الفصل الاول1
بقلم سلمي ابرهيم
كانت قاعده ياسمين في اوضتها جالها تيلفون وردت..الو
عايده..لو عاوزه تشوفي خطيبك عادل وهو معايا فشقتي وفحضني دلوقتي تعاليلي عالعنوان دا****
ياسمين بعدم تصديق..انتي بتقولي اي
عايده..تعالي ونتي تشوفي وهسيبلك باب الشقه موارب عشان تدخلي علطول...سلام ..وقفلت
فضلت ياسمين قاعده مش مصدقه وبتقول لنفسها ..اكيد لا عادل بيحبني وعمره ما يعمل فيا كدا ..ودماغها تجيب وتودي وتقول طب هي مين البنت دي وهتقولي كدا لي ....خرجت من اوضتها لقت اخوها قاعد برا
ياسمين بتوتر..حسام...هي ماما وبابا فين
حسام..خرجو من شويه...مالك في اي
ياسمين بتوتر.،حسام..في وحده لسه قافله معايا وبتقولي لو عاوزه تشوفي خطيبك وهو فحضني تعالي وادتني العنوان
حسام بقلق..انتي بتتكلمي بجد....طب تعالي نروح
ياسمين ..لا لا طبعا...عادل مستحيل يعمل كدا ...اي دا ازاي افكر في كدا
حسام..خلاص براحتك ....زاد القلق جواها ومش قادره تقعد ...
ياسمين..طب...طب تعالي نروح...هو نا عارفه انو عمره ما يعمل كدا بس عشان اطمن .....وف الاخر دخلت لبست وجهزت هي واخوها ونزلو ركبو العربيه وكان جواها احساس انها مروعبه ان يكون كلام البنت دي صح لأنها بتحبو جدا وهو كمان المفروض بيحبها ..فاقت اول ما اخوها وقف العربيه وقالها..انزلي ...نزلت وهي خطوتها بطيئه جدا وهو كان لسه بيقفل العربيه وهي باصه ع العماره كدا برعب وقلق ..حط ايده حسام علي كتفها واتخضت وقالها..مالك يبنتي ..خايفه اوي كدا لي..
ياسمين بتوتر..م....متيجي نمشي اكيد يعني عادل مش هيعمل فيا كدا
حسام بهدوء..احنا جينا خلاص...متخافيش يلا نطلع .....وطلعو هما الاتنين ولقت فعلا الباب موراب ودخلت وهي ماسكه فاخوها واول ما دخلو سمعو صوت ضحك البنت بطريقه قذ*ره ضربات قلبها زادت اكتر ومشيو تبع الصوت وفتح حسام باب الاوضه وشافو المنظر ..لقو البنت نايمه في حضن عادل وقالع*ين هدومهم...قامت البنت بسرعه لبست وهو كمان لبس ...ومسكه حسام وفضل يضرب فيه..أما ياسمين واقفه مش مصدقه عيونها ازاي يعمل فيها كدا مخطوبين بقالهم اكتر من سنتين وفرحهم كمان شهر واحد بس اول ما شافته راحت كل أحلامها معاه ...حطت ايديها علي وشها ودموعها نزلت ولقت اخوها بيضرب عادل اوي فراحت وهي منهاره من العياط شدت اخوها عنو
ياسمين بصراخ..باااس..متوديش نفسك فداهيه عشان الزبا*له دا
حسام بعصبيه..تعمل كدا فاختي انا يااض...وحيات امك لاروقك....
قربت عليه ياسمين ومسكته من لياقت قميصه وفضلت تضرب في صدرو بصراخ..عملت فيا كدا لي ..منك لله يك*لب...منك لله...اتف*و عليك ..كان باصص عادل في الأرض ومش عارف يرد يقول اي شدها حسام بعيد عنو واتكلم بتحذير..
حسام..اقسم بالله لو قربت من اختي تاني لاقت*لك انت واللي يتشددلك ..وتيجي تاخد كل حاجتك مش عاوزين حاجه منك يرخ*يص ..يلا يحبيبتي...يلا نمشي من البيت الن*جس دا ....واخدها وكانت هي في دنيا تانيه عماله تعيط ومقهوره جدا
كانو راكبين العربيه وهي قاعده مصدومه ومش قادره تفوق من صدمتها ودموعها نازله فشافها حسام
حسام..اوعي تنزلي دمعه واحده عالزبا*له دا ...والله ميستاهلكيش ولا حتي انك تزعلي عليه..انا حذرتك منو ف الاول بس انتي وقفتي قصادنا كلنا
فضلت ساكته ومش قادره تتكلم ومش سامعه كلام اخوها اصلا وحاسه انها تايها او انها بتحلم ..مستحيل دا يكون
حقيقه...وصلو البيت وكانت ابوهم وامهم قاعدين دخلت ياسمين وهي باصه في الأرض بصدمه ع الاوضه علطول ومش بترد علي اي حد وقفلت باب الاوضه علي نفسها وسمعت اخوها وهو بيتكلم معاهم وبيقولهم اللي حصل وحطت ايديها علي ودانها مش عاوزه تسمع اي حاجه عن الموضوع تاني وقامت فضلت تخبط فالسرير بقهره وعياط شديد وبتقول..ليييي..لي يعادل لييي.انا حاربتهم كلهم عشانك....منك لله..فضلو يخبطو عليها لكنها مفتحتش وقالتلهم بصراخ..سيبوووني فحالي ..سيبوووني....وسابوها تهدي شويه وفصلت تعيط لحد ما تعبت ونامت ..صحيت الصبح علي صوت خبط الباب وكانت صاحبها مريم قامت فتحتلها باب الاوضه .ودخل مريم وقعدت تواسيها شويه وهي ولا سامعاها اصلا وبتهز دماغها وبس وبعد كدا سمعت صوت جرس البيت بيرن وحد فتح وسمعت صوت عادل برا
عادل..هي فين ياسمين
حسام بعصبيه..بتسال عليها لي تاني ياض...عاوزني اقت*لك
خرجت ياسمين وهي بتحاول تكون واثقه من نفسها وبارده..استني ياحسام انت....عاوز اي يعادل
عادل ..ياسمين اللي انتي بتعملي دا مينفعش كلنا بنغلط يعني ونتي لسه بتحبيني ...تعالي نرجع
ياسمين ببرود...ماما...لو سمحتي ادخلي هاتيلو حاجتو من جوا وارميهالو...عشان شكلو كدا بيحلم اننا ممكن نرجع
عادل..ياسمين سامحيني انا بحبك
ياسمين بعصبيه..اوعي اسمعك بتجيب سيرتي علي لسانك القذ*ر دا تاني ..اللي ميعرفش الا الكذب وبس ...جابت امها الحاجه قامت رمتها فوشه وكملت..اطلع برا يلا ...مسكه حسام وزق*و ..اطلع برا ..وقفل الباب في وشه ....اول ما خرج حست انها مش قادره تقف علي رجليها واغم عليها ..اتلم البيت كلو عليها وشالوها حطوها عالسرير وجابولها دكتوره وادتها حقنه وخرجت قالتلهم عندها اكتئاب..لازم لو في حاجه مضايقاها من مكان تغيرو ...عن اذنكم
حسام..وبعدين يجماعه الزفت دا ساكن في الشقه اللي قصادنا...هنسيبها كدا
الام..انا هتصرف يبني متشيلش هم....عدي اسبوع ع الكلام دا وياسمين ديما منعزله في اوضتها مش بتتكلم مع حد ومش بتاكل كويس ..دخلت لها امها ومعاها صنيه اكل...انا قولت اجيبلك حاجه تاكليها يحبيبتي
ياسمين..مليش نفس
الام..لي بس يحبيبتي....متوجعيش قلبي بقا ...مردتش عليها ياسمين...
الام..طب بصي...انتي طبعا عارفه ان خالك ساب اسكندرية من سنين واخد ولاده وراح عاش القاهره بعد ما مراتو اتوفت..اي رايك تروحي تقعدي معاهم شهر أو اتنين براحتك لحد ما تريحي أعصابك شويه ......
انتبهت ياسمين لكلامهم وبدأت تقتنع وفي النهايه وافقت ..وجه معاد اللي هتسافر فيه خرجت هي واخوها عشان يوصلها لمحطه القطر وخرجو من العماره لقت عادل ماسك في ايد بنت وبيقولها..اطلعي يحبيبتي عند حماتك......اتغاظت ياسمين جدا وعرفت اد اي هو فعلا انسان مش كويس واخوها كان عندو حق ......وصلت محطة القطر واخوها قالها..ياسمين انا عارف انك قويه ..حاولي تستجمي شويه وتنسي وخلي بالك من نفسك
هزت راسها ياسمين بدون كلام واخدها في حضنه وبعدين سابته وركبت القطر ...فضلت ساكته وباين علي وشها آثار
الصدمه ومش قادره تخرج من اللي هي فيه ...وصلت للقاهره والمفروض ابن عمها مستنيها عشان ياخدها البيت لقت رقم غريب بيرن عليها ردت وكان ابن خالها
عمر..الو ...اذيك يياسمين..انا عمر ابن خالك
ياسمين..اه...اه...انت فين
عمر...انا برا المحطه اخرجي هتلاقيني ..خرجت فعلا ولقته واقف برا وكانت ماشيه براحه جدا فزهق عليها اول ما وصلت
عمر بعصبيه..اي دا كلو متخلصي
ياسمين..انت بتزعق لي براحه علي نفسك
عمر ببرود..اسفين ياست الهانم...اركبي اخلصي
ياسمين بزعيق..هو نت بتتكلم كدا لي ما تحترم نفسك
حاول يهدي عمر..ممكن تركبي....بصتله ياسمين نظره غير مفهومه وركبت العربيه ورز*عت الباب
عمر..براحه يا انسه...بصتله بقرف ومردتش لانها مش قادره اصلا...وصلو البيت وكان عباره عن فيلا جميله جدا وكبيره ..دخلو البيت و..
عمر..اوضتك اللي هناك دي ..وشاورلها...اطلعي بقا ...هزت راسها منغير كلام وهي طالع قابلت شهد اخت عمر وهي أصغر منها بسنتين
شهد بتناكه.. اهلا ياسمين...اتفضلي
ياسمين..شكرا يشهد ....ابتسمت شهد ابتسامه صفرا وسابتها ونزلت ...قالت ياسمين لنفسها..مالها دي ..وطلعت الاوضه ورتبت حاجتها وفضلت طول اليوم في الاوضه ...وبعدين الساعه 12 بليل تقريبا سمعت صوت ضرب نار تحت ..نزلت بسرعه و...