رواية احببت اخر
الفصل التاسع9
بقلم مني محرم
ميلا: وحوي ياا وحوي
مصطفي: كل سنه وانتو طيبين
ميلا: وانت طيب
منال: مصطفي ابقا اعزم مراد واخواته يا حبيبي يفطرو معانا بكره البت قطعت قلبي امبارح متخلهمش لوحديهم ابقا خليهم يجو
مصطفي: حاضر هبقا اقوله يا ماما ولا اقولك قوليله انتي هيسمع منك
منال: حاضر
ميلا بزعيق: ماماااا
منال: ااايه وطي صوتك شويه انا معاكي والله في نفس الشقه
ميلا: كنت جايبه قمر الدين راح فين
مصطفي: احم طيب يا ماما انا هنزل انا بقه اروح المستشفي
ميلا: استني عندك يا مصطفي
مصطفي بخوف: اا ايوه
ميلا: اطلع بلقمر الدين يا مصطفي
مصطفي: انا يابنتي
ميلا: مهو مافيش بلاعه غيرك في البيت
مصطفي: مين قالك في بلاعه في المطبخ والحمام
ميلا: اخلص يامصطفي مش ناقصه استظراف اطلع بقمر الدين
مصطفي: يابنتي مخدتش حاجه انا اكل قمر الدين بتاع اختي ليه اتجننت
ميلا: يا راجل
مصطفي: مستحيل مستحيل اعمل كده
ميلا: طيب ايه رايك في الفديو ده
مصطفي: نهارك ابيض انتي حاطه كاميرا فوق التلاجه يخربيتك
منال: يخرابي عليكي بت فظيعه
ميلا: اخلص اطلع بيه يا بلاعه
مصطفي:لا انتي بجد حاطه كاميرا فوق التلاجه انتي اتجننتي
ميلا: ماانا زهقت كل يوم ملقيش الحاجه الي بحطها واسال ماما تقول مصطفي ومصطفي يقول ماما فا حطيت كاميرا اريح
مصطفي: خلاص انا كلته ياستي
ميلا: عاااااا يا ماما بقه
منال: خلاص هيجبلك وهو جاي بقه خلاص كل يوم تسمعو صوتنا للناس كده
ميلا: انا نازله هروح اجيب ولا الحوجهm
بقلمي/menna moharam
بعد شويه
حسن: انسه ميلا
ميلا: ايوه يا حسن ازيك
حسن: الحمدلله بخير راحه في حته
ميلا: ليه في حاجه
حسن باحراج: لا مافيش بسال عادي عن ازنك
ميلا: اتفضل
حسن: مصطفي مصطفي
مصطفي: ايوه يا حسن
حسن: احم انا طالب ايد الانسه ميلا
مصطفي بهزار: بس مش معايا
حسن: هي ايه
مصطفي: ايديها
حسن: هههههه ما تخلص ياعم
مصطفي في باله: دي اكيد هتفرح اوي
حسن: ها
مصطفي: تمام تعال بكره
حسن: تمام هجيلك بعد الفطار ان شاء الله
مصطفي: اشطا انت رايح فين
حسن: هروح المستشفي
مصطفي: طيب تعال اخدك في طريقي
حسن: يلا بينا
عند ميلا في الشارع
••••••••••••••••••••••
ميلا: يلا يعيال تعالو عليكو الصواريخ وانا عليا الكبريت اشطا
وليد: طب ماانتي كده مش دافعه حاجه انتي جايبه الكبريت من بيتكو
ميلا: هتقل ادبك ياض ماانت ابن مين يعني وبعدين مين الي بيدفع الراجل ولا الست ادفعو انتو احترمو اني بنت وبعدين هو الكبريت الي بجيبه من بيتنا ده ببلاش
وليد: طيب يا ستي يلا يعيال نجيب الصواريخ ونيجي
ميلا: اوعو تتاخرو انا هطلع اجيب السلك
منال: خدي تعالي
ميلا: ايه يا ماما
منال: انتي عماله كل شويه تطلعي تخشي المطبخ تسحبي حاجه وتنزلي بتعملي ايه
ميلا: ها مش بعمل والله
منال: وريني ايه الي ورا ضهرك
ميلا: ها مافيش حاجه
منال: نهار ابيض ايه السلك ده كله
ميلا: ده ده انا كنت هغسلك المواعين
منال: وهي المواعين علي السلم وانا مش واخده بالي
ميلا: عندك حق بصي من الاخر انا هنزل اولع صواريخ والعب مع العيال تحت
منال: ونبي دي منظر واحده عندها 23
ميلا: مالي يا حبيبتي ماانا زي الفل وقمر اهو
منال: طب دخلي السلك جوا ياميلا واهدي كده وقولي هديت
ميلا: هديت هنزل بقه سلام سلام
منال: خدي يابت تعالي.. ماشي يا ميلا
عند مراد
••••••••••••••••••
ريم: مالك يا حبيبي
مراد: حبتها يا ريم
ريم: ميلا
مراد: اه
ريم: اعترفلها يا مراد
مراد: فكرك هتوافق
ريم: ليه لا يا حبيبي انت مافيش حد يقدر يرفضك كفايه طيبه قلبك الي مش عند حد
مراد حضنها: انا مش مصدق اني حبيت
ريم: الحب جميل يا مراد عيش حياتك يا حبيبي بقه حب واتحب نفس افرح بيك اوي
مراد: ان شاء الله ودخل اوضته
مراد: احم ميلا انا بحبك اوي لالا ايه ميلا بحبك اوي دي
مراد: احم ميلا انا بحبك جدا يوووه انا بكلم نفسي شكليm اتجننت
عند ميلا
••••••••••••••••••
منال: يابنتي ارحميني ودني بتصفر بسببكو العبو بعيد
ميلا: لاع يلا يا عيال
منال: ماشي بقه كده
ميلا: يح يح ياماما ايه شغل العيال ده
منال: انا برضوه امشي يابت العبي بعيد مش ناقصه صداع انا هرن علي اخوكي يجي يعقلك
ميلا: اخويا راح يجيب صواريخ علشان الي معانا خلصت وهيجي يفرقع معانا
منال: اه ماانا نسيت ان انتي واخوكي اهبل من بعض
ميلا: بس بقه يا ماما عيب كده البيوت اسرار
مصطفي: ايه ده ماما
منال: خد اختك والعيال دي وفرقعو بعيد يا مصطفي
مصطفي: ماشي تعالي يا ميلا
منال: مروحتش شغلك ليه
مصطفي: لسه جاي من شويه خشي لما نطلع نبقا نتكلم
منال: طيب
مصطفي: يلا يا ميلا يلا يعيال نصلي التراويح ولما نرجع نبقا نكمل
ميلا: يلا
بعد شويه
••••••••••••••••••
بقلمي/menna moharam
حسن: حرما
مصطفي: جمعا ان شاء الله
حسن: احم كلمت ميلا
مصطفي: لا انا سايبها مفجاه
حسن: طب تمام ان شاء الله هنجيلكو بكره بس فكرك هتوافق
مصطفي: دي هتوافق جدا متقلقش
حسن: طيب هستاذن انا بقه مع السلامه
مصطفي: سلام
بعد شويه
••••••••••••••••••
ميلا: مصطفي هات الصاروخ ده بتاعي
مصطفي: مش هديكي حاجه انا الي جايبه بفلوسي
ميلا: مهي فلوسك هي فلوسي يا مصطفي من امتي واحنا بنا الكلام ده
مصطفي: انا الي هفرقعو يا ميلا
وليد: ايه شغل العيال ده
ميلا: شوفت خليت العيل الي عنده 9سنين يتكلم
مصطفي: وانا مش هديكي حاجه يا ميلا
ميلا: مش هتديني الصاروخ يا مصطفي
مصطفي:لا يا ميلا مش هديكي الصاروخ
ميلا: طيببب الحقونييي الحقني ونبي يا عمو يا عسكري الراجل ده متحر*ش انقذني منه ونبي m
-عايز ايه ياض
مصطفي: لا انا اخوها هي هي بتحب تهزر
ميلا: كداب يا استاذ معرفش ايه حته العيال تشهد وغمزتلهم صح يا عيال وبصوت واطي هديكو عشرين ج كل واحد
وليد: ايوه يا عمو الراجل ده مش اخوها
صاحب وليد: ايوه مش اخوها ده كداب
مصطفي: اه يا ولاد ال دفعتلكوووو كام
-قدامي يلا علي القسم يا حيلتها بقه بتت*حرش ببنات الناس وكمان بتكذب
في القسم
مصطفي: الو يا مراد الحقني
بعد شويه
••••••••••••••••••
مراد: يا حبيبي يابني
مصطفي: البت دي محدش يتكلم معاها في حاجه
مراد: بس الظابط طلع عارفك تعرف لو مش عارفك كان زمانك اتحبست
مصطفي:الحمدلله ماشي اما اروحلها ده حته كنت ناوي اقولها ان حسن جاي بكره يتقدم
مراد: ااايه
مصطفي: في ايه
مراد: احم وهي هتوافق
بقلمي/menna moharam
مصطفي: مهي بتحبه اكيد هتوافق
مراد: طيب انا لازم امشيm
مصطفي: رايح فين صحيح ماما عزماك انت وريم وميار بكره علي الفطار ياريت متكسفهاش
مراد: ح حاضر يلا عايز حاجه
مصطفي: سلامتك
عند ميلا
••••••••••••••••••
ميلا: يا ماما ماما خبيني ونبي قبل ما يجي
منال: في ايه ومين الي يجي
ميلا: مصطفي يا ماما مصطفي
منال: عملتو ايه يا مصيبه
ميلا: لقيت عسكري بصدفه في الشارع واتبليت علي مصطفي انه بيت*حرش علشان ضايقني
منال: نهارك ابيض انتي اتجننتي منك لله كل يوم اجيبه من القسم ياانتي يا هو
ميلا: مش ده المهم خبيني بس لا وكمان خليت عيال الحاره يشهدو وهديهم 20ج وهما كانو 6اشخاص يعني 120وانا مش معايا غير تلاته جنيه ونص
منال: نهارك ابيض رشوه رشيتي العيالللل
بقلمي/menna moharam
ميلا: اعمل ايه انا عارفه اني غلطانه انا اسفه والله بس اديني ال120 علشان لو نزلت من غيرهم هيبلعوني
منال: اديتي العيال رشوه يا ميلا اااه دي اخره تربيتي ليكو انا مش هديكي حاجه
ميلا: خبيني طيب من ابنك ونبي
مصطفي بعصبيه : بقه انا يتعمل فيا كده
ميلا: انا اسفه والله حقك عليا والله انا بحبك زي اخويا بظبط
مصطفي: يابنتي انتي هبله طب عندك خال اهبل
منال: احترم نفسك ياولا انت اتجننت ولا ايه
ميلا: نزلني بس المس الارض ونتفاهم
مصطفي: اه انزلك علشان تطلعي تجري مش كده طب ايه رايك بقه العيال الي اتفقتي عليا معاهم دول مستنينك تحت بلدور ياحلوه قوليلي هتتصرفي ازاي
ميلا وهي بتبلع ريقها: هما هما ممشيوش
مصطفي: لا وهطلع دلوقتي اقولهم يطلعو انتي جهزتيm الفلوس
ميلا: بالله عليك يا مصطفي لا ابوس ايدك
مصطفي: بوسي
ميلا: ايه القرف ده اوعا
مصطفي: يا حبايبي اطلعو ميلا جهزتلكو الفلوس وبدل 20خلتهم 30
ميلا وهي بتعد علي صوابعها: منك لله منك لله كده عايزين 180
منال: اتصرفي بقه يا حلوه انتي مش عارفه ان الرشوه حرام
ميلا: انا اسفه والله يا ماما سامحيني
منال: انا معرفش اعمل ايه فيكو اااه اه دماغي
ميلا: ماما مالك مالك مصطفي الحق ماما
مصطفي: ماما مالك ماماااا فوقي
بعد شويه
••••••••••••••••••
مصطفي: مالها يا دكتور
الدكتور: ضغطها واطي ياريت تخلو بالكو منها وتاكل كويس ومش عايزه اي انفعال
ميلا: عاااا يا حبيبتي يا ماما
مصطفي: مش عايزه صداع وانتي ام الصداع خشي اوضتك يا ميلا
بقلمي/menna moharam
ميلا: ياحبيبتي يا نبع الحنانن
منال: اه يا راسي في ايه يا ولاد مالكو
ميلا بهدوء:ضغطك كان واطي شويه يا ماما
منال: بتعيطي ليه انا كويسه
ميلا: الحمدلله اخي مصطفي ممكن تحضرلنا السحور من فضلك
مصطفي: حسنا يا اختي سوف احضر لكم السحور الذيذ لاجل ماما
منال: ميلا انتو كويسين ولا انا الي تعبانه ولا انتو لعبتو في الاعدادات
ميلا: حسنا ارتاحي قليلا سوف اذهب احضر لك السحور الذيذ
بقلمي/menna moharam
منال: ايه عالم سبيستون ده
ميلا: اخي لقد حضرت الفول الشهي سوف تاكل صوابع رجلك وراه
مصطفي: كتك قرف يا اختي العزيزه
ميلا: شكرا لك
منال: لا حول ولاقوه الا بالله العيال قلبو علي سبيستون
ميلا: امي كان في قمر الدين الي اين ذهب
منال: لا اعلم يا ابنتي
مصطفي: انه في بطني
ميلا: حسنا بلهنا والشفا يااخي العزيز
بعد شويه في اوضه مصطفي
••••••••••••••••••••••••••••••••
ميلا: بقه يا مفجوع تاني واحد تاكله انت ايه هاااا انت ايهه
مصطفي: الله ماانتي قولتي بلهنا والشفا
ميلا: قدام امك بس مش الدكتور قال عايزه راحه
مصطفي: اعمل ايه مهو طعمه حلو ياستي
ميلا: طب اوديه فين ها اخبيه فين اجبلي تلاجه بقفل ولا اعمل ايه
مصطفي: هجبلك واحد خلاص بقه m
ميلا: طيب انا مش عايزه اعمل مشاكل علشان خاطر امك بس يلا نام نامت عليك حيطه اسفينج
مصطفي: خايفه عليا يا حياتي
ميلا: امشي ياض تصبح علي كابوس شبه وشك
مصطفي: حبيبتي انا وانتي
ميلا: خلي بالك بكره تجبلي قمر الدين بدل الي اكلته
مصطفي: حاضر
بعد ما ميلا خرجت جابو من تحت السرير وكل حته
مصطفي: ياالهي انه لذيذ