CMP: AIE: رواية زواج اطفال الجزء الثالث3الفصل الرابع والعشرون24بقلم الكاتبة الصغيرة
أخر الاخبار

رواية زواج اطفال الجزء الثالث3الفصل الرابع والعشرون24بقلم الكاتبة الصغيرة

رواية زواج اطفال الجزء الثالث3

بقلم الكاتبة الصغيرة

الفصل الرابع والعشرون24


المأذون  .. موافقه يابنتي 


لمار.. اه موافقه  


علي بركة الله  


بارك الله لكما وبارك عليكما  وجمع  بينكما في خير  بالرفاء والبنين  يارب 


الجميع.. ااااامييييين  


الكل سلم عليهم  وباركوا  لهم  


مالك.. بعد اذن  ابو انس  والحاج عمران  مازن  ياخد عروسته  ويخرجوا  


عمران.. ملناش دعوه بيها بقي دي بقت علي اسمه  وتعمل اللي هو يقول عليه  


انس.. خدها يا مازن  هتريحنا منها  الساعتين  دول  


لمار  عملت له حركه.. مااااشي 🤌


مازن.. مبتقاش  تزعل بقي لما اخدها  خالص  ولما توحشك  مخليكاش  تشوفها  


لمار  بصتله  بنصر  


انس  .. ااه احنا  بدأنا  بقي ماشي يعم ربنا  يسعدكم  وانا برضو مش هخليك  تشوف اختك  ولف ايده علي كتف  لين  


الكل  ضحك عليهم  


مازن.. يلا 


لمار  وافقته ومشيت وراه  


رحيم.. ماتيجي يارهف نخرج  نتعشي برا 


عز.. انا هاجي معاكم انا وريناد  


رحيم.. هو انت لزقه ايي المطاعم خلصت  ما تروح  يعم  مطعم تاني  


ريناد.. خلاص  امشي  انت هتشتغلنا  خد مراتك  وامشي 


رحيم.. هي بقت كده  


رهف.. خلاص  يا رحيم  خليهم  يجوا  معانا  


رحيم.. عشان خاطر عيونك ياقلبي  انا موافق  


رهف.. تسلميلي عيونك  


عز 😏😏😏


رحيم  خبطه في  كتفه.. بص  عدل  


عز.. اتلم  هااا اتلممم 


انس.. ممكن  نيجي معاكم 🥹


رحيم  حك  شعره  وعض على  شفته  .. انا غلطان انى بتكلم قدامكم  انا استاهل  


لين.. ههه خلاص خلاص  روحوا  انتوا  انا وانس هنقعد على البحر انا كده كده مش جعانه  


ريناد  ورهف  .. ليه  تعالي معانا  


لين.. لا يا حبايبي  روحوا  انتم 


انس  همس جمب ودانها.. بس انا جعان 


لين  .. اصبر بقي 


رحيم  اخد المفاتيح  .. يلا رهف   وانتوا  تعالوا  بعربيتكم  ولا هتيجوا  معانا كمان  


عز  .. والله  لو مفيش  مانع  انا موافق


ريناد.. لا يا عز كده كتير بقي 


عز.. حاضر يا حبيبتي اللي انتي عايزاه  


ريناد اتكسفت اول مره يقولها  كده  


رحيم  لف  وشه  تاني  بصدمه  .. حبيبتك  ايه  يابابا  دي مش مراتك  لسه 


عز تجاهله  ومشي  


رحيم.. شايفه  اخوكي 


رهف.. انتوا الاتنين  عيال  اصلا 


رحيم  .. طيب يلا ولما  نرجع  هعاقبك  😉


العيله كانت قاعده في  الصالون  بيتكلموا  ويتناقشوا  في مواضيع  مع تعارفهم  علي  همس  وزياد  جوزها  اللي جت تحضر  كتب  كتاب  ابن  اخوها  


********♡♡♡♡******♡♡♡♡♡**** 


اشرف.. وانت بتقولي  اتفرج علي اللي هيحصل  قولت  اشطا الموضوع  هيحلو  طلعت  اتاكلت  علقه  ونزلت 


فارس  وهو يتحسس مكان  الضر. به.. ورحمة امي  ما هحله 


اشرف.. يابني ارحم  بقي دا  لو مكانوش  شالوك من تحت  ايده  كان  زماني  بقرأ عليك الفاتحه  دلوقتي  


فارس  .. اتكلم  معايا عدل متناس  نفسك  


اشرف.. لا انا مش ناسي  بس بفوقك  وهو مش سهل  ده  مازن البنا  فاهم يعني ايه  


فارس.. علي  نفسه  


أشرف.. اللي تشوفه يصحبي  بس 


فارس  بصوت عالي  .. ما خلاص  يا اشرف بقي  حل عن د. ين امي  دلوقتي انا مش  طايق حد  


اشرف سابه  ومشي  


والتاني  طلع  سيجاره  ولعها وهو  بينفخ  الدخان  وبيفكر  في حاجه  


*****♡♡♡♡♡♡*****♡♡♡♡♡♡****


مازن  خرج  ولمار  وراه  ركبت  جمبه  وهو ساق العربيه  بهدوء  والصمت  ما بينهم  قطعه  صوت  رنين  تليفونه  


مازن.. ايوا  يا ساره  «ساره  دي تبقي بنت عمة  مازن  بنت همس  » 


ساره.. انا اسفة اسفه اسفه اسفه اسفة اسفه اسفه اسفه  من هنا بكرا  


مازن.. عادي  يابنتي  محصلش حاجه  متعوضه 


ساره  .. ان شاءلله  هكون  موجوه في  فرحك  بس والله المشروع هيتسلم بكرا  ومكنتش خلصته  وانت عارف  الدكاتره  بيتلككوا  ازاي 


مازن.. عارف  حصل خير  ربنا معاكي 


ساره.. ومعاك  ياحبيبي  يارب  احلي عريس ده  ولا ايه  كنت  عايزه  احط  ستيكر  علي ايدي  مكتوب عليه اخت العريس  زي اللي بيعملوها دي 


مازن ابتسم.. يلا يا عبيطه  روحي كملي اللي وراكي 


ساره.. حد جمبك ولا ايه 


مازن.. ايوه  لمار معايا  


لمار  بصتله لما ذكر اسمها  وبعدين  بصت قدامها  تاني  


ساره.. طيب  خلاص  هقفل انا بقي سلملي عليها  سلام 


مازن.. الله يسلمك   سلام  


مازن  قفل  التليفون وحطه علي التابلوه..  ساره بنت عمتي بتسلم عليكي  


لمار.. الله يسلمها  هي مجتش ليه


مازن.. عندها  تسليم  مشروع بكرا  وكانت  بتخلصه 


لمار  .. اه ربنا  معاها  طنط  همس  لطيفه  جداً حبيتها  


مازن  ابتسم  وكمل  سواقه  


لمار  .. ممكن  نروح  نقعد على النيل تاني  


مازن.. مش  هتاكلي ولا ايه  


لمار.. لا مش جعانه  القعده  هناك كانت احلي  انا بحب الجو  الهادي 


مازن  وهو بيركن  العربيه  وبيفك  الحزام.. بس انتي شكلك مش هاديه  


لمار  نزلت هي كمان  .. يعني  مش اوي بس  بحب  الهدوء 


راح  قعد  وهي جمبه  بمسافه  بسيطه  


رجع  ظهره  لورا  وفك  اول زار من القميص  وهو  بيتنفس  بهدوء  


لمار.. هو انت  دايما ساكت كده  


مازن.. مش كل الاوقات  بس الوحده هي اللي خلتني كده


لمار باستفهام.. وحده! 


مازن.. ايوه يعني انا معنديش اخ ولد  كل حياتي وطفولتي كانت مع لين وايلين  بس انا واخد الطبع ده من بابا اكتر هو طول عمره  هادي كده  لانه  برضو كان يعتبر  وحيد من صغره


لمار.. ازاي  وعمو  سليم  وطنط همس كانوا اخواته ومعاه 


مازن  .. لا مش كده  الموضوع  طويل شويه  اصل بابا كان ليه اخ  توأم  اسمه  مازن  بس الله يرحمه  اتوفي وهو صغير  قدام  عينهم  بسبب  مشكله قديمه اوي  بين  جدي ابو مامتي  اللي  هو اصلا  كان  ابن  عم جدتي  لين  


لمار  .. ايرور  🫠


مازن  ضحك.. لغبطه  انا عارف  المهم  ان بابا  اتأثر بالموضوع ده  وفضل مأثره عليه  لغاية ما كبر  واتجوز ماما غصب  عشان  ينت. قم من ابوها  اللي سبب في  مو. ت اخوه وفي الاخر  ما. ت وهو بيهرب من السجن  بابا  عاني  كتير عشان ينسي الذكري دي بس في الاخر  نسي  وحب ماما اكتر من اي حد في الدنيا دي  حبها من قلبه بجد  


لمار.. الله قصتهم حلوه  زي الروايات  


مازن  .. فعلا  ف كل الموضوع اني زي بابا في الهدوء ده  وزي ما قولتلك  تربيتي مع بنات اجبرتني  ابقي حنين  عليهم  واسلوبي هادي  بس اوقات  بهزر يعني مش  قافل كل الوقت 


لمار.. بس دي احسن حاجه انك تكون حنين عليهم  


مازن.. اكيد طبعا  


سكتوا تاني  ومفيش كلام  هي كانت بردانه ولفت ايدها حوالين نفسها  


مازن  ادالها البليزر بتاعه.. تقومي نمشي 


لمار هزت راسها بنفي واخدته منه لبسته كان كبير عليها  


عدلت شعرها.. هو انت ليه اصريت علي كتب الكتاب مع انك متعرفنيش


مازن.. عشان انا مبحبش حد يتحكم فيا يقولي لا متخرجوش لوحدكم لا متقعدوش لوحدكم ولو اضطريت اني امسك ايدك مثلا ميكونش غلط  


لمار.. بس ده قرار حاسم جدا يعني ممكن مثلا تكون كنت بتحب حد قبل ما تتقدملي وكده انت اتدبست فيا  يعني مثلا لو متفهمناش هيحصل ايه  كده انت خسرت من الناحيتين


مازن.. حتي لو كنت بحب حد ف من بعد ما اسمك اتكتب علي اسمي معدش في حياتي غيرك  ولا ينفع افكر في حد غيرك 


لمار قبلها دق بفرحه هي متعرفش سببها ايه  


مازن كمل كلامه.. بالنسبه للقرار ف انا مش بتكلم وخلاص لا انا عارف انا بعمل ايه وبقول ايه  وارتاحي ياستي متدبستش ولا  حاجه  مش يمكن انتي اللي زعلانه ومتدبسه فيا 


لمار.. لا مش كده انا حسيت اني مرتاحه فوافقت  


مازن بصلها وابتسم  وبعدين بص قدامه تاني  هو مش حاسس بحاجه غير انه تايهه  ايواااااا زي مافهمتوا  هو كان بيحب ايلين بس لما عرف انها اعجبت بيوسف بعد عنها  وجه علي نفسه  انا معجبه بشخصيته بجد وفي نظري هو احسن شخصية في الرواية انتوا في نظركوا  مين؟ 


*****♡♡♡♡♡♡*****♡♡♡♡*****


يوسف.. هما خرجوا مرجعوش تاني وسايبنا في قعده العواجيز دي 


ايلين  .. لحظه لين بترن  


يوسف.. كانت عايزه ايه  


ايلين.. خرجوا كلهم 


يوسف.. يولاد الغداره  ومحدش قال ليه كنا خرجنا معاهم  


ايلين.. يعني كل واحد ومراته احنا هنروح نعمل ايه 


يوسف.. هي بقت كده  طيب 


ايلين.. ايه مالك 


يوسف.. مفيش حاجه 


لارا.. انتوا قاعدين تتكلموا في ايه لوحدكم كده تعالو هنا 


يوسف.. اتفضلي قومي نتكلم معاهم بقي في فوايد مرهم ابو فاس 


ايلين ضحكت غصب عنها  يعني حتي وقت الجد بيهزر 


يوسف قام بملل  وهي وراه  


♡♡♡♡****♡♡♡♡♡****♡♡♡♡


عز.. تشربي ايه 


ريناد.. مانجا 


عز.. اتنين مانجا لو سمحت 


رحيم.. ياخي خلي عندك دم هو احنا شفافين  خليهم اربعه يابني 


الويتر.. حاضر يافندم 


رهف.. هو انتوا مش قولتوا هنتعشي فين الاكل 


عز.. بعد العصير 


رهف.. هو سلخت قبل ما اد. بخ  التحليه قبل الاكل  ازاي 


عز.. شوفي قعدتك معاه خلتك تقولي كلام عامل ازاي 


رحيم.. معلش في السؤال يعني هي هتقعد مع مين غيري مش انا جوزها  قولي ياحبيبتي اللي انتي عايزاه 


ريناد.. ياااه كده كتير والله انتوا مبتزهقوش 


رهف.. مش عارفه بجد حاسه انهم في كيچي  المهم انا نفسي في ستيك 


رحيم.. اي ده انتي بتتوحمي  اللله اكبرررر هبقي اب يجدعان 


ريناد ضحكت هي وعز  


رهف.. ششش الناس بتبص علينا اسكت  بتوحم ايه بقولك نفسي فيه عادي 


رحيم.. احلي ستيك لقلب رحيم  كنسل يابني العصير وهاتلنا كل الاستيك اللي في المطعم 


رهف وهي بتضحك.. مجنون والله 


في مكان تاني  


انس.. قعده علي البحر  وواخده الجاكت بتاعي ماتقولي من الاول وانا اديهولك لو عاجبك  ليه بقي نقعد علي البحر وبتاع  البحر  اكلنا دلوقتي 


لين.. محبيتش نتقل عليهم  


انس.. يابنتي عادي رحيم بيهزر 


لين.. عارفه بس كده احسن وبعدين مكنش ينفع احضنك قدامهم زي مانا عامله كده 


انس بصلها.. بتثبتيني يعني  


لين.. تؤ تؤ  سكت شويه وبعدين  همست بإسمه 


انس.. نعم ياحبيبي 


لين.. متزعلش من موقف يوم الفرح انا مكنش قصدي كده بس كنت متوتره  


حط ايده علي شعرها.. عارف ومش زعلان منك كفايه انك جمبي  


لين.. انا بحبك اوي 


انس.. بدوووب بدووب 


لين ضحكت واتعدلت جمبه.. طب يلا نجيب اكل 


انس.. في مكان قريب هنا بيعمل شاورما تعالي نروحه 


لين.. والجاكيت 


انس.. انتي طمعتي فيه خلاص  خليهولك  


♡♡♡♡♡******♡••••******


لمار.. ممكن نمشي عشان نعست  


مازن.. تمام يلا 


ركبت العربيه وهو ساق  بعد شويه كانت نايمه  وسانده علي الشباك  


مازن بص لقاها نامت كمل طريقه وبعدين وصل قدام بيتها  كان الجو هادي عرف ان اهله روحوا  


مازن.. لمار قومي وصلنا 


لمار.. امممم


مازن نزل وفتح الباب اللي ناحيتها  وفكلها الحزام.. اصحي 


لمار فتحت عينها ببطء وبعدين فاقت نزلت بس كانت دايخه لسه هو سندها لغاية ما وصلوا للباب وبعدين امها فتحت واخدتها.. ماتيجي ياحبيبي اقعد شويه 


مازن.. مره تانيه ان شاءلله 


.. ماشي ربنا معاك  توصل بالسلامة  


لمار كانت لسه بالبليزر بتاعه.. استني 


مازن.. مش مشكله خليه  


مشي روح  وهي طلعت اوضتها غير وراحت علي السرير عشان تنام  بصت للبليزر وابتسمت وهي بيتردد في ودنها  الجمله اللي قالها  مازن.. حتي لو كنت بحب حد ف من بعد ما اسمك اتكتب علي اسمي معدش في حياتي غيرك  ولا ينفع افكر في حد غيرك 


رحيم ورهف رجعوا وعز طول الطريق بيعاند فيه  ولمار  تضحك هي ورهف  


رحيم.. اخوكي ده 


رهف وهي بتمسح الميكب.. والله عسل انا هسمي ابني عز علي اسمه 


رحيم.. ابنك  انتي حامل صح  جاوبي بصراحه 


رهف.. انتي عبيط يا رحيم حامل ايه في اسبوع وبعدين هخبي عليك ليه 😂


رحيم.. اه صح  معلش معلش 


رهف.. شكلك بتحب جديد ومش مركز كده 


رحيم وقف وراها وباس راسها.. بحبك انتي 


رهف ابتسمت وكملت في اللي هي بتعمله 


انس ولين قاعدين بعد ما اكلوا 


لين.. فاكر يوم ما نمنا على البحر وكنت لابسه الجاكت بتاعك برضو 


انس.. آه كانت ذكريات حلوه بجد كل حاجه عشتها معاكي حلوه زيك يالين 


لين.. يومها ايلين مسكتني تريقه  وانا والله كنت غصب عني 


انس.. اه بأمارة كتفي اللي اتخلع يومها وجالي برد 


لين.. يعني مش فدايا  


انس.. طبعاً امال  بقولك ايه يلا نمشي انا مش قادر أقعد 


لين.. وانا كمان كنت هقولك كده 


روحوا هما كمان  


تاني يوم  الكل اتجمع علي الفطار  ولمار ورهف  راحوا  الكليه  وبعدهم بشويه  انس ولين 


رحيم.. انا عندي اجتماع هبقي اتأخر شويه ياجدو 


عمران.. ماشي 


عز مشي هو كمان  وريناد طلعت تلبس 


عمر.. جدو  انا هسافر 


هدي.. هتسافر فين ومقولتليش ليه 


عمر.. هو انا صغير 


هدي.. والله انت واختك  كبرتوا فجأه كده ولا ايه  


صفاء.. براحه عليه ياهدي  


عبدالرحمن.. هتسافر فين يا عمر 


عمر.. رايح لرحمه  هشتغل هناك  منه اعتمد على نفسي زي ما جدو قال  ومنه ابقي جمبها في البلد الغريبه اللي هي فيها لوحدها دي 


عبدالرحمن.. مالك ياهدي ما تسيبيه  


هدي.. ده  مش بتاع شغل  تلاقيها قالتله كلمتين  وشجعته 


عمران.. دلوقتي كلمتين مش كنت حبيبة القلب  وكلمتها  بتتنفذ  ومدلعاها  ليه لما بيعملوا  الصح مش عاجبك  انتي اللي بوظتيهم  بتربيتك  دي  شوف انت عاوز تسافر امتي  وسافر  اختك  اختارت الصح يابني 


عمر باس ايده.. شكرا ياجدو  وانا اسف علي كل حاجه عملتها زعلتكم مني  


عمران  هز راسه  بهدوء وقام من علي السفره  


هدي  هبدت المعلمه  وقامت هي كمان  


صفاء  ربتت علي ظهره بحنان.. متزعلش منها ياحبيبي هي زعلانه عشان انتوا الاتنين هتبعدوا  عنها  


عمر.. عارف يا طنط والله 


صفاء.. ربنا يهديهالكم 


عمر.. أمين  


عند رحمه  كانت ماسكه  تليفونها  وبتعمل اتصال 


رحمه.. الو يا معتز انا وافقت علي عرض الشغل بتاعك 


معتز.. يا اهلا بيكي 


رحمه.. بس عندي شرط 


  الفصل الخامس والعشرون من هنا

تعليقات



حجم الخط
+
16
-
تباعد السطور
+
2
-