رواية جعلني احبه الفصل السادس والعشرون و السابع والعشرون26و27 بقلم ساره بكر

رواية جعلني احبه 

الفصل السادس والعشرون و السابع والعشرون26و27

 بقلم ساره بكر

في مصر في بيت كبير البلد 

~ اخبارك اي في الكليه يا ريم 

* تمام يا يحيي بس انا عوزاك تكلم علي عشان يحاول يجي بقي وحشني اوي 

~ ماشي يا ريم هكلموا حاضر في بس مشاكل في البلد هشوفها و اكلموا... قطع كلام يحيي صوت رن الجرس 

_ استني انت يا يحيي هفتح انا 

راحت ريم تفتح الباب و مصدقتش نفسها من الفرحه علي هاااااااااااااا انت جيت وحشتني اوي اوي بجد لي يا علي عملت كده حد يسيب اهلو كل الوقت دا هااا 

~ معلش يا ريم بس والله كنت محتاج وقت و الحمد الله بقيت تمام و دلوقتي صدقيني مش هسيبك تاني 

-- سمعنا الكلام دا كتير انت كداب يا علي كداب 

~ يحيي يخربيتك وحشني اي اخبارك يا كبير البلد 

-- اسكت دي طلعت مسؤليه و احنا مكناش نعرف بس انت جيت هتشيل معايا 

~ عيوني... بس فين امي و مرات عمي 

ريم: فوق اطلع انت غير و تعالي عشان نفطر 

~ طب هي اوضه الضيوف هاجر قاعده فيها 

* اه اطلع يا علي في الاوضه بتعتي و خد شنطتك هنقعد انا وانت سوه 

~ ماشي يا يحيي انا طالع و ااه متقلوش لندي اني هنا هاا 

            _______________________

في امريكا 

في كفاتريت الكليه 

سلمي: السلام عليكم 

هنا: وعليكم السلام مين حضرتك 

~ انا سلمي زميلتك هنا في الكليه و كنت حبه جدا اني اتعرف عليكي بصراحه... كانت بتتكلم و عيونها بتدور علي حاجه 

* بتدوري علي اي علي الصليب صح 

~ ااااااا لا م مفيش مش بدور

* بصي يا ستي عشان اريحك انا مسلمه و اسمي هنا محمد زيدان اي حاجه تاني 

~ ااا اه انا عوزه اني انا و انتي نكون صحاب 

* صحاب يبنتي انتي مصدقه اني في صحاب اصلا مفيش حاجه اسمها صحاب 

~ غريبه انتي ازاي بتقولي كده و انتي الكليه كلها بنات و شباب مصحبينك 

*  لا دول مش صحاب انا واحده معايا فلوس فا لي ميكونش صحابي مشين تبع المصلحه يعني و انا عارفه اني البتاكل و بتشرب معايا بتتكلم عليا يبقي مفيش حاجه اسمها صحاب عرفتي 

~  لا انا معرفتش و كمان انا ارتحتلك يا هنا و عوزه فعلا اكون صدقتك منغير مصلحه انا مش محتاجه منك حاجه غير اننا نكون اصدقاء اي رايك 

* ماشي هجرب مش هخسر حاجه اسمك اي بقي 

~ اسمي دي حكايه طويله اوي تعالي نصلي الظهر الاول و بعدين اقولك 

* ااااا اصلي ااا انا مش معايا حاجه اصلي بيها 

~ تعالي انا معايا اسدال و نقاب في الشنطه احتياطي عشان لو اللبس حصلوا حاجه اغير او النقاب حصلوا حاجه اغيرو 

هنا ارتاح اوي للبنت دي و راحت معاها عشان تصلي 

         ___________________________

نرجع لبيت كبير البلد 

هاجر:  ريم انا حضرتك كل حاجه علي السفره و ندي طلعت تنده علي ام يحيي و امك 

ريم:  ماشي يا جوجو تعالي احنا بقي نقعد لحد مينزلوا 

نزلوا كلهم و كانوا لسه هيكلوا سمعوا صوت بيلقي عليهم التحيه 

علي:  السلام عليكم 

امينه:  علي علي ابني حبيبي وحشتني اوووي 

~ وانتي كمان والله وحشاني جدا يا امي 

_ الف حمدالله على السلامة يا علي 

~ الله يسلمك يا مرات عمي 

احم ازيك يا ندي 

ندي بصت لعلي و سابت الاكل و طلعت الاوضه و هاجر طلعت وراها 

يحيي:  عارف تستاهل تعمل فيكي اي حاجه والله 

~ عارف 

في اوضه ندي 

هاجر:  هتعملي اي يا ندي 

_ همشي من البيت دا 

* انتي بتتكلمي جد.... 

_ امال ههزر انا مطلقه و مينفعش اقعد انا و هو مع بعض فهماني 

* فهماكي 

هاجر و ندي حضرو الشنط 

~ طب انا هنزل شنطتي يا ندي وانتي ابقي انزلي ورايه 

علي وقف هاجر علي السلم 

~ اي يا هاجر الشنط دي في اي 

* هنسيب البيت 

~ اي مين القالك كده 

* ندي... بعد اذنك 

  علي وقف يفكر و بعدين طلع الاوضه 

ندي: ادخل 

~ هو انتي بتعملي اي 

___ الانتا شيفوا همشي 

~ لي يا ندي هو احنا مكتوبلنا نفضل بعاد علي طول مينفعش نكون مع بعض 

____ والله قول لنفسك انا حولت اننا نكون مع بعض كتير بس انت البتبعد 

~ ماشي كنت بعيد ورجعت عوزه تبعدي انتي لي 

____ عشان مينفعش افضل قاعده معاك انت نسيت احنا مطلقين 

~ ندي انا مش هستحمل انك تبعدي عني 

__ لا استحمل قبل كده انا استحملت  مره و اتنين انت سبتني مرتين يا علي لو انت فعلا متستحملش مكنتش سبتني في الوقت الهكون محتجاك في ابدا انت سبتني وانت عارف اني ابويا مات و اخويا مسافر كنت محتجالك 

~ انا اسف سمحيني و بعدين مين هيحميكي و انتي هناك لوحدك و انا بعيد عنك 

__ طب منتا قعدت سنتين كان مين الحميني اسمع ي علي انا المعايا ربنا و ربنا هو الحميني و هيحميني ديما 

~ يعني برضو انتي مصممه 

__ اه يا علي مصممه انت كنت مصمم انك تسافر و سافرت انا مش هسافر انا بس هرجع بيتي 

~ ماشي يا ندي انا هسيبك ترجعي ترتاحي مش هطولي هو اسبوع واحد و هترجعي هنا تاني عشان تكوني تحت عيني و كمان في معهد ولا اي 

__ انا مشيا سلام 

               ______________________

نرجع لسلمي و هنا 

بعد مخلصوا صلي قعدو شويه في المسجد 

~ مش هتقوليلي اسمك ايه بقي 

* اسمي سلمي بس الحقيقي رغد بس محدش عارف رغد دا هاا 

~ ماشي يا سلمي... عارفه انا دي اول مره اصلي فيها من سنتين 

* اي سنتين و استحملتي تفضلي بعيده عن ربنا كل الفتره دي ازاي و بعدين اسفه يعني انتي ازاي كده انتي عارفه صحابك بيقولوا عليكي اي دول بيقولوا عليكي كلام وحش اوي الاجانب و العرب الاتنين و انا عشان حسيت انك مش كده زي مبيقولوا قربت منك 

~ عارفه اني هما بيقولوا عليا كلام وحش جدا بس والله انا مش كده و بعدين انا حصل معايا حاجات خلتني كده 

* اي الحصل 

~ لا مره تانيه هبقي احكيلك 

* طيب ممكن تبطلي سهر مع صحابك دول و خصوصاً الشباب 

~ لا مقدرش لازم اخرج 

* خلاص ابقا اخرج انا وانتي في اي كافيه  

~ كافيه ماشي هفكر هدخل اقلع الاسدال عشان تخدي 

* لا خدي هديه مني و خليكي لبسه 

~ انا امشي بالشكل دا لا لا مش هقدر خدي اهو انا مشيا سلام 

في بيت سليمان 

* يوووووو انا كبرت مش صغير و من حقي اعمل الانا عوزه ودي حاجه انا عوزها لي تمنعني 

~ انت مهما كبرت هتفضل صغير بالنسبالي انت فاهم انا ابوك و من حقي اشوف الانتا بتعملوا غلط و اقولك انت غلطان 

رغد دخلت علي صوت عمها و كنان... في اي يا بابا في اي يا كنان 

~ كويس انك جيتي يا سلمي شوفي اخوكي بقي عاوز اي الجنان بتاعه دا 

* طيب خلاص يا بابا اخرج انت وانا هقعد و اتكلم معاه متقلقش 

..... اي بقي ياعم كنان في اي 

~ انا معرفش يا سلمي في اي اصلا هو عمل دا كلوا عشان بقول اني هرجع مصر و هدور علي البنت البحبها و اعرض عليها الجواز قعد يشتم و يهزق فيا 

* بصراحه يا كنان بابا معاه حق انت حتي متعرفش اسمها اي و بعدين انت علقت نفسك سنتين بيها و هي ممكن تكون اتجوزت او اتخطبت بابا عندو حق اصل انت هتنزل هتدور عليها ازاي وانت متعرفش عنها حاجه هتقول يا حوريتي السوداء ولا هتنزل بصورتها 

~ انتي كمان يا سلمي انا ماشي سلام 

نرجع لبيت كبير البلد

امينه: اي يا ندي الشنط دي راحه فين 

ندي: انا مشيا يا ماما مش هقدر اقعد في البيت و علي في 

علي: سبيها يا ماما برحتها ممكن بقي اسالك سؤال دلوقتي ابوكي مات و اخوكي سافر لو عوز اشوف حد كبير من اهلك عشان اكلموا في موضعنا اكلم مين 

ندي: يحيي طبعا و بعدين تكلم حد في موضعنا لي احنا الموضوع منتهي يلا يا هاجر.. سلام يا ماما 

يحيي كان في المزرعه قاعد و علي راحلو

~ بص بقي انا عوزك في موضوع مهم دلوقتي 

* انت عبيط يلا حد يدخل علي حد كده 

~ انا و اسمع بقي الكلمتين 

* اقول يلا هاا

~ دلوقتي ندي سابت البيت و مشيت وانا لما قولتلها عاوز حد من اهلك كبير اكلموا قالتلي يحيي طبعا محسساني انك حاجه كبيره 

* اي يا حيوان انت متحترم نفسك عاوز مني اي 

~ عوز اطلب اديها من جديد وانت موافق فا روح قلها يلا عشان عاوز الخطوبه الاسبوع الجاي  

* اي هو سلق بيض مين قالك اني موافق انا اصلا شوفتلها عريس ابن ناس كده و هيعرف ياخد بالوا منها و هي مش هتقول لا 

~ نعم انت بتقول اي  يحيي متستهبلش لو دا حصل اقسم بالله هقتل العريس و اقتلها و بعدها اقتلك انت كمان انت عبيط ولا اي 

* خلاص يا عم السفاح هاخد راي العروسه و اقولك بس لو رفضت خلاص 

~ لا يحيي حبيبي انت تروح و تقعد تقنع فيها انها توافق غصب عنها 

* ولو رفضت 

~ يبقي الذوق مجبش نتيجه و هستعمل قلت الذوق انا كده كده مطلقتهاش رسمي يعني مش عند مأذون يعني عادي جدا اروح عندها البيت و اقولها اني رجعتها لعصمتي تاني و تبقي تخبط رسها في الحيط وانت ابقي اخبط راسك معاها 

* اي يبني الدماغ دي عشان كده مطلقتهاش رسمي

~ امال احنا بنلعب يلا انا همشي وانت انهاردا تجيلي منها برد اشطا 

* ماشي عاوز اطلب منك طلب بقي

~ قول 

* انا هسافر يومين عوزك تاخد بالك من البيت و البلد 

~ رايح فين يعني 

* ااااا مسافر يا علي مش لازم تعرف اي الرخامه دي 

~ ماشي يا يحيي بكره تيجي و تفضفض و تقولي علي كل حاجه

في امريكا 

سلمي خرجت تقابل هنا 

وصلت الكافيه و استنتها نص ساعه و مجتش طلبت قهوه و طلعت كتاب تقراء في و استنت 

في بيت هنا 

هو انا بلبس لي انا مش عوزه اروح اقبلها اصلا انا مش عوزه حد يسالني و يقولي الحصل معايا اي بس انا في حاجه من جوايا بتقولي اروح حساها كويسه خلاص هروح 

في الكافيه 

كده خلاص هي مش هتيجي انا هقوم امشي احسن 

* انا اسفه جدا جدا اتاخرت عليكي بس حصل كام حاجه كده 

~ كويس انك جيتي انا خلاص كنت مشيا 

هنا استغربت اوي رغد دي ولا سلمي هي ازاي كده و تفوهت ب الكلام.... ممكن اسالك سؤال

* اتفضلي يا هنا 

~ انتي لي كده انا اتاخرت عليكي ساعه كامله وانتي عادي كده 

* اه عادي يعني اعمل اي انتي اكيد عندك ظرف.. اا المهم بقي احكيلي انتي لي مستسلمه للحياه اوي كده 

~ مستسلمه للحياه انا بالحصل معايا لزم اكون مستسلمه طبعا 

* طب احكيلي يا هنا

~ بصي يا ستي انا اسمي هنا محمد زيدان بنت رجل الاعمال محمد زيدان ابويا مشهور اوي في مصر وفي امريكا كمان انا كنت بحب ظابط في الجيش و علي فكره كنت محجبه و هو كان مشجعني  علي الحجاب و الصلاه و اني  اعمل اعمال خيريه كتير و خدي المفاجأة انا ختمه القران بس و كنا بنحب بعض جدا فاااا مره و هو كان بيصلي الفجر و لما خلص بعتلي رساله اني اقوم اصلي بس كنت صاحيه و كلمتوا و قعدنا نتكلم كتير و هو بيكلمني اضرب عليه نار هو و الفرقه بتعتوا و مات من بعدها وانا في الانا في دا محبتش حد من بعدو ولا هحب و غيرت كل حاجه في حياتي و مشيت من البلد الكانت سبب في موته و جيت هنا امريكا و مبقاش عندي شغف لاي حاجه خالص و عملت كل حاجه ممكن تيجي في بالك بس حفظت علي نفسي.. كانت بتتكلم و الدموع بتنزل من عيونها 

* مش هو دا الحل يا هنا الحل انك كنتي تصبري و بعدين دا ميت شهيد عارفه دا معناه اي دا كده ربنا بيحبه اووي و اختار انه يموت شهيد انتي غلطتي لما عملتي كده يا هنا المفروض كنتي صبرتي دا قضاء ربنا و بعدين انتي لازم تتغيري هو لو كان موجود كان زعل عشانك اوي و دلوقتي برضو هو زعلان علي فكره

~ بجد هو زعلان مني بس بس انا كان نفسي اتغير بجد بس مش عارفه انا اتعوت علي كده انتي اكيد قرفتي مني و هتقولي عليا اني وحشه و مش كويسه 

* لا شيلي الفكره دي من دماغك لو انتي شيفا نفسك مش كويسه  كل الحوليكي هيشوفوكي برضو مش كويسه لكن انتي اختي القرار من جواكي انك تتغيري يبقي خلاص فاهمه

__ ماشي انتي بقي اي حكايه رغد و سلمي دول 

قعدت رغد تحكي و تقول ل هنا كل الحصل معاها حست انها فعلا طيبه و كويسه بس محكتش بالتفصيل اوي و بعدها قامت و مشيت 

نرجع لبيت كبير البلد 

قدام بيت صالح الديب 

منك لله يا علي الكلب انا اجي و ابقي واقف الوقفه دي يعني والنبي ادخل اقول اي اقولها جوزك عاوز يخطبك

كانت ندي خرجه تفتح الباب لقت يحيي واقف و بيكلم نفسه 

~ يحيي يحيي اي انت بتكلم نفسك 

* اي يا ندي اي اخبارك

~ انا تمام اتفضل

دخل يحيي و كان قاعد ساكت 

* يحيي انت بقالك فتره قاعد ساكت في اي 

~ اصل بصراحه مش عارف اقول اي 

* اي يا يحيي مالك اول مره اشوفك كده قول و خلاص في اي 

~ ندي علي طلب ايدك مني اي رايك 

..................... #نهايه الفصل #..........................

#جعلني_احبه

بقلم/ ساره بكر

الفصل السابع و العشرون 

~ ندي علي طلب ايدك مني اي رايك 

...............

~ ندي ندي مش بتردي لي 

* بصراحه مستغربه يعني هو واعي و عاوز يطلب ايدي بجد 

~ اه و مستني ردك علي نار اي رايك 

* يحيي بجد انا مش مصدقه طب انا اعمل اي 

~ يحيي و هو يغمز لندي انا هقولك تعملي اي .............

عند رغد و هنا 

* رغد مهما كان القولتي دا مش هتكوني زي انا وحشه اوي يا رغد انا بحس اني ربنا مش هيسمحني ابدا يا رغد انا عملت حاجات كتير اوي وحشه انا كل مابفتكر بموت من العياط هو انا لي عملت كده لي كنت المفروض استحمل و اصبر زيك انتي استحملتي و صبرتي لكن انا اخترت الغلط 

~ هنا انتي الاخترتي الغلط و بايدك تصلحي الغلط دا ارجعي لربك تاني و صلي و ادعي و ربنا غفور رحيم بقولك اي يلا نروح بقي عشان في جامعه بكره ولا اي 

* ماشي يا رغد 

في مصر 

علي كان قاعد في جنينه البيت مستني يحيي علي نار و اول مشافوا داخل جري عليه ... هااا يا يحيي قولي عملتوا اي و هي قالتلك اي هاااا 

* يبني اهدا اخد نفسي حتي الله 

~ قول اخلص عملت اي 

* انا روحتلها و كلمتها في الموضوع و هي قالت 

قطع علي كلام يحيي ... يبني اكيد وفقت خلاص الخطوبه الخميس الجاي تصبح علي خير بقي 

* استني يا عسل صحبه الشأن بتقولك سبها تفكر مقدار اسبوع كده 

علي وقف مكانه من الصدمه نععععععععععععععععععم مين مين مين اي اي تفكر تفكر في اي ان شاء الله دا احنا كنا متجوزين تفكر في اي دي و بعدين بقي ان شاء الله بعد التفكير دا ممكن ترفض 

* ممكن لي لا هي حره و دي حياتها و بعدين يا علي لو اي حد  مكنها يرفض 

~ لي ان شاء الله بس هصبر الاسبوع ولو من نفسها موفقتش هيكون غصب عنها سلام يا يويو 

* يويو 

بعد ما علي ساب يحيي في الجنينه يحيي قعد يفكر و طلع موبيله و عمل مكلمه و طلع ينام هو كمان 

في امريكا 

سلمي رجعت البيت قعدت تدور علي كنان ملقتوش و سالت ابوها عليه 

* بابا هو كنان فين انا مش لاقيه 

~ كنان خرج يا ستي هيجيب حبه حاجات عشان هيسافر اسبوعين مع صحابه 

* ماشي يا بابا انا هطلع اذاكر و انام 

~ ماشي يا دكتور 

سلمي ( رغد) طلعت عشان ترتاح و سابت رساله لكنان اول ميجي يكلمها و صلت و قرات وردها وكان قلبها مقبوض اوي  متعرفش لي حست بالخوف دا و قعدت تذاكر 

كنان رجع و طلع علي اوضه سلمي خبط عليها و استني لما اذنت عشان يدخل 

* اي يا سلمي عوزه اي 

~ قولي يا كنان اي موضوع السفر دا و ازاي متقوليش هاا 

* والله كنت لسه هقولك 

~ ايو عوزاك تعترف كده لوحدك انت امبارح بس كنت بتزعق مع بابا فجاه كده عاوز تسافر تغير جو هاا 

* انا عارف انك هتقفشيني بصي  يا ستي انا صحابي فعلا مسفرين اسبوعين انا ظبت معاهم اني لو بابا سالهم يقولوا اني معاهم لكن انا هرجع مصر  

~ اي هترجع مصر دا لي  

* عشان ادور عليها يا سلمي انا لازم القيها 

~ انت غريب يا كنان واحده شوفتها مرتين تلاته في حياتك لحقت تحبها و هتموت عليها كل دا 

* اه يا سلمي بكره لما تحبي هتعرفي و هتحسي بي الانا بحس بي انا هسافر بكره ماشي

و ادعيلي اني لقيها تصبحي علي خير 

~ وانت من اهله ... خرج كنان و هي قلعت النقاب و قعدت تفكر و بعدها نامت 

مع شروق الشمس استعد كنان انه يسافر و بيحلم انه يلتقي با الحوريه السوداء بتعتوا و يحيي سافر علي امل انه يقابل رغد بعد فراق سنتين 

في معهد ندي 

عصام : انسه ندي 

* نعم في حاجه 

~ لا خالص بس كنت عاوز اعرف لو في حاجه واقفه قدامك و محتاجه فيها شرح او حاجه انا مستعد اشرحلك اي حاجه 

علي : ااه و حضرتك مين عشان تشرحلها بقي 

عصام : وانت مين انت اصلا عشان تتدخل في الكلام 

علي : لا عرفي انتي انا ابقي مين 

ندي : بعد اذنكوا 

علي : ماشي يا ندي ماشي

         _______________________

كنان وصل لام الدنيا و ركب القطر عشان يوصل قنا كان علي امل انه اخيرا هيشوفها و بعد منزل قنا راح بيت عمر ... اخر مره كنان كان قايل لعمر انه هينزل قنا تاني و عمر ادالوا مفاتيح البيت.. وصل البيت و ارتاح شويه 

في امريكا 

سلمي : صباح الخير يا بنات 

واحده زميله سلمي : بقولك اي يا سلمي ابعدي عن البنت الاسمها هنا دي دي مش كويسه و مشيا مع شباب الكليه المصرين زينا و الاجانب و بتسهر معاهم و الله و اعلم بيعملوا اي 

* انتي شوفتيها بعينك وهي بتعمل كده 

~ لا بس في ناس كتير اوي بتقول 

* لا لما انتي تشوفيها ابقي قوليلي 

شاب امريكي 

الحوار مترجم 

~ هلو سلمي 

* هلو من انت 

~ انا جاك زميلك في سنه رابعه 

* اهلا جاك ماذا تريد 

~ اريد منك ان تبعدي عن الفتاه التي تدعي هنا انها لا تشبهك ابدا انتي شئ و هي شئ اخر لا اريد ان احد يتكلم علي فتاه مثلك لمجرد انك قاعده معاها اتركيها للفتيات التي تشبها 

* حضرتك انه شئ يخصني انا فقط لا احد داخله به و انا سعيده اني تلك الفتاه صديقه لي بعد اذنك 

كانت هنا سمعا الحوار كله و جريت و هي بتعيط بس سلمي لحقتها 

*هنا استني انتي راحه فين 

~ سبيني يا سلمي انتي مسمعتيش الهما بيقولوا انا بي الانا عملتوا محدش هيصدق اني ان اتغيرت مهما عملت محدش هيصدق اني عوزه اتغير 

* ميهمكيش يا هنا كلام الناس لو انتي كويسه هيتكلموا و لو وحشه برضو هيتكلموا في اي حاله مش هيسكتوا صدقيني انتي لازم تكوني قويه عشان تعرفي تعيشي 

~ ماشي يا سلمي 

في مصر 

في بيت يحيي الأنصاري

انا مش عارفه رغد بقالها شهرين لي مش بتكلمني انا قلقانه عليها اوي 

* مالك يا ريم في اي يا حبيبتي

~ رغد يا ماما بقالها شهرين معرفش عنها اي حاجه 

* خير يا بنتي ان شاء الله هتكون بخير متقلقيش 

~ يارب يا ماما يارب 

في امريكا 

سلمي كانت مروحه وكان قلبها مقبوض اوي كان في ضربات قلب غريبه حست احساس غريب كانت مفتقده الاحساس دا من سنين و رجعت حست بي تاني كانت خيفه اوي وصلت لحد البيت و وقفت لما شافت يحيي خارج من البيت زادت ضربات قلبها اوي و خافت جدا احسن يشوفها معرفتش تعمل اي وقفت وراه الشجره لحد مخرج 

يحيي كان خارج من البيت بخيب امل كبير وكان في دموع بتنزل منه وقف شويه في الجنينه و حس بضربات قلبه حس اني رغد موجوده لف وراه بس ملقهاش و خرج 

رغد شافت دموع يحيي لتاني مره بتنزل بس المره دي متعرفش دموعه نزله لي او هو جاي لي دخلت البيت 

* باااااااااابا بااااااااااااب

~ اي يا سلمي مالك يا حبيبتي عوزه حاجه 

* بابا هو هو ي ي يحيي كان هنا لي انا انا شوفته وانا داخله البيت وكان شكلوا زعلان ااا اقصد يعني كان غريب هو كان هنا  لي 

~ كان بيسال عليكي يا سلمي 

* اي لي لي كان عاوز اي يا بابا او انت قولت اي هو عرف اني هنا 

~ لا يا رغد انا قولتلوا زي منتي عوزه انك موتي من شهرين 

* رغد فهمت دموع يحيي معناها اي و كان اي سببها .. طب بعد اذنك يا بابا انا هطلع انام 

رغد طلعت الاوضه و انهارت من العياط هو عاوز اي مني تاني عاوز اي مني بيسال عليا لي مش كفايه بقي اهئ اهئ و بعدين معقول يحيي دموعه النزلت دي انا السبب فيها انا السبب في دموع يحيي معقول لي يا يحيي جيت انا كنت عوزه انسي لي كل منسي افتكر تاني لي و انا مكنتش عوزه اكون سبب في دموع حد مش قصدي اكون سبب في دموعك والله 

يحيي ركب العربيه وراح علي الاوتيل ومكنش مصدق نفسو ازاي رغد تموت كده حس انه السبب معقول ازاي رغد تموت ازاي فضلت دموع يحيي تنزل بغزاره 

في مصر

ندي خلصت و خرجت من المعهد 

* انا من حقي اعرف مين الكان واقف معاكي دا

~ لا مش من حقك اي حاجه علي فكره 

* لا من حقي 

~ بصفتك اي بقي 

* خطيبك يا ندي ولا انتي عندك راي تاني 

~ لا انت مش خطيبي انا لسه بفكر و بعدين انا ممكن ارفض بي الانتا بتعملوا دا فاهم 

* مين دا يا ندي قولي عشان انا ابتديت اتعصب 

~ ااا دا زميلي و كان بيسالني لو في حاجه واقفه قدامي بس 

* ااه وهو بقي اي واحده من زميلاك بيعمل معاها كده برضو 

~ لا انا بس 

* ااااه وقعتي وقولتي اهو اشمعنا انتي بقي البيعمل معاكي كده هااا .. كان علي بيكلمها وهو ماسكها من قفاها 

~ اي يا علي اوعا ايدك و انا هقولك ... ااااا هو يعني 

* قولي 

~ بيحبني 

* نعم طب ندي روحي علي العربيه قبل مقتلك يلا يلا 

~ اي دا اي دا انت ازاي تزعقلي كده انت اتجننت انت ملكش دعوه بيا و بعدين انا هروح علي العربيه بتعتي مش علي عربيتك 

* انتي بتزعقيلي يا ندي و كمان مش عوزه تركبي عربيتي 

~ ااه .... كانت ندي لسه هتمشي بس علي كان اسرع منها و شالها لحد العربيه بتعتوا و ركب و مشي 

في قنا 

كنان خرج البلد و بدا يدور علي الحوريه السوداء لحد متعب و رجع تاني بس مستسلمش و قرر انه لما يصحا الصبح يدور تاني كان عندو امل كبير انه يلقيها 

مر اسبوع علي نفس الحال 

يحيي رجع البلد من غير مشاعر كان ديما  في قلبه حب بس من بعد موت رغد ماتت اي مشاعر في قلب يحيي 

رغد كانت علطول في البيت مرحتش الكليه مكنتش قادره تكلم حد او تخرج و كان منظر يحيي وهو بيبكي مش بيفارق خيالها 

كنان صحابوا كلموا عشان يرجع الرحله بقت اسبوع بس ولازم يرجع قبل مهما يرجعوا و هو حضر شنتطوا بخيب امل لسه مشفهاش ولا عرف عنها اي حاجه و خلاص هيرجع تاني امريكا 

هاجر كانت حسه باحساس غريب وكانت بتقعد في الجنينه بتاعت البيت مكنتش بتخرج خالص بس الاحساس الهي حست بي اني في حد هي مفتقداه معاها 

ندي من بعد م علي شالها راح بيها علي البيت بتاعه و اتفقوا علي الخطوبه و انها تفضل في البيت لحد متخلص المعهد و بعدها يتجوزوا 

بعد مرور السنتين

      الفصل الثامن والعشرون من هنا 

لقراءة باقي الفصول اضغط هنا