رواية اين الحقيقه الفصل الثامن8بقلم ندي اسامه
(نظر لي حمزه بتعجب وفضل يقسم كثيرا انه لا يعلم كل هذا ولاكن انتهي حديثه وانا كان كلامي قليل جدا ولا انظر اليه كنت اكره كثيرا)
رحمه: ازيك ي سيلين
حاسه بي اي دلواقتي تعالي اتعشي معانا اكل خفيف كدا علشان معدتك وانتي لو عايزه تتطمني علي نفسك قوليلي واعملك تحاليل اكيد انت تعرفي ان انا دكتوره تحاليل..
سيلين: الحمد لله انا بقيت كويسه اسبقيني وانا هلحقك على العشاء..
فرح: مجتش معاكي لي اكيد مش هتيجي..
(وكان حمزه ينتظرني لاني تاخرت عليهم ولاكن فتحت بابا غرفتي ودخلت غرفه الطعام وكان الكل يحدق بي بطريقه غربيه وقام حمزه من علي العشاء واخذ بيدي الي غرفتي مره اخري)
حمزه: اي الي انتي لابساه ده؟!
سيلين: اي ي حمزه ماله لبسي..
(كنت ارتدي شورت وتيشرت بقط )
حمزه: لا لا ده محترم جدا جسمك كله باين انتي مش واخده بالك..
سيلين: ده لبسي وانا اللبس ده كنت بلبسه هناك عندنا ودي هدومي ومعنديش غيرها…
حمزه: الكلام ده عندكم ف بيتكم مش عندي هنا وخصوصا ان انتي مراتي.
(نظرت له بشده وتاثرت بكلمه مراتي جدا وكان يتكلم بشده وعصبيه وتعالت صوته)
سيلين: بس انا مش مراتك وحتي لو مراتك ده ميخلكش تنسي ان جوازنا اتفاق وبس ومش اي حاجه تاني..
حمزه: اتفاق او مش اتفاق مش مشكلتي انا الاهم بالنسبالي انك متلبسيش كدا تاني واذا كان علي اللبس خدي لبس من فرح او رحمه او من امي..
سيلين: لي انا شحاته علشان اخد لبس من حد..
حمزه: طب جهزي نفسك هننزل نشتريلك لبس لما نشوف اخرتها معاكي..
سيلين: انت لي بتتعامل معايا كدا وبعدين اصلا لي انا كلها شويه وهمشي ومش هيكون ف بنا حاجه…
(لاكن كانت فرح تسمع كل كلمه بنا وقالت)
فرح: ااصل يمكن بيهتم بيكي مثلا او اعجب،في اي ي حمزه مالك مهتم بيها كدا لي..
حمزه: فرح: اسكتي انتي بتقولي اي بس انتي عارفاني انا اي ومش بحب اللبس ده وانا راجل..
سيده: ف اي ي حمزه مالك هي مش مراتك ولا خطبتك ولا حبيبتك لي بتعمل كدا سيبها علي راحتها هي كلها كام يوم وتمشي من هنا لما تلاقي اهلها
فرح: ثواني ي خالتي معلش وبعدين لبس اي الي تجبولها مش انا طلبت منك لبس قولتلي لا لان هشام خلاص داخل علي دروس ثالثة ثانوي واصبري شويه..
حمزه: انا نازل خلاص وسيبلكم البيت..
فرح: فرحتي ي بومه اكيد فرحانه دلواقتي انك عكننتي عليه ونزلتيه من غير ما ياكل…
(دخلت الي غرفتي واخدت مخدتي التي تبللت من البكاء لا يعلم حالي غير الله هو الذي يشعر بنا جميعا هو الله الذي يسمع ما ف قلبي وينزل عليه بالسكينه والصبر هو الله الذي سوف يبدل حالي الي الاحسن)
صباح اليوم التالي..
(فتحت باب غرفتي ولاكن وجدت اشخاص لم اعرفهم قومت بقفل الباب سريعا ودخل هشام غرفتي)
هشام: صباح الخير ي سيلين تعالي افطري معانا المره دي جبني فطار خفيف متخفيش يالا تعالي..
سيلين: همي مين الي برا ي هشام..
هشام: دول ناس قرايبني جاين يطمنواعلي ماما بعد العمليه اطلعي متخفيش بالعكس هتحبيهم اوي.
سيلين: لا ي هشام مش هينفع هيقولوا عليا اي وانا ف بيتكم ساعتها هتقولوا اي..
هشام: اطلعي احني قولني انك صاحبه رحمه وان عندك ظروف وبايته عندنا ماما قالتلهم كدا..
(مع محاولات بالرفض ولاكن خرجت بالنهايه وقابلتهم ناس لطفاء بسطاء كانوا يضحكون كثيرا ولاكن حدث به شيء لم يتوقعه احد كنت جالسة في هدوء وجاءت فرح امامهم وكان غرضها احراجي)
فرح: كلوا كلوا ي جماعه ده كله من خير جوزي حتي جوزي بيجيب الناس من الشارع ويكلهم..
(نظرت لها وجدتها
تنظر الي بشده علمت انها تقصدني ولاكن وجدت ان جميعهم ينظرون الي وكانهم يعلمون وادركت مع الوقت ان فرح قالت للجميع عن حقيقتي وجدت سيده تطبطب عليا)
مديحه: متزعليش ي حبيبتي انا سمعت كتير عن الامهات الي رمت عيالها متزعليش بكره ربما يعوضك…
(نظرت لها واتاكدت ان فرح اخبرت الجميع وجدت نفسي ابكي وكان الغضب يمليء قلبي وقررت ان اذهب من هذا المكان اللعين لانهم قاموا بجرحي غير الكلام البذيء الذي سمعته من هولاء الناس ودخلت غرفتي واعددت اشيائي ولاكن من سوء حظي ان جاء حمزه كنت اريد الذهاب يدون ان يعلم)
حمزه: ف اي مالكوا ساكتين كدا لي انا كنت سامع صوتكوا من الشارع بتضحكوا..
رحمه: تعالي ي حمزه عايزاك..
رحمه: حمزه فرح قالتلهم هي ومامتك ان هي ساكنه عندنا لان امها طردتها بس المشكله قالوا كلام يجرح اوي ي حمزه قالوا انهم جيبنها من الشارع والستات الي عندنا فضلوا يتكلموا عليها ومعاها وهي فضلت تعيط بجد صعبت عليا اوي وهي مصممه تمشي هنعمل اي دلواقتي..
(غضب حمزه كثيرا ودخل غرفتي بعنف ظننت ان سوف يعاقبني ولاكن رايت عكس ذالك)
حمزه: انتي بتعملي اي ماشيه وكان مش مجوزه راجل تعالي معايا..
(دخلت امام الجميع)
حمزه: انتوا ازاي تعملوا كدا مع مراتي وتقوللها ان هي جايه من الشارع سيلين مراتي علي سنه الله ورسوله يعني محدش يقدر يتكلم معاها نص كلمه لان اي كلمه تجرحها فهي بتجرحني انا…
(نظرت الي حمزه بكل حب وفخر وفرحت كثيرا اول مره اشعر ان ليا سند وظهر يدافع عني ولاكن فرحتي دائما لا تكتمل لان تعالت اصوات والدته وقامت بتهزيقه امام الجميع.)
سيده: اتجوزتها
اتجوزتها امتي ومن غير ما تقولي طب وفرح ذنبها اي ان تجبلها ضره..
(ولاكن تعبت سيده واغمي عليها لان كانت صدمه بالنسبه لها وقام حمزه بشيلها الي غرفتها وحكي حمزه لوالدته
كل الذي حدث وان هذا الجواز بدون ارادته ودخلت مديحه وادركت انها خاله حمزه وخرج حمزه حزين وترك مديحه مع والدته)
مديحه: اي ي سيده كنت فاكره انك اقوي من كدا وبعدين انا فرحت ان حمزه اتجوز وكنت فاكره انك هتفرحي..
سيده: انتي بتقولي اي ي مديحه افرح ازاي ابني اتجوز من ورايا طب وفرح بنت اختنا دي موصيه عليها قبل ما تموت.
سيده: ابنك لازم يخلف افرضي ربنا كرم وخلي البنت دي تخلف من ابنك وربنا جابها من عنده علشان مكنش ينفع تجوزي حمزه علي فرح هتخافي علي زعلها
اهو ربنا حلهالك من عنده ي سيده افرحي وخلي ابنك يدخل عليها هتفضلي كدا مستنيه حفيد ومش عارفه انا وانتي يختي الوحديين الي عارفين
الحقيقه بس جي الاوان ان ابنك يكون لي سند وعيال حرام عليكي …