رواية جعلني احبه
الفصل الثالث عشر والرابع عشر13و14
بقلم ساره بكر
ندي: علي قوم يا علي قووووووووووم
علي اتفزع من صوت ندي و قعد علي السرير
* في اي
" عوزاك ف حاجه مهمه جداااااااااااااااا
* اممممم قولي
ندي بدموع __ابوس رجلك طلقني انا خلاص مش عوزه اتجوز انا عوزه اكمل تعليمي و النبي يا علي عوزه اطلق طلقنيييي
علي بضحك___ عوزه تطلقي لي بس
ندي بدموع اكتر___ والنبي طلقني انا خلاص تعبانه و مش قادره من الانتا بتعملوا دا انا خلاص حبيت التعليم و عوزه اتعلم
* انا قعت مستني انك تطلبي الطلاق بس مش هطلقك دلوقتي
" امال امتا
* بمذاجي يلا اخرجي بقي
" طب مذاجك هيجي امتا
* مش دلوقتي
" طب انا عندي امتحان الشهر الجاي و مش عارفه اذاكر خالص و عوزه اذاكر ممكن اخد اجازه
علي ندي صعبت عليه اووي لما شفها بتعيط و حس انو وحش معاها ____خلاص انا هنزل الكليه تاني وانتي ابقي خدي اجازه و بعد الامتحانات ابقي ارجعي تاني و اول منا ارجع ترجعي
ندي فرحت اوي اني علي وافق انها تقعد عشان تذاكر
________________________
في بيت رغد
رغد: هو يحيي هيرجع بعد الامتحانات بظبط
ريم: انتي شغله بالك بي يحيي كده لي يبنتي مالك
* لا طبعا انا هشغل بالي لي انا بسال عادي اصل البنات كلها بتسال و هتموت و تعرف هو مختفي فين بس وانا جالي الفضول اعرف بس هو دا كل الحصل هو انا هشغل بالي لي
" خلاص يبنتي هو انا بحقق معاكي في اي
* لا عادي اااا في موضوع مهم عوزاكي في..
لسه رغد هتكمل كلمها فون ريم رن
" طب لحظه يا رغد معلش اصل دي معجزه بجد انا مش مصدقه
* اي المعجزه
" يحيي بيرن عليا ___ الو
............................................................
~ انا تمام الحمد الله وانت
............................................................
~ اي يبني مش ناوي ترجع انت اصلا مسافر لي
............................................................
~ انا عند رغد شويه كنت عاوز اي
............................................................
~ الله يسلمك __ بيسلم عليكي يا رغد
..........................................................
~ دا لي دا
.........................................................
~ خلاص ماشي لما اروح سلام
......................................................
رغد: اقول الموضوع المهم بقي
ريم: قولي
* كنت عوزه نروح ندرس فقه و شريعه اسلاميه و كل حاجه عن الدين
" تمام بس في الاجازه احنا كده كده هنمتحن و ناخد الاجازه الكبيره فاهمه
* تمام
" طب انا هروح بقي عشان اشوف يحيي عاوز اي
رغد كان عندها فضول تسال هو كان عوز ريم في اي بس اتحرجت تسال ___ ماشي يا حبيبتي سلام
__________________________
في مصر تحديدا في شقه علي و يحيي
يحيي كان قاعد بعد صلاه العشاء و كانت رغد شاغله باله
يحيي كان بيكلم نفسه____يعني انا اسيب كل البنات المن سني و الاصغر مني بي سنه او اتنين او حتي خمسه و احبك انتي يا رغد طب فيكي اي زياده عن اي بنت شوفتها في حياتي اهو مخلياني مجنون و بكلم نفسي انا والله الناس هتضحك عليا لما اجي اتجوزك عشان انتي صغيرة بس اعمل اي بقي جت ريم في بال يحيي و اعتقد اني رغد معاها و رن علي ريم و كلمها و قالها حاجه بس ريم مفهمتش لي و خرجت
____________________________
نرجع تاني لريم
ريم خرجت و قبلت عمر كان داخل البيت
* السلام عليكم ازيك يا ريم
= الحمد الله ازيك ان.. لسه هتكمل فجاه الدنيا كلها بقيت ضلمه و ريم مسكت ايد عمر من الخوف
* يا ماما انا بخاف من الضلمه اووي
عمر نور كشاف الفون بتاعه ___ متخفيش و سيبي ايدي
= انا اسفه والله بس انا خفت و دا رد فعلي بس والله
* طب تخدي تليفوني تروحي بي
ريم بصت لعمر بغيظ ___علفكره انا معايه تليفون و في كشاف بس الفكره اني
* اي مالك سكتي لي
" هخاف امشي لوحدي بس
* طب تعالي هروحك انا
ريم كانت مشيا مع عمر وهي مبسوطه اوووي و اتأكدت اني عمر في قمه الادب و الاحترام
كانت مشيا وراه و هو قدمها و عشان خيفه قلع قم الجاكت و هي مسكت الجاكت بدل ايدو وكان ماشي طول الطريق ساكت و باصص في الارض
ريم في نفسها ___هو دا الزوج الصالح
عمر وصل ريم لحد البيت ومشي
_____________________________
بعد مرور الشهر التاني
علي سافر عشان امتحانات في الكليه عندو و كان بيكلم ندي كتير يرخم عليها و يضيقها بس كان بيكون مبسوط اووي و معرفش ولا بنت من المعاه في الكليه انو اتجوز عشان ميهربوش منه و كان عايش عادي في الشقه بتعتوا هو و يحيي و لاحظ التغير الكبير الظاهر علي يحيي انو بقي يصلي و يقراء قران ولما الشهر خلص قرر انو يرجع هو و يحيي
______________________
يحيي عمل الكان في دماغه و مكنتش رغد بتفارق خياله و كان مستني اني الشهر يخلص في فارغ الصبر عشان يشوفها اخيرا
_____________________
ندي كانت بتذاكر طول الشهر دا جامد اوي و امتحنت كان علي كل ميكلمها يضيقها لحد مبقتش ترد عليه اصلا و هو مسكتش بقي يبعت رسايل وهي كبرت دماغها و برضو مردتش و امتحنت و في انتظار الشهاده و انتظار علي في نفس الوقت
______________________
ريم يحيي طلب منها حاجه وهي مفهمتش عوزها لي و كان طول الشهر دا بتذاكر هي و رغد عشان الامتحانات و خلصوا امتحانات علي خير
______________________
رغد كانت حياتها عادي بين الصلاه و حفظ القران و المذاكره متنكرش اني يحيي جه في بالها اكتر من مره بس كانت بتستغفر او بتنشغل بي اي حاجه تانية خالص و امتحنت و خلصت امتحانات اخر السنه
_______________________
كريم سافر الغردقه في شغل و قرر انو يرجع يوم ظهور نتيجه ندي عشان ريم النتيجه بتعتها تظهر في نفس اليوم
_________________________
هاجر كانت مختفيه الفتره دي كلها بين المذاكره حتي مكنتش بتقعد مع ندي خالص كانت بتذاكر و قليل لما كانت بتكلم رغد او ريم
_______________________
اليوم المنتظر يوم ظهر النتيجه
في المدرسه
ندي: انا خيفه اووي
ريم: كلنا والله مش لوحدك
رغد: خير ان شاءالله انا حسه اني كلنا هننجح بتقدير كويس
ندي: يارب عشان علي هيشمت فيا شمتان
ريم: لا ان شاءالله مش هيحصل حاجه
هاجر خرجت ليهم ____ كل واحده بقي اديها علي خمسين جنيه
ندي: اي الدرجات عامله ايه
هاجر: انتي زفت طبعا خدي وانتو خدو
كل واحده من الفرحه صوتوا
ندي طلعت الاوله في دفعه سنه اوله كلها
رغد كانت نقصه خمسه درجات ف المجموع كله
و ريم نقصه سبع درجات و نص
و اتنقلوا الاتنين الي الصف الثالث
كانوا خرجين من المدرسه لقوا عربيه علي و عربيه يحيي و عربيه كريم و عربيه عمر قدام المدرسه
البنات اتفجات بكميت العربيات دي
عمر: اي عملتوا اي
كريم: اي طمنيني. كان بيكلم ندي و عينه علي ريم
علي لف وش كريم نحيت ندي ___عملتوا اي
رغد الحمد الله انتو اي الجابكوا
عمر: عشان نطمن نشوفكوا عملتوا اي
علي: زوجتي العزيزة ايدك علي الشهاده
ندي بكل فخر اتفضل ومتنساش الهديه هاا
علي: هديه اي
ندي: النجاح ي زوجي العزيز
علي شاف الشهاده و فرح باندي و بدرجتها اوي.. طب يلا عشان تروحي
ندي: انا هروح مع كريم
علي: لا انا جيت انتي تيجي البيت مستنيكي الاكل انتي فاهمه
ندي اووووف يلا سلام يا بنات
هاجر: طب يلا يا كريم نروح
كريم: ماشي و الف مبروك علي النجاح ليكوا كلكوا وكان بيبص لريم و مشي
عمر: طب يلا يا رغد __ و الف مبروك يا ريم
رغد كانت مستنيا اني يحيي يطلع من العربيه علي الاقل لكن هو مطلعش لا وكان واقف با العربيه قدمهم و هما وراه يعني حتي مش شايفهم ___ماشي يا ابيه عمر سلام يا ريم هننزل دروس من بكره ان شاءالله و مشيت
يحيي كان في العربيه مرضيش ينزل لما شاف عمر موجود و كان شايف رغد من مرايه العربيه و ندا علي ريم عشان يروحوا
________________________
ريم: اي يا عم شهرين لي بس
" عادي تعالي نروح نجيب حمص الشام و نقعد نتكم شويه
* ماشي موافقه بس استني انت كنت عاوز صورتي انا و رغد لي
" هتعرفي بليل
يحيي جاب الحمص و قعد و اتكلم مع ريم و عرفها انو بيحب واحده و انها اصغر منه بس معرفهاش انها رغد بس ريم حست بس مقلتش و روحوا في انتظار انها تعرف سر الصوره
_________________________
في بيت يحيي الأنصاري
امينه: الف مبروك يا ندي الف مبروك يا ريم
صابرين: لا احنا نعمل حفله بقي
دياب: لي يعني
امينه: عشان النجاح
سليم: اما انتو عليكوا حاجات يا بتوع مصر انتو
امينه: في حاجه يا حج
سليم: لا يا حجه شوفي عوزه اي انتي
علي: لا هي مش هتعوز حاجه
دياب: كيف يا ولدي هتحتاج وكل و ناس تعمل الواكل ولا اي
علي: ناس لي امال ندي راحت فين تعمل
ندي بصت لعلي
علي: اي هو انتي عندك اعتراض يا ندي
ندي اتكسف تقول حاجه ___ لا معنديش اعمل عادي
وفعلا ندي قعدت و عمل اكل كتير اوي بس مش لوحدها كانت ام علي و ام يحيي و ريم و رغد جت هي كمان و ناس كتير بتعمل عشان دياب دبح وكانوا عملين عزومه بعد مخلصوا كل حاجه كلهم طلعوا يلبسوا معاده ندي و رغد كانوا وقفين عشان مش معاهم هدوم
ريم: تعالوا خدو لبس من عندي
رغد اخدت منها درس زهري و خمار سمني و دخلت الحمام تغير و ندي اخدت فستان اسود و طرحه حمرا بس مكنش في حمام تغير في عشان رغد دخلت
ريم: بصي ي ندي امشي هتلقي اوضه علي جمبي ادخلي الحمام الفيها
ندي: ماشي
ندي خرجت و خبطت علي باب الاوضه محدش رد فتحت و دخلت و قفلت وراها خبطت علي باب الحمام محدش رد اطمنت اني علي مش في الاوضه اصلا و دخلت الحمام و خلصت و كانت بتلف الطرحه جوه الحمام عشان خافت لو خرجت علي يخرجها من الاوضه و تكسف
في اوضه ريم
ريم لبست فستان اوف وايت و خمار كشمير وكانت حلوه اووي و رغد كمان كانت حلوه اوي و نزلوا الاتنين تحت
يحيي خلص لبس و اخد الهديه و نزل
علي كان في اوضه ابوه و امه
سليم: احترم نفسك مع البت شويه هاا و بعدين انزل بيها كده هي مش مراتك ولا اي
علي: انزل بيها ازاي
امينه: يعني بعد متخلص لبس مع اختك انزل معاها
علي:ااه ماشي انا قايم البس
سليم: حرام البنك بيعملوا دا
امينه: عارفه بس انا والله واقفه مع البت مش سيباها
__________________________
علي دخل الاوضه طلع لبس وفتح باب الحمام و اول مفتح اتخض و ندي صوتت
علي: انتي بتعملي اي هنا
* انت ازاي متخبطش هاا ازاي
" انتي في اوضتي
* برضو الله
" اخرجي عشان البس يلا اصل هي مش نقصا و ااه استني هنا عشان ننزل سوه
ندي زعلت من طريقت كلمه معاها و خرجت وقفت بره
علي خلص لبس و كل حاجه و نزل هو هي مع بعض
عملوا الحفله وعشان هي حفله كل واحد استغلها و جاب الهدايه لي ريم و رغد و ندي و هاجر
_______________________
كريم جاب لندي دبدوب و دريس و جاب لهاجر دريس و شنطه و جاب لريم بوكس في شكولاته و دبدوب مكتوب عليه بحبك
علي: لا يا كريم معلش انت جيب لاخواتك بس معلش ابقي رجع هديت ريم او بص عشان متزعلش هات الشكولاته
عمر: جاب لكل واحده فيهم مصحف حلو اوي بس وكلهم زي بعض عشان ميبينش حاجه
علي جاب لريم مارد وشوشني و شلبي و بوو و جاب لندي خاتم فضه و هاجر و ريغد جبلهم مجموعه كتب مصطفي حسني
يحيي بقي الهديه المنتظره طلع البوم في صور ريم من وهي صغيره و في صور مع يحيي و علي و رغد و كل العيله و كان في برواز كبير في صورتها هي و رغد في كتب كتاب علي
ريم: هاااا الله عشان كده كنت عاوز مني صورتي انا و رغد جميل اووي
و طلع بوكس حلو اووي لرغد في مصحف و سجاده صلاه و سبحه و برواز زي بتاع ريم
و جاب لندي البوم صور علي وهو صغير
و لهاجر خاتم فضه
_________________________
ندي: طب انا مالي بصور علي
يحيي: دي كل الفضايح بتاعت علي
علي: ي ابن ال ماشي
خرجوا الشباب بره و البنات فضلوا في البيت و الناس جيهم
رغد كانت واقف و خلاص هتمشي شافت يحيي طلع فوق فاطلعت وراه
رغد: بعد انك يا يحيي
يحيي اتفاجئ اني رغد طلعت و انها بتكلموا اصلا__ في اي
" كنت عوزه اقول اني انا مفيش حاجه بيني و بين كريم انا كنت هقع و هو لحقني و بس لكن مفيش حاجه بينا
يحيي بابتسامه طب انتي مهتمه تعرفيني لي
" عشان انت غمزتلي اكني في حاجه بيني و بينه و انا مش بحب اني حد يفكر فيا بطريقه غلط بس
بعد اذنك
........................................................................................................................
بعد سنتين
........................................................................................................................
في خلال السنتين
علي كان بيقرف ندي علطول بس اتعلق بيها اوي مجرد تعليق بس و هي كانت بتتحدا ديما و حبتوا اووووي و المفروض انهم كانوا يتجوز بس علي قال بعد سنه كمان بحجة انو عندو تدريبات و حاجات في الكليه كان بيكلم ندي كل يوم و يتخانق معاها و كان بيزعل اوي انو بيسافر للكليه عشان مكنش بيشوف ندي و هي كمان كانت بتزعل و زعلت اووي لما اخر معاد الفرح
________________
يحيي كان حب رغد بيكبر في قلبوا اووي وكان مبسوط اوي بنجحها و كان هو البيديهم انجليزي لانوا مدرس ثانوي و بقي بيشوف رغد كتيييبر اووي و بقي يتكلم معاها عشان الدرس او بحجه الدرس و من بعد مرض ابوه بي القلب بقي هو البيحل مشاكل البلد و رغد كانت بتحس بحاجه نحيت يحيي بس كانت بتقول اني دي فتره مرهقه عادي تحس الاحساس دا و ختمت القران هي و ريم
______________________
ريم كانت زي مهي و كان عمر علطول في بلها ديما وكانت بتحس انو بيحبها بس تصرفاته عكس الاحساس دا بس هي كانت بتدعي كتير
______________________________________
يحيي: الو اي يا عمر. كنت عاوز اقبلك عشان موضوع مهم__. لا مينفعش في التليفون خلاص
في الكافيه...
خلاص اخيرا هرتاح بقي
___________________
في الكافيه
عمر: اي يبني مالك قلقتني
* الموضوع حياه او موووت
" في اي
* انا عاوز اتجوز رغد 🙈
عمر.........
#جعلني_احبه
بقلم/ ساره بكر
الفصل الرابع عشر
في الكافيه
عمر: اي يبني مالك قلقتني
* الموضوع حياه او مووووت
" في اي
* انا عاوز اتجوز رغد 🙈
عمر من الصدمه بص و سكت......
يحيي في سرعه بص انا عارف اني اكبر منها بس بصراحه انا معرفش امتا او ازاي قلبي دق ليها بس صدقني انا حبيتها اووي و بجد هسعدها معايا و لو علي السن انت قولت اني السن ملوش دعوه بي الحب.... يحيي كان بيتكلم بسرعه و كان مستني رفض عمر عشان متخيل اني عمر بيحب رغد بس عمر فضل سااكت و كان كل البيفكر في اني يحيي مش بيحب ريم و انه اخيرا هيقدر يتقدم هو كمان.. فاق عمر علي صوت يحيي.
يبني انت ساكت لي اي رايك
= يعني انت بجد عاوز تجوز رغد
_ ااه امال انا بكلم مين بقالي ساعه
= انت بتكلم جد يعني انت مش بتحب ريم 🙊
_ ريم لا ريم زي اختي بس اي الدخل ريم انا بقولك عاوز اتجوز رغد
= ماشي انا هقولها و ال في الخير يقدمه ربنا بس انت بجد مش بتحب ريم
_ والله العظيم ريم اختي اختي وانا بحب رغد بس اقسم بالله
= خلاص يبني فضحتنا اسكت. وقام حضن يحيي جامد و اتفق معاه انو يقول لرغد و يرد عليا
يحيي وافق اني عمر ياخد راي رغد الاول عشان دا حقها و كان مستغرب اوي من موافقه عمر و كان مستغرب اكتر اني عمر كان مفكر اني هو بيحب ريم و اتفاجا بفرحه عمر لما عرف اني ريم بالنسبه لي اخته و فهم من الحوار ان عمر بيحب ريم.
______________________
في بيت يحيي الأنصاري
دخل يحيي و كان في قمه السعاده و حضن امه و قعد يغني اغاني رومنسيه
صابرين: اي دا مالك يا حبيبي اي الحب و الرومنسيه دي كلها
* انا مبسوط اووي اووي
= ربنا يسعد ايامك ديما يا حبيبي بس خير اي المفرحك اوي كده
_ اقول و مش هتقولي لحد
= في بير قول
_ البير البيت كله هيشرب منه اول مخلص
= عيب عليك ي حبيبي قول بس
يحيي في حرج اصل اانا بصراحه قولت لعمر اني معجب بي رغد و عاوز اتقدملها
= بجد لولولولولولى الحمد الله طلبتها و نولتها
_ لا ي امي انا هتجوز مش هطلعك تحجي
= اسكت يا ولد اصل انا بحب رغد اوي و كان نفسي انها تكون من نصيبك
_ ادعيلي بس انها توافق ي امي
= ان شاءالله ي حبيبي لو في خير ليكوا مع بعض هتكون من نصيبك
_ طب انا هطلع انام بقي
__________________________
في اوضه علي
علي كان لسه صاحي من النوم و سمع دق علي الباب
_ ادخل
يحيي: صحي النوم يا دكتور اي كل دا نوم
= اه يا عم انام برحتي الله بس انت خارج رايح فين
_ لا دا انا راجع
= طب كنت فين من غيري
_ تخيل كنت فين
= معرفش
_ انا كنت بتقدم لعمر اني اطلب ايد رغد
علي قام من علي السرير اي احلف كده لا لا مش مصدق احلف و النبي
= اي يبني والله كنت بطلب ايديها
_ كلامك طلع صح يا اوزعه
= نعم اوزعه مين
_ الاوزعه ندي اصلها قالتي انك هتتقدم لي رغد في يوم من الايام و انا كدبتها و قولت مستحيل بس دا حصل ازاي
= اصلا هي عرفت من اين و بعدين انت قولت مستحيل لي
_ اصل هي يعني اصغر منك بكتير
يحيي سرح ___ الحب ملوش اي علاقه بي السن ولا بي شكل ولا بي الفلوس ولا بتعليم الحب مجرد قلب دق لوحده و حس معاها بي الامان و انها هي دي التنفع تكون ام و زوجه لكن السن دا ميهمنيش رغد الوحيده الحسيت معاها بفرحه بكون مبسوط لما بشوفها قدامي احنا اه مش بنتكلم كتير بس حسيت بي احساس اول مره احسه في حياتي هي الوحيده الاخترقت كل الحدود في قلبي و دخلت و قفلت وراها
علي بتصفيق بركاتك يا ست رغد خليتي يحيي الانصاري يقول كلام حب يحيي الحجر بقي عندو قلب و دق. طب قولي صحيح هي ودت مفتاح قلبك فين بعد مقفلت وراها
= رمتوا في البحر يا رخم و انا اصلا مهزق اني اتكلمت مع حيوان زيك
_ لي بس كده يا عندليب الله
= اقول اي انت عشان صايع و بتاع بنات مش هتفهمني واقولك علي حاجه البت المتجوزها دي خساره فيك
_ لا علي فكره انا فاهم و حاسس بيك و عارف اني الحب مش بسن
= انت حبيت ندي
_ والله يا يحيي مش عارف بس دا مش حب انا اتعلقت بيها و بقت حاجه اساسيه في يومي لزم اسمع صوتها بس قلبي لسه مدقش ليها حتي وانت بتقول الكلام دا انت كنت بتفكر في رغد و اكيد قلبك دق لكن انا قلبي مدقش يعني مجرد اعجاب و تعليق بس
= مطلقها عشان متظلمهاش معاك
_ مين فينا الحيوان دلوقتي يعني انا بقولك متعلق بيها وانت تقولي اطلقها
= انت غريب يا علي انا خارج
يحيي خرج من عند علي و دخل الاوضه بتعتوا و علي قام و ساب رساله لندي انها تجهز عشان يجبها البيت و دخل ياخد دش
_____________________
في بيت عمر
عمر: رغد انتي صاحيه لي و كنتي فين
* صحيت كنت بصلي الضحي و خرجت اجيب فطار عشان ريم جايه و هنفطر سوه
" ريم جايه
= اممم تفطر معانا
_ لا طبعا انتي بتهزري انا اصلا هروح الشغل
= ماشي ربنا معاك
_ اوبس كنت هنسا تعالي عوزك في موضوع مهم
= خير
_ في عريس متقدملك وو.. قطعت رغد كلام عمر
= مش موافقه
_ طب اسمعي بس الاول مش تعرفي هو مين
= لا مش عوزه اعرف عشان مش هيفيد بحاجه انا مش موافقه و بس
_ يبنتي ربنا يهديكي اسمعي بس
= رغد قلبها كان بيدق جامد اوي ودي كانت اول مره قلبها يدق كده لما حد يجي يتقدم ليها و موافقتش و قامت بسرعه عشان ضربات قلبها زادت اوي
عمر خرج من البيت وكان في حيره كبيره اوي ازاي هيقول ليحيي اني رغد رفضت و كان شايف حب يحيي لرغد من طريقه كلامه و هو ماشي مخدش بالوا من الطريق وكان في عربيه جايه تخبطوا بس ايد ريم كانت اسرع من العربيه
ريم بلهفه انت كويس فيك حاجه حصلك حاجه
عمر: اهدي انا كويس محصلش حاجه الحمد الله
ريم : اووف الحمد الله وانت اي مش تاخد بالك في حد يمشي وميخدش باله من الطريق انت صغير عاوز اليقولك خد بالك انت لو كان حصلك حاجه انا كنت......
عمر: اي كان حصل اي و بعدين انتي مهتمه اوي لي
ريم وشها قلب فروله واتكسفت و مشيت جري
عمر ابتسم علي عفويه ريم و مشي
__________________
وصلت ريم بيت رغد و كان ضربات قلبها زي الطبول و خبطت و رغد فتحتلها
رغد لما فتحت الباب و شافت ريم لا ارادي اترمت في حضنها و كانت بتعيط اوي
ريم: مالك في اي اهدي اي كل العياط دا اي الحصل
_ هااااا محصلش حاجه اهئ اهئ
= طب تعالي اقعدي وانا هجبلك تشربي
دخلت ريم المطبخ و جابت ليها مياه و خرجت قعدت جمبها علي الكنبه
_ هااا مالك بقي اي الحصل للدموع دي
= والله يبنتي محصلش حاجه انا لقيت نفسي كده
_ لا ازاي طب احكي الحصل
= انا صحيت صليت الضحي و خرجت اجيب عيش و اجيب الفطار عشان نفطر مع بعض و جيت لقيت عمر هنا و اتكلمنا شويا و بس
_ اتكلمتوا ف حاجه ضيقتك يعني
= لا هو جه قالي اني متقدملي عريس
_ تااني
= اه و انا طبعا رفضت بس المره دي اول م عمر قالي اني متقدملي عريس قلبي دق اووي و مبقتش علي بعضي و لما رفضت ضربات قلبي زادت اوي و كان في دموع و دخلت الاوضه و قفلت علي نفسي و بقيت اعيط انا معرفش انا بعيط لي
_ طب انتي عرفتي اسم العريس دا او اصلا تعرفي
= كالعاده انا مرضتش اعرف هو مين
_ ليها تفسير واحد اني جسمك و قلبك رافض القالوا لسانك بس
= يعني اي
_ متخديش في بالك ريم حاولت تغير الموضوع.. اسكتي بقي اتكسفت و اتخضيت في نفس الوقت
= ازاي يعني
_ كنت جايه لقيت عمر ماشي في الشارع و مكنش واخد بالوا من العربيه و العربيه بتظمر اصلا انا بقي هرقليز في نفسي جريت و شديتوا من ايدو بس تعرفي كان نفسي يحضني كده و نقع نتمرمغ علي الارض زي الافلام
رغد ضخكت اووي يخربيتك طب دا الخضك و اي الكسفك بقي
= تخيلي قعت ازعق لعمر و كان شكلي باين اني خايفه عليه لا واي كان ناقص اضربوا و هو راخر بيقولي انتي مهتمه لي كنت هقوله لو حصلك حاجه انا هموت بس مسكت لساني و جيب
_ هههههههههه يلهوي عليكي طب يلا نفطر بقي
______________________
في بيت صالح الديب
ندي صحيت لقت رساله من علي انها تجهز عشان هيجي ياخدها البيت و هي قامت و اتوضت و صلت و جهزت وفي انتظار علي
نزلت ندي لقت كريم بيكلم هاجر
~ يابنتي متوفقي بقي هو اي اليعيبوا
" ميعبوش حاجه يا كريم بس انا مش عوزه اتجوز
~ هو انا قولتلك تجوزي انتي لسه هتشوفي و تتخطبي الاول
ندي: في اي يا كريم انت بتزعق ليها كده لي
كريم: يعني يا ندي في الاول خالص علي كان متقدملها و رفضت و انتي اتجوزتي و بعدين مكرم صاحبي اتقدم و رفضت و بعدين دكتور هشام الفي المركز عندنا هنا و رفضت و دلوقتي خالد صاحبي و برضو بترفض انا عاوز اعرف هي بترفض لي
هاجر: انا حره يا اخي الله مش عوزه انا اتجوز دلوقتي
كريم: لي انتي لي عوزه الناس تتكلم علينا حلو لما يقولوا هي بترفض عرسان لي هي فيها اي وانتي عارفه هما هيقولوها ازاي
هاجر: يولع كلام الناس ميشغلنيش بي بصله لكن خطوبه و جواز و كده لا انا مش عوزه اتجوز مش بي العفيه والله مش بالعفيه
كريم: يوووووو شوفيها انتي بقي يا ندي
هاجر من اول الحوار عنيها رغرغت و لما كريم زعق خافت اووي و عيطت
ندي: حاضر هشوفها متزعقش انت عشان هي بتعيط لما حد بيزعق
كريم اخد نفس طويل خلاص يا هاجر مش هزعق تاني بس انتي بطلي عياط و اتكلمي مع اختك و هو هيجي بليل عشان تشوفي
~ اي يا هاجر مش عوزه تجوزي لي
" انا مش عوزه انا عوزه اعيش لوحدي مش عوزه يبقي معايا حد
~ لا يا هاجر انتي كده غلط و بصراحه كريم و بابا معاهم حق انتي بترفضي لي اكيد في سبب
" انتي مش عارفه حاجه يا ندي اسكتي بقي و سبوني في حالي ابوس اديكووا.. و قامت و طلعت علي الاوضه
ندي طلعت وره هاجر. لا منا عوزه اعرف انتي لي بترفضي و مش همشي غير لما اعرف
هاجر بدموع عوزه تعرفي
~ اه ومش همشي غير لما اعرف مالك
" طب اسمعي..................
_______________________
تليفون ندي رن و كانت كل مره بتكنسل و سابت هاجر و نزلت
علي شاف ندي جايه نزل من العربيه و وقف قدام العربيه وكان مخنوق عشان بيرن عليها وهي مش بترود
_ هو الاستاذه كانت بتكنسل لي
.........
مالك يا ندي مش بترودي لي مش متعود منك علي كده
ندي كانت نازله و عيونها مدمعه
و شافت علي حست انها في امان و من غير مقدمات حضنت علي اووي و كانت بتعيط
علي اتفاجأ لما ندي حضنتوا و خاف عليها لما قعدت تعيط ___ مالك يا ندي في اي اي الحصل بتعيطي لي
~ خليك معايا يا علي متسبنيش
" في اي يبنتي مالك اي الحصل
ندي سابت علي و دخلت العربيه
" دخلتي لي كنا كويسين بره
ندي.......
" لا فوقي دا في سجق و كرشا و لحمه راس مستنينك في البيت
~ معلش يا علي مش هقدر انا هدخل عشان تعبانه __ كانت هتخرج من العربيه علي مسك اديها.
_ استني انا مش هسيبك كده
= بس انا والله مش هقدر اعمل حاجه
_ لا تعالي هنخرج عشان تعرفي اني قلبي طيب
ندي بصتلوا و ضحكت
_____________________
عمر رجع من الشغل لقي رغد بتصلي و بعد مخلصت
~ انتي متاكده انك رفضه العريس
" اه يا عمر انا مش هتجوز انا عوزه ادخل كليه الطب يعني لسه الطريق طويل
~ خلاص ماشي
رغد قامت عشان تذاكر و عمر خرج
~ الو اي يا يحيي تعالي عشان عوزك ايو بخصوص الموضوع دا
~ انا مش عارف اجبهالوا ازاي ربنا يستر
_______________
بعد ساعه يحيي قابل عمر قدام البيت
يحيي: بص انت لما كلمتني انا من الفرحه مكنتش مصدق بجد
عمر في نفسه بتصعب عليا الموضوع لي يا يحيي
يحيي: عارف انا لما قولت لمي فرحت اوي دي زغرطت والله وانا قعت اصلي و ادعي كتير اووي
عمر: كل شئ قسمه و نصيب يا يحيي
يحيي.........