رواية احببت سيدي الفصل الثالث عشر13بقلم منه
ف ڤيلا الرفاعي ...
عند حميده..
حميده اول ما احمد دخل اخد نور ومشى وهي خايفه جدا من اللي هيحصل فيها.. وراحت بسرعه ع الڤيلا جوا..
حامد رجع من عند المحامي..
حامد دخل وشاف حميده باين عليها الخوف والتوتر..
حامد :خايفه كده ليه ي حميده هانم..
حميده كانت قعده اول اما شافت حامد وقفت برجفه..
حامد :خير مالك كده خايفه ليه.. كانك عامله عمله.. ولا قتل،ه قت،يل..
حميده :لا..لا م. مفيش حاجه ..
حامد :اخلصي قولي ي حميده هببتي اي علشان متبقيش ع طبعتك كده..
حميده بتحاول تظهر الثبات:اهو م. مفيش حاجه وانا ع طبيعتي خالص ..
حامد بص ليها بنظرة شك ..وسابها وطلع ع اوضته فوق..
اول ما حامد اتحرك من قدام حميده.. راحت بسرعه قعدت وبتفرك ف ايديها..
_____ف الشركه..
اسماعيل وصل الشركه ودخل المكتب ع طول..
الباب خبط..
اسماعيل :ادخل..
سيف دخل(موظف ف الشركه)..
سيف: استاذ دي الملف اللي حضرتك طلبته مني..
اسماعيل اخد الملف وفتحه وبص فيه بنظره سريعه وقفله..
اسماعيل:تمام.. قول لخالد يجيلي حالا..
سيف :تمام..
سيف خرج واسماعيل بيشتغل ومستني خالد يجي..
_____ف المستشفى..
احمد رد بصدمه: انت بتقولي اي..
نهى بهدوء :زي ما قولت لحضرتگ.. الطفله دي كان ف حد اته.جم عليها بالض،رب..و ده واضح جدا من الكدمات اللي ف وشها وجسمها..
احمد بص ع نور وبعدها غمض عينيه وافتكر لما كانت حميده مع نور وهي فقده الوعي..
احمد فتح عينه بسرعه وقال نفسه: لا..مستحيل امي تعمل كده.لا انا ازاي اصلا افكر فيها كده غبي ي احمد غبي..معقول تكون هي ؟!! ايوه ممكن لانها خطفتها قبل كده واتعاونت مع عصا،به بتشتغل ف تجارة الاعض،اء..ودمعه نزلت من عينه والدكتور واقفه قدامه..
نهى لما شافت دموع احمد قالت لنفسها :وانا اللي كنت مفكره انك اللي ض،ربتها..
واتكلمت بصوت مسموع :ي استاذ .. انت ي استاذ ..
احمد فاق من شروده ع صوت نهى..
احمد :هااا... بعتذر جدا لحضرتك....
نهى :لا ولايهمك ي استاذ .. بس انا هكتبلك ع حبة ادويه تجيبهم و الطفله هتكون هنا لحد اما تتحسن.. واتمنى انك تبلغ الشرطه باللي حصل ده.. لان الطفل حالتها
صعبه جدا وف كسر ف العظام.. بس ان شاء الله هتبقا كويسه .. وكتبت العلاج ف ورقه.. اتفضل حضرتك ده العلاج اللي حضرتك هتجيبه ..
احمد حاسس انه تايه وعايز يصرخ وحاسس ان حياته ملخبطه.. واخد منها الورقه ونزل ركب العربيه علشان يجيب العلاج..
_____ ف الشركه..
خالد راح الشركه وخبط ع مكتب اسماعيل دخل ع طول..
اسماعيل :اهلا تعالى ي خالد ي ابني انا عايزك..
خالد دخل :وانا تحت امرك ي بابا..
اسماعيل :ربنا يصلح حالك ي ابني..
خالد :خير ي بابا ف حاجه..
(خالد بيقول لاسماعيل ي بابا من يوم ما ابو خالد سابهم وسافر واتجوز برا مصر وهما صغيرين)
اسماعيل :كل خير ان شاء الله .. انا بس عايزك تجهز نفسك كمان ساعه تيجي معايا اسكندريه هروح انا بدل احمد .. علشان وصلي اخبار ان ف غلط ف تنفيذ المشروع.. وانا هروح اشرف عليه بنفسي ..
خالد :تمام .. انا هروح اغير كده واجي ع طول..
اسماعيل :تمام وانا هحضر الاجتماع ده تكون انت اجيت..
خالد :تمام ماشي ..
خالد راح ع البيت.. واسماعيل كمل شغل..
___
حامد قعد ع السرير ومرجع راسه لورا وبيعيد حساباته من اول وجديد وكانه شايف دلوقتي قدامه حميده واحده تانيه خالص اول مره يشوفها ... مش
حميده اللي كان بيحبها واتجوزها .. مش حميده اللي كانت عايشه معاه من 24 سنه فاتوا..هي اه كانت بتتعامل ع انها اعلى من الناس كلها لكن مكنتش بتفكر كده.. وقطع تفكيره رنة فونه
وكان الاتصال من احمد..
حامد :الووو.. وواقف بخوف .. نور مالها نور؟!! طب ف مستشفى اي؟!خلاص انا هكون ف المستشفى حالا..
حامد قفل مع احمد وقام بسرعه جهز ونزل راح المستشفى ل نور..
احمد راح جاب علاج نور ورجع المستشفى..
___ ف بيت الحديدي..
خالد راح البيت ولبس و رايح عند الباب علشان يمشي َ..
دعاء :متتاخرش يا خالد.. وخلي بالك من الطريق.. اول ما توصل اتصل عليا..
خالد :اي ي دودو هو انا اول مره اروح .. وحاضر ي حبيبتي اول ما اروح هناك هتصل عليكي.. وباس ع راسها وخرج..
دعاء :استودعتك عند الله ي حبيب قلبي .. وقفلت الباب ودخلت..
خالد راح الشركه اخد اسماعيل وركبوا العربيه وخالد اللي ساق وراحو اسكندريه..
________ف المستشفى..
احمد جاب العلاج وراح عند نور وكانت لسه مافقتش..
الدكتوره نهى اخدت العلاج من احمد ..
احمد :طمنيني مفيش اي تحسن..
نهى : هي كمان ساعه كده وتفوق ..
احمد ساب نهى وقرب من نور قعد جنبها ع السرير وبيفكر يعمل اي علشان يخفف عنها ..
حامد وصل المستشفى وراح عند الاستقبال..
حامد :لو سمحتي..
- اؤمرني حضرتك..
حامد :الامر لله وحده.. بس انا عايز اعرف الطفله نور ف غرفه كام..
- معلش اسمها نور اي؟
حامد :اسمها نور..احمد كان قالي اسمها نور اي ؟؟ ايوه نور عبدالله..
- تمام حضرتك.. هي ف الغرفه (**) ف الدور التاني..
حامد :شكرا لحضرتك.. وراح عند نور ..
حامد خبط وكان الباب مفتوح دخل ع طول وقرب من نور وشاف شكلها اللي كله قطن وشاش ودماغها ملفوفه بالشاش..
حامد :لا حول ولاقوة الابالله العلي العظيم .. اي اللي حصلها علشان يبقا شكلها كده ي احمد..
احمد قام وباين عليه الحزن والارهاق..
احمد :مش عارف بس اللي حصل (وحكاله كل حاجه لما دخل ع نور وشاف حميده هناك لحد دلوقتي)..
حامد :بس انت عرفت مكان نور ازاي ؟!!
احمد :حاضر هحكيلك..
فلاااش باااك..
احمد لما راح يجيب نور من عند خالد..
نور ركبت العربيه جنب احمد..
احمد وقف قدام محل ذهب ..
نور اي ي احمد وقفت ليه يلا علشان انا تعبت عايزه انام لعبت مع اسماء كتيررر اوي..
احمد نزل وفتحلها الباب تنزل.. طيب انزلي هنشتري حاجه ونمشي ع طول..
نور واحمد دخلوا المحل ..
احمد يلا ي نور شوفي الي يعجبك اشتريه..
نور بتعجب :انا.. ليه؟!!
احمد :هو اي اللي ليه ي نور..
احمد مسك سلسله رقيقه جدا وكانت حرف N صغير وكانت جميله جداا..
احمد :خدي ي نور السلسله دي حلوه اوي وكمان حرفك ..
نور :فعلا ي احمد جميله اووي مااشاء الله
احمد :يعني عجبتك تاخديها..
نور :اللي تشوفه ي احمد..
احمد دفع ثمن السلسله وزرع فيها GPS صغير (جهاز تتبع علشان يعرف مكان نور) ..
احمد لبس لنور السلسله..
احمد :نور متقلعيش السلسله دي من رقبتك حتى لو حصل اي..
نور :حاضر اي احمد .. بس ليه؟!
احمد :علشان طول ما انت لبساها انا هكون عارف مكانگ..بس متقوليش لحد عليها..
نور :ماشي ي احمد..
___
لما احمد راح الشركه ونور ف اوضتها..
احمد ف المكتب مسك الفون علشان يعرف مكان نور وشاف انها ف الاوضه .. وبعد وقت شاف ان مكان نور اتغير وبعد كده الاتصال اتقطع (هو الاتصال اتقطع لما حميده كانت بتض،رب نور 🥲 )احمد عرف مكان نور قبل قبل ما الاتصال يتقطع وقلق جدا ع نور وراح ليها..
بااااگ..
احمد بحزن :ده اللي حصل.. وانا مش فاهم اي اللي خلاها تنزل تحت وامي كانت بتعمل معاها اي..
حامد :متفكرش انت كتير وانا هتصرف ..
حامد سابهم وخرج من المستشفى..
احمد قعد جنب نور..
بعد مرور حوالي ساعه وربع..
نور بدات تفوق..
بتتكلم بصوت واطي:ماما .. انت اجيتي تعالي خديني معاكي اخيرا شوفتك ده انت وحشتيني خالص.. استني ي ماما انت راحه فين خديني معاكي انت وبابا الناس هنا وحشه خالص وبدات تعلي صوتها وهي مغمضه عنيها.. مامااااا استنيني خديني معااكي..
احمد قلق ع نور جداا واخد راسها ف حضنه والدكتور دخلت بسرعه ع صوت نور..
نهى : خير ي استاذ ف اي..
احمد :م.مش عارف شوفيها مالها..
نهى عطاتها حقنه :هي هتبقا كويسه متقلقش عليها وبكرا ان شاء الله هتفوق خالص وهتبقا كويسه اووي ..
احمد هز راسه بزعل..
نهى خرجت واحمد قام اتوضى ويصلي ويدعي ل نور..
____
خالد واسماعيل راحوا اسكندريه والغلط الحمدلله اسماعيل قال للمهندسين انهم يرجوا بتصليح الخطا ده والحمدلله عدت ع خير واسماعيل وخالد رجعوا تاني القاهره...
________
حامد رجع ع الڤيلا وكانت حميده ف اوضتها خايفه ع حيرانه ومش عارفه تعمل اي..
حامد دخل عليها وجواه بركان غضب منها..
حامد بزعيق :حميده..
حميده بخوف:اي ي حامد بتزعق كده ليه..
حامد :يعني مش عارفه بزعق ليه.. عجبك اللي انت عملتيه ده ..البت مرميه ف المستشفى ربنا وحده اللي عالم بحالها ...
حميده بصت بعيد : بت ؟!؟ بت مين ...انا .. انا مش فاهمه حاجه ..
حامد :حميده انت عارفه انا بتكلم ع ايه كويس ..
حميده ملقتش رد فعل غير انها تعتذر ..
حميده :اسفه.. اسفه بجد والله ي حامد مكنتش اقصد انها توصل للدرجه دي ..اء..انا مش عارفه اصلا ده حصل ازاي..
حامد :اسفه؟!! وان شاء الله اسفك ده اعمل بيه اي.. ده انت شيط،انه.. وكلها كام ساعه وتطلعي من البيت ده.. وسابها وراح اوضه تانيه..
اسماعيل رجع الڤيلا وميعرفش اي حاجه عن اللي حصل مع نور .
احمد نايم مع نور ف المستشفى..
حامد قعد يدعي لنور وبعد كده نام ..
حميده ف اوضتها بتعيط وخايفه من اللي هيحصل فيها بكرا..
______تاني يوم الصبح ف المستشفى عند نور..
احمد قام من النوم وشاف نور صاحيه..
احمد اتكلم بلهفه:نوور .. انت.. انت كويسه .
نور مردتش ..
احمد قرب عليها بقلق اكتر :نور انت مش بتردي عليا ليه انت سمعاني..
نور غمضت عينيها وفتحتها بمعني انها سمعاه..
احمد :دكتوره ي دكتووره..
نهى دخلت :خير ي استاذ..
احمد نور م..مش بتتكلم ليه.
نهى قربت من نور :صباح الخير ي قمر..
نور ابتسمت بسيط..
نهى :متقلقش ي استاذ دي نور كويسه جدا وكمان باطله .. صح ي نور.. نور اتكلمي علشان يعرف انك باطله مش ضعيفه ..
نور حاولت تتكلم :ص..ح.
نهى :ما شاء الله عسل ي نور..
احمد :ممكن تفهميني نور مش قادره تتكلم ليه..
نهى :ده بسبب الخوف اللي كانت فيه وبعدين باين عليها الض،رب اللي اخدته مش قليل بس اطمن اصرارها ع انها تتكلم ده هيساعدها اووي..
احمد هز راسه ليها وراح عند نور..
_________
ف الڤيلا عند حامد...
حامد نزل من ع السلم وكان مستنيه تحت المحامي..
حامد :اهلا اهلا استاذ رافت..
رافت :اهلا بيك استاذ حامد ..
حامد :كل حاجه جهزه ..
رافت :ايوه..
حامد :سعااااد.. ي سعااد..
سعاد : ايوه ي بيه..
حامد :اطلعي فوق قولي لحميده هانم تنزل بسرعه..
سعاد :حاضر ي بيه .. وطلعت
حامد :تشرب حاجه..
رافت :لا متشكر جداا.. اصل انا مستعجل..
حميده نزلت ومش عارفه حامد عايزها ليه..
حامد :خدي ي حميده امضي هنا علشان نخلص..
حميده :لا مش همضي انا مش هسيب كل ده وارجع للفقر تاني..
حامد : قولتلك ي حميده امضي .. بدل والله هتمضي غصب عنگ..
حميده مضت بعد اصرار وتهديدات من حامد ..
حامد مضى ورمى عليها يمين الطلاق.. وكل حاجه بخصوص الطلاق تمت..
رافت مشى...
حامد :اطلعي خودي حاجتك ومش عايز اشوف وشك هنا تاني..
حميده طلعت اخدت هدومها ورجعت للحاره بتاعتها تاني..
حامد راح لاسماعيل وقاله ع اللي حصل مع نور واخده وراح ع المستشفى..
واحمد كلم خالد وقاله وخالد قال لدعاء واسماء وراحوا معاه المستشفى ل نور..
ف المستشفى ...
اللي كان هناك ...حامد و اسماعيل واحمد وخالد واسماء ودعاء..
الكل كان جنب نور ومهتم بيها جدااا..
_____
فون حامد رن وكان الرائد بلال..
حامد رد :الووو..
بلال :ايوه معلش اسف ع الازعاج بس كنت بقول لحضرتك ان العص،ابه اعترفت ع حميده انها هي اللي قالت ليهم يخط،فوا نور ..ولازم يتقبض عليها مع باقي العصابه..
حامد :حضرتك شوف شغلك والعنوان اللي هي فيه حاليا (...)
بلال :تمام.. بس مش حميده تكون زوجتك وعايشه معاك..
حامد :لا انا طلقتها.
بلال :تمام..
بلال قبض ع حميده علشان تنال عقابها ع اللي كانت بتعمله وهتعمله..
بعد مرور فتره..
الكل كان جنب نور لحد ما بقيت كويسه جداا. وعملوا ليها حفله
بمناسبة عيد ميلادها وكانت فرحانه جداا.. وبقا عندها 9 سنين..
_________
بعد مرور 11 سنه..
ف بيت ف الصعيد..
محاسن :لا ي عبد الحميد كده عدى سنين كتير اوي ولازم نرجع الحاره تاني ..
عبد الحميد..