رواية جريمة عشق
الفصل الثالث والرابع3و4
بقلم مريم نصار
رنا:-يلا يا مريم كل ده في الحمام هو انتي جبتي الاكل من بره وبتاكليه جوه ولا ايه؟
هنا رنا قطعت افكار مريم ورجعت للواقع
مريم :-ثواني وخارجه يا رنا اهو
لبست وخرجت ونزلت هي ورنا
اشرف :-ست الكل عامله ايه
شيرين:- بخير يا حبيبي حمد لله على سلامتك
اشرف :-الله يسلمك يا حبيبي
رنا :-اشرف باقولك
اشرف :- قولي؟
رنا :- اطلع هات الاكل من بتاع الدليفرى بره علشان انا واقعه ولو ما كلتش دلوقتي هاعمل جنايه.
اشرف:-انا نفسي اعرف الاكل ده بتوديه فين حد غيرك كان زمانه ما دخلش من الباب!!!
رنا :هيهيهي ظريف.
اشرف:-جاب الاكل وكلهم قاعدين علشان ياكلوا
شيرين :-اطلع يا اشرف صحي محمد علشان ينزل يتغدى
اشرف :-حاضر
مريم :-تعالي يااشرف اتغدى محمد قال سيبوني انام شويه علشان اصحى اذاكر شويه وبعدها العب في جنينة الفيلا
شيرين:-انا مش عارفه كوره ايه دي ده ولا الادمان بالنسباله!!
مريم :-الكوره حلوه ورياضه جميله في نفس الوقت ...خليه يمكن يحقق حلمه ويكون لاعب كوره كبير.
اشرف:-يعني اصحيه ولا لا؟
شيرين:-خلاص سيبه براحته
مريم بتمثل انها كويسه وبتاكل علشان ما حدش يلاحظ
رنا :-مالك؟
مريم : ........
رنا :-مريم مالك؟؟؟
مريم :-ما لي في ايه ما فيش حاجه
رنا :-انتي اه خالتي بس ما تنسيش اننا في سن بعض وعرفاكى كويس
مريم :-لا انا اكبر منك ب سنه
رنا :-لا بجد في ايه مالك حساكي متغيره؟؟!!
مريم :-ما فيش حاجه بس راسي مصدعه من ساعه ما رحت اجيب محمد من القس.؟...احممم الملعب.
رنا :-متاكده يا مريم انك كويسه؟؟؟
مريم:-ما تقلقيش عليا. وبعدين هو انتي مش جعانه كلي وانتي ساكته
عند آدم ...
-------------Mariam Nasar
آدم سرحان في المكتب وبيفكر بافكار كتيره ومتلخبطه و حابب نفسه وساعات يكره نفسه وقاعد يلوم نفسه انت من امتى كده ومن امتى بتستغل ضعف البنات انت اصلا ما بتحبش البنات وبتكرهم ده حتى صاحب عمرك مسميك عدو البنات
من امتى يا آدم ... من امتى وانت كده ازاي تطلب منها كده وليه واشمعنا هي بالذات للحظه آدم افتكر عينيها وشعرها وجمالها ومن ساعتها اقسم انها تكون ملكيه خاصه ليه وبس
ووقف مره واحده
:- ايوه صح اللي انا طلبته منها ده هو الصح و هتعمله ورجليها فوق رقبتها وان ما كانش بالذوق هيبقى بالعافيه
خبط العسكري .: ودخل
العسكري :-رائد آدم في واحد بره اسمه عاصم الصاوى مستني حضرتك بره من بدري
آدم :-خليه يدخل
العسكري :- اتفضل
عاصم :-مساء الخير يا آدم باشا
آدم:- مساء النور خير يا استاذ عاصم؟؟
عاصم :-انا اللي اتصلتو بيا علشان عمي حسين الصاوي الله يرحمه
آدم :-احنا لسه بندور على الجاني
عاصم :-والجاني كان قدام حضرتك يا فندم وانت خرجته بكل بساطه ممكن اعرف ليه؟
ادم :-مجرم مين احنا مقبضناش على حد؟!
عاصم :-الولد اللي اسمه محمد وخرج و هو واخته من شويه.
آدم :-حضرتك انا ما عنديش وقت واي معلومات جديده هنبلغكم بيها واتفضل بعد أذنك وإن شاء الله احنا هنحتاجك بكره انت وكل حد شغال في فيلا الصاوي وبنته وابنه علشان نشوف اى خيط يوصلنا للقاتل
عاصم :-ان شاء الله جاسر على وصول بكره اكيد هيكون موجود
آدم :-خلاص هستناكو
عاصم وقف
:- متشكر جدا واتمنى ان الحقيقه تظهر ف أقرب وقت.
عند مريم....
مريم :- انا طالعه اريح شويه
شيرين :-ماشي يا حبيبتي لو عايزه شاي اعملك؟
مريم :-لا يا ابله انا هنام شويه.
رنا :-ايه يا مريومه مش عوايدك يعني تنامي المغرب كده!!!!
مريم :-معلش كان يوم طويل و حاسه اني تعبانه.
اشرف :- مريم حبيبتي انتي كويسه اخدتى علاجك !!!
هنا مريم سرحت وافتكرت ادم وهو بيديلها العلاج بايده
اشرف :-هيه رحتي فين !!!!؟
مريم :- معاك يا حبيبي ما رحتش في حته ايوه اخدته النهارده ما تقلقوش عليا ده مهدئ يعنى.
رنا :-طيب اطلع ارغي معاكي شويه لحد ما تنامي
اشرف :-ده انتي غلسه ورخمه سيبيها ترتاح
رنا :-انا غلطانه لما اقوم اجبلي طبق برتقال احسن من اي حد .
كلهم ضحكوا عليها
مريم :-انا هطلع عايزين حاجه !!! كلهم شكرا اطلعي نامي .. طلعت مريم ورجعت لافكارها وانه ازاي ظابط يستغلها أسوء استغلال سرحت لبعيد ورجعت بافكارها
فلاش باك
__''''''''''________
آدم :-هتنامي في حضني بكره
مريم :-انت بتقول ايه انت اكيد اتجننت ده لا يمكن يحصل ابدا حتى لو هيتعدم!!!
ادم :-خلاص انتى حره وانتي بنفسك اهو اللي اصدرتي حكم الاعدام على ابن اختك مش هو ابن اختك بردو !!!! وقالها باستهزاء
مريم :- بص مش تصطاد في الميه العكره انا قولت كده من كلامك اللي حرق دمي انت شايفني ايه قدامك علشان تفكر فيا بالطريقه دي !!!وانت ازاي تطلب مني طلب زي ده وانت مفكر نفسك مين !!!!؟
آدم بص في ساعته
:- اول دقيقه عدت هنتعرف على بعض بعدين انجزي واخلصي مش فاضيلك
:-وببرود قولتى ايه احبسه مع قتالين القتله و لا !! ولا هتروحيه لحضن امه؟؟؟
مريم :-لو سمحت ارجوك انا فكرتك هتطلب مني اي طلب عادي زى فلوس مثلا لكن اللي بتطلبه ده مني مستحيل يحصل مستحيل
آدم : فلوووس!!!!هههههههههههه اوكي يا قمر ونده على العسكري يا امين .
امين :-وامرك يا آدم باشا
آدم :-خد الواد ده على الحجز وروقوا علشان يتربى والصبح يتحول على النيابه ومن النيابه للاحداث خلينا نخلص يلا بسرعه
امين:- تمام يا فندم ..
محمد بيترعش وبص لمريم .... وبيعيط
مريم :-م...موافقه......... موافقه
امين لسه بيشدوا من الكلبشات اللي في ايد محمد وايد امين
آدم :-سيبه يا امين فك الكلبشات وسيبه
امين مستغرب ليه
:-سعادتك هو خد براءه امتى
ادمبنفاذ صبر
:-فكه يا غبي وغور من وشى
امين :-حاضر.... حاضر يا ادم باشا
مريم واقفه ضايعه ومش حاسه بحاجه متلخبطه ومش عارفه تفكر وخايفه. محمد جه عليها وحضنها مريم باست راس محمد
:- اهدى خلاص ما فيش حاجه هنروح البيت وعايزاك تنسى كل اللي حصل ده
محمد :-انا عايز اروح البيت
مريم :- حاضر هنروح يلا بينا احنا لازم نخرج من هنا .
ومسكت ايد محمد ولسه هتتحرك وقفت على صوت آدم ؛؛
آدم :-على فين يا انسه احنا لسه ما خلصناش كلامنا؟؟!!
مريم وقفت مكانها طلبت من محمد يستناها بره خمس دقايق وادته تليفونها علشان لو حد اتصل بيه يقوله انهم بيتمشوا شويه وبيشتروا اي حاجه ....
محمد خرج ومريم قفلت الباب وحاطه الشنطه على المكتب وقعدت.
مريم :-اتفضل حضرتك اتكلم؟؟
آدم :-ايه كنت هتمشي من غير ما تاخدي عنوان شقتي ... وهنا آدم مستغرب نفسه لان واخد عهد على نفسه ان ما فيش اي بنت تدخل شقته وهو مابيأمنش لحد من من صنف الستات يدخل بيته ما فيش بس غير صاحب عمره وبس وف نفس الوقت منتظر نرفزة مريم ..
مريم جابت ورقه وقلم وهو ملالها العنوان ومدت ايديها بالورقه ليه
مريم:-اتفضل
آدم مستغربها وفضوله خلاه ياخد الورقه وقرا اللي مكتوب فيها
فيلا مصطفى عزيز شارع......
آدم بصلها باستغراب
:- ايه ده عنوان مين ده !!؟
مريم :-ده عنوان بيتنا تشرفنا بكره في اي وقت وقامت وعطته ضهرها
:- واه ما تنساش المأذون
@ هنا آدم ضحك جامد
ادم :-مأذون مره واحده انتي احلامك بعيده اوووي جواز مره واحده حد قال لك ان ممكن افكر اتجوزك؟؟!!
مريم :-اتعصبت وقربت منه جامد وبصت ليه بتحدى وشاورت صباعها في وشه
:- اياك تفكر فيا كده اياك يا آدم فاهم انا مش كده ابدا ولو هموت نفسي انا عمري ما تخيلت ان ظابط ينزل للمستوى ده انا اشرفلى انى اموت ولا حد يلمسنى ف الحرام بعد اذنك انا هاروح البيت دلوقتي ويا ريت يا ريت اكون ممنونه انك تفوق وترجع عن قرارك الغبى ده. قالت كلامها مره واحده واتعدلت تاخد نفسها ؛؛؛
آدم @ سرح في اسمه كانه اول مره يسمع اسمه وبالطريقه دى اياك يا آدم
مريم اخدت شنطتها وماشيه آدم مستمتع جدا ومش عايزها تمشى ...
ادم:-استنى عندك انا لسه ما خلصتش كلامي
مريم :-هات فونك
آدم:- نعم!!!
مريم :-هات رقم تليفونك وانا هاتصل عليك النهارده لان حاليا لازم اروح علشان في ام قلبها محروق على ابنها و هاتكلم انا وحضرتك علشان نوصل لحل وعلى فكره انا مش هاهرب وعنواني معاك.
ادم مسلوب الاراده وطلع الكارت بتاعه
مريم شدت الكارت من ايده وخرجت بسرعه من غير ما تديله فرصه يتكلم .....
@ فاقت مريم من افكارها وحاسه بخوف من بكره وايه اللي ممكن يحصلها ويا ترى كده الحكايه خلصت ولا لا؟ والانسان ده يا ترى كان بيهدد والسلام ولا بيتكلم بجد؟
---------Mariam Nasar
اشرف :-الو مين معايا
عبير :-الو ايوه يا اشرف انا عبير
اشرف
:- ايوه يا استاذه عبير خير في حاجه؟؟!!!
عبير :-لا ابدا انا بس مخنوقه شويه ومش لاقيه حد قريب مني اتكلم معاه وانت اول حد جه ف بالي
اشرف :-بس انا مش قريب من حضرتك !!! وبعدين لحظه واحده انتى جبت رقمي ازاى؟!!
عبير بضحكه مايصه
:-غريب انت يا اشرف جبته من السي في بتاعك اوعى تكون اتدايقت ازعل انا ههههه
اشرف :-لا ابدا ما اتدايقتش ولا حاجه
عبير :-اشرف انت ليه مش حاسس بيا؟
اشرف :-مش فاهم حضرتك تقصدي ايه؟؟!!
عبير :-اشرف انا من ساعة ما شوفتك و عرفت انك ابن مصطفى عزيز رجل الأعمال المعروف وجاي تشتغل في شركه تانيه وانت عايز تعتمد على نفسك و تبدا من الصفر انا اعجبت بيك جدا ومش قادره مفكرش فيك
اشرف لا ارادبا
:-دا انتي قد أمي.
عبير :-بنرفزه انت بتقول ايه؟!!
اشرف:-لا لا ما قلتش حاجه انا قصدي ان حضرتك اكبر مني وعندك اولاد واكيد بتتمنى تشوفيهم ناجحين ولا ايه ده انا حتى مش عايز اقولك ياطنط
عبير بنرفزه اكبر
:- طنننننط اوكي بعد اذنك انا هاقفل
اشرف : مع على السلامه وقفل.
-------------Mariam Nasar
مريم محتاره يا ترى اتصل بيه ولا لا ولو ما اتصلتش هو ممكن يجي هنا لا لا لا ما اعتقدش هو بس كان شكله مخنوق مني علشان زعقت معاه وهو ظابط وليه مركزه ايوه . هو ده فعلا السبب .
قراري الاخير بقى اني مش هاتصل بيه اووووووف يا ربى عدي الايام دي على خير ...
لما أروح اشوف محمد لسه نايم وما اكلش حاجه من ساعه ما رجع
دخلت على محمد.
مريم :-محمد قوم يلا بقى
محمد بيإن:- اممممم تعبان
مريم :-شافت محمد عرقان حطت ايديها على خده لقيته سخن نار
:-محمد فوق مالك يا حبيبي؟؟؟
محمد بيترعش
:-مش قادر انا سقعان خايف انا خايف يا مريم نزلت بسرعه حاولت ان ما حدش يشوفها وطلعت تاني كانت جايبه معاها مسكن وكمادات
.. بعد فتره من الكمادات
محمد :-خلاص يا مريم الحراره نزلت وانا فوقت
مريم :-الحمد لله يا حبيبي
محمد :-انا هنام بس شغلى القرآن وخليكى جمبي
شيرين خبطت ودخلت شافت مريم جنب محمد
مريم :-خير يا ابله في حاجه؟
شيرين :- انا كنت جايه اصحى محمد علشان ما اكلش
محمد :-لا مش عايز
شيرين :-يعني ايه مش عايز ومن امتى يعني!!!
مريم :-خلاص يا ابله هو محمد بيتدلع انا هانزل اجيبله الاكل
شيرين :-ماشي يا حبيبتي معلشي يا مريم تاعبينك معانا تدلعي ده وتساعدى ده . ده انتى حتى دراستك مكملتهاش علشان كبريائك وان ما حدش يصرف عليكى حاجه
مريم :-كبرياء ايه يا ابله بس مش كفايه جوز حضرتك هو اللي طلب مني اعيش معاكو وكفايه عليه مصاريف اكلي ولبسي هيبقى تعليمي كمان ابيه مصطفى شال مسئوليه اخويا اللي هو سابها علشان يرضى مراته
شيرين :-وهو مصطفى اشتكالك!!ولا يعني مصطفى ممعهوش الحمد لله يا مريم الخير كتير وده رزق من عند ربنا . بس انتي اللي عامله حاجز
مريم :-يووه يا ابله سيبك من كل ده انا هانزل اجيب اكل للواد ده
شيرين :-ماشي انزلي بس انتى صح مش قولتى هطلع انام؟!
مريم :-اه فعلا انا قولت هاخد العلاج وانام بالمره لان الساعه داخله ع 9:00 اهي يلا هروح اجيب الاكل لمحمد وهنام على طول وانتى نامى
شيرين :-شويه كدا لسه هقرأ الورد اليومى
مريم :- نزلت جابت الاكل واكلت محمد وهي لحظت ع محمد خوفه الشديد مالك ؟
محمد :-خايف اووي خايف لياخدوني تاني و يعذبوني العسكري اللي كان معايا بره قالي انت لو اتحبست هتشوف الموت بعينيك قال هاتتمنى انك تكون متولدتش اصلا
مريم :-مسكت ايده بحب شديد
:-حبيبي كل ده اعتبره حلم وفوقت منه خلاص بص حواليك احنا ف بيتنا دلوقتي وانت فين انت اهو في سريرك
وانا جنبك يا حبيبي اطمن.
محمد بصلها وسألها
:- هو طلب منك ايه انا سالتك كتير بعد ما خرجنا وانتي رافضه تقوليلي؟!
مريم بضحك
:- طلب مني انى احافظ عليك وقال خلي بالك من محمد لانه لما يكبر هيبقى بطل كوره ممتاز
محمد :-بتضحكي عليا ليه انا مش صغير!
مريم حطت الاكل جمبها
:- محمد عايزاك توعدني وعد
محمد :-وعد ايه؟؟؟
مريم :-ان مهما يحصل ما حدش هنا في البيت يعرف اللي حصل ولو شفت حاجه قدامك وانا اتصرفت تصرف حتى لو غلط اوعى تقولهم على اللي حصل اوعدني
محمد مستغرب لييييييه !!!!!!
مريم :.محمد من غير اسئله كتير وانا هفهمك كل حاجه بعدين.. ودلوقتي اوعدني لو بتحبني اوعدني
محمد :-حاضر يا مريم اوعدك
مريم :-يلا بقى قوم ذاكر شويه وبعدها نام انا هشيل الاكل و هاخد الكمادات اللي خبناها من مامتك دي لوكانت شافتها مكناش هنخلص ..
وهطلع انا كمان انام علشان مرهقه جدا تصبح على خير يا قمر.
نزلت مريم الاكل وطلعه علشان تنام دخلت الاوضه بتاعتها وفونها كان نازل رن راحت تشوف مين اللي بيتصل لقيته رقم غريب فقالت يا ترى مين لما اشوف مين وردت
مريم : السلام عليكم !!!!!
@ : وعليكمممم السلاااام يا قطه ايه نسيتي وعدك ولا ايه وكنتي هتتصلي بيا امتى؟
مريم مبرقه عينيها انت...........
الحلقه 4
#رواية_جريمة_عشق
---------- بقلم Mariem Nasar
عاصم :- وبعدين يا هنا بطلي عياط بقى انا اللي في مكفيني!
هنا :-اسفه يا عاصم غصب عني انا مش مصدقه ان بابا مات وكمان مات مقتول انا عايزه اخويا جاسر.
عاصم :-حاضر يا قلبي انا كلمت جاسر ونازل مصر بكره وبعدين يا حبيبتي ما انا كمان زيك مصدوم عمي حسين هو اللي مربيني انا بعتبره ابويا مش بس عمي الله يرحمه
هنا :- ما حدش عرف مين الل عمل في بابا كده
عاصم :-لا يا قلبي لسه بس هيروح من الحكومه فين يعني حتى لو الحكومه ما لقتش القاتل انا وجاسر مش هنسكت
هنا :-انا حاسه اني في حلم الله يرحمك يا بابا وعيطت.
عاصم :-حبيبتي هوني عليكي مش كده دي اعمار مكتوبه وربك ليه حكمه ف كدا .المهم يا قلبي انا هاروح ابات في شقتي النهارده.
هنا :-ايه عاصم انت هتسبني لمين هنا!!!
عاصم :-حبيبتي انا ابن عمك وما ينفعش اقعد وانام هنا لوحدنا في فيلا طويله عريضه جاسر لو جه الصبح وشافنا في بيت واحد هيقول ايه وغير كده انا كنت عايش هنا معاكم علشان عمي موجود انما دلوقتي ما ينفعش عيب وحرام وما تنسيش اني بحبك واكيد الشيطان مش هيسبني في حالي
هنا بتفرك ف ايديها جامد
:-احنا هنفضل لحد امتي كده نحب بعض في السر يعاصم؟!
عاصم :-حبيبتي لا وقته ولا مكانه ولا الظروف اللي احنا فيها تسمح اننا نتكلم في حاجه زي دي
هنا :-فعلا عندك حق
عاصم :-يلا بقى نامي وما تقلقيش انا هكلم الداده تحت تنام في الاوضه اللي جمبك وخلي بالك من نفسك ولو حصل حاجه كلمينى متتردديش
هنا :-حاضر وانت كمان خلى بالك من نفسك.
عاصم :-تصبحي على خير
هنا :-وانت بخير.
_____________
عند مريم
:-مريم انت ...!!!؟
ادم :-ايوه انا
مريم :-انت جبت رقمي ازاي؟
ادم :- انتي ناسيه انا شغال ايه خلينا في المهم هتيجي بكره امتى؟؟
مريم :-اجي فين انت صدقت نفسك ولا ايه!!!!!
ادم :-يعني ايه؟؟
مريم :-من غير نرفزه لو سمحت ممكن نتكلم بهدوء و افهم من حضرتك هتستفاد ايه من طلبك ده !!!!!
ادم :-انا ما بحبش اللف والدوران احنا اتفقنا على اتفاق وانا ما ضربتكيش على ايدك علشان توافقي!
مريم :-لا غلطان انت حطتني في اختيار صعب يا اما اوافق ع طلبك او ابن اختي يتسجن . بس اللي انت بتعمله ده غلط وقبل ما يكون غلط حرام وبعدين محمد بريء وانت عارف كده انت ظابط وتعرف تفرق كويس بين المجرم والبريء.
ادم اتنرفز لأن كلامها صح!!
:-بصي بقى اسمعي كويس اللي هاقوله ده وبعدها ما تلومنيش الا نفسك. البصمات اللي موجوده على الجثه بصمات محمد حتى لو بريئ وحد تانى قتله اللي قتله ده ما سابش بصمه واحده او اي دليل ضده واللي اتقتل ده راجل مهم ولو اسمه ومكانته وانا لحد دلوقتي ما قدمتش لمديري الادله ضد محمد هتوافقي يا بنت الناس الادله هتتحرق .هترفضى الصبح هنا بقى هتلاقينا على بابك وبناخد محمد
مريم :-انت بتقول ايه ومحمد برده ابوه مهم و ليه اسمه ومركزه مش سايبه هيا في قانون في البلد!!!
ادم :- خلصتى؟
مريم :-ايوه خلصت واخر كلام اني رافضاك ورفضه اقتراحك الغبي ده.
ادم :-غلطتاتك بتزيد وبراحتك خالص اما خليتك تلفي حوالين نفسك ما بقاش انا اسمي ادم العدوي
دا انا اقتله وهخليكي تحفي بس علشان تاخدي جثه محمد
مريم :-انت اتجننت انت بتقول ايه الو ...الو ....الو قعدت على طرف السرير متوتره ودعت ربنا في سرها وقامت حاسه بدوخه بسيطه وضيق في النفس راحت اخدت العلاج ونامت على السرير وشغلت القرآن جمب منها وبتحاول تنام وكل ما تنام تقوم مخضوضه لحد ما استسلمت للنوم
---------
عند ادم ....
بعد ما قفل مع مريم رمي الفون وقام متعصب جدا وبيقسم انه لازم يحصل عليها علشان يكسرها وانها بقت بالنسباله تحدي وانه هيخليها تيجيله لحد عنده و هينتقم منها على كل غلط غلطته معاه
ادم لنفسه :-بقى انا تضحكي عليا وتوعديني انك موافقه ودلوقتي بتخلفي بوعدك بتضحكي عليا يا مريم ان ما وريتك ده انا اى بنت بتحلم بس ابصلها بيقولولي شاور بس يا ادم انا تعملي فيا كده نتقابل بكره و هربيكي !!!!! خد مفاتيح عربيته وخرج وهو في العربيه
:- انا هطربقها عليكي انا عارف ان ابن اختك بريئ بس انتي اللي هتنهي حياته بايدك
.....ف مكان تانى
ملك :-ايه يا ماما كل ده هتفضلي على الحال ده كتير!!!
فيفي :-يووه ايه يا ملك عايزه ايه انا حره انت هتحكمينى!!!
ملك :-لا طبعا بس في اصول وفي حاجات ما ينفعش نعملها وبعدين انتي عارفه ان بابا تعبان وسايباه وخارجه تتفسحي وراجعه نص الليل مش معنى ان احنا بره مصر تنسى الاصول والعادات والتقاليد!!
فيفي :- اوف يا ملك باقولك ايه انا حره اعمل اللي يريحني انا زهقت كل شويه اقولك ده بيزنس وعشاء عمل انتى بقى اللي قافله دماغك وبعدين عادات ايه وتقاليد ايه انا اخدتك وسيبنا مصر من وانتي ما كملتيش عشر سنين تقدري بقى تقوليلي عرفتى العادات والتقاليد دي منين؟؟!!
ملك :-يا ماما
فيفي:- تاني ماما انا قلتلك قوليلى فيفي زي اي حد انتي مش هتكبريني. وبعدين انا مش مامتك يا حبيبتي فاهمه.
ملك :-حاضر يا فيفي بس اللي بيحصل ده ما ينفعش ومش كويس ونهايته وحشه ما فيش عشاء عمل لحد 3:00 بالليل وكمان باقولك بابا تعبان ما اتأثرتيش ولا سالتي عليه راح فين حبك لبابا ولا هو خلاص بعد ما تعب مابقاش لبه لازمه !!!!
فيفي :-بالظبط حبيبتي انتي جبتى المفيد انتي طلعالي زكيه و لماحه. وضحكت
:- يلا يا بيبي انا راجعه تعبانه هاخد شاور وانام باي باي يا اموره.
ملك :- انا لازم اكلم اخويا ما ينفعش كده مش معنى انه بيكره بابا يسبنا انا كدا ف الدوامه دى .. انا هاروح ادي لبابا العلاج وانام وراي جامعه الصبح.
....بقلم Mariem Nasar
عند مريم
-----------
الباب بيخبط جامد و هيتكسر من كتر التخبيط الكل قام من النوم مفزوع اشرف جرى على الباب فتحه وشيرين ورنا ومحمد ووراه ومريم نازله جري لابسه بجامه وشعرها مفرود
اشرف اول ما شاف الظابط ومعاه ٢ كمان اترعب
اشرف :-انتو مين وعايزين ايه !!!؟؟؟
شيرين استر يا رب
:-في ايه؟!
ادم :-انا الرائد آدم العدوي وجايين نبقض على -----
مريم جريت عليه وقطعت كلامه
:-ارجوك سيبه في حاله وانا هاعمل اللي انت عايزه
رنا:- اوعى يا مريم كده في ايه حضرتك وجاي تقبض على مين انت شكلك جاي عنوان غلط !!!
ادم :-مش دي برده فيلا مصطفى عزيز ____ ولا انا غلطان ؟؟؟
شيرين:-ايوه هيا حضرتك عايز مين بالظبط وجاي لمين؟؟!!
ادم شاور على محمد
:- عايز ده .
كلهم هنا استغربوا ما عدا مريم اللي كانت هتموت مكانها
محمد !!! رجع خطوتين لوراه راح ادم وراه وجابوا وماسكه ومريم شدت محمد من ادم وزقت ادم من صدره
:- محمد اجري يا محمد
محمد :- هاروح فين انا خايف
وبص لاخوه يستنجد بيه
:- الحقينى يااشرف والله انا معملت حاجه .. كلهم اتلمو حوالين محمد وادم راح لمريم وشدها من شعرها وصرخت جامد
ادم:-خلاص يا حلوه خلصت الحكايه وزقها ووقعها ع الارض .. وعلا صوته
ادم :-على فكره مريم هي السبب في اللي هيحصل لمحمد وكان هيطلع براءه بس هي حكمت وقالت ان شا الله يتعدم @ هنا بقى الكل وقف وبصلها واختها مصدومه و بصت ليها نظره بتحمل معاني كتيره ااوي
مريم قامت من على الارض
:- ما تصدقيش يا ابله ده كداب
آدم :-لا مش كداب مش انتى قلتي مش موافقه حتى لو هيتعدم ؟!
مريم :-ايوه انا قلت بس مش بالطريقه دي!!
ادم :-وكان ف ايدك تنقذى ابن اختك .... هاتوه مش فاضيين
مريم جريت عليه وشادته مريم :-تعالى يا محمد اخرج من المطبخ واهرب من السلم الخلفي.
محمد :-بعيط هاروح فين يا مريم؟؟
مريم :-روح اي حته عند صاحبك عند خالك اي حد لحد بكره بس وهنعرف نتصرف .
محمد بيجري ادم جرى وراه ولسه محمد هيخرج من البوابه ولكن رصاصه ادم كانت اسرع منه والرصاصه جت في راس محمد من الخلف في المخ ووقع ومات في نفس اللحظه سكون رهيب وما حدش مصدق اللي حصل وكلهم جريو عليه وشيرين رفعت راس محمد على رجليها وبتعيط ومريم جت تشوف محمد وبتقرب
شيرين :- ابعدي عن ابني انتي السبب انتي السبب انتي اللي قتلتي ابني
ادم :-بصلها فعلا هي السبب لو كانت وافقت كان زمان محمد عايش ومكنش اتقتل وهو بيحاول يهرب يلا يا بني انت وهو لبس نضارته وخد الناس الل كانو معاه وخرج
مريم قربت تانى من محمد واختها واشرف ورنا منعوها وخلوها تبعد مريم قعدت قصادهم على الارض ودخلت في حاله انهيار وتصوت محمد محمااااااااد ...محمااااااااااد