رواية هدايه البدر
الفصل الحادي عشر11
بقلم رنووشه
كانت طرحتها واقعه من علي شعرها ووشها كله بينز'ف دم والبت اللي ببتتخانق معاها هي اللي عملت فيها كده محمد بص حواليه لقي شباب كتير وبنات اكتر واقفين يتفرجوا ومحدش فيهم عايز يتدخل يوقف اللي بيحصل محمد طلع يجري ناحيه سلمي وحط الجاكيت بتاعه علي كتفها والكوفيه بتاعته علي راس البنت واخدها بعيد عن البنت اللي بتتخانق معاها اللي اتغاظت جدا من سلمي وان شاب وسيم زي محمد يجي ويساعدها
محسن راح ورا محمد اللي استغرب صاحبه ازاي محمد عمل كده ازاي محمد يلمس بنت ويقربها منه بالمنظر ده
محمد اخد سلمي بعيد عن التجمع ده اخدها عند الحمامات بتاعت البنات وقالها تدخل جوا الحمام وتقفل علي نفسها وهو هيروح يجيبلها هدوم وهيجي بسرعه ...هي هزت راسها هزه بسيطه بدون ما تتكلم ودخلت الحمام ومحمد طلع برا الكليه محسن شافه وهو بيجري :محمد استني انا جاي معاك
محمد:لا خليك انت هنا ...وبسرعه البرق محمد كان واقف في محل ملابس اسلاميه للبنات راح وطلب من البنت اللي في المحل تجيب ليه طقم كامل ويكون واسع والبنت هزت راسها بإحترام وقالتله:ثواني يا فندم وهجيب لحضرتك اللي طلبته
البنت دخلت شويه وطلعت بالهدوم ومحمد ركب مواصلات ووصل الكليه من تاني وراح عند حمام البنات ومن برا من غير ما يدخل او يبص اتكلم بصوت عالي:احم يا انسه انا اجبتلك اللي قولتلك عليه
خرجت سلمي من الحمام وكان في اكتر من بنت في الحمام واقفين بيحطوا ميك اب واول ما سمعوا صوت شاب خرجوا يشوفوا مين وهما بيبصوا شافوا سلمي وهي خارجه كلهم بصو لبعض وفضلوا يضحكوا عليها
محمد خلاها تقرب واداها الهدوم وبص للبنات واتكلم ببرود:لما يبقي في شويه بنات و شايفين بنت زيهم بتتخانق مع بنت ويفضلوا واقفين يتفرجوا من غير اي تدخل ولا كمان يكونوا مستمتعين وفي النهايه يضحكوا عليها عارفين البنات دول يبقوا ايه...محدش منهم رد ف هو اتكلم :يبقوا بنات مش متربيه ومعندهمش اي اخلاق وكلمه بنات خساره فيهم خساره تعب أمهاتهم فيهم الام وهي شايله في بطنها بنتها وتيجي تشوف نوع الجنين وتعرف انه بنت بتفرح اصل البنت حياء حنان موده طيبه مش غل وكره وحقد وقله تربيه
محمد بص لسلمي:ادخلي الحمام غيري وتعالي انا مستنيكي
دخلت سلمي بهدوء الحمام غيرت هدومها وكان ادناء طويل لونه بترولي وعليه حجاب ابيض طويل وبعد شويه خرجت محمد بصلها بذهول وقالها يلا ومشي وهي مشيت وراه ودخلوا كافتيريا الكليه وقعدوا وهو سألها :ايه سبب اللي حصل
بدر سافر هو وكريم وهدي راحت عند اخوات محمد تقعد معاهم
بدر اول ما وصل رمي نفسه علي السرير عشان ينام لأنه تعب في السفر
كريم بضحك:ايه انت جاي تنام ولا ايه
بدر بتذمر:الله انا تعبان عايز ارتاح شويه كده ونقوم
كريم راح جمب بدر وزقه:اتَخر كده شويه
بدر زاد تذمره:يابني متروح اي اوضه تاني في اوض كتير وكلهم فيهم سراير
كريم ببرود:لا انا قاعد هنا علي قلبك
بدر :صحيح امتي هتروح تخطب البنت اللي بتحبها
كريم ابتسم لما بدر جاب سيره ناهد:خالص هانت الاسبوع ده يخلص و اول ما اروح هخطبها علي طول
بدر ضحك:اخيرا هشوفك عريس
كريم :عقبالك بقي يا ريس
بدر لم ضحكته:لا انا مشواري مطول
كريم عقد حواجبه:مشوارك مطول ليه!
بدر: كريم هو انتو ليه مسلمين ليه اصلا بتعملوا كده بتصلوا وعندكم العباده شئ مهم كده مع ان دينكم بيحكمكم من حاجات كتير ابسط حقوقكم بيخليك متعرفش بنات بيخليك تلبس لبس معين ده حتي البنات مش بيخليها تظهر أنوثتها وتبقي شيك والكل الناس تشوف جمالها وعندكم كل حاجه ليها شروط والست مظلومه في دينكم الراجل بيتجوز اربعه يعني ايه احساس كل واحده فيهم عندكم حاجات كتير غلط زي الاغاني عندكم حرام وان البنت تلبس ضيق حرام البنت محبوسه جوا حاجه عامله زي الخيمه مش مبينه ليها اي تفصيله المفروض انكم عندكم عقل وعارفين الدين الصح
كريم كان بيسمعه وهو مبتسم وفي الاخر قاله بضحك:في حاجه تاني ولا خلصت
بدر:خلصت
كريم بإبتسامه : انت بتقول ليه بتصلي وليه عندكم العباده شئ مهم هو انت مش دينك المفروض تصلي فيه وعندكم عباده
بدر هز راسه وكريم كمل:احنا كلنا مسيحي بمسلم بإختلاف الديانات اتخلقنا لعباده الله الواحد الأحد ربنا اللي خلق وجعلك في أحسن صورة ....وانت بتقولي ليه الشاب ميعرفش بنات في دين الإسلام دين الإسلام اتكلم عن كل حاجه يعني مينفعش الشاب يكلم بنت ومفيش بينهم اي علاقه غير شرعيه عشان لو الشاب او البنت علاقتهم تطورت وبطبيعه الإنسان أن شهوته بتسوقه اكتر ف ممكن يوصلوا لمرحله انهم يز'نوا والز'نا ده من أكبر المعاصي وأمر الله بجلدهم حتي المو'ت لمنع انتشار الفتن وان ميعرفوش مين ابن مين وده ابن مين الناس كانت هتمشي محدش عارف مين ابوه
بدر بعدم فهم:قصدك بالعلاقه الشرعيه خطوبه وجواز؟
كريم هز راسه:العلاقه الشرعيه اللي هي الزواج علي سنه الله ورسوله اما الخطوبه ف ده شئ مش معترف بيه في دين الإسلام ولكن بقا شئ معتاد وهو مش حرام ليه اسباب ممكن يكون حرام زي انهم في الفتره دي يقولوا لبعض كلام حب او اي
تجاوز يمسك ايديها او يخرجوا لوحدهم او يشوف شعرها ...قولتلي ليه البنت بتدفن انوثتها في الإسلام ومش بتظهر جمالها لكل الناس
دلوقتي انت لما تيجي تتجوز هتبقي عايز واحده محدش شاركك فيها بنظره بكلمه بأي حاجه وحشه ف عشان نمنع ده هي لازم تستر نفسها لأن ربنا امر بالستر وان جمالها متظهرهوش غير لزوجها يبقي هو ليه كل حاجه من حقه ده صبر واخدها بالحلال...مش دي حاجه جميله؟
بدر هز راسه
كريم :ليه بقي الاغاني حرام الغاني بتنشر الفتن وبتخليك عايش في خيال تعيشك في حياه انت مش عايش فيها الموسيقي اللي بتشدك ليها كلمات الاغنيه اللي ممكن تبكيك لمجرد انك افتكرت حاجه حزينه الاغاني بتثير شهوتك تجاه الج'نس الاخر....واخر حاجه سألتهاني ليه بقي الإسلام محلل للراجل الزواج بأربع نساء بص دلوقتي الزواج ده ليه شروط كتير ولو الشروط دي اتحققت من حق الزوج انه يتزوج مره تانيه زي ان الست تكون عقيمه ومش بتخلف ده سبب واحد باقي الأسباب تقدر تدور عليها علي النت اجتهد شويه
بدر ابتسم لكريم وكريم قال انه هينام بدر قام قعد علي حيله وجاب اللابتوب بتاعه وقعد يبحث عن دين الإسلام عايز يعرف اكتر واكتر
سلمي:البنت دي اتخانقت معايا بسبب اني بطلع كل سنه الاولي علي الدفعه وبسبب شكلي كانت بتتنمر عليا في الرايحه والجايه
محمد بص قدامه بغموض وقالها متشغليش بالك بيها هي مش هتتعرضلك تاني هي او غيرها
سلمي شكرته واستأذنت ومشيت
عدي الاسبوع وبدر وكريم كانو في طريقهم للرجوع بعد ساعات كان بدر وكريم وصلوا
كريم كان مع بدر ورايحين عند شقه عادل عايز يسلم علي الشباب وبعدها عشان يروح يجيب اخته ويقعد معاها
اول ما وصلوا الحاره كان في انوار كتير بتدل ان في فرح
كريم بضحك:ايه مين بيتجوز ليكون الواد عادل غفلنا وبيتجوز
بدر وكريم قربوا من مكان الفرح وبدر سأل واحد من اللي في الفرح : هو مين اللي بيتجوز
الشاب:دي الاستاذه ناهد بنت ام احمد ودي خطوبتها
كريم اتصدم من اللي سمعه ومصدقش الكلام ده وجري جوا في الفرح عشان يشوف مين العروسه وشاف...