رواية جريمة عشق
الفصل الحادي والعشرون والثاني والعشرون21و22
بقلم مريم نصار
شيرين صحت رنا علشان اتاخرت على الجامعه
رنا :-سيبيني انام يا ماما انا تعبانه
شيرين :- بطلي كسل يلا علشان الامتحانات على الابواب وبعدين علشان تاخدي المحاضرات وتديها ل هنا صاحبتك علشان اكيد هي تعبانه ومش هتروح الجامعه يلا قومى بقى انا هستناكي تحت
رنا :- حاضر ياماما حااضر
رنا :-قامت ودخلت الحمام تاخد شاور وراسها فيها افكار كتير متلخبطه
واخيرا سبتت على فكره هنا واشرف وان اشرف بيحب هنا طيب ازاي هنا انا مش فاهمه
اشرف حبها امتى وازاي .. وبعدين هاقول لاشرف ايه هاقوله ان هنا كانت في شقه واحد غريب ..!؟ لا لا يا رنا انتي عارفه ان هنا كويسه واخلاقها ... اكيد ...
لكن هي قالت الحقيقه ولا لا.!؟ يعني هما كانوا بيتقابلوا لمده شهرين في شقه لوحدهم فاكيد ازاي ما حاولوش !!! لا لا مش مصدقه اكيد قرب منها ايوه
وكمان اكيد عمل معاها ..... ايه اللي انا بقوله ده ..؟ لو كان قرب منها اكيد كانت هنا حكيتلي كل حاجه
طيب مش يمكن خبت عليا علشان شكلها قدامي .!؟ او ان لو عرفت حاجه زي دي انا مش هاعرفها تاني ايوه ممكن . مفيش حد بيحكى الحقيقه كامله
لا لا انا لازم ارجع اشرف لعقله .. انا مش مصدقه ان عاصم مجاش جمبها ولا لمسها ده شكله خبيث كده في نفسه وهنا طيبه .... يووووه .
بس هنا رقيقه جدا ايه اللي هيخليها تكدب ..؟ انا مش قادره افكر واعرف الحقيقه فين ... لكن اللي لازم اعمله اني ابعد اشرف عن هنا انا لا يمكن اوافق بالعلاقه دي ابدا
فيلا الصاوي
---------------
عاصم واقف بيجهز نفسه علشان خارج وكان جمبه على الكومود قرص برشام ابيض وابتسام دخلت عليه :-ايه ده انت هنا انا افتكرتك في شقتك
عاصم :- انا كنت هروح بس حسيت اني عايز انام فنمت هنا وقرب على الكومودو مسك القرص الابيض وحطه في جيبه
ابتسام :- ايه البرشامه اللي معاك دي يا عاصم انت تعبان يا حبيبي؟؟
عاصم :- ههههههه لا
ابتسام :- امال ايه دي ومعاك ليه؟؟ !!
عاصم :- دا اللي هيريحني من اي حد هايفكر انه يساوم عاصم الصاوي
ابتسام :- انا مش فاهمه حاجه خالص فهمني؟؟
عاصم :- افهمك اوي دلوقتي جمال معاه دليل ضدي وانا بقتل حسين ومصور الجريمه على تليفونه وهو كلمنى علشان يساومني انا بقى عرفت كل حاجه عنه وخطفت ابنه رهينه عندي علشان يخاف ويرجعلي الدليل وفعلا هيرجعوا النهارده
ابتسام :- برافو عليك وطبعا هتاخد منه الدليل وهترجعله ابنه
عاصم هههههههههههه ابنه اه هيرجع . لكن جمال لا
ابتسام :- هتقتله
عاصم :-هو اللي هيموت نفسه
ابتسام :- اتكلم يا عاصم ومن غير الغاز
عاصم :- القرص ده فيه مجموعه مخدرات مختلفه يعني هتخليه يهلوس ويضحك ومش شايف قدامه اي حاجه غير اشكال غريبه
وطبعا هيزود ضربات قلبه جدا فانا هاضعفله الكميه واحط قرصين في قزازة العصير وهيشرب
لكن مش قبل ما اديله الامان واحكيله قد ايه عمي ظلمني
وهغريه بمبلغ محترم يزغللو عينيه وكمان هعرض عليه اني اوصله بنفسي لحد باب بيته .. وكمان هعرض عليه اني اشغله عندي في الشركه وبعد ما يحس اني انسان كويس
هيشرب العصير وهو متطمن وهخلي حد من رجالتي يرميه على الطريق السريع بالليل وطبعا هيمشي يتخبط يمين وشمال لحد مابقي يموت يا اما في حادثه او القرصين هيقضوا عليه وبكده الدليل اتحرق هو وصاحبه
ابتسام :- طيب وابنه
عاصم :- هنحطله قرص منوم هو كمان ونرميه في اي حته قريبه من بيته ويرجع بقى ولا ما يرجعش انا المهم خلصت شغلي
ابتسام :- طيب مش يمكن الواد ده يبلغ عنك هو وعيلته
عاصم :- الواد مايعرفش شكلى هو بس يعرف اسمي وبعدين ده عيل حوالى ١٠ سنين يعنى متقلقيش
ابتسام :- وجاسر امتى هتمضيه خلينا نخلص انا عيزا افرح بيك
عاصم :- متخافيش احنا قربنا اوي
عاصم خارج من الاوضه
ابتسام :-هتروح فين دلوقتي؟؟
عاصم بصلها وضحك :-رايح ل هنا الجامعه مش باقولك قربنا اوي
في الجامعه
----------------
عاصم وصل الجامعه وبيعرض على هنا تروح معاه شقته
هنا :-ليه امال هنتكلم فين
عاصم :-بخبث شقتنا
هنا :- اتوترت وبتفرك في ايديها .. فينك يا رنا ماجيتيش ليه النهارده يا ريتك كنت جمبي انا مش عارفه اتصرف
عاصم :- ها يا هنا قولتي ايه انا محتاج اتكلم معاكي زي زمان
وبجد بعتذرلك اني كنت بعيد الفتره اللي فاتت دي انا كنت بحاول فعلا اني ابعد عنك لكن اكتشفت اني ما اقدرش اعيش من غيرك
هنا حولت تجمع شجاعتها وشافت انه ده الوقت المناسب لتثبت لنفسها انها قويه وتكلموا من غير خوف
هنا :-عاصم لو سمحت كفايه بقى انا ما صدقت نسيت كل حاجه و ياريت تسيبني في حالي وتمشى من هنا ويكون احسن لو مشوفش سيادتك تاني
عاصم اتفاجئ من ردها ده لانه شايفها لعبه ف ايديه بيشكلها وقت ما هو عايز:-
حاضر يا هنا لكن تعالي نتكلم وبعدها انا هاحترم اي قرار انتي هتاخديه بخصوص علاقتنا
وكان في عيون بتراقب عاصم وهنا والصوت كان مسموع جدا
هنا :-علاقتنا علاقة ايه انا مفيش حاجه بيني وبينك انت يا دوبك ضحكت عليا واستغلتني
عاصم :- استغليتك ازاي مش فاهم!!
هنا . انتي كنت معايه شهرين وكنا بنتقابل في شقتى وما حاولتش حتى المسك او اقرب منك لو كنت عايز استغلك زي ما بتقولي كان بقى الوضع مختلف دلوقتي
هنا :-الحمد لله ربنا بيحبني لانك ما قربتش مني وعما عنيك عنى لاني ساعتها كنت هاخسر نفسي واموت نفسي
كمان مش معنى انك ما قربتش مني يبقى ما استغلتنيش لا انت استغليت طبتي ومشاعري وعلقتني بيك وبعدها بعدت عني وما وقفتش جمبي في اي وقت كنت محتاجالك فيه
وندمانه جدا اني سمعت كلامك ورحت معاك الشقه تعرف يا عاصم انا اكتشفت حاجه مهمه اوي
عاصم :-اكتشفتي ايه يا هنا؟؟
هنا شافت انها قويه ولازم تكمل :-انا عمري ماحبيتك
بدليل ان ما فيش دمعه واحده نزلت عليك ولا بفكر فيك زي الاول انا لو كنت بحبك بجد كان زماني منهاره وحالتي النفسيه وحشه لكن لا .. بذاكر كويس بخرج عاشه حياتى عادي ساعتها اكتشفت اني مابحبكش
وفعلا هاقولهالك تاني انا ندمانه اني وثقت فيك و سمعت كلام ابن عمي ورحت وقابلته في شقته على اساس خايف على شرفه اللي هو انا يعني وقالتها بتريقه
ويا ريت بقى تتفضل من هنا علشان المحاضره معادها قرب
عاصم :-يعني افهم من كلامك انك مش هتقابليني حتى ولو مره واحده
صوت من وراه :-ما هي لسه قايله تتفضل من هنا ايه ما سمعتهاش
هنا بتشوف مين اللي بيتكلم لقيتها رنا
هنا فرحت وراحت وقفت جمبها ورنا مسكت ايديها تطمنها
رنا :-بص يا استاذ عاصم يا ريت تسيب هنا في حالها لانها اتخطبت و لو خطيبها شافك واقف معاها مش هيحصل كويس
في المستشفى
-------------------
مريم:- اتفضلي يا دكتوره سمعاكي
الدكتوره :- دلوقتي انتي جيتي المستشفى هنا وحالتك كانت وحشه جدا
وشك كله دم من قطع الازاز اللي جرحت وشك وحاله خوف رهيبه وده كله اكيد نتيجه التعدي على حضرتك بالضرب
دلوقتي تحبي تقدمي بلاغ في الشخص اللي عمل كده
آدم : واقف مخنوق من نفسه اوي ومش خايف من اي قرار مريم هتاخدوا حتى لو هيتحبس فا ده حقها
مريم :- هههههه هقدم بلاغ في السلم
الدكتوره :- مش فاهمه سلم ايه؟؟!!
مريم :- بهزر يا دكتوره انا اسفه لكن مفيش تعدي بالضرب ولا حاجه
انا كنت واقفه على السلم في البيت وكنت ماسكه ازاز في ايدي ووقع منى على الارض واتكسر وبعدها رجلي فلتت غصب عني ووقعت عليه بس هي دي كل الحكايه
الدكتوره تفهمت ان مريم اتنازلت ومش هتقدم بلاغ في جوزها:-
خلاص تمام اللي يريحك ولو تحبي تفضلي هنا لحد ما نفكلك الشاش هتقعدي ٤ ايام بيتر بيه وصي عليكى كتير فلو تحبي
مريم :-لا لا شكرا احنا هنروح دلوقتي وشكرا يا دكتوره بجد تعبتك معايه
الدكتوره :- متقوليش كده ده واجبي ودلوقتي هكتبلك على علاج الل هتستخدميه لحد مااشوفك تانى والف سلامه عليكي عن اذنكم
الدكتوره خرجت و آدم باصص بعيد مش بيبص ل مريم علشان مكسوف من نفسه وحاسس قد ايه أنه صغير قدامها
مريم بصتله:- ايه نروح
آدم :- نروح بس ثوانى وراجع
ادم اخد الفون من ع الشاحن وخرج وقف قدام الاوضه واتصل بسرعه بعم لطفي وطلب منه أنه يبعت بنته تروق كل حاجه ف الشقه وتشيل اي اثر من يوم الحادثه دي علشان مريم لما ترجع ما تشوفش اي حاجه ولا الازاز ولا الدم اللي على الازاز
لطفي قال له في ثواني حاضر
و طلب من لطفي يشتري طلبات للبيت عنده
وبعدها اتصل على بيتر وعرفو انه هيخرج من المستشفى دلوقتي
مريم جوه بتفكر فى كلام آدم ان الل اتقتل كان أبو هنا صحبتها .وهي ازاى معرفتش حاجه زى دى هي اه تعرف ان والد هنا مات وكانت حادثه غامضة بس ماتخيلتش ان محمد يكون متهم في قضيه زى دى
مريم .طيب اتكلم مع آدم . لالا يامريم آجلى كل حاجه دلوقتي لما آدم يهدى كدا وكلميه بعدين
آدم خلص مكالماته ودخل الاوضه لمريم:- جاهزه يامريم؟
مريم :- طيب انت هتروح ازاي مفيش هدوم معانا انا معايا اسدال ونقاب انما انت لبس امبارح متبهدل خالص مش هينفع تلبسه
آدم :- انا هتصرف هاتصل على طارق يجيبلي هدوم
مريم :-ما تيجي نعمل حركه مجنونه
آدم :- حركه ايه
مريم :- انت تروح كده بلبس الممرضين وانا بالاسدال هههههه
آدم شاف ضحكة مريم:- خلاص يلا بينا
مريم :-مش مصدقه بجد انت حضرت الرائد آدم هتمشي بلبس الممرضين
آدم :- علشان الضحكه دي ترجعلي تاني امشي بالفوطه في الشارع
مريم هههه خلاص يلا بينا
آدم :- طيب ثواني اجيب هدومي والمفاتيح واحطهم في الشنطه وبعدين شاف شنط اكل ايه الشنط دي يا مريم؟
مريم :- الشنط دي فيها اكل كان جايبها الاستاذ بيتر والشنطه التانيه دي الاستاذ طارق جايب عصاير وجبن وحاجات من دي
تحب تفطر قبل مانمشى انت ما اكلتش حاجه من يومين؟؟
آدم :- لما روحي تكون في بيتها هبدا اتنفس وافطر واتغدى واعيش من تاني
مريم احرجت من كلامه :-جاهز ننزل
آدم :-اتفضلي مريم خرجت من الاوضه لابسه الاسدال وآدم شايل الشنط ادم :- ثواني هاشوف
اي حد هنا في المستشفى وهاديله الاكل ده
آدم راح
ومريم بتراقبه من بعيد و مبسوطه جدا ان آدامها بالاخلاق دي
آدم قرب من مريم ولسه مريم بتمشي خطوه راح آدم شالها
مريم باحراج:- ايه ده نزلني يا آدم
آدم :- آدم وعيون آدم والله
مريم :- احم نزلني بقى انا مكسوفه
آدم :- طول ما انتي تعبانه انا هافضل شايلك
طبعا آدم ماشي وشايل روحوا بين ايديه وكل اللي في المستشفى عينيهم هتطلع عليهم
ووصلها لحد باب العربيه ولسه شايلها ونده على واحد من فرد الامن اللي موجود قدام المستشفى:- لو سمحت طلع المفاتيح من جيبي وافتحلي باب العربيه
فرد الامن مبتسم :-انت تؤمر حاضر
مريم طبعا لابسه النقاب وكمان الشاش مع كسوفها وحمار خدودها كان وشها هينفجر من الحراره وكانت حاسه ان كل الناس بتبص عليهم
الراجل فتح باب العربيه وآدم قعد مريم جمبه وهو شكر الراجل
وآدم ركب وبيشغل العربيه وضحك:- صدقي لبس الممرضين ده مريح
مريم محرجه واكتفت بالابتسامه
آدم اتحرك ووصل عند مطعم :- ثوانى وراجع ونزل اشتري وجبات ورجع
مريم :- ايه ده؟؟
آدم :- ده الغدا اللي اتفقت معاكي اجيبه ونتغدى مع بعض وسكت وبعدها اصل الاكل اللي كنت جايبه ما بقاش ينفع ورميته
مريم حست انه لسه متدايق:- تعرف انا جعانه اوي سوق بقى بسرعه علشان نروح ونتغدى مع بعض
آدم وصل عند العماره ولطفي اول ماشافهم جه وسلم على آدم وبيطمن على مريم:-
حمدلله على سلامتك يا بنتي
مريم:- الله يسلمك يا عم ... احم يا عمي
آدم : في الوقت ده نفسه يبوسها
لطفي :- نورتي بيتك والله اليومين اللي فاتوا ما كان لهم طعم من غيرك
آدم الله يخليك يا عم لطفي وساب كل حاجه في العربيه وشال مريم من العربيه وماشي بيها ودخل العماره
مريم :- يا آدم حرام عليك انا هموت من الاحراج نزلنى
آدم:-انا قولتلك طول ما انتي تعبانه انا هافضل شايلك
عم لطفي شافهم كده ودعى في سره ان ربنا يسعدهم
آدم طالع على السلم مريم:- ايه ده لا تعالى نركب الاسانسير
آدم :- لا انا هطلع بيكى على السلم و دي اقل حاجه اعملها وبقولك ايه
مريم :- نعم
آدم :-حطي ايديكي حوالين رقبتي زي بتوع الافلام
مريم :- ههههه حاضر . مريم لفت ايديها حولين رقبته باحراج وكان نفسها قريب من نفس آدم واختلط عليهم الامر بمشاعر مختلفه
وصلو عند باب الشقه
آدم :-مين هيفتح الباب
مريم :- نزلني وافتح الباب
آدم :- ابدا مش هيحصل
مريم :- طب والعمل بقى
آدم :-هاتي المفتاح من جيبي وافتحيه أنتي
مريم :- بضحك حاضر وحاولت تجيب المفتاح وفعلا فتحت وآدم دخل الشقه شايلها
واول ما مريم دخلت افتكرت كل حاجه و حاوطت آدم وحطت راسها على كتفه وهو شايلها ومش عايزه تحسسه انها خافت
آدم :- خايفه
مريم :- لا هخاف من ايه
آدم :- مني
مريم بصت على عينيه:- عمري ماخاف منك
آدم وهو شايلها قرب على شفايفها وباسها بوسه رقيقه علشان يطمنها . ادم :-بحبك
مريم اتحرجت ومردتش مربم :- هو مين اللي روق البيت كده؟؟
آدم :- انا كلمت لطفى وبعت بنته تروق البيت
آدم دخلها الاوضه وهو لسه شايلها ونزلها على طرف السرير
مريم جت تقوم
آدم :-خليكي رايحه فين؟؟!
مريم :- عايزه اخد شاور وحاسه اني بقالي كتير باللبس ده ومدايقنى
آدم :- خليكي انا هانزل اجيب الاكل وهطلع بسرعه
مريم :- طيب انزل انت وانا هدخل اخد شاور
ادم :- لو سمحتي ممكن تقولي حاضر وبس
مريم :- حاضر وبس
في الجامعه
------------------بقلم Mariem Nasar
عاصم :- اتخطبت!؟اتخطبت لمين؟!
رنا :-اتخطبت لاشرف اخويا عندك مانع واتفضل بقى علشان هو زمانه على وصول ولو شافك مش هتبقى حلوه في حقك انت راجل كبير و بتفهم في الاصول مش كده بردو وقالتها بتريقه
عاصم اتدايق جدا لانه خطته باظت ومشي من غير ولا كلمه
هنا افتكرت ان رنا قالت كده علشان عاصم يمشي وحضنت رنا:- ربنا يخليكي ليا بجد انتي جتي في وقتك شكرا يا رنا بجد شكرا
رنا :- بس يا هبله انت بتشكريني على ايه؟!
هنا :- على انك خلتيه يمشي من هنا وانك كدبتي عليه وقولتي اني مخطوبه بجد شكرا
رنا :-بس انا ما كدبتش
هنا :- فتحت بوقها ببلاها مش فاهمه!!!
رنا :- اقعدي وانا هاحكيلك
رنا حكتلها كل حاجه وهنا مش معاها خالص
هنا افتكرت الكام اللي أشرف جابهلها هديه واهتمامه الغير عادي كل مره
اصل الحب بيبقى قدام عينينا ساعات ومابنكنش شايفينه
هنا بتفرك ف ايديها:- انا مش عارفه اقول ايه يا رنا اشرف. أشرف بيحبني انا : انا متلخبطه يا رنا حاسه اني فرحانه وخايفه و سعيده و حاسه برهبه مش عارفه اشرف بيحبني انا
رنا :- بطلى بقى ام الحركه دى واه يختى اشرف بيحبك انتي
وبعدها رنا بزعل هنا :-عايزاكي تسامحيني
هنا :- اسامحك على ايه
رنا :-لما اشرف قالي انه بيحبك وبيموت فيكي انا فكرت افركش وابعدك عنه لاني فكرت تفكير وحش فيكي وقولت انك اكيد كدبتي عليا في علاقتك بعاصم وانه يعني ... يعني ممكن يكون قرب منك وانت خبيتي عليا علشان صداقتنا تستمر
واهو ربنا برءك قدامي النهارده يمكن اتاخرت على المحاضره علشان ربنا يقولي اسمعي علشان ما تحكميش على حد وانتي بكده بتكوني بتقذفي المحصنات. . وقذف المحصنات ده ذنبه كبير اوي وعظيم عند ربنا
انا بجد اسفه يا هنا سامحيني
هنا :- عيطت وحطت ايدها على وشها انا استاهل تفكيرك فيا يكون كده
اي حد هيشوف بنت رايحه لشاب شقته لازم يفكر فيها كده علشان كدا انا ندمانه اني رحت مع عاصم حتى لو ابن عمي يا رب ربنا يسامحني انا مش زعلانه منك يا رنا
انا زعلانه من نفسي لاني كويسه وانا شوهت نفسي بنفسي
انا المفروض احافظ على نفسي انا استاهل اني احافظ على نفسي واهتم بيها وبسمعتي
مش اخسر نفسي علشان اي حد يقولي بحبك اصدقه بكت جامد وقامت وقالت ل رنا قولي ل اشرف انه يستاهل واحده احسن مني بعد اذنك وتحركت
رنا قامت وراها وشدتها واخدتها في حضنها
رنا :- ايه يا هنا الكلام ده انا قولت اعرفك ايه اللي حصل علشان انا اول ما سمعت ان عاصم ما قربش منك زعلت من نفسي ان انا فكرت فيكي تفكير وحش علشان كده انا ما خبتش عليكي حاجه علشان احنا ما بنخبيش حاجه على بعض وبعدين انا اتاسفتلك وحقك عليا بجد الشيطان هو اللي خلاني افكر كده وبعدين انا اللي زعلانه منك
هنا خرجت من حضنها وقالت:- زعلانه مني انا طيب ليه؟؟
رنا :-يعني انا في حوارات من امبارح ومشاكل ولا حتى تسألي عليا ولا على مريم اقعدي اقعدي يا مراه اخويا المستقبليه
هنا قعدت ومسحت دموعها هي مريم خرجت
رنا :-ايوه طارق اتصل عليا وطمني انهم لسه خارجين من المستشفى وعرف ان هما خرجوا من بيتر صاحبهم صاحب المستشفى
هنا :- طيب مريم عامله ايه دلوقتي
رنا :- مش هاقولك الل لما اعرف انك سامحتيني
هنا :- مسمحاكى طبعا . لكن قلب هنا مجروح من كلام رنا وبتحاول تظهر العكس قولي بقى
رنا :- برده مش هاقولك الا لما اعرف رايك مع انه معروف انا اخويا مز وميترفضش
هنا سرحت لانها من يوم الكام بتفكر في اشرف وفتحت التاب وكانت حطه صورته خلفيه واتنهدت
فعلا من ترك شيئا لله عوضه الله خيرا
رنا :- وصلتي لفين كده بتفكيرك اكيد وصلتي لمكتب اخويا هههههههههههه
هنا احم:- لا ابدا سيبي موضوع أشرف ده دلوقتي المهم احكيلي كل اللي حصل معاكى امبارح
رنا :- ماشي يستى هاحكيلك
في شقه آدم
----------------
آدم نزل جاب الاكل وسابه في المطبخ
ودخل الاوضه شاف مريم واقفه قدام الدولاب بتطلع هدوم ليها
آدم :- انتي بتعملي ايه
مريم :- قولت اجهز الهدوم علشان لما ادخل اخد الشاور
آدم قعدها على طرف السرير من غير ما يتكلم وراح على الدولاب جابلها بيجامه هو بيحبها عليها وحطها على السرير وشال مريم ودخلها الحمام ونزلها في البانيو
مريم :- لا لا انت هتعمل ايه
آدم :-انتي شايفه ايه هحميكي
مريم :- بشهقه اييه نعم ايه انت بتقول ايه لا لا اطلع بره
آدم :- ايه يا مريم انتي اتحولتي ليه
مريم :- لو سمحت لالا ده انا اموت فيها
آدم :- اول واخر مره يا مريم اسمعك تجيبي سيره الموت دي تاني فاهمه ولا لا
وبعدين انتي وشك عليه شاش وغلط الميه تيجي على الجرح فياريت تسيبيني بقى اشوف شغلي علشان الجرح ما يجيش عليه ميه
مريم :- انا . انا مش هاجيب عليه ميه وهخلى بالى كويس بس لو سمحت يا آدم لو سمحت
آدم :- بتحبيني
مريم : هاا
آدم :-انتي مش قولتي الصبح بحبك . وبعشقك
مريم اتكسفت وماردتش
آدم :- لو بتحبيني هتسبيني احميكي ولو لا .. خلاص قوليلي اطلع بره
مريم بصتله بشرز وضيقت عينيها و متدايقه منه
وآدم ابتسم وفهم انها موافقه وبدا يحميها ويبعد الميه عن الجرح على قد ما يقدر وبعدها لبسها هدومها
ومريم لو الحجر نطق هي تنطق
وآدم بيكلمها وهي ساكته وعارف انها مكسوفه
آدم :-تعالى
مريم :-على فين؟؟
ادم :-تعالى اقفي هنا هسرحلك شعرك
مريم ابتسمت بحب:- موافقه
آدم :- ثواني هاقوم اجيب الفرشه
مريم :- تعالي قدام التسريحه
آدم :-لا لا خليكى هنا آدم مش عايزها تقف قدام المرايه علشان ما تشوفش الشاش على وشها ولا الجرح اللي جمب عينيها
آدم قلبه بيتقطع من جواه وكمان زعلان جدا على اخر ذكرى من والدته انها خلاص اتكسرت بس هي كسرتها من غير ما تقصد
بس بيحاول يظهر العكس كتعويض عن اللي حصل
وسرحلها شعرها و قعدها على السرير
وجاب الاكل في صينيه وقعد جمبها واكلها بايده وهي اكلته بايديها واكتشفوا الاتنين قد ايه ان هما كانوا واقعين من الجوع .
وبعدها بشويه آدم ادلها العلاج وقعدوا على السرير
آدم :- تحبي ننام شويه
مريم :- يا ريت بس الساعه لسه ٥
آدم :- اخدها في حضنه :- ماتفرقش الوقت اللي روحي عايزه تنام فيه .. يبقى علم وينفذ .. ونامت واستكانت في حضنه
بقلم Mariem Nasar
جمال اتوضى وصلي ركعتين لله واستغفر كتير على الذنب اللي عمله وخرج من الاوضه
نهاد :-بردو يبنى مصمم متبلغش البوليس
جمال :-غصب عنى ياحجه نهاد غصب عنى خايف لو بلغت يقتله ابنى
نهاد :- بتعيط زياد ياحبيبى ربنا يعلم قد ايه انه غالى ويعتبره حفيدي وبتعيط ومنهاره
هدى :- ادعيله يانينا نهاد ادعيله مالناش غير ربنا وهدى بتعيط جوزها وابنها ف خطر
نهاد :- دعياله يابنتى ودعيالك يجمال يبنى ربنا يحفظكم يارب
جمال قلبه وجعه وندمان وودعهم
وهما هيموتو من الخوف وسابهم
--------- Mariem Nasar
عاصم :-ايوه يا جيمي
جمال :- تحت امرك يا عاصم بيه انا في المكان اللي انت قولت عليه
عاصم :- برافو عليك احب اللي يسمع الكلام العربيه في ثواني هتكون عندك وقفل قبل جمال ما ينطق
عاصم :- جهزت يا ابنى قزازة العصير
:-تمام يا باشا كله جاهز
عاصم :- خد قبل مايشربه حط فيه القرصين دول وابتسم بخبث
الله يرحمك يا جيمي هههههه ----------
الحلقه 22
ليس هناك أعدل من الله ..
تدور الأيام دوائرها؛ كالرحى ..
تنصف المظلوم ولو بعد حين ..
وتصيب الظالم في أعز ما يملك ..
جاسر :- ملك تعالى ايه المفاجاه الجميله دي
ملك :- ازيك يا جاسر .. ابدا ولا مفاجاه ولا حاجه انا كنت مخنوقه و قاعده لوحدي انت عارف ماعرفش حد في القاهره غيرك
جاسر :- وده من حسن حظي تشربي ايه
ملك :- لا شكرا مش عايزه حاجه بس انا حسيت اني عايزه اخرج لقيت نفسي بلبس وجيت على هنا
جاسر قلبه دق وسرحان فيها
ملك :- ايه ياجاسر
جاسر :- ها سوري يا ملك كنت بتقولي حاجه
ملك :- انت كنت سرحانه في ايه؟؟
جاسر :- فيكي
ملك :- نعم!!!
جاسر كح:- ابدا كنت سرحان .. سرحان وهنا الباب خبط وانقذ جاسر
السكرتيره وكانت جميله جدا ودلوعه في نفسها وملك حست انها ادايقت من طريقه كلام السكرتيره مع جاسر
السكرتيرة :- بدلع جاسر بيه في واحد اسمه طارق السيوفي عايز يقبل حضرتك
جاسر بقلق:- طارق السيوفي وبص ل ملك وشاف تعابيرها عاديه بص للسكرتيره:- خليه ينتظرني ثواني
جاسر :- ملك طارق السيوفي بره
ملك :- طارق مين
جاسر :- انتي مش عارفاه
ملك :-لا ما عرفش حد بالاسم ده وبعدين انا قولتلك من عشر سنين كنت بره مصر حتى لو اعرفه هاكون نسيته
جاسر :-طيب بس اكيد هو عارفك
ملك :-ما تتكلم يا جاسر مين طارق السيوفي ده
جاسر :- ده صاحب آدم اخوكي
ملك ذكريات طشاش قدامها بس خافت لا يشوفها :-يا نهار اسود ده لو شافني هيقول ل آدم وآدم يكرهني اكتر
جاسر :- طيب هاتي شنطتك دي وتعالى خشي اوضه الاجتماعات ودخلت وخباها جوه
وقال للسكرتيره تدخل طارق السيوفي
السكرتيره :- اتفضل طارق باشا
طارق :- شكرا ودخل ل جاسر
جاسر :- اهلا اهلا بجد انا اسف اني خليتك تنتظرني بره
طارق :-لا ابدا انا مقدر المجهود اللي انت بتعمله
جاسر :- اتفضل استريح تحب تشرب ايه
طارق :-لا شكرا انا كنت جاي لحضرتك و هدخل فى الموضوع على طول
انا كنت جاي علشان اقولك يا ريت لوحد جابلك اي ورق تمضي ماتمضيش غير لما تعرف ايه مكتوب في الاوراق
جاسر بعدم فهم :-بصراحه مش فاهم؟؟؟
طارق :- يعني مثلا لو عاصم ابن عمك جابلك اوراق تمضي عليها ما تمضيش على اي ورقه ودي نصيحه مش اكتر
جاسر :- برده مش فاهم ليه ايه الضرر اللي ممكن يحصل واشمعنى عاصم؟؟؟
طارق :- الضرر اللي ممكن يحصل ان شركتك مهدده ان حد ياخدها منك وده طبعا كلام مش من عندي وخلاص ده بعد تحريات كتيره
جاسر :- عاصم لا لا اكيد في غلط في الموضوع!!!
طارق :- انا ما قولتش عاصم اللي هياخد الشركه منك لكن انت جاوبت على نفسك
بص يا جاسر ومن الاخر وياريت الكلام ده يفضل سر مش علشان خايفين من حاجه لا احنا خايفين عليكو انتو وخصوصا اختك هنا .عاصم المتهم رقم واحد في قضيه التهريب الل آدم كلمك فيها قبل كده و احنا بناخد حذرنا وبعدين اظن يعني ما فيهاش حاجه لو ما مضتش على اي ورقه قبل ما تقراها مره واتنين وتلاته ولا كلامي غلط؟!
جاسر :- لا كلامك صح وكل حاجه ودي كانت نصيحه عاصم ليا اني مامضيش اي حاجه حتى لو هو اللي مسلمهالي بايديه غير لما اقراها كويس
طارق :- وطبعا انت اديته الامان و بتمضي من غير ما تقرا صح
جاسر :- ايوه لانه ابن عمي وعايزه اقول لحضرتك خطر ايه اللي على هنا اختي!!!؟؟؟
طارق :- بص يا جاسر فيه معلومات انا مش هاقدر اقولك عليها ولكن شركتك في خطر انا حذرتك مش شرط يكون عاصم او اي حد انت تعرفه لكن الشر ديما بيكون موجود حوالينا انت خد حذرك وهنا اختك ما تقلقش عليها بس برده خلي بالك منها خلي بالك منها وخلي بالك منك كمان
انا مش جاي اخوفك ولا حاجه انا بعد دلوقت ما قولتلي ان عاصم قالك ما تمضيش على حاجه حتى ولو كان هو الل جابلك الورقه دي كده فهمت ان عاصم كان عايزك تثق في وده كلام آدم باشا وهو كان طالبك عنده في القسم ولكن حصل شويه ظروف
جاسر شاف انها فرصه كويسه انه يتكلم :- ايوه انا كنت موجود يومها و كويس ان حضرتك فتحت الموضوع لاني كنت هاتكلم مع آدم باشا بنفسي
طارق :- موضوع ايه؟؟
جاسر : موضوع آدم واخته ملك
فيلا مصطفى عزيز
--------------------
مصطفى وشيرين قاعدين يتعشوا كلهم مع بعض
شيرين :- ايه اخبار هنا دلوقتى يا رنا عامله ايه كويسه؟؟
رنا :- ها كويسه انا لسه قافله معاها من شويه
أشرف بلهفه وقلق:- هي بقت احسن صح طمنيني عليها .. والسؤال كان كله حب وخوف
وطبعا الكل شك
مصطفى :- اممم اه اكيد كويسه واحسن كمان ههههه
اشرف :- احم ايه يا بابا انا بسال عادي وبعدين هنا انا بعتبرها
مصطفى :- قاطعه ديما ظالمني انا برد على سؤال امك والكل ضحك
شيرين حست ان اشرف ادايق لانه مكشوف قوي وحست ان في اعجاب من ناحيه اشرف ل هنا:- وبعدين يا مصطفى
مصطفى رفع ايده باستسلام وضحك :- اسف
شيرين :-محمد عامل ايه في الكوره مولهمتك مش موجوده بس امك حبيبتك موجوده
محمد :- كويس لكن انتي عارفه انا في تالته اعدادي ولازم اركز علشان اجيب مجموع كويس الامتحانات قربت
مصطفى :- واد يا محمد انا عايزك تطلع دكتور ايه رايك
أشرف :- لا لا انا عايزه يطلع ظابط
رنا :- لا انا عايزاه يطلع طيار
محمد :- انا هقدم في نادي انا عايز ابقى لاعب كوره
مصطفى :- الكوره حلوه وكل حاجه احنا هنقدملك في نادي وتلعب في الاجازات لكن برده ما يمنعش انك تقدم في كليه كويسه
محمد :- ان شاء الله لسه بدري على الكليه والكلام ده انا لسه في اعدادي
شيرين :- يا رب يا رب اشوفك زي محمد صلاح
رنا :- مو صلاح مو مصطفى والكل ضحك
أشرف قرب من رنا وهمس ف ودنها :-رنا لما كلمتي هنا في الفون ما قولتلهاش على حاجه؟؟
رنا :- حاجه ايه انت عايزني اقولها على حاجه
اشرف بغيظ :-ما تلمي نفسك بقى وتقولي قولتلها ولا لا
رنا :- لا لسه اديني فرصه كده يومين ولا حاجه وضحكت بخبث آن الاوان بقى اخد بتاري منك ياخويا يا حبيبي
شركه الصاوي
-----------------
طارق :-آدم و وملك . وانت ايه اللي عرفك ومين اللي قالك حاجه زي كده
ملك جوه هتموت ليه كده يا جاسر هتبوظ كل حاجه
جاسر :-اتفضل اقعد وانا هشرحلك انا عرفت كل حاجه انا كنت موجود في اليوم ده وجريت ورا الانسه ملك
طارق :- اه وملك طبعا هي اللي حكيتلك
جاسر :- فعلا ملك حكيتلي كل حاجه
طارق :- طيب اسمع اللي هاقولهلك وما تقاطعنيش خالص قول ل ملك لما تشوفها لو ما بعدتيش عن آدم انا هقتلها بايدي وهاقتل ابوها اللي كان السبب في دمار ابنه
وعلا صوته قولها رجعتو ليه وعايزين ايه من آدم!!!!
جاسر :- اهدا يا طارق بيه
طارق :- قولتلك متقاطعنيش تعرف ان بسببهم وبسبب رجوع ملك تاني آدم كان هيقتل مراته وكانت ف المستشفى
جاسر اتصدم وملك جوه شهقت و حطت ايديها على بوقها وعيطت
طارق كمل ايوه كان هيقتل مراته بسبب اخته والجرح اللي فتحته من تاني وقولها تحمد ربنا لانه امبارح بس كان رايح يقتلها هي وابوها قولها ترجع وتسافر مكان ما جت
آدم يا دوبك لسه بيفوق من الصدمه واتجوز ولسه هيعيش حياته صح . جت ملك وخربت كل حاجه كل حاجه آدم امبارح كان في حاله وحشه جدا و بسبب اللي حصل آدم عمره ما هاينسى اللي عمله ابوها
جاسر :- اهو حضرتك قولت بنفسك ابوها . مش ملك
ابوها السبب عندي سؤال لحضرتك ممكن
طارق :- خير
جاسر :- حد فكر في ملك حد فكر لما خرجت منهاره من بعد ما اخوها طردها وكسر بخاطرها حالتها ايه انا اسف يا طارق بيه بس انتو متحملين على ملك قوي انا شايف انها ضحيه وما لهاش ذنب في اللي حصل
طارق :- واقدر اعرف ايه الدافع انك بتدافع عن ملك قوي كده مش معقول لمجرد انها حكيتلك تتدخل في امر كبير زي ده
جاسر :-نسي أن ملك موجوده جوه وانفعل بدافع الحب وعلى صوته انا بحب ملك ومش هسيبها
طبعا الصدمه كانت من حق ملك اللي كانت بتعيط علشان اخوها ومراه اخوها اللي دفعت التمن ودخلت المستشفى
جاسر :-بحبها ومش هخسرها اسمع يا طارق بيه انا عايز اقولك ان ملك كانت 10 سنين تعالى دلوقتي انا و انت و هنقف مع بعض في الشارع وهنشوف طفل عنده عشر سنين وهنقوله تعال يا حبيبي انا معايا حاجات حلوه كتير واللعبه الجميله دي انت هتاخدها بس تيجي معايا وخد كل حاجه والحاجه الحلوه كلها اللي معايا هتبقى ليك لوحدك طبعا الطفل الصغير ده هيفرح جدا مش هيشوف غير انه هياخد حاجات حلوه كتير
وده نفس اللي حصل ل ملك طفله عيله صغيره فرحت بانها هتركب طياره ومش فاهمه حاجه بدليل انها قالت ل آدم هاروح مع ماما الجديده يعني قالت جمله كبيره مش فاهمه معناها هي كانت معميه بس بالسفر والخروج و انها تطير في السماء اي حد مكانها كان هيعمل كده لو ملك كانت بنت ال 20 وادم كان 10 سنين كان هيعمل نفس اللي عملته ملك ملك ضحيه يا طارق و تسمحلي اقولك طارق من غير القاب وما تستغربش دفاعي عنها انا كنت في الحفله عند مصطفى عزيز وشوفت الحب في عيون آدم لمراته وهي كمان كان نظراتها ليه كلها حب وتقدير واكيد الحب ده هيديلم فرصه تانيه ويبدأ من جديد اكيد مراة آدم مش هتسيبه لمجرد انها دخلت المستشفى بسببه
اكيد هتديله فرصه فا انا بطلب من حضرتك انك تحاول تتكلم مع آدم يدي لاخته فرصه تانيه ارجوك انا عايزه اقولك حاجه مهمه ان ملك مكانتش بره مصر مبسوطه عايزه اقولك اني مراة ابوها كانت بتعذبها وتضربها
طارق بصدمه :-انت بتقول ايه!!!!!
جاسر :- باقولك ان ملك حكيتلي كل حاجه وان مراة ابوها وريتها العذاب الوان وهي رجعت دلوقتى علشان تعبت ومحتاجه لاخوها ياريت تلين قلبه من ناحيتها اكون ممنون جدا لحضرتك
طارق سكت شويه وفكر في كلام جاسر بان ملك كانت عيله وفرحانه بركوب الطياره وفكر ان مريم هتدي آدم فرصه تانيه و هتسامحه وفكر كمان في مراة ابوها اللي كانت بتعذب ملك وان ملك دلوقتي ممكن زي ما جاسر بيقول تكون ضحيه زي آدم وهز راسه وقال ان شاء الله
طارق:-معلش اسف اني اتنرفزت عليك انت ما تعرفش آدم شاف وعانا قد ايه
جاسر :- انا اللي اسف اني تدخلت ولكن فعلا انا حبيت ملك بجد
طارق :- بتفهم على العموم سيبها على الله وهنشوف الموضوع ده
المهم انت ركز في اللي قولتلك عليه وما تقوليش لأى حد على اي حاجه
جاسر :-ان شاء الله
طارق :- بعد اذنك
طارق خرج وجاسر راح قعد على مكتبه وكان ناسي ان ملك جوه من انفعاله
وملك خرجت وجاسر وقف وماكنش مصدق وافتكر ان ملك كانت جوه وفكر ان كده خلاص خسر ملك للابد وانه قال بحبها
ملك جريت على جاسر واترمت في حضنه و بكيت كتير وجاسر منزل ايديه جمبه مش رادي يبادلها الحضن ده لانه خايف من رد فعلها بعد كده
ملك :- انا عايزاك جمبي على طول ما تسيبنيش يا جاسر ارجوك ما تسيبنيش
جاسر خرجها من حضنه و مسح دموعها
جاسر:-عمري ما هاسيبك ابدا يا ملك
واهدى كدا ويلا علشان اوصلك الوقت أتأخر
وكر عاصم
---------------
عاصم :- اتاخرت عليك مش كده يا جمال اهلا اهلا في مكاني المتواضع
جمال :-ابني فين الساعه داخله على 11 بلليل ورجالتك مقعدني هنا ابني فين عايز اشوفه
عاصم :- ما تقلقش يا جمال ابنك صدقني كويس انا بس اتاخرت عليك عشان كان ورايا شغل المهم الدليل فين
جمال :- حاضر حاضر وخرج الفون من جيبه وعطاه ل عاصم :-اهو اتفضل
عاصم اخد الفون منه و اتفرج على الفيديو و فعلا كان هيوديه في داهيه
جمال :-انت اخدت الدليل اهو سيبني امشي الله يخليك وهات ابني
عاصم :- في منه نسخ تانيه؟؟؟
جمال :- حرام عليك ياعاصم بيه انا اعصابى تعبانه مفيش اى نسخ تانيه صدقنى انا ابنى بين ايديك هستفاد ايه من النسخه التانه
عاصم :- مصدقك .تعرف يا جمال انك ظلمتني زي عمي ده بالظبط وفضل عاصم يا الف حكايات وروايات وقد ايه انه ظلم واتجلد واتعذب وتحبس في اوضه ضلمه من عمه وان امي قتلت ابويا علشان كان ظالم وحوارات كتيره وجمال قاعد هناك حوالي ست ساعات من غير ما يشربوه ميه
عاصم :-انا اتكلمت كتير وعطشان هاتولي ازازه ميه لو سمحتو الراجل جاب ازازه ميه وشرب منها عاصم قدام جمال العطشان
عاصم :- ايه ده انت شكلك عطشان
جمال :- لا كتر خيرك انا هاخد ابني ونمشي
عاصم :- طبعا طبعا هات ابنه من جوه هيكون جمال شرب كوبايه عصير حتى
واسمعني يا جمال من بكره تكون عندي في الشركه هاشوفلك اي شغلانه
جمال قرب يصدقه :-بجد الله يكرمك يا رب بس خليني امشي
عاصم قام من مكانه وجاب شنطه و ازازه العصير كانها متبرشمه وفتحها بصعوبه قدام جمال علشان يعني يصدق انه في امان
عاصم :- اتفضل اشرب وكمان مليون جنيه علشان انت عملت معايه جميل
جمال :-بص للفلوس ولكن قلبه مقبوض اه ربنا يخليك بس كده كتير انا هكتفي بشغلي عندك
عاصم :- لا ابدا اعتبره تمن سكوتك اتفضل خد العصير وما تخافش انا لسه فاتحه قدامك اهو يا ريت ما تكسفنيش
جمال اخد العصير بعد ضغط كبير من عاصم و نطق الشهاده قبل ما يشربه لانه حس ان لا مفر واللي مكتوب هيشوفه شرب العصير و زياد خرج وابوه شافوا قام حضنه و بدات الاعراض تظهر يادوبك في تشويش في الرؤيه وجاب ل زياد كوبايه عصير فيها منوم بعد ما حس بالامان وشربها اخدو الاتنين في العربيه ورمو زياد قرب البيت بمسافه مش كبيره واخدو جمال على الطريق السريع ورموه وسط الطريق ومشيوا وسابوه جمال واقف يضحك ويطوح يمين وشمال
شقة آدم
------------
مريم فتحت عينيها وكان آدم وخدها في حضنه على دراعه وكان بيتامل فيها وايديه بي مشيها ببطء على الشاش اللي في وشها وزعلان جدا
مريم :- صباح الخير
آدم ببتسامه :-مساء الفل
مريم :-مساء ليه مساء . احنا امتى دلوقتى
آدم :- احنا ١٢ بالليل
مريم :- ياه نمت حوالي ست ساعات انت صاحي من امتى ؟؟
آدم بيمسد على شعرها:- انا صاحي من ساعتين
مريم :- ومصحتنيش ليه
آدم :-ليه هو انا عبيط علشان تقومي من حضني مجنون انا !!
مريم بصت له وسرحت جواها نفسه تقوله انا عرفت كل حاجه عنك بس مستنيه انك انت اللي تحكيلي بنفسك
آدم :- بتفكري في ايه
مريم :- ولا حاجه المهم بما اننا نمنا كتير كده هنعمل ايه دلوقتي
آدم :- اممم مش عارف فكري تحبي نعمل ايه
مريم :- تعال نقعد في البلكونة
آدم :- بس الجو ساقعه
مريم :- وماله هنعمل اتنين كابتشينو ونقعد نشرب مع بعض
آدم :- على الارض
مريم :-ايوه على الارض
آدم :- اوكي يلا بينا
مريم :- استني ..استني بس هاقوم اتوضى واصلي الفروض اللي فاتتني وانا نايمه وبصتله وكانت نفسها تقوله يا ريت ما تقطعش في الصلاه
آدم :-طيب قومي اتوضى وصلي وانا هاكلم طارق في الفون لانه رن عليا كتير والفون على الصامت من ساعه ما شحنت الصبح في المستشفى
مريم . نفسها تقوله تعالى نصلي مع بعض ماشي
مريم قامت وراحت تتوضي وتصلي
وآدم اتصل على طارق ادم:- الو ازيك يا طارق عامل ايه
طارق :- سيبك مني انت اللي عامل ايه دلوقتي؟؟
آدم :-انا كويس
طارق : كويس ازاي مش فاهم انت كنت امبارح مجنون و هتموتنا كلنا!!!
آدم بزعل:- طارق اولا انا عايز اعتذرلك عن الل حصل مني اول امبارح واني مديت ايدي عليك ما تزعلش مني انت عارف
طارق قطع كلامه:- يا سلام قد ايه الواحد بيستمتع لما حد يجي ياخد السماح منه كمل يا آدم سامعك قولي انا اسف يا طارق لا لا قولي انا اسف يا حضره الرائد طارق باشا السيوفي
آدم :-ولا انت لو قدامي دلوقتي كنت سقفت على وشك
طارق :- من الفرحه اكيد هتسقف على وشي من الفرحه ههههه
يا عم اضحك ما حدش واخد منها حاجه وبعدين انا مش زعلان منك هو انا يعني سكتلك ما انا اخدت حقي منك وكمان حقي من مراتك لما طبلت على وشي بالطاسه هههههه هي تطبل وانت تسقف اصل وشي صاله افراح هههههههههههه
آدم غصب عنه ضحك:- يعني مش زعلان
طارق بدلع:- آدم انت عارف اني بحبك و عمري ما ازعل منك ابدا يا بيبي امواه
آدم :- يا ابني ١٠٠ مره اقولك بطل طريقتك دي هتتمسك في يوم من الايام انت حر
طارق :- ماشي يا عم حاضر المهم قولي انت ازاي كنت امبارح في حاله الصدمه دي وكنت بتقول كلام كتير وكنت زي الطور الهايج
واول مريم قالت يا آدم انت بقيت قطه شيرازي ممكن اعرف!!!
آدم :- طور هايج و قطه شيرازي ماشي لما اشوف وشك
المهم انا مش عارف انا كنت حاسس اني خلاص خسرت الانسانه الوحيده اللي حبيتها بجد وكنت مضغوط جدا و مليون فكره متلخبطه مع بعض على شويه يأس مع شويه صدمات حسيت اني عادي لو عملت جريمه وكنت زي الطور الهايج الاتنين ضحكوا لكن اول ما مريم فعلا نادت باسمي كله اختفى
طارق :- اممم واضح انك بتحبها هههههههههههه بقول حكم صح
طيب وهي اخبارها ايه دلوقتي
ادم :- كويسه بتحاول وسامحتني
طارق :- تعرف انا استغربت موقفها امبارح جدا طلعت جدعه جدا بنت اصول بجد انا اعجبت بيها جدا جدا على شجاعتها
آدم : ما تيجي تخطبها احسن ولا انت ما تلم نفسك
طارق :- احم يا عم ايه القفله دي ما كنت كويس والله ماقصد
آدم :- قسما بالله يا طارق لو لمحت مجرد تلميح حتى ولو صغير لاكون
طارق قطع كلامه:- وحد الله يا وحش وحد الله واهدا وقول هديت والله ماقصد وبعدين دي مراة اخويا
وافرحلك لما تديلك فرصه تانيه وسامحتك لازم الإنسان يدى فرصه تانيه لل بيحبهم وكان طارق بيلمح بكلامه على ملك
وانت ناسي انا لما كنت موجود وهي كان مغمى عليها نزلت بسرعه وبعت بنت عم لطفي وكمان نبهت علي بيتر يجيب ممرضات بنات
وكمان بيتر نبه عليهم ما فيش دكتور راجل يكشف عليها او يشوفها وفي الاخر تعمل كده انا مخاصمك
آدم :- انا بجد يا طارق مش عارف اودي جمايلكو فين
طارق :- وديها عند مصطفى عزيز علشان يجوزني بنته ههههه
آدم :- لا بجد شكرا انت انقذت مريم وانقذت حياتي
طارق :- ثواني اجيب منديل علشان دمعت ما خلاص يا روميو انت لو كنت مكاني كنت هتعمل واكتر من كده
وكمان مش عايزك تزعل من رنا والله فعلا زعلانه جدا من نفسها والكلام اللي قالته ليك
آدم :- انا مش زعلان ده كان رد فعل طبيعي منها هي لو مش بتحب مريم ما كنتش هتعمل كده رنا زي اختي الصغيره وانا مش زعلان منها
طارق كان هيفتح موضوع ملك لكن اجل الكلام لفتره
:-طيب يا عم الحمد لله انك مش زعلان بس تعرف الواد بيتر ده جدع
آدم :- بيتر جدع جدا وصاحب صاحبه انا هاكلمه تاني بكره اشكره على اللي عملوا معايا بجد انتو احلى صحاب واخوات في الدنيا
طارق :- ثواني اجيب منديل علشان دمعت تاني ههههه
آدم :- ابو فصلانك يا اخي غور بقى من هنا
طارق :- لو مش عاجبك طلقني
آدم :- طب يلا وانت من اهله بقى روح نام علشان تروح الشغل بكره وما تنساش تقدملي على اجازه اسبوع ماشي
طارق :- علم وينفذ يا فندم تصبح على خير
آدم :- وانت بخير
آدم قفل مع طارق وقف شويه في البلكون على ما مريم تصلي وكان بيفكر كتير ف كلام طارق لازم الل بيحب حد يديله فرصه تانيه ياترى قصدك ايه يطارق بالكلام ده وبعدها دخل جوه شاف مريم واقفه في المطبخ ولسه بتجهز تعمل الكابتشينو
آدم ساند بكتفه ع الحيط :-بتعملي ايه
مريم :- لسه ما عملتش حاجه هاعمل كابتشينو
وفتحت التلاجه شافت فيها ما لذ وطاب :- ايه ده انت جبت الحاجات دي امتى!!؟؟
آدم :- كلمت عم لطفي وبعته يجيبلي الطلبات دي لما بنته كانت بتروق البيت
مريم :- اممم طيب اعمل كام ساندوتش كده ناكلهم انا وانت واحنا قاعدين لو كان لسه بدري كنت عملتك كيك
آدم :- بتعرفي تعملي كيك ؟؟
مريم :- طبعا ده انا استاذه
ادم :- لما نشوف وقرب منها
مريم :- احم
ادم :- سكرك كام
مريم .: ها
آدم قرب من وشها :-بقولك سكرك كام
مريم : وا.. واحده معلقه واحده
آدم :- طيب تعالي ووطى وشالها وقعدها على ترابيزه المطبخ وهي هتموت من الخجل
مريم :- انت شلتني ليه!!
آدم :- علشان اعمل الكابتشينو والساندوتشات
مريم :- لا لا انا هاعملهم
آدم :- اقعدي مكانك وانا الل هاعملهم
مريم بحرج:- احم ما ينفعش
آدم قرب منها و حوطها وهي قاعده من وسطها :- طول ما انتي تعبانه انا اللي هاعمل كل حاجه وقرب منها اوي
مريم خلاص هتتشل مكانها:- طيب اعمل اللي يريحك
آدم :-يعني اعمل اللي يريحني؟؟
مريم هزت راسها:- ايوه
آدم قرب منها وباسها بوسه طويله واخدها في حضنه
ادم:- احضنيني اووي
مريم غمضت عينيها وحضنته وبعدها شويه خرجها من حضنه وبص ليها
ادم :- شكرا
مريم :-على ايه؟
آدم :- لاني كنت محتاج حضن زي ده
مريم نزلت وشها في الارض من الكسوف:- هتعمل الكابتشينو امتى
آدم اتحرك :- ثواني وهكون مخلص الكابتشينو والساندوتشات
آدم بيعمل السندوتشات وبيعمل في الكابتشينو ومريم بتتفرج عليه وكانت مبسوطه ومبتسمه وهو شغال
آدم بصلها :- اضحكي مبسوطه طبعا وانا شغال
مريم :- مش اوي بكره تتعلم كل حاجه
آدم :- اه انتي داخله على طمع بقى على العموم انا قدمت على اجازه اسبوع كامل اقعد معاكى فيه علميني كل حاجه
مريم فرحت :-بجد اخدت اجازه؟؟
آدم :- ايوه قولت لطارق يقدملي عليها من بكره وهقعد معاكي ياستي و هاعملك كل حاجه
مريم سقفت بايديها بفرحه :- ده احلى خبر
آدم :- هو لازم نطلع البلكون دلوقتي؟؟
مريم حطت وشها في الارض واتكسفت قرب منها وباس جبينها:- ما تخافيش انا مش هاعمل حاجه غير لما الجرح اللي في وشك ده يخف خالص انا بس عايز نقعد في الليفنج شويه ونشغل التليفزيون ونقعد مع بعض واخدك في حضنى ايه رايك موافقه؟؟
مريم :- المكان اللي انت هتكون مستريح فيه انا كمان هابقى مستريحه فيه
آدم :- مريم انا بحبك . مريم :- آدم وانا بعشقك
الطريق السريع
--------------
جمال بيطوح يمين وشمال وبيغني ومش شايف قدامه وكل شويه يجري ويقعد ويقوم وحاسس كأن في حاجات كتير حواليه وبيضرب الارض ويقوم يسقف بايديه وكان في حاله لا يرثى لها ومكانش حاسس باي حاجه بعدها كان في عربيه كبيره جدا جايه على الطريق والدنيا ضلمه وجمال ما كانش شايف العربيه ولكن فجاه جمال ظهر قدام العربيه كان شايفها عصفوره وبيضحك والراجل اللي جمب السواق حاسب ... حاااااسب .... حاااااااااااسب--