رواية انتقام الحب
الفصل التاسع9
بقلم مورا
دخل الاب الشركه
كل عمال الشركه سلمو عليه
احمد:عاملين ايه كلكوا
العمال؛كويسين
كان احمد بيدور علي حد بعنيه
احمد؛ادم.....تعالي المكتب
دخل احمد المكتب
يارا دخلت الشركه وراحت علطول لاحمد
يارا:ايه اللي انا شفته امبارح ده
ادم؛مش وقتك دلوقت
دخل ادم المكتب
احمد؛اهلا
ادم كان واقف مرتبك ومش عارف يتكلم
احمد:ايه بقا الفيديو ده
ادم؛حضرتك احنا ماكنش ف نيتنا اي حاجه
احمد:والله.وعايزني اصدقك.....انا فاهمك اكتر من نفسك علفكره
ادم؛حضرتك تقصد ايه
احمد؛بت حلوه لذيذه....فيها ايه لما ارسم عليها الحب....ماابوها راجل غني...اضحك عليها واخليها تقع ف حبي واتجوزها ....وبقا ليا اسم وفلوس وشركات
ادم:حضرتك ايه الكلام ده... انا انسان محترم...وكلكوا بتطلعوا اوهام من دماغكوا. .....انا ومايا عمرنا ماقولنا لبعض بحبك والكلام ده
احمد؛اسمها استاذه مايا.. طبعا مانت لازم تقول كده....اسمعني بقا كويس....انت لو عايز تكمل معانا ف الشركه يبقا تحترم نفسك كويس قوووي ومايا دي لو شفتها قدامك تغمض عنيك ياااما تقلعهم خااالص فاهم
ادم كان باصص عليه وكان زعلان قووي من كلامه
ادم؛حاضر
احمد:يلا غور علي شغلك
طلع ادم من المكتب وراح شغله
يارا:ها قولي موضوع الفيديو ده
ادم:ماتغوري بقا انتي مالك بيا انا مش ناقصك انا
........
عدا شهر ومايا وادم مش بيتكلمو خااالص ومايا مش مبطله تفكير فيه خاالص لكنها قررت تكلمو
مايا؛الو
ادم:اهلا استاذه مايا
مايا:استاذه؟مالك يادم
ادم:حضرتك محتاجه حاجه
مايا:عايزه اقابلك ممكن
ادم؛وباباكي
مايا:مش ايعرف
ادم:حاضر
......
نزلت مايا وراحت تقابل ادم
مايا؛كل الفتره دي ماتسالش عليا
ادم:مايا....باباكي شادد عليا قوي ف الشركه وبيهزقني قدام العمال كلهم....انا بفكر اسيب الشركه
مايا:تسيب الشركه؟
ادم:انا كل اللي مخليني ان مرتبها قادر يعيشني كويس. وقادر اجيب علاج امي
مايا:ادم انا بحبك
ادم بصدمه؛بتقولي ايه
مايا؛انا بحبك...انت الوحيد اللي حسيت معاه بطعم الحب بطعم الحنيه.....صدقني انت الوحيد اللي حسيت معاه بكل حاجه الوحيد اللي فهمني الوحيد اللي عارف اللي جوايا
ادم:مايا ارجوكي.....بلاش تتعبيني ف حياتي....انا ماقدرش علي كده......انتي كده اتدخليني ف تحدي صعب جدا
مايا:عايزه اسمع منك كلمه واحده ياادم.....بتحبني ولا لا
ادم:.....
مايا:ها بتحبني
ادم:انا مش بحبك بس ....انا بموت فيكي...بس ماقدرش
مايا:انا احارب بابا عشانك....احارب كل الدنيا بس انت كمان لازم تحارب ياادم
ادم؛مستعد يامايا.....بس تعرفي مين اكتر واحد خايف منه
مايا:مين
ادم:انتي يامايا
مايا:انا؟ليه
ادم:خايف لاتصدقي كلامهم....تصدقي اني طمعان فيكي......
مايا؛انا عمري مااصدق الكلام ده
ادم:وعد
مايا:وعد ياادم
......
بعد سنه مايا وادم بيقضوا اوقات كتير جدا مع بعض وحبو بعض لابعد درجه...وكانت كل حياتهم سووا
.......
خلصت الجامعه ياادم.....
ادم؛وانا محوش فلوس واجي اتقدملك
مايا:مايهمنيش الفلوس ياادم
ادم:بحبك قوووي
مايا؛وانا كمان بحبك
......
كانوا قاعدين مستنين ضيوف
الام؛مين يابنتي العريس اللي جاي
مايا:اتعرفي يامااما
الام؛طب قوليلي
مايا؛ادم
الام ا؛ادم؟ادم مين
مايا:ادم....ادم اللي نزلنا فيديو واحنا بنرقص
الام؛يااانهار اسود باباكي لو عرف
مايا:استني ياماما ارجوكي....لما نشوف الموضوع ايعدي ازاي
الام؛يابنتي انتي كده بتفتحي عليكوا النار
مايا؛مستعده يا ما ما اواجه اي حاجه عشانه
الام؛يلهوي اليوم مش ايعدي علي خير
..
كان احمد قاعد والباب خبط وراح يفتح
احمد بص بصدمه
احمد:.....