رواية زواج اطفال الجزء الثالث3
الفصل الخامس والعشرون25
بقلم الكاتبة الصغيرة
رحمه.. الو يا معتز انا وافقت علي عرض الشغل بتاعك
معتز.. يا اهلا بيكي
رحمه.. بس عندي شرط
معتز.. كلي اذان صاغيه يا رحمه
رحمه.. شكرا الشرط بتاعي ان عمر اخويا يشتغل معايا
معتز.. عمر!!
رحمه.. ايوه عمر لو مش موافق خلاص
معتز.. لالا لا استني انا بس استغربت ان عمر ايه اللي جابه هنا وهو كان ف مصر انا معنديش مشكله خالص لو عايزة تجيبي العيله كلها انا مستعد
رحمه.. متشكره
معتز.. انتي تأمري
رحمه بصت للتليفون باستغراب وقفلت في وشه
******♡♡♡♡♡♡********♡♡♡♡♡♡*****
انس.. يلا هنتأخر
لين.. طيب بحط الروج بس
انس.. والله انتي حلوه من غير حاجه انا مش هبقي سعيد لو حد غيري بصلك وانتي مراتي
لين.. ما الكليه كلها عارفه اني مراتك مين هيبصلي
انس.. لو العالم كله عارف المهم ان محدش يبصلك
لين حطت الروج علي التسريحه وعدلت شعرها.. خلاص اللي تشوفه
باس ايدها.. ربنا يخليكي ليا ياقلبي
ابتسمت ونزلوا سوا كان رحيم تحت
رحيم.. ماتاخدوا رهف معاكم انا عندي اجتماع ومتأخر مش هعرف اوصلها النهارده
انس.. عيوني لست رهف
رحيم.. لا ياحبيبي خلي عيونك في وشك مش هنمشي نحسس احنا
لين.. بعد الشر عليك ياحبيبي
انس.. تسلميلي يارب
عز.. شايف الحب
رحيم.. بس يلا بقا انت وهو مش فاضيلكم هي بتلبس ابقوا وصلوها سلام
ريناد.. يلا انا وعز كمان جايين
عمران.. ماتكملوا فطاركم هو الاجتماع هيطير
عبدالرحمن.. لازم الالتزام بالمواعيد يا بابا
رحيم.. ايوه يا جدو
لين.. صح اهم حاجه المواعيد بابا كان دايما يقولي كده
عمران.. خلاص براحتكم
*****♡♡♡♡*****♡♡♡♡******
اروى.. قوم ياحبيبي يلا انت نمت بهدومك كده ليه
مازن.. كنت نعسان ومقدرتش اغير
اروى.. طب يلا خد دش وتعالي الفطار جاهز
مازن.. حاضر
اروى.. يحضرلك الخير يارب
نزلت وبعد تلت ساعه كان مازن علي السفره معاهم
زين.. اي ياعريس متأخّر في الصحيان
مازن.. كنت تعبان شويه بس محسيتش بنفسي
لين.. سلامتك ياروحي
مالك.. دلعيه انتي كده
لين.. ده قلبي وروحي مبحبش غيره
مازن بضحكه.. تسلميلي يا تيته بس كده جدو يغير
اروى.. لا متخفش هو واثق فيكم
علا صوت الضحك بينهم
مالك.. يلا انا هروح الشركه عشان سليم بقاله فتره شغال لوحده
مازن.. انا هاجي معاك
مالك.. ومحاضراتك
مازن.. مفيش حاجه مهمه النهارده معظمها سكاشن
مالك مشي هو ومازن على الشركه
****♡♡♡♡****
عند رهف كانت نايمه حاضنه الجاكيت بتاعه صحت لقت نفسها كده ضحكت وفتحت تليفونها تبعتله رساله
صباح الخير عامل ايه
مازن كان سايق ووصله الرساله شافها من برا وساب التليفون
مالك.. في حاجه ولا ايه
مازن.. لا دي رهف
مالك.. ما ترد عليها
مازن.. بعدين عادي يعني
مالك.. لا مش بعدين اديها اهتمام شويه مينفعش اللي بتعمله ده
مازن.. حاضر يا بابا لما نوصل انا سايق دلوقتي
مالك نفخ بهدوء ورد عليه.. يا ابني يا حبيبي في حاجه اسمها اتصال وده المفروض انت اللي تعمله مش هي
مازن.. انت مهتم اوى
مالك.. عشان انا شايف البنت كويسه وتستاهل حبك ولا في حد تاني
مازن.. بلاش الكلام ده يا بابا حد تاني ازاي انا متجوز
مالك.. مش باين يعني انك متجوز
مازن مسك تليفونه ورن عليها
اتخضت اول ما شافته بيرن قامت قعدت وفضلت تحمم عشان صوتها لانها لسه صاحيه من النوم احممممم
لمار.. الو وعليكم السلام
مازن.. صباح النور أنا كويس الحمدلله وانتي عامله ايه
لمار.. انت شوفت الرساله انا الحمدلله تمام
مازن.. دايما اه شوفتها كنت هرن عليكي من بدري بس قولت اسيبك نايمه عشان مقلقكيش
مالك بصله اللي هو لا والله!! 😏
مازن ضحك
لمار.. لا لا ولا يهمك عادي انا مش هقلق هو حد جمبك
مازن وهو على وشه ابتسامه اثر الضحكه.. آه ده بابا بيسلم عليكى
لمار.. الله يسلمه
مازن.. انا رايح الشركه عندي اجتماع انتي مفيش عندك محاضرات
لمار.. عندي كمان ساعه بس مكسله اروح
مازن بص لابوه وبص قدامه تاني.. امم طيب أي رايك اخلص الاجتماع واعدي عليكي نروح نتغدي سوا
لمار ابتسمت .. لو هعطلك بلاش
مازن.. افضالك
مالك بصوت عالي.. لا حول ولاقوة الا بالله انت؟؟ انتتت
لمار ضحكت واتحرجت بس لما سمعت مالك ردت.. في حاجه ولا ايه
مازن.. لا ياحبيبتي ده بابا
لمار بصت على التليفون مش مصدقه نزلت من علي السرير وفضلت تلف حوالين نفسها قالي يا حبيبتي؟! قااالي يا حبيبتي!!!!
هو استغرب الكلمه .. احمم الو الووو
قفل التليفون وحطه قدامه .. بتخليني اقول حاجات
مالك بيحاول يكتم الضحكه.. هو انا اللي بمليك الكلام انت اللي بتقول لا وعاملي فيها رشدي اباظه
مازن.. مش عارف كلمه عفويه خد بالك انا مش قصدي بس دايما اقول كده ل لين وماما بس مش اكتررر
مالك.. ولا كإني سمعت حاجه ريح نفسك
نزلوا سوا وطلعوا قاعة الاجتماع مالك دخل ومازن وراه اتفاجئ ب فارس وابوه
مازن قعد بضيق وهو متابع بصمت
أبو فارس.. اخرنا 3 مليون وانا كده مراعيكم
مازن.. مش شايف انك مراعينا ولا حاجه الشحنه ب 2 مليون وقولنا 2 ونص عشان عمولتك لكن النص الزيادة ده هتاكله في بطنك كده
فارس.. مش عاجبك نلغيها
مازن.. مش انا اللي الغي صفقه عشان فلوس احنا مش بنلعب هنا ده كلام واتفاق رجاله مش قد الكلمه متقولهاش وبص لابوه تاني ولو عايز 4 مليون مش هيفرق معايا بس انا وانت عارفين انك كسبان اصلا بالملونين ونص
مالك وسليم كانوا سكتين وبيتابعوا مازن وهو بيمشي الاجتماع زى ماهو عايز
فارس مسك القلم ب. غل وقاعد يبص لمازن
مازن وقف.. اعتقد اخدنا وقت اكتر من اللازم وانا ورايا موعد
ابو فارس.. خلاص خلاص اللي تشوفه
فارس بصوت هادي.. بابا
نكزه بضيق خلاه يسكت
مازن بصله بإبتسامة جانبيه.. مبتقباش تجيب عيال معاك تاني يا.. يا ابو فارس مضي علي الورق هو وسليم ومالك ومد ايده سلم عليه وبعده مد ايده لفارس
فارس .. مبروك علي الصفقه وعلي كتب الكتاب
مازن.. عقبالك
خرج وكلهم وراه
فارس نزل وهو علي اخره
سليم.. الله أكبر عليك ايه الحلاوة دي
مازن.. ده اللي المفروض يحصل اصل هو بيصيع وانا اصيع منه
مالك .. ابني
سليم.. هذا الشبل من ذاك الاسد يلا الغدا عليا بالمناسبة دي
مالك.. هو هيتغدي مع مراته يلا احنا
سليم.. والله وكبرت يا واد يا مازن سلملي عليها بقي
مازن ابتسم.. يوصل
*****♡♡♡♡♡♡*****
عمر سافر وبقي يشتغل هو ورحمه وبيكلموا امهم كل فتره معتز بيحاول يحسن علاقته برحمه
رهف ورحيم حياتهم حلوه بس مش بتخلي من خناقات عز ورحيم المتواصله
انس ولين كذلك وبقي ملتزم في كليته وبيمتحن في السنه الاخيره
عز وريناد فرحهم اتحدد بعد امتحانات رهف ولين ولمار
يوسف وايلين حبهم بيزيد وهو كمان قرر يخلص كليته
مازن ولمار بقوا قريبين من بعض شويه وهو حسن علاقته معاها ونسي ايلين
*****♡♡♡♡♡*****
ايلين كانت قاعده علي السرير بتذاكر وسمعت صوت في البلكونة طنشت وبعدين سمعت الصوت تاني
راحت تفتح الباب لقت يوسف شهقت بسرعه هو حط ايده علي بوقها .. اهدي ده انا
ايلين.. انت بتعمل ايه هنا في الوقت ده وايه اللي جايبك من البلكونة
يوسف.. وحشتيني وحشتيني اووي
ايلين.. يا سلام
يوسف.. آه والله بقالي أسبوعين معرفش عنك حاجه تو. لع ام الكليه والمذاكره المهم انتي
ايلين.. بس انت وعدتني انك تنجح السنادي
يوسف.. هنجح والله بس مش مش هعرف ابقي بعيد عنك كده
ايلين.. ولا انا بس مش عايزه اشغلك ياحبيبي
يوسف.. قولي يا حبيبي تاني كده
ايلين ضحكت.. يعني انت جاي كل المشوار ده وطالع البلكونه زي الحرا. ميه عشان تسمع الكلمه دي امشي لحد يشوفك والنبي
يوسف.. ايوه انا مستعد اعمل اي حاجه عشان اشوفك بقولك ايه
ايلين.. ايه
يوسف.. ما تجيبي بوسه
ايلين.. اييهه ده انا يومك اسووود
لارا فتحت الباب.. هو مين ده اللي يومه اسود يا ايلين؟