رواية احببت متشردة الفصل الاول1بقلم صباح غمري
هي : لو سمحت بعد اذنك ممكن تساعدني بمبلغ
تجاهلها و راح لحبيبته الكانت واقفه مستنياة ببوكيه الورد
راحت تجري وراة : لو سمحت انا بكلمك ، ممكن تساعدني
هو : وقت تاني ، عن اذنك
و كمل طريقه لحبيبته ، وقفت هي تبص عليه من بعيد
ياسر : وحشتيني
ليلي حضنته : انت كمان
ياسر وطي يقدملها بوكيه الورد و طلع الخاتم من جيبه : تجوزيني ؟
ليلي بدأت تكح و كأنها شرقت : نعم ؟
ياسر : تجوزيني يا ليلي ، انا بحبك اوي
ليلي : ياسر ، انت وضعك المادي ميسمحش حاليا ، الراتب بتاعك صحيح قبضه حلو ، و لكن دا ميقدرش يكفينا ولا يكفي طلباتي
ياسر قام من الأرض بصلها : يعني بترفضيني !!!
ليلي اخدت شنطتها من علي الكرسي : اسفه مش هقدر
كانت واقفه هي تبص عليه من بعيد و حزنت علي حالته ، لحد ما شافت ليلي سابته و مشيت ، قربت منه بهدوء .
غرام : متزعلش ، اكيد ربنا هيعوضك و لسه بتكمل
ياسر بزعيق : عاوزة ايه انتي كمان ، عاوزة فلوس صح ، مسك الخاتم الف ايدو و مسك ايديها بعنف فتحها و حط الخاتم ، اتفضلي اظن دا هيكفيكي لسنين قدام بما أنه الماظ ، انا مش محتاجه .
رمي بوكيه الورد ف الأرض و طلع يمد و مشي
"فضلت غرام زي ما هي واقفه متنحه مأدتش أي ردة فعل ، كانت مستغربه من كل حاجه ، صحيح دائما بتتعامل أسوء معالمه ، بس هي حسيت أن المرادي كانت اكتر مرة سيئه عديت بيها ، لمحته من بعيد طلعت تجري وراة"
غرام : لحظه ، لحظه بس استني
كان هو دخل مطعم غالي جدا
غرام بصيت للأمن الواقف : بعد اذنك انا تبع الراجل ال لسه داخل ، ممكن ادخل
بصلها هو لمنظرها و ملابسها : مستحيل تكوني تبعه ، الزيكوا مكانهم الشارع ، ممنوع الدخول هنا !
غرام : بس حضرتك فاهم غلط ، انا لازم ارجعله حاجه مهمه
الراجل : ممنوع بقولك ، مبتفهميش
بصيت غرام للسما و المطر البدأ ينزل و راحت علي الرصيف الجمب المطعم قعدت عليه و قالت لنفسها : خلاص انا هستناة عادي و هحاول ادفي نفسي ، لازم ارجعله حاجته
"كان عدي ساعه و اتنين"
غرام بدموع : الدنيا ساقعه اوي و انا اتبليت ، كل دا
و جايه لسه تسال بتاع الأمن ، لقيته خارج و بيلبس البالطو بتاعه .
غرام قربت منه بهدوء : لو سمحت
ياسر و كان بدأ غضبه يروح : انتي ؟ ، بتعملي ايه هنا
غرام برعشه : مستنياك كل دا ، و مديت ايديها بالخاتم ، انا اسفه لكل الحصلك ، بس كل الكنت طلباة اني اكل بس مش اكتر عشان كدا كلمتك ، الخاتم دا مش من حقي ، وانا عمري ما اخد شئ مش من حقي
ياسر بابتسامه : بس انا مش فارق معايا الخاتم ،مكنتش هزعل
غرام : مش هينفع ، اتفضل
سحب منها ياسر الخاتم و جاي يمشي ، رجع تاني : واضح انك جعانه ، ايه رءيك ناكل سوا ، انتي تأكلي وانا هشرب قهوة ؟
بصتله غرام بتردد : موافقه
********************
"ف مكان فخم ، ف وسط ناس كتير "
ياسر : يلا الأكل نزل اهو ، كلي لحد ما تشبعي
غرام كانت محروجه بس جوعها غالبها و بدأت تاكل بسرعه و بجوع : انا اسفه انا بس بقالي يومين مأكلتش
ياسر بضحكه صافيه : ولا يهمك كلي برحتك و لو عاوزة اطلبلك تاني
"غرام كانت خلصت و بدأت تبص حواليها و أن الناس عماله تبص لشكلها بأرف و لبسها ، افتكرت أنها مكنش ينفع تدخل اماكن زي دي ابدا ، كانت دائما متعودة و عمرها ما اتحرجت بس معاه هو اتحرجت"
غرام : الحمدلله انا شبعت
قرب ياسر منها و ف ايدو منديل و مسح خدها : كان فيه بس اكل زيادة
غرام و بدأ قلبها يدق لأول مرة بخجل و وشها احمر : شكرا
ياسر : انا العاوز اتأسفلك ، انا دائما بساعد اي حد بيحتاجني و شخص كويس جدا ، بس الموقف الحصل خلاني مش علي بعضي ، بعتذرلك جدا
غرام و حسيت بأن جسمها بدأ ينمل من السقعه و البرد : ولا يهمك ، ممكن نمشي .
ياسر بابتسامه : اكيد
***************
"علي باب المطعم ، خرج هو مبلغ مالي من جيبه "
ياسر : اتفضلي خلي دول معاكي اكيد هيساعدوكي
غرام الكانت ماسكه نفسها بالعافيه من التعب : لا ملهوش ، لازمه
ياسر : خليهم بس ، تحبي اوصلك فين
غرام بابتسامه : مكاني هو الشارع
ياسر بصدمه : ايه ، ازاي يعني
غرام و كان بدأ جسمها ميستحملش : انا ، انا مكاني ، ال...
و مكنتش كملت و وقعت من طولها
ياسر : ..........
تعليقات
إرسال تعليق