مروه : لعبه لعبت ايه دي
عواطف ببتسامه: اصل سليم زمان كان لما يعوز لعبه وقوله لا يزعل وينام في اوضته لوحده ومينمش في حض*ني لحد ما وافق وجيب ليه اللعبه فيرجع ينام في حض*ني ويلعب بيها يومين وبعدين يرميها او يكسرها
وتبص عواطف لمروه وتكمل ببتسامه : انا بقي هجيبله اللعبه النفسه فيها
مروه :وافرضي بقي البت عجبته ومزهقش واصلا البت حلوه اوي وهتاكل عقله زي امها ما اكلت عقل ابوها ما انتي سمعتي سلوي مرات عمها بتقول ايه علي امها وازي وكله عقل ابوها وانها بتلبس ليه زي العرايس ال لسه متجوزين جديد يعني اكيد معلمه بناتها وبت لين دي بقي احلي من امها واختها سيلا بكتير
عواطف بخبث : بس لما يبقي ابني تحت عيني انا هعرف ازي اخليه يزهق او هي التزهق وبعدين انا محدش يفكر ياخد ابني مني وسيبه في حاله ابدا ( وتقوم تقف) اوعي اوعي لما اروح اصالحه وجيبه يفطر
عواطف تدخل علي سليم تلقيه نايم علي السرير واول ما يشوفها يروح باصص لسقف
عواطف وهي بتعقد جمبه علي السرير
عواطف : لما من قبل ما تجوزها تزعل مني بسببها امل لما تجوزها بقي هتعمل فيه ايه هتاخدك و تسافر وتسيبني
سليم يقوم يعقد بفرحه : لا طبعا دا اول شرط ليه انها ترجع مصر هو انا اقدر ابعد عنك يا ست الكل
عواطف : يعني هتجوز هنا
سليم : ايوه هتجوز في شقتي الفوق
عواطف تبص ليه بضيق : طب وليه متجوز معايه هنا في الشقه في اوضتك
سليم وهو بيقرب وينام في حضنها : ياماما ما انا هبقي في الشقه الفوق هنا علي طول مش بعيد يعني وبعدين انا مش هطلع فوق ال عشان انام بس باقي اليوم هفضل هنا معكي وجمبك هو انا اقدر ابعد عنك برده يا طوفه
عواطف تبصله : يعني هتاكل وتشرب هنا فطار وغدا وعشا تطلع علي النوم وبس دا شرطي عشان اوفق
سليم وهو بيعقد وفرحان : طبعا موافق
عواطف بمكر وخبث : ولو هي رفضت وقالت لا وقعد في شقتي
سليم : عيب عليكي يا ام سليم ابنك راجل كلمته هو البتمشي ولما اقول هناكل هنا يبقي هناكل هنا
عواطف ببتسامه : طيب ماشي موفقه و ام شوف بقي ابني الرجال هينفذ وعده ليه وال لا
سليم بفرحه وهو بيبسها : حبيبتي يا طيفه يا قمر
عواطف بغيظ من فرحه سليم : وياتري هتكلم ابوها امتي ان شاء الله ونروح نخطبها
سليم: يعني شويه كده علي ما لين تظبط الامور وتكلمهم عشان يوافقه
عواطف بغضب : نننننعم ليه هم ممكن ميوافقش ليه ان شاء الله هم هيلقي زيك فين دول يحمده ربنا انك بصت وعاوز تخطب بنتهم انا عارفه انت عجبك فيها ايه اصلا دي وحشه
سليم وهو بيحاول يرضيها تاني ويبتسم : ومين قالك ان انا في حد عجبني انا ميعجبنيش غيرك انتي ياقمر يلا بقي فطريني احسن هموت من الجوع
عواطف: بعد الشر عنك يا قلب امك قوم يا حبيبي الفطار بره تعال نفطر سوا
وفي بيت العيله الكل قعد بيفطر علي سفره الجده
الجده : ها يا مني اطمنتي علي سيلا وصلت اليونان بسلامه
مني : ايوه يا ماما الحمد الله ومبسوطين جدا
الجده : ربنا يسعدهم يارب ويهدي سيرهم
( وتبص ل سناء)
هي البت ريهام فين يا سناء من ساعه ما جيت وهي وش الضيف مش بنشوفها ابقي اعزميه هي وجوزها يتغدا هنا ويباته معنا
سناء : حاضر يا ماما بعد الفطار هكلمها وقولها تيجي
ويرن تلفون فؤاد ويرد
فؤاد : الو اهلا اهلا يابو طلال
ويسكت شويه ويستمع لطرف التاني
فؤاد بفرحه : بجد ربنا يبشرك بلخير يابوطلال الله يبارك فيك يا حبيبي مع الف سلامه اشوفك علي خير
لين قلبها يدق وخايفه : خير يا بابي الناتيجه ظهرت
فؤاد بفرحه : ايوه يا حبيبتي الف مبروك يا بشمهندسه 99% رفعتي راسي يا حبيبتي
(ويقوم يحضنها ولين تجري لحضنه ويفرحه كل ال في البيت وزغريدتملي البيت)
مني بفرحه : مبروك يا لين الف مبروك يا حبيبتي فرحتي قلبي
لين وهي تحضنها : كله بفضل الله وبفضل حضرتك انتي وبابي يا مامي انا عمري ما هنسي انك سيبت شغلك و حياتك العمليه واحنا صغيرين عشان تفضلي معايه انا وسيلا طول الوقت ربنا يخليكي لينا يارب
فؤاد وهو يحط ايده علي كتف مني : فعلا يا مني انت فضلك كبير اوي انتي ال سيبتي شغلك وفضلتي معهم وتبعتيهم ووقفتي جمبي لحد ما انا وهم نجاحينا انتي اعظم زوجه في الدنيا وانا ربنا كرمني بيكي
مني الدموع في عينها ومكثوفه من كلمه قدم الكل وهم بيبصه عليهم بفرحه ( معاده سلوي ال الغيره مليه قلبها)
مني بدموع الفرحه : وانا عمري ما كنت هلقي زوج وال واب لبناتي زيك يا فؤاد كفايه حنيتك وطيبتك وحبك ليه
الكل يبارك ل لين وفؤاد ومني والكل فرحان بيهم
ورحو قعده في الصلون و كان موجود كل من فؤاد ومني والجده وفريد وفاروق و امير وسناء
فؤاد : هااا يا بشمهندسه تحبي هديتك من هنا ولا من الكويت لما نرجع
لين حست ان دا الوقت ال لازم تكلم فيه
لين بقلق : لا من هنا اصل انا مش هرجع الكويت
فؤاد بستغراب : يعني ايه مش هترجعي الكويت
لين : انا عاوزه ادخل الجامعه هنا
فؤاد يعقد يتعدل ويبص ليها : تدخلي الجامعه هنا ليه هو مش احنا متفقين انك هتدخلي ال Auc الفي الكويت عاوزه تدخلي الهنا مهي موجوده هناك
لين بخوف : ما انا مش هدخل Auc انا عاوزه ادخل فنون جميله في المنصوره
فؤاد بصدمه : ايه فنون جميله ! ازي انتي طول عمرك وانتي عاوزه تبقي مهندسه معمار وعاوزه تدرسي في Auc و تسافري بره تحضري الماجيستر والدكتورها
لين تبص للارض : غيرت رائي
فؤاد بغضب : غيرتي رائيك بين يوم وليله
مني : اهدي يا فؤاد لما نفهم منها فهمينا يا لين غيرتي رائيك ليه
لين : يا مامي انا مش هقدر ارجع الكويت لوحدي
فؤاد بزعيق :. لوحدك ازي ما كلنا رجعين
لين بدموع وزغلانه ان بابها زعلان منها
لين : من غير سيلا يا بابي و حضرتك بتقول ان امير كمان هيمسك فرع الشركه هنا في القاهره يعني هو كمان هيرجع يعيش في مصر وانا مقدرش ابعد عن اخواتي
فؤاد : لكن تقدري تبعدي عننا احنا
لين بحزن : لا يا بابي بس حضرتك ومامي هتقدره تيجي طول السنه في اي وقت لكن انا هنشغل في الدراسه ومش هقدر انزل غير كل سنه وفي سنين هيكون فيها تدريب وشغل عملي ممكن مقدرش انزل خالص مصر وانا مقدرش ابعد عن اخواتي كل الوقت دا
فؤاد بغضب : انا الكلام دا مش عجبني ومش مقتنع بيه انتي هترجعي معنا انا مش هسيبك هنا لوحدك
فريد بيحاول يهديه : اهدي بس يا فؤاد وبعدين لوحدها ازي يا فؤاد بنتك هتبقي وسطينا ومعنا وفي بيتنا
الجده بفرحه : طب والله دا احسن حاجه انها تدخل الجامعه هنا وهو انت ومني كمان ترجعو تعيشه في مصر وكفايه غربه
سناء : متخافش عليها يا فؤاد هتبقي في عنينا زي رشا بظبط
مني وهي بتبص للين : طيب وليه فنون جميله يا لين وليه متدخليش ال Auc في القاهره زي ما كنتي عاوزه
لين : ما لو دخلتها يبقي هحتاج اقعد في القاهره وانا مينفعش اقعد لوحدي هناك وبعدين حضرتك عارفه انا بحب الرسم والتصميم فعاوزه ادخل قسم ديكور
فؤاد : انا الكلام دا مش داخل دماغي احنا هنرجع كلنا يا لين انا مش هسيبك هنا في مصر ويقوم ويسبهم
فلين تعقد زعلانه وعيونها تدمع فهي اول مره تزعل بابها ويمشي زعلان منها
امير يقرب ويعقد جمبها : متزعليش يا لين بس عمي ليه حق انتي ال غيرتي رائيك وانتم كنتم متفقين وبعدين انا عاوز افهم ليه فنون جميله
لين : بص يا امير دلوقتي انا لما اتخرج شغلي هيكون في شركه بابي وانتم مش محتاجين مهندسين معمارين انت موجود وفي مهندسين كتير في الشركه انا لما قرارت اني افضل هنا حبيت اني بعد ما اتخرج اضيف حاجه جديده لشركه عشان كده اختارت قسم ديكور ساعتها هضيف ل الشركه وادخل فيها الديكور كمان بمعنا ان مش بس نبني لا هناسلم البيت او الشركه علي المفتاح ابني وشطب وافرش كمان ووقتها شركتنا هتكبر اكتر وانا هكون ضيفت حاجه جديده مش هبقي مجرد بنت صاحب الشركه واشتغل فيها وقتها حتي لو عملت ايه محدش هيقول اني نجحت بمجهودي وانا عاوزه اعمل حاجه تضيف ليه وانجح فيها
فاروق : طيب والله البت دي دمغها الماظ وتفكيرها صح
الجده : مني روحي لفواد واتكلمي معها
لين : ايوه يا مامي بليز اتكلمي حضرتك مع بابي وفهميه وجهه نظري انا مش عاوزه يزعل مني
مني ببتسامه : حاضر يا لين بس انتي متاكده من قرارك دا مش هترجعي تندمي
لين :ايوه يا مامي وفكرت فيه كتير جدا
مني : خالص يا حبيبتي هكلمه
وتروح لين تبوس مامتها وتقوم مني تروح لفؤاد وتلقيه قاعد متعصب ومضايق
مني بهدوء : ممكن اتكلم معك
فؤاد بضيق : مني انا مش موافق و مش هسيب بناتي الاتنين هنا انا من اليومين ال سيلا بعيد فيهم تعبان عاوز اروح اجيبها وارجعها معنا تاني دلوقتي عاوزيني اسيب لين مقدرش يا مني وخصوصا لين مقدرش ابعد عنها لين مش قويه زي سيلا لين رقيقه وطيبه ومس هطمن عليها غير وهي تحت عيني
مني : فهمك يا فؤاد بس احنا كمان لازم نرجع بقي وكفايه غربه وهي جت من البنات وانت الحمد الله ناوي تفتح فرع لشركه هنا يبقي فرصه نرجع احنا كمان سنه او سنتين بكتير لما الشركه تستقر وتبقي انت وامير بين هنا وهناك ونستقر في بلادنا بقي لكن لو لين دخلت الجامعه هناك يبقي قدمنا 5 سنين واكتر علي ما نرجع وبعدين لين كانت عاوزه تدخل وعاوزه تاخد منحه تفوق وتسافر امريكا ساعتها انت كنت هتعمل ايه هتسيبها تسافر امريكا وتعيش لوحدها
فؤاد بضيق : وهو انتي شوفتي انها اخديتها ما منحه التفوق ممكن متجلهاش
مني : لا يا فؤاد انت عارف لين كويس لين لو دخلتها هتفضل تحارب لحد ما تاخد المنحه انت عارف بنتك لما بتحط حاجه في دماغها ولين متفوقه وساعتها مش هتعرف تقولها لا متسافريش لانك انت وعدتها لو جيت ليها ابمنحه هتصمم تسافرها وبعدين يا فؤاد سيلا الحمد الله اتجوزت وكلها كام شهر ان شاء الله وتبقي حامل وتحتاجني جمبها وقتها انا ال هتعب بينكم ومش هبقي عارفه هسيب سيلا الهنا ولا لين الفي الكويت انا اصلا بقالي وقت عمله افكر ومكنتش لقي حل و بصرحه يا فؤاد لين حلتها لينا بسهوله الحمد الله واخدت قرار صح في مصلحتنا كلنا
فؤاد بدا يقتنع : طيب وليه فنون جميله ليه مش هندسه
مني شرحت لفؤاد الكلام القالته لين وتفكرها
مني : انت عارف لين بتحب تنجح بمجهودها وعاوزك دايما فخور بيها وبعدين انا شايفه انها تبقي مهندسه ديكور احسن وهتنجح فيه جدا لين فنانه وبتحب الرسم دا كل تصميم الفله في الكويت هي المختاره وانت شوفت المهندسين في الحفله ال عملنها بعد ما خلصنا الفيلا كانو معجبين بلفله و بافكارها وقتها وقالها انها لو درست ديكور هتبقي شاطره اوي في المجال دا ( وتقرب منه وتحط ايدها علي وشه)
وافق يا فؤاد وهو ننظم امورنا ويبقي سنه او اتنين لحد ما الشركه امورها تتظبط ونرجع احنا كمان ونستقر مع العيله انت عارف انا نفسي ارجع من زمان
فؤاد ببتسامه وهو بيبوس ايدها : حاضر يا مني انا مقدرش ارفضلك طلب وعارف انك نفسك ترجعي من زمان
مني تبوسه : ربنا يخليك لينا يا فؤاد يلا تعال قول للين بنفسك وفرحها
ويخرج فؤاد ومني ولين قعده مع جدتها وعمامها و سناء وسلوي وبناتهم وامير
فؤاد : لين
لين تقوم تقف : ايوه يا بابي
فؤاد ببتسامه : هو امتي اختبارات فنون جميله
لين بفرحه تجري لحضنه : حبيبي يا بابي ربنا يخليك ليه يارب
فايز بفرحه : يعني وفقت انها تفضل الحمد الله وانا اعرف دكتور في الكليه هوصي عليكي في الاختبارات
لين وهي في حضن فؤاد : ميرسي يا انكل بس لا بليز متوصيش حد انا عاوزه ادخل الاختبار وانجح بمجهودي
امير ببتسامه : متقلقش يا بابا لين رسومتها حلوه جدا وهتنجح وبتفوق كمان
فايز : ربنا يوفقك يا حبيبتي
سلوي لنفسها : ايه القرف دا شكلهم كلهم هيرجعه يعقده علي قلبي صبرني يا رب
وتدخلي لين اوضتها وتتصل علي سليم
سليم بفرحه : حياتي وحشتيني
لين بكثوف : عندي ليك خبر حلو اوي انا نجحت وبمجموع 99%
سليم بفرحه: مبروك يا حبيبتي بس ايه دا 99% و ال واحد في المايه دا اكيد ضاع بسبب تفكيرك فيه
لين تضحك : ايوه شوفت بقي كنت بضيع وقتي في التفكير فيك ازي
سليم ببتسامه : يا نصابه بقي انا بتفكريه فيه 1% بس ماشي يا لينو انا هعرف ازي اخليكي تفكري فيه 100% المهم يا لين انك تدخلي الجامعه هنا
لين : حصل يا حبيبي و بابي وافق كمان وهدخل اختبارات فنون جميله و ان شاء الله انجح ويقبلوني فيها
سليم : الله اكبر لا دا انتي كده عاوزه تتباسي بوسه كبير جدا
لين بكثوف : سليم ايه البتقوله دا
سليم ببتسامه لكثوفها : ايه مش لازم ابركلك واجيبلك هديه ودي هديتي وبعدين انتي جيبه 99% ولازم علي كل واحد في المايه بوسه
لين بضحك : ياسلام ودي هديتي ولا هديتك
سليم : الله مش انا وانتي واحد ونجاحك نجاحي لو عاوزه تبوسي انتي معنديش مشكله
لين بضحك : لا تبوسني ولا بوسك ممنوع وبعدين اسكت بقي خليك مؤدب
سليم : و هو فيه اادب من كده بس المهم يا حبيبتي بابي قال ايه علي خطوبتنا
لين : لا ما انا لسه متكلمتش في الموضوع دا انا قولت بس علي الجامعه
سليم بحزن : ليه كده يا لين ما كنتي قولتي ليهم كل حاجه مره واحده
لين : صعب يا سليم بابي اصلا وافق بصعوبه ومكنش مقتنع خالص
سليم بضيق : طيب وهتكلميه امتي
لين : لما انجح في الاختبارات وادخل الجامعه هكلمه
سليم : يااا وهو انا لسه هاستني لما تدخلي الجامعه كمان
لين ببتسامه : دا هو شهر يا سليم
سليم : كتير يا عيون سليم انا لو عليه نفسي اتجوزك بكرا بحبك يا لين بحبك اوي
لين بكسوف : وانا كمان يا حبيبي بس ان شاء الله اول ما استقر في الجامعه هكلمه
وتقفل لين مع سليم وتكلم اصحابه شوشو وصافي والاء مكلمه فيديو جماعيه بنهم
لين :مبررروك يا بنات بقينا في الجامعه
شوشو : مبروك يا سوسه تجيبي 99%
لين ببتسامه : قدرات يا بنتي قدرات صحيح انتم جيبتم كام
صافي : انا 95%
ألاء : وانا 90%😢
شوشو : وانا بلا فخر 70%
فيضحكه كلهم
شوشو : اخرسي يابت منك ليها انا اصلا هتجوز وقعد في البيت لا تعليم بلا خبط راس
لين بستغراب : اوعي تقولي مش هتكمل بعد الجواز يا شوشو
شوشو :لا هكمل طلال مصمم ادهل الجامعه
صافي بضحك : فاتك انت يا لين طلال لما عرف مجموعها كان موقفها جمب الحيطه وناقص يرفعها ايدها
فيضحكه البنات
شوشو : بصرحه زعل مني بيقولي كنت عاوزك تخشي جامعه كويسه وتحققي زاتك وافتخر بيكي حسيت انه بيفكر فيه وفي مصلحتي
لين : طلال بيحبك واختارك شريكه لحياته واكيد عاوزك افضل حد المهم يا شوشو ادرسي حاجه تحبيها مش لمجرد شهاده وخالص
شوشو : ياختي انا مبحبش حاجه انا عاوزه اتجوز وربي العيال
الاء :يبقي ادخلي رياض اطفال
لين : او اقتصاد منزلي ادخلي حاجه تستفيدي منها حتي لو في بيتك
صافي : المهم انتي رجعه امتي عشان نقدم اورقنا سوا
لين وهي عارفه ان قرارها هيزعل صديقات عمرها
لين : اناكنت عاوزه اقولكم علي حاجه بس بليز تفهموني و مش بس تفهموني لا وتشجعوني كمان
شوشو : خير يا لين شكل الموضوع خطير
لين : انا قررت ادخل فنون جميله هنا في المنصوره
صافي : بصدمه لا يا لين متقوليش احنا متفقين ان احنا مش هنفترق
الاء بحزن : انتي وعدتينا انك رجعه وهتدخلي الجامعه هنا
لين : اسمعوني طيب الاول بليز
شوشو بضيق : طبعا سليم هو السبب في قرارك دا
لين : يا بنات سليم طلب ان احنا نتجوز ومستنيني اكلم بابي يعني عاوزنا نتجوز وانا في الكليه
وانتم عارفين انا بحب سليم وعاوزه اتوزه واكيد لما هتجوز هعيش في مصر معه دي بلدي يبقي لازم الجامعه ال هدخلها تبقي هنا في المنصوره
انا عارفه اني وعدتكم بس انتم بتحبوني وبتتمني سعادتي وانا سعادتي مع سليم
صافي وهي بتعيط وزيها الاء وشوشو : يعني انتي مش هترجعي تاني الكويت
لين وهي بتعيط زيهم : لا طبعا هجي اجازات عندكم وهنفضل اصحاب العمر كله وبعدين كل يوم سبت نخرج سوا زي ما كنا بنعمل
الاء : ازي وانت مش معنا هنا
لين ببتسامه : انا هفضل معكم هتتصله بيكم فيديو وههرج معكم اون لاين هفضي السبت ليكم وهتخرجوني معكم في كل مكان
شوشو بعيط : وانا يا لين مش هتجهزي معايه هجهز لحالي فرحي قرب مش هتحضري مش هتبقي جمبي
لين : لا طبعا هحضر انت عبيطه ولا ايه وجهازك انتي اشتري من عندك وانا هشتريلك من هنا وهاجي قبل فرحك باسبوع احنا مش هنفترق عمرنا يا بنات بليز ساعدوني في قراري انا سعادتي مع سليم
البنات سوا : ربنا يسعدكم واحنا هنفضل سوا واصحاب طول العمر
ويقفله المكلمه بعد الضحك بينهم بس طبعا جوهم زعل بسبب بعدهم عن بعض
ويمر الوقت وفؤاد ومني يسافره وامير سافر معهم وهيرجع قريب يجهز لشركه بلقاهره ولين تدخل الاختبارات وتنجح وتتدخل فنون جميله في المنصوره وطبعا سيلا طارت من الفرح بقرار لين وانها هتعقد معها في المنصوره وكانت عاوزه لين تعقد عندها في بيتها بس لين والكل رفض وجهزو لها اوضه في شقة الج وكل يوم بعد الكليه بتروح تطمن علي سيلا
وعند سليم في البيت قعدين كلهم علي العشا
مروه عاوزه تضايق سليم وتغيظه
مروه : صحيح يا سليم انت غيرت رائيك وخالص مش هتخطب لين
سليم بستغراب : لا طبعا مغيرتش رائي
مروه وهي بتغيظه : امممممممممم شكلها ست الحسن هي ال غيرت رائيها او لسه بتفكر
سليم : خليكي في حالك يا مروه ملكيش دعوي ومتدخليش في الموضوع دا بذات فهمه
ويقوم ويسيب الاكل فتقوم وتدخل وره عواطف
شروق لمروه : انتي ايه يا شيخه عجبك كده انتي لازم تعملي مشكله
مروه : بت خليكي في نفسك مش كفايه مجيبك السوده الدخلتيهم بيتنا وهتيجي تعمل علينا ست البيت
شروق بضيق : انتي بجد انسانه مريضه كرهك لكل الناس دا مرض ولازم تتعالجي منه لانك بعد كده مش هتلقي حد تكرهيه غير نفسك
شروق تقوم وتسيبها لوحدها
وفي اوضت سليم
عواطف : جري ايه يا سليم هو احنا هنفضل في القرف دا كتير كل ما حد يتفتح الموضوع دا تزعل واختك مغلطتش هي ست الحسن بتتامر علي ايه هي تطول تجوزك وبعدين ابوها وامها سافرو ايه هتستني سنه علي ما يجو تاني
سليم بضيق :يا ماما لين كانت مستنيه تستقر في الجامعه الاول وهتكلم بابها علي طول
عواطف : وهتكلمه ازي وهو مسافر وبعدين ما خالص دخلت الجامعه بقاله شهر ونص مستنيه ايه دا دلع بنات ومياصه وعاوزه تفضل علي علاقه بيك من غير ارتباط ( ولسه سليم هيعترض رحت وقفه قدمه)
عواطف : بقولك ايه يا سليم انا اصلا مش مرتاحه لجوازه دي فيا تاخد معاد من ابوها يا تسيبك من البت دي وتسيبني انا اختارلك بنت حلال تستهلك وتسعدك
سليم /بغضب : انا مش هتجوز غير لين يا ماما
عواطف بغضب : يبقي تكلم ابوها بسرعه و تشد عليها وتاخد معاد منه انا شغل المايعه دا مبحبوش سامع وتخرج وتسيبه
وسليم يضايق ويقرر انا لازم يروح للين الجامعه ويعقد معها ويخليها تكلم بابها بسرعه
والصبح لين في الجامعه وكانت اتعرفت علي بنتين داليا و امنيه ووهم قعدين في الكافتريا مع بعضمستنين معاد المحاضره
امنيه ببتسامه : لين المعجب الولهان قعد جمبنا وعينه طلعه عليكي
لين بستغراب : معجب مين دا ومعجب بمين
داليا بضحك : معقول مخدتيش بالك
لين : اخد بالي من ايه
داليا : الواد الخبطي فيكي امبارح وانتي جيبه العصير من ساعتها وهو كل ما نروح مكان يجي وركي
لين بستغراب : لا بجد والله ما شوفته اصلا ولا اعرف شكله ايه
داليا بصدمه : يا خبر دا شكله خد باله ان احنا بنتكلم عليه
امنيه : الحقو الحقو دا جي علينا هنا
كريم ببتسامه : صباح الخير
داليا وامنيه وهم بيبصه ليه بأعجاب فهو شاب جميل يخطف القلوب : صباح النور
كريم : انا كريم عادل في سنه رابعه ممكن اتعرف بيكم
وطبعا كان كلامه موجه للين لانه كان عمل يبص ليها وهي بصه قدما ولا مهتميه بوجوده اصلا بس استغربت من جرأته
داليا لسه هتكلم بس لين سباقتها وسكتتها
لين بضيق : سوري مش بنتعرف علي حد
كريم ببتسامه ونظرت اعجاب : ليه كده بس دا احنا حتي زمايل في كليه واحده
لين لسه هتكلم بس داليا المره دي سبقتها اصلها اعجبت بكريم من اول نظره
داليا : انا داليا سنه اولي ودي امنيه
( ولسه هتعرفه بلين بس لين برقت ليها فسكتت وكريم شافها فضحك وقعد علي الكرسي ال جمبها)
كريم : وانتي بقي مش هتقولي اسمك ولا هو سر
في الوقت دا كان سليم وصل وشاف كريم وهو وافق بيكلم مع لين وبيقرب بسرعه وسمع اخر حاجه قالها للين بس لسه هيقرب ويضربه لقي لي وقفت بغضب وقالت لصحابها انا ماشيه لان في ناس بارده ومعندهاش دم بتفرض نفسها علي الناس وبتلف لقيت سليم في وشها
لين بستغراب وصدمه : سليم
سليم بعصبيه وصوت عالي وطبعا يسمعه كل ال قعدين علي التربيزه
سليم بغضب : هو في حد بيضايقك هنا
لين خافت سليم يعمل مشكله : لا ابدا انا كنت قعده مع صحباتي (وبصت للبنات) اعرفك داليا و امنيه صحباتي
فيسلم سليم عليهم ويقرب من كريم وكريم يقف قصاده بتحدي
كريم بتحدي : وانا كريم زميل داليا و امنيه
فيرفع سليم حاجبه ويبص ليه بقرف
سليم : وانا سليم خطيب الانسه المرديتش تقولك اسمها ودا كويس ليك علي فكره انت كده انكتبلك عمر جديد اصل انا البينطق حروف اسمها بس بموته
لين بخوف تقرب منه شويه : سليم تعال نمشي عاوزك ( فيبص ليها بضيق فتبص ليه بترجي) بليز يا سليم
سليم وهو ماشي جمبها : يلا يا حبيبتي ( ويبص علي كريم وهو ماشي) سلام يا كيمو وخد بالك من نفسك
وياخدها ويمشي وطبعا ركبه مليون عفريت وغضبان جدا
سليم بغضب : عجبك كده
لين بستغراب : هو ايه العجبني يا سليم انا قومت وسبتهم هزقته وانت شوفتني
سليم وهو يقرب بغيظ : مهو انتي لو لبسه دبله مكنش حيوانزي دا فكر يقرب منك ويعاكسك ولو كان فكر وانتي خطيبتي رسمي كان زماني ليه الحق اولع في اهله واضربه لكن انا لو هكلمه دلوقتي هيبقي صفتي ايه عشان ادافع عنك
لين بضيق : مش الدبله هي الهتحميني يا سليم
سليم بعصبيه : لا مش الدبله انا يا لين انا ال هحميكي بس يبقي ليه صفه اني اوقف اي حد يفكر يضايقك او يقرب منك لكن دلوقتي هتكلم بصفتي ايه( ويرجع يبص ليها) وبعدين انتي كنتي قعده في الكافتريا و مبتحضريش محضاراتك ليه
لين : انا خلصت محضره وكان فضل علي التانيه ساعه رحنا نشرب حاجه ونفطر
سليم : ااه وظريف بقي ما صدق وجي يتعرف علي الحلوه القاعده في الكافتريه (يقولها بغضب ويبص ليه تاني )
سليم : انتي مكلمتيش بابكي ليه لحد دلوقتي مستنيه ايه الجامعه ودخلتي ممكن اعرف مكلمتيش معهم ليه
لين بضيق : لان بابي سافر و انا
(وكنت هتكمل كلمها بس سليم اتعصب)
سليم : ومكلمتوش ليه قبل ما يسافر ولا انتي كنت بتشتغليني يا لين
لين بستغراب : بشتغلك ! ايه البتقوله دا يا سليم يعني ايه بشتغلك دي
سليم بضيق وبيحاول يهدي نفسه : بصي يا لين يا تكلمي بابكي يا انا هتصرف ولا اقولك انا هتصرف سلام
ويديها ظهره ويمش خطوتين بعيد عنها
لين بضيق : سليم سليم
سليم يصعب عليه انه يمشي يسيبها زعلانه فيرجع ليه
سليم : عاوزه ايه من زفت
لين ببتسامه : متقولش علي نفسك زفت انت كده تبقي بتشتمني انا
سليم بغيظ : وبشتمك ازي بقي انا بشتم نفسي
لين بضحك : مهو حبيبت الزفت هتكون ايه غير زفته
سليم وهو بيكتم ابتسامته : طيب امشي يا لين بدل ما عورك وادخلي محضراتك ومافيش كافتريا خالص وتفطري في بيتكم ومتروحيش الكافتريا دي تاني ابدا و تخلصي محاضرتك وتروحي البيت علي طول سمعه
لين وهي مطيعه وتبص علي الارض وتعمل شفيفها بحركه بحزن زي الاطفال : حاضر
سليم يضحك بصوة عالي علي حركتها : انتي عاوزه ايه دلوقتي يعني ابوسك وافضحك في الكليه
لين تبرق وتبعد عنه تلات خطوات : علي فكره بقي انت قليل ادب
وتطلع تجري وهي مكثوفه من قدمه
فيضحك سليم اوي من كسوفها ويخرج عشان يروح شغله وهو بيفكر انه لازم هو اليتكلم مع اهلها ومش هيستنها لما هي تتكلم وكانت لين في نفس الوقت بتفكر ازي تكلم مع بابها ومامتها وتقنعهم بجوزها في السن دا
يوصل سليم الشغل وهو مضايق ويلقي اصحابه في المكتب ال من ضمنهم احمد جوز سيلا وابن خاله لين
اسلام صديق احمد وسليم : سليم باشا وصل ايه يا عم انا قولت انك استقالت
سليم بضيق: بقولك ايه يا اسلام انزل من علي وداني وسيبني في حالي وحياة ابوك
احمد بستغراب : ايه يا عم مالك دخل حامي علينا كده
سليم يبص لاحمد ويفكر ويقرر ان يخلي احمد هو اليتكلم مع فؤاد
سليم : احمد قوم عاوزك في موضوع مهم
محمد صديقهم : استني يا سليم احنا الاربعه اصلا لازم نتكلم سوا عاوزين نعقد ونتكلم عشان مشروع الشركه ال هنفتحه سوا ولا انتم رجعته في كلامكم
اسلام واحمد :. لا مرجعناش
احمد :.انا جهز في اي وقت
اسلام : وانا جهز من امبارح
سليم ساكت وسرحان ومبيردش عليهم
محمد : ايه يا سليم انت مش معنا في الشركه الجديده غيرت رائيك
سليم ينتبه لكلام : هاااا لا طبعا معكم يا محمد شوف عاوز ادفع كام وانا جاهز
محمد : هو الموضوع فلوس يا سليم احنا عاوزين نرتب الامور ونبداء ونشوف المكان ونجهزه عشان كده لازم نتقابل بره ونتفق
احمد ببتسامه :طيب انا عزمكم علي العشا عندي النهارده ايه راءيكم
اسلام بضحك : ايوه بقي يا ابو حميد يا سيطره بس اوعي المدام تكون مبتعرفش تطبخ وتاكلنا جبنه
احمد بضحك وهو بيضربه علي كتفه : عيب عليك مراتي وخده كورس طبخ من جددتها وحماتي ودول بقي ولا احسن شيف ومراتي تلميذه شاطره واتعلمت كويس
اسلام : حلو اوي انا عاوزه حد زي مراتك اتجوزه هي ملهاش اخت تجوزهالي
سليم بغضب : اسلام احترم نفسك( ويقرب منه هيضربه بس يوقف لما محمد يمسكه من ايده ويبعده عن اسلام)
محمد بستغراب : في ايه يا سليم اهدي انت متعصب ليه كده
يزقه سليم ويخرج بره المكتب وهو مضايق وحاسي ان الكل عاوز ياخد منه لين
اسلام : ماله دا هو حد جيه جمبه ولا كلمه
احمد:. معلش يا اسلام واضح ان في حاجه معصبه انا هروح اشوفه
ويخرج احمد وره سليم
احمد وهو بيجري وره : سليم استني اقف هنا يابني بلاش شغل العيال دا
يقف سليم وهو ركبه عفاريت الدنيا ومخنوق ومضايق
احمد : ايه يابني مالك زعلت ليه وبعدين اسلام كان بيهزر معايه انا اتخنقت انت ليه
سليم بنفذ صبر : احمد انا بحب لين وعاوز اتجوزها وعاوزك تكلم عمي فؤاد حالا وتقنعه انه يجوزنا
احمد ينصدم من اعترافه دا ويقول
بناتي حياتي
الحلقه الثامنه
احمد بستغراب : تجوزها بس لين لسه مخلصتش كليه دي لسه في اول سنه مستحيل عمي فؤاد يوافق يا سليم
سليم بعصبيه : وانا مافيش مستحيل هيوقف قدمي انا بحبها هتجوزها ياحمد هتجوزها وتكمل وهي في بيتي انا عمري ما همنعها وهساعدها كمان دا مجال شغلي هبقي معها خطوه بخطوه احمد انت لازم تساعدني
احمد : يابني انا معنديش مانع بس كمان انا مليش اني ادخل في حاجه زي دي كل الاقدر اعمله اني اقول رائي فيك بس القرار في الاول والاخر ل لين وعمي
سليم : لين موفقه وبتحبني بس لازم حد يوقف معنا ويقنع عمي فؤاد انت وسيلا ياحمد لازم تقفو معنا تساعدونا
( ويبعد سليم بعصبيه)
لو انت مكلمتش عمي فؤاد انا هروح اكلم حد من عمامها او جدتها او هسافرله بنفسي مهو انا هتجوزها يعني هتجوزها انا بحبها ياحمد بحبها اوووي
احمد ببتسامه : اهدي يابني وبطل تهور عمي فؤاد بطريقتك دي هيرفض وبعدين هو حد واحد بس اليقدر يقنعه
سليم بلهفه : قولي مين الحد دا وانا روحله واكلمه
احمد وهو بيقرب منه ويحط ايده علي كتفه : لين يا سليم هي بس التقدر تقنع عمي فؤاد و هي موافقه زي ما بتقول يبقي سيبها هي تتصرف بطريقه وفي الوقت ال هي تشوفه امناسب لين اكتر حد فاهم بابها ومامتها كويس رغم انها الصغيره بس اعقل من سيلا وعمي فؤاد بيثقه فيها وفي قرارتها ورائيها وهي هتعرف ازي تقنعهم بس اهدي انت عشان متخسرهاش
سليم بضيق : اخسر مين دا انا اولع في الدنيا كلها انا مستحيل اخسر لين لين ليه انا وبس ياحمد مش هتبقي لغيري ابدا
احمد يضحك : دا انت وقع علي بوزك بس ليك حق ما انا عارف بنات خالتي جامدين ما انا عيشت الانت عايشه بس انا بقي كنت هادي وبتصرف بعقل
سليم بضيق وهو بينفخ : هو انا بقي فيه عقل
وعند سيلا تصحي علي صوت باب الشقه بيخبط
سيلا بنوم : ايوه جيه اهو (وتبص من العين السحريه تقلي لين )
سيلا :ادخلي يا ازعاج
لين بستغراب : يا نهارك ابيض انتي لسه نايمه دي الساعه واحده يا بنتي
سيلا بتعب : يابنتي ارحميني مش كفايه امك لسه مسمعاني كلمتين عشان اتصلت وانا نايمه
لينبضحك وهي بتعقد : والله دي لو كانت هنا كان زمانها جيت جيبتك من شعرك هو انتي مش اتجوزتي يا بنتي مش تقومي تعملي غداء للرجل المسكين ال اتجوزك دا
سيلا وهي بتنام علي الكنبه : لا يا ستي مش هعمله غدا كلمني وقالي عزم اصحابه علي العشا هنا النهارده فانا ادب ليه مش هعمله غدا وسيبه جعان لحد العشا
لين ببتسامه : اصحابه مين دول العزمهم
سيلا : سليم ومحمد واسلام الناوي يفتح معهم المكتب الجديد جين عشان هيتفقه النهارده ان شاء الله كانو عاوزين يتقابله في مكان ويتكلمه فطبعا هو فرد صدره وعزمهم علي العشا هنا والنهارده مش مثلا يقولهم بكرا ولا ياخد رائي الاول لا بيحطني قدم الامر الواقع
لين :ياسلام وايه المشكله يعني ما بابي دايما يعمل كده ومامي عمرها ما زعلت وعلي طول بتكون مستعده قومي يا ستي و انا هساعدك مش انتي عندك كل حاجه في التلاجه
سيلا: ايوه ما انتي عارفه مامي وناناه ملين التلاجه والديب فريزر وكل شويه ناناه تبعتلي حاجه
لين : طب حلو اوي يلا بينا نبداء نجهز عشان نلحق
سيلا بتصنع التعب : والله يا لين انا تعبانه ومش عارفه مالي
لين بقلق : ليه يا حبيبتي مالك اجيبلك دكتور
سيلا بدلع : لا سبيني انام ساعه
لين تضربها علي كتفها : بتدلعي يعني طيب قومي ارتاحي وانا هتصل بناناه تبعت داده زينب عشان تغسل علينا ومنكركبش الدنيا وهبداء انا احضر علي ما هي تيجي وتكوني انتي فوقتي عشان تيجي تساعديني
سيلا وهي تبوس لين : حبيبتي يا لين هي دي الاخوات ولا بلاش
ورحت سيلا تكمل نوم ولين دخلت المطبخ و الاول جبت ورقه وقلم عشان تكتب هتعمل اكل ايه وكانت فرحانه ان سليم هيجي بليل وهي ال هتعمله الاكل فكانت عاوزه تعمل الاكل ال سليم بيحبه فتصلت بشروق
شروق : وانا بقول التلفون نور ليه
لين : علي فكره بقي انا زعلانه منك لا بتيجي عندي وال بتتصلي وانا افتكرت اني لما هدخل الجامعه هنا انت مش هتسبيني وهتفضل معايه كل يوم
شروق : والله عارفه اني مقصره معكي بس كنت مشغوله في الكليه بس متزعليش من بكرا هجيلك الجامعه ونفضل سوا
لين ببتسامه : اوكي ياحبيبتي هستناكي بقولك ليه شروق كنت عاوزه اعرف حاجه كده ممكن
شروق : تدفعي كام
لين تضحك : طول عمرك ماديه حقيره عموما هعزمك بكرا علي الفطار
شروق بفرحه : فطار وغدا وفي المكان ال اختاره
لين ببتسامه : بت انتي بطلي طمع بس ماشي يا ستي موافقه فطار وغدا
شروق : دا الظاهر انها حاجه مهمه اوي العاوزه تعرفيه دي عشان توفقي بسهوله كده خير يارب عاوزه تسألي عن ايه
لين بكسوف : كنت عاوزه بس اعرف ايه اكتر اكلها بيحبها سليم
شروق بضحك : ايوه بقي مدام فيها سليم ياريتني كنت طلبه فطار وغدا لمده اسبوع بس هو دا اخرت التسرع
لين بغيظ : انطقي يا بنتي بقي مش فاضيه لرغيك انا
شروق : ماشي يا ستي متزوقيش اكتر اكل بيحبه المكرونه بلبشامل و ورق عنب ويكون ال لمون كتير علي ورق العنب
بس تعالي هنا هو انتي بتسالي ليه
لين بضحك : انت مالك يا حشريه يلا باي
وقفلت بسرعه قبل ما شروق ترد وتفضل تسأل
بس سيلا كانت وقفه علي باب المطبخ وسمعت المكلمه وطبعا هي كانت حسه من زمان ان لين معجبه بسليم بس المكلمه دي حسستها ان فيه حاجه اكبر هي متعرفهاش فدخلت للين
سيلا وهي تقف جمب لين : ها طلع بيحب ياكل ايه
لين بخضه : يامامي ايه دا خضتيني انتي جيتي امتي مش قولتي هتنام
سيلا وهي بتبص لاختها : صعبتي عليه وقولت اجي اساعدك ها مقولتيش بيحب اكل ايه
لين وهي بتهرب من عنيها : هو مين دا
سيلا رفعت حجبها : الكنتي بتكلمي اخوته دلوقتي عشان تعرفي بيحب ياكل ايه
لين : اااه مهو انا قولت اعرف بقي هم بيحبه اكل ايه عشان نعمله ويعجبها واحمد يتبسط منك بقي و كده عشان هترفعي راسه قدم اصحابه ودي اول عزومه ليكي
سيلا : اه تصدقي صح بس ياتري بقي هتعرفي اسلام ومحمد بيحبه اكل ايه ازي
لين بستغراب : اسلام ومحمد مين ( فبصتلها سيلا وهي رفعه حواجبه فافتكرت لين ان في اتنين معزومين مع سليم)
لين : ا هااااا ما هم اكيد هيحبه يا المكرونه بلبشامل يا ورق العنب ما الكل بيحبهم اصلا يا سيلا
سيلا تقرب منها : لين اخلصي وبطلي لف ودوران وقولي ايه الحكايه من اولها
لين بتصنع الزعل : يووووه يعني انا غلطانه اني حبيت اساعدك طيب انا همشي واعملي لوحدك سلام
( ولفت عشان تمشي بس سيلا مسكتها من الشميز من قفها زي المخبر ما بيمسك الحرامي كده ههههههههه)
سيلا : لا يا عثل شغل القمص دا يمشي مع ابوكي مع امك مع العيله كلها لكن انا ممكن ارزعك قلم تعترفي من اول ما خرجتي من بطن امك انطقي يا لين ايه الحكايه
لين بخوف : هقول هقول والله خالص هقولك بس سبيني
سيلا تسيبها : اخلص قولي
بس الباب يخبط وينقذ لين
لين بفرحه : ايه دا الباب بيخبط انا هروح افتح وجيه
( وتيجي تمشي تروح سيلا شدها مقعدها علي الكرسي تاتي)
سيلا : لا ياختي اترزعي هنا هفتح واجيلك علي ما تجمعي افكارك كده وتشوفي هتبداء من اول ايه ماشي
ورحت سيلا تفتح الباب وكان احمد
احمد : حبيبتي وقلبي وعقلي ودنيتي الحلوه (ويروح بيسها )
سيلا : اهلا يا حبيبي جي بدري يعني
احمد : مهو بصرحه حسيت اني دبستك في العزومه كده من غير ما اقولك قبلها وكوني عمله حسابك فقولت ايه قله الزؤق دي انا لايمكن ابدا اسيبها تعمل الاكل لوحدها انا لازم اروح اساعدها وافضل وقف معها لاخر نفس بس انتي حضريلي مرياله من بتوع المطبخ بطقيه بتعهتا بقي زي الشيف الشربيني وانا ايه هوا هتلقيني لهلوبه في المطبخ يا ستو هانم
سيلا وهي بتضحك علي اسلوبه : والله وانت بقي بتعرف تعمل ايه يا سعدت الشيف
احمد: انا يا ستو هانم هعجبك خدي عندك انا بعرف اعمل السلطه الخضره واحسن واحد يعمل سلطه طحينه لا وخدي الكبيره بقي وكمان بعمل سلطه زبادي ايه روعه
سيلا بضحك : الله الله دي هتبقي عزومه عال العال وهنقضيها سلطه
احمد وهو بيشدها من وسطها ويقربها منه اوي : لا ما انا ممكن اقطع طماطم (ويروح بايسها علي شفيفها ) اقشر بصل (ويبوسها تاني) اقطع فلفل (ويبوسها تالت ) وممكن اتصل بيهم والغي ام العزومه دي من الاساس وادخل انا وانتي جوه في الاوضه ونعمل احلي شغل
سيلا وهي بتبعده عنها وهي بتضحك : انت مبتزهقش ابدا و بعدين اتلم لين جوه في المطبخ وبعدين يا سيدي متشكرين لخدمتك لين هتعمل الاكل معايه وكمان داد زينب جيه وهتساعدنا
احمد وهو يمسك بطنه : داد زينب اااه يا بططني اوعي يا سيلا تخليها تعمل الاكل دي بتحط دهن و وسمنه كتير اوي ابوس ايدك خليها بعيد خلي لين هي التعمله لين اكلها حلو اوي
سيلا تضحك اوي : لا متخافش هي هتغسل الاطباق علينا بس ملهاش دعوي بلاكل ويلا تعال ادخل سلم علي لين وروح ارتاح انت شويه قبل اصحابك ما يجو
ويدخل احمد وسيلا عند لين في المطبخ
احمد ببتسامه : اهلا اهلا بلعروسه
لين بستغراب : عروسه مين دي
احمد وهو بيضحك عليها وياخد تفاحه من جمبها ويقعد علي الرخامه قدمها وهي تبصله وهي مش فهمه حاجه
احمد : هو احنا دلوقتي عندنا عروسه غيرك ( ويبص لسيلا ) اسكتي يا سيلا مش فيه اتنين خطبه لين مني النهارده
لين : اتنين مره واحده اتنين مين دول ان شاء الله
احمد : اسلام ( ويقرب منها ويبص لوشها) وسليم
لين تفرح اول ما تسمع اسم سليم بس تتفاجاء باسم اسلام ال متعرفوش دا
لين : وهو مين اسلام دا ويعرفني منين اصلا عشان يخطبني هو ماشي يخطب اي حد كده
احمد وهو بيضحك : لا بس لقي اني سعيد مع اختك ولما عرف اني عزمهم وان سيلا طباخه شاطره فقالي لو عندها اخت جوزهالي
لين : اااه دا عاوز طباخه بقي
احمد ببتسامه ومكر : مهو سليم مسكتش وكان هيضربه (ويقرب منها) وبعدها قالي انه عاوزني اكلم عمي فؤاد عشان عاوز يخطبك
سيلا بستغراب : يخطبها انت بتكلم بجد يا احمد ولا بتهزر
احمد : هو الكلام دا فيه هزار يا سيلا والله هو دا الحصل النهارده
سيلا : بس لين لسه صغيره جواز ايه دلوقتي
لين بسرعه : لا انا مش صغيره ولا حاجه علي فكره
احمد بضحك وهو ينزل من علي الرخامه : ما هو برده قال كده (ورح غمز للين وخرج من المطبخ )
سيلا تقرب من لين : لين انا لازم اعرف كل حاجه وبتفصيل فهمه
لين تتنهد : انا اصلا كنت جايه النهارده عشان اتكلم معكي في الموضوع دا يا سيلا
سيلا : تمام يا لين نخلص العزومه دي ونتكلم انا وانتي
وفعلا بدا بتجهيز الاكل وكانت داد زينب حبه تحط لمساتها بس هم انقذو العزومه ووصل اصحاب احمد البت واحمد يستقبلهم
احمد : نورته البيت بس ايه دا هديه واحد انتم جمعتم فلوسها من بعض ولا ايه
فيضحكه الشباب بصوت عالي
محمد : ما احنا قولنا بقي مندخلش بايدنا فاضيه
احمد : لا يا راجل غرمتم نفسكم بصرحه وعلي كده بقي هتكمله بقي الشهر ازي منك ليه يا معفنين دا بدل ما كل واخد يدخل بحاجه
اسلام بضحك : ايه يا عم هو انت عزمني وعاوز حق الاكل قبل ما ناكله
سليم : احمد ربك يا عمنا وبعدين احنا جيبنها للعروسه اساس لو عليك ولا هنعبرك
احمد بضحك : واطي طول عمرك يا مان
ويضحكه الشاب سوا وتدخل سيلا وتسلم عليهم
محمد ببتسامه : متشكرين يا مدام سيلا واسفين جدا تعبناكي النهارده
سيلا : لا ابدا مافيش تعب انتم نورت البيت
سيلا : اخبارك ايه يا سليم و ازي طنط ومروه وشروق
سليم ببتسامه : بخير الحمد الله طمنيني عليكي انتي الواد دا عمل معكي ايه لو زعلك و حبه اخطفهولك انا جاهز
سيلا بضحك : متخافش معايه تلفونك هتصل عليك قريب وانت تنفذ
ويضحكه كلهم
سليم بجوع : بس ايه اخبار الاكل يا سيلا احسن احنا خارجنا من الشغل علي هنا ف ووقعين من الجوع
سيلا ببتسامه متقلقش هتاكل كتير بس عد صوابعك قبل الاكل
احمد عشان يغيظ سليم : لا الاكل النهارده حاجه تانيه خالص دي لين اختها ال عمله بنفسها هي هنا من الصبح وعملت نص الاكل وسيلا عمله النص التاني هي سيلا شاطره بس لين ممتازه اكلها اكتر من رائع
اسلام :ببتسامه والله مكنش في لازوم لتعب دا كله
سليم وشه احمر وبقي عاوز يضرب احمد بس ساكت بس وبيبص لاحمد نظرات توعد واحمد عمل يضحك عليه
سيلا تقوم عشان تخرج و تجهز السفره
سيلا : عن اذنكم هجهز الاكل
الشباب : اتفضلي
احمد بصوه عالي وهو باصص لسليم : سيلا خالي لين تيجي تسلم
سليم بغيظ ومقدرش يمسك نفسه فبص لاحمد بضيق
سليم : ما تتلم ياض احسلك طيب ورحمه ابويه يا احمد لو طرف بس ظهر شوف والله لولع فيك وما هيهمني حاجه انا بقولك اهو
يضحك احمد بصوه عالي بس الشباب مش فاهم حاجه
اسلام بستغراب : هو فيه ايه ماله دا
احمد بضحك : لا يا حبيبي متشغلش بالك ام قوم انا الحق نفسي العمر مش بعزقه
ويقوم يدخل المطبخ
احمد وهو بيوشوش لين : لين سليم بيقول لو شاف طرف منك هيولع فينا احنا الاتنين
لين : ازي يعني هو احنا مش هنعقد معكم علي السفره ( وتبصله بحزن) وبعدين هو مش عاوز يشوفني
احمد بضحك : لا مش كده هو اصله غيران عليكي و مش عاوز حد من العيال البره يشوفك
ويضحك ويخرج ولين تبتسم علي غيرت سليم
سيلا تقرب منها : في ايه هو بيقولك ايه
لين : هااااا اه بيقولي نجهز السفره ليهم لوحدهم وناكل احنا هنا اصله غيران عليكي عشان اصحابه قعده يتكلمه باعجاب عنك فقالي انا اصله خاف يقولك انتي تزعلي
سيلا بفرحه : يا حبيبي يا احمد هو لسه بيغير عليه
لين وهي بتضحك : طبعا طبعا دا غيران جدا
وفعلا يجهزه السفر ولين متفكرش تخرج بره المطبخ وكانت هي البتزوق الاطباق وسيلا بتنظم السفره وداد بتخرج الاكل
سيلا ببتسامه : اتفضله الاكل جاهز
ويدخله لسفره
اسلام : ايه دا كله تعبتم نفسكم والله يا مدام
سيلا : لا ابدا تعبكم راحه اتفضلو
محمد : هو حضرتك مش هتاكلي معنا وال ايه
سيلا وهي بتبص لاحمد ومبتسمه : لا معلش خليكم برحتكم انتم عن ازنكم
(وتخرج وهي بتغمز لاحمد وهو يبص ليها بستغرب و مش فاهم حاجه وال ليه مقعدتش تتعشا معهم بس يعقده والشاب يهجم علي الاكل وطبعا لين هي الكانت عمله الاكل البيحبه سليم ومرديتش حد يساعدها فيه او يمد ايده)
محمد :بسم الله ما شاء الله الاكل حلو اوي بجد
اسلام: اه تحفه وخصوص ورق العنب اصله عشقي بس معمول حلو اوي بجد
احمد وهو بياكل ويبص لسليم : اه ما لين هي العمله بايدها ومرديتش تخلي حد يساعدها فيه مش بقولك ممتازه
سليم يضرب رجل احمد وهو قعد جمبه واحمد يتالم بس وهو بيضحك
سليم بغيظ وهو بيبص لاسلام ال بياكل ورق العنب بأعجاب شديد
سليم : ايه يا عم اسلام خف يا باشا
(ويشيل ورق العنب من قدم اسلام واحمد يموت من الضحك)
اسلام بضيق : ايه ياض انت بتشيله الطبق من قدمي ليه ما قدمك طبق تاني
سليم وهو بيحط الطبق جمبه : لا معلش اصلي مليش غير في ورق العنب مبحبش باقي الاكل وانا جعان فهاكله كله كل انت حاجه تانيه
محمد باعجاب : خد مكرونه بشامل يا اسلام جميله اوي تحفه
فسليم يبوص لاحمد ال يعني بيساله لين العمله المكرونه وطبعا احمد فهم وراح ضحك وعمله ايوه براسه
سليم يشيل المكرونه من قدمهم : لا متكتروش من المكرونه خليكم في الاكل التاني احلي
محمد بغيظ : ايه ياض الغلسه دي هات المكرونه
سليم : ورحمه ابويه ابدا المكرونه والورق العنب
(ويبص لاحمد ويقوله هو في حاجه تاني فاحمد يضحك اوي يقوله لا هم بس )
سليم : طيب تمام اوي يبقي المكرونه والعنب بتوعي والباقي حلال عليكم كله واشبعه
ويفضله ياكل وسليم مخلش حد فعلا ياكل من الاكل العمله لين غيره هو بس رغم محاولتهم انهم ياخده منه الاطباق بس هو مرديش ابدا واحمد كان عمل يضحك ومش قادر يمسك نفسه
وتنتهي السهره ولين قعده مع سيلا وقالت ليها كل حاجه حصلت من وقت ما نزلو مصر بس طبعا في بعد الحاجات مقلتهاش زي معملت عواطف ليها واعتراف رامي بحبه
سيلا : بس يا لين جواز علي طول كده وبعدين دراستك هتعملي فيها ايه
لين : عادي يا سيلا زي دلوقتي هو الجواز هيفرق معايه في ايه وال هيعطلني ازي
سيلا: يابنتي هو انتي فكره الجواز سهل دا بيت ومسؤليه وطلبات مش بتخلص دا كفايه يعملك عزومه زي بتاعت النهارده دي
لين : طيب وايه المشكله ما انا معكي اهو النهارده طول النهار ورحت الكليه ورجعت عملت العزومه معكي هو دا عطلني يعني عن دراستي وبعدين هو هيعمل عزومه كل يوم
سيلا : لا مش كل يوم بس يا لين انتي هتقدري تعيش مع حماتك وبعدين انا اسمع انها صعبه جدا هتعيش معها ازي في بيت واحد
لين : انا ليه شقتي وبعدين هي هتبقي زي مامي وطبعا لازم احترمها بس انا ليه حياتي الخاصه انا وهو ومحدش هيدخل فيها وبعدين ما احنا عيشين اهو عند ناناه في بيت عيله وكلنا بنحب بعض جدا
سيلا : ام سليم مش زي ناناه يا لين وبعدين حتي ناناه رغم طبيتها انتي شايفه بتعمل ايه مع طنط سلوي لما بتزعل انكل فايز
لين : وكمان شايفه بتعامل مامي وطنط سناء وايمان ازي وشايفه بتعمل ايه في انكل فاروق لما بيزعل ايمان بصي يا سيلا انا ال في ايدي اخليها تحبني وانا الفي ايدي اخليها تكرهني وبعدين طول ما ابنها مبسوط وسعيد هي هتعوز ايه اكتر من كده المهم راحت ابنها
سيلا : واضح انك مقتنعه ومصممه بس ازي بقي هتقنعي بابي ومامي دول مستحيل يوافقه صعب جدا
لين بتتنهد : مهو عشان كده انا هسافر الكويت بعد تلات ايام لازم اتكلم معهم بنفسي وبوضوح