رواية جعلني احبه
الفصل الثامن والعشرون و التاسع والعشرون28و29
بقلم ساره بكر
الحصل خلال السنتين
يحيي رجع البلد بس كان راجع حد جديد خالي من اي مشاعر خالي من اي احساس قلبوا اتحجر مفيش نبض ...
رجع اهتم بالبلد و بالمزرعه وبالاراضي و بامشاكل البلد و بالبيت و عمل اوضه اسمها مملكه يحيي الابديه منع اي حد يدخلها و كمل حياتوا
________________________________
ريم لما طول غياب رغد قلقت عليها اوي و قررت تكلم عمر تسألوا علي رغد كلمتوا و عرفت اني رغد مختفيه بقالها فتره و قلقت عليها اوي و اتفقت معاه انها تكلموا تاني لو كان في اي خبر عنها ...!
__________________________________
عمر كان ديما في الشغل بيشتغل علي طول مكنش عاوز اي وقت فاضي لما بيكون فاضي بيفتكر كل حاجه حصلت و كان بيضايق اوي كانت ريم واخده كل تفكيره و كان حاسس اني ريم من نصيبه كان ديما بيصلي و يدعي انه ينساها بس كانت مسيطره عليه كليا و لما كلمتوا فتحت جرحه من تاني و حس من كلامها انها محتجاه بس هو قال مينفعش اخسر صحبي تاني و قفل الموضوع من قبل ميتفتح ..؟
__________________________________
كنان الامل بتاعه انه يلقي حوريته ضاع و حزن جدا انه معرفش مكنها حاجه و حزن اكتر لما ابوه عرف انه نزل مصر من وراه و عقبه عقاب بسبب العملوا دا و العقاب انه سحب منه العربيه و الكردت كارد و اي حاجه ممكن تبسطه ...
فضل كنان في المرسم الخاص بيه الكان عباره عن مجموعه من الرسومات و اللوح و الالوان و قال اني لو هي من نصيبه ربنا هيجمعها بي باي شكل ...
____________________________________
هاجر اتقدملها عرسان كتير جدا جدا بس هي كانت بترفض مكنتش عوزه تحس نفس الاحساس الحستوا مع خالد مكنتش عوزه تحب تاني فكرت انها قفله علي قلبها بس كانت ديما بتحس اني قلبها مش معاها اصلا كان مع حد تاني حولت كتير تبطل تفكير في بس معرفتش و دعت ربنا انه يكون معاها و لو هو خير ربنا هيجمعها بي
___________________________________
ندي و علي بقي 😂
ندي علي شالها و راح بيها البيت اتفق اني الخطوبه بعد اسبوع و هي رفضت و قالت لما الاسبوع يخلص هتقول رايها علي اتضايق اوي من تصرفها دا و في الاخر وافق بس بشرط انها تفضل هنا في البيت بس هي رفضت و راحت البيت بتعها تاني .....
خلال الاسبوع دا علي بقي زي ظلها كل متروح في حته يكون وراها و كان معاها ديما في المعهد و في البيت و في كل حته كان بيغير جدا من عصام و ندي كانت بتضايق علي عن طريق عصام و دي كانت خطه يحيي انها تعلم علي الادب و بعدين توافق علي الجوازه و فعلا وافقت ندي علي الخطوبه بس بعد اسبوع عذاب حرفيا و بعد الخطوبه عاشوا الاتنين فتره خطوبه بجد ندي عرفت حاجات كتير عن علي مكنتش تعرفها و هو كمان ... حست ندي قد اي علي بيحبها من كلامه و مفجاتوا و غيرتوا الوضحه جدا و طبعا خوفه عليها و انتهوا سنتين الخطوبه .
٭ اي يبني هتيجي فرح علي ولا اي
~ اي علي هو علي اتجوز علي ندي يا يحيي
٭ لا هو هيتجوز ندي
~ لا انا مش فاهم حاجه واحده واحده عليا يبني
٭ لا يا عمر انت فايتك حاجات كتير اعمل اجازه ونزل انت بس و هقولك
~ ماشي يا كبير هو الفرح امتا
٭ اخر الشهر ان شاء الله
في بيت ندي
يووووووو يا ندي انا زهقت بقي الله
* اه قول انك زهقت مني قول قول اصل انا لو كنت نور ولا فريده ولا اميره مكنتش هتزهق لكن لا انا ندي فتزهق عليا برحتك و تشخط و تنطر صح
~ اي يا بنتي بلاعه و بعدين مين الانتي رصتيهم دول انا معرفش ولا واحده فيهم مين هاا و بعدين اي حد مكاني بالانتي بتعملي دا هيزهق و مش بس كده دا هيطفش اصلا
* هيطفش لي ان شاء الله عشان بسالك رايح فين و جاي من اين و كام بنت انهارده في الكليه و كام بنت من الكليه كلمتك و لو حلوين ولا لا هاا كده تزهق
~ لا اله الا الله ... نفسي يا ندي تعرفي اني قلبي اختارك انتي انتي وبس ولو مين المعايا في الكليه مش هبصلها ابصلها ازاي اصلا وانا معايا ست البنات كلها هااا قوليلي حد يسيب القمر و يبص للنجوم
* نهارك ازرق انت شيفني انا القمر انت اتجننت
~ اتجننت في اي
* اه اصل القمر بعد ميكمل بينقص و ينقص لحد ما ممكن متشوفوش اصلا لكن النجوم بتفضل منوره ديما متشكره يا استاذ علي اوي .... كانت لسه هتمشي بس لحقها علي
~ استني بس متزعليش كده انتي القمر و النجوم و كل حاجه و بعدين حاجه كمان هو شهر شهر واحد بس يا ندي و يكون القمر دا عندي في البيت هو شهر و اااه لو لسانك القمر دا شتم تاني متعرفيش اي الممكن يحصل يلا يا قمري اطلعي اللبسي عشان نخرج يلا
* ااا ماشي
في امريكا
انا خلاص تعبت بقي و عوزه اخلص..
* لو اتخرجنا يا سوسو هترجعي مصر و لا هتختاري تتعيني هنا
~ لا طبعا اكيد هرجع مصر مش مصر بس لا انا هرجع قنا كمان
* اشمعنا قنا يا سلمي
~ قنا بلدي و انا بحبها جداا جداا و ديما في عجز في الاطباء و اكيد انا احب اساعد اهل بلدي
* طب و و ي ي
~ بصي يا هنا انا مش هقدر البلاء قبل وقوعه لسه فاضل تلت سنين بعدها بقي نبقي نشوف حل في يحيي
* ااا طب بقولك اي تيجي نروح ناكل اي حاجه في اي مطعم
~ معلش يا هنا انا هروح عشان بابا و كنان لسه قفشين مع بعض
* لسه زعلانين دا الموضوع بقالوا سنتين
~ بابا رجع لكنان كل حاجه تاني بس كنان رجع زي الاول ساكت و مش بيكلم حد حتي انا و مبقتش عارفه اعمل اي
* طب منتي عارفه البت الهو بيحبها لي متقولوش عليها و تريحي
~ عشان البنت دي عندها سر متخبي و قلبها كبير و طيب و بتحب الكل و لما بتحب بتحب بجد ولو كنان عرف سرها هيسبها وانا مش هرضا اني يتكسر قلبها تاني
* بس هو شكلوا بيحبها اوي اوي اكيد مش هيسبها
~ كنان اتربي في امريكا حوليه بنات كتير انا عوزه اتاكد انه فعلا بيحبها ممكن يكون الموضوع بالنسبه لي مغامره حاجه جديده عاوز يعرف اي سبب حزنها الدائم و صدقيني لو ليهم خير لبعض هيكون من نصبها وهي من نصيبه
* مش مقطنعه اوي بس ماشي
~ انا همشي بقي سلام
في مصر
كانت خارجه من كليه الاثار متجه نحيه العربيه وقفها صوتوا.
ريم..! ازيك عامله اي
__ اااا الحمد الله انت عامل اي يا كريم
- انا الحمد الله تمام و و حشنيني اوي يا ريم اوي اوي
__ اا كريم لو سمحت انا وفقت و سلمت عليك عشان انت اخو مرات اخويا و بس لكن لو سمحت مينفعش الانتا بتقوله دا انا متجوزه و قبل منتا تقولي اني مش بحب يحيي انا اه مش بحب يحيي و هيفضل اخويا طول عمري
- طيب ممكن تنفصلي عن يحيي و صدقيني انا مش هزعلك ابدا
__ ريم بانفعال.. لو حصل و انفصلت عنه عمري مهفكر اني اتجوز حد غير عمر ولو عمر اتجوز انا هعيش عمري كله ادعيلوا اني ربنا يسعدو و هدعيلك انت كمان تلقي حد يحبك يا كريم
- خلاص يا ريم انا مش هضغط عليكي تاني و مش هحاول اكلمك تاني البيحب حد بيحبلوا الخير و السعاده حتي لو السعاده بتعتك مع حد غيري يا ريم
__ كريم لو سمحت انا مش عوزه اكون سبب في حزنك ولا كسر قلبك انا عارفه انت بتحبني ازاي بس ان شاء الله ربنا هيبعتلك واحده تحبك بمقدار حبك ليا و اكتر و صدقني هتكتشف اني دا مكنش حب
- بعد ازنك يا مدام ريم
في الاتليه
علي انا عجبني الفستان دا اووي اووي
~ ندي هو انتي نويه تخلعي الحجاب في الفرح ولا اي
- اه يا علي فيها اي دي هي ليله في العمر
~ والله طب انا هقضي اليله انهاره مع بنات
- اي لا يا علي
~ لي يا ندي فيها اي دي هي ليله في العمر
- لا فيها كتير فيها اني هغير عليك و فيها انه مينفعش اصلا و كمان حرام هااا
~ يعني مش حرام انك تبيني شعرك و ايدك لناس غريبه و بعدين انا كمان هغير
-يوووو يا علي
~ اختاري فستان حلو بقي
ريم رجعت البيت طلعت اللاب توب و كلمت صديقتها الجديده سلمي البقت مقربه ليها جدا جدا و قصت ليها كل الحصل بينها و بين كريم
سلمي هو انا كده صح
... اه يا بنتي انتي كده صح جدا بس قوليلي انتي لسه بتحبي عمر دا زي الاول
- اه لسه بحبوا
~ طب منتي متجوزه يا ريم
- ماشي بس انا مش بحب يحيي المهم دلوقتي انا عوزه اعرف رغد مختفيه فين كل الوقت دا
~ طب ريم انا هقفل عشان بابا عوزني سلام
( من بعد ما مر شهرين علي غياب رغد ظهر اكونت باسم دكتور سلمي بعت لريم ادد و بقوا صحاب جدا و بقت ريم تقول لسلمي علي كل حاجه حست انها زي صديقتها رغد المفقوده و كانت لما تجيب سيرت رغد سلمي تقفل و كانت كل متسال عن اهل سلمي تغير الموضوع و سلمي كانت بتحكلها عن الكليه و صحابها و بس و بكده قدره رغد انها تقرب من صديقت عمرها من تاني و ريم نسيت اني رغد هتغير اسمها لسلمي )
بعد مرور شهر
يوم فرح علي
يحيي عمر بعد الفرح عوزك في موضوع مهم جد
في امريكا
__كنان هتفضل في حاله الحزن دي كده كتير
* عوزاني اعمل اي يعني يا رغد اقوم اتحزم و ارقص
__ لا يعني بس فين الضحك و الهزار بتاع زمان فين هاا
* خلاص بقي يا.... قطع كلام كنان صوت رساله..! فتح كنان الرساله كانت من يحيي بيعزمه علي فرح علي... الرساله دي رسمت البهجه علي وش كنان من تاني
__ اي دا اي سبب الضحكه دي
* يحيي عزمني علي فرح علي عارفه دا معناه اي
__اااااااي
* معناه اني ممكن اقابل حوريتي
__ كنان بلاش تحط امل انك تسافر عشان بابا مش هيرضا
* لي يا سلمي انا دي فرصه ليا كبيره اني اشوفها
__ ماشي يا كنان
كنان كلم ابوه انه يسافر بس هو رفض كان شايف اني كنان شاب طايش و كان خايف عليه يعمل حاجه و زاد حزن كنان اكتر و ضاع الامل الوحيد انه يشوفها تاني...
في مصر
.. عمر بعد الفرح عوزك في موضوع مهم جدا
_ خير يا يحيي في اي
.. متقلقش هو خير ان شاء الله
نزلت ندي وكانت زي القمر كانت الفرحه باينه عليها اوي و علي كان طاير من الفرحه لدرجه اني عيونه دمعت اول مشافها و ركع شكر لله كان فرحان اوي اووي بيها من قلبوا لما بصلها حس اني هي انتصار عظيم
ريم كانت قاعده فرحانه اوي عشان اخيرا ندي و علي اتجمعوا و كانت فرحانه جدا انها شافت عمر بعد غياب سنتين
هاجر كانت قاعده علي نار عرفت من ندي بالصدفه اني الشاب الامريكي هيجي الفرح وكانت عوزه انها تشوفه بكل لهفه بس اتكسرت لهفتها و شوقها بعد ما الفرح خلص و هو لسه مجاش و روحت بكل خيب امل
بعد ما الفرح خلص طلع علي و ندي الاوضه كان علي شايل ندي و لما نزلها اخدها في حضن جامد كان خايف انها تبعد... ياااااا يا ندي اخير اخير بقيتي بتعتي اخيرا يا قمري اخيرا
* بتحبني يا علي بجد
.. ندي انتي انتصاري انتي اكتر حاجه عظيمه عملتها في حياتي كلها انتي كل حاجه ليا
* بحبك اووي يا علي بحبك من اول يوم شوفتك في
... يعني عارفه بقالك كام سنه بتحبيني
* بحبك بقالي 8 سنين يا علي عمري ما مليت ولا حبي ليك قل بحبك و هفضل احبك عمري كله بس في طلب ممكن
.. اطلبي يا عمري
* اااا عوزه اقدم في كليه التمريض ممكن
.. يالهوي بس كده تعالي وانا هقدملك في احسن و احلي و اطعم كليه.. علي شال ندي و دخل اوضه النوم وتسكت شهرزاد عن الكلام الغير مباح
~ يحيي كنت عاوزني في اي بقي قلقتني
* عمر كنت عاوز اقولك اني انا و ريم مش بنحب بعض خالص خالص و عمرها مهتحبني عشان بتحبك انت و انا عمري مهحبها عشان بحب ر ر رغد و الكانوا السبب اننا نتجوز ابويا و ابوها و الاتنين الله يرحمهم انا عاوز اقولك اني ريم بتحبك يا عمر زي منتا بتحبها
~ مبقاش ينفع يا يحيي دلوقتي انا خلاص قربت اتم 30 سنه فرق السن هيبان يا يحيي هما اه عشر سنين هيبانوا يا يحيي اني كبير
وفي لحظه صوت ريم ملاء المكان... انا بحبك يا عمر بحبك زي منتا و هفضل احبك عمري كله و موضوع السن دا ملوش اي اهميه عندي يا عمر صدقني
* شوفت يا عمر ريم نفسها بتقولك انها مش فارق معاها و بعدين انتي يا حيوانه ازاي تقولي الكلام دا قدامي انا لسه جوزك و بعدين انا اخوكي الكبير
~ طب يا يحيي انا لسه قدامي اربع سنين تعاقد مع الشركه الانا شغال فيها عشان كده انا بتكلم عن فرق السن
* اي رايك يا ريم
ريم جريت علي الاوضه و كانت بتعيط
~ هي زعلات لي
* هو انت التعاقد هيفرق معاك في اي يا عمر انت البتبعد انت مبقتش تحبها يا عمر
~ انا حبي لريم مقلش خالص بالعكس زاد و كان بيزيد ديما انت تطلقها و انا هخطبها و في الوقت الانا هسافر في هي تعمل الماجستير و الدكتوراه بتعتها
* انا هاخد رايها و اقولك اااا هي رغد اي اخبارها
~ مفيش اخبار عن رغد ابدا و لما كلمت كنان مرضش و سافرت ملقتهومش مش عارف عنهم حاجه
في اوضه ريم
ريم كانت بتعيط جامد اوي... لي لي كل ماجي اقرب منك يا عمر تبعدعني لي حابب اننا نكون بعاد كده لي انا مصدقت انك تعرف الحقيقه لي تختار البعد لي ي عمر لي.. و باتت ريم ليلتها باكيه
اما في اوضه هاجر
كانت هاجر تحدث نفسها....
كان لازم تعرفي يا هاجر اني تعلقك بي دا تعلق من طرف واحد هو ولا انتي في دماغه ولا بيفكر فيكي احسن حاجه انك تفوقي دلوقتي قبل متحبي حد تاني و يفوقك هو بكلمه تكسرك زي ما خالد الانتي حبتي من كل قلبك سابك فوقي يا هاجر انتي متنفعيش ولا لحب ولا لجواز
في صباح اليوم التاني
ندي فتحت عيونها و قفلتها عدت مرات و بعدها بصت علي علي بكل فرح... ياااا مش مصدقه بجد انك معايا يا علي اخير معايا بجد اخيرا و كانت هتقبله لكن سرعان علي فتح عيونه وهي ظلت ثابته في مكانها
__ اا انتي كنتي هتعملي اي
-- اااا ولا ولا حاجه يعني هعمل اي يعني ههه
__ لا لا متتهربيش كنتي هتعملي اي يا ندي كنتي هتبوسيني صح
-- اااا اي لا طبعا انا مكنتش هعمل حاجه
__ طب بصي انا هعمل نفسي نايم وانتي كملي يلا يلا والنبي
--علي انت عبيط اوعي عشان اقوم
__ لا لا خليكي مليش في اعملي الكنتي هتعملي
-- علي اوعي بقي
__ ااا خلاص قومي خلاص
-- ااااا طب ممممكن تغمض عينك
__ انتي هبله يا بت ولا عبيطه ولا شكلك كده قومي قومي متخلنيش اضربك
-- عشان خاطري غمض عينك و النبي بقي
__ خلاص اهو
قامت ندي دخلت الحمام جري
ريم خرجت من البيت و راحت تقابل عمر في الكافيه علي حسب اتفقها معاها
فلاش باااك
بعد ما ريم مسحت دموعها سابت رساله لعمر انها ضروري تقابله بكره في كافيه و عمر اكد انه هيجي في الموعد
بااااااك
* ازيك يا ريم اخبارك اي
※ انا الحمد الله يا عمر اتفضل
* خير يا ريم اي الموضوع الضروري الانتي عوزاني في
※ لي لي يا عمر مصمم انك تفضل بعيد عني لي مصمم اني نعيش كده هنستفيد اي من البعد دا كلو انت عوز تعمل فيا كده لي انت مش بتحبني
* ريم انا والله بحبك جدا و عشان بحبك عوزلك الخير و الخير انك تخلصي الكليه بتعتك و تعملي الماجستير و الدكتوراه الانتي كنتي بتحلمي بيهم و انا اكون قدرت ابني نفسي اكتر و اكتر في شغلي و تكون رغد ظهرت انا مش قصدي اننا نكون بعاد والله بس انا عاوز الخير للكل فهمتيني
※ فهمتك يا عمر بس انا مش هقدر اعيش اربع سنين من غير مكلمك حتي اخطبني قبل متسافر عشان اكلمك برحتي
* انا قولت كده ليحيي اني هخطبك قبل مسافر و هو قالي انه هيطلقك انهاردا و انا هقعد يومين في مصر و بعدين ارجع السعوديه تاني و هخطبك قبل مرجع متقلفيش
※ ماشي يا عمر انا هقوم امشي بقي
* طب تعالي اوصلك يلا
عدت الايام و يحيي طلق ريم و ريم اخيرا اتخطبت للقلبها دق لي بس كانت حزينه علي طول فتره الخطوبه وكانت سلمي معاها ديما علي الفون و فرحت جدا اني أخيراً عمر و ريم بقوا لبعض...
مر تلت سنين
كان في التلت سنين الحزن و السعاده الحزن اني امينه ام علي و ريم توفاها الله في اول السنه و السعاده اني ندي ولدت ولد قمر اسمه دياب علي اسم عم علي الكان في مقام ابوه و اكتر...!
وكان حب ندي و علي بيزيد يوم بعد يوم و اتعلقوا ببعض اوي و زاد حبهم لبعض بعد مجئ دياب علي الدنيا
ريم فرحت انها بقت عمه و فرحت اني خلاص فاضل سنه و حبها يرجع و يكونوا لبعض للابد و زادت فرحت ريم اكتر و اكتر بعد حصولها علي الدكتوراه و بقت دكتوره في كليه الاثار
كانت ريم بتكلم عمر ديما تطمن عليه و تحكيلوا يومها وهو كان بيسمع و اتعلق بيها اكتر و اكتر و اكتر
هاجر عاشت حياتها في المعارض الفنيه و المنفسات علي السوشيل ميديا و زادت المنافسه بينها و بين كنان البينافسها علي السوشيل ميديا بس كانت حسه بسعاده غريبه
كريم لسه حبه لريم مقلش فضل يحبها في صمت و كان بيدعلها انها تفضل سعيده عشان البيحب بجد بيحب بيشوف البيحبه سعيد وهي كانت السعاده بتعتها مع عمر مش معاه هو
و أخيراً رجعت السعاده و البهجه في بيت كبير البلد بعد غياب طويل كانوا جميع افراد العيله سعداء معاده كبير البلد
يحيي..يحيي كان قدام العيله كلها سعيد لكن لما يدخل المملكه بتعتوا يبدا الحزن..
كان يحيي ديما حاسس اني في حاجه غلط قلبوا حاسس اني رغد لسه عيشه مستحيل تكون ماتت و فضل يدور عليها و فشل انه يلقيها بس احساسوا فضل زي مهوه البيحب بيحس بالبيحبوا وهو كان حاسس انها علي قيد الحياه و مستسلمش ابداً
في امريكا
سلمي و هنا اتخرجوا من الكليه كانت سلمي فرحانه اووي انها خلاص حققت حلمها و بقت دكتوره بعد تعب و بعد كل الحصل معاها مستسلمتش بالعكس اتعلقت ب حلمها اكتر و اكتر...
كنان كان عايش علي الرسم و المنفسات كان بينافس هاجر و طبعا هاجر كانت هي البتفوز و حس هو كمان بسعاده غريبه يمكن عشان بيعمل الحاجه البيحبها و هي الرسم
( كنان و هاجر كانوا بيكلموا بعض كتير و بيعملوا منفسات كتير و كنان مكنش يعرف انها الحوريه السوداء وهي مكنتش تعرف انه الشاب الامريكي )
و أخيراً جه الوقت الي رغد ترجع مصر تاني بس في المره دي هترجع الدكتوره سلمي سليمان مش رغد