رواية الحب الهادى
الفصل الثالث عشر13
بقلم ايه منصور
داليا :أنا مرات هادى
عبدالرحمن :نعم
مديحه :براحه كده يا بنتى وانتى بنفسك جايه تجوزيه واحده عليكى
داليا :أنا هفهم حضرتك أنا كنت مرات راضى الله يرحمه وكنت حامل لما هو مات وعلشان البنت متترباش يتيمه وبعيده عن أهلها بعد ما اتولدت بيومين اتكتب كتابى على هادى بس جواز على الورق بس حتى أنا ودينا فى الدور الثاني فى الفيلا لكن أن شاء الله لو فى نصيب هيكون هادى وتلا فى الدور الثالث ولو انسه تلا رفضت الجواز بسبب قصه انه اتجوزنى أنا مستعده انى اطلب منه الطلاق
مديحه :لا طبعا يا بنتى هو الموضوع مش بمزاجكم اكيد ولو عبدالرحمن كان فى نفس الموقف كنت وافقت عادى
عبدالرحمن :مع انى لسه ماشفتهوش بس حركة جوازه منك دى كبرته فى نظرى
عبدالرحيم :احنا بس جينا نتعرف على بعض وان شاء الله اول لما يرجعوا من المهمه هيجى نتقدم رسمى
عبدالرحمن :تشرفنا بيكم بجد وربنا يقدم اللى فيه الخير
Back
مديحه :ومشيوا ولما تيجوا بالسلامه لو وافقتى هتبقى خطوبه رسمى
تلا :يعنى بابا مش رافض أنه متجوز مره
مديحه :بصى هو كان هيرفض لولا البنت الغلبانه اللى اسمها داليا دى فهمته الموضوع وعايزه الحق هى صعبت عليا أنا كمان ،مع كل الجمال اللى هى فيه ده بس حظها فى الدنيا قليل
تلا :يعنى موافقين ولا لا
مديحه :ابوكى موافق ،لانه ظابط وأبوه صاحب اكبر شركه عقارات باين وشكلهم شاريين ومراته دى حتت سكر ولا أمه ،اقصد مرات ابوه تحسيها حبوبه كده وبتاخد على الناس بسرعة ،ابوكى موافق بشكل مبدأى مستنى توافقى علشان يسأل
تلا :طب ده بابا وانتى بقى ؟
مديحه :عايزه الحق ولا اكذب عليكى
تلا :لا يا ماما قولى اللى عايزاه
مديحه :لو كان اى جوازه تانيه كنت رفضت ولو اخر راجل فى الدنيا ،لكن بعد أما شوفت عيلته بقى عندى جزء موافق فانا محتاره لحد اما اشوفه يمكن يطلع كويس وبيحبك وشاريكى ،ساعتها موافق وانا مغمضه
تلا :أن شاء الله لما تشوفيه هتعرفى أنه كويس
مديحه : اصل ماتنسيش انك بنتنا الوحيده فابوكى هيسال حتى طوب الارض عليه
تلا :خدوا راحتكم وانا هقفل علشان اجهز بقى
حنان :قوليلى كويسه فى النيشان
تلا :اه جدا فى الكل ما عدا السباحه ومش بمزاجى ده علشان ضيق التنفس
(جهزنا وخرجنا علشان نروح المأمورية ،اثناء المهمه لاحظت اختفاء هادى خفت يكون اتصاب فحسيت انى هتجنن لأن الفريق بتاعنا ليه ماتحركش من المراقبه اومال هو فين ،وقفت بعيد علشان اشوف هو فين ودى لوحدها كانت غلطه كبيره بعدها حسيت بخبطه على دماغى وبعدها الدنيا ضلمت )وده هنعرفه فى اللى جى
(فوقت بعدها بفتره بصيت حواليا لقيت الدنيا ضلمه وانا فى مكان مليان كراتين كأنه مخزن وقدامى راجل كبير فى السن وشكله مرعب كفايه نظرته )
الشخص الكبير فى السن :ايه يا حلوه كل ده علشان تفوقى ،معلش الواد شكله اتغاشم عليكى وهو بيضربك ،معلش لسه جديد فى الشغلانه
تلا :بخوف انت مين اصلا ؟وانا فين ؟
نفس الشخص:أنا مين ،انا اللى هقتلك كمان شويه اصل يصعب عليا الحلاوه دى تموت على ايد عيل من العيال ،انتى فين بقى فى مكان ليه مع هادى ذكريات حزينه بس بالنسبالى بتفرحنى ،بالمناسبه أسمى الزعيم
تلا :وتقتلنى ليه اصلا؟ انت تعرفنى منين ؟
الزعيم :احنا بس هنشوف هادى هيتعاون معانا ويساعدنا نهرب الناس بتوعنا ولا هيطلع غبى ويخلينى لموتك قدامه زى اخوه ،وبالمره نشوف بيحبك اد ايه
تلا :اكيد مش هيتعاون معاك انت واحد مجرم و........
(ضربنى بالقلم على وشى ومن ضربته صوابعه علمت على خدى)
الزعيم :شكلك غبيه ،بس لازم أعترف أن غبائك ساعدنا وسهل علينا الموضوع ،احكيلك ؟
تلا :...........
الزعيم : هحكيلك ،اصل احنا قولنا بعد أما المهمه تخلص يحاولوا يخطفوكى بس حظك جيتى عندهم برجلك وقبل ما المهمه تبدأ كمان ،انا بعت اجيب هادى يشوف حبيبة القلب قبل أما تموت ،ساكته ليه ؟
تلا :..…..........
الزعيم :مسك وشى وقالى ايه ده وشك الابيض ده علم ،وياترى كلك كده ؟
تلا :اتفوه عليك
الزعيم :بس باين أن القطه عندها ضوافر وبتخربش ،هو هادى هيتاخر ولا ايه ؟
حارس للزعيم :اتفضل يا زعيم جيبناه اهو اى أوامر تانى
الزعيم :باشاره معناها أخرج ،هادى والله ليك واحشه يا اخى ،بقالنا سنه ما شوفناش بعض ،اه اديك نسيتنى اللازقه اللى على بوقك وشالها
هادى :تلا عامله ايه حد قربلك
تلا :لا
هادى :ايه اللى على وشك ده؟
الزعيم :دى ضربه بسيطه أصلها قالت عليا مجرم يرضيك كده ،بس ماتعرفش أن ذوقك حلو كده فى الحريم
تلا :حرمة عليك عيشتك ،انت لو فاكر انى خايفه منك ،انت ولا تهز فيا شعره
الزعيم :عجبتينى اوى ،لا مش هخلص عليكى هغير الخطه علشانك ،اصلى بحب الحلويات اللى زيك ،وحط أيده عليا
هادى :شيل ايدك يابن ال... من عليها ،والله لدفعك التمن غالى ،قولى عايز ايه وتسيبها تروح ؟
الزعيم :ده كلام الناس العاقلين ،تساعدنا نهرب الناس بتوعنا وساعتها اسيبهالك ،اسيبك شويه تفكر معاها عقبال ما اخد كاس واجيلك
هادى :أنا مابين اهرب عصابه وأخون ثقه بلدى ونفسى وكل حاجه وابقى مجرم ومابين اخسرك واخير معاكى نفسى وحياتى وتضيعى منى زى أما راضى ضاع منى
تلا :انت مش هتهرب حد لانك لو هربت ممكن بعدها بمنتهى البساطة يقتلنى وتبقى خسرت كل حاجه
هادى : مش عايز اخسرك بس، عندك حق ؟
الزعيم :فكرت ؟
هادى :لا مش ههرب حد
الزعيم :قعدلى الحلوه جنبه علشان يموت قدامها وبالمره مايصدعناش واستمتع بالحاجه الحلوه براحتى ،ومسك المسدس وضرب طلقه