رواية القدر
الفصل الخامس والثلاثون35
بقلم رحمه ايمن
= في اي؟! انتِ كويسه؟
مسحت دموعي بكبرياء وانا بحاول اتمالك اعصابي
- مفيش حاجه
= الكلام ده يتقال لواحد معدي في الشارع، في اي؟
- شوفت انت مين؟ عرفت من مليون موقع مين إياد ادهم الرفاعي وشُهرتك وصلت فين؟
= واذا؟ مديقه من شهرتي يعني؟
- اوعي تقول كده! انا مبسوطه اوي والله
بص لي بإبتسامه وحرك صوابعه علي خدي بجديه
= كنت بهزر يا بنتي وفكرتك هتردي بهزار وعادي.
شكله موضوع مدايقك اوي فعلا؟ في اي لكل ده؟
دموعي تجمعت في عيني فشوفت القلق في عينيه بزيد وهو بحاول يفهم في اي فضعفت قدامهم وعيطت بإنهيار
- حسه بحرقان
= حرقان؟
- حرقان في قلبي، غيرانه اوي يا إياد ايوا انا غيرانه
=....
- كل المواقع والعناوين الرئيسيه بتكلم عندكوا ، بتكلم عن حبك وعشقك وهوسك بيها، عن قصه حب ول احلي
زي الافلام.
مرضتش افتح اللقاء الي كنتوا في مع بعض عشان متعبش ففتحت لقائك انت وتعبت اكتر!
اللمعه الي ظهرت في عينيك لما نطقه اسمها قدامك
ادق التفصيل الي عرفها، والهديه الي متعود تجبهالها
لما ترجع ميكب و عنايه بالبشره ديما بتطلبهم منك وبقت عاده في يومك، كلامك عنها و إبتسامتك وقتها لما بتفتكرها
عرفه انه مش من حقي، عرفه انى أوڤر وانه اللقاء ده من سنتين وانت متعرفهاش عليا ول بتكلمها عشان اعمل الدرما دي بس... بس انا انفعلت ولقتني بعمل كده من غير سبب
انا اسفه
نفى براسه وهو بدخلني جواه تاني وبيضغط عليا وصوته بيطلع بهدوء دوبني
= انا الي اسف، صدقيني لو كنت اقدر اشيل كل المواقع والعناوين واشلها هي من حياتي شخصيا هشلها
حقك عليا تعبك بسببي
انا ميهنش عليا زعلك ابدا، رغم ديقي انك زعلانه الا اني مبسوط شويه كده وانا شايف الغيره هتطلع من عينيكى وجسمك مولع نار وهتنفجري، احساس لذيذ بصراحه
بعدت عنه وانا بقف بمسافه قريبه قدامه وبقول بعصبيه
- انت بتتريق عليا! فكرني بهزر، إياد والله هموت من الغيظ وانت معندكش دم اصلا ول احساس
ابتسم وظهرت إسنانه ببيضهم الامع وهو بضرب راسي بخفه
= اوعدك انه حقك هيجي وكل العناوين دي هتتغير
وهنسيكي اليوم ده للابد، بتثقي فيا؟
- اكيد واثقه فيك بس انا مبعملش كده عشان اظهر ول...
= عارف متبرريش اي حاجه تاني ليا
-....
سكت وبصيت جنبي وانا بشوفه بيراقب عيوني وانا بتهرب منه وبرجع اهدا وقلبي يطمن تاني
سمعت صوته الي بعشقه وهو بحاول يبررلي وجهت نظره
=احم انا جبتلك الهديه دى لانه فيروز بتحب كده جداا وهي كانت بتطلب مني ده برضه فتوقعت انه كل البنات بتحب الحاجات دي، واول ما وصلت وقلتلها الطلب المعتاد بعتته ومكنتش اعرف انه شبه بتاعها زمان، بس متقلقيش هرجعه واجبلك الي انتِ عايزه واركز في إهتمامتك ولي بتحبي.
- لاء سيبه ده غالي جدا! واورچنال مقدرش اجيبه لوحدي ده حبيته اوي سيبه
بتنهد
= الا إله الا الله! ، انتوا مجانين علفكره!
ابتسمت ومسحت دموعي وانا لسه عيني في الاتجاه التاني بعيد عنه وعن تركيزه الي زاد اكتر واكتر
= بتهربي بعيونك مني لي؟
- عايزه اسال سؤال ومتردده
= أسالي
- حبيت مين فينا اكتر انا ول هي؟
=.....
سكت وبص لسقف بتفكير فتعصبت تاني وضربته بإيدي وانا بقول بإنفعال
- انتَ بتفكر! انت بتفكر بجد، عايز تجلطن....
ضحك وهو بحرك دراعي اتجاهه وبيطبع قُبلته على شفايفي وبيخضني زي كل تصرف متهور منه!
استسلمت لي بعد ما بعد عني بفتره مش قليله وقال بمكر
= هه مجنونه!
- انا برضه!
= اعتبري ردي لاني بحب الافعال اكتر من الكلام الحقيقه
- بطل قلت ادب!
ضحك وشبك صوابعه في إيدي وتحركنا تحت كلامه المرح
= المحشي برد بسببك ها؟ لو برد هتسخني تاني
- هعضك والله!
= خلاص هسكت
- احم احم شوفت كيس تاني نبيتي كده طلع فوق؟ امم
= مفهوش حاجه عادي
- إياااد!
= في علب الBiskrem بتاعتي إرتحتي
- يادي النيله علي Biskrem ول اخترعه يخي
= بحبك اكتر منه علفكره
- نينيني
= متيجي نطلع بلبس القمر الي انتِ لبساه ده ونشوف بقول اي؟ ونسكتشف الاوضه مع بعضينا كده؟
- والمحشي؟
= بحبك اكتر منه هو كمان تخيلي!
-تصدق اقنعتني؟
= شُفتي
------------------------------------------
تتحرك بسيارتها لڤيلا حازم الشهواني وتضع السماعه وهي تستقبل ردها بتعبيرها البارده والمستفزه دائما
ميرنا
: قال انه هيجي.
بإبتسامه
فريده
: كنت عرفه اني وحشته
ميرنا
: هو فعلا عارف انك انتِ ل سألتي وقال "قول للي بعتاك تكلمني.. اني هحضر اكيد "
فريده
: كان اكتر حاجه بديقني فيه هوسه وغبائه في طريقه حبه ليا لكن ديما كان زكى ودماغه حلوه في Business وفي الحياه، عشان كده وحشني بكل تفصيله، متلهفه اشوفه اوي
ميرنا
: وناويه تعملي اي؟
لو سمحتي يا فريده بلاش فضايح في فرحي تمام
فريده
: متقلقيش مش ناويه اعمل حاجه، هعرف اخر التطور الي وصله وبعدها هشوف هعمل اي
المهم ابعتيلي الlocation واليوم في مسج
ميرنا
: ok
تُوقف السياره وعلي ثغرها فرحه الانتصار، كم ينبض قلبها شوقا لرؤيته ف هي تتابعه مجالات فقط من وقت سفرها
مشتاقه لعطره وملابسه الراقيه ونظرته الجنونيه لها
ابتسمت برضى وتحركت وهي تنتظر المعاد بفارغ الصبر.
------------------------------------------
- الو
معتز
: رديتي لما لقيتي رغم غريب صح؟
- مين؟
معتز
: لحقتي تنسي صوتي؟
-....
معتز
: عهد انا معتز وحسيت انك فهمتيني غلط عشان بكلمك اطمن علي إياد بسبب توتر العلاقه بينا وكمان فيروز مبعرفش اتواصل معاها، توقعت انك تفهميني بس واضح انك فهمتي غلط والدليل اهو متجاهلني
-....
حاولت اتمالك اعصابي بعد ما راقبت طيف إياد لما اتحرك للحمام وبياخد دوش فطلعت من الاوضه وتكلمت معاه بمنتهي الجديه
- استاذ معتز ، حضرتك شخص كويس ومشفتش منه غير كل خير، بس انا واحده متجوزه وكلامك معايا معتقدش انه يرضي إياد او يعجبه
إياد اظن انه كويس ومفيش حاجه فيه وبروح شغله وبتواصل مع الكل يعني مش محتاج ترن عليا كل 3 ايام تتطمن عليه يعني!
ولو عايز تطمن عليه في الف طريقه تانيه، كلم عمار، كلم يامن، كلم اي حد تاني غيري وصدقني هيفيدك وانا مفهمتكش غلط ول حاجه بس بتكلم عن الصح والي مفروض يتعمل واذا حضرتك رنيت عليا تاني هخلي إياد الي يرد عليك المره دي مش انا
تشرفت جدا بحضرتك، بتمني تكون اخر مكالمه بينا، سلام
قفلت السكه وانا بتنفس براحه فلقيت إياد ورايه وبنشف راسه في الفوطه فرتبكت
= في حاجه؟
- ل.. لاء مفيش رقم غلط، انت محتاج حاجه؟
= عايز شاي يا باشا
- عينيه يا قلب الباشا
......
تقفل المكالمه دون ان تستمع له فيضرب الهاتف في الحائط بعصبيه
خالد
: اي يا غبي! تلفوني ده
معتز
: هتجنن يا خالد! ازاي بنت زي دي تعمل فيا انا كده مفيش ول محاوله جيبه معاها وغير كده مبتخرجش من البيت فالواحد مش عارف يصطادها من اي مكان ويقول صدفه، معرفش مبتزهقش لوحدها وبتموت من الخنقه مثلا!
غير انه الزفت إياد حميها زي ظله، اوووف هموت
خالد
: قلتلك فكك منها مش راضي تسمع كلامي، صدقني مش شبهك ول هتحب عقليتها، انت عايز ليله وتقلب شوف اي واحده وشاور واتمزج واقلب مخلصوش النسوان عشانها يعني وغير كده مش مثيره اوي لعصبيتك دي كلها
كبر دماغك بقي
معتز
: ولي بنت تانيه وهي موجوده؟، لي متكنش هي يعني
اختلف اي انا عن إياد؟ ، اي الي يخليها تكرهني بشكل ده؟ لتكون فكرت نفسها حاجه عشان بجري وراها وبتتقل عليا
لو ده حصل يبقي العقاب هيكون اتنين والليله ليلتين
يحرك خالد راسه بقله حيله ويخرج سيجارته وينتبه لباقي حديثه بتركيز
معتز
: وغير كده عايز احرق قلبه، صدقني بحبها اوي واول ما تسيبه وتجيلي هينهار وهينتهي
وفي الحاله دي هكون ضربت عصفورين ب حجر واحد
هيكون انتهي وبقيت ليا
خالد
: وهتعمل كده ازاي يا ابو العريف
معتز
: هنشوف الي هيحصل في الفرح الاول وفريده ناويه تعمل اي وهنقرر، الصبر حلو، وانا معنديش اكتر منه.
خالد
: انتوا اتجننته خلاص، اما اروح اشوف التلفون الي تكسر ده هتصلحه لو جرى له حاجه فاهم
يقلب عينيه بضجر ويشرب من كأسه ونار عصبيته لم تهدأ.
------------------------------------------
بعد اسبوع
= مال القمر مكشر لي بس؟
- القمر هيطق من جنابه، زهقااانه يا إياد
يعني انت بترجع الساعه 10 بقالك اسبوع وانا برغي مع فيروز شويه الصبح وبقت مشغوله من وقت ما قعدت مع العيال ومبعرفش اكلمها
بالله خليها ترجع تاني وقول ليامن يجي معاها
متقلقش اوضتها واسعه عادي والعيال في اوضتهم وتيتا زي ما هي اوضتها مقفوله اي رئيك؟ بالله قلها
اتنهد براحه وهو بحط الشنطه جنبي وبفك زرار البليزر من عليه وبعدها قرب مني وبص لي بصه عمره ما بصهالي قبل كده وهو بحرك إيدي بين كفه وبقَبل باطن إيدي برقه
- إ.. إياد؟
= كل ما احاول اعمل مقارنه بينكو بفشل وبجداره
مفيش وجه شبه واحد اقدر اقوله بينكوا
عهد انتِ مينفعش تتقارني بحد ، انتِ في حته تانيه لوحدك ،
ربنا يديمك في حياتي ومتحرمش منك ومن وجودك وحنيتك عليا وعلي عائلتي يارب
- لاء بقلك اي! انا بسيح وبتعب، قلتلك كده إمبارح صح؟
مبتسمعش الكلام لييي
= ههه
طيب بمناسبه الكلام، مش انا واعدتك انه بعد اسبوع لما اخلص شغل هنروح شرم الشيخ ونقعد اسبوعين هناك
حركت راسي ب ايوه ، فتَكه علي خدودى وقال بسعاده
- واهو جيه اليوم، مش تامر حسني لاء
جيه اليوم بجد وقومي جهزي الشنط هنمشي بكره
= بجد! احلف! ييي حاضر حاضر
- استني رايحه فين؟ فين حضني طيب؟ انت يا اوخت
------------------------------------------
بعد شهر ونصف.
= واخيرا الحريه!
- مبروك يا حبيبي، ربنا تمم علاجك علي خير الحمد لله
= دلوقتي اقدر اقلك اني هقدر احضن كويس اوي بعون الله
- هه طيب يلا يا عسل عشان عمر باقي 10 ايام علي إمتحاناته ومحتاجين نتحرك بسرعه ها يلا
= يدي عمر الي خدك مني انتي وفيروز انا بدأت اغير علفكره
- هشتري ليك Biskrem؟
= خلاص موافق يلا بينا.
------------------------------------------
خلال 5 ايام.
= حبيبي استعدي الليله
- في اي؟
= ورانا فرح مهم لازم نحضره
- فرح؟
= امم ميرنا وعمار
«مستحيل مستحيل مستحيل»
اتنهد بتعب بعد ما رجع من الشغل بدري وحاول للمره الرابعه انهارده يقنعني، لاء مش هروح مكان في الشله الزباله دي، ابدا ولو فيها موتي.
= عهد انا بدأت افقد اعصابي وبتكلم بجد؟ قومي البسي
-.....
صوته علي فتنفضت عشان متوقعتش انه يرفع صوته ويتعصب لدرجه دي، بلعت ريقي وانا بتحرك فوقفني وغمرني جواه بدراعه لتنين
= انا اسف انفعلت شويه
- هقوم البس حاضر
= عهد لو سمحتي! ، صدقيني مقصدش
- مُصر تروح اوي كده لي؟
هي هتكون هناك اكيد، لي.. لي عايز تشوفها
= بتثقي فيا؟
- اكتر من نفسي
= يبقي روحي البسي واعرفي انه مش هخذلك ابدا اتفقنا
حركت راسي بحاضر فباس جبيني وطلعت وانا بختار الفستان الي قيسته في المحل الاحمر في الاسود وتصورنا بيه وهو بضمني لي لاول مره!
اتحرجت وخدودي حمّرت وانا بضحك بفرحه وجبت أجزاء التكمله للفستان الى نسقتها عليه من طرحه حمره وheels فرده اسود ساده وتانيه حمره ساده وكأنهم فردتين مختلفتين لتنين عندي بس انا حبيت شكله اوي
روچ خفيف وكُحل والساعه الدهب الي جبهالي الاسبوع الي فات وفيها لؤلؤ جذاب من جوه وشنطه السوده السواريه
ودن.
نزلت فقابلني ببدلته السوده الرسميه الي لحسن الحظ كانت هي بظبط الي تصورنا بيها! وبعدها موتنا مضحك
- ههه صدفه جميله!
= او يمكن قدر.
ابتسمت ونزلت عيني بهدوء فمسك إيدي بين صوابعه وتحركنا
= الفستان قمر
عدلت لياقتي بمرح وانا بفكره بكلامه
- وصحبه الفستان؟
= قمرين
- ايوا بقي
ضحكنا وانا لسه بتحرك معاه وبنمشي فسالته بفضول
- احنا ريحين فين؟
= الجراش بتاعي، هركب انهارده علي ذوقك
بصت له بغرابه فحرك عينيه بمعني اصبري، بقيت بفهمه من نظره عينيه حتى، يخربي عليا.
حرك بصمته عليه فتفتح، كان قزاز من كل إتجاه واول ما شغل الاضاءه البيضه في السقف المعلق انبهرت!
- واوووو الجراش مليان عربيات فخمه
فيراري
سوبرتاج
چيب شيروكي 2021
ميتسوبيشي لانسر الحديثه
اوبل كورسا! هه حقيقي تحفه
= بنسعق من معلوماتك وانك بتفهمي في انواع العربيات لدرجه دي رغم انك بنت!
- امم كان نفسي اهرب من بيتنا من زمان اه والله بكلمك بجد ولازم عشان كنت اعمل كده وقتها يكون معايا عربيه
فبدات احلم وحلمي انه يكون معايا عربيه اهرب بيها وتستحمل السفر لمسافه بعيده وتستحمل اوزان تقيله
فسالت نفسي لو جبت عربيه بالموصفات دي هجيب نوع اي؟
ف بحثت بقي وعرفت الاحلي والافخم والانواع وهكذا وحفظتهم
= مُتمرده من صغرك
- هه جايز.
سكت وانا بتسحرني ملامحه في سكُته، مينفعش يقف ساكت كده وتأمله بتعب! البدله هتموتتتني
فُقت علي حمحمته بعد ما ركزت فيه اوي ورسمت ملامحه
جوايا، جوزي جوزي عادي
بس إبتسامته وقربه مش عادي لاء مش عادي!
اتحركت من مكاني بهروب فضحك فكسرت الصمت بسؤال منطقي الحمد للله
- انهي عربيه بتاعتك؟
= كلهم بتوعي
-!!!!
= ها ركبني علي ذوقك؟ تحبي نركب اي؟
اتحركنا بالچيب الحديثه مش عشانها الافخم بس
عشانها ميكس بين الاحمر والاسود ولايق مع الطقم
ول عشتي وشوفتي انك بتختاري عربيتك لون الطقم بتاعك يا عهد! الود ده بتاجر في الممنوعات اكيد!
اول ما دخلنا من الممر لقيت الصحافه في كل مكان حاولينا فرتبكت، لاحظ ارتباكي فمسك إيدي بثقه وهو بقولي بهدوء
= لو اي حصل متسبيش ايدي مفهوم؟
- حاضر
= ممكن نتصور وممكن نتسأل أسئله فجهزي ليها
دخلتيني عالمك كتير ودوبت فيه ودلوقتي لازم تدوقي
عالمي ولو ساعات بسيطه عشان خاطري استحمليهم
عشان اقدر اقلك انه خلاص مفيش حاجه هتستخبي عليكي بعد كده وهكون كتاب مفتوح قدامك
- هيأذيني؟ عالمك هيأذيني زي اول مره
= بالعكس هيحميكي
طول ما انا جنبك متخافيش يا عهد، ركزي في عيوني وانسي اي حد تاني هتلقيهم مش موجودين وانا بس الي حوليكي
تمام نتحرك؟
- نتحرك.
= دقيقه هفتحلك الباب
اول ما خرج الناس بدأت تتلم من جميع الاتجاهات والكركبه في بطني زادت وكنت هموت من التوتر
ياريتي ما البست heels انشك في رجلي قال احمر واسود قال!
مد إيده ليا فمسكتها وحاولت اتماسك، نظره عينيه وإبتسامته ومحاولته اني اركز في عيونه نسونى الناس كلها
ونسوني اسم كمان لو يحب
مشيت معاه وانا صوت الكاميرا حوليا من كل إتجاه
اتكيت علي إيديه وملقتش منها غير الامان والحمايه فهديت اكتر واكتر واحنا بندخل علي قاعه ملكيه
وقتها اتنفست بهدوء
وانا بوصل لبر الامان والحراس بيمنعهم من الدخول ورانا.
اتأملت المكان بشغف، اللون الدهبى والتماثيل والتحف والنجف المعُلقه حاجه في منتهي الجمال وروعه
التربيزات المنتشره بطريقه منظمه ومتغطيه بالابيض الستان وعليها ورود بيضه وحمره راقين جدا ولونهم مُبهر
الناس قليله والكاسات منتشره
كأني دخلت فيلم اجنبي بظبط، الايادي الي ترفعت لما دخل والابتسامه الي انتشرت علي وجوه الكهول والشباب خلتني فخوره بيه جدا وبإنجازه
= بتبصي لي كده لي؟
- فخوره
= بالعكس انا الي فخور.
معرفش سرحت في لحد إمتي لكن فوقت على ريحه برفان حريمي فاقع ومنتشر، بصيت في الاتجاه قدامنا
لقيتها في وشي!
نفس صور الألبوم لكن بشعر بني اطول شويه
ظهرت ب طله فستان مينفعش يتقال عليها انها جريئه
كانت وحشيه! ، فستان احمر قصير لفوق الركبه صك لدرجه تقزز من غير اكمام وبكتاف عريضه ومكشوف بوسع من منطقه الصدر والضهر، وheels احمر نفس درجه الفستان
وميكب قوي يسحر ضايف ليها انوثه وجاذبيه لا تقهر
حركت عيني من عليها وانا بدحرج عيني لي
وبقلق واتوتر اكتر واكتر
وانا بشوف اطرافه كلها يتتخدر وبتوه بعد ما وقعت عينيه عليها ، نظرته الغريبه ليها، اعصابه الي اتشدت مره واحده بقوه بعد ما تخدرت برضه بطريقه واضحه وبقوه والبروده كلها بتكتسح وشه زي اول مره شوفته فيها
كنت واقفه في نص!.
واقفه بشوف نظرات عيون خاليه من الحياه!
قدام نظرات لهيب ها وشوقها الى مليانه امل لدرجه تخوف!
واقفه بين حبلين
واقفه بين التلج والنار