رواية احببت سيدي الفصل العاشر10بقلم منه
ف ڤيلا الرفاعي..
احمد : انت عرفتي ازاي ان انا دخلت في مشكله مع عصابه؟!!
حميده حست انها مكشوفه اووي وعايزه تهرب من الموقف..
حميده :مش هي اتخطفت فاكيد اللي هيخطفوها دول عصابه..
حامد :بس محدش يعرف بالخطف غير انا واحمد وخالد وبلال وباقي الفريق.. انت اللي قولتلها يا احمد..
احمد : هو مش حضرتك اللي قولتلها..
اسماعيل مراقب رد فعل حميده اللي مش مرتاح ليها..
حميده مش عارفه تقول اي..
حامد :لا ابدا انا محبتش اقول لحد لان ممكن تكون مثلا تاهت او ممكن تكون العصابه قريبه و لما تعرف ان الخبر
وصل للرائد بلال تاذيها ..
حميده حاسه بلخبطه و قد ايه هي غبيه و حاسه ان المكان ضيق جدا ومش عارفه تاخد نفسها وبتفكر ف اي حيله تطلع بيها من الورطه دي..
حميده :ا..انا سمعتكوا بالصدفه لما كنتم ب..بتتكلموا ع خطف نور.. وبس علشان كده عرفت..
اسماعيل :طب قفلوا ع الموضوع البت قاعده خايفه ..
حميده اتنفست راحه انها طلعت من الموضوع من غير ما تتكشف..
الكل بدا يفطر وكل واحد ف عالم تااني.
حامد بيفكر ازاي حميده قدرة تسمعهم وهما كانوا ف المكتب .. هل هي كانت قاصده تسمع الحوار بينهم واي السبب انها تسمع الحوار اصلا.
اسماعيل كان مراقب رد فعل حميده وحركاتها وشك انها هيا السبب ف خطف نور..
احمد جواه قلقان وعايز يعرف مين اللي خطف نور.. معقول محاسن ؟!
احمد خلص فطار ووقف..
انا هروح دلوقتي الشركه وبعد كده هاخد خالد ونروح اسكندريه اتابع المشروع .. عايز حاجه ي حج.
حامد : ربنا معاك .
اسماعيل: ابقا اتصل عليا لما توصل اسكندريه.
احمد : حاضر..
احمد : نور.. انا هكلم خالد يجي ياخدك تقعدي مع اخته اسماء بدل ما تقعدي لوحدك.
نور :ماشي ي احمد.
احمد :زينه ي زينه ...
زينه نازله من ع السلم بسرعه كانت بتنظف الاوض فوق.
زينه :نعم ي احمد بيه..
احمد :زينه ساعدي نور انها تلبس وخالد هيعدي عليها ياخدها وانا هجيبها وانا راجع ..
زينه :حاضر ..
احمد راح الشركه وزينه اخدت نور ع الاوضه..
اسماعيل وحامد راحوا ع شركه من مجموعة الرفاعي..
______بقلم/Princess M
عند خالد..ف بيت الحديدي..
خالد واقف قدام المرايا ف اوضة اسماء وبيلعب ف الميكب بتاعها وحاجتها وبيضايقها..
اسماء : سيب الكريم بتاعي ده لسه جديد..
خالد :اممم.. اي كل الحاجات دي ي بت ورثتي.. اوعي تكون اكلتي حقي.ااه ما انا عارفك ما بتصدقي تلاقي حاجه بتاعتي تاخديها .. بس الورث لا معلش ده حقي..
اسماء بنفاذ صبر:ورث اي ي متخ*لف..سيب حاجتي بقااا..
خالد : ههههه .. لو مش عجبك طلقني. لو مش عجبك طلقني..
اسماء : بقاااا كده.. انا بقا هنادي ع ماما تصبح عليك.. ماما ي مااامااا.. ي دودو.
دعاء : ف اي ي بت صوتك عالي ليه.
اسماء : قربت من امها بالكرسي شوفي ي ماما قولتله سيب حاجتي مش راضي..
خالد :بيسرح شعروا ولسه هيتكلم.. ااااه.
اسماء :ههههه. احسن احسن.. الله عليكي ي دودو.
خالد :اي ي دودو ع الصبح مالك .. مش قولتلك قبل كده ي ماما انا قفايا وجعني.. لازم تصبحي عليا يعني.
دعاء بهزار :ما انت لو تحترم نفسك وتسيب اختك ف حالها .. ده مش هيبقا حالك.
خالد سابهم وخرج برا :ماشي هسيبها ف حالها وسايب ليكم البيت وخارج ومش راجع .. غير لما اخرج الاول هههه.. ف اي مالكوا .. مانا مش هرجع وانا لسه ف البيت يعني لازم اخرج الاول هههه.
اسماء: يخربي*ت هيافتك ي اخي..
خالد :عارف انك بتحبيني..
دعاء :خلاص كفايه خناق ع الصبح.. الا قولي ي خالد انت الوقتي رايح فين..
خالد :انا رايح اجيب نور وا...
قطع كلامه شهقت دعاء واسماء..
اسماء :نوووور.. مين الست نور دي كمان.. الحقي ي ماما ده بيسرق من حاجتي علشان خاطر الست نور.. ده انا لما اشوفها مش بعيد اجيب*ها من شعرها..
خالد :شعرها اي بس الله يكرمك البت فيها اللي مكفيها.. ربنا يعينها.
دعاء :مين نور دي ي استاذ خالد.
خالد :(قالهم ع كل حاجه) بس واحمد قالي تيجي تقعد مع اسماء بدل ما هي قاعده لوحدها..
دعاء بحزن :ماشي ي ابني اهي تقعد معانا وتفك عن نفسها شويه ..
خالد راح علشان يجيب نور..
____
عند احمد ف شركه الرفاعي..
احمد قاعد ع كرسي المكتب بيراجع ع الملفات .. احمد مش قادر بركز كل تفكيره ان هو عايز يعرف مين اللي عايز يخطف نور..
احمد قام وقف واخد الفون والمفاتيح وخرج بره الشركه وركب العربيه..
_____
عند بلال..
بلال :انطق ياض سرقت الفلوس ليه..
- ماسرقتش.. قولت ما سرقتش ي باشا..
بلال ضربه بالقلم :يعني حرامي ونصاب ومش بس كدا لا وكمان كداب..
بلال :امين..
امين دخل :امرك ي باشا..
بلال :خد الحي*وان ده ارم*يه ف الحبس..
امين مسك المهتم وحطه ف الحبس زي ما بلال قال..
الباب خبط..
بلال :ادخل..
بلال وقف اهلا اهلا ي احمد ..
احمد :معلش بعتذر اني اجيت من غير ميعاد..
بلال :لا لا ولا يهمك.. بس خير ف حاجه.
احمد :انا عايز اعرف مين اللي خطف نور بنفسي..
بلال :بس ميتفعش ده شغلنا..
احمد :مهم جدا اعرف..
بلال :انا هكون موجود..
احمد وانا موافق..
بلال اخد احمد وراحوا عند العصابه...
_____
ف ڤيلا الرفاعي..
زينه :كده خلاص ي نور استني استاذ خالد اما يجي وتروحي معاه..
نور قاعده ع السرير وماسكه العروسه.. ومستنيه احمد.
نور قامت وقفت ف الشباك وشافت خالد نازل من التاكس ونزلت ليه بسرعه..
خالد :ازيك ي نور عامله ايه ..
نور :الحمدلله ي عمو..
خالد :اي الشياكه دي..
نور :شكرا.. دي زينه هي اللي عملتلي شعري كده ولبستني الفستان ده ع زوقها.
خالد:اه.. دي زينه زوقها حلو ع كده..
نور :اووي اووي والله ي عمو خالد..
خالد اخد نور ووصلوا البيت..
خالد :ادخلي ي نور.
نور :هو مفيش حد هنا؟!
خالد :لا ف اختي وماما..
تلاقي اسماء ف اوضتها كالعاده.. وماما ف المطبخ..
نور :اممم..
خالد :ي اسمااء.. ي ماما.دودو..
دعاء خرجت من المطبخ :ف اي بتزعق كده ليه..وبصت ل نور.. بسم الله ماشاء الله .. بدر منور ي نور..
نور :شكرا ي طنط..
اسماء خارجه من الاوضه ع الكرسي المتحرك..
اسماء :ازيك ي نور..
نور :الحمدلله ي طنط اسماء ..
اسماء :لا طنط اي.. انا اسمي اسماء عادي..
خالد :طيب انا
هسيبكوا وانزل الشركه سلام..
دعاء :انا داخله المطبخ اقعدوا بقا مع بعض ي بنات..
اسماء :ماشي ي ماما..
دعاء دخلت المطبخ .. ونور واسماء قاعدين مع بعض..
_______
عند حميده..
حميده قاعده ع الكرسي الهزاز وبتفكر ف طريقه تخلص بيها من نور..
وخايفه من فكرت انها تتكشف.
_______
يتبع..
احمد ضرب سيد كم روسيه ورا بعض.. انطق وقول مين اللي قالك
اخطفها احسن واقسم بالله لتخرج من هنا ع القبر ع طول..
سيد:حاضر.. حاضر..
احمد :انطق...
سيد : اللي قال لينا اخطفوها.. وبص لشوقي.. احم.. هي حميده هانم..
احمد..