رواية هدايه البدر
الفصل الرابع4
بقلم رنووشه
الحقنا يا استاذ كريم الشقه بتولع وامي واخواتي فوق
كريم طلع يجري علي السلم وصحابه سمعوا اللي قالته نهاد وطلعوا يجروا وراه علي الشقه
كريم مكانش شايف حاجه من الدخان فضل يكح وبيحاول يمشي علي صوت الصويت : ام احمد انتو بخير حد فيكم اتأذي
ام احمد من المطبخ بتتكلم بحرقه:الحقنا الله يباركلك يابني احمد مش كويس
كان جاي من المطبخ صوت طفل بيتوجع
كريم بصوت عالي:بدر تعالي معايا والباقيين يفضلوا هنا اللي يطلع تاخدوه برا الشقه
دخل بدر و كريم بحذر لأن المكان كله نار وطلعوا ام احمد واحمد والبنات كانوا قاعدين اخر المطبخ معرفش كريم يوصلهم
بدر دخلهم وطلع البنتين والكل خرج من الشقه ماعدا الشباب فضلوا يطفوا النار في الشقه بعد فتره كانوا طفوها بس معظم العفش اتحرق
بدر شال احمد الطفل اللي عنده 10 سنين عشان يوديه المستشفي
ومحمد رن علي اخواته البنات وقالهم انه هيجيب معاه بنات هيفضلوا في البيت معاهم ويخلو بالهم منهم
ام احمد اعترضت:انا مش هروح حته غير اما اطمن علي ابني
محمد :حاضر يا ست الكل هنطمنك علي ابنك بس انتِ دلوقتي لازم تروحي تغيري هدومك وتفضلي مع بناتك لأنهم محتاجينك دلوقتي
باقي الشباب نزلوا علي شقه عادل
كريم كان قاعد باصص قدامه بصمت ملامحه متدلش علي حاجه
عادل قرب منه وحط ايده علي رجل كريم:متقلقش عليها هتبقي بخير ...انت مش بتقول انك لو دعتلها ربنا هيوقف معاها وربنا هيحفظها
كريم هز راسه وسكت
حسين قام وقف ومد ايده لكريم ....كريم بص له بإستغراب
حسين:قوم نصلي وندعيلهم
عماد بحزن:انا زعلان علي الواد ابنك البت سحلاه معاها
جيلان:انا بدأت اشك انها بتحبه بجد
عماد ضحك بستهزاء:هههه تحبه! ده عشان فلوسه ....كان مالها ميران بنت جدعه وعمرها ما تطمع في فلوس
جيلان:عندك حق ...بس اهدي عليه عشان دماغه تلين الواد بقي قالب علينا من وقت ما رفضنا البت يوستينا دي
عماد:طيب
بدر وصل المستشفي وودا احمد اوضه الطوارئ بمساعدة الممرضين ....تليفونه رن وكانت يوستينا ببكاء:بدر انا عايزه اشوفك ضروري
بدر اتخض عليها اول مره يسمعها بتبكي:في ايه يا حبيبتي اهدي انا هجيلك البيت دلوقتي
يوستينا:طيب يلا
دقايق وبدر كان وصل بعربيته بيت يوستينا وامها قامت فتحت له الباب
تارا:عامل ايه يا بدر
بدر:بخير...يوستينا فين
تارا:جوا في اوضتها ادخلها
بدر دخل ليوستينا لقيها حاضنه مخدتها وبتبكي وسرحانه
بدر قلق عليها:مالك في ايه ...بتبكي ومن امبارح مش علي طبيعتك خايفه من ايه
يوستينا:بدر انا قتلت الست اللي كانت في المستشفي
بدر:....