رواية جريمة عشق
الفصل الثامن والتاسع8و9
بقلم مريم نصار
شيرين :يعني ايه يا اشرف عايزني اسكت الموضوع ده فيه حاجه غلط ده غير رد فعل محمد لما عرف بجواز مريم
اشرف : يا ماما - يا ماما يا حبيبة قلبي هي حره ودي حياتها وبعدين ايه اللي فتح كلام في الحوار ده تاني لحد امبارح بس كنتي اقتنعتي وهرجع اقولك الكلام الل قولتهولك من يومين تاني !!!! انا بنفسي سالت عليه ومفيش حد من اللي يعرفه ما شكرش فيه بالعكس اللي يقول عليه محترم جدا وما لوش في سكه الحريم .....
واللي يقول شغله رقم واحد في حياته ....
ده غير العسكري اللي قال يا ريت ناس كتير تبقى زي ادم ده وحكالي وقالي من حوالي سنتين كان في مأموريه وكانت هتبقى فيها ترقيه ليه ساب الماموريه وراح ينقذ طفل ٦ سنين !!! وعرض نفسه للموت واتنازل عن الترقيه لحد من زمايله يعني يا ماما بذرة الخير موجوده جواه يبقى نقلق ليه !!؟
وبعدين رد فعل محمد طبيعي جدا لان مريم قريبه جدا منه و بتعوض وحدتها معاه وهي شجعته على هوايته الل بيحبها ولما كنا نروح المصيف كانت عينيها عليه وكانت دايما جنبه فانا شايف ان رد فعله طبيعي جدا''
شيرين :كل اللي انت بتقوله ده جميل بس ازاي ما لوش اهل ولا قرايب انت بتقولي قاعد في شقه لوحده ابوه فين امه فين ليه اخوات ولا لا؟ في حاجه غامضه يا اشرف وانا خايفه على مريم ....
..انت عارف انها من ساعة ما بابا وماما توفوا في حادثه الصدمه كانت شديده علينا كلنا بس انا مصطفى كان جمبي وانتو كمان جمبي واخويا حسام مراته كانت جمبه
لكن مريم كانت لوحدها ما فيش حد يحتويها لحد ما دخلت في نوبه خوف شديده '''' واي خوف او اضطراب بتحس ان الهوا الل حواليها خلص و بيغمى عليها انا خايفه لا يكون ---- ادم ده عنده ماضي ويأثر في المستقبل على مريم
اشرف : ماما ما تخافيش ان شاء الله خير واحنا مش هنسيبها وانا هحاول اقرب من ادم ده واتعرف عليه اكتر
شيرين : طيب ما جاش يتقدم ليه !!؟ واحنا كنا هندعمه وهنقف معاه وكمان لو في اسباب زي ما بتقول تمنعوا على الاقل كنا عرفناها وكنا هنقدر ظروفه...
---------
اشرف جواه عارف ان كل كلمه امه بتقولها صح ولكن مجبر لانه وعد مريم انه ها يسعدها.... ماما انت جايه تقولي الكلام ده خلاص ما فيش غير كام ساعه بس ومريم تبقى في بيتها!!! بالله عليكي بطلي الافكار دي وفكري بايجابيه شويه وبعدين انتي تعبانه فما تتعبيش نفسك خلاص حسم الامر
شيرين : لله الامر من قبل ومن بعد
ف اوضة مريم
ادم :اجهزى ساعه واكون عندك
مريم :ماشي يا ادم وانت داخل على الفيلا اديني رنه علشان انزل وخلي بالك من نفسك
ادم :اتفاجئ من ردها عليه ولكن معلقش وقالها تمام وقفلوا الاتنين
مريم اضطرت تمثل قدام رنا انها علاقتها ب آدم كويسه علشان كدا كلمته بااسلوب كويس
رنا :قعدت بتعيط وقالت كان نفسي في فرح كبير علشان البس الفستان الجديد واعزم كل اصحابي
مريم :قاعده جنبها وقالت عارفه يا رنا انتي وبس اللي بتنسيني همى بتعيطي علشان الفستان !!!! انا صدمتي فيكي كبيره وما تقلش عن صدمة الواد اللي كان بيعاكسك في الشارع وانتي بهدلتيه
رنا : هههههه اسكتي متفكرنيش انا كنت بموت في جلدي فضل ماشي ورايا و لما قربت من بيتنا اتشجعت وقلت مابدهاش بقى تعالى لما اهزئك شويه بس زعلت بعدها لانه كان مز اااوي صراحه ومن ساعتها ما شفتش وشه تانى شكله اتصدم فيا
مريم : بجد يا رنا مز لا تعليق على كلامك انتى رايقه
رنا : هههه عارفه الا قوليلي هو ادم ده مز اوصفيلي شكله عامل ازاى
مريم : افتكرت لما مسكها من دراعها وقربها منه افتكرت لون عينيه وبرفانه الل عجبها جدا ودقنه الخفيفه وشعره افتكرت كل التفاصيل وبعدها اتنهدت . وكشرت لانه استغلها .. واستغفرت بقلبها علشان الذنب ده..
.يلا يا بت اطلعي بره علشان البس ولما يجي تبقى اطلعي شوفيه برحتك
رنا :ياساتر عليكي دايما قافوشه كده خلاص انا هخرج وانتي استعدي ...عايزاني اساعدك ف حاجه
مريم : لا يختى شكرا وبره بقى
رنا خرجت ومريم قامت علشان تجهز نفسها مريم خلصت لبس ولبست فستان اسود من الستان و مغطى بطبقه من الشيفون وحزام من الوسط باللون النبيتي و حجاب ونقاب باللون النبيتي وساعه شيك جدا من اللون الفضي !!! وقاعده وخايفه تنزل علشان مش عايزه تواجه اختها
الباب خبط ودخلت اختها
مريم :اتفضلي يا ابله
شيرين : انت هتروحي عند الماذون كده وشاورت على لبسها
مريم :ايوه يا ابله ليه في حاجه غلط في لبسي
شيرين :في انك ملبستش الفستان الكشمير اللي انا ورنا جبناهولك علشان كتب الكتاب الفستان حلو اااوي وف منتهى الشياكه ولا هو مش عاجبك
مريم :لا ابدا يا ابله الفستان جميل جدا انتى مبتجبيش حاجه وحشه ابدا . انا بس مرتاحه في الفستان ده
شيرين : اسود يا مريم يوم كتب كتابك تلبسى اسود ليه يا مريم؟ وليه شايفه الحزن في عينيكي؟
مريم :ما فيش حزن يا ابله انا بس زعلانه على فراقكو مش اكتر وبعدين لما الظروف تتحسن يا ستي هلبس فستان ابيض وطرحه طويله اووي واحط تاج فوق الحجاب ...انا بس لبست الفستان ده مؤقتا هو وحش يا ابله
شيرين :لا يا قلبي جميل عليكي
مريم : طيب تمام وبعدين انا كنت هلبس نقاب اسود بس قولت اكسر اللون علشان كنت خايفه من تعليقك على اللبس
شيرين :انا كل اللي عايزاه انك تكوني مقتنعه باللي انتي بتعمليه و بتمنالك السعاده من كل قلبي واتمنى من الله ان يجعل الفرح رفيق دربك
مريم اترمت في حضن اختها وبتعيط .. علشان خاطري يا ابله ما تزعليش مني لانى كسرت فرحتك وخيبت ظنك فيا
شيرين :بطلي كلامك العبيط ده بما انك اخترتيه وبتحبيه و هتعيشي معاه مبسوطه فانا اكون سعيده .. هي الاخت هتعوز ايه اكتر من كده لاختها
انا كل يوم قبل ما انام ها استودعك عند الله لان هو الحافظ وعيطو الاتنين في حضن بعض
خرجتها شيرين من حضنها وعطتها ظرف امسكي يا مريم
مريم: ايه الظرف ده يا ابله؟
شيرين :ده مبلغ كده خليه معاكى لو احتجتي لحاجه
مريم :لا يا ابله انا معايه ولو احتاجت اكيد هاقولك وبعد محولات كتيره وتصميم من شيرين
مريم اخدت الظرف
شيرين :بصت ف الاضه .امال فين شنطة هدومك
مريم :مش لازم يا ابله اكيد ادم عامل حسابه
شيرين :انتي اتهبلتي يا مريم هنبيعك يعني ومش كفايه ما اخدتيش جهازك كمان هتروحي من غير هدومك .... شيرين ندهت على رنا
ورنا جت نعم يا ماما
شيرين :تعالي هاتي الشنط دي علشان نجهز هدوم مريم بسرعه مفيش وقت وانتي يا مريم لو ليكي خصوصيات تعالى حطيها في الشنطه الصغيره دي
مريم :حاضر يا ابله وما حبتش تدخل في جدال مع اختها وقالت في نفسها بتتعبي نفسك على الفاضي كل ده هيرجع بكره وقامت مريم وشالت خصوصياتها في الشنطه وفونها رن
مريم شافت المتصل . ده ادم اكيد هو قدام الفيلا دلوقتي
شيرين: طيب انزلي وانا ورنا هننزل وراكي
مريم :حاضر يا ابله
شيرين :مريم!!
مريم :نعم
شيرين :خليه يدخل البيت علشان يشرب حاجه على الاقل
ونتعرف عليه مش دي الاصول
مريم :ايوه يا ابله فعلا دي الاصول
مريم :ردت عليه الو ....
ادم :انا بره لو خلصتى اطلعي
مريم :انت مش هتدخل
ادم :لا مش هدخل
مريم :ما ينفعش اختي عايزه تتعرف عليك
ادم :ايوه وبعدين
مريم :لو سمحت انت هتدخل تسلم عليهم واختي تشوفك وكمان اشرف ولا انت كمان مش عايزهم يتعرفوا على اللي المفروض هيبقى جوز بنتهم وقالتها بتريقه
ادم :طيب ماشي هادخل بس
مريم: ما تخافش ما حدش عارف حاجه ... اه وكمان ليا طلب عندك محدش هنا عارف ان كتب الكتاب عند محامي يا ريت ما تقولش حاجه قدامهم
ادم :انا مش خايف انا كنت هاقول لك بس هاسلم عليهم وهنخرج بسرعه
مريم :بغيظ ماشي اللي تشوفه
مريم راحت لاشرف وقالتله يطلع يفتح بوابة الفيلا ويستقبل ادم وفعلا أشرف استقبله ورحب بيه جدا علشان خاطر مريم ومن جواه مخنوق
شيرين ورنا . نزلوا وكله جاهز للحظه دي. ومريم متوتره وخايفه جدا من رد فعل محمد لانه صغير ومش عارفه هو ممكن يتصرف ازاي
ادم دخل البيت واتعرف على كل الموجودين ولحسن الحظ محمد ما كانش موجود وده ريح مريم نوعا ما .
شيرين راحت وقفت قدام ادم بدموع ام و اخت خايفه على مستقبل بنتها لانها من ساعه وفاه اهلها اخدت مريم بنت ليها مش اخت بس
بقلم ___Mariem Nasar
شيرين :لو سمحت خلي بالك منها وحطها في عينيك مريم ملاك ما تستاهلش غير كل خير
ادم واقف ومش عارف يرد ولكن اكتفى بابتسامه وهز راسه يطمنها
شيرين: اوعي في يوم تأذيها وتيجي عليها خدها بنتك واختك ومراتك وحبيبتك خليها امانك وقت خوفك .. وملاذك وقت فرحك ..خليها حضنك الدافي من قسوه الايام ..مريم ورنا واقفين بعيد يعيطوا من كلام شيرين ل ادم واشرف مخنوق من ادم جدا
ومريم ف اللحظه دى زاد كرهها لأادم
شرين بتكمل انا عارفه ان مريم هتصونك وهتعمل اللي عليها واكتر وديما هتحارب علشان تخليك مبسوط خليك انت الزوج المثالي اللي كل بنت تتمناه شيرين بتتكلم وهي كلها خوف من المجهول وشيرين التفتت لمريم لو في يوم غلطت ف حقك
اقعد معاها فهمها كون ليها الاب اللي بينصح .... والاخ اللي بيسند ... والام اللي بتضحى ...
ادم ساكت وما بيردش @
شيرين : انا باقولك الكلام ده لاني ما اعرفش عنك حاجه والله اعلم بظروفك .. وغصب عني هسلمك بنتي الكبيره علشان هي شايفه ساعدتها معاك وهي واثقه فيك وقدرت ظروفك ارجوك ما تكسرش الثقه دي يا ريت ما تمنعهاش عننا
انا دلوقتي هسلمك امانه و ياريت تحافظ على الامانه دي شيرين شاورت لمريم تيجى وجتلها ومسكت ايد مريم ووقفتها قدام ادم وقالت الامانه اهي
وربنا قال
((بسم الله الرحمن الرحيم)) ((((ومن اياته ان خلق لكم من انفسكم ازواجا لتسكنوا اليها وجعل بينكم موده ورحمه)))) صدق الله العظيم))
وحبيبك النبي قال (الا واستوصوا بالنساء خيرا)
ادم واقف مش عارف يرد وشاف في عيون شيرين ترجي كبير اوي وخوف لا مش خوف ده رعب
نفس النظره زمان.. ايوه هي نفس النظره ونفس الرعب ده كان في عينيها ادم للحظه حس انه غلط وحاسس بالندم على الخطوه اللي عملها وشاف ان العيله دي ما تستاهلش اللي كان ناوي يعمله في مريم وكان هيرجع في كلامه ......
ولكن افتكر نظره تانيه فوقته وبعد مافاق حاسس ان شيرين فيها كتير من حد كان يعرفه وبعد صمت قالها ما تخافيش مريم في عينيا وربنا يقدرنى واسعدها
ادم لاحظ من أشرف نظرات ناريه وبص لااشرف وقاله ممكن اخد مريم
اشرف ساكت وما ردش عليه وشيرين ساعتها حست براحه لما شافت حنيه في عيون ادم وقالت اتفضلو في امان الله لكن اشرف هيكون معاك لبعد كتب الكتاب ويوصلها لبيتها
ادم :طبعا وانتي كمان مش هتيجي معانا عند الماذون !!؟
هنا مريم رفعت عينيها في عيون ادم وبصتله بخوف انه يحكي الحقيقه
شيرين :لا بس ممكن رنا تروح مع مريم
رنا بتسقف بايديها يعني اطلع البس الفستان الجديد
مريم عينيها متعلقه ب ادم ومش عارفه تكلمه
شيرين :اطلعي بسرعه
ادم بيهرب من نظرات مريم لانه مكسوف جدا وحس قد ايه انه صغير في نظر مريم
رنا لبست الفستان وبتلبس الجزمه وهي نازله على السلم انا جاهزه يلا بينا!!!!
مريم عينيها لسه على ادم ومش عارفه تتكلم علشان اختها جنبها اشرف يلا يا مريم اتفضل يا استاذ ادم
ادم قام وودع شيرين .... ورنا واشرف اتحركوا على بره
وادم وهو ماشي همس
لمريم وقال لها.......اسود ؟اسووود يامريم
الحلقه 9
#رواية_جريمة_عشق
بقلم Mariem Nasar
بسم الله نبدأ
في شقه عاصم
الباب بيخبط وفتح الباب وكانت هنا!!!!
عاصم :-بقلق. هنا في حاجه حصلت فيه ايه
هنا :-اهده بس ما فيش حاجه انا جايه اشوفك
عاصم :-دلوقتي جايه تشوفيني دلوقتي يا هنا واخوكى
جاسر شافك وانتي خارجه وماما وبعدين ما اتصلتيش ليه قبل ما تيجي
هنا :-طيب قولي الاول ادخلي وبعدين اسال كل الاسئله دي براحتك
عاصم :- سوري يا هنا اتفضلي انا بس قلقت لما لقيتك جايه ومن غير اتصال كمان
هنا :-سوري ياعاصم ما كنتش اعرف انك هتدايق كده لما اجي علشان اشوفك وبعدين انا من الصبح بتصل ببك لدرجة اني سألت عليك جاسر قالي انك كويس وكمان قال انه عزمك عندنا على العشا وانت رفضت ممكن اعرف ايه سبب التغيير المفاجئ ده !!؟
عاصم :-ابدا يا هنا انا بس لما جاسر عزمني كنت حاسس بصداع شديد قولت اروح البيت اخد شاور وانام شويه وبعدين تعالي هنا انتى ازاي خرجتي من البيت ولوحدك كدا
هنا :-ابدا قولت لجاسر ان في واحده صاحبتي اسمها رنا وخالتها هتتجوز انهرده وقولتله ممكن اروح يمكن انسى شويه موضوع بابا ده ووافق
عاصم :-بقيتى بتكدبي اهو يا هنا
هنا :-بقيت بكدب بفضلك انت
عاصم :-انا اسف يا حبيبتي
هنا :-حبيبتك لو حبيبتك تسال عليا لما كان بابا عايش كنت هتموت وتكلمني وانت اللي اقترحت عليا لما تحب تشوفني نتقابل في شقتك هنا الصبح قبل ماروح ع الجامعه اه انا كنت خايفه الاول لكن بعد ما اتقابلنا مره واتنين وماحاولتش تقرب مني ثقتي فيك زادت
عاصم :- وانا عمري ما افكر اني المسك غير وانتي حلالي !!!!
وبعدين حكايه اني اقابلك ف شقتى ده علشانك انتي انا خايف عليكي لو حد شافك معايا في اي مكان مش هيقول ده ابن عمها يا هنا انتي بنتي وعمري ما أذيكي ابدا ..
هنا :-علشان كده انا بثق فيك ومطمنه وانا معاك لكن يا عاصم انا عايزه اعرف اخرتها ايه احنا بقالنا شهرين على الحال ده و لما اكلمك في خطوبه تقولي خايف من عمي يرفض علشان فرق السن اللي بيني وبينك
عاصم :-وهو فرق السن ده شويه دول 17 سنه فرق ودلوقتي خوفي زاد اكتر بعد ما جاسر رجع ومسك الشركه خايف لو كلمته بخصوص جوازنا يفتكر انى طمعان فيكم
هنا :-انت ليه بتفكر في السيء على طول ما يمكن اخويا يرحب بيك ويوافق انت حتى ما جربتش ولا حاولت
عاصم :-عاالا صوته وقال مش وقته في مجرم هربان وما نعرفش عنه حاجه ولا نعرف هو مين وقتل عمي بدم بارد وانتي مش ع بالك و جايه هنا تكلميني في جواز
هنا :-قصدك ايه يعني اني انا اللي ملهوفه عليك عموما انا اسفه انا اللي رميت نفسي كتير عليك الفتره اللي فاتت دي بعد اذنك !!! هنا خرجت بسرعه وقفلت الباب
وعاصم قعد مكانه ينفخ وحس انه زودها مع هنا
--------- بقلم Mariem Nasar
آدم : اسود ..!!؟ اسود يا مريم؟
مريم سابته وراحت تودع اختها وكان وداع مؤثر جدا وادم خرج علشان يسيبهم براحتهم
قدام الفيلا
رنا :-ما تنجز يا اشرف وطلع العربيه
أشرف :-عربيه لا طبعا احنا هنركب معاه وهنرجع ب اوبر
رنا :-نعم ليه ان شاء الله ما العربيه بتاعتنا موجوده اهي ايه لزوم الشحططه
أشرف :-هاقولك ايه ما انتي غبيه او لا مش من الذوق اخد عربيتي وتركبي انتي ومريم معايا واقول للي اسمه ادم ده تعال ورانا !!! وثانيا افرضي مريم حبه تركب معاه نسيبها بقى هي لوحدها معته ما ينفعش طبعا
رنا :-صدق ياض يا اشرف انت كويس اه والله زي مباقولك كده انت دماغك شغاله
اشرف :-انتي بتتعاطى حاجه يا بت لسانك تقيل كده ليه
رنا :-لا والمصحف ابدا بس لسه ضربه طبق محشي مع ورك فرخه كابس على نفسي ومن غير ما . ماما تعرف علشان الاكل مالوش دعوه بالزعل طبعا صح يا اشرف؟
اشرف:- محشي منك لله يا رنا يختي الناس في وادي وانتي في وادي ويلا يلا ادم ومريم جايين علينا اهو ......
آدم فتح باب العربيه لمريم :- اركبي هاعمل مكالمه ثواني وراجعلك ادم خلصت المكالمه ورجع شاف أشرف الل راكب قدام ورنا ومريم في الكرسي الخلفي وده ضايقه نوعا ما .
وركب هو كمان وتحركوا وهما في الطريق وصلت رساله لتليفون آدم وشافها .... وما فيش حد فيهم بيتكلم ورنا مخنوقه من الصمت ده فحبت تكسره
رنا :-ما تشغلنا حاجه كده فرايحي يا استاذ ادم نحس اننا في مناسبه وكده
ادم :-تحبي تسمعي ايه ؟
رنا :-اي حاجه على ذوقك بس خلي الصوت يجي عندي انا واشرف بس علشان مريم ما بتسمعش اغاني وضحكت جامد على اساس الكل يضحك لكن ما فيش حد ضحك على كلامها واحرجت جدا وكشرت
رنا:-الله على الكسفه اللي انتي فيها يا رنا
واشرف حاول يكسر الملل واتكلم مع ادم بحيث يتعرف عليه واندمجو في الكلام مع بعض وكان ادم بيسرق نظرات لمريم في مرايه العربيه ..
واشرف خد من ادم عنوان الماذون واتصل على عم مريم علشان يكون موجود ويكون وكيلها وفعلا عمها اتحرك وركب ورايح على العنوان اللي اشرف قاله عليه .. بعد شويه ادم ركن العربيه ونزل قدام عماره كبيره
ادم :-اتفضلوا الماذون منتظرنا فوق وهو ف العماره دي وكلهم اتحركوا ومريم قلبها بيدق جامد ومش مصدقه حكايه الماذون ده طلعوا في الاسانسير ومريم بتخاف منه و كانت ماسكه في ايد رنا جامد لانها حست بدوخه بسيطه وبعد ما خرجوا من الاسانسير
مريم متوتره وبتحاول نفسها ينتظم وعينيها جت على يافطه موجوده على جنب المكتب مكتوب عليها ( الماذون الشرعي.......) وحمدت ربنا في قلبها
وقبل ما يدخلوا اشرف وقف ادم وساله
أشرف :- المفروض ف كتب الكتاب يبقى في اتنين شهود
آدم :- ما تقلقش انا مجهز كل حاجه والشاهد التاني جوه منتظرنا عند المأذون
بيتر :-حمد لله على السلامه جاي في ميعادك بالظبط
ادم :-الله يسلمك ها جبت عم لطفي؟
بيتر :-اه جبته ثواني هنادي عليه
ادم :-هو راح فين؟!
بيتر :- ههههه في الحمام من فرحته السكر علي عنده ههههه
و وبعدها عم مريم جه وكتبو الكتاب وباركوا لمريم وآدم وخرجوا من عند المأذون
عمها بارك لمريم و سلم عليهم واستاذن وهو مشى على طول
وادم فتح باب الاسانسير ومد ايده لمريم علشان تدخل لانه لاحظ خوفها وهي دلوقت خلاص بقت مراته مدتله ايديها علشان ما حدش يلاحظ حاجه وركبوا الاسانسير
وادم مارضيش يسيب ايد مريم وضغطت على ايده جامد ومغمضه عينيها وهو حس بخوفها وحط ايده التانيه فوق ايديها علشان يطمنها خرجوا كلهم ومريم شدت أيدها بسرعه ومحدش لاحظ ده
آدم شكر بيتر جدا لانه ساعده في حكايه المأذون وجابله الشاهد التاني وبعتله الابلكيشن في رساله
بيتر :- انت بتشكرني على ايه انا مهما اعملك يا صحبي مش هوفيك حقك انت ناسي ان ديف ابني عايش لحد دلوقتي بسببك انا عمري ما هانسى ابدا انك عرضت حياتك للخطر علشان تنقذلي ابني وبعدين لو كان طارق موجود مكنتش طلبت منى
آدم :-بطل كلامك ده انا ماعملتش حاجه وده واجب عليا وطارق كنت محتاجه بس علشان يشهد على العقد لكن انت مستغناش عنك
اشرف جه بارك لاأدم
وبيستاذن علشان يمشي
آدم :- هاوصلك انت واختك وبعدين هنروح
اشرف :-لا معلش احنا هنركب معاك لحد ما نوصل مريم لبيتها ونرجع احنا ب اوبر
بيتر حاسس ان الكل مش مبسوط وتدخل بسرعه
بيتر :-طيب يا ادم انت خد مراتك بالعربيه وانا هاخد الاستاذ اشرف واخته و عم لطفي وهنطلع وراك وبص ل أشرف
:- اصل عم لطفي ساكن في عماره ادم
أشرف كان متدايق جدا ولكن وافق من باب الذوق وركبو مع بيتر ومشيوا ورا ادم بالعربيه
مريم راكبه جمب آدم ما بتتكلمش وباصه قدامها
ادم :- مبروك
مريم :- .....
آدم :- انا باكلمك
مريم ساكته وبعدها علت صوتها
مريم:-مبروك على ايه ها مبروك على تعب اعصابي ولا كل شويه تلعب بيا هنتجوز عند المحامي لا نضرب ورقتين عرفي ودلوقت عند ماذون لو سمحت انا مش عايزه اتكلم دلوقتي
آدم نفخ بديق وساق بسرعه علشان يروح و يعرف يتكلم معاها وصلوا عند البيت ونزلو كلهم ومريم اترمت في حضن رنا وعيطت كتير ورنا عيطت هي كمان واشرف شدها من حضن اخته وحضنها وباس على راسها
بيتر اخد ادم على جمب
بيتر :-ايه الحكايه؟
ادم : حكايه ايه؟
بيتر :- مالكو ده ولا العزا في ايه كلكم مكشرين ليه
ادم :- بعدين يا بيتر. وبعدين انت مقولتش ليه ان عم لطفى بواب العمارة
بيتر :-حسيت ان الجو مش حلو وعلشان محرجوش ماشي انا هاسيبك برحتك
ادم ومريم طلعوا شقتهم وبيتر صمم ان يوصل اشرف ورنا لبيتهم
ادم طلع فوق وفتح باب الشقه ودخل الشنطوبص لمريم .
:-ادخلي .
مريم وقفت على باب الشقه و مغمضه عنيها وبتدعي في قلبها ان ربنا يقف جنبها
آدم :- اخلصي ادخلي
مريم فتحت عينيها ودخلت الشقه و اتصدمت لما شافت الشقه ...
مريم :-ايه ده !!!؟
--------- بقلم Mariem Nasar
عند ملك
ملك :-الحمد لله يا بابا انت اتحسنت اهو ورجعت تقف على رجليك زي الاول واحسن
خالد :-الحمد لله يا بنتي تعبتك معايا يا ملك ومش عارف لو ماكنتش خدتك معايا وانتي صغيره كان هيجرالي ايه دلوقتي وانا وحيد لان فيفي تعتبر مش موجوده.
ملك :- لو سمحت يا بابا ياريت مانتكلمش في حاجات هتتعبك وهاتدايقني منك خلينا ننسى الماضي وادينا عايشين
خالد :-عايشين !!!؟ عيشه ايه دي يا بنتي . مراتي اللي مش عارف اتغيرت ليه عليا بعد تعبي
ولا ابني !!! وعيط ابني اللي تبري مني ونسيني وانا عايش ولا امك الله يرحمها اللي ماتت وهي ....... ملك ماخليتوش يكمل كلامه و تنرفزت عليه
ملك :-ومين السبب هااا؟ مين السبب اللي خلاني اسيب بيتنا واخويا من وانا عندي عشر سنين وجابني على هنا مين اللي حرمني من اني اكبر في وسط ابويا وامي واخويا مش انت
انت السبب انت اللي مشيت ورا نزواتك ورحت جبت واحده عقلها وقلبها متبرمج على الفلوس والحفلات والسهرات انت لو كنت جبت واحده من الشارع كانت هتبقى احن وارحم وهي بتتكلم قلم نزل على وشها وصرخت
عنده ادم
--------
مريم :-ايه ده ؟
ادم :-ايه !!!!!
مريم:- ايه اللي مبهدل الشقه بالمنظر ده
ادم :-انا ويلا دخلي شنطتك دي جوه في الاوضه دي وزي الشاطره كده تغيري الاسود اللي لابساه ده وتجهزيلى العشا انا وهدخل اخد شاور وعايز لما اخرج الاقي العشا جاهز
مريم :-انت بتتكلم معايه بأسلوب الامر كده ليه
ادم :-انا اتكلم زي ما انا عايز وده عقاب صغير ليكي اخلصي بقى علشان انا جعان واه ع فكره انا رجعت ف كلامى بقى ومش هتروحي بكره هتقعدى هنا ومش هتمشي غير بمزاجى
مريم :- انت بتتكلم كدا ليه انا ساكته بس ومبعلقش ع كلامك علشان انا تعبانه ومنمتش من امبارح وبعدين هاعمل عشا ازاي في الزريبه دي انت ازاى عايش كدا البيت لازم يتروق مش معقول كدا ...
آدم :- زريبه!!انا بقى هخليهالك كل شويه زريبه وكلمه زياده عقابك هيتضاعف يا مريم سابها و دخل الاوضه ومريم بتبص على المنظر اللي حواليها ومتغاظه منه
مريم :- الله المستعان
... شالت الشنط وراحت الاوضه وكان هو جوه بياخد شاور . وجابت من الشنطه فستان من اللون الازرق مع الحجاب والنقاب وراحت اوضه تانيه وغيرت هدومها ودخلت المطبخ تدور على حاجه تعملها للعشا ما لقتش غير جبنه رومي ولانشون في التلاجه فتحت الفريزر لقيته فاضي خالص ...
مريم :- وده اعمله اكل ايه ان شاء الله وما فيش اي حاجه غير الجبنه واللانشون
:-اوف يا ربي يا ريتني سمعت كلام اختي واشرف كان هيبعتو معايا اكل وانا اللي رفضت ... هو حر بقى
شيرين اتصلت على مريم و اطمنت عليهاوقفلوا
ومريم جهزتله الاكل وماسكه الصينيه وبتلف علشان تخرج خبطت في حيطه سد قدامها مريم فتحت عينيها
شافت ادم و رجعت خطوه لورا وكان لسه خارج من الحمام بفوطه حولين وسطه وشعره مبلول و حاطط ايده فى وسطه
مريم بخضة :-بسم الله
آدم :-ايه شفتي عفريت
مريم :-لا بس اتخضيت ماعرفش انك خرجت من الحمام وبعدين يا ريت تبقى تكح او اعمل اي حاجه
آدم:-حاضر هبقى اكح بس لما يجيلي برد . وبعدين ايه ده ان شاء الله
مريم :-ايه في ايه
آدم اخد منها صينيه الاكل وحطها على الترابيزه وقرب منها
ادم:-انتي لابسه النقاب ليه هو في حد غريب هنا وانا معرفش؟
مريم رجعت خطوه لورا:- اا...اااايوه. . لا لا . بص لو سمحت ابعد ما تتكلمش من قريب كده
آدم بعد خطوه
:- اهو جاوبي بقى في حد غريب؟
مريم :-انا متعودتش اشيل النقاب قدام حد ما اعرفوش
ادم :-هو انا مين !؟
مريم:-مين ايه هو انت مش عارف نفسك وبعدين انت بتوترني وانت قريب كده
ادم :-قرب اكتر انا مين بالنسبالك ؟
وكان بتمنى انها تقوله انت جوزى انا
مريم :-ردت بسرعه انت ولا حاجه
ادم مغمض عينيه وشكله غنى عن التعريف....
مريم:-قصدي يعني اني مااعرفكش ولا اعرف عنك حاجه
ادم متغاظ منها جداااا
ادم :-شيلي النقاب يا مريم بدال مااقلعهولك بالعافيه انا جوزك فاهمه؟
مريم :-طيب ما تقربش وهو بيقرب عليها
:-اقلعي عايز
اشوفك ..
وقرب منها قوي ومريم ضهرها ف الحيطه وقلبها هيقف من التوتر مش عارفه تعمل ايه و ماسكه هدومها بايديها وغمضت عينيها و بتاخد نفسها بصعوبه و بتعد من واحد لعشره وفتحت عينيها ما لقتش آدم قدامها كان اخد صينيه الاكل
وخرج
مريم:-الحمد لله
ادم قاعد بياكل و بينادى عليها
مريم :-اووووف مش هنخلص نعم
آدم :-اقعدي كلي
مريم :-لا شكرا اكلت ساندويتش وانا بجهزلك الاكل
آدم متغاظ من لبسها النقاب قدامه واستحلفلها
:-يعني اكلتي؟
مريم :-اه الحمد لله
آدم وقف
:- طيب يلا بينا
مريم :-على فين؟!
ادم :-على اوضه النوم
مريم :-ايه