رواية مريض نفسي الفصل العشرون20والاخير
بقلم بسمله حسن
بعد اسبوع تقريبا كنت اتحسنت وبدأت اروح شغلى...كنت واقفه بجيب اوراق من زميلتى خرجت من المكتب بتاعها لقيت حازم فى وشى
كيان بخضه:حازم؟؟اى ده اى اللى عمل فى وشك كده
حازم بغضب:روحى اسألى البيه بتاعك
كيان بصدمه:ليل؟هو اللى عمل فيك كده؟
حازم بصلى بحزن:انا زعلان عليكى انك متجوزه شخص همجى زى ده
كيان:حازم لو سمحت متغلطش فيه هو بس كل لما بيجى بيشوفك واقف تتكلم معايا ف بيفهم غلط مش اكتر
حازم:يقوم يبعت ناس تعمل فيا كده
كيان:حازم امشى دلوقت هو زمانه جا...
ليل بمقاطعه:الله الله واقفين تتسايروا
كيان:ليل
ليل مسك حازم من قميصه:هو انت ولا نافع معاك زعيق ولا ضرب اعمل فيك اى تانى
حازم بحده:قسما بالله العلي العظيم انا كل ده ساكت عشان خاطر مراتك وانها ملهاش ذنب فى انها متجوزاك لو مانزلت ايدك دلوقت مش هيحصلك كويس
ليل بحده:تصدق خوفت ب..
كيان بمقاطعه:ليل ليل مينفعش اللى انت بتعمله ده لو سمحت افرد حد شافك هيقول اى كفايه كده لو سمحت نزل ايدك
كان ليل بيبص ل حازم بشر
كيان:ليل ياحبيبى مينفعش كده نزل ايدك عشان خاطرى انا اللى بدأت كلام معاه مش هو والله
ليل:حسابك معايا بعدين
كيان حطت ايدها على ايده:نزل ايدك وسيبه بقا عشان خاطرى مش كل شويه تضاربوا
نزل ليل ايده وسابه اما حازم بص ل ليل بإحتقار ومشى
مشى ليل وكيان جابت شنطتها وطلعت وراه ركبت العربيه
ليل:قولتيلى بقا انتى اللى بدأتى معاه الكلام
حضنته عشان هو بيهدى لما بحضنه:ليل ياحبيبى انا بس اتخضيت لما شوفته كده مش كفايه اللى انت عامله فيه
ليل:انتى عاوزه تنضربى مش كده
كيان: اهون عليك تضربنى وبعدين انا بحبك انت وانت جوزى وحبيبي ازاى بقا بتغير من واحد انا اقسم بالله ما حبيته فى يوم كل الحكايه انى كنت بحترمه مش اكتر
ليل اتنهد وسكت وهو باصص من ازاز العربية
رفعت راسى وبوسته من خده بهدوء:حبيبى انت زعلان لى دلوقت
ليل:اسكتى ياكيان
حطيت راسى على صدره وانا حضناه نفسى يفهم انى بحبه هو وانى عمرى ماافكر فى حد غيره
فضلنا قاعدين كده شويه كان ساكت وبيبص على الشارع من ازاز العربية
كيان:ليل مش هنروح ناكل بقى مش انت قولت عازمنى النهارده
ليل:بعد ماقفلتى ام اليوم
مسكت ايده بحنيه وحضنتها:انا مقفلتش اليوم انت اللى بتغير ب افوره
ليل:مليش نفس اكل عايزه تروحى تاكلى انتى اوديكى
بصتله بحزن من جوايا وقعدت مكانى عدل:لا يلا نروح البيت
روحنا البيت بالفعل دخلت غيرت هدومى ونمت على سريرى وهو كذلك لكن نام بعيد عنى وكأنه مخاصمنى
بدأت دموعى تنزل واعيط من غير صوت كنت مخنوقه وعايزه اصرخ انا دايما بحبه مبسوط لكن هو بيخلينى اعيط
نمت كتير لدرجه انى صحيت بليل على ١٠ كده كان واقف فى البلكونه بيشرب قهوه بصيت عليه ورجعت نمت تانى كنت عاوزه انام اوى مش عارفه لى؟لكن حسيت بيه وهو بيهزنى براحه وبيصحينى
كيان:امم
ليل:مش كفايه نوم يلا قومى
كيان بزعل:لا عايزه انام
ليل: لا كفايه كده قومى اقعدى معايا
كيان:لا مخصماك
ليل:والله..اممم مخصمانى..
نام جمبى وحضنى بقوه مخصمانى لى يامزتى
كيان بحزن:معرفش اسأل نفسك
ليل:عشان اللى حصل الصبح
بصتله بحزن وسكت
ليل:طب خلاص تعالى اصالحك
بصيتله بكسوف وقد فهمت مقصده:لا انا عاوزه انام
ليل بغمزه:منا هصالحك وهنام
كيان:لا
ليل وهو بيطفى النور من جنبه: هنشوف حكايه لا دى
دلوقت
سحبنى لحضنه ووووووو..."نسيبهم سوا بقا"
كانت الساعه ٨ الصبح صحى ليل من النوم بص عليها كانت نايمه وشكلها مرهق سابها ودخل اخد شاور وطلع تانى
ليل:كيان كيان يلا اصحى
كيان:سيبنى شويه مش قادره
ليل:بطلى كسل وقومى يلا
كيان:مش قادره والله بجد عاوزه انام
ضيق عينه بشك وهو بيبصلها وسابها ومشى على شغله
صحيت على الساعه ١١ الضهر تقريبا
كيان:يالهوى ده انا مروحتش الشغل يادى النيله بقا انا اى اللى نيمنى كل ده بس ياربى
قومت اخدت شاور ومكنتش قادره جسمى مكسر وعندى صداع فطرت ومكنتش قادرة قومت عملت الغدا وفضلت مستنيه ليل يجى على الساعه ٤ كان جه وغير هدومه
حضنته جامد وانا بعيط وهو مكنش فاهمخانا بعيط لى
ليل بخضه:فى اى مالك اهدى مين مزعلك
كيان بعياط:انا انا عايزه اقولك حاجه
ليل: قولى متخافيش
كيان: انا حامل
ليل بصدمه:اى؟!!!احلفى
كيان:والله العظيم حامل عملت اختبار حمل وطلعت حامل
حضنى جامد وقعد على السرير وانا جنبه
ليل:اسمعى من هنا ورايح مش هتتحركى من الشقه فاهمه ولا هتعملى مجهود هجيب واحده تنضف البيت لحد ما تولدى
كيان بدموع:ربنا عوضنا ياليل عن اللى مات
ليل حضنى:شوفتى مش انا قولتلك ربنا يجيبه بالسلامه
كيان:اوعى تزعلنى بقا عشان ميحصلهوش حاجه
ليل بضحك:بطلى انتى تعصبينى
كشرت بطفوله ف باسنى من شفا_يف_ى بشغف
كيان:انا بحبك اوى ياليل اوعى تسيبنى
ليل وهو حاضنى:عمرى فى حياتى مااسيبك عارفه لى عشان انتى جزء من حياتى جزء من روحى حتى لو حصل بينا مشاكل مفيش حد يدخل بينا ولو زعلنا من بعض هنتصالح انتى عارفه انى بحبك وعمرى مااسيبك
بوسته من خده وحاوطت وشه ب ايدى:انت فعلا حبيبى مش مجرد كلمه
ليل مسك ايدى وباسها:ربنا يخليكى ليا يلا ارتاحى بقا فى سريرك وانا هتصل على ماما اعرفها بالخبر السعيد ده واتصل على دكتورة نتابع معاها
كيان:طيب ممكن تجيبلى موبايلى اتصل على ماما
ليل:حاضر
قضينا ايامنا فى سعاده وخصوصا انى خدت اجازه من الشغل وليل مبقاش يشوف حازم ف المشاكل وقفت وبصراحه ليل كان بيخاف عليا ويقعد معايا يسمعنى بعد يومه المتعب....وفى يوم
كانت الساعه ٢ بليل
ليل:انتى لسه صاحيه لى
كيان:مستنياك تيجى من بره انت تعبان ولا اى
ليل بتعب:لا كويس بس عايز انام طب غير هدومك وتعالى
بالفعل غير هدومه وجه نام جمبى لكن انا خليته يحط راسه على رجلى وينام وفضلت اللعب فى شعره بهدوء عشان اهئ له الوضع انه ينام بسرعه كنت عارفه انه تعبان
كيان بهدوء:شكلك تعبان اقوم اعملك حاجه سخنه
ليل:لا لا انا هنام
كيان:طب كلت؟
ليل بكدب:ايوه
كيان:بس انت شكلك تعبان بجد انت كلت ولا بتضحك عليا
ليل:مكلتش بس مليش نفس
كيان بضيق:يعنى تموت من قله الاكل خليك هنا وانا هجيب لك سندوتشات واجى ولا اجيبلك طبيخ وفراخ؟
ليل:لا خليها حاجه خفيفه احسن
كيان:تمام
روحت المطبخ وبدأت اعمله سندوتشات وعملتله نعناع يهدى اعصابه عشان يعرف ينام
كيان:يلا عشان تاكل....اى ده انت نمت!ليل ليل يلا اصحى
ليل بتعب:اممم
كيان:انت سخن؟درجه حرارتك عاليه انت مشيت فى المطر ولا اى
ليل:كان ورايا شغل فى مكان بره الشركه ومشيت فى المطر شويه
كيان بقله حيله:يالهوى عليك طيب حاول تقوم تسند عشان تاكل وانا هجيبلك دوا
اديتله الدوا وساعدته ياكل عملتله كمادات كان مرهق وتعبان كنت خايفه عليه اول مره من يوم ما اتجوزته اشوفه بالحاله دى
خدته فى حضنى وانا خايفه عليه كأنه ابنى وغطيته كويس نام بتعب وانا كمان حاولت انام لحد مانمت
فى الصباح
صحى ليل لقى كيان وخداه فى حضنها كأنه ابنها وخايفه عليه..ابتسم بتعب وبص على ملامحها وازاى هى جميله كده...حاول يقوم لكن حركته صحتها
كيان:رايح فين؟
ليل:رايح الشغل
كيان:شغل اى انت مش هتتنقل من مكانك هتموت نفسك عشان الشغل يعنى ولا اى
ليل:مش هينفع مروحش
كيان:والله ياليل ماهتروح
ليل:انتى بتحلفى عليا؟
كيان:مش قصدى بس انت مش هتروح انت تعبان مشوفتش نفسك امبارح ولا قوم دلوقت بص ل وشك فى المرايا الارهاق باين عليك
ليل:هتودينى فى داهيه انتى
كيان بضحك:تعالى بقى اقعد معايا بقالى كتير مقعدتش معاك
ابتسم ليل وهو بينام فى حضنها وهى بتحاوطه بإيدها
ليل:شكرا ليكى انك فضلتى جمبى امبارح
باسته من خده...كيان:انا جمبك دايما الف سلامه عليك
ليل: الله يسلمك
كيان:تعرف خوفت عليك اوى
ليل:وانا بحبك بحبك اوى
سندت راسها على راسه وهى بتحمد ربنا على ان حياتها بقت كويسه
ليل بهمس:هنلعب لعبه انتى هتغمضى عينك وتتخيلى اللى بقول عليه تمام
كيان بهمس زيه:تمام
كيان غمضت عينها وليل بدأ يتكلم
ليل:تخيلى البيبى جه وانتى شايلاه وقاعده على السرير بتتفرجى على الشاشه وانا جيت من بره ونمت فى حضنك بس المره دى انا اللى اشيل البيبى عنك عشان انتى تعبتى ونتفرج على فيلم سوا ونفتكر ايام زمان ونضحك
كيان كانت بتتخيل لكن حست بشف_ايفه على شفت_يها بيبوسها برقه فتحت عيونها ببطئ واستجابت معاه وهو شدها لحضنه جامد بحب
كيان:ليل
ليل:هشش مش وقت كلام خليكى فى حضنى
سكتت وهى حضناه بتوهان
*بعد مرور عده اشهر*
كانت كيان فى المستشفى
كيان بدموع:ليل لو جرالى حاجه خلى بالك من البيبى
ليل بخوف: متخافيش انتى هتقومى بالسلامه وهتربيه معايا
كيان:بس انا مش مطمنه
حضنها ليل ودموعه نزلت من غير ما هى تحس
ليل:انا هفضل جمبك وهتقومى افتكرى الكلام ده كويس
كيان:حاضر
ليل:باى ياحبيبتى
شاورتله وهى بتبعد تدخل غرفة العمليات
بعد عده ساعات طلعت الدكتورة من الغرفه
ليل:كيان كويسه ؟
الدكتوره:للاسف هى تعبانه اوى ومنعرفش هتفوق امتى ولادتها كانت صعبه ادعيلها ميحصلهاش حاجه
ليل بصدمه:اي؟!!!!
الدكتوره:ربنا يقومها بالسلامه مبروك جبت ولد جميل
ليل بص على الولد وقعد مكانه على الارض ودموعه بتنزل
ليل:لا يارب اكيد مش هتاخدها منى انا عارف انى تعبتها معايا كتير لكن والله بحبها يارب خليهالى انا مقدرش اعيش من غيرها بلاش توجع قلبى عليها
والده كيان شافته وهو بيعيط مشت نحيته
والده كيان:ليل انت بتعيط لى زمانها طالعه
ليل بدموع:بيقولوا انها تعبانه العمليه كانت صعبه ادعيلها والنبى
والده كيان بدموع:ربنا يقومها بالسلامه يارب طب والطفل كويس
ليل:اه الحمد لله كويس
والده كيان انا هروح اشوفه ولو حصل جديد ابقى عرفنى
ليل:حاضر
*فى الليل*
كانت كيان بدأت تفتح عينها ليل شافها من ازاز الاوضه فتح الباب ودخل بسرعه
ليل:كيان
كيان بتعب:ل..ليل
مشى نحيتها وحضنها وهو بيعيط
كيان بتعب:ليل ب..بتعيط لى ابننا حصله حاجه؟
ليل بعياط:لا هو كويس لكن انتى انتى كنتى تعبانه عارفه لو كان حصلك حاجه انا مكنتش سامحتك ولا سامحت نفسى ابدا
كيان:طب اهدى بطل عياط
بعد عنها وهو بيحاوط وشها بإيده بحنان:انتى كويسه صح حاسه بوجع اناديلك الدكتورة
كيان:هششش بس بس اى ده كله اهدى انا كويسه والله بس عايزه ارتاح شويه
ليل وهو بيساعدها تنام كويس:خلاص يلا نامى وانا جمبك
كيان:فى حضنك
ليل:اى؟
كيان:عايزه ارتاح شويه فى حضنك
ليل قعد جمبها براحه وخدها فى حضنه
ليل:يلا نامى تصبحى على خير
كيان:وانت من اهل الخير
نامت بارتياح فى حضنه
بعد مرور أسبوع:كانو عملوا سبوع البيبى سموه مازن
الكل مشوا وهم بس اللى اتبقوا
كان البيبى نايم على سريره وليل وكيان واقفين بيبصوا عليه
كيان:حلو اوى مش كده
ليل:ايوه ما شاء الله بكره يكبر ويبقى سندنا
كيان بصتله بحب:ربنا يخليكم ليا
ليل:ويخليكى ليا يا كيان حياتى🫂
كيان خرجت من حضنه بهدوء:يلا ننام
ليل بخبث:لا ننام اى بقا احنا لازم نجيب واد ثغنن كمان
كيان بضحك:يامجنون انا لسه والده هو انا قادرة على حمل تانى
ليل:تعالى بس ونشوف الموضوع ده بعدين
ضحكت بدلع وهى ماشيه جمبه بتبصله بحب♥️
هنا في كرنفال الروايات. ستجد
قناتنا👈علي التليجرام من هنا
🌹🌹🌹🌹🌹🌹🌹🌹🌹🌹🌹🌹
تمت بحمد الله