رواية جريمة عشق
الفصل والحادي الاربعون والاخير41و42
بقلم مريم نصار
عدي الفرح على خير وكل المعازيم اتحركوا علشان مروحين
آدم قرب من مريم :-حبيبتي يلا بقى الكل بدا يروح قومي معايا على عشنا
مريم :- آاااااادم
آدم :-عيون آدم يا قلبي
مريم :- ااااداااااااام
آدم :-ايه يا مريم بتزعقي كده ليه انا سامعك ؟!!
مريم :- ااااه آااادم الحقني ااااه
آدم جمبها ومش عارف يعمل ايه م .. مالك يامريم
و كل الموجودين خافوا من الصوت والكل بدأ يدور على مصدر الصوت
وشيرين لمحت آدم قاعد على ركبه ومحتار وراحت تجري عليه و سامعه صوت صريخ مريم
مريم :-اممم ااااه يا الله آدم اتحرك اعمل حاجه
آدم جسمه كله بيترعش اول مره يسمع صوت مريم بالطريقه دي
آدم :- طيب حاضر قولي اعمل ايه بصي ا..اانا . انا هاشيلك ماشي تعالي
مريم :- لاااااا مش قادره اتحرك انا شكلي بووولد يا آدم الحقني
آدم بصدمه :-ايه بتولدي؟؟؟
شيرين :- فى ايه مريم بتصوتى ليه؟؟؟
مريم :- انتو لسه هاتسألو اااااه يا الله منك يا آدم مش وقت لخبطه اااتصررررف
آدم واقف مرعوب ومش عارف يتصرف
واخيرا طلع الفون واتصل على بيتر الل كان في حضن مراته ورد عليه غصب عنه
آدم :- بيتر شوفلي دكتوره حالا
بيتر :- حصل ايه تاني يا صاحب السعاده من ساعه ما عرفتك
آدم :-اخلص يالا انت مراتي مش عارف ما لها بتقولي شكلها بتولد انجز
بيتر ابتسم :-الف الف مبروك يا صاحبي والله فرحتلك
آدم :-وحياة امك هو ده وقته اخلص جهز كل حاجه وانا هاخدها دلوقتي على المستشفى
بيتر :- وحياه امي وماله ماشي يا عم اقفل وانا هتصرف
آدم قفل وشايف الكل حوالين مريم شيرين ورنا وملك وهنا ونهاد والنفس خلاص عند مريم علشان لابسه النقاب
آدم قلبه بيدق بسرعه وفكر وقال مش وقته مش وقته غباء وتوتر مريم تعبانه يا آدم وجري عليهم وقرب من مريم اللي كاتمه صريخها بالعافيه
آدم شالها بالراحه علشان ماتتعبش ومريم مسكت في الجاكيت بتاعه بقوه مشفهاش من مريم قبل كده
وشاف عيون مريم كلها دموع وخلاص حاسس انها هيغمى عليها
آدم جرى على العربيه وحطها جمبه وركب وطار بالعربيه وكل الل في القاعه هيبدأو يتحركوا علشان يروح وراه وهي راكبه جمبه
:- مريم حبيبتي انتي كويسه ؟؟
مريم :- اممم ااااه اسكت يا آدم مش طايقه اسمع صوتك ااااه يا رب يا رب
آدم :-طيب يا حبيبتي اهدي انتي بس
مريم :- اهدي اييييه اهدي ايه سوق بسرعه حرام عليك ااااه يا ادم انا تعبانه من بدرى ومش راضيه اقول اااااه يا رب
آدم متلخبط:- ايوه يا حبيبتي قولى يا رب
مريم :- امال انا بقووووول ايييه انت مستفز ليييه انا لابسه النقاب ومش طايقه نفسي ااااه يا رب
آدم مسك ايديها ومريم كلبشت في ايده ومش حاسه انها غارزه ضوافرها في ايد آدم
وآدم جواه بيتالم ااه وساق العربيه بسرعه جدا لان مريم عماله تصرخ
آدم :- هانت يا حبيبتي كلها 10 دقايق ونوصل انتي احسن دلوقت
مريم بصتله بغيظ:- ااااه يا آدم انا احسن الحمد لله و حاسه ان الدنيا حلوه اوووى
وطلعت فيه مره واحده وآدم اتخض :-انت البعيييد ايه . انا بوووووولد بوووولد فاهم الموضوع طلع صعب قوي وعيطت بصوتها كله
آدم مش قادر يستحمل
آدم :- طيب بصي اصرخى اعملي اللي انتي عاوزاه بس علشان خاطري حاولي تكوني كويسه علشاني واهدى ان شاء الله هتعدي على خير مش انتي بتقولي نستعين بالله استعيني بالله يا حبيبتي
مريم غمضت عينيها و بتتنفس الله المستعان الله المستعان اللهم لا سهل الا ما جعلته سهلا يا رب يا رب وطوله طريق تستغفر وتسبح
ومره واحده تصوت ادم بجد زعلان عليها وكان مفكر ان الامر سهل
آدم متلخبط ومش عارف يتصرف وحط ايده على بطن مريم وبيكلم بنته وبيقولها:- حبيبة باباها المدلله بنوتي الحلوه بطلي توجعي ماما اوكي يا روحي
مريم خلاص جابت اخرها من آدم:- حبيبه اييييه . و بنوته ايه ... انا بووووولد . وتقولى مدلله يا آدم . وتقولها متوجعيش ماما ايييييه بس الصبرررر يا رب يا رب
واخيرا مريم وصلت المستشفى وآدم شالها برده كالعاده ومحدش شالها غيره
وبيتر عمل اتصالاته وجهزه لكل حاجه
آدم وصل للدكتوره :- خير
آدم :-خير ايه مراتى بتولد
الدكتوره شافت مريم
:- طيب تعال ودخلها هنا
آدم جرى بيها على السرير ونيمها بالراحه خالص وجري جاب كرسي وقعد جمبها ومريم ماسكه ايده :-ما تسبنيش يا آدم مش قادره اااااه
آدم :- حبيبتي انا جمبك مش هاسيبك
آدم قلع لمريم النقاب وشاف وشها كله ميا واتفاجئ بالدموع اللي عماله تنزل من عيونها قد كده الالم لا يقاوم ومسح وشها وقرب منها وباسها من جابهتها وقعد على السرير جمبها ورفع ضهرها شويه وحضنها مريم كلبشي فيا جامد حاولي تهدي نفسك فكري في حبيبت قلبك انها هتكون جمبك كمان شويه فكري يا مريم في اي حاجه حاولي تهوني عليكي شويه
مريم سمعت كلامه و فكرت في بنتها وكمان فكرت في لحظات بينها وبين آدم حاسه انها هديت شويه وقبضه ايديها بدات تهدا
الدكتوره جت وركبتلها الكانيولا وحطتلها فيها حقنه
الدكتوره :- لو سمحت اطلع بره
مريم كلبشت فيه:- ارجوك ما تسبنيش لوحدي ارجوك انا حاسه اني هموت يا آدم خلاص
آدم قلبه اتقبض وخاف:-بس يا مريم دي ولاده يا حبيبتي ومش هيجرالك حاجه
الدكتوره :- لو سمحت اتفضل
آدم :- انا هافضل جمبها هي خايفه ومحتاجالي
الدكتوره :- ما ينفعش
مريم :- دكتوره لو سمحتي ارجوكي لو سمحتي خليه جمبي حاسه اني مش هاقدر من غيره ولو سمحتى
آدم قاطعها:- بس يا مريم بس انا يا حبيبتي جمبك ومش هاسيبك لحظه واحده وبص للدكتوره :-اتصرفي واعملي اي حاجه انا مش هاسيب مراتي
الدكتوره حاسه ان مريم عينيها بتغيب وطلعت بره وندهت للممرضه:- جهاز الضغط بسرعه
ودخلت جوه :-ابعد بقى لو سمحت كده وقربت من مريم وفحصت عينيها وقالتلها:- مريم انا عايزاكي مفتحه عينيك معايا على طول اوعى تستسلمي علشان ما تتعرضيش لاي خطر اهم حاجه عينيكي تكون مفتوحه ومصحصحه
مريم عينيها بتغمض وبتتكلم م..م.مش ق.ا.ادره
آدم قرب منها مريم .. :-مريم ردي عليا
مريم فتحت عينيها:- آ..اا.ادم خليك
جهاز الضغط جه والدكتوره قاست الضغط لمريم وكان واطي جدا الدكتوره بسرعه علقت محلول لمريم علشان يرفع عندها الضغط الواطي شويه وقالت مريم :-افتحي عينيكي فاهمه انتي بتولدي وشكلك تعبانه من بدررى اوى حبيبتي انتي قدامك نص ساعه بالتمام وابنك يشرف
آدم :- مريم حبيبتي انا جمبك اهو فتحي عيونك بقى خليكي باصه عليا
مريم :- هو ولد يا دكتوره
الدكتوره :- ايوه يا حبيبتي من اخر مره جيتي هنا وانا طلبت منك تعملي سونار وكان ولد اااااه اه مريم قطعت الدكتوره اااااه مش قادره يا دكتوره بالله عليكي اتصرفي
الدكتوره :-حبيبتي خلاص ضغطك يتظبط وكل حاجه هتبقى تمام و هننقلك غرفه العمليات
وبصت ل آدم:- لو هتحضر الولاده معاها اتفضل مع الممرضه عقم نفسك والبس هي هتحضر كل حاجه اتفضل معاها واحنا هننقل مريم للعمليات
آدم :-لا محدش هينقلها غيري انا هاقوم والبس في ثواني واكون عندك وبص ل مريم:- حبيبتي اهدي ماشي ثواني و هكون عندك ومش هاسيبك انا جمبك لاخر العمر وباس أيدها
آدم سابها غصب عنه وخرج وشايف الكل موجود بره مصطفى وشيرين واشرف وهنا ومحمد ورنا وطارق و جاسر وملك وحسام وخالد كان لسه في الطريق هو ونهاد وزياد
و عايزين يطمنوا سالوا آدم وآدم طمنهم عليها وراح يلبس وشيرين دخلت لمريم وعيونها كلها دموع:- حبيبتي اهدي
مريم :- مش قادره يا ابله انا حاولت مصرخش لكن الوجع طلع اقوى مني وعيطت انا مكنتش اعرف ان وجع الولاده صعب كده
شيرين :-حبيبتي كل الوجع ده هيروح لما تشوفي البيبي انا هاقولك تعملي ايه بالضبط واسمعي كلامي
و شيرين قالتلها شويه نصايح في الولاده وخلاص اول ٥ دقايق عدوا
وملك وهنا ورنا متوترين وكل واحده جوزها بيطمنها
بقلم Mariem Nasar
وآدم جه جرى وشال مريم بين ايديه بكل حب . ووجع في قلبه من شكل مريم وهي بين ايديه كده وفكر انه مش عايز يخلف تاني علشان مريم ما تتعذبش تانى بالشكل ده
ودخل بيها العمليات وآدم شاف مقصات ومشارط شاف حاجات كتير :-ايه ده يا دكتوره المشارط والمقصات دي. دي ايه
الدكتوره :- ما تقلقش احنا دي ولاده طبيعيه ان شاء الله مش هنحتاجها
ومريم فضلت تصوت جامد وماسكه في ايد آدم
وآدم وطي عند وشها يمسح كل الميا اللي على وشها ويبوس جابهتها يطمنها :-انا جمبك ومريم ماسكه في هدومه
الدكتوره :- ايوه يا مريم خلاص اهو
قلب آدم بيدق جامد وخايف على مريم وشاف ان النص ساعه دي ٤ سنين وفاق على صرخة مريم
صرخه ماسمعهاش قبل كده وراسها رجعت لورا من شده الصرخه وبعدها سكتت خالص وآدم اتخض وسمع صوت البيبي الممرضه:- اتفضل يا استاذ ولد زي القمر
آدم مهتمش:- مريم ... مريم
آدم وطي على وشها بخوف
ومره واحده مريم صرخت كمان آدم اتخض لكن حمد ربنا وساأل الدكتوره:- هي بتصرخ ليه تاني هو البيبي مش خرج
الدكتوره :- لو سمحت خليني اشوف شغلي وانت حاول تفوقها يلا يا مريم ساعديني يا حبيبتي
مريم :- آدم . آدم احضني يا آدم جامد
آدم عيونه لمعت بالدموع وقرب منها و حضنها جامد ومريم ب تستمد قوتها منه وبعدها وهيا في حضن آدم صرخت نفس الصرخه واقوى وآدم غمض عينيه وشاف ان قد ايه مريم اتالمت
وآدم مش عارف هي بتصرخ تاني ليه ولا عارف يخفف عنها وبعدها مريم سكتت آدم نيمها في السرير
:-يا دكتوره هي بتصرخ وتسكت ليه
الدكتوره بابتسامه علشان شايفه خوف آدم الحقيقي عليها قالتله:- ابدا خلاص مراتك ولدت والف مبروك بنت زي القمر
آدم مش مركز مع كلام الدكتوره
مريم ... مريم... فتحى عنيكى وكلمينى
مريم فتحت عينيها بدموع نازله من جمب عينيها وآدم نزل عل عيونها وباس الدموع الل نازله وآدم مفرقش معاه الدكتوره موجوده و دمعه نزلت من عينيه على جبينها :- علشان خاطري بلاش دموع
مريم بتنهج بسيط:- آدم
آدم :-عيون آدم
مريم : انا . انا ولدت فعلا
آدم هز راسه وابتسم لما شاف ابتسامة مريم
ومريم فرحت جدا:- عايزه اشوفه يا آدم عايزه اشوف ابني لو سمحت
الدكتوره ابنك بس يا مريم طيب والبنت اللي زي القمر دي
مريم مش مصدقه:- دكتوره تقصدي انى ....
الدكتوره:- ايوه يا حبيبتي انتي جبتي توأم ما شاء الله زي القمر ولد وبنت انا كنت هاقولك قبل كده لما طلبت منك نعمل سونار بس انتي موافقتيش المهم دلوقتى حمدلله على السلامه شويه كده وهنطلعك على اوضتك
والف مبروك يا استاذ آدم
آدم هز راسه ليها ومش مصدق يعني هو بقى عنده أولاد
ومريم فرحتها ما تتوصفش انها جابت بنت ل آدم
وآدم كمان كان مبسوط لانها جابت الولد اللي هي كانت عايزاه
آدم رفع راسه شاف مريم مغمضه عنيها وبتتكلم بصوت مش مسموع
آدم :-مريم حبيبتي ب تمتمي تقولي ايه؟؟
مريم :- ابدا يا حبيبي بدعي ل رنا بالذريه الصالحه وهنا وملك يقومه بالسلامه
آدم ابتسم بحب:- حمد لله على السلامه وقعتي قلبي
مريم :-سلامه قلبك يا حبيبي
آدم بص حواليه شاف قطن وشاف دم وقلبه وجعه جدا على مريم
:-حبيبتي انتي كويسه دلوقتى
مريم :- الحمد لله يا آدم شكرا لانك جمبى
الدكتوره جت الاوضه :-جهزت يا مريم وبصت ل آدم هتشيلها حضرتك ولا ...
آدم بالفعل قام شال مريم
بقلم Mariem Nasar
والدكتوره في سرها ايه الحب ده بتهيالي ده سحر مش حب مفيش كده واتنهدت بحب ربنا يسعدهم
وآدم شال مريم وخرجها ودخلها الاوضه ونيمها والممرضه جايبه الولد والبنت ودخلت عليهم وجابت الاتنين ل آدم يشيلهم وكان مرعوب وخايف
والكل دخل عليهم شيرين وحسام ورنا وملك وهنا واشرف ومحمد والكل كان مبسوط
طارق واقف بره هو وجاسر شيرين عيطت من الفرحه
آدم واقف خايف ومكانش عارف يتعامل وشيرين قربت منه اخدت طفل وباسته
:-اذن في ودنه
وفعلا ادم أذن وكان صوته رائع جدا ولكن كان فيه رعشه لان ادم مش مصدق انه عنده عيله واللي شايله ده هو ابنه
نهاد وخالد وصلو واخيرا هي وزياد ودخلت جوه وباركت ل مريم وآدم والكل كان فرحان
مريم لمحت حسام و ندهت عليه:- حسام
حسام :- نعم يا مريم حمد لله على سلامتك الاول
مريم :- الله يسلمك انت هنا بتعمل ايه اتفضل روح لعروستك
حسام :-اروح واسيبك فين بس
شيرين :- مريم بتتكلم صح كلنا هنا معاها يلا انت بقى روح شوف عروستك انت وصلتها على البيت وجيت على هنا يلا بقى وبعد اصرار حسام سلم عليها وباس الاطفال وبارك ل آدم ومشي
رنا كان جواها مشاعر غريبه وكان نفسها تشيل البيبي جدا مريم :-رنا
رنا :- نعم يا قلبي والف حمد لله على السلامه
مريم :- الله يسلمك مش هتشيلي اولاد خالتك
رنا هنا ابتسمت بحب يعني انا ليا اولاد خاله وقربت من آدم وشالت بيبي وجواها احاسيس جميله رنا طبعا مش غيرانه لا هي عايزه تكون أم
مريم:- انا دعيتلك كتير وان شاء الله هيستجيب
رنا :-يا رب يا مريم يا رب
آدم اذن للطفلين وخالد قام وباركلهم وخرج كل الفلوس اللي معاه ووزعهم على الممرضين من الفرحه
ونهاد قاعده:- فين حفيدى يا ناس عايزه اشوفه
محمد :- دول اتنين يانانه مش طفل واحد
شيرين : احنا مش قولنا لما نشوف حاجه كده نقول ما شاء الله لا قوه الا بالله
محمد : قولت يا ماما والله قلت بس انا عايزه اشيل البنت
طارق قاعد بره هو وجاسر
:-عارف يا جاسر آدم هيسمي ابنه على اسمي
جاسر :- معقول انت متاكد
طارق :- امال عيب عليك يابني احنا اخوات واكيد يعني من البديهي انه هيسمي ابنه على اسم اخوه اللي هو انا و هيبقى اسمه طارق آدم العدوي
جاسر :- جميل طيب والبنت هسميها ايه
طارق : ممكن يسميها نهاد
جاسر :- او ملك علشان اخته
طارق :- ممكن صدق خلاص آدم صاحبي بقى ابو طارق دلوقتى وضحكو
كلهم جوه قاعدين وآدم جواه احاسيس متلخبطه وقاعد جمب مريم والممرضه اخدت الطفلين
محمد :- هههههههههههه
كلهم بصو عليه شيرين :- في ايه يا محمد بتضحك ليه؟!!
محمد :- هههههه يوم فرحهم مريم اغمي عليها في القاعه واخدناها المستشفى واكتشفنا ان مريم حامل
والنهارده فرح خالو حسام مريم تعبت في القاعه وبتولد وكله بيحصل في قاعه الافراح بدايه مشرفه هههههه انتي محظوظه يا مريم
كلهم ضحكو
:-رنا تصدق صح
هنا وملك قاعدين جمب بعض وخايفين لان هنا في شهرها السادس وملك الخامس ولما شافو مريم بتصرخ كل واحده فكرت انها هتكون في نفس الموقف
محمد :- ها بقى هاتسموهم ايه يا عمو آدم؟؟؟
آدم :- والله يا محمد اللي هيسمى اولادي هي مريم
مريم :- لا يا آدم انت ابوهم وانت اللي هتسميهم يا حبيبي
آدم مسك ايدها وباسها:- لا يا حبيبتي ما حدش اتوجع غيرك ولا تعب غيرك ولا حد جبلي اصلا احلى هديتين غيرك انتي ..
و انتي اللي هتسميهم ويا ستي كلنا هنساعدك واختارى ايه رايك
محمد :- انا هاقول ايه رايكم الولد تسموه محمد علي اسمي
والبنت تالا
آدم :-محمد تاني اركن يالا انت على جمب والكل ضحك
رنا :-فيروز وساجد
هنا :- اشرف وهنا. . والكل ضحك على هنا وحبها ل اشرف . واشرف قرب منها وباسها حبيبتي انا يا ناس ما تحرمش منك
ملك :-خالد ونهاد
خالد :- لا لا ما حدش يسمى اسامي متكرره وانا مش موافق على خالد ده ابدا كفايه خالد واحد في العيله
كلهم ضحكو
نهاد :-انا طبعا مش موافقه ان حد يتسمي على اسمي الاسامي الجديده كتيره و ماتظلموش العيال
مريم ساكته
آدم : حبيبتي عندك اسم معين
مريم : هزت راسها ايوه
آدم :- طيب قولي ساكته ليه
مريم :- حبيبي هات ورقه وقلم وفعلا جابولها ورقه وقلم من شنطه ملك
مريم مسكت الورقه وكتبت مريم . آدم وبعدها كتبت تحت اسم مريم ميم راء
وآدم كتبت الف دال
وجمعتهم وقالت مراد انا هسمي ابني مراد على اول حرفين من اسمائنا انا وانت
آدم قلبه دق من عشقه اللي قاعده قدامه وفرح جدا من تفكير مريم
ومحمد صفر صفاره صغيره:- الله الله دي حاجه فخمه قوي اوعدنا يا رب
آدم باس ايد مريم:- موافق ياأم مراد هيكون احلى مراد
مريم :- والبنت هسميها نور
آدم وملك ونهاد وخالد قلبهم فرح جدآ
وآدم غمض عينيه واتنهد بحب:- ربنا ما يحرمني منك ولا من مراد ونور ابدا
مريم :- اللهم امين يارب
طارق اتصل على رنا علشان الوقت اتاخر قوي و سال على اسماء الاطفال و لما رنا قالتله قالها آدم ده واحد واطي
افتحي الاسبيكر وادي الفون ل آدم طارق زعق جدا وكلهم ضحكوا على طارق بهدل آدم حرفيا علشان ماسماش طارق وفي الاخر آدم صالحه وطارق بارك لمريم واخد رنا ومشيوا
واشرف بعدها اخد هنا وكمان جاسر اخد ملك .
..ومحمد كان قاعد جمب سرير الاطفال . وماسك ايد نور . وشاف قد ايه أن نور جميله . وايديها وضوافرها ناعمه . وابتسم . وقالها انتى جميله اوى يانور ..
وشيرين ونهاد كانوا عايزين يقضو الليله مع مريم لكن آدم رفض وقال ما فيش حد هيقعد مع مراتي غيري
ومصطفى بارك ل آدم ومريم واخد شيرين ومحمد
وخالد اخد نهاد وزياد لانها خلاص هتعيش في فيلا العدوي
وآدم طول الليل قاعد جمب مريم ومش مخليها تحتاج ل حاجه وحاول ياخدها ف حضنه ونامو
جه تاني يوم وآدم بيساعد مريم والممرضه كانت هتموت على آدم وحاولت وهى بتساعدو في الاوضه تلمس ايده على اساس بالغلط وتحتك بيه وتقرب بطريقه ملفته
وآدم مش مركز معاها لكن مريم واخده بالها وكمان شافت ان آدم مش في دماغه غير مريم وولاده
وادم سابها وخارج علشان بيتر بره وعايز يباركله وخرج وساب مريم في الاوضه مع الممرضه
بقلم Mariem Nasar
مريم :- انتي اسمك ايه؟؟
الممرضه :- ياسمين
مريم :-اسم جميل
الممرضه :- شكرا وحمد لله على سلامتك
مريم :-الله يسلمك على فكره ياسمين انا شوفت كل حركاتك وتصرفاتك وانتي بتحاولي تلمسي جوزي او تلمسي راجل غريب بالنسبه ليكي
الممرضه اتلخبطت :-انا انا محصلش
مريم :- مش محتاجه منك اعتراف انا بس هنصحك نصيحه لانك شكلك مغيبه ومش فاهمه حاجه عن العرف والاصول
بصي يا حبيبتي انا مش بقولك كده علشان هو جوزي
ولكن فعلا انا كنت هاقوم اولع فيكي لان دي غريزه في اي ست بتحب جوزها
لكن برده في الاعظم من كده في ان .
سيدنا محمد قال . لأن يطعن في رأس احدكم بمخيط من حديد خير له من ان يمس امراه لا تحل له . صدق رسول الله
شوفي بقى الكلام ده للراجل تخيلي انتي بقى عقابك ايه دلوقتى وفي كلام كتير ممكن اقولهولك لكن يا حبيبتي انا عايزه اقولك صوني نفسك خلي نفسك صعبه المنال لاي حد
انتي مش وحشه ولا قليله علشان تبصي على اي راجل .. لا وكمان ايه بتحاولي تلمسي فيه وشوفتي قد ايه هو مش مركز معاكي
استفدتي ايه بقى غير ذنوب وخلاص انتي كنتي في غنى عنها
الممرضه سكتت ومردتش واتحرجت من مريم وخرجت
وكان آدم واقف قدام الاوضه و سامع كل كلمه من مريم وفرح جدا ب مراته ام عياله
وكانت الممرضه هتخبط في آدم وهي خارجه بالغلط وآدم بحركه سريعه اتجنبها وهي مشيت
آدم دخل:- اميرتي جاهزه
مريم :-هنروح اخيرا
آدم :- ايوه يا قلبي كل حاجه جاهزه واشرف ومحمد بره مش عارف ايه اللي جابهم تخيلي محمد بيقولى جاي اشوف نور
مريم ضحكة:- وماله بنت خالته ولسه صغيره
آدم :- خلي بالك انا بغير
مريم :-ما تقلقش نور بنت مريم وآدم يعنى هتبقى حاده زى السيف وهتحافظ ع نفسها
أشرف دخل يطمن على مريم وشال مراد
ومحمد . شال نور بسرعه . وحط كف ايديها على خدو . وقالها صباح الخير يانورى . وفتحت عينيها ومحمد شاف لون عينيها وابتسم . وقال . كدا تم اكتمال البدر .
وآدم شال مريم اللي كانت مكسوفه جدا .لحد امتى يا آدم لحد امتى هتفضل تشيلني كده
آدم وهو ماشي شايلها في المستشفى:- لحد ماسناني دي تقع وضهري ينحني وشعري يشيب ساعتها بس ممكن اكسل اشيلك علشان هتكوني بطه كبيره هههههههههههه
مريم بصتله بشرز :-آدم انا مش تخينه
آدم :-ولو تخينه يا عمري عمودي الفقري فداكي هههههههه
مريم خبطت على صدره وحطت راسها على كتفه وهو شايلها
والدكتوره والممرضين مستغربين من حب آدم بيعمل اي حاجه وفي اي وقت و مابيهموش حد وفعلا كلهم يتمنوا عشق زي عشق ال آدم
نهاد اتصلت على آدم علشان يروحوا على الفيلا على طول
وان الجناح اللي فوق كله بقى مخصص ل آدم ومريم وولادهم بس ومحدش هيطلع فوق حتى الشغاله مش هتطلع غير بأمر من آدم فقط
ومريم وافقت وآدم وافق غصب عنه علشان خاطر مريم ما تتعبش لوحدها بالاولاد واخدها واخد اولاده وطلعه على الفيلا واشرف ومحمد وراهم بالعربيه
والكل كان موجود هناك في استقبالهم واتفقوا هيعملوا العقيقه والحفله امتى
مريم قالت احنا ممكن ناجلها مع ولادة هنا و ملك
وآدم وافقها وقالها زي ما تحبي كلها ٣ شهور
وخالد ماصبرش الوقت ده ودبح عجلين للغلابه و كان بيوزع بنفسه والفرحه باينه قوي عليه وده خلي النار اللي بينه وبين نهاد خمدت خالص ورجعوا احسن من الاول
بقلم Mariem Nasar
طارق اخد رنا وكشفوا وعملوا كل التحاليل المطلوبه والحمد لله الدكتور طمنهم ان كل حاجه سليمه بس هي مساله وقت
ورنا استريحت نوع ما ودعت ربنا كنير ان يرزقها الذريه الصالحه
حسام بارك لمريم وسافر شهر عسل مع هدى
وزياد عايش مع نهاد لحد ما هدى ترجع وكانت هدى مبسوطه جدا مع حسام
وزياد كان كل يوم يلعب مع مراد ونور وكان آدم غيور جدا على نور قلبه ومانع اي حد يشيلها ف وجودو وطول ما هو موجود ما حدش يقدر يسال على نور
وكان بيعشق مراد وبيلعب معاه لكن نور حركاتها بتجبر اي حد يحبها
ومريم مش ملاحقه طلبات آدم ومراد ونور لكن قلبها كان مبسوط لأن آدم بيخرج من شغله يرجع جرى يسال على اميرته اول حاجه وبعدها ولاده
ولكن ادم شرط على مريم ان مراد ونور ليهم الاوضه الخاصه بتاعتهم جمب الجناح بتاعهم
ومريم رفضت وقالت انها عايزه الاولاد يناموا معاها في الاوضه ولكن آدم صمم وقال ولادي هيقعدوا في الاوضه التانيه
انامفيش حد هيشارك اوضتنا غيرك حتى لو كان مين فاهمه يا مريم
ومريم نفهمت الموضوع علشان تعدي اليوم على خير وفعلا الجناح فوق وجمبه اوضه كبيره فيها سريرين صغيرين سرير ل مراد وسرير ل نور
نهادكل يوم تدي نصايح لمريم لانها لسه ما تعرفش كتير وما عندهاش خبره كافيه وكانت نهاد معاها في كل خطوه .
ومحمد يطلع من المدرسه . ويروح عند مريم يسلم عليها . وكان ديما يشيل نور ويلعب معاها . ونور الصغيره اخدت على محمد .
جاسر خلاص ملك في الشهر الثامن و حاسه باعراض غريبه ومش طايقه حد ولا طايقه نفسها وفي الجامعه مكانتش بتروح كتير وقاعده في البيت يا دوبك بتحضر بسيط المهم بس
وجاسر شايلها من على الارض شيل وفرح قوي لما عرف ان ملك حامل في بنوته وقرر انه هيسميها
مليكه . وملك فرحة جدا بالاسم ده
هنا في التاسع واتفقو ع اسم يوسف و كانت قاعده بتاكل و جعانه على طول في الفتره الاخيره ودايما بتتصل على اشرف عايزاه قدامها في اي وقت
واشرف يسيب الشغل ويروحلها
وكانت تصرفاتها غريبه وهي دايما اللي كانت بتقرب من اشرف وهو حب ده جدا منها وقالها ياريت كل حمل تكوني كده
بعدها بكام يوم الصبح اشرف نازل يفطر هو وهنا
شيرين كانت مجهزه السفره
مصطفى :- شوشو يا حبيبتي جهزتي ل هنا الطعميه اللي بتحبها علشان ما تاكلناش على الصبح
شيرين :- هههههههه حبيبي من بدري مش عارفه حد يحب الطعميه كده لازم كل يوم طعميه واليوم اللي ما نلاقيش فيه طعميه يااااه تلاقي البوز قد كده
محمد :-مش عارف انا الوحده ف حملها تحب فراخ شيش
نوتيلا . فاكهه على الاقل انما طعميه وبسمسم كمان لا واتوحمت على جزر
انا شوفت العجب ف البيت ده يلا يا ماما انا رايح المدرسه عايزين حاجه
مصطفى :- استني اوصلك
محمد :- لا انا هاروح على الاسكوتر لوحدي . وهعدى على مريم بعد المدرسه . سلام.
شيرين ومصطفى :- مع السلامه
اشرف نازل على السلم وساند هنا وحاسه بألم ونزله واشرف شد الكرسي ل هنا علشان تقعد اذ وفجاه صوت يوصل لسابع جار
وأشرف اتخض وشنطه اوراق شغله وقعت منه
:- ما لك يا هنا بتعملي كدا ليه؟؟!!
هنا :- ااااااه مش عارفه الحقيني يا ماما الحقيني
شيرين قربت منها:- ما تقلقيش يا حبيبتي انت شكلك بتولدي
هنا اتخضت :-ايه بولد لا لا مش عايزه اولدو اااااا اه الحقني يا اشرف والنبي مش عايزه اولد
مصطفى كاتم الضحكه على تصرفات مراة ابنه اللي بيحبها بتلقائيه منها
واشرف :- لا يا هنا هتولدي امال هيفضل محبوس جوه
هنا :- ايوه سيبوه . سيبوه جوه قوله يقعد جوه بقى اعااااااااا
أشرف :- انتي هبله يا هنا يقعد مين يلا يا حبيبتي تعالي هشيلك وهنطلع على المستشفى
وفعلا كلهم راحوا بيها على المستشفى واتصلوا على جاسر اخوها
وملك كلمت مريم ورنا ونهاد قعدت مع نور ومراد ومريم وآدم راحوا بسرعه
وكان أشرف رايح جاي . رايح جاي و سامع صوت هنا وهي بتقوله ااااااه والله يااشرف لو زعلت تاني ما انا مصلحاك فاهم
ااااااه الحقوني يا ناس هو الجو حر ليه . هاااااا حر لييييييه اااااااه. اخرج بقى اعاااااااا ابنك مش رااضي يطلع يااشرااااااااف
وهنا فضلت كده مهيسه واشرف بيتقطع من جواه الى ان واخيرا سمع صوت يوسف الصغير بيصرخ
أشرف مستناش دخل جري على هنا والممرضه لسه هتتكلم
أشرف بصلها:- اسكتى انتي واركني على جمب .. هنا . هنا يا حبيبتي انا اسف والله ما جاليش قلب افضل جوه معاكي سامحيني
هنا:- ااااه الله يسامحك وحياة امك لما تزعل ما هصالحك
أشرف بصدمه:- وحياة امك ايه ده يا هنا؟!!
هنا :- اوووسكووووت بطني بتوجعني اااااه ابنك كان لازق ف بطنى وقولتلكو سيبوه جوه ااااه يابطنى أشرف مسك ايديها وباسها:- سلامتك يا هنايا ان شااله انا وانتي لا
هنا :- والله هتولد انت ماشي انا موافقه
أشرف كان عايز يضربها:- يا بت باقولك على الالم اللي انتي فيه يا حماره انتي
هنا :- بعد الشر عنك يا حبيبي وانا فعلا حماره علشان فكرت اتجوز واخلف الولاده صعبه قوي ااااه
أشرف :- انا هحاسبك على كلامك بعدين الظاهر من كتر اكل الطعميه والفول مخك قفل وما بقتيش تعرفي تتكلمي وانا زعلان على فكره
هنا :- ازعل . ازعل قوي ده انا هطلع فيك كل حاجه وكل صرخه ااااه ياني . اشرف انا بحبك قوي
أشرف بدهشه :-يا بنت المجنونه
هنا :- بتقوووول اييبيه
أشرف :- وانا كمان بحبك يا حبيبتي
والحمد لله هنا خرجت والكل باركو وهنو واتفقوا خلاص على اسم يوسف اشرف عزيز
وكان محمد طاير بيه و فرحان جدا وكلهم مستنيين ولا دة ملك علشان تبقي حفله جماعيه كبيره
شيرين حاسه بوجع رنا المداري وبتدعيلها في سرها دايما
وكمان طارق على طول زعلان على زعل رنا اللي اتغيرت ومبقتش تهزر زي زمان
آدم اخد مريم وروحوا علشان مراد ونور واول ما آدم روح البيت جري على نور قلبه ومراد
وكل يوم آدم يحاول يقرب من مريم مراد يعيط وهي تضحك وتقوم
وتقول مرادي غيران عليا منك
آدم :- نعم ياختي مرادك وقام وقف قدامها مرادك مين ان شاء الله
مريم بدلع:- مرادي ابني حبيبي
آدم متغاظ:- مفيش مرادك غيري انا فاهمه ولا لا
مريم :- اممم يا سلام طيب ونور قلبك
آدم :- مالها نور قلبي مديقاكي في ايه
مريم :- انا مش متدايقه انت عندك نور قلبك وانا عندي مرادي انت الل زعلان ليه بقى دلوقتى
آدم حاوطها من وسطها وقربها منه جدا :-نور قلبي دي بنتي حته مني ومنك لازم تكون نور قلبي انما انتي نور آدم وروح آدم و عشق ال آدم
مريم :- طيب ما هو كمان مرادي ابني انما انت المراد نفسه وروحي وحبيبي وقلبي وعشقي انت عشق مريم
وقربو من بعض جدا ولسه آدم هايبوسها ولكن صوت فون آدم رن وكانت ناناه وآدم نفخ بديق :-الو ايوه يا ناناه اه . اه ماشي حاضر . حاضر هاقولها وقفل وراح ل مريم اللي كاتمه الضحكه :-ايه يا قلبي ناناه عايزه ايه؟؟
آدم :-؛عايزاكي تروحي تشوفي مرادك اللي بيعيط ونفخ وراح قعد على السرير مريم قربت منه وقالتله روحي انا مبحبش اشوفك كده انا هاروح اشوف ماله وهرجعلك اوعى تنام
آدم :- انام !!! انتي غلبانه قوي روحي بقى وتعالى ومتتأخريش
وفعلا مريم راحت لمراد ونيمته وراحت الاوضه وكان آدم واقف ورا الباب وهي دخلت وهو شالها وهي ضحكت
ادم :-اميرتى اللي بتوحشني كل دقيقه
واخدها على السرير وعاشو مع بعض احلى ليله
بعد شهر ملك حست بالم وقالت ل جاسر واخدها المستشفى بسرعه واتصل على آدم
وآدم كلم مريم و نهاد وال كل اتجمع هناك وجاسر كان متوتر جدا وخايف على ملك وآدم حب ده جدا وشايف حب غير طبيعي عند جاسر لأخته
واخيرا الحمد لله ولدت وجاسر راح عليها بسرعه ودموعه سبقاه وملك مسحت دموعه بكل حب قالت اللي زيك دموعه ما تنزلش يا جاسر والحمد لله يا حبيبي انا كويسه ما تقلقش
وفعلا جاسر اطمن على ملك وخرجوا من المستشفى مع مليكه جاسر الصاوي
بقلم Mariem Nasar
كده عدي اربع شهور على جواز هدى اللي حامل في شهرين وحسام وزياد بيدلولوها ومحتارين يعملو معاها ايه. وهدي اخيرا داقت طعم الحب والراحه
ونهاد اتفقت ان الحفله تبقى اخر الاسبوع والكل يتجمع في فيلا العدوي
لكن مصطفى اعترض مصمم ان الحفله في فيلا عزيز
واخيرا اتفقوا ان الحفله في فيلا عزيز
وجهزوا كل حاجه وكانت على اكمل وجه
مريم قاعده فوق في اوضتها في فيلا عزيز ومعاها مراد و نور
وآدم قاعد على السرير مستنيها تخلص لبس للاولاد علشان يلبسها الفستان الجديد بايديه
آدم قرب من سرير نور ومراد :-صدقي يا مريومه ان فعلا مراد شبهي كتير
مريم :-ايوه طبعا امال انا باعشقه ليه بس خلي بالك مراد اخد الغمازه بتاعتي وكمان لون شعري وعينيه عسلي تجنن قمر مرادي قمر
آدم بغيظ وغيره :-طب لمي نفسك
وبعدين نور قلبي شبهك جدا برده
مريم:- ايوه بس سبحان الله ليها غمزتين خلتها قمرين هي واخده منك القوه متعلقه بيك قوي انا كده عرفت انها فعلا اللي كانت بترد عليك في بطني
آدم قرب عليهم وباسهم الاتنين بحب :- عارفه نفسى اخلف منك عيال كتير ويكون الشبه مشترك ما بينا لكن بعد ما شوفتك وانتي بتولدي مش قادر اتخيل انك تحملي تاني وتتألمى
مريم بصتله باستغراب:- ايه ده يا آدم الكلام ده ان شاء الله هاجيب عيل واتنين وتلاته انا عايزه اعمل عيله كبيره قوي عايزه اولادك تبقى عزوه ليك وليا
آدم قرب منها وخطف منها بوسه من شفايفها :-ربنا يديمك نعمه في حياتي
آدم سكت ومريم حست انه عايز يقول حاجه
آدم :- احم بالمناسبه ......
مريم :-نعم يا حبيبي
آدم :- في طلب غريب كده بس انا عارف انك مش هتوافقي
مريم :-خير يا آدم قولي ومش هوافق ليه؟!
آدم :- طارق اتكلم معايا بخصوص رنا وحكالي قد ايه انها متغيره واتعقدت علشان موضوع الحمل ده انتي عارفه داخلين على السنه اهو وما فيش اي حمل وده مدايقها جدا
مريم :- انا عارفه انها صعبه لكن يا آدم الدنيا اتطورت وفي علاج لكن الدكتور قالهم ان مفيش اي سبب ودي مأسالة وقت يبقى ندعي ربنا ان يرزقها وانا بدعيلها وان شاء الله هنفرح كلنا بخبر حملها قريب وانا ليا قاعده معاها لازم تصبر وتدعي ويكون عندها يقين بالله انه هيكرمها
آدم :- احم ........
مريم :- ايه يا آدم قول في ايه
آدم :- كنت عايز يعني .. يعني لو . يعني . مراد لما يكبر شويه نبقى نخليه يقضي وقت مع طارق ورنا
مريم بتفهم :-هو ده بقى الل مش هوافق عليه اممم وماله يا حبيبي ده ابن خالتها وزي ابنها ورنا هتفرح قوي بس ثواني كده اشمعنا مراد طيب ونور
آدم :- لانور لا مش هتطلع من البيت ولا تفارقني يوم واحد
مريم :- بجديه على فكره يا آدم انا كده هازعل معنى كده ان مراد مش فارق معاك
آدم خبطها على قفاها:- هبله انتي طيب انتي شوفتى انى معاملتي مع مراد تختلف عن نور؟!!
مريم :- بصراحه لا
آدم :- طيب مراد ده عكازى ف الدنيا وبعدين نور دي بنوته وكمان شبهك وكمان ده مدايقني
مريم :- ليه بقى ان شاء الله؟؟!
آدم :- كده اي حد يشوف نور على طول هيقول اكيد شبه امها قمر زيها
مريم بكسوف:& احم خلاص يبقى تلبس النقاب
آدم :- فكرت في كده والله وقولت لما تتم سنه اول هديه ان شاء الله هاجيبهالها نقاب وتلبسه
مريم بصدمه:- يا نهار ابيض نقاب وهي عندها سنه وليه يا حبيبي!!!!!هنستنى كل ده انا باقول نخلص الحفله وتتنقب على طول انت غريب قوي يا آدم
آدم ::الله يا مريم مش عايز حد يشوفها غيري انا وانتي
مريم :- آدم النقاب ده يا حبيبي رغبه مش اجبار وبعدين نور ان شاء الله هتلبسوا لما تكبر واسكت بقى علشان افكارك لخبطتني
آدم:- يابت بغير وزغزها ف جمبها
مريم :- هههههههههههه بس بقى قولى يا آدم هو انا لو مكنتش لابسه نقاب واتجوزنا كنت هتعمل ايه
آدم :- كنت هاجتلك .
مريم :- انت قلبت صعيدى ليه؟؟
آدم :- يابت الغيره دى من شيم الرجال. شوفتى عمك هشام الجخ قال قصيده جميله عن الغيره تحبى تسمعيها.
مريم :- هي معاك ع الفون
آدم :- فون ايه ياهبله انتى انا الل هاقولهالك
مريم :- امممم اشجينى وادى قعده
آدم.
أيوه بغير
من قال إن الغيرة حرام ؟
الغيرة دي إحساس وهيام
حاجة متتغناش في كلام
ومفيش عاشق مش بيغير
أيوه بغير
زي النخل ما علا جريده
زي العقد ما زين جيده
زي ولد ماسك على إيده
لا الطيارة بتاعته تطير
أيوه بغير
لا انا نقصان ولا ضعفان
ولا مسطول ولا سكران
ولا زايغ من عيني الضيّ
ولا حد احسن مني في شيّ
بس بغير
واللي قالولك غيرة الراجل
قِلّة ثقة او قلة فَهم
خَلْق حمير
غيرة الراجل نار في مَرَاجِل
نار بتنوّر مابتحرقش
واحنا صعايدة بنستحملش
شمسنا حامية وعِرْقنا حامي وطبعنا حامي
واللي تخلّي صعيدي يحبها يبقى يا غُلْبها
اصلنا ناس على قد الطيبة كلنا هيبة
والنسوان في بلادنا جواهر
طب لو عندك حتة ماس
حتخلّيها مداس للناس؟
ولا حتقفلي اوضة عليها بميت ترباس
يمكن حتى تأجري ليها جوزين حراس
يبقى انا لا انا جاهل ولا غافل
كل الفرق ما بيني وبينك اني صعيدي
ينعل ابو ده اليوم الاكحل اللي لا ليه اخر ولا أول
اللي طلعت لقيتني صعيدي
لو كان بايدي كنت اعملك هندي بريش
واقلب شعري كنيش كرابيش
والبس لك سلسلة متدلدلة خرزة وقلب
بس ازاي البس لك سلسلة ؟ هو انا كلب ؟
ثم العبرة ماهيش في اللبس
أصل المشكلة مش فى اللبس
أصل المشكلة عندك .. عندك
قلت حاسيبها وبكرة تحس
بعده تحس.. بعده تحس
ده انا لو جبس كنت زعقت
ماشي صداقة وماشي زمالة
بس ماجَتْش على الرجالة
ماهي نسوان الدنيا كتير
وانا ما بقولش تخاصمي الناس
ولا تِتْحِجبي عن الرجالة
ولا تعتكفي وتسكني دير
بس يا ريت حبة تقدير
اني بحبك واني بريدك
واني زرعت حياتي في ايدك
واني غزلت بنات الدنيا عقود على جيدك
واني تعبت من التفكير
واني بغير
مريم حاوطت آدم بايدها ع رقبته وباسته من خدو :-امممممم يازيدى يازيدى
آدم :- شوفتى بقى انى بغير
مريم :- لا بجد جميله اوى وبعدين انت لو مكنتش هتغير عليا انا بقى الل كنت هجتلك هههههه
ادم :-عارفه يامريم لو مكنتيش منتقبه
مريم :- اممم
آدم :- مكنتيش هتشوفى الشارع لان فعلا الماس والدهب لازم نحافظ عليهم وانتى اغلا
مريم بحب:- ربنا مايحرمنيش منك ابدا
آدم :- مريم
مريم :- نعم
آدم :- بحبك
مريم بكسوف :-وانا بعشقك . هي الساعه كام؟
آدم :- ٦
مريم قامت بسرعه :-ينهارى ياادم انت ع طول مأخرنى كدا
وتعال بقى علشان تلبس وانا كمان
آدم :- اوعى تلبسي لوحدك فاهمه
مريم بحب :-فاهمه مستنياك يقلبي وفعلا آدم خلص طقوس لبس مريم والغزل وهو شايل نور . ومريم شالت مراد ونازلين على السلم
وهنا وأشرف شايل يوسف وماسك هنا
وجاسر شايل مليكه وماسك ملك
وكل العيله اتجمعت وحسام يروح المطبخ يجيب اكل ل هدى واكلها غصب عنها وزياد يضحك على شكل حسام وكمان حسام مهتم قوي بزياد .. وزياد يسرق لحظات ويروح يطلب بشيل ماليكا الله مش عارف ليه حب يشيلها من يوم ولادتها .
وطارق بيحاول على قد ما يقدر لانه يخرج رنا من اللي هي فيه لكن رنا بتحاول تتعايش مع الامر والكل حاضر الحفله وكلهم مبسوطين
مليكه كلها ملك لكن اخدت عيون باباها وهدوئه
ويوسف كله اشرف واخذ غمازه هنا ولون الشعر
نهاد وخالد ومصطفى وشيرين وكلهم مبسوطين وعدت الحفل على خير وكل واحد روح بيته
وعدى كام شهر وآدم في الشغل
المدير :- انت بتقول ايه يا آدم انت اكيد اتجننت-----
الحلقه 42 والاخيره .
#رواية_جريمة_عشق
بسم الله نبدأ
المدير :- تعالى يا آدم تفضل
آدم :-صباح الخير يا فندم انا كنت جاي لحضرتك علشان عايز اقولك اني هاقدم ع معاش مبكر
المدير:- بصدمه انت بتقول ايه يا آدم انت اتجننت!!؟
انا مش مصدق انك انت الل بتقول كده !!!
آدم :- لا يا فندم صدق انا بجد تعبت من التحريات والتفكير والقتل وكمان الخطر انا بعد تفكير لقيت ده انسب حل
المدير :- هي دي اسبابك يا آدم ولا في اسباب تانيه ؟؟
آدم :- طبعا يا فندم في اسباب تانيه
المدير:- اقدر اعرف ايه الاسباب دى؟؟؟
آدم :- ولادي وبيتي انت عارف حكايتي كلها وعايز اكون عيله جميله بعيده عن الخطر وكمان انا مش عايز اخرج في ماموريه في يوم واموت بعيد عنهم انا عايزه اموت وسطهم ومش عايز اسيبهم واسافر ماموريات لو سمحت يا فندم ما تزعلش مني انت عارف قد ايه انا بحب شغلي لكن ولادي وبيتي في المقام الاول
وآدم شرح للمدير
والمدير زعل جدا لأن آدم من أكفأ ضباطه وبعد شرح كتير ووجهه نظر آدم
المدير في الاخر استسلم وكان زعلان وكان بيتمنى انه يشوف آدم اللواء آدم العدوي
المدير :-يا خساره يا سياده المقدم
آدم :-مش كل اللي بنحلم بيه بيتحقق وانا كده مبسوط ومرتاح اهم حاجه عندي عيلتي
آدم استاذن وخرج والمدير كان حزين جدا
آدم خارج وحاسس انه مبسوط مع انه بيحب شغله لكن فكر في كلام مريم وعايز يستريح وكمان يكون رجل اعمال ناجح بعيد عن القتل والخطر
وروح البيت وشرح ل مريم كل حاجه مريم فرحانه كتير ان آدم بعد عن الخطر
لكن بعدها زعلت من نفسها وفكرت انها انانيه وكلمته :- آدم حبيبي انا اسفه انا اجبرتك على حاجه انت مش عايزها انا بس كنت بقولك على الامنيه اللي جوايا حبيبي لو عايز ترجع عن قرارك ارجع انا لا يمكن اتحمل اني اعيش بذنب اني اكون السبب ف بعدك عن شغلك
آدم :- ايه الكلام العبيط ده انتي مفكره انا عملت كده علشان انتي قولتي لا طبعا
انا منكرش اني فكرت في كلامك ولقيت وجهه نظرك مش بطاله . انا فعلا تعبت انتي ما تعرفيش شغلنا صعب قد ايه جرايم قتل وسرقه واغتصاب وحاجات من دي كتير
وبعدين انا عايز فعلا ارتاح و عايز استثمر املاك ماما و اعمل مشروع وابدا فيه و اكون رجل اعمال ناجح وكمان هاخلي ملك شريكه معايا وبابا موجود هيساعدني و فاهم وعارف وبفكر لما اكبر ان شاء الله اخد معايا طارق يعمل بيزنس جمب شغله ساعتها هاكون بقى برحتي وأولادي جمبي وفي حضني مش هاكون خايف من بكره وعايز كمان اأمن مستقبلكو
مريم استريحت:- يعني انت ما سبتش الشغل بسببي صح؟؟
آدم :-لا يا روحي بقولك البيت هادي يعني مراد ونور فين؟؟
مريم :- مراد عند طارق ونور نايمه
آدم :- ايييه يعني احنا لوحدنا وسيباني نتكلم في الشغل والله عيب
قومي بقى البسي قميص حلو وتعالى
مريم :-ههههههه انت مش معقول
آدم قام وراح على الدولاب :-استني استني انا بقى الل هختار وبصلها بغمزه هختاره محترم ما تقلقيش
وآدم اختار طقم لا تعليق عليه وقال هو ده
مريم برقت بعينيها:- هلبس ده وبالنهار كمان لا لا
آدم مثل عليها الزعل زي زمان :&فعلا عندك حق وساب الطقم على السرير وراح قعد جمبها تحبي نتغدى دلوقتي
مريم :-ايوه فعلا انا حسيت مره واحده اني جعانه
آدم اتغاظ منها لانه فكر مريم هتقدر زعله و هتلبس الطقم
آدم وقف:-طيب تعالي يلا هنعمل اكل مع بعض ورايح يفتح الباب
مريم جريت وحضنته من ضهره:- حبيبي طول ما هو زعلان مش هيطلع من الاوضه دي غير وهو متصالح ومبسوط
آدم لف ليها وحاوطها من وسطها وقربها منه وبايدو التانيه رجع خصله شعر شارده ورا ودنها :- يعنى اميرتى عارفه انى زعلان
مريم رفعت نفسها علشان تبوسوا من جبهته لكن هي مش طايله . وكل ماتقف ع أطراف صوابعها علشان تطوله آدم يرفع نفسه اكتر وبعد محاولات .. آدم ضحك :- يا اوزعه
مريم :- تعالى بقى
آدم نزل شويه ومريم وقفت على اطراف صوابعها وباسته من جابهته وهمست في ودنه:- حبيبي انا ميزعلش من روحه ابدا عشقي انا يؤمر وانا انفذ وشالت ايده من على وسطها استنانى
واخدت الطقم ودخلت الحمام وآدم واقف مكانه مغمض عينيه بيراجع همس مريم في ودنه تاني ااه بحبك قوي يا بنت الايه
وراح على التسريحه يرش من البرفان اللي هي بتحبه
ومريم لبس طقم وغمضت عينيها من الكسوف وخرجت وندهت . آدم
آدم شافها في المرايا وهو واقف بلع ريقه لان مريم بعد الولاده جسمها زاد شويه وكانت بالنسبه ل آدم حاجه وهم وحبها كده ولف ل مريم وقرب منها ومسك ايديها وباسها:- قمر اقسم بالله قمر وعسل يخرب بيت حلاوتك انتي هتجننيني يا مريم
مريم واقفه مكسوفه وآدم مسك وشها بايديه وقرب منها وباس عيونها هتفضلي كده كل مره تتكسفي من دومي حبيبك
مريم حطت ايديها على ايديه اللي على وشها : احم آدم انا .. انا ومكملتش الكلمه وآدم نزل على شفايفها بجنون حب وهي بادلته نفس الجنون بكل حب وشوق كبير ومريم قربت اكتر لانها حاسه انها لازم تطلعه من الزعل اللي جواه علشان شغله
( نسيبهم بقى لوحدهم تعالوا نروح عند طارق ومراد ورنا )
مراد دلوقتى تم ال 10 شهور وطارق اتعلق بيه اوي هو ورنا طارق بياخدوا يومين في الاسبوع من الصبح ل الساعه ٥ طارق قاعد ومراد راكب العربيه الصغيره اللي هو ورنا جابوهاله
طارق : قول يلا يا مراد يارمينى بلقمه ناشفه والعيش عندك طري تقلان عليا ليه ماتحن يامفتري
مراد مش فاهم حاجه وبيضحك على طريقه وحركات طارق
طارق :- قول بقى ياض
رنا في المطبخ بتضحك علي طارق وخرجت:- انت بتعلم الولد ايه
طارق:- انا بعلمه ايه يعني هو راضي يقول حاجه
رنا :- والله ده اللي مريم خايفه منه انك تخليه مجنون
طارق :- مجنون انتو اللي معقدين يا حبيبتي وبعدين ده ولد يعني راجل لازم يتعلم كل حاجه وبص تانى ل مراد طيب قول يا مراد انا سقعان مادريان
رنا :- هههههه والله مجنون اللي مريم بتبنيه انت بتهدوا الولد كده هيبقى نسخه منك
طارق :- وماله دا كده هتبقى فله ورنا قربت من مراد وشالته:- حبيبي انا زمانه جعان تعالى بقى علشان اأكلك ما هو مش معقول تروح لماما جعان مراد حط ايده على خد رنا وبيضحك ورانا حبها للامومه بيزيد يوم عن يوم وجت لها فكره وهي بتاأكل مراد
رنا :-حبيبي
طارق :- عيونه
رنا :- بقول يعني احنا فات علي جوازنا سنه واربع شهور ومحصلش حمل كنت عايزه اعمل عمليه وساعتها ربنا يكرمني واكون أم
طارق اتنهد وزعل:- رنا يا حبيبتي انتي والله كويسه وانا كمان كويس
يا رنا في ناس بتخلف بعد جوازها بسنين هو انتي مش مبسوطه معايا عايزه تشغلي نفسك بحاجه وتبعدي عني يعني
رنا :- لا والله مش كده انا عايزه اخلف منك واجيب حته مني ومنك وعيونها دمعت
طارق ارجوك انا نفسيتي تعبانه يعني الحمد لله مريم وهنا وملك وكمان هدى خلفت مريم الصغيره من شهر و ربنا يزيدهم يا رب مش بحسد والله
بس نفسي اكون ام زيهم يا طارق ارجوك وافق اني اعمل عمليه
طارق :- اسف يا رنا انا لايمكن اخلف بالطريقه دي .. كان ممكن اعملها لو ما كانش قدامنا حل غيره .. انما احنا الحمد لله كويسين وبدل الدكتور رحنا لاتنين و10 كمان
وكلهم اكدوا انك ممكن تخلفي في اي وقت وبعدين احنا لسه سنه واربع شهور لو سمحتي قفلي على موضوع العمليه ده لاني مش موافق ولا هوافق عليه انا هاقوم البس علشان اوصل مراد
وسابها وقام وهو مخنوق لانه شايفها كده وكمان هو عايز الحمل يجي من عند ربنا
رنا قاعده بره بدموع وبتكلم مراد:- قولي يا مراد انا غلطت في ايه انا مش من حقي ابقى أم وبكت ب دموع ومراد كأنه فاهم انها زعلانه وعمل حركه لا اراديا ورفع وشه عند وش رنا وحط يده على شفايفها وقال كلام مش مفهوم وحط راسه كلها على وشها يلاعبها
رنا ابتسمت وحضنته:-؛ يا رب يا رب فرح قلبي واكرمنى
طارق خرج:- تحبي تيجي معايا نوصل مراد
رنا بزعل:- لا مراد نام خده انت وصله وانا هاقوم اشوف ورايا ايه
وسابت مراد نايم على كنبه الليفنج وقامت وعدت من جمب طارق ومسك ايديها ولف ليها واخدها في حضنه كانها بنته :-حبيبتي ما تزعليش مني انا اسف
بس يا رنا انا عايزك تعيشي مبسوطه
ونفسي تنسى علشان ما تتعبيش هو انا يعني اللي مش نفسي في حته منك وتكون شبهك
انا بموت جوايا علشانك ارجوكي افهميني انا مش عايز من الدنيا غير ضحكتك وبس انتي ما بتبقيش شايفه نفسك عامله ازاي اخرجى من الحزن الل انتى فيه . خرجي الموضوع ده من دماغك
فكري في نفسك وفكري في طارق حبيبك هو انا ما استاهلش انك تفكري فيا و نرجع زي الاول حبيبتي سيبيها على الله وحتى مريم قالتلك خلي عندك يقين بالله وانه هيكرمك واحسني ظنك بالله مش هي قالتلك كده برده
رنا خرجت من حضنه بدموع:- ايوه قالت كده انا اسفه يا طارق انا هحاول انسى ومفكرش لاني فعلا حاسه ان الموضوع ده عمل اثر سلبي على حياتنا و بشكرك انك استحملتني الفتره دي
طارق :- طيب بما انك بتشكريني بقى يبقى ناخد بوسه من شفايفك كبيره قوي
رنا ابتسمت
طارق:- ايوه كده خلي الشمس تطلع يا شيخه حرام على امك تعبتيني معاكي وانتى جامده كدا
رنا هههههههه وطارق عينيه طلعت قلوب
طارق :- الضحكه دي من قلبك صح
رنا مبتسمه هزت راسها بايوه وطارق بص على مراد اللي نايم وراح شاله ونيمه في سرير الاطفال وجرى على رنا:- هااا بقى احنا كنا بنقول ايه
رنا فهمت دماغ طارق :- كنت هتوصل مراد علشان الساعه ٥
طارق:- وماله نخليها ٦ وقرب من رنا وباسها بوسه بشوق كبير قوي لان رنا وحشاه جدا وشالها واخدها الاوضه وكمان رنا حست انها فكرت كتير وتعبت وهي محتاجه ل طارق قربت منه بكل حب وبادلته البوسه بشوق اكبر
طارق :- اخيرا رنا حبيبتي رجعتلي وغمز لها حمد لله على السلامه وشالها وقرب منها وبادلها الحب
بقلم Mariem Nasar
اما جاسر بياخد ملك معاه الشركه .. ومليكه بيقعدها على رجله في المكتب واغلب الوقت يقضيه مع ملك ومليكه واتفق مع ملك انه هياخدهم ويسافروا كل فتره ويجدد شهر العسل وملك مبسوطه جدا لان مليكه كل يوم بتكبر وتحلو هي دلوقت عندها ٦ شهور و كل تصرفاتها زي جاسر وملك حمدت ربنا علي النعم اللي هي فيها وقررت تحجب
--------
اما اشرف وهنا سايبين يوسف ل مصطفى الل اتعلق بحفيده جدا اللي عنده سبع شهور واغلب الوقت مصطفى ياخد يوسف من شيرين لان روحه في حفيده
ومحمد مركز في الدراسه جدا وركن الكوره على جمب في اجازاته بس .
هنا دلوقتى قلبت الموازين وهي اللي بتزعل واشرف بيصالحها لكنها ندمت لأن اشرف بيزعلها يوميا وقالتله خلاص ازعل انت وانا اصالحك
أشرف :-ابدا انتى حلفتي وانا مايرضنيش ان حلفانك يقع في الارض ابدا
-------
اما حسام مبسوط مع هدى وزياد وبنوته الجميله مريم اللي عندها شهر واخده شكل هدى وحسام لكن شعرها بلون شعر زياد وعيونها زيتوني ل مريم وزياد من حبه لاخته مبيفارقهاش .وحسام مش مصدق ان زوجته مطيعه ومعيشاه في سعاده وشاف قد ايه الفرق ما بين هدى وطليقته الطماعه وحسام حمد ربنا ف سره واتمنى السعاده تدوم بينهم . ويضحك . كل لما يفتكر موقف آدم لما عرف ان حسام سمى بنته مريم وأن آدم ادايق وكان غيران وقال إن مفيش غير مريم واحده يضحك من قلبه على حب آدم . وغيرته حتى على اسم مريم .
اما خالد عمل مفاجاه حلوه قوي لحماته نهاد وقدم لها تذكره طيران وكانت للحج ونهاد فرحت جدا بالهديه وكانت من اجمل الهدايا
وخالد كمان سافر للاراضي المقدسه للحج علشان يكفر عنه ذنوبه وربنا يقبل توبته ان شاء الله
عدي ٣ سنين على ابطالنا الحلوين
آدم بدا مشروع جديد واستثمر املاك والدته وكانت ملك شريكته وكمان ابوه هو اللي كان بيساعده في كل حاجه وآدم كسب خبره من ابوه ومصطفى شجعه وبيتر كان معاه و آدم خلال ال ٣ سنين دول اثبت نفسه واصبح رجل اعمال مشهور وعنده مريم في المقام الاول ونور ومراد اما شغله في المقام التاني دول اهم حاجه في حياته
وقدم لمريم ف كلية هندسة وكان يوصلها بنفسه ويجبها وهي ف تانيه هندسه
ومريم حامل وحملها المره دي ما تعبهاش زي اللي قبله وآدم اخدلها اجازه لانها خلاص في شهرها التاسع واصرت انها ماتعرفش ايه اللي في بطنها وقالت كل اللي يجيبه ربنا كويس وكانت طول فتره الحمل تقرب من آدم وكانت تتصل عليه في الشركه يجيلها حالا وكان يروحلها مشتاق ليها
ودلوقتى مراد ونور عندهم ٣ سنين و ١٠ شهور ونور اتعودت تنام على صدر ابوها وما بيتفارقوش ومراد حبيب مامته
بقلم Mariem Nasar
اما هنا خلصت كليتها الحمد لله وتخرجت وحامل في ٥ شهور واشرف لما عرف انها حامل في بنت طار من الفرحه والحمل المره دي تعب هنا
وشيرين ونعم الام واقفه جمب هنا زي بنتها و بتساعدها ويوسف اللي تم ٣ سنين و ٧ شهور لازق في جدو مصطفى وما بيفرقوش خالص لدرجه ان مصطفى قرر انه يسلم كل اشغاله وشركته ل أشرف لانه خلاص تعب وعايز يستريح ويقضى كل وقته مع مراته وحفيده
محمد خلاص خلص الثانويه وجاب مجموع حلو جدا وقرر انه هيدخل طب
اما جاسر كبر شركته واصبح رجل اعمال وليه اسمه في السوق بفضل مسانده آدم ليه في اي وقت وماليكا كبرت وبقت بنوته هاديه وجميله و بتهتم بنفسها بالميك اب لكن في البيت و عندها ٣ سنين و6 شهور وملك حامل في ٣ شهور والمره دي الحمل مخليها مشتاقه ال جاسر على طول و كانت بتغير من مليكه ودلعها على جاسر
وجاسر كان مبسوط لان ملاكه بتغير عليه وكمان ملك قررت ان السكرتير الجديد يكون راجل وممنوع بنت تدخل مكتبه وجاسر حب ده جدا
اما طارق ركز في شغله وطلع مأموريه كبيره وكانت خطر جدا واثبت وبجداره انه يستحق لقب المقدم طارق السيوفى وكانت رنا مبسوطه جدا وحاولت تخرج موضوع الخلفه من دماغها وكفايه عليها مراد الل اتعلقت بيه جدا ومراد كمان متعلق بيهم ورنا كل يوم والتاني بتجيب هدايا ولعب ل مراد ونور وكمان يوسف ومليكه .. وقالت انا هعتبر هم ولادى ولو ربنا رايد هيحصل وطلبت من طارق بعد ما يرجع من المأمورية عايزه تطلع عمره والحمد لله الماموريه تمت وطارق ورنا اعتمروا ودعت ربنا بكل خشوع وتمنيت ان ربنا يكرمها بالذريه الصالحه .
اما بيتر فرح جدا ب آدم اللي اثبت نفسه وكان في ضهره دايما وكانوا بيطلعوا ومناقصات كتير مع بعض وبيتر اتفاجئ بذكاء آدم لانه كان بيفهم الخصم اللي قصاده بيفكر في ايه
واخيرا بيتر بقى عنده بنوته عندها سنه وسماها كارولين
في الوقت الحالي
آدم صاحي من النوم وبيلبس علشان يروح الشغل
آدم اهتمامه بمريم مقلش ابدا وبيزيد عن الاول ولحد دلوقتي لسه بيشلها ف اى مكان
مريم صحيت بتعب وقامت:- صباح الخير يا حبيبي
آدم قرب منها وباس بطنها :-صباح الخير يا قلبي مالك شكلك مرهقه ليه
مريم :- ما فيش يا قلبي شويه تعب بس وقامت تلبسه الساعه وترشله البرفان اللي هي بتحبه
آدم :- حبيبتي لو تعبانه ماروحش الشركه النهارده
مريم :- لا يا حبيبي روح انت وبعدين ما تقلقش ناناه موجوده وعمو خالد روح انت ربنا معاك ومريم كتمه وجعها
وآدم باسها وخرج ومش مطمن وقرر انه يروح الشركة ويرجع بسرعه وراح كالعاده على اوضة مراد ونور يوميا وابتسم لما شاف نور بتحاول تطلع على السرير بتاع مراد علشان تصحيه وقرب منها واول ما شافته بابي بابى وجريت عليه
آدم :-حبيبتي المدلله نور قلبي انا صباح الجمال
نور :- صباح الخير وضحكت وقربت من آدم وباسته من خده
آدم :- لا انا عايز بوسه من بوقى
نور :- لا مامي قالت عيب وقرف
آدم بصدمه:- عيب وقرف قرفانه من ابوكي يا بنت اللذين انتي طب تعالي هنا وشالها ونيمها على السرير و زغزغها وقعدوا يضحكوا
.. ها كنت بتعملي ايه ل مراد
نور :- ضحكت عايزه اصحيه علشان نام وانا صاحيه ونشرب اللبن
آدم :- امممم طيب تعالى نصحيه وآدم شاورلها تعمل الحركه اللي هو معودها عليها وقامت طلعت على ضهره وهو نازل عندي سرير مراد على ركبه ونور قاعده على كتفه وبتصحى اخوها .. مووراد مووراد قووم
مراد نايم وحرك ايده على عينه وغمض تانى
وآدم بيتأمل ابنه لان دى نفس حركته وابتسم :-مراد قوم يا حبيب ابوك .. آدم قرب منه باسه
نور صرخت :-لا انت بوسني انا هو لا لا
آدم ضحك:- ما قولتلك قولتى عيب وقرف
ونور وطت وشها وقربت وباسته من بوقه:- متقولش لمامى بقا
واتحركت ونزلت من على كتف ادم ونزلت جمب مراد ونامت جمبه وقربت باسته من خده وبس زي ما مريم معوداها :-قوم بقى يامووراد قوم يوووه
وآدم ضحك من قلبه على تصرفات نور
مراد فتح عينيه:- بس يابت عايز انام يا رخمه
آدم :- هههههههه الله يخرب بيتك يا طارق قوم يا مراد صباح الخير .. مراد فتح عينه وقام نط علي ابوه:- بابا الباشا الكبير
وآدم ضحك ولكن سمع صوت صريخ مريم في الجناح اللي جمبه وقام بسرعه والعيال خافت
مريم فكرت ان آدم باسهم وخرج على طول ومتحمله لحد ما يمشي علشان ما يحضرش الولاده من اولها علشان ما يقلقش عليها ودخل جرى عليها والاولاد وراه ومريم كاتمه صوتها في المخده وآدم عرف انها بتولد مراد ونور واقفين يعيطوا
وآدم لبس مريم وفضل يعاتبها لانه كان حاسس ومريم بتصرخ ومش قادره
نهاد جت بسرعه
ادم:- خلي بالك من مراد ونور .
ونهاد طمنتهم ودعت لمريم
آدم شال مريم وراح على المستشفى وآدم كان اكتسب خبره واخدها على المستشفى
ونهاد اتصلت على شيرين والكل . والكل اتحرك اول ماعرفو على المستشفى ونفس اللي حصل في ولادة مراد ونور
آدم دخل معاها غرفه العمليات وفضل جمبها وحضنها الى ان سمع الصرخه وبعدها ولدت بخير والحمد لله عدت على خير والكل بارك وهنا
ومريم جابت ولد زي القمر وآدم شرط على مريم انها اللي تسميه وفي الاخر مريم سمت زين
وخالد الل طاير باحفاده
وعملو حفله كبيره وغصب عنها رنا بتتالم وتكتم جواها
مراد :- بابا الله يا بابا اللعبه دي حلوه اوى . قصدهم على زين
نور :- لا دي لعبتي انا . انا هلعب بيها
ونور راحت ل آدم ومريم اللي بيضحكوا مفكرين ان زين لعبه جديده
نور :-بابي عايزه العب بيها وباست على ايده بمكر الاطفال وبتضحكله علشان تاخد اللعبه
مراد راح لمريم:- مامي انا هاقولك انتي مزه وخليني العب بيها
آدم ومريم اتصدموا
آدم :- مراد انت بتقول لماما مزه؟!!
مراد :- ايوه ماما جامده قوي وضحك
ماما هي البالونه اللي هنا راحت فين
مريم بصدمه من مزه وجامده مش عارفه تتكلم وبصت ل آدم :-اعمل ايه في طارق صاحبك ده انت عارف انه من اسبوع كنت جايبه ل مراد عصير و لما شافني قالي ما تيجي ندحرج التماسي
وكمان بيقول كلام مش مفهوم وبيقول انتي وزه وواتكا ايه واتكا دي يا آدم؟!!
آدم ضحك بصوته كله:- الله يخرب بيتك يا طارق بوظت الواد
لا يا حبيبتي ما تاخديش على كلامهم انا هاتكلم مع طارق وبص لمراد هههههههههههه هو قالك واتكا .. مراد بيضحك وهز راسه
وآدم شاله وفضل يبوس فيه ونور صرخت :-نزله نزله شيلني انا وهات اللعبه دي العب بيها انا وبس
مريم ابتسمت للعيله الجميله وشافت ان زين اخد لون عيونها وبياض بشرتها وشكل آدم مع غمازه في الخد اليمين وكان في قمه الجمال
واتفقوا ان الحفله تكون اخر الاسبوع الى ان جاى
يوم الحفله
بقلم Mariem Nasar
طارق:- يلا يا رنا هنتاخر على الحفله وكمان مراد واحشني
رنا خارجه من الحمام عيونها وارمه من كتر العياط
طارق جيرى عليها:- رنا حبيبتي مال عينيكى انتى معيطه
رنا اترمت في حضنه:- انا خلاص ما بقتش قادره
طارق اتخض عليها وقعدها وقعد جمبها:- مش قادره على ايه
رنا :- طارق ارجوك اسمعني المره دي . انت ما وافقتش على العمليه وانا ماقولتش حاجه وانت قولت سيبيها بظروفها وعدى ٣ سنين واكتر ومفيش جديد ارجوك انا عايزه اتبنى طفل
طارق وقف:- بديق . وزعل عليها . انتي لسه يا رنا بتفكري في الموضوع ده وعايزاني اتبنى طفل واتعلق بيه لحد سن معين ويمشى مينفعش وانتي عارفه ان التبني حرام انتى مالك كدا خلاص كتر التفكير هيخليكي تخرفي واحنا كدا عايشين كويس .. يا ستي انا مش عايز عيال انا عايزك انتي وبس انا مكتفي بيكي انتي وبس
رنا قامت وزعقت وعلت صوتها على طارق :-انت مكتفي بيا وبس علشان انت اناني وطماع ما بتفكرش غير في نفسك وبس . انت لو بتفكر فيا كنت حسيت قد ايه انا بتالم وتعبانه
طارق بصلها بعتاب:- انا اناني وطماع وما بحسش بيكي يا رنا بما انك شايفه كده احب اقولك شكرا انا مش هارد عليكي علشان بس اثبتلك اني اكتر واحد حاسس بيكي ومش هاعلق على اي اتهام ولا اي لفظ ولا هزعل منك لانك نصي التاني وربنا بس اللي يعلم انا مكتفى بوجودك جمبي مش انانيه لا ده عشق
رنا اترمت في حضنه:- بتعيط .طارق ارجوك يا طارق حس بيا وخليني اتبنى طفل ارجوك
طارق حس انه فعلا زعلان من رنا هو مش اناني هو بيحبها اكتر من روحه وخرجها من حضنه بزعل:- البسي انا هستناكي بره و سابها وخرج
رنا زعلت من طارق لانه مش حاسس بيها وان كده عدم تقدير و لبست ونزلت وركبت جمبه العربيه ومفيش حد فيهم اتكلم ووصلوا الحفله وكل واحد مبتسم وبيداري الل جواه
الكل اتجمع في فيلا العدوي .. وآدم صمم انه هو اللي هيلبس مراد و نور
ومريم في الاخر وفعلا لبس مراد ونور اللي طلعت عينه و عايزه تحط روج لكن آدم ما وافقش لانها عايزه تقلد مليكه ومريم شرحت ل نور انه ما ينفعش حد يشوفها كده ونور زعلت وآدم تعب كتير لحد ما في الاخر ضحكت لما جابلها شيكولاته
ونهاد اخدت مراد ونور ونزلت
مريم شايله زين ولبسته ونام وسابته علشان تقوم تلبس ..
.آدم قرب وشالها وهي اتفاجئت واخدها الحمام ولسه هتتكلم
آدم :- ششش مريم مكسوفه وآدم نزلها في البانيو :-اسكتي كفايه انتي وحشاني ومش طايلك
مريم :- احم انت هتعمل ايه
آدم : هحميكي عندك مانع
مريم دفنت وشها في صدر آدم. بحب وهزت راسها بلا
وآدم بدا يحميها وخرجها من البانيو ونشف شعرها ولف الفوطه عليها وشالها وخرجها ف الاوضه
اذ وفجاءه شاف نور واقفه في نص الاوضه و حاطه ايديها في وسطها وكانت بتبص ل آدم بشرز
نور :- انت شايلها ليه نزلها .. نزلها
آدم واقف مصدوم وخاف وكأنه اتقفش من مراته التانيه
مريم كاتمه الضحكه وفكرت وقالت فرصتي لما اشوف آدم هيعمل ايه مريم حطت ايديها حوالين رقبت آدم
مريم :-امممم ياحرام هتتصرف ازاي دلوقتى ضرتي جت
نور صرخت :-شيلي ايدك شيلي يدك .. آدم نزلها
آدم بصدمه ااادم !!!!!!!
آدم واقف خايف ينزل مريم وبعدها مريم تزعل وخاف مينزلهاش نور تزعل
ومريم خلاص عايزه تضحك من شكل آدم اللي واقف وشايل مريم ومحتار
نور :- نزلها بقى انزلي انزلي وقعها ع الارض انت بابى انا
وبحركه من نور جريت على السرير وحاول تطلع انا هضرب لعبتك لو ما نزلتيش انزلي وصرخت وعيطت جامد
و مريم وآدم ضحكوا في الاخر آدم استسلم لرأي نور ونزل مريم ونور نزلت جري على آدم ورفعت:- ايديها شيلني انا بقى
آدم بحب شال نور :-تعالى يستى ها مبسوطه كده
نور ضحكت عيله :-اه وبصت ل مريم :-مامى انتي ما بتعيطش ليه عيطي
مريم بتمثل بزعل :-انا زعلانه منك يا نور
نور حطت ايديها ع بوقها وشهقت بصت ل آدم الل كان عايز ياكلها اكل من حركاتها:- بابي مامي زعلانه
آدم :-:ياخبر طب هنعمل ايه تنزلي تصلحيها
نور :- ماشي نزلنى وراحت . زعلانه مني علشان بابى شالني هو بابى انا
مريم :- لا انا زعلانه منك علشان كنتي هتضربي اخوكى ومريم شالتها وراحت جمب اخوها ده زين اخوكي الصغير ومش لعبه انا عايزاكي تحبيه وما تضربيهوش ابدا انتي اخته الكبيره
نور مش فاهمه حاجه و حطت ايديها على جابتها كأن صبرها نفذ:- اسفه يا مامى انا هحب زين ومش هضربه هاتى بوسه بقى
آدم :-نور انتى طلعتي ليه
نور :- اخد عروستي
آدم جابلها العروسه:- ومراد فين
نور :-:مووراد مع طارق
آدم :- امممم ربنا يستر طيب انزلي تحت وانا ومامي نازلين
ونور خرجت وآدم ومريم ابتسمو
ادم :- ضيعت اهم لحظه
مريم بصتله :-والله داري داري على عملتك انت خوفت منها
آدم :- هههههه تصدقي فعلا والله خوفت البت مش عايزاني اشيل حد
مريم قربت منه بدلع : هو انا اي حد
آدم بلع ريقه بصعوبه :-بصي يا مريم علشان انا مش مستحمل ارجوكي عامليني كده راجل لراجل لحد ما الفتره دي تعدي
مريم :- هههههههههههه حاضر يلا بقى يا نجم تعال نلبس اشطا
آدم اتصدم:- اشطا ونجم انتي بتتعلمي لغات من ورايا ولا ايه؟؟
مريم :- ربنا يخليلنا طارق صاحبك معلم مراد كل حاجه ابنك بيقولي صباحك اشطا . يا مزه عليه العوض ومنه العوض وضحكوا
آدم لبس مريم فستان جميل جدا وكمان سرحلها شعرها وكان جايب سلسله كبيره وفيها صورته وصورتها واول حرفين من اساميهم ومكتوب على السلسله من بره عشق ال آدم وعجبت مريم جدا ولبسها السلسله وخاتم وساعه شيك جدا
ومريم حضنته بحب :-ربنا ما يحرمني منك و تفضل كده على طول مهتم بيا و ب اولادك
آدم غازلها ولبسها الحجاب وساعدها في النقاب وباس ايديها
ومريم رشتله البرفان ولبسته الساعه
وادم شال زين اللي بيخلي قلب آدم يدق لأنه كمل العيله ومريم حطت ايديها في دراع آدم ونزله للضيوف و كانت حفله جميله
اتجمع كل من مصطفى وعيلته وطارق ورنا
وبيتر وابنه ديف
وجاسر و ملك ومليكه
وحسام وهدى وزياد ومريم الصغيره
كلهم مبسوطين
الا طارق ورنا وكل شويه طارق يسرق نظرات ل رنا
ورانا قاعده زعلانه ومستنيه طارق يصالحها وحست ان ضغطها نزل وطارق كان واقف قدامها وملاحظ تعبير وشها ورنا حست انها لازم تقوم تقول لمامتها انها تعبانه وقامت ويادوبك خطوتين وطارق حس انها هتقع وجري عليها ورنا فعلا ووقعت بين ايديه رناااااااا
طارق شالها زي المجنون وجيري بيها على المستشفى ومصطفى واشرف وشيرين وكلهم جريو على المستشفى لكن آدم رفض مريم تيجي علشان زين والاولاد وقعدت تدعي ربنا وشرطت على آدم اول ما يوصل يطمنها
بيتر بيجري على العربيه ديف :-في ايه يا بابي
بيتر :- لا يا حبيبي دي طقوس كده في العيله دي .. اخر خمس دقايق في اي حفله واحده تتعب تعالى تعالى اركب ربنا يستر
وكلهم اتجمعو في المستشفى وطارق الل كان عامل زي الطور الهايج و اتخانق مع اتنين دكاتره علشان مكنش في دكتوره واتصرفو جابو دكتوره وآدم بيهدي فيه ومش عايز يهدا
.... عيلة رنا كلها بيعيطوا وكمان محمد دموعه نزلت
وحسام كل الأفراد موجودين
ومريم كل شويه تتصل ب آدم ويقولها لسه الدكتوره ما خرجتش واخيرا الدكتوره خرجت وكانت مريم على الفون مع آدم
ثواني كده يا مريم خليكي معايا الدكتوره خرجت طارق جيرى عليها:- طمنيني مراتي ما لها؟؟
الدكتوره ابتسمت :-مبروك المدام حامل في ٣ شهور الفرحه نزلت زي الصدمه على الكل
ومريم سمعت ودموعها نزلت وقفلت ورغم كده سجدت على الارض ودعت ربنا كتير وكمان طارق سجد على الارض و آدم عيونه دمعت لان ربنا عوض صاحبه اخيرا
وشيرين مش مصدقه ومصطفى ومحمد واشرف الفرحه لجمتهم وكلهم عيطوا وكان موقف مؤثر وطارق بعد السجده قام ودخل على رنا و كانت نايمه وطارق دموعه نزلت وقرب منها ورفع ضهرها من على السرير وحضنها جامد وما تكلمش وشيرين دخلت و كلهم ما عدا آدم وجاسر
رنا فاقت على كتف طارق ومش فاهمه حاجه وبتبص على كل الموجودين في الاوضه طارق حاضنها وساكت وشافت امها بتضحك بدموع كتير وكمان مصطفى اللي قلبه ارتاح ومسح دمعه نزلت ع خده وهنا وملك بدموع فرحه ومحمد واشرف
.. شيرين بصت لرنا وحركت شفايفها مبروك رنا شافت الحركه لكن مبروك على ايه
رنا استوعبت انها في المستشفى وكمان جهاز السونار قدامها وهنا وملك ضحكوا وحضنو بعض وسمعت هنا بتقول :-اخيرا رنا هتبقى أم
هنا بقى رنا استوعبت . والفرحه كانت لها طعم تاني وحضنت طارق بقوه وكان صوت عياطها مسمع آدم و جاسر بره اللي عيونهم دمعت من اثر الموقف وكانت فرحه لا توصف واخيرا بعد الصبر جبر
الحمد لله رنا روحت مجبورة الخاطر
وطارق قرر انها مش هتقوم من مكانها ورفض ان حد يهتم ب رنا في فتره الحمل غيره . وجاب نتيجه ورقيه وكل يوم يعد الايام اللي باقيه الى ان وصل الشهر السابع وكانت رنا مطلعه عين طارق حرفيا وكانت بتاكل بشراها ولو كان طارق اكل كانت اكلته
طبعا هنا ولدت وجابت بنوته زي القمر وسموها ريتال و عندها شهرين و كانت شبه هنا واشرف واخده وسامة جدها مصطفى اللي روحوا فيها هي ويوسف
اما ملك حامل في الشهر السابع مع رنا وعرفت ان في بطنها ولد وجاسر في فرح جدا وقرر انه يسميه مالك من حبه في ملاكه وملك فرحت جدا وبتعشق جاسر عشق
طارق قرر انهم مش هيعملو سونار ل رنا وراضى بهدية ربنا ليه ايا كانت
طارق في المطبخ ولابس مريله المطبخ وبيعمل كيك ل رنا
ورنا قاعده على السرير بتقرا في كتاب عن الامومه
طارق دخل عليها وهمدان من الشغل وقرب منها :-اتفضلي يا ستي ادى صينيه الكيك بالمانجا بحالها اهي انا هدخل الحمام اخد شاور ويارب اطلع من الحمام الاقيلي حته كيك على الاقل ادوقها
رنا بصتله بشرز:- ولما انت عايز كيك ما بتعملش ليه لنفسك ولا انت بتبصلي في حاجتي اعوذ بالله
ورمت الكتاب جمبها وقربت منها صينيه و بتاخد القطعه بايديها وبتاكل بنهم و تغمض عينيها و بتستمتع امممم الله عليك ياض يا طارق
طارق واقف مصدوم من شكل رنا وهي بتاكل قطعه ورا قطعه ووراها قطعه
طارق :- رنا انتي بتسمي قبل الاكل؟؟
رنا بقها مليان:- ايوه طبعا وانت واقف هنا ليه ما تخش تستحمى وما تقفليش كده علشان هاظور
طارق :- تظوري ايه بس
يا رنا ارحميني شوال الدقيق خلص الناس بتشتري الدقيق بالكيلو وانا بجيب بالشوال ايه فاتح مصنع معجنات اهدي كده انا خايف عليكي . انتى والل ف بطنك وعلى ما قال الجملتين دول كانت رنا اكلت قطعتين كمان وطارق خاف منها ورنا بتبصله جامد
طارق :-احم كلي ياحبيبتي كلي في كرواسون جوه اجيبلك دلوقتي؟
رنا :-لا لما تاخد شاور وتطلع تجيبلي الحاجات دي في الليفنج اتسلى وانا باتفرج على التليفزيون
طارق فتح بوقه لا اراديا وقال :-جاموسه حامل
رنا :-انت قولت حاجه يا طارق
طارق :- لا يحبيبتى باقول عروسه حامل بألف هنا يا قلبي انا هدخل اخد شاور واجيبلك الكرواسون تسلي نفسك على ما اجهز لك العشا
رنا بعتتله بوسه على الهوا:- حبيبي انت والله وعايزه بكره اكل محشي وفراخ
طارق :- حاضر يا حبيبتي انا هاتصل بماما شيرين تبعتلي الوصفه وهقعد بكره الف محشي حاضر
رنا ضحكت عليه :-والله انت برنس
---------بقلم Mariem Nasar
وعدى شهرين على ابطالنا الحلوين وكل واحد فيهم عايش مبسوط ومستريح الى ان جاء معاد الولاده ورنا ولدت قبل ملك
رنا قاعده ومره واحده حست بتعب وقالت ل طارق اللي اخدها طيران على المستشفى والدكتوره كشفت عليها
الدكتورة :-الطلق شغال لكن الرحم مقفول وغير كده في حالتك مش هينفع تولدي طبيعي علشان هتتعبي
رنا :- ليه بادكتوره ؟؟؟!!
الدكتوره باستغراب :-انتي مش عارفه !!!!؟؟؟
رنا طارق:- خير يا دكتوره ... الدكتوره بتتكلم ومصطفى وشيرين قطعو الحديث و مريم وآدم و كل الاحباب اتلموا الدكتوره استأذنت هجهز اوضه العمليات لانها هتولد قيصري وفعلا دخلت وطارق ماقدرش يدخل
والكل بره في حاله من الصمت وكله بيدعي وشرين بكاء مستمر ومصطفى بيهديها
آدم شايل زين ومريم جنبه .. وجاسر قاعد بملك اللي خلاص على اخرها . وزياد ماسك ايد ماليكه
وحسام وهدى ومريم الصغيره
واشرف شايل ريتال وهنا جنبه
ومحمد خرج من كليه الطب عليهم جري
واخيرا الدكتوره خرجت الحمد لله رنا بخير وكمان الاطفال بخير
طارق وشيرين ومصطفى دهشه اطفال
محمد:- هي جابت ايه يا دكتوره؟؟
الدكتوره:- انتم ما تعرفوش !!!؟؟
طارق :- لا احنا قررنا مانعملش سونار علشان مراتي كان نفسها في بنت وهي كانت نفسيا تعبانه وخوفت لو كان ولد تزعل .. المهم هي عامله ايه دلوقتى
الدكتوره :-هي كويسه وانا علشان كده ولدتها قيصري وده اللي كنت اقصده انها هتتعب من الولاده الطبيعيه غلط عليها في حاله وجود ٣ اطفال
طارق بصدمة فرح:- ٣ !!!؟؟؟
مريم:- بسم الله ماشاء الله اللهم بارك
وشيرين وكلهم فرحو
محمد :- جابت ايه يا دكتوره انا سالت كتير؟؟؟
الدكتوره :- ولدين و بنوته قمر اللهم بارك
طارق واقف مذهول من كرم ربنا ٣ الف حمد وشكر ليك يا رب ٣
وآدم قرب منه وشايل زين وحضنه بحب :-الف مبروك يا صاحبي
مريم :-طيب رنا عامله ايه .. الدكتوره:- في البنج هتفوق وهاخرجها ع الاوضه بعد اذنكم والف مبروك
الكل في حالة فرح ودهشه من كرم ربنا عليهم وكلهم باركوا وهنوا
والحمد لله رنا خرجت من المستشفى وكانت حاسه انها ملكه الدنيا وانها فعلا كانت لازم تصبر لان بعد الصبر الطويل ياتي الفرج الجميل لا محال
واختارو الاسماء وكان فهد وفارس وفريحه
ومصطفى عزيز عمل حفله ولا ف الخيال
وطارق الل كان طاير بفريحه ومراد جمبه ماسبش فريحه وعايز يلعب معاها على طول.
ورنا الل كانت حاسه انها ف حلم لكن فهد وفارس خطفوا قلبها
والكل جاهز وفي اخر الحفله ملك صوتت وراحت تولد وجابت مالك والحمد لله كله بقى تمام
وطارق صمم انه يبني فيلا صغيره علشان العيله الجديده
ومريم طلبت من آدم ف موسم الحج والعمره يسافرو كلهم سفر جماعى وقد كان وكمان محمد وزياد حجو واعتمرو
وآدم قرر انه يبنى مستشفى كبيره خيريه صدقه ع روح نور وقد كان وماشى في الإجراءات المطلوبة
ومريم حصلت ع الهندسه واخيرا
بعد سنتين في الصيف
آدم قرر انه ياخد مريم شهر عسل ع تركيا لانه مسافرش معاها و مريم رفضت وقالت لا احنا عايزين مصيف علشان الاولاد ومنها هنقضي فيهم كام يوم عسل ومريم طلب تروح اسكندريه
وكل العيله لما عرفت صممو يروحوا معاهم ويبقى سفر جماعي ماعدا مصطفى وشيرين اكتفو انهم يكونو ف الفيلا لوحدهم
ع البحر
آدم : قاعد على الكرسي ومريم قاعده جمبه وشايله زين وكلهم قاعدين جمب بعض
طارق وعيلته الجميله اللي مطيره النوم من عينه هو ورنا ومراد معاهم
وجاسر وعيلته وجاسر فرح جدا بحجاب ملك وزياد قاعد معاهم بيلاعب مالكيه
واشرف وعيلته
محمد ف تالته طب وكان معاهم وديما مهتم ب نور اللي كبرت وبقى عندها خمس سنين وكانت زي القمر . ونور مبتقعدش جمب حد غير . محمد وآدم ..
مراد لازق في طارق وطارق مهتم بيه زي اولاده
حسام و هدي معاهم واتبرعو يجهزو الغدا
مريم شايله زين اللي عنده سنتين ونص
مريم :- آدم حبيبي لارين نامت هاتها وخد زين
آدم :- لا سيبي لارين .نايمه في حضني لحد ما تصحي براحتها
مريم :- امممم شكلك بتحب البنات قوي
آدم قربها منه وحاوطها بايده ع كتفها
آدم :- البنات دي اجمل نعمه دول المؤنسات الغاليات وكمان انا لما عرفت انك حامل بعد زين دعيت واتمنيت انها تكون بنت واهي جت . ( رينو )دلوعه ابوها اخيرا الل كلها تشبه اخوها زين الخالق الناطق بت موزه وباسها
مريم :- احم طيب وطي صوتك تقدر تقول كده قدام نور
آدم :- دي كانت تاكلني انا واختها لارين والكرسي الل انا قاعد عليه
مريم :- هههههه
ومسك ايد مريم :-حبيبتي ربنا يخليكي ويديمك نعمه في حياتي انتي السبب ان يكون معايه احلى ولدين وبنتين في الدنيا انا بحبك وبعشقك اكتر من العشق ذاته
مريم :- حبيبي انت روحي وعمري كله وقعدو بتكلمو كتير وآدم اتفق أنهم هينيمو العيال ويلبسها طقم جديد اخر صيحه ويقضو وقت مع بعض
ومريم اتكسفت وضحكت . آدم لسه هيتكلم وجه
فهد ابن طارق جمب آدم وبيرفع وبيقف على صوابع رجليه وبيشاور وعايز يبوس لارين
آدم غار على بنته:- امشي ياض من هنا روح لابوك
مريم :- هههههههههههه
آدم :-انا مش عارف عيالي عليها عسل يعني . محمد ابن اختك مفيش على لسانه غير نور . ودلوقتى فهد مش سايب لارين في حالها ومش عارفه تنام بسببه ايه ده بقى؟؟؟!!
مريم :- حبيبي طيب ما مراد ابنك برده مش سايب فريحه و لازق فيها ليل ونهار
وزين حبيبي مبيلعبش غير ما ريتال
آدم :- اممممم لا وكمان ماخدتيش بالك ان الواد يوسف عينه على مريم بنت حسام اخوكي
والواد زياد شكله كده منمر على مليكه
مريم :- هههه بينمر اي بس حبيبي دول اطفال مش فاهمين حاجه كل طفل بيستريح مع الطفل اللي زيه وبيلعب معاه ويلا بقى علشان ابله هدى بتشاورلنا جهزه الغدا وانا بصراحه جعانه قوي
ادم غمزلها لها :- طيب ناكل ونطلع اوضتنا علشان ال طقم خرافه وخايف يبرد لوحده
مريم ضحكت :- انت مش معقول
وكلهم اتلمو على البحر وفرشو ع الارض ف دايره كبيره جدا الله اكبر وكل واحد قاعد جمب مراته وعياله . وكانت عيله في منتهى الجمال .. وآدم قاعد ومقعد نور ولارين ع رجليه
محمد قاعد بياكل
محمد:-هههههههههههه هههههههه . كلهم بصو عليه مستغربين
آدم :- بتضحك على ايه يا دكتور؟؟؟
محمد :-تعرفه اللمه دي كلها بسببي
مريم :- ازاي يا فصيح؟؟؟!!
محمد :- ازاي اقولك ازاي . يعني انا لو ما كنتش رحت العب كوره عند المعمل القديم . و حصل اللي حصل وآدم ما قبضش عليا . مكانش شافك . وكمان طارق مكانش اتعرف على رنا
ولا جاسر اتعرف على ملك . ولا حسام عرف هدى عن طريق زياد اللي هو عارف آدم عن طريق عاصم الل نفذ الجريمه وكمان ما كانش آدم اتعرف على ناناه يعني الجريمه دي جمعت العيله الجميله دي مع بعض .. جمعت خمس عصافير وبص بشرز مع خمس اسود ... وكلهم ضحكو
وآدم مسك ايد مريم وباسها :-فعلا الجريمه دي هي اللي عرفتني على اميرتي و ملهمتي وحبيبتي ومكانتش جريمه عاديه .. لا دي جريمة عشق 🌹
تمت