رواية جريمة عشق
الفصل السابع عشر والثامن عشر17و18
بقلم مريم نصار
طارق رنا بتتصل عليه ومش عايز يرد عليها وخرج بسرعه من القسم وعايز يحصل آدم وركب العربيه وطار بسرعه جنونيه وخايف من اللي هيحصل ورنا بتتصل وهو قفل فونه خالص
ملك بتجري في الشارع
جاسر:- استني استني بس واخيرا حصلها
جاسر :-ممكن تقفي نتكلم
ملك ....
جاسر :- لو سمحتي ما تمشيش في الشارع معيطه كده
ملك ماشيه وما بتردش عليه
جاسر :- زعق ولاول مره في حياته:- لو سمحتي اقفي بقى هو انا بكلم نفسي بقالي 10 دقايق بجري وراكي!!!
ملك وقفت وعياطها زاد جدا
جاسر :- اهدى بقى وبطلي عياط لو سمحتي العياط مش حل كل مشكله واكيد ليها حل
ملك :- انا مشكلتي مالهاش حل انا خلاص انتهيت
جاسر :- ليه بس التشاؤم ده وحدي الله كده وهتتحل ان شاء الله ولو سمحتي بقى في كراسي هناك على البحر تعالى نقعد كده لان رجلي ورمت الجزمه جديده وديقه بيحاول يخرجها من اللي هي فيه
ملك ما ردتش
جاسر :- والله ما تخافي مني انا بس مش عارف انا ايه اللي خلاني اجري وراكي ممكن بقى نقعد وبعدين ده مكان عام
ملك :- اوكي
جاسر اخدها وقعدوا جاسر خرج من جيبه علبه مناديل وحطها ف ايديها
جاسر :- اولا انا اسف ان صوتي عالي عليكي
ملك خدت منه المناديل:- شكرا
جاسر :- ها ممكن بقى تحكيلي مالك وايه سبب عياطك وايه اللي وصل الرائد ادم انه يتعامل معاكي كده وازاي يحط ايده عليكي ممكن افهم انا كنت هدخل المكتب وأشوف في ايه لكن الرائد طارق وقفنى فياريت تحكيلى
ملك طبعا في لحظه انكسار وجاسر بيقويها وبصت لجاسر ورفعت راسها
جاسر :- ايه ده انتي متعوره في جرح هنا وشاور عليه
ملك حطت ايديها ع الجرح ...
ملك :-ده جرح بسيط مالوش اي قيمه بمقارنه الجرح اللي جوايا والجرح اللي احنا اتسببنا فيه لاخويا آدم
جاسر :- لحظه بس الرائد آدم يبقى اخوكي؟؟؟
ملك هزت راسها اه
جاسر :- مهما كان قوه الجرح وعمقه ما يدلوش الحق انه يمد ايده عليكي
ملك :- ماتحكمش عليه وانت ماعشتش ظروفه هو مجروح واحنا السبب
جاسر :- طيب ممكن تحكيلي
ملك بصت ليه:- خايفه احكيلك
جاسر :- بصي اولا انا علاقتي بالرائد آدم مش قويه اوي احنا بينا قضيه مش اكتر من كده ومعرفه بسيطه يعني صدقيني انتي لما تحكيلي هتستريحي وممكن اساعدك وكمان وممكن نلاقي حل
ملك :- استحاله استحاله يكون في حل
جاسر :- يا ستي سبيك من التشاؤم اللي انتي فيه ده واحكي و جربي مش هتخسري حاجه
ملك بيأس:- حاضر هاحكيلك
عند مريم
--------------
آدم نزل من العربيه وكان شكله باين عليه جدا ودخل من غير ما يكلم لطفي
لطفي . ربنا يستر يا آدم يابني شكلك كده قابلت خالد بيه والست ملك هاتها جمايل يا رب
آدم دخل الشقه وعيونه في كل حته عايز يرمي نفسه في حضنها
ومريم خرجت وقابلته شافت شكله واتخضت من منظر وشه
مريم :-مالك يا آدم . مالك يا حبيبي؟؟
آدم واقف مكانه و مريم هي اللي راحت لعنده
حطت اديها على قلبه وايديها التانيه على بوقها
شهقت
مريم :- ايه ده قلبك بيدق بسرعه كده وما كملتش كلامها
وآدم اترما في حضنها وبيكابر ومش عايز يعيط
ومغمض عينيه جامد ومش عايز يفتكر الماضي حضنها وما بيتكلمش
مريم فضلت تطبطب على ضهره بحنان وحضناه وهي حاسه بتعب ودوخه لانها من الصبح ما اكلتش حاجه
وهو في حضنها فتح عينيه هو بيتنهد ولسه عايز يقول لها خليكي جمبي انا ماليش غيرك
عينيه جت على صوره امه واخته و صورته على الترابيزه
والبلور كله متكسر على الارض آدم خلاص دخل جوه الظلمه من تانى
آدم خرج من حضنها وراح قعد قدام البلور
مريم خافت لانها اول مره تشوف آدم بشكله ده
مريم :- اا.. آدم ااا..اانا اسفه والله غصب عني كنت بروق البلور وقع منى واتكسرت غصب عني صدقني
آدم عينيه مفتوحه على الاخر وبتروح يمين وشمال
على البلور والصور ومش مصدق كده الجرح اتفتح كاملا وبينزف
ومريم شكلها اللي هتدفع التمن
آدم وقف وبص لمريم من غير ما يتكلم وبعدها شاور لمريم انتي عملتي ايه
مريم :- والله ما اقصد غصب عني
آدم :- عملتي ايه في امي عملتي ايه كسرتيها انتي كسرتي امي
ومسك مريم من دراعها وزقها جامد ووقعت على الارض
مريم خافت منه وقامت وجريت على اوضتها وقفلت الباب
وراح وراها وبيخبط جامد :- افتحي . افتحي يا فريال انا هقتلك كسرتي امي افتحي
مريم خافت و جريت لبست الاسدال وبتدور على النقاب
كان آدم كسر الباب ودخل عليها
مريم جريت على آدم:- اهدا انا مريم انا مراتك
آدم ضربها بالقلم و شدها من شعرها و جرجرها للصاله اللي بره
ومريم بتصوت وبتصرخ وآدم مش شايف مريم هو شايف فريال مرات ابوه
لان آدم في الضلمه دلوقتي
مريم :- اه سيبنى يا آدم انا مراتك حبيبتك يا آدم
ارجوك
آدم شدها من شعرها ووصلها لحد البلور المكسور على الارض ورماها قدامه
ادم:- فاكره يا فريال فاكره لما كسرتي صوره جوازك واتهمتي امي فيها وخالد
حط وش امي على الازاز ده وداس عليها فاكره ما تردي. . انا بقى هاعمل فيكي كده
مريم في اللحظه دي ادركت ان آدم مش شايفها
ومريم خايفه والهواء اللي حواليها بيخلص
وبتبص حواليها الموبايل على السفره وهي مش في قوه آدم
بتحاول تقرا قران بصوت مهزوز بيرتعش يمكن آدم يفوق
وبعدها نزل ع ركبه جمبها وشدها من شعرها وحط
وشها على الازاز وداس بايديه عليه ولسه هيضغط
الباب خبط جامد افتح يا آدم انا طارق افتح
مريم بتتشاهد
آدم مش سامع الباب وطارق سامع صريخ مريم
طارق هيتجنن و بيكسر في الباب ادم ضغط على ووش مريم بايديه بكل غل وكره وبعد ما الازاز عور وشها
شدها من شعرها ووقفها وكانت خلاص بتغيب عن الوعي
مريم :- اا. ادم. اا.. ادم
آدم :- انا هقتلك يا فريال هقتلك انتي وخالد
وعلا صوته:- هدفنكم هنا وكان ماسك مريم من شعرها وهي ندهت عليه واغمى عليها بعدها وهي واقفه
وزقها بعيد وقعت على الارض و متحركتش وشها فيه قطع قزاز صغيره مع دم
وفجاه طارق كسر الباب ودخل بسرعه وشاف
ما لا يحمد عقباه
راح جري على آدم:- انت عملت ايه يا مجنون وزعق:- آدم انت عملت ايه
آدم واقف بيبص على صوره امه وبص على مريم
:-هقتلك يا فريال فاهمه هقتلك
طارق شاف ان آدم مش في وعيه وبيشده جامد علشان يبعد عن مريم
وآدم زقه جامد وراح على مريم
طارق مسك آدم من الجاكيت بتاعه:- انت مجنون بتعمل ايه ها دي مراتك مش فريال فوق يا ادم فوق بقى
آدم بص لطارق وضربوا بوكس تاني
وطارق وقف متحركش لان هما لياقه بدنيه في نفس المستوى
طارق رد الضربه لادم وآدم ضربه
وطارق متغاظ منه وضربوه تاني وتالت:- فوق بقى فوق هتندم صدقني فوق. . والاتنين اتعورو
آدم مسك طارق وفاق على انه كان هيضربه بوكس تاني في وشه زق طارق بعيد ومسك المفاتيح
ومبصش على مريم وساب طارق في الشقه مع مريم وخرج
طارق بص حواليه اعمل ايه. اعمل ايه انزل وراه ولا اعمل ايه مراته معرفش اعمل فيها ايه وانا ما ينفعش اكون موجود معاها لوحدنا
طارق نزل بسرعه لعم لطفي وقاله يبعت بنته تقعد مع مريم فوق
طارق فتح فونه واتصل علي بيتر
و بلهفه:- ايوه يا بيتر
:- ايوه يا طارق مال صوتك
طارق :- مش وقته عايزك تتصل بحد بالمستشفى بتاعتك دلوقت وتبعت عربيه اسعاف مجهزه على عنوان شقه ادم بسرعه يا بيتر
بيتر قام وقف:- ايه إسعاف ليه في ايه ادم ماله
طارق :- آدم عمل مصيبه ومراته بتموت فوق في شقتها بسرعه يا بيتر
بيتر : حاضر في ثواني العربيه تكون عندك
طارق : بيتر بقولك عربيه الاسعاف يبقى فيها ممرضات ستات آدم لو عرف هيقتلني ستات يا بيتر مراته منقبه فاهم
بيتر : فاهم فاهم حاضر اقفل انت وانا هاتصل ب المستشفى
طارق قفل مع بيتر وبعدها اتصل علي رنا
رنا اول ما شافت رقمه فتحت على طول
رنا :-الو بقى كده يا طارق
طارق :- رنا مش وقته انتي تلبسي حالا وتيجي على شقه مريم فاهمه
رنا :- يا سلام يبقى عايز تصالحني عند مريم
طارق :- اصالحك ايه وهبب ايه بقولك البسي
وتعالى مريم تعبانه خالص وقبل ما تردي اوعى حد يعرف عندك في البيت فاهمه والا مش هيحصلك كويس
والله يا رنا لو امك او اخواتك وابوكي عرفو مش هاعديهالك بالساهل
رنا :- ما لها مريم يا طارق
طارق :- البسي وتعالى يا رنا قولت وما تقوليش لحد انك عند مريم اتصرفي قوليلهم اي حاجه وانك هتتاخري
رنا :- قفلت قبل ما طارق يكمل ولبست و نازله على السلم
شيرين :- ايه ي رنا نازله جري كده هاتقعي؟؟
رنا :- معلش يا ماما اصل مستعجله
شيرين :- مستعجله على ايه؟
رنا :- لو سمحتي يا ماما خليني اخرج دلوقت ولما ارجع هاحكيلك
شيرين :- ما فيش خروج غير لما اعرف رايحه فين
رنا :- لاول مره تكدب علي امها:- اصل اصل هنا .
هنا يا ماما تعبت خالص ونقلوها على المستشفى
شيرين :- لا حول ولا قوه الا بالله طيب روحي يا بنتي وطمنيني
رنا:- حاضر يا ماما
شيرين :- يا رب يا رب اشفيها واشفي كل مريض
عند مريم
------------
طارق واقف قدام شقه ادم ومش راضي يدخل وبنت عم لطفي قالتلهم انها ما بتردش خالص و متعوره ووشها كله دم طارق خايف على صاحبه وخايف على مراته
بيتر طالع على السلم جرى:- طارق في ايه وادم موبايله مقفول ليه وانت ايه اللي معورك ف وشك كده
طارق :-الاسعاف فين يا بيتر اتاخرت ليه؟
بيتر :- طالعين ورايا اهو والممرضات طلعوا شالوا مريم ونزلوا بيها
وطارق حظر الممرضات بلغه التهديد :-مش عايز اي راجل يشوفها هي منقبه
ونده على بنت لطفي اللي جابت نقاب مريم علشان الممرضات يلبسو لمريم في المستشفى والاسعاف اتحرك
واخدو مريم المستشفى
وبيتر:- يلا يا طارق هتيجي معايا ونشوف الجرح الل في وشك ده
طارق :- مفيش حاجه روح انت على المستشفى وانا هاقفل الشقه وجاي وراك
بيتر نزل
وطارق ادى فلوس لعم لطفي وقالو يصلح باب الشقه الل اتكسر
ورنا جت وهو كان مستنيها تحت وركبت معاه وتحركوا على المستشفى ورنا طول الطريق عياط
آدم سايق العربيه ووصل ل مكان بعيد ونزل من العربيه في حاله لا يرثى لها
وبدا يكلم نفسه لييبه
لييييه رجعت ليه انا بكرهك : بكرهك يا خالد كنت فين وامي محتجالك
كنت فين لما كانت تقولك انا تعبانه
وتقولها آدم ابنك عندك
كنت فين قوووووول كنت فين لما كانت عايزه تسعدك وتخلفلك عيال على حساب صحتها
كنت فين يا ظالم لما اللي انت جبتها من الشارع بتتبلى عليها راجع دلوقت لييه
راجع ليه انت سبتها تموت بين ايديا دول
انا امي ماتت بين ايديا بسببك
كنت فين لما كانت بتنام ودموعها على خدها
كنت فين لما مراتك تقولها اعملي ده وتؤمرها
وكنت فين لما جيت لحد عندك واقولك الست دى جايه تاخد فلوسك وفلوس مراتك وانت كذبتني وضربتني بالقلم قدامها وانا 20 سنه
كنت فين لما امي عينيها متعلقه بيك وتقولي بحبه يا آدم يابني وانت قلبك حجر
كنت فين كل ده انت ظلمت امي وخت نص فلوسها على طبق من دهب وسافرت واخدت اختي معاك
اخدتها عيله ومرجعهالي بنت فريال و مفكرني هقبلها راجع ليييييه
وصوت آدم كان عالى جدا وخرجت صرخه من قلبه وقال فتحت جروحي تاني ليه اااااه وآدم عيط ونزل بركبوا على الارض ونهار تماما
وخرج كل دمعه جواه كانت تعباه وبعد فتره كبيره والليل قرب يليل آدم قام من الارض وهدومه متبهدله
وراح ركب العربيه وحط راسه على الدركسيون و بيفكر
في اللي حصل ورجع راسه لورا وفرد ايده جمبه
ايده جت على شنطه وبص عليها شاف وجبات الاكل
اللي كان جايبها علشان يتغدى هو ومريم
وفي ثانيه افتكر كل حاجه وضربه لطارق
وافتكر اللي عمله وفتح عينيه ع الآخر وقال ...
مريم -----------يتبع
بقلم Mariem Nasar
الحلقه 18
#رواية_جريمه_عشق
بقلم Mariem Nasar
ملك حكت لجاسر كل حاجه لانها كانت محتاجه تحكي وجاسر اتأثر جدا وزعل علشان آدم واشفق عليه
وصعبت عليه ملك لانها كانت منهاره جدا وطلبلها عصير واخدها الصيدليه علشان تطهر الجرح
وعرض عليها يوصلها وبعد فتره من المحايلات وافقت ووصلها واخد رقم فونها علشان يطمن عليها
وملك دخلت تجري على ابوها اللي اول ما شافها وشاف وشها فسر كل اللي حصل واللي كان خايف منه
وملك حكت لباباها كل حاجه وابوها زعل جدا وشاف انه خلاص ما فيش امل ابنه يسامحه وقال خلاص انا اتكتب عليا اني اعيش وحيد
انا الل استاهل آدم وامه ماشافوش شويه علشان يسامحني بالسهوله دي
ملك طلعت اوضيتها ماسكه هديه مامتها و منهاره من العياط وحاسه انها ملهاش حد
في المستشفى
------------------
الإسعاف وصل المستشفى
وبيتر اهتم بمريم ووصي في المستشفى مفيش دكتور راجل يدخل يكشف على مريم
وفعلا الدكتوره كشفت عليها والكل منتظر بره
رنا هتموت من العياط
وطارق واقف بجمود وحاسس انه عايز يضرب ادم علشان يفوق بقى
وبيتر قلقان على آدم وخايف من اللي ممكن يحصل التلاته واقفين كل واحد سرحان وقلقان ومنتظر تقرير الدكتوره
والدكتوره خرجت وكانت رنا اول واحده تجري عليها وبعدها طارق وبيتر
رنا :- ها يا دكتوره طمنيني عليها هي كويسه وفاقت ولا لا؟؟
طارق :- اهدى يا رنا بقى خلينا نعرف وادى للدكتوره فرصه تتكلم
الدكتوره :- هي دلوقت في حاله الاغماء لانها تعرضت لحاله خوف شديده
وكمان تعرضت لضرب وفي قطع ازاز في وشها
انا اديتلها مهدئ دلوقتي و بنجهز اوضه العمليات الصغرى
لانها لازم تدخل لدكتورة التجميل وبعدها ان شاء الله هتبقى كويسه
عن اذنك بيتر بيه هاشوف غرفه العمليات جهزت ولا لا
بيتر بحزن اكتفي بهزه راسه ليها
رنا سنده على الحيطه ونزلت قعدت على الارض ب عياط هستيري
وطارق مخنوق علشانها وكان نفسه يضمها وساعدها تقوم من على الارض
طارق:- اهدى يا رنا اهدى يا حبيبتي ان شاء الله هتعدي منها وهتبقى كويسه والحمد لله انها جت على قد كده
رنا :- بصت لطارق وقامت من جمبه هتبقى كويسه!!!
كويسه ومسكت طارق من ياقه قميص :- اسمع بقى
قسما بالله لو مريم جرالها حاجه لاكون قاتله صحبك ده بايدي فاهم
وانا هخلي بابا يربيه علشان يفكر ان يمد ايده عليها ودخلت في حاله هستيريا وتزعق وتضرب في طارق وطارق واقف سايبها تخرج عصبيتها
بيتر جرى عليهم:- اهدي يا انسه رنا مش كده والحمد لله انها جت على قد كده
رنا لفت لبيتر:- جت على قد كده طبعا لازم تقوله كده
ما هو صاحبكو لازم تدافعو عنه والله العظيم لو مريم جرالها حاجه لا اعملها قضيه راي عام
وهطربقها فوق دماغ صاحبك و سابتهم وراحت قعدت وحطت وشها بين ايديها وقعدت تعيط
وطارق نفخ بديق وفى سره يا ترى أنت فين يا آدم.
آدم افتكر كل حاجه وافتكر ضربه لطارق وبرق عينيه وافتكر وهو بيضغط على راس مريم بايديه في الازاز
آدم اول مره ايديه تترعش وهو بيدور العربيه
وكان طاير وكان هيعمل اكتر من حادثه
وجري ووصل تحت البيت وطلع على السلم ما استناش الاسانسير
ووصل ووقف قدام باب الشقه و قلبه بيدق خوف ورعب
خايف يدخل بعدها فتح باب الشقه ودخل ومشي كام خطوه
وبينادي بهمس:- م..مريم . مريم
وهو بيدور عليها شاف الكرسي واقع على الارض
والدنيا متكركبه مكان الضرب اللي كان بينه وبين طارق
وعينيه جت على الارض في بقع دم عليها وماشي كانه بيجري
وحاسس ان قلبه هيطلع من مكانه من الخوف
وشاف البلور المتكسر وعليه نقط دم مكان وش مريم
آدم نزل على ركبه وبينهج وحط ايده على البلور وشاف قد ايه الازاز حاد وقاسي
بسرعه جرى على الاوضه مالقاش مريم فتح الحمام من غير ما يخبط ما لقاش مريم
دور في الشقه كلها لبسها كله موجود
فونها على السفره طيب هي فين راحت فين
ايوه ايوه طارق بيدور على فون و مش لاقيه وافتكر انه في العربيه
فتح الباب ونزل جري على السلم وقابل عمو لطفي تحت وعينيه كلها امل انه يعرف حاجه
آدم :- ع..عم لطفي . عم لطفي
لطفي بزعل على شكل آدم وزعلان منه علشان مريم
:-ايوه يا حضره الرائد آدم
ودي كانت اول مره لطفي ينده علي آدم كده لان هو اللي مربيه وما رضيش يسيبه بعد وفاه امه ..
وسفر ابوه واخته آدم مش مركز في اللي لطفي قالوا وقاله
آدم:-مراتي فين ما شفتهاش ااا.نا . انا هي كانت فوق ما تعرفش فين
لطفي بحزن:- ايوه الاسعاف جت وخدتها على المستشفى
آدم بصدمه ورجليه مش شايلاه:- اسعاف . اسعاف
ادم سابه جري على العربيه لطفي:- لحظه يا آدم بيه لحظه ولحقو
لطفى قاله هي راحت المستشفى بتاعه صاحبك وجه هنا لطارق باشا وخدوها ومشيوا
آدم ساق بسرعه جنونيه وعرف انها مستشفى بيتر
في المستشفى
----------------------بقلم Mariem Nasar
مريم خرجت من العمليات الصغرى ودخلوها غرفه ملاحظه لحد ما تفوق
رنا جريت على الدكتوره وسالتها
والدكتوره قالت الحمد لله احنا شلنا قطع القزاز اللي كانت في وشها
وكانت في قطعه قزاز قورب عينيها دي اللي تعبتنا
شويه ولولا العنايه الالهيه
كانت دخلت جوه عينيها .
وعملنا جراحه تجميليه بسيطه للجروح اللي في وشها علشان ما تسبش اثر للندبات الموجوده
مكان قطع الازاز وهي دلوقت في غرفه ملاحظه لحد ما ترجع لوعيها
وبصت لطارق وقالتله:- احنا هنستنى لما المريضه تفوق وهانسألها
واذا كان اعتداء بالضرب انا هبلغ عن الحادثه بعد اذنكم الدكتوره سبتهم ومشيت
شيرين اتصلت على رنا تطمن على هنا
و رنا شافت الرقم وطارق جمبها وهز راسه بلا ل رنا
علشان ما تقولش حاجه وقالها
طارق :- علشان خاطري ما تعرفهاش حاجه استنى لما مريم تفوق ونشوف رد فعلها ايه وبص ل رنا بترجي
ورنا فكرت تقول لامها لكن رفضت مش علشان طارق
لا علشان امها لو عرفت ممكن تتعب
ورنا ردت على شيرين و طمنتها وقالتلها ممكن ابات مع هنا لان مالهاش صحاب غيري
وبعد محاولات شيرين وافقت ان رنا تبات مع هنا اللي هي في الاصل مريم
آدم دخل المستشفى وماشي ومش عارف هو رايح
فين وشاف ممرضه جرى عليها وسالها على بيتر وهل جاب معاه حالات النهارده
والممرضه :-ايوه ايوه الحاله في الدور التالت لكن معرفش غرفه رقم كام
آدم بيجري زي المجنون ولبسه كله متبهدل والدم ف وشه
وبيدور في الدور التالت وعينيه على كل الموجودين
واخيرا لمح طارق وجري عليه بينهج
وبيتر اول ما شافه اتصدم من منظره اللي متبهدل
ووقف قدام طارق وقاله
آدم :- م .. مريم مريم كويسه صح يا طارق؟؟
طارق صعب عليه آدم لكن مخنوق منه وخايف عليه ان مريم ترفع عليه قضيه تعدي بالضرب وآدم مش حمل صدمات تانيه
آدم :- رد عليا يا طارق مريم كويسه مش كده هي فين ؟؟؟
بيتر :- اهده تعالي يا آدم
رنا قامت من مكانها وراحت لاادم
رنا :- انت ليك عين تجي هنا بعد اللي عملته فيها ليك عين يا بجاحتك يا اخي
وانت ازاي تمد ايدك عليها لا وكمان بتحاول تقتلها
آدم رجع خطوه لورا
آدم :-لا لا انا ما كانش قصدي وعمري ما افكر
رنا قطعت كلامه:- مكنش ايه .. مكنش قصدك صح
انت يا دوبك ضربتها دوست على راسها ووشها تحت منه ازاز صدق صح ما كنتش تقصد!!!!!
وزعقت جامد امال لو كان قصدك ؟؟!!!
انت تطلع من هنا وما اشوفش وشك هنا تاني
احنا غلطنا لما وفقنا عليك وما نعرفش عنك حاجه
وغلطنا اكتر لما سلمناهالك ببلاش
انت واحد عديم المسؤوليه وما نعرفش عنك حاجه
ولا نعرف اصلك مين ولا جاي منين ولا نعرف ابوك مين ولا امك مين
إحنا بعنا مريم لو احد زيك معدوم الاصل
وشاورت بصباعها في وشه :-لو مريم جرالها حاجه صدقني هقتلك بايديه دول
وماتستهونش بيا فاهم ولا تستهون بمريم
اوع تفكر
انها ضعيفه هي اقوى منك 100 مره هي وجهت اكتر من كده بس بتتصرف بعقل مش زيك وحط ده في دماغك كويس انا ممكن اخليك تلف حوالين نفسك
واتفضل بقى من هنا
طارق اتدايق من كلام رنا و شدها من دراعها:- اسكتي يا رنا
رنا :- لا مش هاسكت وان كنت انت كمان في صفوا يبقى اتفضل معاه وبعدين هو صاحبك هو اولى بيك
طارق شايف في عيون رنا غضب اول مره يشوفه
طارق:- طيب خلاص اهدي ولما مريم تفوق هنعرف ايه اللي حصل منها وآدم عايز يعرف الل حصلها بالظبط
رنا :- بجد ؟!
ولفت لادم:- هتعرف اللي حصل من مريم انا هاقوله ايه اللي حصل
اللي حصل ان مريم جت المستشفى هنا وشها غرقان دم ومغمى عليها وبفضل ادم باشا رجعتلها نوبه الخوف تاني
والقزاز اللي مغروز في وشها وكمان كان في قزاز هيدخل جوه عينيها
واتعملها عمليه تجميل وهي دلوقت تحت تاثير البنج
مريم اللي كانت في حفله امبارح وبتضحك النهارده لسه خارجه من العمليات بسبب جوزها
جوزها اللي اشتراها بالرخيص
جوزها اللي احنا وافقنا عليه وما نعرفش عنه حاجه
جوزها اللي رفض يجي يتقدملها جوزها اللي اخدها بشنطه هدومها واحنا سلمناهاله
علشان فاكرين انهم بيحبوا بعض او فاكره ان الباشا آدم بيحبها
لكن للاسف ما فيش في قلبه ذره رحمه
آدم واقف مذهول هو عمل كل ده وفي مين
في روحه في قلبه آدم رجليه مش شايلاه ورجع كام خطوه لورا وكان هيقع وطارق وبيتر سندوه
وبيتر بص لطارق بنظره معناها مش وقته عتاب ولا كلام يجرح
طارق شد رنا وقعدها على الكرسي
طارق :-علشان خاطري لو بتحبيني اسكتي دلوقتي علشان خاطري
رنا قاعده بتبص الادم نظرات ناريه وقامت وقفت قدام اوضه مريم وبتعيط
وآدم واقف مغيب
وبيتر وطارق اخدوه اوضه تانيه وبيتر جاب دكتور علشان يطهر الجرح اللي في وش آدم وطارق وقت ضربهم في بعض
الدكتور بيطهر الجرح لا آدم
وآدم حاليا مش موجود ولا حاضر معاهم وكل تركيز وتفكيره في مريم قلبه
بيتر بيتكلم معاه وآدم مش بيرد عليه ولا على طارق وخرج من الاوضه وسابهم وراح وقف قدام اوضه مريم ولكن بعيد شويه ومش عايز يحتك ب رنا
هو اصلا مش مصدق كلامها او انه يعمل كده في مريم ده حلم ايوه يا آدم انت بتحلم مريم حبيبتك في البيت
ومستنياك علشان تتغدوا مع بعض شارد كتير وبيتر طارق قلقانين عليه من سكوته
وآدم فاق على صوت الدكتوره:- الحمد لله المريضه فاقت
هنا آدم رجع لوعيه مع رجوع مريم لوعيها وقدم كام خطوه
رنا:- ممكن ادخلها يا دكتوره
الدكتوره :- اكيد اتفضلي بس ياريت الزياره يكون فيها ايجابيه لانها حاسه بالخوف
رنا هزت راسها وفتحت الباب ودخلت وسابت الباب مفتوح رنا قربت على مريم مسكت ايديها بخوف
ودموعها نازله لما شافت شكلها ووشها ملفوف بشاش وعينيها وارمه
مش دي مريم الجميله لا
ورنا عيطت في صمت مريم اول ما فتحت عينيها :-ادم ادم
ادم واقف على الباب وسامع اسمه وقلبه دق وعايز يدخل لكن بيتر وطارق منعوه
وقالوله يستنى علشان خايفين من رد فعلها اول ما تشوفه
ادم رفع راسه وبص لمريم ومش مصدق اللي هو عمله فيها
رنا :-مريم انتي كويسه يا حبيبتي حاسه بايه يا روحي
مريم :- تعبانه يا رنا جسمي كله بيوجعني
رنا بتكلمها وفجاه مريم افتكرت كل حاجه وقبضت على ايد رنا جامد
ورنا حاسه بخوفها:- اهدى يا مريم ما فيش حاجه انا جمبك
مريم :- لا يا رنا ارجوكي ماتسبنيش ارجع لعنده تاني
رنا حضنتها ومريم حضنت رنا جامد جدا مكلبشه فيها
ومنهاره تماما :- لا يا رنا مش عايزاه مش عايزه اشوفه تاني
خديني معاكي اااا.انا انا بخاف منه كان هيقتلني
كان هيقتلني يا رنا ما تسيبينيش انا مش عايزه اروح عنده تاني
خديني من هنا انا عايزه اختي انا عايزه اختي
ما تسيبينيش يا رنا الله يخليكي
انا ما ليش حد ماليش حد غيركم لوخدني عندو هيموتني
ومريم بدات ترتجف في حضن رنا
وآدم سامع كل حاجه ودخل عليها جرى وكان عايز يحضنها ورنا بصتله :- اوعا تقرب اطلع بره
ورنا ندهت على طارق بسرعه ينادي الدكتوره
ومريم لسه منهاره وبتتكلم وكلامها مش مفهوم
:-محمد ماقتلش محمد بريئ هو هيتجوزني عرفي
ضربني بالقزاز محمد ما عملش حاجه لا هو هيحرق الدليل لا يا آدم سيبني انا مراتك
ما تقولش حاجه يا محمد و عماله تتكلم والدكتوره جت واديتلها حقنه مهدئ
وآدم كان واقف وشاف وسامع الموقف وخلاص الموقف ده اتحفر جواه
مريم نامت والدكتوره خرجت
وخرجت رنا من الاوضه ورنا حالتها صعبه وطارق هيتجنن على حاله رنا
آدم مقدرش يتحمل الموقف ولا النظرات
وخرج بسرعه من المستشفى وطارق وبيتر فشلوا فى انهم يوقفوه ويرجعوا معاهم تاني
وبيتر طلب من الحارس الشخصي يمشي ورا آدم ويعرف هو رايح فين ورجعوا تاني عند مريم
الدكتوره :-ممكن اعرف انتي قولتلها ايه
رنا بشهقات والله ما قولت حاجه انا قاعده وماسكه ايديها
فجاه لقيتها ضغطت على ايدي وخافت وقالت كلام كتير وحضنتني وما كانتش عايزه تسيبني
الدكتوره هزت راسها:- واضح انها خايفه جدا والظاهر ان اللي في وشها ده مش حادثه ده نتيجه اعتداء عليها بالضرب وبكده لازم ابلغ بالحادثه
طارق اخد الدكتوره على جمب وفضل يقنع فيها وقال لها سيبي الموضوع ده لانه يرجع لمريم ولازم نعرف منها ايه اللي حصل الاول والدكتوره وافقته ومشيت
ورنا قاعده دايخه من كتر العياط وما كلتش حاجه من ساعه
ما وصلت المستشفى وطارق قال بيتر تعالى نجيب اكل علشان رنا
وبيتر لاحظ ان طارق خايف على رنا وان في رابط مشترك بينهم
وقاله لا خليك انت انا هانزل اجيب اكل و اجيبهولك واروح انا
وهاجيلك الصبح وبيتر مشي وطارق راح قعد
قدام
رنا على ركبه
طارق :- وبعدين معاكي مش هتهدى بقى انا لو اعرف انك مفتريه كده مكنتش قولتلك
رنا بتعيط ومش بترد
طارق اتجراء ومسك ايديها وباس على ايديها :-خلاص يا رنا ان شاء الله هتبقى كويسه تعالى يلا اغسلي وشك
رنا:- مش هاسيب مريم لوحدها
طارق:- خلاص روحي الحمام اللي اخر الطرقه ده وانا هقف هنا
ورنا فعلا راحت الحمام لانها محتاجه تحط راسها كلها تحت الميه علشان تفوق
بعد فتره بيتر جه و جاب لهم العشا وقال رنا هتقضي الليله مع مريم في الغرفه
وقال ل طارق لو مش عايز تروح اجهزلك غرفه جمب منهم
وطارق قال تمام انا هافضل هنا معاهم وبيتر ودعهم وقال ل رنا الف سلامه ومشي
آدم راكب في العربيه وواقف قدام البيت بعيد ومش عارف يروح فين
وبعد صمت طويل دمعه نزلت منه
و عايز يروح يشوف مريم بس خايف من رد فعلها هو كان يقدر يدخلها ومش رنا الل تمنعه
هو بس شايف انه مجرم وهو السبب في عذاب
مريم و فضل قاعد في العربيه سرحان لحد ما النهار طلع عليه
بقلم Mariem Nasar
@صباح الخير
.:صباح النور مش دي ورشه
الاسطى جمال
.. ايوه هو ويبقى ابويا بس هو مش موجود
.. دلوقتي اممم انت ابنه امممم انا عارف انه هو مش موجود انا
عايز بس اقولك ان ابوك عمل حادثه وهو دلوقت في
المستشفى ودلني على عنوان ورشته
.. ابويا ابويا جراله حاجه و عمل حادثه ازاي
.. انا اسف بس هو اللي ظهر قدام عربيتي فجاه
لكن ما تقلقش هو فاق وانا هاتكفل بكل مصاريفه
ودلوقت بقى هو عايزك تروحله هتيجي معايا
اوصلك ولا تروح لوحدك لا
... لا انا جاي معاك دلوقتي
الولد قفل ورشه ابوه ومشي وركب مع الراجل العربيه
وبعد فتره
مساء الخير يا عم جمال
جمال :- مساء النور يا طاهر انت ما تعرفش الواد زياد قفل الورشه وراح فين
طاهر :- لا يا عم جمال دي مقفوله من بدري وكنت جاي اسال عليه
ولقيتك واقف قدام الورشه دلوقتي قولت اسالك
جمال :- الله امال هيكون راح فين الواد ده
-------------
انا فين انا فين
صوت من وراه ششش
زياد :- انت مين وعايز ايه
:-انا هاقولك انا مين
وعايز ايه انت زي الشاطر تتصل ب ابوك دلوقتى
وهاتكلمه وتقوله الامانه اللي معاك تلزمني
زياد :- انت مين
:-عاصم الصاوي