رواية غرام الاسد كامله جميع الفصول بقلم شروق محمد

 رواية المجنونه التي احببتها 

الفصل الرابع4الاخير 

بقلم رحاب خالد

_بعد مرور عدة ايام... 

ندي بدموع: ازاي ي نسرين انا حليت كويس مكنتش متلخبطه غير فسؤال واحد.. 

قالتلها نسرين بحزن: مانتي ي ندي الدكتور خالد اداكي صفر فاعمال السنه.. 

ندي ببكاء: ده ظلم والله المفروض صفر فالشفوي بس والباقي سوا شيتات او كتب والحضور انا كنت بعمل كل حاجه وحاله كويس هو ظلمني.. 

نسرين: طيب اهدي خلاص وعوضي فالفاينل.. 

ندي بحزن شديد: عشان اعوض فالفاينل لازم اقفل الامتحان والماده دي رخمه وصعب اقفلهاا.. 

نسرين بحزن: طيب خلاص يعني هنعمل اي دلوقتي عوضي السنه الجايه و... 

ندي بغضب: مستحيل وحياة امه لاكون معرفااه هو غلط مع مين.. 

نسرين وهي تجري وراها بخوف: استني ي مجنونه انتي رايحه فين... 

دخلت ندي اوضة مكتب خالد من غير متساذن وقالت بغضب: انت ازاي تعمل فيا كده ده ظلم؟.. 

خالد بحده: انتي اللي ازاي تدخلي مكتبي كده؟.. 

ندي بغضب: هو مكتب رئيس الجمهوريه ي خي مترد عليا.. 

نسرين بقلق: سوري ي دكتور بس هي بجد اتصدمت فالنتيجه ومتعصبه.. 

خالد بغضب: دي مش عصبيه دي قلة ادب.. 

ندي بغضب شديد: لحد هنا وكفايه انا استحملت منك كتير ومعرفش لي بتعمل معايا كده واستعندتني فدراستي ومتعمد تدمر مستقبلي، حتي الاسئله اللي بتسألها ليا كانت صعبه جدا لو دكتور نفسه هيتلخبط فيها وكنت متعمد كده عشان تنزلني فمادتك صح.. 

_مردش عليها خالد وفضل باصلها ببرود.. 

ندي بدموع لاول مره تظهر امامه: انا مش محتاجه منك تنجحني وريح نفسك انا هسيبلك الجامعه خاالص.. 

_صدم خالد من دموعها وكلامها الذي اللي باين عليه الالم وسابته ومشت من الجامعه كلها .. 

نسرين بحزن شديد: بعتذر بالنيابه عنها ي دكتور، بس بجد ندي متستاهلش كده هي طيبه جدا وعفويه جدا جدا، واول مقابله بينكم مكنتش تعرف حضرتك وفكرتك متعمد كده لان في شباب كتير بتدايقها وطبعا حضرتك شايف جمالها.. 

_ هز خالد لها برأسه، فمشيت هي  وسابته يفكر انه هو فعلا ظلمها من غير ميقصد  ،حط ايده ع قلبه اللي بقي يدق جامد،وبعدين قام وخد جاكيت بدلته وراح لاحمد والد ندي العياده بتاعته... 

ـــــــــــــــــــــــــــــــــــــــــــــ

خالد وهو يقعد قدام احمد بعد ما سلم عليه: انا اسف ي دكتور احمد لو كنت هزعج حضرتك او هعطلك.. 

احمد. بهدوء: لا ي بني لا ازعاج ولا حاجه، خير الحج محمد كويس وصحته كويسه؟.. 

خالد بتوتر:ااه بابا كويس، بصراحه ي دكتور انا مش جايلك عشان بابا، في موضوع تاني حابب اتكلم فيه مع حضرتك.. 

احمد بجديه: خير ي خالد اتكلم في اي؟... 

خالد باحراج: بصراحه انا بسبب غباء عندي اتسببت فأن ندي ممكن تشيل الماده بتاعتي السنه دي، وبجد انا اسف جدا و.. 

احمد: ااااه اكمنها قالت انها هتحول من جامعة القاهره لاسكنديه.. 

خالد بسرعه: مش هيحصل انا هعتذرلها وهصلح اللي حصل فدراجتها باي شكل والله.. 

احمد بهدوء: لو تقدر تغير رئيها ياريت.. 

خالد: طيب هي فين دلوقتي انا هروح ع طول اتكلم معاها.. 

احمد وهو بيبص لساعة ايده : تقريبا كده نص ساعه وهتكون هنا عشان عندها ماتش مع العيال.. 

بصله خالد من غير ميصدق اللي سمعه وسأله: سوري ي دكتور بس هو ازاي حضرتك تخلي انسه جميله زي ندي تلعب كوره كده فالشارع؟.. 

احمد بابتسامه واسعه: انا كنت زيك كده وكنت بعترض ومازلت بس بيني وبينك انا فخور جدا باللي هي بتعمله ده.. 

خالد بعدم فهم: مش فاهم؟! 

احمد بجديه: الولاد اللي بتلعب معاهم ندي دول الولاد بتوع الملجأ اللي جنب العماره هنا وبيحبوها جدا وهي كمان اكتشفت ده لوحدي وعرفت كمان انها بتشيل نص مصروفها وكل شهر بتجيبلهم تيشرتات الاهلي وكور.. 

ضحك خالد وهو بيفتكرها وبيفتكر ضحكتها وهزارها معاه وقال من غير مياخد باله: كل ده يطلع من ندي؟!.. 

احمد بمرح: سبحاااانه.. 

قام خالد وقال لاحمد بابتسامه واسعه: طيب انا هنزل اتكلم معاها، وان شاء الله لوحضرتك بكره بالليل فاضي انا هجيب اهلي ونيجي نشرب مع حضرتك الشاي بخصوص ندي.. 

احمد بابتسامه خبيثه: امم انت متأكد المره دي؟.. 

خالد بثقه : متأكد مليون فالميه كمان.. 

احمد بسعاده: تنورنا ي بني اتفضل.. 

ـــــــــــــــــــــــــــــــــــ 

_ نزلت ندي من التاكسي بهدوء، لتتحول ملامحها الهدوء للعصبيه وهي بتشوف قدامها الاطفال صحابه بيلعبو كوره مع "الملزق" خالد.. 

راحت  له ندي بغضب وقالتله بصوت عالي: انت كمان هتاخد مني صحابي، يعني مكفاكش خليتني سيبت جامعتي.. 

توقف خالد عن الجري مع الاطفال وراح وقف قدامها وقالها بضحكه خبيثه: لا ي ندوش انا مش هاخد منك صحابك ولا هتسيبي جامعتك.. 

_بصتله وهي مش فاهمه حاجه.. 

خالد بهدوء: انا اسف بجد اني اذيتك فدرجات اعمال السنه كنت فاكر اني كده هستفزك زي مستفزتيني فالفرح وغيره بس اهو اعتذرت وكمان هصلح اللي حصل.. 

ندي بصوت حزين: اللي انكسر لا يمكن يتصلح ابدا ي دكتور خالد.. 

مسك خالد ايدها وقالها بندم: ارجوكي ي ندي انا بجد ندمت و..

 

ندي وهي تسحب ايدها منه بغضب: انت صدقت ياااه، وبعدين اي مش هتسيبي الجامعه دي بشوق امك هو اصلا.. 

عض هو ع شفايفه بغيظ ورد عليها بغضب شديد: ندي ياريت بلاش استفزاز انا مش بعرف اتحكم فغضبي.. 

ندي بحده: مطلبتش منك تتحكم فيه ومطلبتش منك تيجي وتعتذر لاني اخدت قراري اني هنقل لجامعة اسكندريه.. 

خالد بجديه: طيب لو قولتلك اني هتدايق لو مشيتي، وهتدايق لو دخلت المدرج او الجامعه وانتي مش فيها وان وجودك فاارق معايا هتمشي برضو؟.. 

ندي وهي تتجاهله وتمشي ناحية  الاطفال: لااااا حقيقي زعلت لااااااااا انا اتأثرت ابوووس ايديك كفايه هعيط منديلي مش معاياا... 

بصلها بغيظ وقال: ماشي ي ندي براحتك بس انا برضو عملت اللي عليا تمام، وع فكره عشان ي حلوه تنقلي اسكندريه لازم تجيبي ع الاقل جيد جدا واقسم بالله لو صممتي ع رئيك لخلي دكاترة الكليه كلهم يشيلوكي المواد.. 

_ سابها وركب عربيته ومشي وهو متعصب جدا،  وهي برضو كانت زعلانه جدا.. 

قالها واحد من الاطفال بمرح: ي ندي انتي هتتجوزي خالد امتي وهتعزمينا ع الفرح صح؟.. 

ندي بتوتر شديد: اي اي ي عم فرح اي بس مين قالكم كده؟.. 

الطفل ببراءه: خالد قالنا انه بيحبك وهيتجوزك.. 

قعدت ندي ع الارض لتبقي فنفس طول الطفل وقالت بسعاده وخدود حمرا من الكسوف: اي خالد قالكم كده؟.. 

الطفل: ايوه والله.. 

ندي بابتسامه خبيثه وسعاده ملت قلبها: طيب يلا نلعب الماتش انا جيبت النهارده بسكوت اوريو هنلعب عليه.. 

ـــــــــــــــــــــــــــــــــــــــــــــــ

دخلت الهام اوضة ندي وقالتلها: يلا ي ندوش الناس وصلت.. 

ندي بحزن: طيب جايه.. 

الهام بقلق: مالك ي حبيبتي لو مش عايزه تقابلي الناس خلاص؟..

ندي بضيق: بصراحه ي ماما مش عارفه مالي بس تفكيري كله فالزفت خالد لدرجة اني لاول مره مكونش مبسوطه بأن عريس متقدملي، بس هطلع وهقابله عشان مجيبش جلطه للراجل الغلبان اللي بره ده.. 

الهام بتوتر: ندي انا هقولك ع حاجه باباكي حالف مقولك عشان خايف ترفضي.. 

ندي بأهتمام: خير ي ماما..؟ 

الهام: العريس اللي بره يبقي خ.. 

دخل احمد للاوضه وقالهم: مـ يلا ي جماعه الناس قاعدين بره بقللهم كتير لوحدهم.. 

قامت ندي بسرعه وقالتله: حاضر ي بابا، هروح اجيب العصير من المطبخ وجايه.. 

الهام بعد مـ مشيت ندي: اسكت ي احمد شكلها المره دي هتتم ع خير... 

احمد بهدوء: ان شاء الله ولو متمتش عادي احنا بنتنا لسه صغيره وهنفرح بيها فأي وقت برضو، بس انتي اللي خلاكي تقولي كده؟.. 

الهام وهي تسحبه لبره: هتفهم دلوقتي.. 

_ كانت ندي طالعه للصاله اللي يوجد بها خالد وعيلتها وعيلته وهي بتبص للارض بأحراج، وبعدين وقفت بصدمه بعد ما  سمعت احمد وهو بيتكلم.. 

احمد بهدوء: منور الدنيا ي حج محمد انت وخالد ومدام رجاء والله.. 

محمد بسعاده: ده نورك ي احمد والله ونور عروستنا القمر.. 

_ رفعت هي رأسها فشافته هو وبيبصلها بأبتسامه واسعه، لتشهق بصدمه ووقعت من ايديه المشروبات... 

رجاء بتعجب من حالتها: فداكي ي حبيبتي اتكسر الشر.. 

ندي وهي تشير لخالد بغضب: الواد ده بيعمل اي هنا؟.. 

حط خالد رجل فوق التانيه وبعدين عدل ياقة قميص بدلته بثقه وقال: جاي اخطبك وبعدين اتجوزك.. 

بصت لباباها ومامتها بغضب وقالت من بين اسنانها: ده انتو يومكم اسود معايا انا يتضحك عليا.. 

الهام بخوف: انا مليش دعوه والله باباكي هو اللي قالي مقولكيش.. 

خالد ببعض حده: خفي هبل يلا وتعالي اترزعي عشان نقرا الفاتحه.. 

ندي بغيظ: الفاتحه دي اللي هتتقري عليك لو مطلعتش بره دلوقتي.. 

شاورت لمحمد ورجاء وقالت بهدوء: طبعا الكلام ده مش ليك ي اونكل محمد انت وطنط رجااء... 

خالد بجديه: وانا مش هتحرك من هنا غير لما نقرا الفاتحه.. 

ندي بغيظ شديد: والله عمري مشوفت بجاحه كده يشيلني الماده اول امبارح ويخطبني النهارده، انهي يالا الحوار واتكل ع الله يلاا احسنلك..

خالد ببرود: قولت لا ومش همشي غير لما توافقي.. 

ندي وهي تمسك قطعت الجاتو وقالت بغضب: انت اللي جيبته لنفسك.. 

ـ خلصت كلامها وضربت خالد بيها علي هدومه تحت صدمة الجميع وغضب خالد الشديد منها.. 

_وقف خالد بغضب ووقف قدامها ليقف الجميع بخوف.. 

خالد بحده: محدش يدخل خليكم قاعدين احسنلكم.. 

ندي وهي بترحع لروا بخوف من نظراته الغاضبه: ابعد يالا والا اقسم بالله هعورك.. 

خالد بغضب: وبعدين مش هتعقلي؟.. 

ندي بابتسامه بلهااء: وجناني ده عين العقل.. 

خالد بغيظ: مبهزرش.. 

ندي بحده: وانا كمان مبهزرش انت مش جاي تطلبني للجواز وانا بقولك مش موافقه طريقك اخضر بقي.. 

خالد بهدوء وثقه: بحبك.. 

نظرت له هي بصدمه وقالت: اي!!!!... 

خالد بصدق وجديه: معرفش ازاي وامتي بس اللي يخليني اجي اخطب وحده دماغها فالمهلبيه وانك تشغليني من اول يوم شوفتك فيه بالشكل ده اكيد هو اني بحبك.. 

ندي بتوتر: وو وانت اي اللي جابرك تخطب وحده دماغها فالمهلبيه؟.. 

خالد بهدوء شديد : كتير، طيبتها مثلا وجمالها وجنانها وحاجات كتير محدش شافها ولا هيشوفها فيكي غيري.. 

احمد بغيظ : احمم ي دكتور خالد احنا هنا... 

ندي بحده: استني بس انت ي ابو حميد.. 

بصت لخالد وقالت من غير متاخد بالها: هيييح كمل، اا اقصد يعني انا مش مقتنعه بكلامك ده.. 

خالد بحاجب مرفوع: وحياة امك.. 

ندي بغرور: ااه انا لو هتجوز صالونات فهوافق بأي حد الا انت، انما لو انت بتحبني اثبتلي ده وقتها ممكن اوفق بيك.. 

خالد بحده: مانا اعترفت قدامهم كلهم اهوو.. 

ندي ببرود: مش كفايه دوول.. 

خالد بثقه: تمام، اوعدك قدامهم كلهم انك فخلال الاسبوع ده هتكون ايدك الحلوه دي فيها دبلتي.. 

بص لاهله وقال: يلا بينا احنا ي جماعه وهنقرا الفاتحه فوقت تاني قريب ان شاء الله.. 

_ مشي خالد وعيلته بعد ان ودعو ندي وعائلتها برسميه.. 

ـ احمد وهو يقلع جزمته ويجري ورا  ندي: عايزااه يثبتلك انه بيحبك ازااي يبت الك*ب ي واط*يه انتي.. 

ندي وهي بتجري قدامه بخوف: جرا اي ي حماده مانا كنت بغليني.. 

احمد بغيظ: طيب وحياة امك ي ندي مفي تحويل لجامعة اسكندريه.. 

ندي بغرور: اسكندرية اي بس، ده انت هبقي حرم الدكتور خالد الشاذلي.. 

احمد بسخريه: هع كان في وخلص الراجل تلاقيه طفش من عمايلك..

ندي وهي بتحط زراعها ع كتف احمد بمرح: تفتكر طفش ي ابو حميد ولا هيطلع بيحبني بجد.. 

احمد وهو يضربها بجزمته ع رأسها بقوه: ات*فو ع وش اللي جابك غوري من وشي يلااا.. 

_ جريت هي لاوضتها بخووف شديد... 

ـــــــــــــــــــــــــــــــــــــــــــ

_ كانت ندي داخله الجامعه وهي بتجري كعادتها عشان تلحق بمحاضراتها، حتي اصتدمت بخالد .. 

خالد بحده: متفتحي ي بت انتي عاميه.. 

ندي بغيظ: اي ده هو كيلاكيت تاني مره ولا اي، لا انا بزهق بسرعه..

خالد بغمزه: وانا كمان بزهق بسرعه.. 

_ خلص كلامه وقعدع ركبته قدامها وطلع من جيبه  العلبه القطيفه وحطها قدامها بعد ان ما فتحها وظهر  الخاتم الالمااس...

 وقال بعشق وهدوء: تتجوزيني؟.. 

لاحظت ندي تصفيق الطلاب ليهم ومن بينهم والديها و والدي خالد وصحبتها نسرين.. 

ندي بحده: علبوشكلك بجد، طيب كنت قولي كنت لبست ديرس حلو بدل السلوبيت الزفت دي.. 

_قفل خالد العلبه القطنيه وقام واقف وقالها بغضب: انا كنت عارف ان جو الرومانسيه ده مينفعش مع اشكالك.. 

مسكها من زراعها بغضب وقالها بعصبيه: بت هتتجوزيني ولا لا؟.. 

ندي بابتسامه مرحه: هييح موافقه موافقه ي حمش انت ي قمر.. 

كملت كلامها بغمزه وهي بتقوله: اي بقي نخلي الدخله الخميس الجاي ي ملزق.. 

خالد وهو يتصنع الخوف: لا انا قلقت منك قدمنا بتاع سنه كده..

 

ندي بحده: ناااعااااام ي خوياااا سنه اي هما شهرين وتكون كاتب عليا والا هنحرف.. 

خالد بضحك شديد وهو يمسك ايديها: بحبك ي مجنونه.. 

ندي بخجل وهدوء: وانا كمان بحبك ي ملزق.. 

_ احتضنها هو بقوه، وانتهت قصتنا القصيره🫱🏽‍🫲🏻

    هنا.في كرنفال الروايات ستجد

.كل.ما هوا جديد.حصري ورومانسى

.وشيق.فقط ابحث من جوجل.باسم

. الروايه علي مدوانة. كرنفال الروايات

.وايضاء.اشتركو على

 قناتنا👈علي التليجرام من هنا

ليصلك. اشعار بكل ما هوه. جديد من اللينك الظاهر امامك

  🌹🌹🌹🌹🌹🌹🌹🌹🌹🌹🌹

            تمت

 

لقراءة باقي الفصول من هنا

تعديل المقال