رواية جعلني احبه
الفصل العشرون والحادي والعشرون20و21
بقلم ساره بكر
رغد: خلاص يا رغد رميتي كل حاجه وراه ضهرك ابدأي حياه جديده من غير دموع من غير خوف ومن غير يحيي
سليمان: اي رايك يا حبيبتي دا البيت
رغد: ما شاء الله يا عمي جميل اوي ربنا يباركلك في
سليمان: ويبارك فيكي يا حبيبتي تعالي ندخل
دخلوا البيت و رغد اعجبت بي جدا كان بيت متكون من طابقين الاول في مكتب و اوضه شبه عياده صغيره و غرفه معيشه.
الطابق التاني كان عباره عن اربع غرف
سليمان: بصي يا حبيبتي دي اوضه سلمي مقفوله علطول و دي اوضه كنان و دي بتعتي و دي بتعتك ادخلي ارتاحي يلا
رغد: انا عوزه اشوف كنان
سليمان: مبلاش يا رغد
_ لي بس يا عمي
= يعني اصل بصراحه كنان كان بيحب سلمي اوي و من بعد متوفت جتلوا شبه صدمه هو ساكت و مش بيتكلم و لو حد دخل كلموا ممكن يتعصب عليه او بيكون رافض انه يقعد مع حد اصلا و يتكلم و بيسد ودنه عشان ميسمعش
_ لا حول ولا قوة الا بالله.. طب هو الدكتور قال اي
= الدكتور قال انه دخل في صدمه و محتاج دكتور نفساني يحاول يطلعه منها وانا دكتور نفساني حولت معاه كتير بس رفض
_ طب معلش انا عوزه اني ادخله
= طيب ادخلي تعالي
دخلت رغد الاوضه..
كانت الاوضه جميله اوي بس لونها اسود و كبيره اوي و فيها العاب رياضيه و العاب قتاليه عيب الاوضه حاجه نقصها دخول الشمس علطول الستاير مقفوله و كان في شاب في غايه الوسامه قاعد علي السرير و ماسك برواز في صورتوا هو و بنوته شبهه
.. احم السلام عليكم..
..............
.. طب مش عاوز تعرف مين البتكلم ارفع عينك فيا حتي
كنان رفع عينه في عين رغد.. كان كنان في غايه الوسامه عيونه زرقه و شعرو اصفر و ابيض و رموشه تقيله و صفره و طويل و جسمه رياضي
... اااااا انا رغد بنت عمك كمال مش فاكرني
_ إزيك يا رغد عامله اي
رغد فرحت اوي انه كلمها.. انا كويسه و كمان جيا اقعد معاكوا معلش بقي هضيقوا شويه
_ تنوري
سليمان اتفاجأ جدا اني كنان اتكلم مع رغد و مخدش وقت كتير كمان و شكر ربنا..
طب احنا نسيبك يا حبيبي ترتاح و رغد كمان ترتاح ماشي
رغد استأذنت و خرجت.. اا ممكن يعمي ابات في اوضه سلمي
= ممكن يا حبيبتي بس حاجه بقي متقوليش عمي قوليلي بابا
.. ماشي يا بابا
في مصر
في بيت يحيي الأنصاري
قامت نار وكان علي سبب النار دي قدام العيله كلها
علي: انا مش فاهم يعني انتو كنتوا بتضحكوا عليا و بتقولولي احنا مش هنخلي الجوازه تتم بتضحكوا عليا هو انا عيل وانت اي برضو مظلوم
يحيي كان طول الوقت ساكت بس خلاص جاب اخرو.. اسمع يا علي انا مليش دعوه و بقولها اهو قدام العيله كلها انا مش هتجوز ريم حبا فيها لا انا هتجوزها عشان اسمع كلام ابويا و بس لكن انا مش بحب حد و عاوز تصدق صدق مش عاوز برحتك متفرقش لكن متجبش سيرتي تاني فاهم يا علي
علي: .. اهو هو بنفسوا بيقول انه مش بيحبها الله يبقي اي لزمتوا بقي
دياب: يعني انت عاوز اي دلوقتي يا علي
علي: الجوازه دي متمش و اختارو حل من الاتنين يا الجوازه تتم يا انا اسيب البيت
سليم طبعه زي طبع يحيي بيسكت يسكت لكن لما يجيب اخرو بيتصرف بانفعال..
سليم سكت علي بكف..
اي انت نسيت نفسك انت عيل اي هتلوي درعنا ولا اي لا انا ميتلويش دراعي و الجوازه هتم يا علي
علي بكل جمود.. و انا هسيب البيت
يحيي: علي فوق بقي انت عبيط اي الانتا بتقولوا دا
سليم: يبقي تلم هدومك و مشوفش وشك في البيت يلا
امينه: سليم اي الانتا بتعملوا دا
سليم: انا معملتش حاجه ابنك العمل
علي طلع الاوضه و يحيي طلع وراه و ريم طلعت اوضتها و ندي معاها
في اوضه ريم
ندي: خلاص يا ريم بطلي عياط ارجوكي كفايه
ريم: انا السبب انا السبب
ندي: طب لي وفقتي من الاول
ريم: عشان بابا و عشان واثقه اني يحيي مش هيقرب مني و هيفهم اني بحب غيرو و الانا كنت مستنيا سبني
ندي: بصراحه انتي معاكي حق عشان لو مكنش يحيي و كان حد تاني الله اعلم كان اي الممكن يحصل
ريم: طب تعالي ندخل لعلي نقولوا يفضل في البيت
في اوضه علي
علي طلع و كان بيلم هدومه فعلا
يحيي: يا ابني افهم والله انا مش بحب ريم وهي كمان و صدقني فتره و هطلقها
علي: طب لي مترفض الجوازه و خلاص يعني تكون مطلقه دا حلو ولا عشان مش اختك
= لا علي فكره ريم اختي وانا بحبها و بخاف عليها
_ لو كنت بتخاف عليها صحيح كنت قولت لا مبتحبنيش انا بتحب صحبي و صحبي هيتقدملها بدل متكسر قلبها و تكسر قلب صحبك لدرجه انه ساب البلد كلها
ريم ادخلت فالكلام.. عمر سافر راح فين وانت عرفت من اين
علي: روحتلوا انهاردا عشان افهم هو متقدمش لي و اكتشفت انه اتقدم بس ابوكي رفض و لقيتوا لم هدومه و قالي هسافر السعودية انا وامي هيقعد في مصر كام يوم و بعدين هيسافر يعني خلاص مفيش امل فا عمر بسببكوا
ريم دموعها نزلت علي فراق حببها و مقدرتش تكلم و ندي كانت بتهدي فيها
يحيي: طب اسمعني انا هكلم عمر و هفهموا اني الجوازه دي علي ورق بس و اني هطلقها و ممكن يتقدملها تاني بس ولا نزعل ابويا ولا نزعل ابوك اي رايك
علي: انا مليش دعوه انا كده كده ماشي
يحيي: يعني مش هتغير رايك
علي: لا مش هغير انا ابويا ضربني و اختار اني امشي من البيت عشان الجوازه يبقي مبروك عليكوا الجوازه بقي
يحيي و ريم خرجوا من الاوضه بعد مفشلوا انهم يقنعوا علي انه يقعد
ندي: يعني خلاص قررت انك تسيب البيت
_ اه و يلا لو عوزه تيجي معايا
= لا بجد كتر خيرك انت بتخيرني
_ ندي انا مش فايق علي فكره
= هو انت بجد كده ازاي انت لدرجادي مش معتبرني فحياتك انت قررت انك تسيب البيت و مشوفتش قرارك دا في خير ليا ولا لا اذا كنت اصلا حسبني من حسباتك
_ اه ي ندي انا مش حسبك من حسباتي عشان بقولك اهو مش معتبرك حاجه في حياتي اصلا انتي عقاب بتعاقب بي عمرك شوفتي حد بيحب العقاب و انتي اصلا هتيجي معايا يلا حضري شنطتك
ندي الكلام قطع قلبها هو ازاي بيقول الكلام دا كده عادي و بكل جمود.. انا مش هسيب قنا يا علي لو عاوز تمشي انت امشي لوحدك لكن انا مش هاجي معاك و قبل متمشي طلقني
علي: انتي بتكلمي معايا كده و مش همك طب انا بقي مش هطلقك انتي هتفضلي كده علي زمتي
ندي: انت شيفني عقاب ليكي انا بقي شيفاك زنب و هفضل استغفر عمري كله عليه...
و سابت علي و نزلت تحت
تحت كانوا كلهم قعدين مستنين علي هيمشي ولا مجرد كلام زي كل مره
دياب: ينفع الانت عملتوا دا قدامي كده من غبر متحترمني
سليم: انا اسف يا خوي بس اتعصبت
دياب: انا مش عارف هتفضل كده لحد امتي لما تتنرفز متشوفش جدامك و يحيي طلعلك بظبط
سليم: طبع يا خوي و عمره مهيتغير بيطلع مع طلوع الروح
علي نزل و معاه شنطتوا كلهم اتفجاو مكنوش يتوقعوا خالص انه يمشي
علي: انا حضرت شنطتي و ماشي و مش راجع تاني
دياب: علي هو الكلام جد ولا اي طلع الشنط دي يلا
علي: لا مش هطلع انا قولت كلمه و همشي كلامي انا هقعد الجوازه تقف
سليم: يبقي اطلع بره و مشوفش وشك يلا احنا درعنا مش بيتلوي يلا بره
علي: انا ماشي هتيجي معايا انا مش راجع فكري
ندي: قولتلك انا مش هسيب البيت
علي: يبقي مع الف سلامه
امينه بدموع اقعد يا علي عشان خاطري متوجعش قلبي عليك
علي: هكلمك كل يوم معلش اعتبريني لسه بدرس اشوف وشك بخير
علي القرار الاخدو كان صعب علي الكل و عليه هو كمان ازاي يسيب بيتوا و عيلتوا ازاي و من بعد مكان بيت كبير البلد في ضحك و هزار بين الاخوات بقي في نكد و زعل......
في امريكا
_________
رغد غيرت هدومها و اتوضت و صلت و قعدت تقراء وردها و خلصت و بدات تسبح.. عمها خبط عليها
سليمان: رغد يلا عشان الفطار جاهز
رغد: ماشي يا عم اقصد يا بابا
علي السفره
رغد: امال كنان مجاش لي
سليمان: دخلتلوا قالي مليش نفس
رغد: هو اخر مره اكل فيها امتا
سليمان: تقريبا امبارح
رغد: طب انا هطلع اجيبوا
في اوضه كنان
رغد: هو انت زعلان من وجودي ولا اي
كنان: لي بتقولي كده
رغد: اصلك يعني مش عاوز تفطر معايا لو مضيقاك انا ممكن مفطرش و افضل جعانه عادي
كنان: لا والله انا بس بصراحه مش عاوز اضيقك عشان انتي محجبه و كده ف انك يعني تكوني برحتك و انا اصلا مش جعان
رغد: لا انا كده كده متعوده اقعد بالحجاب و بعدين انت مش جعان خلاص انا كمان مش جعانه هاااا يارب سامحني عشان انا جعانه هاااا
كنان: طب خلاص تعالي و هنزل معاكي يلا
رغد فرحت اني كنان بيسمع كلامها و نزل معاها و فطرو مع بعض و كانت رغد قصده انها تكلم كنان في اي حاجه عشان تفرح عمها انه بيقي يتكلم و حست بالسعاده من تاني
علي وصل الشقه بتعتوا و دخل و كلم ريم عشان يطمنها انه وصل و عشان يطمن علي ندي اي اخبارها
_________________________
ندي من بعد معلي مشي طلعت الاوضه و قعدت تعيط..
هو لي بيعمل معايا كده هو انا عملتلوا اي لي ديما بيحب يكسفني بس فالاول و في الاخر انا الغلطانه اني قبلت بالجوزاه اصلا كنت المفروض ارفض بس يا علي انا مش هوقف حياتي عليك بالعكس انا كده كده في المدرسه و هتعلم و هشغل نفسي بيعيد عنك و هعتبرك زنب فعلا و هستغفر عليه عمري.. و مسحت دموعها و قامت عشان تشوف هتعمل اي
___________________________
بعد مرور شهرين
يحيي من بعد ما ابوه تعب و بقي هو اليشوف امور البلد و لو في اي مشكله بيحلها و بدأ يشوف حياتوا بجد
___________________
ريم كان صعب عليها اني رغد سافرت و متعرفش هي فين و كمان عمر سافر و متعرفش هيرجع ولا لا و بقت ديما في زعل و حددو كتب كتبها علي يحيي اخر الاسبوع و الفرح الاسبوع البعدو بس هي رفضت تعمل فرح و هتكتب الكتاب بس
___________________
ندي كانت بتشوف امور البيت و المدرسه وكانت شاطره اوي بس علي وحشها هو اه كان بيرن عليها كتير بس هي مكنتش بترود و بتقول انها نيما
__________________________
علي اشتغل في عياده بيطريه و بدأ انه يشغل نفسوا عشان بدات امه و ابوه و ريم يوحشوا وكان بيكلمهم علي طول و حس فعلا انه ميقدرش يعيش من غير ندي هي اه طفله و زنانه بس بتحلي المكان البتكون في وكان بيكلمها بس هي مش بترد عليه ودا كان معصبوا اوي
________________________
رغد بقي سمعت كلام عمها و فعلا شافت حياتها و مستقبلها و قربت اوي من كنان حست انه اخوها بجد و كانت ديما بتكلموا عشان تخرجوا من حزنه علي اخته و كانت بتخلي يزكرلها فيزياء عشان كانت صعبه عليها بس كانت في حاجه مضيقاها انها بعيد عن ريم صعب اني اتنين يكونوا مع بعض ديما و يتفرقوا بسهوله كده
_________________________
سليمان حس اني ربنا عوضه عن بنته الماتت با رغد و كان بيشكر ربنا ديما
_________________________
كنان كان فرحان بي رغد اوي و اتعلق بيها و حس اني اخته سلمي رجعت تاني و كان بيذاكرلها و بيعملها حاجات تشربها و هي بتذاكر و بدأ انه يرجع الكليه بتعتوا... هو في كليه فنون جميله
_________________________
عدت الايام بسرعه و الحال زي مهو علي الابطال و جه يوم كتب الكتاب
المأذون.. بارك الله لكم و بارك عليكم و جمع بينكم في خير
دياب: مبروك يا ولدي الف مبروك
يحيي: الله يبارك فيك يا ابوي
سليم: مبروك يا حبيبي
يحيي: الله يبارك فيك يا ابوي برضو
دياب: ههههههه فعلا هو اصلا الابوك
صابرين: مبروك يا ريم
ريم: علي اي يا مرات عمي ابقي قولهالي لما انجح احسن
ندي: هو علي مكلمكيش
ريم: لا لي
ندي: هو عارف يعني اني انهاردا كتب الكتاب
ريم: تقريبا لا
دياب: يلا يا عريس خد مراتك و اطلعوا فوج
يحيي: ماشي يا ابوي
و اخد يحيي ريم و طلع الاوضه...
__________________________
في شقه علي
علي كان نايم صحي علي صوت رن الجرس
علي: ايوا ايوااااااا الله جاي اهو
علي فتح الباب و اتصدم
لا انا كده اتاكدت انكوا بتتفعلوا جبراً خاطر و انا المفروض ازعل و منزلش الروايه بس انا هنزلها 🥹
#جعلني_احبه
بقلم/ ساره بكر
الفصل الواحد و العشرون
في شقه علي
علي كان نايم و صحي علي صوت رن الجرس
علي: ايواا ايوااااااا الله جاي اهو... علي فتح الباب و اتصدم من الشافوا
_ انت انت هنا ازاي و بتعمل اي
يحيي: انا هنا زي الناس و بعدين المفتاح مش عاوز يفتح لي
_ عشان غيرت الكلاون .. المهم متغيرش الموضوع انت هنا لي جاي لي
= اي مش عجبك امشي
_ مقصدش.. و كمل بقي الكلام بترياق اصل انت عريس هو في عريس يسيب عروسته يوم الفرح برضو ولا تكون جاي تعزمني علي الفرح بس دلوقتي الساعه 12 اكيد الفرح خلص
= يحيي دخل و قفل الباب
_ انت دخلت و بتقفل الباب لي
= عشان لو مسكتك ضربتك محدش يسمعنا و اكون برحتي
_ علي بزعيق.. والله وانا بقي هسكتلك لما تضربني صح لا يا حبيبي
= يحيي بنرفزه.. علي اسمع بقي الكلمتين الجيبني عشان اتزفت و اقولهم و اغور من هنا انا من ساعت مدخلت وانت مبطلتش كلام يسم البدن اسمعني بقي
_ علي ببرود اتفضل قدامك نص ساعه اظن ممكن تقول 10 كلمات مش اتنين بس
= ابو برودك يا اخي... بعدها اخد نفس عميق و بدأ انه يتكلم
اسمع يا علي انا اه اتقدمت لرغد و رفضت و انا بعدها زعلت اوي عشان كنت بحبها بجد و بعدها سافرت و انا كنت تقريبا بموت لما عرفت الخبر دا عشان لو كانت هنا كان ممكن يكون في امل انها توافق عليا لكن دلوقتي بعدت خالص و مش رجعه تاني و ابويا زي منتا عارف عندو القلب و انا ديما كنت معرضه في كل حاجه و قبل كده اختار ليا نجلاء بنت التاجر سيد عبد الرازق عشان اتجوزها وانا رفضت و زعقت جامد معاه و لقيتوا بيقولي اني اتجوز ريم انا قولت هوافق عشان هو ميزعلش و كنت متاكد اني ريم هترفض عشان عمر بس استغربت موافقت ريم
_ علي قطع يحيي في الكلام.. عشان هي غبيه و بسبب العملتوا دا عمر سافر و مش راجع تاني انا مش فاهم هي لي عملت كده
= لا يا علي هي مش غبيه هي فكرت صح لما راحت لعمر كان متعصب و كمان انا و هو اتخنقنا ولما هي كلمتوا اتعصب عليها و طردها من بيتوا ولما رجعت كانت منهاره وانا دخلت و كلمتها
فلاش باااااااااااك
ريم رجعت من عند عمر و كانت منهاره بمعني الكلمه دخلت اوضتها و قعدت تعيط و قطعها عن العياط صوت خبط علي الباب.. مسحت دموعها بسرعه و اذنت للطارق يدخل
يحيي: مالك يا ريم
_ مفيش حاجه يا يحيي انا كويسه اهو
= متكدبيش عليا يا ريم انا كنت بره و راجع البيت شوفتك واقف و بتعيطي قدام الباب قوليلي اي الحصل
_ ريم بدموع عمر يا يحيي..... و قصت ريم ما دار بينها و بين عمر
= طيب بصي يا ريم انا عندي خطه و هي انك ترفضي الجوازه تماماً مهما حصل و انا هروح لعمر و اقوله الحقيقه
_ تمم بس لو عمر رفض انو يسمعك هنعمل اي
= في الحاله دي اي حاجه تانيه تحصل توفقي علي الجوازه وانا اوعدك انك هتفضلي اختي حتي لو اتجوزنا الف سنه انتي اختي وبس
_ طيب ولي نتجوز اصلا
= عشان انتي مش هترضي تجوزي حد غيرو و اكيد هيتقدملك حد تاني و ساعتها اهلك هيوفقوا و محدش يقدر يقول لا
_ ف احنا نتجوز فتره يعني و بعدين نطلاق
= ايوااااا
باااااااااااك
_ بس شوفت بقي
= خطه غبيه انت تضمن من اين اني عمر يرجع وان رجع ممكن يرجع متجوز
_ لا حب ريم ساكن فقلب عمر ريم واخده مكان و هيفضل المكان دا ليها هي وبس و حتي ان رجع متجوز هي هتقدم في الكليه و ممكن تحب حد و يحبها
= انا معاك في اي كلمه تمام بس برضو هتكون مطلقه يبني
_ لو عمر او غيرو انا هقعد و اتكلم معاهم و هيعرفوا انها لسه بنت
= ماشي يا يحيي
_ طب اي مش هترجع معايا عشان خاطر ابوك و امك حتي انت اهو عرفت الحقيقه ابوك زعلان ديمان و امك نفسها تشوفك
= خلاص يا زنان انت بتزن اكتر من ندي.. هاجي معاك بكره يلا قوم ادخل و انا كمان هدخل
_ ماشي يلا تصبح على خير
في امريكا
____________
كنان: رغد كفايا مذاكره بقي
رغد: لا يا كنان دي هي سنه الهتحدد مستقبلي
_ دا انتي رخمه اووي
رغد برفع حاجب.. نعم
_ لا لا يارغد مش انتي دي واحده بتنفسني علي السوشيل ميديا
= رغد رسامه برضو
_ اه بتنزل صور حاجات بترسمها و فيديوهات ليها وهي بترسم
= لا انا اجي اتفرج و اعرف مين البتنفسك كده
_ لا مش بتنزل صور ليها حتي الفيديوهات اديها بس بصي
= ما شاء الله رسمها حلو اوي هي اسمها اي
_ اسمها هاجر الديب من قنا تعرفيها
= هاجر.. و افتكرت رغد هاجر و ندي و طبعا ريم... خرجها من شرودها صوت كنان..
_ يبنتي روحتي فين
= معاك اهو بس انت مضايق منها لي
_ انتي مش شايفه كميت الكومنتات علي رسومتها
= طيب ربنا يوفقها انا هقوم اذاكر تاني
_ قومي قومي
______________________
في قنا
________
في بيت يحيي الأنصاري
صابرين: امينه هو احنا هنعمل فطار ليحيي و ريم وكده ولا اي
دياب: امااال مش عرسان ولا اي من الجصول اننا نعمل الوكل و يطلع لحد بابا الجوضه
صابرين: حااضر يا خويا هنعمل
صابرين و امينه دخلوا المطبخ يعملوا الاكل
في المطبخ
صابرين: هي ندي راحت المدرسه يا امينه
امينه: اه ربنا معاها يارب
صابرين: اه والله البت يعيني فحته نفسها الصبح في المدرسه و بليل في البيت هنا و ابنك دا معلش يعني معندوش دم
آمينه: فعلا معندوش دم عشان يبقي ابوه و امه و مراتوا و كل الفي البيت قلقنين عليه و هو ولا هنا
صابرين: معلش ان شاءالله هيرجع... طب نعملهم اي فطير و كده ولا اي
امينه: انتي مفكراهم عرسان بجد
صابرين: امال اي هما مش عرسان
امينه: ابنك خرج في نص الليل او بظبط بعد ما الفرح خلص خرج من الباب الهنا و ريم خرجت من الاوضه نامت في اوضتها
صابرين: يالهوي لو دياب او سليم عرفوا هيعملوا اي
امينه: ربنا يستر ياارب
_____________________
في الصاله بره
دياب: مالك يا خوي فيكي اي بس
سليم: في كتير يا اخوي والله في....
دياب: سكت لي
سليم: مهو اصل انا غبي المفروض مجولكش اصلا
دياب: لي يعني
سليم: عشان انت عندك الجلب لو جولتلك حاجه و طبيت ساكت فيها اعمل اي انا
دياب: يخربيت الزلط الفي لسانك انت وبني المهم جول في اي متخفش اخوك حديد
سليم: كل البهايم تعبانه و جبنا دكاترة كتيير بس متحسنوش الحيوان علي كان هو البيعرف يعلاجهم بس مش عاوز يرجع..
قطع علي سليم في الكلام ... لا ما الحيوان علي رجع يا حاج
علي دخل و حضن ابوه و حضن عمه
علي: عاملين اي وحشني جدا وو ملحقش يكمل كلامه لان كف دياب كان اسبق منه.... .. ااه في اي يا عمي
دياب: مهما يحصل في البيت ميحجلقش انك تسيبوا ابداا دا بيتنا و لازم نفضل في مهما حصل
علي: ماشي يا عمي انا اسف مش هعمل كده تاني
سليم: وانت خرجت ميتا يا يحيي
يحيي: انا ااه خرجت
علي لحق يحيي.. دا خرج اصبح عشان جه يدوبك فطرنا و جينا علي طول
يحيي: كمل الكدب مع علي اه انا روحت قومته من علي السرير حتي اكلنا في الطريق
علي و يحيي بصو لبعض و ضخكوا و افتكرو زمان لما علي كان بيكدب و يحيي يكمل معاه الكدب من غير اي اتفاق بينهم
علي: واحد صفر ليك يا وحش انا لحقتك
يحيي: واحد صفر ليا انا يبني قول واحد الف واحد مليون حاجه كده يعني
في المطبخ
امينه: صابرين انا سمعه صوت علي
صابرين: اه تصدقي طب تعالي نخرج
خرجوا من المطبخ و اتفجاو بي علي و يحيي قعدين و بيتكلموا و يضحكوا
امينه: وحشتني اوي اوي يا علي
علي: وانتي كمان يا امي والله
صابرين: مدام علي جه يبقي نقعد كلنا و نفطر سوه
سليم: صوح حتي بجالنا كتير مش بناكل مع بعض
دياب: طب اطلع صحي مرتك يا يحيي
يحيي: اااااا
علي: تعالي يا يحيي وانا هطلع معاك و افجاها اني جيت
طلعوا الاتنين عشان يصحوا ريم
يحيي: ادخل انت يا علي صحيها هي في اوضتها عشان لو كانت بشعرها او حاجه وانا هدخل اغير هدومي دي
علي دخل اوضت ريم كانت نيما صحاها برحه و اول ماشفتوا حضنتوا... علي وحشتني متسبناش تاني هااا
علي: مش هسبكوا تاني بطلي عياط و يلا قومي عشان نفطر يلا
ريم نزلت تفطر معاهم وكانت القاعده حلوه اوي
ريم:طب يجماعه اسبكوا انا عشان اطلع اذاكر اخر الشهر الامتحانات و انا عوزه ادخل الكليه
سليم: كليه اي وكلام فارغ اي عوزه اي من العلام انتي اتجوزتي و في عصمت راجل
يحيي: بعد اذنك يا عمي انا وهي متفقين علي كده
دياب: خلاص يا خوي متوجعش راسك هما اجده او اجده متفجين مع بعض
سليم: ماشي انا هجوم اشوف شغلي هتيجي معايا يا اخوي
دياب: يلا سلام عليكم ... متجيش المزرعه انهاردا يا علي خليك لبكره يا ولدي هاا
علي: حاضر يا عمي
قدام مدرسه التمريض
__________________
ندي خرجت من المدرسه لقت شاب واقف علي الباب و اتعودت علي نفس السوال البيسالوا ديما
امير: مدام ندي
ندي: نعم
امير: لسه متعرفيش رغد راحت فين
ندي: لاخر مره هقولها رغد سافرت سافرت و انا معرفش هتيجي امتا و لو سمحت وقفتك معايا كل يوم دي هتجبلي مشاكل انا واحده متجوزه و اعتقد قنا كلها عارفه انا متجوزه مين فايلريت دي تكون اخر مره توقفني تاني فاهم
امير:انا اسف بجد مكنتش اعرف اني هسببلك مشاكل كده
ندي: اصل احنا هنا مش في مصر حضرتك بعد اذنك بقي
امير: اتفضلي.... اوووف اي دا الله يكون في عونك يا علي
امير..... امير زميل عمر في الشغل من مصر بس ظروف شغله جابتوا قنا كان عند عمر مره و شاف رغد و اتقدملها بس هي رفضت ومن بعدها و هو حالف انو يحصل عليها باي طريقه
ندي كانت مشيا وكانت حسه بحاجه غريبه احساس غريب اول مره تحسوا كانت بتحسوا لما كان علي معاها بس دلوقتي هو مش موجود قعدت تذكر ربنا لحد موصلت البيت.
ريم كانت قاعده تذاكر في الجنينه بتاعت البيت وصل علي الفون بتعها رسلتين اول واحده زعلتها بس خوفتها اكتر
وكانت
(ريم انتي فاكره عشان اتجوزتي يحيي خلاص هربتي مني لا يا ريم انتي بتعتي انا انا بسببك بتعذب يعني لما عمر سافر قولت خلاص هتبقي ليا يجي يحيي و ياخدك بس انا بقولك اهو هتكوني بتعتي في يوم ولو مطلقتيش هتترملي )
مجنون ريم
كانت لسه هترمي الفون بس لقت رساله تانيه من رقم غريب مش مصري بس الرساله دي رجعت البهجه تاني علي قلبها
كانت
( ريم انا عارفه و متاكده انك اكيد عوزه تقتليني بس والله كان غصب عني اي حاجه حصلت عوزه اقولك اني خرجت من البلد غصب عني انا اه انا القولت اخرج بس حصل حاجه خلتني مقعدش فيها تاني و ااه مقولتلكيش عشان لو كنتي عيطي او قولتي كلمه كده او كده كنت بجد هموت زي منا بموت عشان بعيد عنك دلوقتي عارفه اكتشفت اني الحياه صعبه من غيرك يا هبله كنتي بتحلي الوقت دا رقمي و هكلمك عليه علي طول بس متقوليش لاي حد اني بكلمك لو سمحتيني يا حبيبتي ردي عليا بالقلب الابيض لو لسه زعلانه القلب الاسود )
.... رغد
ريم رجعت تضحك تاني و فرحت اوي اني رغد كلمتها و ردت عليها فوراً.....
ندي: اي الضحك دا كلو
ريم :ندي تصوري اي الحصل
ندي:هو علي جه
ريم:ايوااا جه و كمان رغد كلمتني انهاردا انا فرحانه اوي
ندي: بجد طب هي عامله اي سلميلي عليها
ريم: ماشي اطلعي غيري هدوك و تعالي تاني
ندي: ماشي.. ااه متقوليش لرغد علي موضوع امير انتي عارفه ممكن تزعل
ريم: ماشي متقلقيش
ندي: هطلع اغير و انزل احكيلك
طلعت ندي الاوضه و كان قلبها بيدق دخلت... كان علي قاعد علي السرير و اول مهي دخلت ضحك
ندي دخلت شافتوا ولا حتي رمت عليه السلام دخلت اخدت الهدوم و دخلت الحمام تغير
علي: اي دا هو انا شفاف ولا اي.. و قام وقف علي بابا الحمام
خرجت ندي اتخضت منه انو واقف علي الباب بس برضو مهتمتش و راحت تتسرح
علي: هو انتي مش شيفاني ولا بتستهبلي
ندي ببرووود.. لا شيفاك بس عادي يعني اعمل اي
علي: لما واحده جوزها يغيب عنها شهر او اكتر اول لما تشوفه تعمل اي
ندي: لا والله معرفش.. و رجعت تسرح شعرها تاني
علي: يعني المفروض تجري عليا تخديني بالحضن تبوسيني من هنا و من هنا اعملي اي منظر
ندي:لي هو احنا بنموت في بعض اوي كده دا انا عقاب ليكي وانت ذنب ليا
علي رفع حوجبه..... ذنب
ندي: اه ذنب... و ملحقتش تكمل كلامها بسبب حضن علي ليها..
ذنب بي ذنب بقي
ندي كانت فرحانه اوي
علي سبها.. اهو كده انتي شاطره يا عقابي.. و سبها و نزل
وهي غيرت و نزلت وراه
في امريكا
___________
سليمان: لا يا رغد الانتي عوزاه دا مستحيل فاهمه مستحيل مش هيحصل ابدا
رغد: لي يا عمي انا موافقه لي لا يعني
سليمان: هو انتي بتتكلمي و خلاص يا بنتي افهمي افهمي دي حياه مش ساهله فكري
رغد: انا فكرت جدااا و موافقه و كنان كمان موافق علي فكره
سليمان: ااه انتو اتفقتوا انتو الاتنين و جين عشان ننفذ و انت يا عم كنان انت ازاي موافق
كنان: اي اليخليني موافقش وهي صحبه الشأن موافقه علي فكره محدش غصبها
سليمان: رغد فكري دي هتكون حياه فاهمه حياه
رغد: انا فكرت و موافقه وافق انت عشان خاطري بقي والنبي
سليمان: خلااااااااااااص موافق