وانا اول لما لقيته ضربني قولت
شيماء
والله يا حسين ما هسكت علي اللي انت
عملته ده وهرضلك القلم ده 10
حسين
فين جوزك ،. بعدها زهقني ودخل الاوضه
ومراد قالو
مراد
في حد يدخل بالطريقه دي برده وانت عايز ايه مني جاي ليه
حسين
هو انت ايه معندكش قلب ازاي تعمل اللي انت عملته ده تعمل فرحك في الشارع ومش هان
عليك تعرف امك
مراد
امي مين اللي كانت رافضه تديني فلوسي كل ده ليه علشان غيرت الذهب وجبت الذهب اللي على مزاجك مراتي
حسين
فوق لنفسك بقى يا شيماء مش بتحبك ولا عمرها فكرت فيك اساسا ،وبعدها
انا دخلت وقولت ليه
شيماء
امشي اطلع بره انت جاي تفرق بيني وبين جوزي ولا ايه سبونا في حالنا بقي حرام عليكم
حسين
ماشي مبروك يا عريس بس احب اعرفك ان امك
جت ليها جلطه ، وبعدها نزل ومراد
كان خارج من الاوضه وانا قولت
شيماء
رايح فين يا مراد هو انت مصدق الكلام ده برده دي تمثيليه هم عاملينها عليك علشان تسيبني مش عارفه ليه هما صعبان عليهم ان يكون فرحانه ومبسوطه اه يايني يا شيماء
ياللي ملكيش حظ ابدا
مراد
طب اهدي بس يا حبيبتي انا مش هسيبك انا كنت عايز بس انزل ابص على امي واطلع على طول
شيماء
انا عارفه انك لو نزلت مش هتطلع ليا
تاني وانا عمري ما هسيبك تروح مني انا بحبك اوي وبعدها اقعدت علي السرير وطفت الاباجوره
وعدا كام شهر واحنا كنا عايشين في حالنا
مش بننزل تحت خالص وفي شقه عمتي
كانت قاعده علي السرير ودخل ليها
حسين
حسين
عامله ايه دلوقتي يا ست الكل الله ده انتي وشك نور اهو يلا يا ستي قومي اتحركي بقى ولا انتي عايزه تعرفي غلاوتك عندنا شويه كمان
الام
حبيبي يا حسين ربنا يخليك ليا يا قلبي وما يحرمني منك ابدا والله نفسي امشي على رجلي تاني
حسين
ما انت لازم بقى تقومي وتمشي على رجلك بصراحه كده انا شوفت واحده بنت حلال وعايزك تروحي وتخطبيها ليه
الام
اي ده هو انت كمان ناوي تسبني
انا بصراحه مش هقدر اعيش من غيرك
حسين
اسيبك واروح فين بس دنيا والله يا امي طيبه جدا موافقه تعيش معاكي هنا في الشقه
الام
ربنا يصلحلك حالك يا ابني ويوفقك يارب هو مراد ما نزلش من فوق خالص
حسين
مين قالك ده كل يوم بينزل وانا بقوله امشي هيطلع بره مش هتشوف امك مش بالسهال كده يامامت ان هو يدخللك ويشوفك ثاني
الام
لبس كده يا حسين حرام عليك ده انا هموت واشوفه يا ابني
حسين
يا امي لازم يعرف إن الحركه اللي عملها
دي غلط ومتنفعش المهم انا كلمت ابو دنيا وعرفته كل ظروفك وبصراحه الراجل مرحب جدا
بموضوع جوازي من بنته
الام
والله يا حبيبي كان نفسي اقدر اقف على رجلي وكنت هاجي معاك ونخطبها
حسين
حبيبتي يا ست الكل ربنا يخليكي لينا يا رب، وفعلا
عدا كام شهر ولقيت ناس طالعه بعفش
جديد ودخلت شقتي وقولت ل مراد
شيماء
دي امك اللي بيقولوا عليها تعبانه دي عمالين يبيضوا الشقه وجايبين عفش جديد وعايشين حياتهم على الاخر يعني
مراد
اشمعنا يعني بيبيضوا الشقه دلوقتي ما نايمه اتحايلت على امي مبيضه وما كانتش بتوافق
شيماء
عشان تعرف يا حبيبي ان كل اللي كانوا بيقولوا عليه ده كان كذبه علشان خاطر تطلقني وتبعد عني
مراد
بس انا برده صعبان عليا يا شيماء ان احنا في بيت واحد ومش بنسال على بعض خالص
شيماء
يعني انت عايزهم هما وتخسرني انا معقوله يا مراد اهون عليك كده مع اني كنت قايله انا هقولك على خبر حلو النهارده ، انا حامل
يا مراد , وبعدها مراد قال
مراد
بجد معقول انتي بتتكلمي بجد مش مصدق
انا هكون اب مش عايزك تعملي حاجه
بقي من هنا ورايح خالص
شيماء
معقول فرحان اوي كده يا مراد ربنا يخليك
ليا يا حبيبي ، وبعدها بشهرين اتجوز
حسين واول لما دخل الشقه قال لمراته
حسين
الف مبروك يا حبيبتي بجد متعرفيش أنا فرحان
ازاي والله ربنا يخليكي ليا
دنيا
ويخليك ليا يا حبيبي بس كل ده سايبني
وافقه تحت لوحدي
حسين
كنت عايز انزل اطلعك وكنت لازم اطلع
ماما الاول يا حبيبتي دنيا انا ماما دي
رقم واحد في حياتي
دنيا
وانا والله يا حسين هشيلها في عيوني من جوه
ربنا يعلم انا حبيتها ازاي
حسين
طيب تعالي ندخل نسلم عليها بقي قبل
ما ندخل اوضتنا وفعلا دخلوا وناديه قالت
ناديه
ايه ده هو انتوا لسه هنا ما دخلتوش اوضتكم ليه
دنيا
جينا نسلم على ماما بقى حبيبتي يا ماما ربنا
يخليكي لينا
الام
ويخليكي يا حبيبتي واضح انك طيبه وبنت حلال قوي يلا يا حسين خد عروستك وادخل
بقي
حسين
تمام يا ماما تصبحي علي خير ، وبعدها
دخلوا ودنيا قالت
دنيا
امال فين اخوك مراد اللي قولت ليا عليه وزي ميجيش يحضر فرحك
حسين
اسمعيني كويس يا دنيا انا مش عايز يكون ليكي علاقه بيهم خالص هما ساكنين في الشقه اللي فوق مننا بس هما في حالهم واحنا في حالنا
دنيا
انت تؤمرني يا حبيبي والله حاضر هعملك اللي انت عايزو ، وعدا كام 9شهور وفي يوم صحيت
تعبانه اوي وكان مراد بايت في الشغل وعامله
اتصل بيه وكان تلفونه مقفول وحاولت أنزل
وانا تعبانه وفتحت دنيا الباب
دنيا
ايه ده في ايه مالك شكلك تعبان قوي طيب بتحبي اساعدك في اي حاجه
شيماء
اه شكلي بولد مش قادره تعبانه اوي وعلشان
كنت تعبانه كنت مش مركزه ودنيا قالت
دنيا
تعالي معايا ادخلي جوه وانا اطلبلك دكتور
وفعلا جه الدكتور وولدت وجه مراد
مراد
الف حمد لله على سلامتك يا حبيبتي قولتلك بلاش اروح الشغل بالليل اليومين دول
شيماء
حسابك معايا بعدين على تليفونك المقفول ده اتفضل يلا تطلعني شقتي ،. ناديه
دخلت وقالت
ناديه
اجيب ابنك يا مراد امك عايزه تشوفه وانت عارف ان هي مش هتقدرش تدخل الاوضه هنا
وفي الوقت ده انا قولت
شيماء
مش هيشوف ابني وعلى فكره مكنتش عايزه ادخل الشقه هنا لولا البنت دي اللي دخلتني وانتي تطلعي مين
دنيا
سيبك مني انا بتقولك جدته عايزه تشوفه
خليها تشوفه
شيماء
طلعني شقتي يا مراد حالا ،. فعلا طلعت
وبعدها دخلت ناديه الاوضه عند امها
ناديه
معلش يا ماما الولد شكله تعبان شويه ولازم يودوه المستشفى ماما ماما مالك انتي نمتي ولا ايه الحقني يا دنيا ماما ماتت