم يتنهد بتوتر  و ينهض)  هاتلها ميه وانا ماشي ( قالها وذهب بسرعه وهو متوتر ويشعر ان دماء رأسه تغلي.. ومازن واقف محله، لتفتح عينيها وتبتسم بخفه ثم تعتدل وعندما يراها مازن ينظر لها باستنكار) 

مازن= افندم...  ايه ده؟! 
نانسى= اصله بيحلف لو هنموت مش هيبصلنا ف قولت اوقعه ههههه 
مازن يضم قبضته بغيظ = يعنى كنتى بتمثلي؟!...  انتي فاهمه معناه اي ده..  يعني  في  عز المصيبه انتي  جايه  تستهبلي 
نانسى= مالك في ايه 
مازن بغيظ= مالي يعنى ما انا كويس اهو...  اول مره  احس انى بعيد عنه كده...  اول مره  يخاف يحكي 
نانسى= مش فاهمه في ايه 
مازن= ولا حآجه هتيجي معايا ولا هتعملي ايه 
نانسى= في ايه طيب،  انت زعلت عشان عملت الحركه دى 
مازن= هتيجي معايا ولا لأ 
نانسى= اجي معاك فين 
مازن = تقعدي عندنا يكون شوفنالك مكان 
نانسى= طيب ماشي ( تتابع) هو ضياء راح فين 
مازن = مالك بيه
نانسى= اسأله الاول 
مازن = تسأليه؟!    اها طيب  اسأليه بقا ( قالها وذهب ليغلق الباب خلفه بغيظ) 

ـــــــــــــــــــــــــــــــــــــــــــــــــــ 

كانت تتحدث بالهاتف  

ايمان = يعنى ماتت ولا لأ
عادل= شكلها كده،  قطعت النفس قدامي 
ايمان = يااامصيبتي شكلها ازاي دي شافتك ياغبي يعني لو مماتتش هتودينا احنا في داهيه 
عادل= لا ان شاءلله ماتت 
ايمان= مانت متصبرنيش بالكدب
عادل = ماااتت،  يلا بقا هاتي اللي قولتي عليه وتعالي
ايمان= مش قبل ما اتاكد ولا عاوز تلهف الدهبات علي الفاضي 
عادل= مليش فيه انا روحت خلصت عليها زي ما قولتي.. الدهبات يلزموني بدل ما اجيلك البيت دلوقتي 
ايمان= طيب طيب غور دلوقتي، بكره هجيلك 
عادل = بكره الصبح تكوني عندي 
ايمان=طيب  اقفل 

(قالتها ليدخل حسام) 

حسام يقترب منها = بتزعقي مع مين 
ايمان بارتباك= انت جيت امتي 
حسام = لسة داخل..  مالك مش علي بعضك
ايمان= مفيش..  بتخانق مع البت نهى واخده مني فستان ومش راضيه ترجعه 
حسام= قولتلك قبل كده متديش هدومك لحد،  الدنيا متضمنش
ايمان= اخر مره...  انا  كنت  عايزة  اوصلها بكره  اجيبه منها  واجي
حسام = طيب  بس جهزيلي لقمه انا  على لحم بطني من الصبح 
ايمان= حاضر 

ـــــــــــــــــــــــــــــــــــــــــــــــــــ 

كان يقف علي كورنيش النيل يتطلع للماء بشرود ويفكر فيما يحدث حتي  اتاه اتصال منها ليغلق عليها ثم يفتح الفيديو المصور لها ويتطلع بها حتي وصلته رسالة منها 

نانسى= مابتردش ليه 
ضياء= مش فضيلك،  روحي  شوفي  بتعملي  إيه 
نانسى= يا ضياء في ايه انت وصاحبك متعصبين عليا ليه 
ضياء= مازن اتعصب عليكي ليه
نانسى= اصله عرف اني كنت بمثل عليك ههههه...  بس انا خايفه بجد 
ضياء= بتمثلي عليه  ازاي 
نانسى= لما انت قولت  لو هنموت  مش  هتبصلنا حبيت  اعرف  بتكدب ولا لأ ف وقعت كده وكده 
يضرب وجهه بضيقه ثم يجيب= ملاذ،   بجد مش بجاملك انتى هتكون سبب فى  خسارتي لصاحبي..  ايه التخلف  ده  ياشيخه  حرام  عليكي 
نانسى= ليه وانا  عملت ايه  يخسركم بعض 
ضياء= قفلي علي الموضوع  واسمعي 
نانسى = إيه 
ضياء= هنقابل اخوكي ونخلص الموضوع  ده علشان  يطلب ايدك  من ابوكي وتغورو عني  انا  هسافر واسيبلكم البلد 
نانسى= تسافر؟! 
ضياء = ايوه ليكي فيه 
نانسى= طيب وانا...  انا مش عاوزاك تسافر
ضياء = وانتي يخصك في ايه 
نانسى= ميخصنيش بس متسافرش،  مش احنا صحاب 
ضياء= معنديش غير صاحب واحد وعشان كده انا هساعدكم لاخر مره وبعد كده رقمك ده هيتحذف من حياتي كلها 
نانسى= هي دي المشكله،  صاحبك، انت متغير معايا علشان بيقلق  لا تخطفني منه...  بس انا  واثقه انك مش  هتعمل  كده،  مانت صاحبي انا كمان 
ضياء= ملاذ  كفايه  رغي واجهزي هنروح لاخوكي 
نانسى= لا اخويا لا.. والله ما  هيصدق ومش بعيد  يدبحني 
ضياء= انا ومازن هنروح معاكى 
نانسى = ما دي المصيبه 
ضياء= يابنتي مانتي لازم تحكيلوه بنفسك ويشوف الدليل بطلي غباء بقا انا كرهتك
نانسى= لأ 
ضياء= انتي فين دلوقتي 
نانسى= في شقتك 
ضياء = بتهببو ايه في  شقتي افرضي رجع تاني 
نانسى= انا  لوحدي  هناك 
ضياء = حسبي الله ونعم الوكيل....  طيب  وحيات راس امك في  قبرها يا شيخه  ما تفتحي  الباب  لحد  لغيت  ما اجيلك 
نانسى تبتسم = حاضر  مش  هفتح غير  لما  اعرف  ان انت 
ضياء = والله  ما مصدقك بس مش  مشكله  ساعة  وهجيلك ماشي  يازفته 
نانسى بإبتسامه = ماشي 

انها معاها المحادثه ثم اتصل بمازن ليجيبه 

مازن= إيه 
ضياء= انت فين 
مازن = ليه
ضياء= اول حآجه  اسف على  اللي  عملته بس من التوتر اللي  حصل  مركزتش
مازن = وتاني حآجه 
ضياء= مازن  متكلمنيش كده..  اقسم بالله  المره  دي ما هتعرف تصالحني
مازن= وانا  اتكلمت ياعم ضياء،  محصلش حآجه 
ضياء= طيب نتكلم بعدين  في  الموضوع  ده  بس انا  عاوزك  تروح  معايا  مشوار  وتجيب المحادثات الخاصه بالزفته 
مازن= ليه؟! 
ضياء = تعاله وهفهمك 

#نانسى 

بيتصرف معايا بطريقة  وحشه  عشان  صاحبه ميزعلش،  بس رغم كده انا  بحس بخوفه عليه حتى  وهو  بيزعق،..  هو  صاحب  كويس  معايا  ومع مازن...  بس انا بدأت احس باحساس مختلفه نحيته،  ويارب ما يطور اكتر من كده 

#ضياء 

لما شوفتها واقعه علي الارض وتخيلت انها ماتت حسيت ان قلبي طلع من مكانه.. جسمي كله  مكنتش حاسس بيه،  وكنت  مرعوب لا تكون ماتت بجد،  خوفت تروح مني،  مع انها  اصلا  مش  من حقي  ،  ولا  ينفع ابصلها ،  بس انا  فاهم  حسيت  بكده ليه لكن  تصرفها هي  اللي مش  قادر  احددها..  هي  لما  فاقت حضنتني عكس مازن  لما  قربلها محاولتش حتى  تضمه بالعكس  دي بعدته عنها،  ولما انا  لمست اثر الكابل  في  رقبتها تصرفها كان عادي محاولتش تبعد عكس اللي  حصل  مع مازن،  لما  لمسها بعدت ايده،  ودي بداية  مطمنش نهائي..  انا  اقدر  علي  نفسي  وابعد بس هي لو حست بحاجه  نحيتي مازن  هيفهم وهيتجرح 

ـــــــــــــــــــــــــــــــــــــــــــــــــــ 

نائمه علي سريرها تنظر للاشئ وبيدها محاليل معلقه 

روحيه= ايه اللي  حصل  تاني بس،  احنا  ما صدقنا بقت كويسه 
شهد = افتكرت ماما وياسين 
روحيه= قلبي عندك يا سمر 
شهد = روحيه  ممكن  طلب 
روحيه= قولي  يا حبيبتي 
شهد = عاوزة  1600 جنيه واول الشهر هجبهملك 
روحيه = كام؟!  هتعملي  بيهم ايه انتي 
شهد= دين علينا ولازم يترد والا هيبلغو عننا،.. بس انا هرجعهملك  يكون  سمر قامت وقبضت
روحيه= مش  عارفه  اقولك  إيه ( تتنهد  وتتابع)  امك الله  يرحمها  جمايلها كتير عليه،.. هتصرف واجبهملك الصبح حاضر 
شهد = لسه  هستنا الصبح 
روحيه = والله  يا حبيبتي  ما احتكم على مليم دلوقتي 
شهد = خلاص  استنا الصبح 
روحيه = ربنا  يسدد ما علينا  ( تتابع)  انا  همشي  دلوقتي  ولو  في  حآجه  رنيلي بس
شهد = حاضر 

ذهبت روحيه وهي خلفها وعند فتح الباب تجد هيثم أتى اليهم لتمشى روحيه وهو يقف امامها 

هيثم= اختك عامله ايه دلوقتي يا شهد 
شهد = ملكش دعوه 
(يخطو خطوه إليها لتخرج وتغلق الباب خلفها)    
شهد = لو راجل اعمل اللي بتعمله هنا في نص السلم 
هيثم = ههههه اي ده بقالك ضوافر وبتخربشي
شهد = ومش  بس كده،  اسكوت مش  انا  لقيت حآجه افضحكم بيها،  وكل المنطقه  هتعرف يا هيثم
هيثم تتلاشا ابتسامته= حآجه ايه دي
شهد = هتعرف بكره  انت وعمر والمنطقه كلها وهتروح السجن علشان  قتلت ياسين 
هيثم = طيب  افتحي  خلينا  نتفاهم جوه 
شهد = لأ مش هدخل واعمل اللي تعمله هنا  لو كنت  راجل 
هيثم يتطلع حوله ثم يمسك شعرها = بقا انتى  يا مفعوصه هتهدديني،  شكلك  نسيتي المطوه،  دا انا  احدفك زي اخوكي 
(عمر يخرج من  بيته ليجده يمسكها هكذا ثم يتوارا خلف درابزين السلم ويحاول  سماعهم) 
شهد = يعني انت  اللي  قتلت ياسين  اهو 
هيثم= افتحي  خلينا  نتفاهم بدل ما  اخلص عليكي 
شهد  تشد في  نفسها = لا مش  هفتح 
هيثم = تبقي انتي  اللي  جنيتي علي  نفسك ( دفعها لتتشبث بالدربزين وقبل ان يركلها بقدمه يأتي عمر  ويشده من الخلف يوقعه علي  الارض،  ثم يأتي فوقه ويسدد له عدة لكمات على  وجهه ليدفعه بقدمه يوقعه من علي  السلم  ويخرج المطوه ويتجه نحوه وهو يغط علي أسنانه بغضب عارم للينهض عمر وهو  يتألم ويستند علي  الحائط ليضع مرفقه علي رقبته ويرفع المطوه علي وجهه) 

هيثم = هتعمل  عليه  انا  راجل  يا حيلتها، دا انا دايس معاك يلا

 ( نزلت عليه الكلمه كسهم مشتعل يخترق صدره ليشعل النيران بداخله، ويريد هيثم ان يضربه بالمطوه  ليتلقي ضربه من شهد علي  رأسه بصندوق الزباله ليسند رأسه  ويستدير بغضب ويريد الإمساك  بها لتركض للأعلي وتصرخ حتى  تجمع  الناس وهو  توقف في المنتصف ينظر  إليها  مره  والي عمر مره ثم يغلق المطوه  وينزل للأسفل) 

احدهم= مالك  يا هيثم 
هيثم= انتو كلكم  عارفين  ان انا  وشهد مع بعض،  ومسمحش للي هتجوزها ان حد  يزورها غيري،  وهي  بتفتح  لاي حد  يرضيكم
احدهم= ياخي  اتكسف علي  دمك بقا انت  هتجوز العيله دي 
هيثم = عيله ازاي  يعني  ناقصها ايه علشان  تجوز،  ابعدو الله  يباركلكم متخرجوناش عن ال******( قالها  وذهب ليذهب خلفه الناس وعمر  يظل محله لا يتحرك لينظر  لشهد التي  تقف وتتطلع به باستحقار لتنزل عنده) 
شهد = قالهالك بنفسه يمكن  تحس( تدمع) سمر بتموت  فوق بسببك وانا  مش  هيكونلي حد  
عمر بصعوبه= شوفتي إيه 
شهد ببكاء = مش  انا  اللي  شوفت،  ياسين  شاف وصور،..  والله  ما يطلع  مصورهم مع  بعض  لا انشرها  على  النت وافضحهم واخلي منظرك زباله قدام  الناس 
عمر = مصور ايه وفين؟!
شهد= معاك فلوس؟! 
عمر = مصووور فين  وايه
شهد = التابلت اللي  انت جبتهوله،  بس هو  اتكسر وبنصلحه،  وانا  مش  عارفه  اجيب  فلوس  منين 
عمر = يلا وريني مكان التصليح
شهد = لا 
عمر يتطلع  بها= لو كلامك  صح وريني  المكان 
شهد = ولو طلع  صح هتعمل  إيه 
عمر = شهد  خلصي
شهد = لأ هات فلوس  وانا  هجيبه وابقا شوف  علي النت
عمر = عاوزة  كام 
شهد = 1600 جنيه
عمر = هتصرف فيهم واجبهملك 
شهد = دلوقتي 
عمر = معيش دلوقت انا  هستلفهم

روحيه تأتي وتجدها تقف مع  عمر = مقدرتش  استنا وجبتهملك من اختي،  خدي
شهد تاخذهم = متشكره  اوي 
روحيه = ماشي  حبيبتي هبقا اجي اطمن علي  سمر شويه كده 
شهد = ماشي  شكراً 

( ذهبت وهي  تعود بنظر لعمر) 

شهد = رايحه اجيبه وهفضحهم وافضحك معاهم 
عمر = هروح  معاكي 
شهد = لأ 
عمر  بعصبيه= امشي  قدامي 
شهد تفزع= طيب 

ذهبو اثنتيهم أمام هيثم ليتصل ب عنود

عنود= عاوز ايه 
هيثم= شكلك  مسمعتيش الفضايح  اللي  حصلت  في  العماره 
عنود = حصل ايه 
هيثم = اتخانقنا انا  والنطع بتاعك،  وربنا  كنت  هجيب  كرشه بس  اهل الحته اتلمو علينا 
عنود = انت بتقول  ايه...  عمر عرف  حآجه 
هيثم = مش باين،  بس شكله  هيعرف 
عنود  بصدمه = ازاي 
هيثم = البت شهد  قالتلي  انها  عندها  دليل وهتفضحنا،  وانا  شايفها ماشيه  معاه  دلوقتي 
عنود = دليل إيه  انت حد بيشوفك وانت  جاي
هيثم = لا محدش  غير  ياسين  ومات اهو
عنود= طيب طنش هي بتقول  كده  عشان  توقعك في  الكلام،  بس اوعي  تكون  قولت  حآجه 
هيثم = البت بتتكلم  جد  هي باين عليها  تعرف  حآجه  فعلاً  دي كانت  قادره  قدامي  النهارده  ومخافتش مني 
عنود= هيكون  ايه يعنى..  متقلقش، عمر  مستحيل  يصدقها بعد  اللي  شافه دا من وقتها وهو مش  طايق يشوفهم ومصدقني.. وبذات بعد  ما الدكتوره  قالت اني حامل  في  شهرين  بس
هيثم= امم الا قوليلي صحيح...  شهرين  بس ازاي  انتي  شكلك  في  الخامس 
عنود تتسع عينيها = هما شهرين  بس.. قالت  ان الميه حوليه كتير 
هيثم = انتي  هتشتغليني انا  كمان  شيفاني مختوم على  قفايا،.. باينه اوي ان ده مش  شهرين،  قولي  متخافيش  انا  اصلا  مش  هعوزه حتي  لو كان  مني،..  ولا  صاحبتي غيرنا ولا  ايه حكايتك
عنود= انت زبالة،  مش كفاية  انك  ضحكت عليه 
هيثم = جبتك من الجامع  يعني.. مانتي  كنتي  صايعه وبتقضي معايا  طول  الليل  ومكنش حد  يسأل عليكي..  تعشيش عليه  الدور اوي كده،  وخلينا في  البت والدليل اللي  معاها 
عنود  بغيظ = ماشي  ياهيثم نخلص بس  من الموضوع  ده  وانا  هحاسبك 
هيثم = طيب  يختي 
ـــــــــــــــــــــــــــــــــــــــــــــــــــ
« عند محل  التصليح» 

شهد = لو سمحت 
يتطلع بهم= اهلا يا عسوله جايه علشان  التابلت طبعا 
شهد = ايوه  والفلوس اهي
الرجل=  انا قولتلك الاحد، عدي عليا بكره الساعه عشرة
عمر= ليه مش النهاردة
الرجل= الطلبيه هتوصل النهارده بالليل وبكره نصلحه 
شهد= طيب انا هجيلك الصبح
عمر= او انا
تتطلع به بغيظ= ايوه لو جالك ادهولو... ده لو جالك قبلي
الراجل= حاضر 
شهد= اتفضل دول
الرجل= خليهم بكره
شهد= خليهم علشان ميضعوش في حاجه تانيه
الرجل يأخذهم= تمام، عشره الصبح يكون اتصلح 
شهد= متشكره( قالتها وذهبت ليذهب خلفها عمر ويوقفها)
شهد= عاوز إيه
عمر= استني متمشيش( يعود لرجل) لو سمحت عاوز عده عادية اللي معايا 300 جنيه عاوز حآجه بيهم
الرجل= عندي.. لحظه( دخل وعاد بهاتف نوكيا) ده تمنه 200 بس.. لكن مستعمل وقديم زي مانت شايف 
عمر= المهم ان في اتصالات وسماعته كويسه
الرجل= ماشي حاله 
عمر= طيب انا هاخده ( يخرج له المال ويأخذ الهاتف ويذهب إليها)
شهد= هتعمل ايه بالتليفون ده 
عمر= ملكيش دعوه
شهد= ياما نفسي اشوف شكلك لما تكتشف انك...
عمر= اللي حصل بيثبت انك انتي مغلطتيش مع هيثم بس بعيد عن عنود، ف اتلمي 
شهد= ولو طلع انها بتخونك هتعمل ايه
عمر= اسكوتي، ويلا علشان تحكيلي اللي حصل واللى قاله ياسين بالحرف
شهد= ماشي

( ظلت طوال الطريق تحكي له ما حصل حتى وصلو المنزل ليقف أمام منزلهم)

شهد= ده اللي حصل بالحرف
عمر= عاوز اشوف سمر
شهد= لأ مش هتشوفها 

(ابعدها عن طريقة ودخل عندها ليجدها نائمه وتنظر لفراغ ليتقدم نحوها ويجلس جانبها وهو ينظر لها ودموعه تملاء عينيه)

شهد= انت داخل  عندها  ليه تانى بعد اللي عملته
عمر بدموع = متكلمتش خالص؟! 
شهد = ولا  هتتكلم دلوقتي  منك لله ( تبكي)  لو حصلها حآجه  هبلغ عنك 
عمر= عارفه  يا شهد، حتى  لو اللى  قولتيه صح  ،  ف انتى  السبب فى  اللى  حصل ( يتنهد بضيقه) انا  لو مش  خايف  استعجل  قبل  ما افهم كنت  جيبتك انتى  وهيثم وعنود و قتلتكم ....  انتي  ولا  مره  قولتي ان هيثم بيهددك،  ولا  هي  قالت،  يعني  ركزتو مع  عنود  وبس 
شهد=  مانت لغيت  دلوقتي  مش  مصدق،  ولو مطلعش في  حآجه  في  التابلت بردو مش  هتصدق،  عشان  انت غبي ( تتجه لدرج وتخرج منه دفتر  سمر)  من فتره صغيره  جت تبكي  وتقولي  خايفه  لو عرف قلبه يتكسر وقعدت تعيط زي الهبلة ( تعطيه الدفتر)  شوف  كاتبة  عنك ايه وهتفهم انك  انت واطي وندل  
( يأخذه منها ويفتحه ليجد  بعض الصفحات مكتوب فيها  أشياء  عن أشخاص  اخرين  ليقلب الصفحات  حتى  وجد الزهره التي  رماها عليها  واسفلها اسطر خاصه بالساكن الجديد  تصفه فيهم  بأنه مجنون، ليبتسم وسط دموعه ويقلب الصفحات،  ليجدها  تمدح بالساكن  الجديد،  وفي  صفحه  اخرى تصف غضبها منه هو  بسبب فشله وعدم تحمله للمسؤليه،..  واخرى تصف شعورها بالاشتياق لرؤية الساكن الجديد.. وبعدها تصف شعورها  عندما علمت انه هو نفسه عمر وانها ستحتفظ بما تشعر به بداخلها لكي لا تفسد حياته.. وصفحه اخرى  تتحدث عن شعورها  عندما قابل اعترافها بالرفض  مع التماس العذر له لأنها  تفهمه... واخرى عندما علمت بخيانة عنود وقتل ياسين..   واخرى تتحدث عن  خوفها بأن يعرف ف يُكسر قلبه  ،  واخرها تصف شعورها  وهي  ذاهبه إليه لبيته،... وبعدها  يجد الصفحات  فارغه ليغلق الدفتر وينظر  إليها  ليبكي بدون  صوت  وجسده يهتز ليطول بكائه وهو يمسح وجهه  بذراعه حتي سكن قليلآ، ثم يترك الدفتر وينهض لتقف شهد  بوجهه)

شهد= روحت  طلقتها ولا  لسه 
يمسح  وجهه = وسعي ( ابعدها  وذهب من عندهم  واتجه لمنزله  ليبحث عن  عنود حتى  وجدها بالمطبخ ليأتي من الخلف  ويحتضنها لتستدير إليه) 
عنود = حبيبي 
عمر = وحشتيني اووي 
عنود = زعلانه منك 
عمر = ليه
عنود= بتتخانق  ليه
عمر= وانتي  عرفتي  منين 
عنود = نزلت اشتري حاجه ف سمعت  الناس بتتكلم
عمر= اه، اتخانقت مع الولد الصايع اللي ماشي مع شهد، بوظو سمعت العمارة هما الاتنين
عنود= اه صح... طيب وخدتها وروحت فين
عمر= وعرفتي منين دي كمان
عنود= الناس بتتكلم تحت
عمر=ااه.. لا اصل اختها ليها فلوس في المحل اللي كنا شغالين فيه، ف قالتلي اوريهولها علشان تجيبلها علاج
عنود= اه... مفهاش حآجه
عمر بإبتسامه= انتي حلوه اوي النهارده
عنود تشك بالامر= النهارده بس
عمر= كل يوم بس النهارده حاسس اني بحبك من اول وجديد
عنود= اشمعنا 
عمر= ايه هو اللي اشمعنا بحبك فيها ايه دي
عنود= حبيبي وانا كمان بحبك
عمر= يعني مش ممكن تزعلي منى في يوم
عنود بشك= هو في ايه
عمر= اصل بصراحه،( يتنهد ويتابع) سمر وشهد حاولو يشككوني فيكى وانا للأسف صدقتهم بس بعدين فهمت انهم بيكدبو عليه علشان اتجوزها واسيبك 
عنود تبتعد عنه= يعني انت شكيت فيه
عمر= وكنت هتجوزها عليكي... سامحيني هما قدرو يشككوني فيكي ولسه بيحاولو،.. لكن انا مستحيل أصدق مهما يقولو 
عنود= ازاي بيحاولو ما انا سمعت ان سمر تعبت تاني
عمر= اختها بتقول انها شافتك ومعرفش ايه،.. بس كدابه انا سمعتها بتكلم هيثم وشوفت دخوله طول الوقت عندها.. هي بتحاول تعمل كده علشان تشوه سمعتك وصورتك قدامي
عنود= تلاقيها بتقول كده علشان شوفتهم مع بعض، استغفر الله العظيم ربنا يسترنا ملناش دعوه بحد 
عمر يعانقها= حبيبتي امين يارب( قالها ليضم فمه وينظر لها بطرف عين)

ـــــــــــــــــــــــــــــــــــــــــــــــــــ
« منزل ضياء»

كانت تنتظره وعند سماعها طرق الباب، تبتسم و تذهب لتفتح ولكن تسأل من؟ وعندما يُجيبها تفتح وهي مبتسمه لتتلاشا ابتسامتها عندما ترا حسام لتتراجع للخلف 

ضياء= متخافيش هو جاي يسمع منك ( قالها ليدخل ثلاثتهما)
حسام= الكلام اللي قالوه صحيح
نانسى تدمع= انت مش هتصدقني مهما اقولك
حسام يجمع حروفه= بس انتي ولا مره قولتي انك شوفتيها مع عادل 
نانسى تبكي= مكنتش هتصدقني هي بتقدر تضحك عليك
حسام يدمع= عاوز اتكلم معاها شويه لوحدنا 
نانسى تأوم نافيه وهي تبكي= لا انت عاوز تموتني
مازن= متخافيش 
نانسي ببكاء= لأ
حسام= انا لو عاوز اقتلك مش هحايلك، اتفضلي
( تتطلع لضياء ليأوم لها لتمسح دموعها  وتتجه لداخل وحسام  يذهب خلفها)

مازن بخيبه= شوفت مراحتش غير لما انت بصتلها ازاي
ضياء= لا هي راحت لوحدها،.. مازن نضف مخك شويه 
مازن بعبس= حاضر
ضياء= انا هسافر ومش هتحتاج تقلق مني تانى
مازن= هتسافر عشان متحسسنيش بحاجه يعنى..  انت كده بتشككني أكتر
ضياء= اعملك ايه تانى علشان تطمن اني مش هحاول اخدها منك...انتحر طيب
مازن بتذمر= انا عارف انك مش هتفكر تاخدها،.. وعارف كمان انك  بتعاملها وحش علشان محسش بحاجه... اطمن يا صاحبي عارف انك مش هتخوني
ضياء= علشان متحسش بأيه؟!..
 قصدك ايه
مازن= عشان محسش انك بتحبها
ضياء= انت باين عليك مخك ضرب... قولتلك خمسين مره انا مش بتاع الكلام ده.. ولو قولت في الاول  اوقعها.. ف ده مش معناه اني اتجنن زيك واحب... وانا قولتلك هسافر علشان تطمن،.. اعمل ايه تاني
مازن= انت فاكرني هزعل واقطع معاك.. لا ياحبيبي انت مغلطتش ( ينظر حوله بقهر) مش انت لوحدك اللى حبيتها هي كمان باين عليها بتحبك،.. بكون واقف قدامها وهي تبصلك انت ( يدمع ويتابع) انت كان عندك حق، الحب بيزل ( يتابع ) بس انا مش زعلان والله، انتو لايقين على بعض 
ضياء= ياااحمار انت مش فاهم حآجه.. انت عارف اني مليش في الكلام ده.. وهي بتبصلي علشان كنا صحاب دي الحكاية( يتابع) وانا هسافر واشتغل مع بابا ونشيل ده من ده.، وانت تطلب ايدها من اخوها.... ماشي يا مازن

« بالغرفه»

يحرك راسه وهو يبكي =  اذا كانت قالت اخوكي معيوب ف انتى مبتكدبيش.. بس انا قولتلها اطلقك هي رفضت.. لكن انتي غلطانه كان لازم تقوليلي، ولا كان عاجبك شكلي وانا بقرون قدامك
نانسي ببكاء= انت مكنتش هتصدقني.. كنت بتكرهني ولما تشوفني كانك شوفت عذرائيل، ومكنش عندي دليل 
حسام يمسح وجهه ويأوم ايجابآ= صح بس هي السبب، ورحمة امي لا هخلصلك حقك وحقي 
نانسى= هتعمل إيه يا حسام؟!
حسام= هقولك بعدين بس انتي هتقعدي هنا الليلة، وبكره هاجي اخدك، ابوكي مش بيبطل عياط عشانك
نانسى تبكي= اوعا تعمل حآجه غلط، مشيها وبس 
حسام= طبعا همشيها، مينفعش تقعد تانى ياختي
نانسى= حسام وحيات بابا متعملش حآجه من اللي بتفكر فيها
حسام= مفكرتش في حآجه لسه.. يلا همشي وهاخد الولدين دول ومتفتحيش لحد 
نانسى= اروح معاك
حسام= لا النهارده باتي هنا وبكره هاجي اخدك
نانسى= ليه بكره
حسام= هو كده اسمعي الكلام( يفكر لحظه) اديني رقمك 
نانسى= ليه
حسام بزهق= اديني رقمك
نانسى= هات اكتبهولك 
حسام= خدي ( تأخذه منه وتكتب رقمها ثم تعطيه له)
حسام= قبل ما امشي... مين فيهم عاوز يتجوزك 
نانسي تشرد= مش موافقه عليه،.. تنتهي المشكله وهبعد عنهم
حسام= ليه
نانسى= كده مش عايزة اتجوز
حسام= ماشي بس هما الاتنين باين عليهم جدعان 
نانسى= صح
حسام= إيه الحكاية فهميني 
نانسى= مفيش حآجه، بس محدش فيهم هينفع
حسام= طيب، خلي بالك من نفسك

( خرجو من الغرفة ليجدوهم يجلسون كل واحد في جهه وعندما يروه ينهضو ويذهبو خلفه، وبعد وقت تفتح هاتفها وتدخل محادثه ضياء لتجده قام بحظرها)

ـــــــــــــــــــــــــــــــــــــــــــــــــــ 
« منزل توفيق»

عادت من المستشفى مُتعبه لتدخل الغرفه وترتمي على السرير بالعرض وبسرعة  تغفو في  نوم عميق،  ليدخل  هو  بعد  وقت  ويجدها هكذا،  ليتقدم نحوها ويجلس جانبها، ينظر إليها ثم يلمس جبهتها ويجد حرارتها طبيعية ثم ينزل وينزع نعليها،  ويعدلها على  السرير لتفتح عينيها وتجده يريحها ويده اسفل رأسها وعندما تراه  تبتسم بخفه وجفونها مازالت ثقيلة وتقاوم النوم وتنظر إليه، ليتطلع إليها بتأمل حتى رفعت يدها تلمس وجهه ليدور برأسه  قليلآ  ويقبل باطن يدها ثم يتحسس وجهها  بيده، وهو مبتسم بخفه، حتى اغمضت عينيها  وغفت مره  أخرى  ليبتسم  ثم  يريح رأسها وينهض، ثم يتجه لخارج الغرفة ويجد عمر خارج  من غرفة  والده 

سعد  بإبتسامة= جيت  امتي
عمر = من دقيقتين،  عامل  ايه 
سعد = تمام،  تعاله  نقعد  وطمني عليك  
عمر = عاوز تطمن عليا  بجد يا سعد 
سعد= طبعاً ياحبيبي،  مالك؟! 
عمر = ولا  حآجه...  انا همشي  بقا 
سعد يوقفه= تعاله اقعد بس  تعاله  عاوزك 
عمر بضيقه = ابعد  عني...  متعملش انك مهتم بيه  اوي كده  
سعد باستنكار= مالك يابني في ايه هو انا كلمتك 
عمر بتذمر= ماهي  دي المشكله مبتكلمنيش كلكم اعتبرتوني ميت،  ماما لو افتكرت تتصل بيه ف بتتصل كل فين،  وبابا انا  اللي  بتصل بيه...  كأن مفيش حد  اسمه عُمر في حياتكم،  انتو ارتاحتو مني 
فاطمه تاتي بالقهوة = القهوة يا عمر 
يضربها بيده لتقع على الأرض = اشربوها انتو، مش عاوز منكم حآجه
فاطمه بصدمه= في ايه
سعد يمسكه = اهدا....  احنا مش نسينك بس كل واحد عنده حياته انت متعرفش اللي بنمر بيه 
عمر بانفعال = كل واحد ليه حياته  صح،..  لا انا  اعرف  مالكم ولا  انتو عارفين  مالي،  بس الفرق ان الاتنين  واقفين معاك  انت وانا ولا علي بالهم...  موت،  عيشت،  داستني عربيه محدش  يهمه 
فاطمه = ياحبيبي انت اللي  اخترت،  واحنا  والله قلبنا واجعنا عليك بس بنقسا علشان تتعود علي تحمل المسؤولية 
عمر بانفعال = واتصالكم بيه ولا  سؤلكم هيبوظني ويخليني متحملش مسؤولية...  انا  مش  عاوز فلوس منكم....  كل اللي كنت عاوزة اني محسش اني مليش قيمة عندكم بشكل ده ( يتذكر سمر ليختنق صوته وتدمع عينيه)  سهله اوي،  انا هرتاح واريحكم 
فاطمه تدمع = ياحبيبي احنا بنحبك والله 
سعد ينظر ليده الذي يخفيها خلفه= تريحنا ازاي،  ايه اللي مخبيه ده
عمر بحده = ميخصكش 
يقترب منه ويمسك يده = وريني 
عمر يبعده= انت مالك مش عاوزك تشوف 
(يمسك يده بالقوه ليجد بها مسدس والده لتتسع عينيه بصدمه) 
سعد = هتعمل إيه 
عمر يشد يده = ملكش دعوه 
فاطمه تضرب علي وجهها= يا مصيبتي،  هتعمل إيه بالمسدس 
عمر يرميه علي الحائط بغضب= اهو  خدوه ( قالها وذهب ليلحق به سعد)  سيبني يا سعد 
سعد = عمر،  اهدا وقول في ايه... اهداااا 
عمر يدفعه بغضب = ملكمش دعوه ( قالها وخرج واغلق الباب ليذهب سعد خلفه ويجده تبخر،  ليخرج لشارع ركض وينظر هنا  وهناك ولا يجده ثم يخرج هاتفه ويتصل به وهو يغلق،  ثم يعود للمنزل ويجد فاطمه تدور حول نفسها  بقلق حتى دخل لتركض نحوه) 
فاطمه = فين اخوك 
سعد = ملقتهوش خالص اختفا 
فاطمه = يامصيبتي الواد عاوز يعمل ايه بالمسدس
سعد = تعرفي  عنوان بيته 
فاطمه = لأ  لا،  وبعدين يا سعد 
سعد = مش  عارف...  المشكله  مش عارفين هو كان عاوز يعمل ايه بالمسدس 
فاطمه = يكون عنقود عملت مصيبه
سعد = عنقود ايه بس يا ماما...  طيب اتصل ب بابا اقوله ولا اعمل ايه 
فاطمه = ايوه لازم كلمه بسرعه 

ـــــــــــــــــــــــــــــــــــــــــــــــــــ 

تتحدث بالهاتف 

عنود= طلع عندك حق البت تعرف حآجه وبتلمح لعمر تانى 
هيثم = مش قولتلك 
عنود = طيب نعرف ايه الحاجه دي،.. بكره تزود العيار شويه 
هيثم = ازود العيار ازاي اختها في البيت 
عنود= تجيبها هنا 
هيثم = دا انتي  ناويتي تكشفي نفسك بقا 
عنود = هي كده كده عارفه ف هاتها ونشوف،  ( تنفخ ثم تتابع)  ولو حصلت.. تلحق اخوها ونرتاح 
هيثم= انا بقول كده هي لو ماتت هنرتاح واهي اختها شكلها اتشلت وخبر شهد هيخلص عليها 
عنود = نشوف الاول عندها ايه ونحكم تموت ولا نعمل حآجه تسكتها 
هيثم = حآجه ايه اللي تسكتها دي مخافتش مني 
عنود = اقولك لما تيجي 
هيثم = بتفكري في ايه 
عنود = ههههه امممم 
هيثم = يخربيت اللي رباكي،  دي مهما كانت عيله ازاي ده 
عنود = وانت بتعتق،  وبعدين مش اكيد ده اقتراح بس 
هيثم = ومااالو ميضرش البت بردو رويانه وشكلها حلو 
عنود = طيب خلص روح هاتها قبل ما يجي عمر 
هيثم = انتي هبله،  عاوزاني اجيبها دلوقتي ويطب علينا،  خليها الصبح لما يروح الشغل 
عنود= مش مشكله 
هيثم = طيب مش ناويه تقوليلي ابن مين 
عنود = ابن عمر انا وهو كنا مع بعض قبل الجواز 
هيثم = وااالهي امال ايه عملت عمليه علشان ميعرفش دي
عنود بغيظ = انت مش بتقول حتى لو مني مش عاوزه بتحكي في ايه 
هيثم = ماهو لو ابني مش هينفع اتنين مليون بس.. دا انا هسبلك ضنايا...  خمسه مليون واسكوت،  وانتي غنيه وابوه اغنا مش هيأثر عليكم في حآجه 
عنود بغيظ = الله  يلعنك غور 
هيثم = خمسسسسه 
عنود = طيب ماشي هشوف هقدر اجمع المبلغ ده كلو ولا لأ 

تعليقات



حجم الخط
+
16
-
تباعد السطور
+
2
-