رواية عشق خالد
الفصل السادس6
بقلم زنا احمد عماد
في غرفه عشق ...
كانت تجلس باستمتاع وهي تفكر في التخطيط لهروبها لتجلس سوزي بغيظ .
/مالك شكلك الفكره عجبتك .
عشق بابتسامه خبيثه /والا عجبتني اخيرا هجيب مناخير خالد الارض واندمه علي كل الي بيعملوه معايا وأعرفه أن مش عشق المرشدي الي تنجبر علي حاجه.
سوزي بغيظ /والله انتي وش فقر ولعلمك اكيد خالد مش هيسكت انتي كده هتخلي شكله زباله قدام البلد كلها .
عشق وهي تجلس بغرور وعنجهيه/وهو ده المطلوب علشان يبطل يعملي فيها كبير واخلص من الجوازه الهم دي هفضل محساسهم أن الأمور ماشيه تمام وفي الوقت المناسب همشي وريني بقا ي سي خالد هتعمل ايه..
********************.
في شركه خالد. ..
كان يجلس وهو يمضي بعض الملفات ليسير جاسر ومعه تقي .
جاسر بابتسامه/خالد تقي الي كلمتك عنها .
خالد بابتسامه /اهلا وسهلا اتفضلوا انتي خريجه ايه ي تقي .
تقي بجديه /خريجه تجاره ي خالد بيه .
خالد بابتسامه /حلو جوي انتي هتمسكي حسابات المكتب ي عني كيف سكرتيرتي كده .
جاسر بابتسامه/ربنا يخليك ي خالد ايه مبسوطه عاد .
تقي بابتسامه وسعاده لا توصف /طبعا مبسوطه اوي أن شاء الله هتكون عند حسن ظنك ي خالد .
خالد بابتسامه ساحره /باذن الله.
******************.
في جنينه فيلا المرشدي ..
كان يجلس عاصم وهو يشرب قهوته لتجلس نور بعبوث .
/افندم حضرتك عايز ايه .
عاصم بابتسامه/نور من فضلك افهميني انا مقصدتش اني اضايقك انا فيا حاجات كتير اتغيرت ي نور بعد الحادثه بقيت عاجز عن اجمل شي في حياتي وهي مهنتي كظابط بقيت عايش من غير روح مش ممكن اظلمك معايا ي نور ارجوكي افهمي .
نور بابتسامه وعشق /عاصم الي بيحب حد ميشوفش كل الي انت بتقوله ده انا بحبك ي عاصم بحبك واعمل حسابك لو متجوزتنيش مش هتجوز وهعنس وشيل انت بقا الذنب .
عاصم بضحك /هههههه قسما بالله مجنونه .
نور بعشق /بحبك مجنونه بحبك ي عاصم .
عاصم بنظره خبيثه/ي عني ايه مستعده نكتب كتابنا مع خالد وعشق .
نور وهي تصرخ بسعاده /بجد انت بتتكلم بجد ي عاصم للللوووووي ههههه.
عاصم بابتسامه/اقعدي ي مجنونه هتفضحينا .
نور بابتسامه/بحبك ي عاصم بحبك .
عاصم بابتسامه/بحبك ي قلبي.
***************.
علي الجهه التانيه ..
كان يجلس خالد وهو يأكل الذره المشوي باستمتاع .
/النهارده فرحي ي جدعان عايز كله يبقا تمام .
عشق بغرور وعنجهيه/طبعا ليك حق تغني مش مصدق نفسك انك هتتجوزني .
خالد ببروده المعتاد /لا علشان جدي وعدني يجبلي صافيناز في الفرح .
عشق بغيظ شديد/اووف البنات الي طلبتها هيجوا امتا .
خالد ببرود /ساعه وهيكونوا هنا مع اني مش عارف هيعدلوا ايه ولا ايه.
عشق بغيظ شديد/أما انتا شيفاني كده عايز تتجوزني ليه .
خالد ببرود /سبق وقولتلك قبل كده اني مش دايب فيكي .
عشق بغيظ /والي عملته من يومين .
خالد ببرود /غلطه ومش هتكرر تاني .
عشق بغيظ /خالد ارجوك انهي المهزله دي انا مش عيزاك ي خالد مش عيزاك .
خالد بحده /عايزه تروحي للواد المسهوك بتاعك مش كده اعملي حسابك اني حددت مصيرك خلاص وهتبقي مرائتي سواء وفقتي أو لا .
عشق بحده وتحدي /ماشي ي خالد ماشي مبقاش عشق الا لما وريتك انا هعمل ايه.
*****************.
في المندره ..
كان يقف ربيع بسعاده وارتياح .
/واه عاد ده احلا خبر سمعته في حياتي الف مبروك ي عاصم ي ولدي مبروك ي نور ي بتي.
عشق باستغراب /ايه ده في ايه .
ربيع بجديه /عاصم طلب ايد نور مني وانا وفقت وهي كمان موافقه ي عشق .
عشق بحده /الكلام ده مظبوط انتي باين عليكي اتجننتي ده مش ممكن يحصل ابدا .
خالد ببرود /هيحصل طالما هما راضين ومبسوطين ي بومه ي عدوه الفرحه.
عشق بغيظ /ي عني ايه انا واختي اتكتب علينا نتجوز فلاحين ونعيش في الفقر هنا ده مش هيحصل ابدا ي جدي مش هيحصل .
ربيع بغضب /اعلا ما في خيلك اركبيه ي بنت ابني جهزي حالك كتب الكتاب قرب وحسك عينك ي عشق تعملي حاجه كده ولا كده فاهمه ولا لا .
خالد ببرود /متقلقش ي جدي كله تحت السيطره .
****************.
في شقه تقي البسيطه .
كانت تذهب لتفتح الباب ليمسكها جمال من شعرها بغضب .
/جرا ايه ي روح امك سايقه العوج ليه بقالك يومين مجتيش الصاله .
تقي بخوف وارتباك /ابوس ايدك امي تموت فيها .
جمال بحده /ليه هي الحاجه متعرفش أن بنتها شغاله رقاصه في كباريه اسمعي ي روح امك بكره تكوني موجوده في الصاله والا انتي عارفه الي هعمله فيكي .
تقي بدموع وخوف /حاضر حاضر .
*******************
ليلا ...
كان قصر الدهشوري يلمع بالاضواء الزاهيه في تلك الليله الجميله كان يقف خالد وهو في قمه وسامته ليسلم علي العازيم .
***************.
في غرفه عشق ...
كانت تقف وهي تجهز شنطتها لتقترب منها سوزي بغيظ .
/انتي مصممه بقا ي بنتي اخزي الشيطان وكفايه كده اعقلي .
عشق بحده وغيظ/بقولك ايه مش ناقصه وجع راس دول ميستاهلوش الا المعامله دي وكمان خده اختي في صفهم لازم اندم خالد علي كل ال بيعمله لازم اعرف جدي اني مش حته انتيكه يتصرف فيها زي ماهو عاوز مش هسكت ي سوزي لازم اخليهم يعرفوا مين هي عشق المرشدي المهم هتساعديني .
سوزي بياس /امري لله حالا العربيه هتكون عندك .
عشق بغيظ شديد/ابقا وريني بقا هتعمل ايه ي سي خالد .
******************.
بعد مرور ساعتين .
من أمام فيلا عشق في القاهره .
كانت تنزل عشق وعلي وجهها ابتسامه انتصار وسخريه لتحقيق هدافها .
/بقولك ايه خود الشنط دي دخلهم جوه .
السواق بجديه /امرك ي هانم .
*************.
من داخل الفيلا ..
عشق بابتسامه خبيثه /ياه ياما نفسي اشوف شكلك دلوقتي ي خالد .
خالد وهو يخلع عمته الذي كانت تخفي وجهه ببراعه يتحدث بحده وغضب .
/اديكي شوفتيه بس الي هتشوفيه علي ايدي هيخليكي تكرهي نفسك .
عشق بخوف شديد/خالد ...