رواية خفايا الماضي الفصل الحادي عشر11 والثاني عشر12بقلم حنين ابراهيم الخليل
نهال: خالد ممكن نقعد نتكلم
خالد: عايزة إيه ؟ جاية تكملي تهزيق في البيت
نهال: أول مرة أشوف حد بواقحـ،تك، بجد، كنت فاكرة إنك لما تشوفني هتفضل تعتزر و تتحايل عليا عشان مقولش لبابا على الي إكتشفته
خالد: ليه بقى إن شاء الله طفل خايف من العقاب؟
نهال: والله؟ طيب أنا رايحة أقوله إنك كنت واخد ر،شوة عشان تمرر الأجهزة
خالد: إستني، كنتي عايزة إيه؟
نهال ربعت يديها: بص يا إبن عمي أنا عندي ليك وليهم صفقة عشان نفض الشراكة الي كانت بينا من غير مشاكل
خالد وقف نفس الوقفة: والله إيه هي
نهال متجاهلة نبرة السخرية: تخليهم يلغو قضية التعويض و يدفعولنا بدل الخساير الي سببوهالنا
خالد إبتسم بسخرية: و المقابل؟
نهال بتحدي: يتقو عداوة عيلة الرشيدي ولو مكنوش خايفين خليهم يستعدو لفتح الدفاتر يا خالد و بلغ سليم باشا إن أول صفحة هيكون الصحفي و الباقي هما عارفينه
إبتلع خالد ريقه من التوتر يبدو أنها تعرف شيء أو بيدها ما يجعلها تتكلم بتلك الثقة
خالد: أنا هحاول أوصل معاهم لإتفاق بس مش هقدر أوعدك بحاجة
أبتسمت بسخرية و تركته
صعدت لغرفة أختها و دخلت بمرح: لوكا أنتي فين؟
ملك خرجت من غرفة الملابس كانت ترتدي بجامتها لتنام: عايزة إيه؟
نهال: أيه ده إنتي هتنامي؟
ملك: إنتي شايفة إيه؟
نهال: إنتي نسيتي إنك وعدتيني تساعديني في الإختراع بتاعي؟
ملك بتعب: بكرة يا نهال
نهال: ما إنتي بكرة عندك شغل عشان تخلصي الصفقة الجديدة
ثم أكملت بترجي: وحياتي عندك يا لوكا
ملك بملل: خلاص صعبتي عليا
نهال إحتضنتها: أحلى لوكا في الدنيا
أعطتها ورقة: هي دي المعطيات الي هنحتاجها
ملك: تفتكري الجهاز ده هيفيد مرضى السر،طان
نهال: بصي هو حاليا مفيش حاجه مؤكدة بس لو الي في دماغي حصل بإذن الله هنقدر نعمل جهاز يمنع أنتشار الورم و يحلل أفضل طريقة للعلاج حسب حالة كل مريض
ملك: معلش أعذريني لو مقتنعتش بس هساعدك حسب المعطيات الي عندي
نهال: مش مقتنعة إزاي ده الدكتور الي كان في الجامعة بتاعت أميريكا كان هيطير بيه
ملك: و مفضلتيش هناك ليه كانو هيوفورلك كل الإحتياجات عشان الجهاز يتصنع
نهال: بمقابل إنه ينسبوه ليهم، وأنا عايزاه إختراع بأسم عربي
ملك: هحتاج. أروح معاكي للمستشفى الي إنتي شغالة فيها أتابع بعض حالات السر،طان عشان أخد فكرة أكتر
نهال: ماشي جهزي نفسك و يلا بينا
(للتوضيح نهال 25 سنة أصبحت طبيبة بعد تفوقها في الثانوية أرسلتها والدتها لتكمل دراستها في جامعة أمريكية وعند عودتها وجدت لها مكان في مستشفى خاص كانت لديها بعض الأفكار لمحاولة الحد من الأمراض المزمنة لكنها لاتجيد ترجمة أفكارها و تحويلها إلى واقع و عندما إستعانت بأساتذتها ساوموها لكي ينسبو ما سيصنعونه بإسمهم لذلك رفضت و قررت العودة لبلدها لتسفيد منها كانت تعرف أن ملك تحب التجارب الكميائية و الإختراعات و ستفيدها جدا لمعرفة ما ستحتاج لتنفيذ أفكارها الأولية و تطويريها في الواقع «نهال العقل ملك العضلات» هكذا تحب تسمية فريقهما) أبتسمت عند تذكر الأسم و إعتراض ملك عليه
ملك: نهاال مالك بتضحكي على إيه
نهال: أفتكرت حاجة كده بالمناسبة عملتي إيه في البطولة الي قولتي هتعملها المدرسة
ملك: ماما رفضت إني أشترك في الكراتيه حسستني إني هجبلها العار
نهال ضحكت ثم خرجو و صعدت للسيارة
عند وصولهم ذهبت نهال لتفقد مرضاها و أشارت لملك على القسم الخاص بالعلاج الكميائي لكن حذرتها من الأقتراب و طلبت منها البحث في الأرشيف عما تحتاجه حتى تعود
ملك: تمام هخلص و أطلعلك على مكتبك
نهال: ماشي
ثم أكملت بتحذير: أوعي حد يحس بحاجة عشان مترفدش
ملك: حاضر
نزلت ملك للأرشيف دونت بعض الأمور على (اللاب توب)
و رأت ماذا يمكنها أن تستفيد عن معرفة الحلات السابقة للمرض و كيف يمكن للجهاز تجنب بعض الأخطاء الذي كان يقع فيها الأطباء
ملك: أنا هحتاج أفتح الكمبيوتر الخاص بالمستشفى
عادت إلى نهال لتخبرها عما تحتاجه
نهال بإعتراض طبعا مستحيل
ملك بلا مبالاة: طيب خذي معطياتك للجهاز و متكلمنيش في الموضوع ده تاني
بعد دقائق كانت ملك تقلب في جهاز الكمبيوتر الخاص بالمشفى ونهال تراقب باب الغرفة
نهال: إخلصي يا ملك
ملك بإستمتاع فهي تشعر أنها في مغامرة جاسوسية: ثانية وحدة
نهال: الراجل بتاع الأمن الي وزعته ممكن يشك في اي لحضة و يرجع
ملك رفعت رأسها: بصي لقيت ملف سري
نهال أغلقت الغرفة و أسرعت لها: هتعملي إيه؟
ملك: هفتحه
نهال: بطلي جنان و خليكي في الي جيتي عشانه و بعدين هتفتحيه إزاي إذا كان سري
ملك بإبتسامةخبيثة: أهكـ،ره
الفصل الثاني عشر
نهال: إنتي بتقولي إيه؟ الراجل زمانه على وصول
ملك طيب إهدي و أنا هتصرف وأنسخ الملف على الفلاشة إنتي بس راقبيلي الطريق
نهال بتأفف: ربنا يستر
ملك أخرجت بعض الوصلات و هاتف لفتح الرقم السري للملف بسرعة ثم نقلت ما عليه على فلاشة
بعد دقيقتين بسرعة يا ملك الراجل جي ناحيتنا
سحبت ملك الفلاشة بسرعة و توجهت نحو النافذة
نهال: إنتي بتعملي ايه؟
ملك: هنط من هنا عشان ميشوفنيش ويشك فينا، كويس إن الطابق أرضي
قالتها و هي تقفز من النافذة
: دكتورة نهال دي قهوتك، انا سألت الدكتور لطفي عن ملف الحالة زي ما طلبتي مني و هو أكدلي أنه إداهولك قبل تمشي إمبارح
نهال: مرسي يا عم عاطف، أصلي ملقيتوش في مكتبي فكرت إنه ممكن يكون أخده، مش مشكلة هدور تاني يمكن حطيته في درج و نسيت، أسفة لو عطلتك معايا
عاطف: ولا يهمك يا دكتورة
نهال: يلا سلام
كانت نهال قد أنهت عملها و توجهت للخارج
عند ملك كانت تمسك بالفلاشة و هي تتحدث عبر الهاتف: تم يا كبير
وجدت نهال تركب بجانبها في السيارة لتغلق الهاتف بسرعه
نهال: كنتي بتكلمي مين
ملك بتوتر: ده بابا كان بيسأل عليا لما ملقانيش في البيت
نظرت لها نهال بشك: طيب تمام
---
في اليوم التالي
ملك كانت جالسة مع شاب في مقهى ترتدي كمامة و نظارات: أنا نفذت الي قولتلي عليه كل المعلومات هنا
و ما إن أخرجت الفلاشة حتى وجدت من يسحبها من يدها
ملك بصدمة: نهال؟
نهال: الااه مش إنتي قولتي إنك رايحة تذاكري لصاحبتك؟ إيه الي جابك هنا؟ و مين ده؟
ملك: نهال أرجوكي خليكي بعيدة عن الموضوع ده و أنا هشرحلك كل حاجة بعدين
نهال: و أنا مش هتحرك من هنا غير لما أعرف إنتي مخبية عليا إيه؟
ملك بإستسلام: هحكيلك أشارت للشاب ده مؤمن الصحفي الي حكيتلكم عنه
نهال بسخرية: أهو طلع موجود أمال إيه حوار إختفاءه الي إنتي حكيتي عنه؟
مؤمن: منا كان لازم أختفي بمزاجي قبل ما يصفوني
نهال: هما مين دول
ملك: جوز طنط منال اقصد مدير المستشفى الي إنتي شغالة فيها
نهال: ليه؟
مؤمن: بسبب الحقايق الي كنت هنشرها في المقال
نهال نظرت بعدم فهم
ملك: بصي أنا لما كنت بعمل الأبحاث عن الأجهزة زي ما قولتلك لفت نظري المقالات الي الأستاذ مؤمن كان بينشرها و كنت متابعاه لغاية أخر مقال لما قال إنه هيكشف بعض المستشفيات الخاصة الي مفهمة الناس إنهم بيعملو عمليات بالمجان للفقراء و هما في الحقيقة بيتاجرو بيهم
نهال: إزاي
مؤمن: فيه بعض المستشفيات عاملين قسم للعمليات المجانية للي غير قادرين على الدفع
نهال: ايوة فعلا إحنا في المستشفى عندنا عاملين صندوق خيري عشان كده ماما و طنط منال عملوه و كل فترة بيعملو حفلات خيرية عشان يلمولو تبرعات التبرعات
مؤمن إبتسم بسخرية
ملك: و أنا لما كلمته قولتله يبطل يحط جوز طنط منال في دماغه عشان كنت فاكراه عايز يعمل شو يتشهر بيه ويلم فلوس
و قولتله إن العمليات الي بيعملها المستشفى واخدة حقها من التبرعات مش دافع حاجة من جيبه و ملوش مصلحة يعمل عمليات مشبو،هة
نهال: مشبو،هة؟
ملك مسترسلة حديثها: بس هو لما شاف رسالتي فاجئني إنه رد عليا و قالي إنه مستعد يثبتلي صحة كلامه بالأدلة
لما قعدت معاه إكتشفت بلاوي عم راضي بيعملها
تنظيم مباريات مصارعة عشان يجمعو الرهانات
الحفلات الخيرية الي بتتعمل عشان يغطو على الصفقات الغير قانونية
ده غير..... عمليات التجارة بالأعـ،ضاء
جلست نهال بصدمة: م مستحيل
ملك: المعلومات الي في الفلاشة دي بتحتوي على حالات كل المرضى
الي هيتعملهم العمليات دي مع إسم الحالة الي تطابقت معاهم عشان يتبرعولها بكلية أو جزء
من الكبد و من غير علم المرضى الي فاكرين إن هما عندهم مشكلة في الأعضاء الي هتستأصل منهم
نهال: طب و الحلات دي جات لنا ليه إذا كان معندهمش مشكل صحي؟
مؤمن: دول عصا،بة يا با عندهم مليون طريقة يوقعو بيها الغلابة زي كلمة العلاج المجاني وغيره
ملك: او زي الي حصل لحسام من أسبوع
نظرت لها نهال بشرود وهي تتذكر تلك الحالة التي تعرفت عليها صدفة
كانت تمشي في الممر عندما وجدت شابا جالسا على وجهه علامات التوتر و بجانبه فتاة جميلة تحاول مواساته
: إهدى يا حبيبي إن شاءلله هتبقى كويس
حسام: إزاي بس يا دارين سمعتي الدكتور قال إيه أنا هحتاج عملية أستأصال كلى؟ أنا حتى عمري ما اشتكيت من حاجة لولا أنك طلبتي نعمل تشك أب قبل الفرح
دارين بتوتر: و اهو شفت طلع عندك مشكلة في الكلى لولا التحاليل كانت حالتك هتتفاقم و مكناش هنلحقك
نظرت للشاب اللذي كان يبدو بحالة جيدة باستغراب ثم دخلت لمكتب الطبيب
نهال عادت من ذكرياتها على صوت ملك: إفتكرتي الشب الي قولتيلي إنهم إكتشفو عنده قصور كلوي و أستغربتي إنهم عملولو عملية بدل ما يدولو علاج السكر الي بيقلل نسبة البروتين الي بيدره البول /-عفاكم الله /
نهال وهي تستعيد ذكريات ذلك اليوم: أيوه بس الدكتور قالي إنه حالته كانت أول ريدي متقدمة و العلاج مش هينفع
ملك؛ إنتي شوفتي التحاليل و الأشعة الي عملها؟
نهال: لا دكتور معتز قال
مؤمن: طيب إنتي لما شوفتي أستاذ حسام كان باين عليه إنه عنده أنيميا نقص الكلسيوم؟ طبعا إنتي كدكتورة هتشوفي أي بوادر من شحوب بشرته و خلافه من أعراض
كانت نهال تفكر بالفعل عدم عمل الكلى بشكل جيد تعني إصابة المريض بالأنميا و نقص كلسيوم ذلك كان سيضهر على وجهه الذي لم ترى عليه ما يوحي بمرضه بل كان يبدو بصحة جيدة لذلك كانت طلبت من الدكتور معتز إعادة التحاليل فقد يكون هناك خطأ بالأول
معتز: من فضلك دكتورة نهال دي مش من صلحيات شغلك الحالة دي تخصني أنا و أنا مش عيل ولا دكتور متعين أول إمبارح عشان أعمل غلطة زي دي
نهال: بس يا دكتور..
معتز: دكتورة من فضلك تقدري تتفضلي دلوقتي ورايا شغل
باك
مؤمن وصلته مكالمة: إين حلال لسا كنا في سيرتك دلوقتي، متقلقش قريب هجيبلك حقك، تمام دقايق و أكون عندك
جلس يفكر قليلا ثم وجه كلامه لنهال: تحبي تشوفي الحالة الي وصلها بعد ما عمل العملية في أكبر مستشفى في البلد
بعد نصف ساعة
كانت تجلس و الصدمه بادية على وجهها ترى ذلك الشاب ممددا على سرير فقد الكثير من وزنه في تلك المدة القصيرة لم يكن يستطيع الحركة كثير بدا عجوزا في أواخر عمره وليس شابا في مقتبله
نهال: ممكن تحكيلي الي حصلك من الأول؟
نظر حسام لمؤمن باستفهام
مؤمن: نهال دكتورة في المستشفى الى عملت فيها العملية و هي مستعدة تساعدنا في القضية الي هنرفعها عليهم بس عايزة تعرف منك إيه الي حصل
حسام بتعب إتنهد بحزن: أنا عارفها سمعتها بتكلم الدكتور المسؤول عن حالتي وفعلا عدت التحليل في معمل تاني بس غلطت لما مروحتش خدت النتيجة بنفسي
نظرت له نهال باستفسار
من شهر أنا كنت بحضر لفرحي أنا و حبيبتي وفي مرة إقترحت عليا إننا نعمل تشيك اب و أصرت نروح على مستشفى الأمل رغم وجود مستشفى غيرها جنبنا بس هي إتحججت إنه حكومي و مش نضيف و هي هتخاف يجيها مرض منه بدل ما يعالجوه و أنا طاوعتها و روحنا ولما طلعت نتيجة التحاليل بتاعتي و قالي إنه لازم أشيل كليتي إتصدمت إزاي أنا عمري ما إشتكيت من أي أعراض بس هي فضلت تواسيني وتقنعني إن ده الأفضل ليا لحد ما سمعت الدكتورة بتطلب منه أعيد التحاليل و لما الدكتور رفض أنا رحت لمعمل عدتهم و يوم ما طلعت النتيجة أنا كنت في الشغل إتصلت برودي عشان تجيبهم و لما خلصت شغلي و طلبت منها تدهملي قالتلي إنه الدكتور قالها إني لازم أعمل العملية النهاردة قبل بكرة و هي كلمت الدكتور معتز عشان يسرعلنا الإجراءات كانت بتتكلم و هي بتبكي و تترجاني إني معندش عشان صحتي كده هتسوء و هي ملهاش غيري لو حصلي حاجة هي كانت وحيدة بعد موت أبوها و أمها في الحادثة و أنا عملت العملية و بعد يومين طلعت عديت مع دارين على الصيدلية عشان تجيبلي الدوا في الوقت الي هي نزلت فيه الدكتور الي عملي التحاليل في المعمل جه سلم عليا: إيه يا حسام كنت فين كل ده بقالي ثلاث ايام مش عارف أوصلك من يوم ما جتلي للمخبر
حسام بتعب: معلش يا دوك كان عندي عملية عملتها من يومين
الدكتور باستغراب: عملية إيه؟
حسام: شلت كليتي مش إنت قولت إني حالتي محتاجه عملية بشكل عاجل؟
الدكتور: محصلش أنا إدتلها التحاليل و قايلها إن صحتك زي البومب و أكيد التحليل الأول إتبدل مع حد تاني
حسام بصدمة: إيه؟
بعد دقائق خرجت دارين من الصيدلية
دارين بابتسامة: ممكن تفك شوية بقا الدكتور أكدلي إنه كلها شهر و هتخف و ترجع تعيش حياتك طبيعي زي الأول
في تلك اللحظة صعد الدكتور في السيارة خلفها: بس انا قبلها أكدتلك إنه هو معندوش مشكلة تمنعه إنه يعيشها
نظرت خلفها بصدمة وبلعت ريقها
حسام: إكتشفت إنها كانت متفقة مع المستشفى وواخدة مبلغ كبير منهم قصاد تبرعي بالكلية
إبتسم بسخرية: و طبعا معرفتش أخد ضدهم أي إجراء قانوني لأنها طلعت ممضياني على موافقة بالعملية يوم ما مضيت على كتب الكتاب
---
كانت نهال تقف في الشرفة وهي تبكي لا تصدق ما عرفته اليوم كل هذا حدث أمام عينها كيف لم تنتبه
ملك من ورائها: مالك بس يا حبيبتي عاملة في نفسك كده ليه؟
نهال: أنا حاسة بالذنب يا ملك حاسة إني كان ممكن أمنعهم يعملوله العملية لو أصريت على رأيي يومها
ملك: بس إنتي مكنتش تعرفي للي بيخططوله يا نهال كنتي هتقفيله بتاع إيه، بس إحنا دلوقتي بإيدنا الي نمنعهم يعملو عمليات بعد كده
جاءها إتصال من مؤمن إبتسمت: إبسطي أهو بيتصل عشان يعرفنا عمل إيه بعد ما خد الدليل الي إديتهوله للبوليس
فتحت الهاتف: ألو
فتحت عينيها بصدمة: يعني إيه لقيتو الفلاشة فاضية