رواية جريمة عشق
الفصل الخامس والعشرون والسادس والعشرون25و26
بقلم مريم نصار
زياد :- قولت ما فيش شغل يا ماما
هدى :- زياد يا حبيبي لازم اشتغل امال هنصرف منين اديك شايف الحال و بعد وفاه ابوك الورشه ما بقتش جايبه همها
زياد :- طول ما انا جمبك ما تخافيش من حاجه
نهاد :- قلعت سلسله دهب على رسمه قلب وكانت كبيره وقالت خدي يا هدى يا بنتي السلسله دي روحي بيعيها
هدى :-انتي بتقولي ايه يا نينه نهاد لا يمكن ابدا كفايه افضالك علينا وبعدين انتي قولتى ان السلسله دي فيها صوره بنتك وجوزك الله يرحمهم لا انا لا يمكن اعمل كده
نهاد :- الذكرى موجوده في قلبي يا بنتي وبعدين جمايل ايه انتو خيركو عليا ٨ سنين بحالهم ومعلش اسمعي كلامي بس وياريت وانت بتبيعيها تجيبي الصور منها
زياد :-خلي السلسله معاكي يا نانا مش هتتباع ابدا وبعدين انا خلاص كلمت عمي سمير علشان يشوف بيعه للورشه
هدى :- زعقت انت بتقول ايه يا زياد وازاي تتصرف في حاجه زي دي من غير ما تقولي ولا علشان عقلك كبير خلاص نسيت انك طفل صغير
زياد :-انا مش صغير يا ماما وبعدين انا لازم ابيع الورشه لاني لازمني فلوس علشان انتقم لابويا
هدى :-يابني يا حبيبي احنا كل يوم هنتكلم في الموضوع ده انا مش عايزه اخسرك انت كمان دول ناس مفتريين انت ليه بتحسسني ان غلطت اني حكيتلك ع الل ابوك قالهولى قبل ما يموت
زياد :- ما دام الدليل موجود يبقى عاصم ده لازم يتسجن بس مش قبل ما دخل في قلبه الخوف زي ما خوفني انا وبابا
هدى :يا حبيبي الله يهديك احنا نقدم الدليل للظابط اللي ابوك قالنا عليه هو ده اللي ماسك القضيه واسمه آدم العدوي
نهاد كانت ماسكه كوبايه ميه وقعت منها آدم العدوي
هدى :-مالك يا نينه نهاد انتي كويسه يا حبيبتي
نهاد :-ايوه ايوه كويسه انا هاروح اوضتي اريح فيها شويه
زياد :-ما تخافيش يا ماما انا هعمل اللي انتي عاوزاه بس في حاجه هعملها الاول واحنا معانا من الدليل نسختين وبص قدام وقال والله ما هاسيبك يا عاصم ياصاوي
جاسر وملك
----------------
جاسر :- الو ايوه يا ملك ايوه يا حبيبتي زمانهم على وصول
ملك :- اوعى تكلم ادم اخويا في اي حاجه علشان خاطري يا جاسر
جاسر :- لا ما تقلقيش وبعدين دي مناسبه وآدم اول مره يجي عندنا ما تقلقيش
ملك :- طيب باقولك ايه انا هاقفل علشان بابا جاي عليا اوكي باي
خالد :- بتكلمي مين يا ملك
ملك :- ده انا .. انا
خالد :- اقعدي يا بنتي ايه يا ملك خايفه تحكيلي انتي يا بنتي كل يوم والتاني تخرجي واسمعك تتكلمي كتير في الفون يعني احنا لسه ماكوناش صداقه وانتي ما تعرفيش حد هنا لسه .كمان لسه ما
قدمتيش طلب على كليتك ممكن اعرف بتكلمى مين
ملك :- حاضر يا بابا انا هحكيلك على كل حاجه من
اول يوم لحد النهارده بصراحه يا بابا انه يوم...........
فيلا الصاوي
---------------
بقلم Mariem Nasar
جاسر:- اهلا اهلا مصطفى باشا اتفضل
مصطفى :- اهلا يا جاسر يابني
جاسر :- اهلا اهلا آدم باشا ده ايه النور ده
آدم :- الله يخليك يا جاسر عامل ايه
جاسر :- الحمد لله و ازيك يا اشرف عامل ايه نورتنا
أشرف :- متوتر الله يسلمك الحمد لله اهلا بيك
جاسر :- اتفضلوا تعالو نقعد في الليفنج براحتنا تحبو كلنا نقعد مع بعض ولا الستات يقعدو فوق مع هنا
آدم :- يا ريت يكون افضل
مصطفى :-خلاص روحي يا رنا انتى ومريم فوق عند هنا وانتى يا شيرين تعالي اقعدي معانا علشان تكوني حاضره الاتفاق
شيرين :- حاضر
الكل قاعد الرجاله مع بعض لكن شيرين قعدت معاهم علشان لو في اي تعليق واي رأي تحب تقوله
ومريم ورنا طلعوا قعدوا مع هنا و ابتسام
ابتسام :- اهلا اهلا يا مرحب يا حبايبي
مريم ورنا :- شكرا يا طنط
مريم احم ربنا يتمم بخير ان شاء الله
ابتسام :- يا رب يا حبيبتي الله هو انتي هتفضلي لابسه النقاب كده هو في حد غريب شيليه يا حبيبتي وخدي راحتك ما فيش حد غيرنا
مريم :- لا شكرا انا مستريحه كده
ابتسام :- يبقى انتي مش عايزاني اشوفك يبقى خايفه لا حسدك ولا حاجه
مريم :- يا خبر لا ابدا يا طنط والله مش قصدي حاضر ثواني اقلعه
مريم :- شالت النقاب وابتسام اول ما شافتها بسم الله ما شاء الله قمر بدر منور يا حبيبتي الله اكبر عليكى له حق جوزك يخليكي تلبسي النقاب
هنا :- لا يا طنط مريم لابسه النقاب من زمان من قبل ما تتجوز
ابتسام :- مريم انتي اسمك مريم
هنا :- ايوه يا طنط اسمها مريم الجزار
ابتسام :- فتحت عينيها بصدمه وقالت في سرها يبقى هي دي اللي عاصم يقصدها بس دي متجوزه يا ترى يا عاصم ناوي على ايه ..ايه . بس بصراحه البنت حلوه وتستاهل واحد زي عاصم ابني
مريم :- على فكره يا هنا انتي النهارده طالعه زي القمر
هنا :- بفرحه بجد بجد والله شكلي حلو
هنا رنا حست بالل امها تقصده بالضبط انه ما ينفعش نقلل من قيمه اي حد شكله أو اسلوبه أو ظروفه
مريم :- ايه اللي بجد انتي على طول قمر كفايه بس غمازاتك دي
رنا :- احم هنا على فكره انتي جميله قوي بجد وانا مكنتش اقصد حاجه انا لما كلمتك في الفون انا كنت بهزر
هنا :- انا عارفه يا قلبي انا في الاول صدقتك وقولت اجيب ميك اب ارتست لكن بعد ما مريم كلمتني النهارده وكمان مامتك وفعلا حسيت اني مش محتاجاه
رنا :- بزعل من نفسها انتي مش محتاجه اي حاجه يا هنا انتي بجد جميله وحساكى النهارده منوره بزياده
هنا :- قامت وقعدت جمبها بجد يا رنا بجد انا منوره
مريم :- طبعا الوحده بتنور لما بتكون مبسوطه وتكون كمان هتتجوز الانسان اللي اختاره قلبها
ابتسام :- وانتي بقى بتحبي جوزك على كده
هنا الكل استغرب سؤالها
ورنا من البدايه مش طيقاها وحست انها خبيثه زى ابنها لكن معلقتش
مريم :- طبعا بحبه اكتر من اي حاجه تانيه دة كفايه حنيته عليا
ومريم مسكت راسها حاسه انها دايخه
رنا :- مالك يا مريم
مريم :- مش عارفه يا رنا قومت الصبح حاسه بدوخه ودلوقتي جتلي تاني
هنا :- هاقوم اجيبلك كوبايه عصير
ف الليفنج
-------------
مصطفى :- طيب الحمد لله بما اننا متفقين على كل حاجه يبقى نحدد معاد الخطوبه
شيرين :- ثواني بس يا مصطفى ممكن اتكلم بعد اذنك طبعا
مصطفى :- اتفضلي يا حبيبتي قولي عايزه ايه
شيرين بصت ل جاسر:- بص يا جاسر يا بني انا عايزاك تسال هنا لو حابه بعد الجواز تعيش معانا في الفيلا او هي حبه تستقل بحياتها وده حقها طبعا انا مايهمنيش غيره سعادتها هي وابني والشقه في العماره موجوده
جاسر :- كلام ايه ده يا طنط هنا محظوظه انها عندها اهل زوج زي حضراتكم هنا حكيتلي انك قد ايه حنينه عليها و بتحبيها انا عايز هنا تعيش في وسطكم طبعا
شيرين :- وانا مش عايزاك تقلق عليها هنا بنتي وربنا يعلم معزتها قد ايه وان شاء الله هكون لها ام تانيه
جاسر :-بسعاده اتمنى ان شاء الله
مصطفى :- ولكن اول الجواز اشرف هيقعد هو ومراته في شقه لوحدهم ولما يشبعوا من بعض يرجعوا على الفيلا وقت ما يحبو تمام كده يا اشرف
اشرف :- تمام يا بابا ربنا يخليك لينا
جاسر :- الخطوبه بعد الامتحانات كويس التوقيت ده
أشرف :- بص لابوه علشان يتكلم ومصطفى ساكت وادم شايف كل حاجه
آدم :- احم تسمحلي اتكلم
جاسر :- يا خبر اتفضل طبعا
آدم :- دلوقت لسه بدري على الامتحانات والوقت ده هياخد من تفكير هنا وهيشوش عليها في الامتحانات كتير وهيشغل تركيزها ما بين اجيب ايه والبس ايه واعزم مين وكلام البنات اللي انت عارفه ده ف انا شايف لو الخطوبه تكون يوم الخميس اللي جاي اللي هو كمان ٣ ايام يكون تمام و ده رايي
الشخصي لكن القرار يرجعلك طبعا
جاسر :- وجهه نظرك تحترم برده وجميله خلاص علي خيره الله
أشرف بص آدم وشكره بعينيه وآدم ابتسمله وشيرين ومصطفى فرحانين بجوز مريم قد ايه هيبه وشخصيه
آدم :-نقرا الفاتحه
كلهم نقرا الفاتحه
ابتسام :- يلا يا هنا تعالي انزلي وقدمى العصير للضيوف
هنا :- انتي احسن دلوقتي يا مريم
مريم :-كويسه الحمد لله
هنا متوتره ومريم مسكت ايديها :- انا عايزاكى تكوني واثقه من نفسك انك قمر كده داخل عليهم وانهم المفروض اللي يبقى مبهورين و متوترين اول ما يشوفوكي وتروحي كده بقلب جامد تحطي العصير وتسلمي وتقولي مساء الخير فرصه سعيده يا عمو وبعدين تسلمي على حماتك وبعدها على آدم وبعدها تبصي على اشرف وتكتفي بهز راسك وتقعدي جمب حماتك وتنزلي وشك في الارض وتقعدي خمس دقايق وبعدين تستاذني وتقومي
يلا بقى رنا هتبقى معاكي وانا هستناكى هنا يا جميل اوكي
وفعلا
هنا عملت اللي مريم قالتلها عليه وحست قد ايه انه جواها بنت قويه بتكتشفها من جديد
واليوم الحمد لله عدي على خير اقروا الفاتحه والكل مبسوط من هنا وهدوئها وجمالها واتفقوا على كل حاجه والكل روح بيته
الحيزبونه
-----------
ابتسام :- تعالي يا عاصم عايزاك كنت فين وماجيتش ليه على الميعاد
عاصم مش طايق نفسه علشان أتأخر ومجاش :- ليه حصل حاجه
ابتسام :- هو اللي يشوفك امبارح وانت ملهوف على ست الحسن والجمال ما يشوفكش دلوقت
عاصم :- تقصدي مين
ابتسام :- انت فاكرني عبيطه انت قولتلي وانا في شقتك ان اللي عليها العين اسمها مريم الجزار
وامبارح لما قولتلك على اللي جايين قومت من مكانك وباين عليك الفرحه والنهارده ما جيتش
عاصم :- يوه يا ماما ما جيتش كنت مع سوزي في الشقه و اتاخرت استريحتي وبعدين هاجي هنا ليه مش طايقهم وهما قاعدين في بيتي
ابتسام :- سيبك بس تعرف اللي اسمها مريم دي قمر بجد تحب اوصفهالك
عاصم :- عيون بلون الزيتون شعر لون الشوكولاته شفايف حبة الكريز بشره بيضاوصافيه زي اللبن
ابتسام :- هييه انت عرفت شكلها لوحدك طب ازاي
عاصم :- سرح وقالها يوم ما كنت في القسم وكانت جوه بتزعق مع الزفت اللي اسمه آدم ده وبعدها مره واحده العسكري فتح الباب وكان هياخد الولد اللي كان معاها وبعدها اغمي عليها وآدم شالها على الكنبه والولد ده راح وشال النقاب من على وشها وشال الحجاب وكانت قد ايه جميله خطفت قلبي وبعدها قفل الباب وكان هاين عليا اقتله بعدهاعرفت انها خاله صاحبه هنا في الحفله وكمان مراة الزفت اللي اسمه آدم ده بس على مين هاخدها يعني هاخدها لو حصلت اقتل آدم
ابتسام :- بس يا عاصم يابني انا خايفه عليك اللي اسمه آدم ده لما وقف كده وبيسلم علينا كان هيبه كده ويخوف وخصوصا ان شكله وسيم هو مش اجمل منك طبعا بس انا خايفه عليك وسالت مريم بتحبي جوزك قالت بحبه اوي
عاصم هنا طوح كل حاجه قدامه :- مريم ليا وبس فهمتي دي ملكي انا وبس
فيلا العدوي
--------------
ملك :- هي دي كل الحكايه يا بابا
خالد :- بيمسد على شعر بنته ربنا يسعدك يا بنتي انتي ما شفتيش شويه
ملك :- يعني انت ماعندكش مانع ان جاسر يعني ....
خالد :- ابقى كده بظلمك تاني لو بعدتك عن سعادتك كلميه يا بنتي يجي علشان يتقدملك انا عايز اطمن عليكي قبل مامشي من هنا
ملك :- هتمشي تروح فين
خالد :- اسمعينى يا بنتي انا عملت معاكي كنير انا قررت وقولت لنفسى انى اشوفلك عريس علشان اطمن عليكى وهو الحمد لله جت من عند ربنا قراري انك بعد ما تتجوزي اروح اعمل حج وعمره ان شاء الله لعل ربنا يقبل توبتي
ملك :- قلقتني يا بابا حرام عليك كل ده علشان تقول خبر جميل زي ده انا افرحلك طبعا وياريت اطلع معاك انا كمان
خالد :- ان شاء الله ياملك لكن بعدها انا .. انا
ملك :- بعدها ايه يا بابا
خالد :- بعدها هاسيب الفيلا واروح اعيش في دار المسنين
ملك :- بصدمه ايه اللي انت بتقوله ده يا بابا
خالد :- ملك انا كنت شايل همك لكن بعد ما قولتي ان جاسر هيقربك من اخوكي آدم فداه يفرحني قوي سيبيني يا بنتي سيبيني براحتي
ويلا بقى انا هاروح انام
عندم آدم ومريم
--------------------
بقلم Mariem Nasar
مريم قاعده بتقرا في الورد بتاعها وآدم كان بياخد شاور بعد المشوار . وخلصت وسرحت في طريقه جوازها من آدم
هي اه حبيته وعشقته بس الطريقه كانت غلط سرحت بافكارها وكان نفسها آدم يجي يتقدم ويختاره فستان الفرح مع بعض ويعمللها فرح وتكون فرحانه لكن لا مريم ما عشتش الاحاسيس دي ولا عاشت بفرحه اهم يوم في حياتها وتتنهدت وقالت كل واحد مكتوبله حاجه لازم يشوفها
شالت المصحف وقامت وقلعت الاسدال وخرجت بره و كانت قالت ل آدم انها جعانه واتفقوا انهم يتعشوا بعد ما ياخد شاور
آدم خرج وشاف مريم قاعده في البلكونه و لابسه بيجامه
آدم :- انتي واقفه في الساقعه دي ليه ادخلي جوه؟
مريم دخلت وقعدت في الليفنج سرحانه
آدم :- ايه ساكته ليه انتي كنتي مبسوطه من شويه
مريم :- طبعا مبسوطه تعرف يا آدم انا مبسوطه علشان شوفت الفرحه الحقيقيه في عيون هنا النهارده اصل ده حلم كل بنت ان عريسها اللي هي حبيته يجيلها ويتقدملها
وهي تدخل وتقدم العصير بفرحه وتفرح اكتر لما تسمع الزغروطه والكل مهتم بيها هي وبس
وكل العيون متركزه عليها هي احساس حلو قوي
لما يخرجوا مع بعض ويختارو شبكتهم
مريم هنا نسيت انها بتحكي ل آدم وطلعت كل اللي في قلبها
ويا سلام بقى لو اخدها مشوار واشترلها ورده ونزل على ركبه يقدمهالها في وسط الشارع ويمسك ايديها ويجري بيها وهما بيعدوا الطريق
تعرف هي تفاصيل صغيره بس تعني العالم كله لاي بنت ولما يروحو يختاروا فستان الفرح
وضحكت ويا سلام لو قاسته وكان ملفت وهو يزعقلها ويقولها لا يمكن تلبسي فستان زي ده شوفي غيره
وهو يختار فستان جميل ومحتشم وطرحته طويله جدا ويكون معاه تاج وهي تكون مبسوطه وفرحانه
وبعدها يخرجوا يتعشوا مع بعض ويوصلها لحد باب بيتها وهي تدخل اوضتها و تبص من البلكون تلاقيه لسه واقف تحت بيتها يطمن عليها لحد ما توصل اوضتها ولا بقى ساعه كتب الكتاب والماذون يقولها هل تقبليه زوجا لك هنا القلب يدق بسرعه وفرحه كبيره هي بتقول له نعم قبلت الوحده
بتبقى فرحانه جدا في حاجات كتير البنت بتعيشها و بتسعدها
بس عارف انا.....مريم فاقت من كلامها شافت نفسها واقفه وآدم قاعد سامع كل كلمه هي قالتها احم على العموم ربنا يسعدهم انا هاروح اعمل العشا مريم لسه بتتحرك وكانت متضايقه ومخنوقه من نفسها وكمان شايفه نفسها انها ما عشتش ابسط حقوقها
آدم :- استني يا مريم
مريم لفت ل آدم :- نعم
آدم :- على فكره محمد بريئ ومكنش في دليل ولا اي حاجه
فيلا مصطفى عزيز بقلم Mariem Nasar
-----------------------
مصطفى وشيرين وكلهم قاعدين في الليفنج عندهم واشرف مبسوط جدا ومحمد بارك لاشرف وكلهم بيتكلموا مع بعض ورنا ساكته خالص
مصطفى :- الله ايه يام لسانين ما سمعتش صوتك من امبارح
اشرف صح مالك يا رنوش انتي مش فرحانه لاخوكي ولا ايه
رنا :- احم لا ابدا الف مبروك طبعا انا بس عندي صداع و هطلع انام بعد اذنكم تصبحوا على خير ورنا طلعت على اوضتها على طول
محمد :- مالها رنا ياماما ؟؟
مصطفى :- ايوه يا شيرين رنا بنتك مالها من امبارح بالليل!!!
شيرين :- زعلانه مني من امبارح
مصطفى :- زعلانه منك ازاي مش فاهم!!؟؟
شيرين :- انا هحكيلكم وشيرين حكت كل اللي حصل
مصطفى :- ليه كده يا شيرين انتي عارفه بنتك هي بتحب تهزر وهي اكيد مكنتش تقصد
شيرين :- انا عارفه يا مصطفى بس كان لازم تعرف ان مش كل حاجه فيها هزار
أشرف :- يا ماما رنا اكيد مكنش قصدها طيب تعرفي ان رنا هي اللي ساعدتني اني اخطب هنا وانا لو كنت فضلت زي ما انا كده ما كنتش هتقدم ل هنا لسنين قدام رنا طيبه جدا وبتحب اللي حواليها واكيد ما كانتش تقصد
شيرين :- انا هطلعلها واتكلم معاها
مصطفى :- حبيبتي بالهداوه كده وخدي بنتك في حضنك وانك تقوليلها لو بتحبي كنت عرفتى ده غلط منك خدي بنتك في حضنك يا شيرين مش هاقولك تاني
شيرين :- حاضر بعد اذنكم
شيرين طلعت ل رنا واتكلمت معاها وفهمتها انها عايزاها مثال طيب لاي بنت في سنها ومش عايزاها تقلل من قيمه اي انسان علشان ما تقلبش بالسلب على صاحبه واتكلمه ضحكوا كتير
رنا :- ماما ممكن اقولك على حاجه
شيرين :-طبعا يا قلب ماما قولي
رنا :- انا .. انا
شيرين :- انتي ايه قولي يا حبيبتي ؟؟
رنا :- انا بحب يا ماما
عند آدم ومريم
--------------------
مريم من الصدمه كانت هتقع ولولا آدم جرى عليها وسندها
ولكن مريم شدت نفسها منه وجريت من قدامه و دخلت الاوضه وكانت بتبكي بانهيار والاول مره
مريم بتعيط بالطريقه دي قدام حد عياط بصوتها كله لدرجه ان آدم خاف عليها وقرب منها :-مريم
مريم بعدت عنه:- ابعد عني ماتلمسنيش ابعد انت ضحكت عليا يا آدم ضحكت عليا
يعني محمد بريء يعني ماكنش في دليل يعني كل تهديداتك ليا كانت هوا يعني رعبي وقلة نومي وخوفي كله كان على الفاضي
يعني انا ضحيت بسعادتي وحياتي علشان خاطر محمد كان على الفاضي
يعني انا اتحايل على رنا واشرف يساعدوني كان على وهم يعني كاسرت نفسي وقلت فرحتي بجوازي منك
كان مجرد تمثيليه كنت بتمثل عليا يا آدم ليه
يا آدم ليه
آدم :- اهدي وانا هقولك كل حاجه بس علشان خاطري انا خايف عليكي يا مريم اهدي علشان خاطري
مريم :- ههههه اهدي خايف عليا بجد لا لا صدقتك وخاطرك خاطر ايه انت طلعت كدااابت اتجوزتني بالاكراه وغصب عني لويت دراعي وهددتني خليتني لعبه في ايديك مبسوط وسقفت بايديها
وقالت سقف سقف معايا انت كسبت كسبت وكسرتني برافو برافو
يا ادم باشا انت تعرف ان محمد بيكرهك قد ايه وكاره يشوف وشك وانه ما جاش النهارده معانا علشان عرف انك موجود
ودلوقتي بقى اطلع بره مش عايزه اشوف وشك
آدم :- مريم اهدي وبطلي عياط انا هفهمك كل حاجه
مريم صوتها عالي جدا:- تفهمني ايه تفهمني اييييه ما هي واضحه محمد كان موجود في القسم وجتلك واحده وزعقت معاك واتكلمت معاك باسلوب زفت فلازم تكسرها لازم علشان انت ظاابط لازم تنتقم مني فيا صح
آدم :- بعلو صوته لا مش صح مش صح يا مريم انا مكنتش ناوي اعمل اي حاجه من اللي في دماغك دي
انا كنت اه فعلا ناوي ادايقك استفزك لكن مش للدرجه دي اني انتقم منك
وبعد لما شوفتك وانتي مغمى عليكي معرفش ايه اللي حصلي انا حبيتك في لحظه ومش حبيتك بس انا عشقتك
صدقيني يا مريم والله ما كان قصدي انا بس انا كنت عايزك ليا انا كنت خايف تخرجي وما شوفكيش تاني
انا يا مريم الكام ساعه اللي انتي قاضيتيهم معايه في المكتب كانت بالنسبه لياحياه تانيه انا مش شايف نفسي غلطان
اني حبيتك ولا شايف نفسي غلطان اني اتجوزتك كل الغلط اللي انا عملته في حقك اني معرفتكيش ان محمد بريء
لكن فكري انتي بعقلك لو كنت برءت محمد وكنت جيت اتقدمتلك كنتي هتوافقي ما تردي
مريم واقفه ساكته وبصلها وزعق ما تررردي
مريم انتفضت من مكانها رردي وقولي كنتي هتوافقي
واكيد دلوقتي الشيطان بيصورلك اني قد ايه كنت انانى وانى كنت هاجيبك هنا من غير جواز او اتجوزك عرفي أو عند المحامى والجواز كان هيبقى يوم وارجعك تاني يوم
بس لا بدليل اننا اتفقنا نتجوز عند محامي ويوم جوازنا اتجوزنا عند مأذون وفعلا كنت هتجوزك عند محامي
لكن لما شوفت اختك وسمعت كلامها فكرتني بحد عزيز عليا ورجعت آدم اللي كان عنده 20 سنه
وافتكرت حاجات كتير
لكن قلبي قرر ما يظلمكيش و اخدتك واتصلت على بيتر وظبط كل حاجه
وانا عايز افهمك ان غلطتي كانت مصلحتها اني بحبك وعايزك ليا حلالى
ايه الجريمه اللي انا عملتها انا حبيتك واتجوزتك انا معاكي اني كسرت فرحتك انا كل لما ببقى في حضنك ببقى عايز اعترفلك بس بكون خايف لا تبعدي عني ساعتها يبقى الموت اهون بكتير
لكن لما شوفتك النهارده والدموع في عينيكي وانتي بتحكي حسيت قد ايه انا كسرت كل احلامك
واني انا انسان اناني وقولت وفكرت انك لازم تعرفي كل حاجه علشان انا مش عايز اي حاجه حتى لو كانت من الماضي
ما نخبيش على بعض وعايز كمان تكوني معايا بكل جوارحك وانك مش عايزك تفكري انك انتى اتجوزتينى غصب عنك
انا يا مريم ما كنش قصدي اني اكسر احلامك انا اسف بجد ودلوقتي انا هاسيبك تفكري براحتك وتشوفي انتي ناويه على ايه
ويا ريت تفكري بقلبك وكمان تفكري انك لما ضحيتي علشان محمد يعيش مبسوط شوفي انا كمان حبي ليكى يستاهل انك تتنزلي شويه و تسامحيني وفكري كمان وشوفى انا معاملتى ليكى وحبى وعشقى ليكى كان فيهم انتقام
انا هخرج دلوقتي وهقعد في البلكونه وفكري لو سامحتيني وحبه تكملي معايا نادي عليا ولو مش حابه واعرفي ان لو مش حابه دي فيها موتي و مش هزار يامريم
لكن بردو هاعمل اللي يريحك السر ده كان حمل تقيل على قلبي لانك اغلى انسانه انتي محفوره هنا وشاور على قلبه وخرج
آدم خرج واقف في البلكونه والجو كان بيمطر بشده وكان الجو تلج لكن النار اللي في قلب آدم وخوفه من القرار اللي مريم هتاخدوا أو أنها تبعد عنه مخلياه مش حاسس ببروده الجو
اما مريم قعدت جوه وعياط مستمر وانهارت تماما وبدات تدوخ لانها الصبح برده كانت دايخه وحاسه ان قلبها هيقف من كتر العياط وغمضت عينيها وافتكرت كل حاجه من اول يوم شافت آدم وبعدها حبه وحنيته عليها وهي مش بتحبه بس دي كمان وصلت لمرحله ما بعد العشق ولولا الجريمه اللي حصلت دي مكنتش مريم عشقت آدم يعني الجريمه دى هي اللي ادت ل عشق ادم ومريم لبعض وفكرت كتير وفضلت قاعده على السرير ف حالة بكاء مستمر
فيلا مصطفى عزيز
---------- بقلم Mariem Nasar
رنا حكيت لشيرين كل حاجه عن حبها لطارق وقد ايه هو مستعجل وشيرين رايها من راى طارق لانه خايف عليها وعلى سمعتها واننا لازم نتمسك بالفرصه لما تجي علشان ما نخسرش اللي بنحبهم
رنا :- يعني انتي شايفه كده يا ماما اخليه يجي يتقدم
شيرين :- والله يا رنا ده رأيي علشان ما يحصلش فتور بعد كدا ولازم يكون في مراحل جديده في الحب علشان يستمر
رنا :- خلاص يا ماما انا هاكلمه بكره ان شاء الله و هاقوله
شيرين :- بنوتي كبرت وبقت بتحب لكن انا مبسوطه منك انك فتحت ليا قلبك
وباست شيرين بنتها شيرين :-يلا تصبحي على خير
قامت وخارجه وكان مصطفى واقف وسامع كل حاجه وكانت عيونه مليانه دموع
شيرين :-ايه يا مصطفى مالك عيونك فيها دموع ليه!؟
مصطفى :- تعرفي يا شيرين ان البنات دي بتكبر بسرعه
وكمان انا مبسوط لان اشرف هيتجوز عن حب وكمان مبسوط ان بنتي الوحيده هتتجوز عن حب
الحب ده يا شيرين احلى حاجه ربنا خلقها في الدنيا انا ساعات بتخيل نفسي لو ما كنتش اتجوزتك واتجوزت واحده عاديه من غير حب ومكنتش باحبها كنت هاعيش معاها ازاي اكيد كانت حياتنا هتبقى روتينيه و مشاكل و عدم تفاهم
تعرفي ان الحب بيخلي الانسان سنه يصغر مش يكبر انا بحبك يا شيرين وبحب اولادي وبيتي
ورفع ايدبه للسما وقال يا رب يا رب ديم علينا نعمه الحب والسعاده في حياتنا
ويارب تجمع كل حبيب بحبيبه واخد شيرين وراحوا يناموا
عند مريم
------------- بقلم Mariem Nasar
مريم قاعده بتفكر في حنيه آدم ودلاله وانها ملهمته الوحيده
وانها اميرته وهي بتفكر تاخظ قرار
اكتشفت انه وحشها وهو في الاوضه اللي جمبها وكان واحشها اوي
وبتفكر تقوم ورايحه علشان تنادي عليه فجاه سمعت صوت رساله على الواتساب وكانت من آدم فتحتها وكان بيقولها فيها
(انتى أمي . ومأمني . واماني . وإيماني . وامتى . و مسكني . وسكني . وروحي . وراحتي . وكل كلي
. انتي والباقي تعوضه الايام)
مريم قرات الرساله وجريت وراحت بسرعه على البلكون وهو كان قاعد على الارض مكانهم وهي واقفه وحاسه بدوخه من كتر العياط
وشافت آدم قاعد مغمض عينيه وقالت بصوت مبحوح من كتر العياط:- آدم
آدم :- فتح عينيه وقام من مكان بسرعه وكانت هدومه مبلوله شويه من المطر
وحاسس اول ما مريم ندهت عليه ان الدنيا نورت من تاني
آدم خايف يضحك او يفرح لا يكون بيحلم
مريم شافت ان هدومه جت عليها مية مطر
مسكته من ايده واخدته جوه في الاوضه وقعدته على طرف السرير وخرجتله تيشرت اسود هي بتحبه وقلعتو بايديها التيشرت اللي كان عليه وهي بتبكي بصمت وسط شهقات منها
ولبسته التيشرت وجت تبعد عنه مسكها من ايديها
:- سامحتيني هنا مريم؟؟رمت نفسها في حضنه وبتضرب فيه بكل قوتها
مريم :- غصب عني لازم اسامحك غصب عني لاني مش بحبك بس انت عشقي يا آدم انت عشقي
ومن كتر العياط مع الدوخه خلاص
هتفقد توازنها وقوتها بتقل
وادم حس بيها وشالها
ادم:- اضربيني وانا شايلك كدا
مريم حقك عليا والله كان لمجرد اني حبيتك مش اكتر صدقيني انتي الهامي وحبيبتي انتى روحي
مريم ساكته
آدم :- لو بتحبي آدم سامحيني
مريم:- خلاص مسمحاك بس بشرط
آدم قعدها على السرير اؤمريني
مريم :- تصلح علاقتك ب محمد
آدم :- عيوني ل محمد وخالت محمد ده انا بعشق محمد لانه لولاه ماكنش قلبي نبض من تاني
مريم :- احم الشرط التاني
آدم :- و هيتنفذ برده
مريم :- انا تعبانه وعايزه انام يلا بقى خدني في حضنك ونيمني
آدم :- مش هيحصل
مريم : بصتله باستغراب
آدم :- مش هتنامي غير لما تاكلي
مريم :- لا انا بجد مش قادره وعايزه انام
آدم سابها وخرج بسرعه وجابلها ساندويتش على السريع كده وشوب عصير :- كلي ده واشربي دي
وانا هاقوم اصلي ركعتين شكر لله و اجيلك
مريم بعدم تصديق:- بجد!!!
آدم :- طبعا بجد لازم اشكر ربنا على احلى هديه
مريم :- طيب والفروض اللي انت بتقطع فيها
آدم :- ان شاء الله تصحيني معاكي في صلاه الفجر
مريم :- ها بتتكلم بجد
آدم :- طبعا بجد انا لازم اقرب من ربنا كفايه ان ربنا بيحبني ورزقني بيكي لازم اشكر ربنا
تاني يوم
-----------
مساء الخير
لطفي :- مساء الخير يا حبيبي عايز مين؟؟
.. مش هنا شقه الظابط آدم العدوي؟؟
لطفي :- ايوه انت مين
.. انا واحد عايز مساعده عرفت انه بيساعد الناس المحتاجه وانا امي تعبانه وكنت عايز رقمه لو سمحت الله يخليك
لطفي :- طيب هو في الشغل وزمانه على وصول استنى لما يجي
.. لا شكرا انا هنكسف اتكلم معاه وش الوش ممكن رقمه
لطفي :- حاضر يا سيدي هو كان مديلي الكارت بتاعه ثواني اجيبهولك وجاب الكارت اتفضل ادي الكارت بتاعه بس انت اسمك ايه
..زياد جمال
شقة جمال
-------------
هدى :- يلا يا زياد تعالى اتعشي
زياد :- لا علشان عمي سمير اتصل على طاهر وطاهر جالي وقالي ان عمي سمير جاب مشترى للورشه
هدى :- انا قولت مش هنبيع الورشه يا زياد وكلامي وكلام نينه نهاد هو اللي هيمشي
زياد :- بس يا ماما
هدى :- ما فيش بس انت ايه تفكيرك ده انت كده بتثبتلي انك ولا عقلك كبير ولا حاجه يابني الورشه دي اللي يدوب بتجيب قوت يومنا وعمك سمير نصحنى انى ما بيعهاش ومش هتتباع وده اخر كلام
زياد :- لازم ابيعها انا عايز فلوس
هدى :- عايز فلوس ليه؟؟
زياد :- عايز اشتري تليفون علشان عايز انتقم من عاصم الصاوي
نهاد :- يعني انت عايز تبيع مصدر رزقكو علشان تليفون يا زياد ده تعليمي اللي علمتهولك
زياد :- يا نانا انا محتاج تليفون حديث انا معايا رقم عاصم ده اخدته من فون ماما
وكمان امبارح طول النهار انا وطاهر علشان هو اكبر مني ومعاه موتوسيكل
اخدنى ورحنا القسم وسألنا ودورنا على الظابط اللي اسمه آدم العدوي وعرفت بيته ورحت جبت الرقم بتاع موبايله
نهاد :- احم هو اسمه آدم العدوي بس ولا له اسم تاني
زياد :- مش عارف بس هو اسمه الظابط آدم العدوي بس هيبه كده وطويل جدا كنت رايح اكلمه بس طاهر قالى لا
نهاد :- قلبها بيقول هو ولكن مش عايزه تعشم قلبها بوهم .. المهم يعني يا زيزو يا حبيب نانا انت عايز تليفون مش كده
زياد :- ايوه يا نانا
نهاد :- طيب يا حبيبي انا هاديلك الفون بتاعي هو معايا مالوش لازمه ماحدش بيتصل عليا لاني ماعرفش حد ولا حد يعرفني
جمال الله يرحمه جابهولى في عيد الأم وصمم علشان لو احتجت حاجه منه الله يرحمه كان ونعم الابن وعيطت وقالت هو كل اللي بحبهم كده بيروحوا ويبعدوا عني
هدى :- بدموع وحدى الله يانينه نهاد قدر ومكتوب وبعدين هو خارج متوضى ومصلي
وكان على لسانه الشهاده قبل ما ينزل وان شاء الله ربنا يكرمه وربنا رحيم بعباده وجمال تعب كتير اكيد ربنا هيعوض صبره خير و بكت
زياد :- قام قعد جمبهم متعيطوش انا هاخد حق ابويا
هاتي :- يا ناناه الفون وخلاص يا ماما انا مش ها بيع ورشه ابويا بس عايزك تبعتي الفيديو اللي عندك على فون نانا وتسيبي نسخه تانيه على تليفونك
هدى :- زياد يا حبيبي انت هتعمل ايه يابني ما توجعش قلبي لو على الفيديو انا اروح للظابط واديله الفيديو وأكد عليه ما يجيبش سيرتنا خالص وبكده يبقى حقنا جه وحق ابوك
زياد :- مش قبل ما ارعبه زي ما رعبنى انا وابويا ماتخافيش عليا يا ماما كلها كام يوم وهنشوف عاصم ده في السجن
هدى :- ونهاد قلبهم مش مطمن وحاولوا مع زياد كتير وصمم
وقاللهم لو عملتو كده انا هاروح لعاصم ده بنفسي واخد حق ابويا
الحلقه 26
دمتم في امان الله
وَلَقَد أَتَيْتُكَ وَالذُّنُوبُ تَحُفُّنِي
وَعَلِمْتُ أَنَّكَ بِالتَّجَاوُزِ أَجْدَرُ
فَاغفِرْ لِعَبْدٍ بِالْخَطَايَا مُثْقَلٌ!
أَنْتَ الْغَفُورُ لِكُلِّ مَن يَسْتَغْفِرُ
#رواية_جريمة_عشق بقلم Mariem Nasar
شيرين :-رنا تعالى عايزاكي
رنا :-نعم يا ماما
شيرين :- تعالي شوفيلك فستان واختاري اللي يناسبك
رنا :- الله يا ماما دول حلوين قوي مين اللي جابهم
شيرين :- باباكي بعت جابهم وبعتهم مع السواق يلا شوفي حاجه تناسبك علشان لسه مريم
رنا :- احم اصل يا ماما بصراحه اصل
شيرين بعدم فهم :-اصل ايه اتكلمي؟؟
رنا :- احم اصل طارق اتصل عليا وقالي انه جابلي فستان علشان حفله بكره
شيرين :- اممم بقى كده طيب وفرتي كلمتيه في موضوع الخطوبه
رنا :- بصراحه لا لكن انا عايزه اعملهاله مفاجاه ان شاء الله و اكلمه بكره في الحفله حساها هتكون احلى
شيرين :- طيب ماشي اهم حاجه الفستان يعجبك واضح قوي ان طارق بيفهم في الذوق
رنا :- بيفهم ايه يا ماما ده لولا آدم .. طارق ما كانش جاب حاجه
شيرين :- ههههه ليه كده
رنا :- آدم كلمني علشان يعرف مريم بتحب ايه في اللبس وسالني هي بتحب موديلات ايه وكام حاجه كده على مريم و جاوبته وآدم قالي انا هادبسلك طارق النهارده في طقم ليكي ههههه وطارق كان جمبه وسمعته بيقوله حرام عليك انا كنت ناوي والله اجيبلها ههههه
شيرين:- واضح ان طارق ده دمه خفيف
رنا :- جدا يا ماما انتي تضحكي علي منظره فى اول مره قابلته فيها ههههه كفايه الطاسه
شيرين :- بصراحه وانتي بتحكيلي ان مريم ضربته بالطاسه كل شويه اتخيل شكله واقعد اضحك مع نفسي موقف كوميدي بجد
رنا :- تصوري ياماما ان طارق شارى خاتم خطوبتنا وسايبه معاه مبيفارقوش
شيرين :- ع فكره طارق شكله بيحبك بجد وجدا كمان بس انتى مفتريه
رنا :- هو حظه كده نعمله ايه بقى
عند آدم
------------ بقلم Mariem Nasar
آدم دخل البيت وكان جايب حاجات كتير ل مريم لكن مريم من وقت المشكله اللي حصلت بينهم وهي حاسه نفسها تعبانه وهمدانه وجسمها متكسر
دخل عليها الاوضه شافها نايمه بالاسدال هو فكر ممكن تكون نامت من الارهاق
آدم حط الحاجات جمب السرير من الاتجاه بتاعه
وراح لمريم ونزل على ركبه ومد ايده على خدها
آدم :- اميرتي .. اميرتي
مريم :-اممم
ادم:- يلا قومي الساعه ١٠ بالليل بطلي كسل مريم :-اممم سيبني انام
آدم قام وقلع الجاكيت وشمر كم القميص وشال مريم ودخل بيها الحمام
مريم :- ايه ده يا آدم بتعمل ايه سيبني عايزه انام
آدم :- انتي ما بتشبعيش نوم انا جيت النهارده من الشغل وكنتي نايمه وما عملتيش اكل وطلبنا جبنا اكل من بره واكلنا
وبعدها خرجت وانتي نمتي تاني لحد دلوقتي مش خير ولا ايه
مريم . آدم واقف وهي نايمه على صدره آدم قعدها على طرف البانيو وقلعها الاسدال
واخدها على الحوض و بدا يغسلها وشها علشان تفوق وواحده واحده مريم فاقت وهو نشفلها وشها وشعرها وشالها وخرجوا من الحمام وجابلها هدوم ولبسها
مريم بصتله بغيظ:- استريحت كده لما فوقتني كنت سيبني و تعالى نام جمبي وخلاص اووف بقى
آدم :- اوف بقى يستي انا بصحيكي علشان نشوف هنلبس ايه بكره في الخطوبه وتقومي دلوقتي ذى الشاطره على الدولاب ده تشوفيلي حاجه على ذوقك وكمان تشوفيلك حاجه
مريم :- حاضر انا هالبس الفستان الكشمير اللي انت كنت جايبه في حفله رجوع ابيه مصطفى ايه رايك انا بحبه اوى
آدم :- امم مش بطال تمام كده اتحلت
مريم :- وانت هاشوفلك بدله الموضوع سهل ماكنش محتاج انك تصحيني
آدم :- امم تعرفي ان طارق اشتري النهارده فستان ل رنا علشان الحفله
مريم :- امم ربنا يسعدهم ذوق والله
آدم بيبص على تعابير مريم شايفها عادي
آدم :- و تعرفي انه جابلها جزمه شيك جدا وكمان ساعه
مريم بتتاوب:- اااه جميل رنا تستاهل كل خير
آدم بص تاني وفي نفسه ايه البت دي المفروض تقوم تزعق وتقول اه ده طارق بيفهم مش زيك وتفتح بقها قد كده هي البت دي مش مصريه ولا ايه
:-احم و جابلها شنطه بجد حاجه كده وهم و كانت عيني هتطلع عليها و اجيبهالك
مريم :- مبروك عليها يا حبيبي وبعدين انا عندي لبس وشنط كتير وفي كمان لبس لسه لحد دلوقتي ملبستوش
آدم قرب منها وقعد على ركبه قدامها وهي على السرير مغمضه ومسك ايديها :- حرام عليكي هحبك ايه اكتر من كده
مريم :- فتحت عينيها وقربت منه و باسته من جبهته:- حبنا عمره ما هيقل ابدا حبنا كل يوم والتاني هيكبر عن اليوم اللي قبله
آدم :- طيب انتي دلوقتي حاسه انك فوقتي كويس
مريم :- اه الله يسامحك فوقت جدا كمان
آدم :- اممم طيب قومي معايه وقامت معاه اقفي هنا وغمضي عينيكي
مريم وقفت وغمضت عينيها لانها مش قادره تتكلم ولا تتناقش . وآدم جاب علبه كبيره وفتحها وخرج منها فستان في منتهى الروعه والرقه وكان جميل جدا ومسكه قدامها بإيديه
آدم :- فتحي عينيكي كده
مريم فتحت عينيها وبجد كانت مبهوره من جمال الفستان:- ايه ده علشاني انا بجد تحفه يا آدم
آدم :- استني استني كمان وراح جمب السرير طلع كل حاجه جايبهلها
ومريم واقفه مش مصدقه :-كل ده كل ده يا آدم علشاني بجد حلوين قوي
آدم كان جايب فستان و حجاب ونقاب وجزمه وشنطه وكمان في علب قطيفه كبيره وقرب منها وفتحلها العلبه وكان عباره عن طقم كوليه يجنن بجد
مريم كانت مبسوطه با آدامها جدا وانه بيحاول يفرحها على قد ما يقدر
آدم :- دي حاجه قليله عليكي يامريومه انا لو اطول اجيبلك حته من السما والله ما كنت اتاخر على اجمل عيون سحرتني
مريم حضنت آدم:- بحبك انا بحبك اوووي بحبك موووت وبعشقك بجد ربنا يخليك ليا يا دومي
آدم خرجها من حضنه يا مين ياختي!!!
مريم :- يا دومى ايه بدلعك
آدم :- تدلعيني بدومي هو ما فيش اسم دلع تاني غير دومي ده
مريم :- اه فيه دودو او دودي او ديمو او ادومي
آدم :- ادومي ويا ترى بقى بالخضار ولا بالفراخ هههههههههههه
والاتنين ضحكوا
آدم :- بصي في الاوضه دي دلعيني براحتك دومه دومي ديمو اللي انتي عاوزاه انما لو قلتي اي اسم دلع قدام اي حد ما تعرفيش ساعتها ايه اللي هاعمله فيكي يا روحي فاهمه
مريم مسكت ياقت قميصه بحب :-واهون عليك يا دومي
آدم مش قادر على دلع مريم
مريم:-انت جبت هديةهنا؟
آدم :-وانا اقدر اتاخر على طلب مريم طلبته
مريم :- بص انت فرحتني اوووي النهارده بالحاجات الجميله دي ف علشان اقبلها منك هاعمل معاك ديل
آدم بعدم فهم:- ديل . ديل ايه
مريم :- اممم هلبسلك طقم على ذوقي انا المرادي ايه رأيك
آدم فتح بوقه:- بجد
مريم :- امم بجد
آدم مسكها من وسطها وقربها عليه والله يا مريم انتي بنت حلال وحاسه بحبيبك آدم تعالى يلا اختاري
شقة عاصم
--------------
عاصم راح الشقه علشان ياخد الملف اللي جابه من المكتب علشان يروح يوثقوا هو والحيزبونه ابتسام
عاصم :- لاااااااااااااااا وبيكسر في كل حاجه لاااااااااا
ابتسام كانت بره مستنياه يخرج علشان يروحوا يوثقو الاوراق
سمعت صوت عاصم بيصرخ وصوت ازاز بيتكسر ودخلت عليه بسرعه
ابتسام اتصدمت من منظر ابنها:- في ايه يا عاصم وايه اللي عورك في ايديك كده
عاصم بيكسر ومش سامع حاجه:- لاااااااااااا
لايمكن ابدا لاااااا
انا هقتلهم انا هقتلهم كلهم هشرب من دمهم
ابتسام :- اهدا يابني وفهمني ايه اللي حصل انت مش كنت داخل تجيب الملف
عاصم :- ملف وبيزعق ملف وكسر كل حاجه على التسريحه وامه خافت منه
عاصم :- لاااااا انا يعملوا فيا كده انا هشرب من دمهم
ابتسام شافت الملف مرمي على الارض ومفتوح ابتسام راحت ووطت وجابت الملف وشافت موجود فيه اوراق صفقه ومعاهم ورق ابيض وعليه استيكرز ميكي ماوس
ابتسام برقت عينيها وبصدمه:- ايه ده يا عاصم
عاصم :- ضحكوا عليا استغفلوني استغفلوووووني بس ازاي ازاي جاسر كان بيمضي ازاي
ابتسام :- ده جاسر ماضيلك على ورق ميكي ماوس
عاصم بينهج:- حصل ازاي انا حاطط الاوراق بايدي في الملف لااااا ازززززااااااااي
(ههههههههه اللهم لا شماته فرحانين صح وانا كمان)
جاسر وملك
---------------
ملك :- ههههههههه تلاقيه ياعيني دلوقتى بيلطم زي الستات
جاسر :- انا لحد دلوقتي مصدوم والله يا ملك ولولا انتي كان زماني في الشارع بجد شكرا
ملك :- انت بتشكرني على ايه اشكر القدر اللي خلاني اجي في الوقت ده
وكمان اشكر ربنا علشان لو ماكنتش سمعت تحذير الرائد طارق ليك انك ما تمضيش على اي ورقه غير لما تقراها انا كنت هابقى على جهل ومش هفهم حاجه
لكن انا لما دخلت سمعت السكرتيره الل اسمها سوزى دي بتقول
والله وكلها كام يوم بس يا بت يا سوزي وهتكوني الكل في الكل و لما شافتني خافت لااكون سمعت منها حاجه ولكني تجاهلت لانى مش فاهمه هي بتتكلم عن ايه
ودخلت واول ما شوفت الراجل اللي قاعد ده انا ما استريحتلوش وغير كده لما
قولتلي اسمه عاصم الصاوي ولقيه بيقولك يلا امضي انا افتكرت على طول تحذير الرائد طارق وبعدها انت عارف بقى
فلاش باك
----------------
ملك :- عطشانه ممكن اكون دوخت علشان عطشانه ممكن بعد اذنك ميه
عاصم :- ها اه حاضر ثواني
عاصم خرج وقفل الباب وراه وجاسر قاعد جمب ملك بقلق وماسك ايديها
ملك :- بسرعه قامت وراحت جريت على المكتب وجاسر مستغرب
ملك :- جاسر بسرعه قولي فين الملف اللي انت هتمضي عليه ل عاصم ده
جاسر :- انتي بتعملي ايه انتي تعبانه تعالي اقعدي
ملك :- انا كويسه مش تعبانه ده كان تمثيل المهم مفيش وقت قبل ما عاصم يجي فين الملف .. هو ده
جاسر :- ايوه بس يا ملك فهميني انا مش فاهم انتى بتعملى ايه
ملك :- انت ناسي تحذير الرائد طارق ليك انك متمضيش على اي حاجه وخصوصا اللي اسمه عاصم ده
جاسر :- وانتي صدقتي ده كلام فاضي عاصم ابن عمي عمره ما يعمل حاجه غلط انتي عارفه شغل الحكومه هو بس بيحاول يشك في كل اللي موجودين حواليه
ملك :- طيب اديني ثواني بس وروح اقف عند الباب وبص من مكان المفتاح وقبل ما يجي عاصم قولي
جاسر :- يا بنتي انتي بتتعبي نفسك على الفاضي
ملك بصت ل جاسر نظره تحذير:- قولت ما فيش وقت
ملك بتدور في الملف زي المجنونه وجسمها بيترعش وجاسر راح بص من الباب علشان بس عاصم مايجيش ويبقى ملك شكلها وحش قدامه
ملك شافت الملف اول كام ورقه ولما جت للورق اللي في النص ملك شهقت وحطت ايدها على بوقها :- مش معقول دى كارثه
جاسر بص على منظرها واستغرب وراح ل ملك :-فيه ايه يا ملك مالك
ملك :- مصيبه ياجاسر مصيبه بص
جاسر :- مسك منها الملف وبيشوف ايه اللي موجود ولكن كانت صاعقه
جاسر قعد مكانه بصدمه معقول عاصم معقول يعمل كده ابن عمي انا وقاعد مزهول خالص من الصدمه
ملك اخدت الملف من ايديه:- مش وقته
ملك شالت كل الاوراق اللي تخص التنازل
ملك :- جاسر . ياااا جاسر ركز مفيش وقت يا جاسر عايزه كام ورقه انت مش محتاجها ان شاء الله تكون فاضيه جاسر من غير ما يتكلم شاورلها على الدرج
ملك جابت كام ورقه بعدد الاوراق اللي شالتهم وكمان ملك متغاظه منه راحت جري على شنطتها حطت فيهم اوراق التنازل وجابت كارت في ستيكرز كتير ولزقت على الورق الل فاضي ده ستيكرز ميكي ماوس
وبعدها سمعو صوت حاجه وقعت بره ملك قفلت الملف وشدد جاسر من ايده وقعدت على الكنبه وقالت ل جاسر اوعى تقوله حاجه ابدا على الاوراق وامضي عادي وخليه يتصدم مع نفسه
عاصم دخل وجاب الميه ل ملك وشكرته
عدنا للوقت الحالي
---------
جاسر :-تعرفي انا مصدوم لان سوزي السكرتيره ممكن تكون مشتركه معاه وتعرفي انا كنت باسمع دايما ان الناس اللي بتسرق بعض ده مابيكونوش عارفين بعض وكنت مفكر انها استحاله تحصل معايا وخصوصا ان عاصم اخ مش ابن عمي
انا لحد دلوقتي مصدوم معقوله عاصم انا مش متخيل انى بالغباء ده
ملك :-ده مش غباء يا جاسر دي طيبه زايده وحصلت معايا وانا حكيتلك على اللي بابا عمله في ماما وكمان اللي فيفي عملته في بابا
علشان كده اول ما شوفت عاصم ده افتكرت فيفى على طول
جاسر :- تخيلي كده يا ملك لو كنت مضيت ده كان تنازل منى عن الشركه والفيلا والرصيد اللي في البنك والارض انا مش مصدق
ملك :- لا صدق لكن المفروض بقى نشكر ربنا ان وقف جمبك وانقذك من الندل ده
وفكرت شويه .. انما قولي صح انت لما حكيت ل طارق عني ليه ما قلتلوش ان فيفي مضت بابا على عقد بيع وشرا
جاسر :- انتي مجنونه علشان آدم يفكر ويقول انكو لما فلستو راجعين لا طبعا بعد لما تتصالحوا
ان شاء الله تبقى انتي قوليله برحتك
ملك :- ان شاء الله ولو اني حاسه اننا مش هنتصالح
جاسر :- لا ان شاء الله لان عندي فكره كده النهارده هاعملها مع آدم
ملك :- فكرة ايه؟؟
جاسر :- مش وقته انا ورايا شغل كتير النهارده في الفيلا بنجهز كل حاجه وانتي متتاخريش
ملك :- ما بلاش انا خايفه من المواجهه
جاسر :- متخافيش آدم مش هيشوفك غير في الوقت المناسب
ملك :- ربنا يستر وانت خلي بالك من عاصم
جاسر :- ما تقلقيش ربنا هو الحافظ
ملك:- احم جاسر
جاسر :- نعم ياملك
ملك : ا..انا ا.انا
جاسر :- قولى ياحبيبتي انتى ايه
ملك :-احم جاسر انا بحبك
جاسر قلبه بيدق اوووووى :- انتى قولتى ايه
ملك :- ب .ح .ب. ك
جاسر :- انا بعشقك ياملك
في الحفله
---------------
ابتسام قاعده وعلى وشها غضب الدنيا وعايزه تولع فيهم
وعاصم واقف في الجنينه ساكت خالص و بيفكر ازاي ينتقم من جاسر وكان عايز يقتله لكن ابتسام رجعته لعقله علشان لو قتل جاسر مش هيستفاد حاجه
وبكده هيتسجن وقالتله لازم نفكر بالعقل نعدي بس من الخطوبه دي وبعدها هنشوفلنا حل في اللي حصل ده
جاسر مجهز كل حاجه على اكمل وجه لاخته حبيبته وكل المعازيم بداوا في الوصول
جاسر شاف عاصم واقف في مكان لوحده جاسر راح واقف جمب عاصم
جاسر :- ازيك يابن عمي
عاصم :- بصله اهلا ازيك يا جاسر
جاسر :- ايه مالك ومال ايدك ايه اللي معورها كده
عاصم :- لا ابدا ما فيش
جاسر :- ازاي ما فيش ايدك ملفوفه بشاش اكيد متعور ايه اللي حصلك يابن عمي
عاصم :-ابدا كنت بقطع تفاحه والسكينه جرحت ايدي
جاسر :- لا سلامة ايدك يابن عمي انا عايزك النهارده تكون مبسوط بالحفله
عاصم :- بصله ومثل عليه الضحكه وقال طبعا انا مبسوط والف مبروك ل .ل هنا
جاسر :- سابوا ومشى وراح يرحب بالضيوف
وهنا قاعده في اوضتها متوتره وخايفه ورنا معاها من الصبح واقفه جمبها و بتساعدها وكانت هنا زي القمر
مصطفى وشيرين و أشرف ومحمد وصلو على الميعاد بالظبط
رنا :- عيني عليكي بارده قمر يا هنا قمر
هنا :- بجد يا رنا يعني باين عليا اني زي العرايس كده
رنا مسكتها من ايديها :-والله انتي زي القمر و طالعه النهارده زي البدر المنور ما شاء الله عليكي يا هنا انتي في منتهى الجمال
هنا :- انا خايفه قوي يا رنا خايفه لا تحصل حاجه تبوظ اليوم ده
رنا :- بس بس يا بت ابو نكدك ايه ماتعرفيش تفرحي
ثواني فوني بيرن ده طارق
الو ايوه يا طارق
طارق :- ايوه يا حبيبتي انتي فين
رنا :-انا مع هنا في الاوضه انت جيت ولا لسه
طارق :- انا في الطريق باقولك لبستي الفستان اللي انا جبتهولك
رنا :- اه ياحبيبي ميرسي جميل جدا حلوه اووي ربنا يخليك ليا يا طارق
طارق :- عيوني ليكى ياحبيبتي انا هاموت واشوفه عليكي
رنا :- طيب ما تتاخرش انت قدامك كتير .
طارق انا في الطريق اهو اتصلت على آدم لسه في البيت مش عارف بيعمل ايه كل ده المهم باقولك ايه يا رنا
رنا : ايوه
طارق :- جاسر كلمني النهارده وكان عايزني وعايز منك طلب
رنا :- جاسر عايزني انا
هنا : في ايه يا رنا جاسر عايزك في ايه
رنا :- مافيش يا قلبي باتكلم مع طارق ثواني يا طارق رنا بعد شويه عن هنا هاقولي جاسر عايز ايه
طارق :- بصي يا ستي جاسر طلب مني اني اكلمك علشان تكلمي مريم علشان جاسر عايز يتكلم مع مريم في موضوع مهم
رنا :- ايه اللخبطه دي انا مش فاهمه حاجه
طارق :- انتي يعني قولي لمريم جاسر عايزك في موضوع مهم ولازم يكلمها النهارده في الحفله وياريت لو آدم ما يعرفش
رنا :- وهو جاسر هيكون عايز مريم في ايه
طارق :- لما اجي هفهمك يا روحي المهم انتي حاولي كلمي مريم وانا احاول اعطل آدم على قد ما اقدر وانتي خدي مريم علشان جاسر يعرف يكلمها
رنا :- طيب وده مش غلط
طارق :- هو انا باقولك هيكلمها في اوضه النوم
انا هريحك جاسر عايز يكلم مريم في المكتب وهتكون ملك اخت آدم موجوده جوه فهمتي
رنا :- اهاا ايوه ايوه قولي كده ... برده ما فهمتش لما تيجي بقى
طارق بغيظ :-طيب يلا بقى انا قربت شويه و هاكون عندك يا ريت اول ما اجي تيجي توريني الفستان هاموت واشوفه عليكى بحبك سلام
رنا :- بحبك باي
عند آدم
-------------
مريم لبست وجهزت وكانت عروسه بجد ولكن آدم شرط عليها ما تلبسش الحجاب ولا النقاب غير لما يلبسها الطقم
آدم :- جاهزه
مريم :- ايوه يا حبيبي خلاص اهو مستنياك ولفت ل آدم
آدم :- انتي زي القمر يا مريم بجد قمر
مريم :- بجد يعني عجبتك
آدم قرب منها ومسك ايدها وباسها :-عجبتيني بس قولي سحرتيني دوبتيني جننتيني انتي مش عارفه انت موصله قلبي فين انا بعشقك
مريم :-احم طيب احنا كده مش هنتاخر
آدم قرب وباس جبينها :-احنا متاخرين من الاول يا روحي
مريم :- بدهشه بجد انت السبب . انت السبب
آدم :- هههههه الله هو حد كان قالك تبقي جميلة
مريم بغيظ:- انت انت انا ماسكه نفسي بالعافيه منك ومن تصرفاتك وطريقتك وبعدين انت كنت نايم يعني لما خرجت من الحمام قولت انك نايم مكنتش اعرف انك نمس اوي كده
آدم : لف وشها للمرايه و حضنها من الخلف:- بصي كده في المرايه شوفي جمالك اكيد انتي بتعشقي نفسك صح
مريم : لفت ل آدم وحاوطت بايديها على رقبته:- اكيد طبعا لازم اعشقك علشان انت نفسي وقربت منه ووقفت على اطراف صوابعها وباسته من شفايفه بحبك وبعشقك انت عشقي
آدم مغمض عينيه واخدها في حضنه :- هو لازم نروح الخطوبه
مريم : هنا خرجت من حضنه:- يا نهاري يلا يا آدم بالله عليك اتاخرنا ااوي وراحت تشوف الساعه كام في الفون:- عاجبك كده ابله شيرين ورنا واشرف متصلين عليا كتير والفون صامت يلا بقى
آدم :-حاضر تعالى آدم اخدها ولبسها الطقم:- تعرفي انك حليتي الطقم اللي في رقبتك ده .
ولبسها الساعه ولبست الحجاب والنقاب
وهي لبسته الساعه ورشتله البرفان اللي هي بتعشقه واخدت هديه هنا وخرجوا وكان و آدم ساق بسرعه علشان ما يزعلش اميرته وملهمته منه
فيلا الصاوي
-------------
جاسر : طلع يجيب هنا ونزلها وكان واخد ايديها في دراعه ونازل بيها على السلم وكان عايز يبكي في اللحظه دي لانه حس ان هنا بنته مش اخته ووصلها لجنينة الفيلا ..
.. واشرف قام استقبلها واخد ايديها من جاسر وباس على ايديها في وسط كل الموجودين
ومصطفى ضحك وغمز لشيرين:- ابن ابوه مش بيفكرك بحاجه ههههه
شيرين :- كانت احلى ايام ومازالت ربنا يخليك ليا يا حبيبي
أشرف اخد هنا وقعدها وهو قعد جمبها
أشرف :- مبروك يا هنايا
هنا :- بتحاول تتشجع على قد ما تقدر:- احم الله يبارك فيك يا اشرف
اشرف :-على فكره بصيت على السما ما لقيتش القمر
هنا :-يعني ايه
أشرف :-يعني القمر نزل من السما وقاعد جمبي
هنا باحراج:- ميرسي ربنا يخليك
أشرف :-هنا انا بحبك اووي
هنا وشها احمر .. ورنا انقذتها وراحت سلمت عليهم وشيرين قامت وحضنت هنا وسلمت عليها وقدمت هديه ل هنا
في حضور كل الموجودين وكانت اسوره جميله جدا وشيرين هي اللي لبستهلها وهنا وجاسر كانوا مبسوطين جدا
آدم : وصل اخيرا وراح وماسك مريم في ايده ومش عايز يسيبها وسلم على مصطفى وعلى شيرين ورنا وسلم على محمد ولكن محمد اكتفي بهز راسه بس
ومريم حضنت شيرين
شيرين :-مريم انتي طلع النهارده زي القمر الله اكبر عليكى يا مريم
مريم :- احم يا ابله انا ماجيش في جمالك حاجه
محمد قام وحضن مريم وآدم كان غيران على مريم جدا وجت رنا سلمت عليها وكان طارق واقف بعيد عينيه على رنا ورنا كمان متابعاه باشارات
ابتسام طبعا ما سلمتش على حد وقاعده كأن ماتلها حد. . ( ربنا يهدها ان شاء الله قولوا امين)
عاصم : كان جواه نار وخمدت اول مشاف حبيبة قلبه مريم
وقف مره واحده وراح سلم على آدم علشان يشوف عيون حبيبته عن قرب
وآدم سلم عليه
آدم:- اهلا يا عاصم عامل ايه
عاصم :- الحمد لله و كانت عينيه على مريم
وآدم ملاحظه ومسك ايد مريم مره واحده
ادم:- مش هتيجي يا حبيبتي نسلم على العرسان
مريم :-يلا بينا وراحوا عند العرسان
آدم :- مبروك يا عريس
اشرف :- الله يبارك فيك ايه اتاخرتو ليه
آدم :- معلش جيت من الشغل تعبان وقولت لمريم اريح نص ساعه بس .. لكن شكلي صعبت عليها وسابتني نايم وبص ل مريم مش كده يا مريم وغمزلها سامحني بقى
أشرف :- ولا يهمك احنا لسه الحفله في اولها
مريم اتغاظت من آدم قربت على اشرف وحضنته جامد وكان آدم هينفجر بس هيعمل ايه ابن اختها بس بردو هو اكبر منها وراجل كمان
آدم بغيظ متدارى :-مبروك يا انسه هنا
هنا :- ميرسي لحضرتك
مريم سلمت على هنا:- ايه القمر ده بسم الله ما شاء الله جميله يا هنا زي القمر
هنا :- ميرسي جدا يا مريم انتي ما تعرفيش كنت محتاجالك ومحتاجه لكلامك اللي بيريحني قد ايه
مريم :- انا جمبك اهو يا قلبي وان شاء الله يوم فرحكو هابقى معاكي من الصبح
هنا :- ميرسي يا روحي
مريم :- المهم دي هديه بسيطه مني ومن آدم ليكي مريم فتحت العلبه وكان خاتم رقيق جدا وعجب اشرف وهنا
أشرف :- ليه يا مريم تعبتي نفسك انتي والاستاذ أدم
آدم :-لا تعب ولا حاجه وبعدين ياريت تمشيها آدم علشان انا لسه صغير وضحكوا
اشرف :-خلاص آدم زي ما تحب
محمد جه وسلم على أشرف وهنا وجه يمشي مريم ندهت عليه و استأذنت آدم وراحت وراه
محمد :-نعم يا مريم
مريم :- على فكره انا زعلانه منك جدا
محمد :-ليه ؟؟
مريم :- علشان آدم بيسلم عليك وانت ماردتش مش عيب ده مهما كان اكبر منك وجوز خالتك
محمد :- ببرود طيب معلش
مريم :- انت بتتكلم معايا كده ليه واضح انك ما بقتش تحبني زي الاول
محمد :-لا يا مريم انا بحبك زي الاول واكتر كمان
بس انتي عارفه اسبابي كويس اني ماردتش عليه وعلى فكره انا باكرهه
آدم جه من وراه .. وحقك وانا معاك في ده
مريم بصت ل آدم:- مش وقته
آدم مسك ايديها وباسها :-ممكن يا روحي تسيبيني مع محمد شويه ما تقلقيش وعلى فكره رنا كانت بتسأل عليكي من شويه و عايزاكي تروحيلها
مريم سابتهم وراحت ل رنا
آدم :-ها يا محمد تحب نتمشى مع بعض شويه
محمد :- ما ردش عليه
آدم :- على فكره انت في لعب الكوره مش اوي
محمد :- وانت شوفتني بلعب فين علشان تحكم عليا
آدم :-ابتسم انت بتكرهنى مش كده
محمد :- جدا
آدم :- طيب ممكن نتكلم مع بعض يمكن نوصل لحل
محمد :- حل .. حل ايه انت عارف انا بكرهك ليه انت ساومت مريم قصاد برائتي ضحت بسعادتها علشاني وعينيه دمعت كفايه انها ما فرحتش انت سرقتها مننا استخدمت نفوذك ومركزك وقدرت تاخد دليل براتي وساومتها بيه واتجوزتها في ظرف اسبوع بس ومش عايزني اكرهك
انا قولتلها ما توافقش قولتلها انا بريء ما عملتش حاجه قولتلها انا موافق اتسجن وقولتلها كمان انا هقول لعيلتي وهي رفضت وخافت عليا وعلى مستقبلي مع اني واثق اني بريئ وما عملتش حاجه
آدم :- ولو قولتلك انك بريء ولو قولتلك كمان مافيش ادله تثبت عليك التهمه ولو قولتلك اصلا احنا اخدناك كتمويه للقاتل الحقيقي علشان يطمن وكمان لو قولتلك انك كنت هتروح في نفس اليوم
محمد بص بدهشه ل آدم :-انت بتقول ايه ولو كلامك ده صح زي ما انت ما بتقول عملت فينا كده ليه
آدم :- تعالى نقعد هنا وانا هحكيلك انا عملت كده ليه ويمكن قلبك يطلع طيب زي مريم وتسامحني اقعد
محمد واقف وبيبص كتير ل آدم
آدم :- ما تقعد بقى خلينا نتكلم
محمد قعد
آدم:- بص يا محمد الحكايه بدات من اول........
------------------
مريم :- انتي بتقولي ايه يا رنا انا خايفه ل آدم يسال عليا هنقوله ايه
رنا :- بتفكير طيب بصي علشان آدم ما يتجننش عليكى انا هدخل معاكي المكتب عند جاسر وهنسمع عايز يقول ايه وهنخرج وبصت ل طارق ايه رايك يا طارق
طارق :-ما ينفعش وهنا هاتسيبوها لوحدها
رنا :-ايوه فعلا عندك حق طيب وبعدين
طارق :- مدام مريم ما تقلقيش وبعدين ملك جوه ياريت بسرعه وكمان انا هاقف قدام الباب و هاسيبه مفتوح ها ايه رايك
مريم ........
رنا :- انتي مش قولتي انك عايزه تساعدي آدم
مريم :- ايوه بس خايفه
رنا :- ما تخافيش بس انجزي علشان يقولك على كل حاجه بسرعه قبل ما آدم يجي و جتلى فكره انا هخلي عيني على آدم ولو لقيته قرب هرن عليكى تمام
مريم ..........
رنا وطارق :- ها تمام
مريم :- تمام و امري الى الله
مريم دخلت وسلمت على ملك وملك حبت مريم جدا
وجاسر شرح ل مريم كل حاجه وطلب منها ان بعد ما الكل يمشي هيا تخلي آدم يستنى وطارق كمان هيكون موجود
وندخل ونقعد في المكتب ونبدا نتكلم معاه وبعدها تخرج اخته ملك
ملك بدموع:- انا خايفه اوي يا جاسر
جاسر :- حبيبتي ما تخافيش
مريم :- ما تقلقيش ان شاء الله خير تفائلوا بالخير تجدوه
طيب يا جماعه انا هخرج قبل ما آدم يشوفني هنا وتحصل مشكله عن اذنكم
-------------
آدم حكى كل حاجه ل محمد وعلى طريقة حب آدم لمريم وانه قد ايه مدمن حاجه اسمها مريم
وهو لو كان غرضه ينتقم زي محمد ما بيقول كانت مريم هتبقي مبسوطه معه ازاي
وآدم قعد يقنع فيه لحد ما اخيرا محمد اقتنع
محمد:- يعني انت بجد بتحبها
آدم :- يا ربنا يابني دي 13 مره تسالني نفس السؤال طيب استني خليك هنا ثواني وجاي تانى
آدم قام راح جاب مريم وجه ل محمد
مريم :- ايه يا آدم ماسكني من ايدي كده ليه في ايه يا محمد حصل حاجه
آدم :- هاسالك سؤال واقولك انا بحبك قد ايه
مريم :- احم ........
آدم :- انا بسالك علشان محمد مش مقتنع ها انا بحبك قد ايه
مريم راحت ومسكت ايد محمد .
:- محمد يا حبيبي بجد آدم بيحبني اوي هو اكيد حكالك على كل اللي عملوا وده كان بدافع الحب وصدقنى آدم حبني جدا وحنين عليا فوق الوصف وانا كمان بحب آدم اكتر من نفسي
عايزه اقولك اننا عايشين في سعاده بجد انا مبسوطه معاه اوي يا محمد ولو انت سامحتوا هابقى بجد مش عايزه حاجه تاني من الدنيا غير اننا نعيش كلنا عيله واحده وبصت ل ادم لازم يا محمد اللي بيحب حد يديله فرصه تانيه علشان اللي بنحبهم يفضلوا جمبنا وفي حضننا
يا محمد ربنا بيسامح مين احنا علشان مش نسامح مريم كانت تقصد آدم وملك
وآدم حس إن مريم بتوجهله رساله
محمد حضن مريم :- انا مسامحه علشانك . علشانك انتي وبس وعلشان انتي مبسوطه
آدم شد محمد من حضن مريم :-وليه ما تسمحنيش علشان انا اخوك الكبير
وكمان ليه ما تسامحنيش علشان هقدملك في احسن نادي كوره ونشوفلك احسن مدرب يدربك
وليه متسامحنيش علشان هقدم للبت دي في كليه بدايه من السنه الجديده ها
محمد فرح اوووى علشان آدم هيشوفله احسن مدرب
ومريم كانت طايره من الفرحه علشان هتكمل تعليمها
محمد بص ل آدم كتير وآدم شد محمد لحضنه محمد :- ارجوك خلي بالك منها احنا كلنا بنحبها اوي
آدم بص ل مريم بغيظ ومريم ابتسمت عرفت ان آدم غيران من محمد:- حبيبي انت يا محمد قلبي وبس . وباسته من خده
آدم مسك ايد مريم:- اقسم بالله اشيلك دلوقتي قدامهم واحطك في العربيه واقفل عليكي لحد ما الخطوبه تخلص ايه رايك بقى
----------------
الكل راحو يتفرجوا على اشرف وهنا
أشرف لبس هنا خاتم الخطوبه وهنا لبست الدبله ل أشرف
و كانوا مبسوطين جدا وهنا كانت عايزه تجيب الكام وتصور الحفله اشرف قال لها توحد الله وتهدى كده
اشرف وهنا بيرقصو مع بعض ومحمد اخد رنا وبيرقصو مع بعض وكان طارق بيعض على ايده و اتغاظ
قام وراح سلم على مصطفى واتكلم معاه
طارق :- عمي احم ا..انا .. ا..ااانا
مصطفى :- انت ايه يابني
طارق :- قعد حوالي ربع ساعه يتهته في الكلام وخايف من رد الفعل
شيرين قاعده مبتسمه وفكرت ان رنا قالت ل طارق يجي يتقدملها
طارق :- بصراحه يعني انا عايز اطلب ايد رنا بنتك وقبل ما ترفض وانبي فكر شويه انا رائد شرطه وعندي شقه كبيره وعندي رصيد في البنك وكمان عربيه و حته ارض صغيره كده هنبني عليها فيلا محندقه بس والنبي ما ترفض
مصطفى وشيرين كاتمين الضحكه
مصطفى :- يابني هو انا هلاقي عريس لبنتي احسن منك فين وبنتي حكيتلنا عنك وانا موافق
طارق :- فكر كويس يا عمي ارجوك بس ما ترفضنيش
شيرين ضحكت:- صدقت رنا .. يابني يا حبيبي بنقولك موافقين
طارق وقف:- بجد يعني انتو.. انتو مش رفضتوني بجد موافقين يعني انا هتجوز رنا
مصطفى وشيرين:- سبحان الله جمع ووفق
طارق : -حيث كده بقى يا عمي انا معايا خاتم الخطوبه شاريه من زمان وسايبه في جيبي علشان كنت كل يوم اقول انا هتجوز رنا النهارده ممكن اخطبها انهردا وتبقى الفرحه فرحتين
مصطفى في الاول رفض ولكن شيرين اقنعته
شيرين :- المفاجات دي بتبقى جميله بعدين وبتسيب ذكرى حلوه
مصطفى:- ماشي يابني ثواني انادي ل رنا
طارق :- لا لا انا هاروحلها دلوقت ممكن
طارق جري وطلع على الاستيدج واخد المايك
طارق :- باااااااس لو سمحتو كله انتباه كده هنا شويه كل اللي كانوا بيرقصوا مستغربين وكل اللي قاعدين انتبه لطارق ومريم وآدم كمان ورنا كانت خايفه من طارق لا يكون سكران ولا حاجه
طارق بينادى :- رناااا يا رنا يا رنا
رنا خافت من ابوها ماهي ما تعرفش انه طلب ايديها
طارق :- يا رنا اه هناك اهي عايزه اقولك اني بحبك وانا دلوقت بطلب ايدك قدام الناس دي كلها انا طلبت ايدك من عمي وكمان بطلب ايدك قدام الناس ف ها بقى انتي موافقه
رنا بصت على باباها ومامتها وابوها هز راسه ليها بالموافقه و كان بيضحك
طارق كلم الناس والناس بتضحك ومبسوطين منه :-قولولها توافق والنبي انا بحبها انت يا حاج يا اللي هناك خليها توافق
رنا :- مجنون مجنون وضحكت ودمعت في نفس الوقت
وطارق ساب المايك ونزل عندها وطلع الخاتم ونزل على ركبه :- تقبلي تتجوزيني
( وهي البنت عايزه ايه غير واحد مجنون كده
رنا وافقت طبعا وطارق لبسها خاتم الخطوبه وكان عايز يحضنها ولكن خاف من رد فعل باباها وخاف عليها كمان ورقص معاها وكان سعيد جدا وكانت مريم ماسكه ايد آدم وكانت مبسوطه جدا من موقف وسقفت بايديها وكان آدم متابعها وهو عارف ان مريم نفسها في كده
أشرف وهنا . وطارق ورنا
وكانت حفله ولا في الخيال وجاسر كان مبسوط جدا من كل حاجه وكان كل شويه يدخل يطمن على ملك ويخرج وكمان موقف طارق كان نفسه يعمل كده ل ملك وكانت الحفله في منتهى الجمال
---------
عاصم عينيه رايحه جايه على مريم و كان هيتجنن ان الملف والتنازل راح عليه وكان متضايق جدا
وكان عايز يشرب ويسكر ولكن الحفله كلها عصاير
عاصم خرج من الجنينه وعمل مكالمه واتفق مع رجاله . تجيب عربيه متفيما ويستنوه عند باب الفيلا الخلفي
عاصم بعد ما خلص المكالمه واقف شويه وشايف مريم واقفه جمب آدم
وادم حاطط ايده على كتفها وكل شويه يبوسها ع ايديها وجبينها ويدللها وده جنن عاصم جدا
عاصم خرج و اتصل على ابتسام
الو :- ايوه يا عاصم انت فين بدور عليك ومش لاقياك
عاصم :-اسمعي وانتي ساكته تتصرفي وتاخدي مريم على المطبخ
ابتسام :- على المطبخ ؟!!على المطبخ ليه يا عاصم ايه اللي في دماغك؟؟؟؟
عاصم :-انا قولت اسمعي وانتى ساكته انتي دلوقتي هتاخدي مريم على المطبخ انا مجهز عربيه عند باب الفيلا الخلفي
ابتسام :- لا يا عاصم مش وقته يا بني
عاصم :- لو ما عملتيش كده انا هقتلك انتى فاهمه
ابتسام شهقت:- تقتلني . تقتل امك يا عاصم
عاصم :- واقتل الموجودين كمان انا يا قاتل يا مقتول خرجيها حالا فاهمه
انا هدخل دلوقتي هاجيبلك قورصين منوم ومخدر وتحطيهم وتشربيها عصير او اتصرفي المهم انا عايزها متخدره علشان مش عايز دوشه
وتخرجيها حالا
----------
آدم واقف هو ومريم ومبسوطين
وجت واحده خبطت في آدم بالغلط
سوزى :- او بس انا اسفه جدا حضرتك
آدم :- لا ولا يهمك محصلش حاجه
سوزي :- مين الرائد آدم
آدم بص لمريم وبصلها :-احم مش واخد بالي مين
سوزي :- انا سوزي سكرتيره جاسر بيه في الشركه مش فاكرني
آدم :- ا..ااه اهلا وسهلا عامله ايه وبص ع مريم
ومريم واقفه هتفرقع لان سوزي لابسه لبس ضيق جدا وملفت
وسوزى عجبها آدم جدا وقربت منه:- على فكره عايزه اقول لحضرتك انك جنتل مان اوي
آدم هنا بص ل مريم وكاتم الضحكه من تعابير حركات مريم
سوزي :- وكمان عايزه اقولك ريحه البرفان اللي انت حاطه تجنن
آدم شاف مريم خلاص عينيها بتتحول
آدم :- احم متشكر جدا لحضرتك.
سوزي :-هو حضرتك بطلت تيجي ليه الشركه عند جاسر بيه حرمنا ان احنا نشوفك ليه وبتتكلم بدلع
مريم شدت آدم ووقفت قدامه
مريم :- حضرتك مش شايفاني واقفه معاه
سوزي بصتلها:- سوري ما خدتش بالي
مريم :-طيب يا حبيبتي واخدتي بالك اتفضلي بقى
سوزي :- انا بس كنت بساله على ريحه البرفان
مريم:- بصي حبيبتي في هنا رجاله كتير جدا وحطين برفان برده روحي شوفيلك واحد لابس ف رقبته سلسله واسالي على البرفان اللي يعجبك
آدم كتم الضحكه ومش قادر وفي سره ايوه كدا يامريومه اديها ع بوقها ههه
سوزي :- سلسله؟!!
مريم :- ايوه يا حبيبتي سلسله وبعدين يلا يا روحي اشتري نفسك واتكلي على الله علشان مش عايزين نبوظ الفرح للناس يلا يا ماما
يلا وبعد كده لما تشوفي راجل واقف مع مراته يا ريت ما تحاوليش تدخلي بينهم علشان هتمشي وانتي مش مستريحه صدقيني هتاخدي كلام مش هيعجبك يلا يا حبيبتي
سوزي مشيت وهي متغاظه وآدم كاتم الضحكه ومريم بصتله ولفت وشها ليه وبتقلد سوزى:- انت جينتل مان اوى ولا ريحه البرفان اللي انت حاططها تجنن قلة ادب
آدم :- الله وانا مالي يا مريومه مش هي اللي بتسال على البرفان هو انا يعني اللي قولتلها تيجي وتخبط ف دومي حبيبك
مريم بصتله بشرز:- انا مش عايزه اسمع ولا كلمه وبعدين هي كانت قصده تخبط فيك بعد اذنك انا رايحه اشم هوا الواحد اتخنق وسابته ومشيت وآدم كان قلبه بيرقص من الفرحه
---------
ابتسام خافت من تهديد ابنها وراحت سلمت على مريم بعد ما عاصم جابلها المنوم والمخدر
ومريم كانت واقفه بعيد عن آدم
ابتسام :- ازيك يا مريم يا حبيبتي
مريم :- اهلا ازي حضرتك يا طنط مبروك ل هنا
ابتسام :- الله يبارك فيكي ما قولتليش الدوخه اللي كانت عندك راحت ولا لسه
مريم :- والله يا طنط مش اووي بتيجي وبتروح ميرسي على سؤالك
ابتسام :- لا لا انتي باين عليكي ضعفانه اه اسمعي مني تعالى يا حبيبتي هاجيبلك كوبايه عصير فريش كده تقويكي علشان تقدري تقفي على رجليكى
مريم :- لا ميرسي ربنا يخليكي
ابتسام :- ودي تيجي برده انتي ضيفتنا وبعدين انتي منقبه يعني الكل بره بيشرب براحته انتي يا حبة عيني تلاقيكي ما شربتش حاجه من ساعه ما جيتي تعالي . تعالي
مريم :- لا متشكره جدا صدقيني مش عاوزه
ابتسام بتمثل بزعل :-يعني هتكسفيني وانا واحده قد مامتك برده وكمان يوم ما جيتي ماكنتيش عايزه تشيلي النقاب قدامي ودلوقتي مش عايزاني اعمل معاكي واجب مع ان ربنا يعلم انا حبيتك قد ايه
مريم :-خلاص يا طنط مش قصدي والله اتفضلي انا هاجي معاكي
مريم دخلت مع ابتسام وكانت مجهزه كوبايه العصير اللي فيها منوم ومخدر اللي عاصم جابهالها وجابتها ل مريم
ابتسام :- اتفضلي يا نور عيني كوبايه عصير من ايد طنطك ابتسام حبيبتك هتخليكي زي الحصان خدي من ايدي
مريم اخدت العصير:- والله يا طنط انا تعباكي معايه
ابتسام :- ولا تعب ولا حاجه يا حبيبتي يلا اشربي يا قلبي . بالهنا--