رواية غرام الاسد كامله جميع الفصول بقلم شروق محمد

 رواية ورث وعشق وانتقام الفصل الثالث3بقلم رحمه محمد

بليل..

كلهم كانوا قاعدين 

لبني قاعده.. وجمبها مديحه وجمبها صفاء وجمبها نهال وجمبها سالم واجوزهم قعدين جمب بعض بعيد شويه..

والمحامي فتح الوصيه وبداء يقراء..

(بأن كامل ثرواتي تكتب باءسم ابنه اخي لبني عبد الحميد بدران)

الكل اتصدم بما فيهم لبني الي مش مصدقه معقول عمها يعمل كده.. طب عمل كده ليه؟!.. والبنات بصوا لبعض باءستغراب وصدمه.. ازاي حامد يكتب كل حاجه للبني مش ممكن. 

صفاء بذهول : ايه الي انت بتقوله ده..دي لايمكن تبقي وصيه بابا خالص.. بابا عنده اولاد وعنده ولد كمان في التالت بناات..

المحامي : والله يابنتي ده الي مكتوب في الوصيه.. والأستاذ حامد قبل ما يموت كتبها وسجلها في الشهر العقاري. 

جابر هيجنن اخد منه الوصيه ومسكها وقعد يقراء فيها ولقي الكلام مظبوظ 

مديحه بندب : ده اكيد  اجنن رسمي.. اه اجنن رسمي معقول في حد يعمل كده

لبني مصدومه ومش مستوعبه الي اتقال. 

فجاءه مديحه جريت علي لبني ومسكتها وقالت : عملتي ايه في ابويا ياواطيه خلتيه يكتبلك كل حاجه.. ها عملتي ايه ولا شربتي ايه يابنت ال **** خلتيه يكتبلك كل حاجه 

لبني بتعيط لأنها رقيقه جدا وحساسه ومديحه شتمتها باابوها وقالت : والله العظيم انا ما اعرف حاجه.. انا اتفاجيءت زي زيكوا.. انا اصلا مش مستوعبه الي اتقال ده.. معقول عمي يعمل كده؟!.. صدقوني والله مااعرف اي حاجه. 

وباقي البنات شادوا مديحه وهمامصدومين ومش مستوعبين الي اتقال .. والرجاله مصدومه حرفيا معادا سالم  ولسانهم عجز عن الكلام..اما لبني فا كانت بتبصلهم وهي عارفه ومتاكده انهم مش هيعيدوها بالساهل معاها.. وقبل ما يمشوا صفاء والبنات بصلوها بتوعد وشر..ولبني كانت هتمشي المحامي وقفها 

المحامي : استني ياانسه لبني

لبني : في ايه تاني

المحامي طلع ورقه من الشنطه وقال : اتفضلي ده جواب من المرحوم علشانك سابه عندي هنا.. وقالي ابقي اعطهولك بعد فتح الوصيه

لبني اخدت الجواب منه ومشت..

_______بقلم رحمه محمد ____

وصلت البيت وفتحت الباب وقفلت وساندت عليه وهي مغمضه عنيها وفي ايديها الجواب.. فتحت عنيها ودخلت جوه الاوضه وقلعت الطرحه ورمتها علي السرير وقعدت وبصت لجواب وفتحته وبداءت تقراء بصوت حامد

" لبني يابنتي انا عارف انك وانتي ماسكه الجواب دلوقتي هبقي ميت..

بداءت دموعها تنزل وهي بتكمل : انا عارف يابنتي انك دلوقتي بتسالي نفسك هو ليه عامل كده؟.. السوال ده اجابته بسيطه جدا يالبني انا عملت كده علشان انتي تستاهلي كده واكتر من كده انتي كنتي بنتي بمعني الكلمه مش بنت اخويا وقت تعبي لقيتك اول واحده جمبي شايلاني ومستحملاني وعملتي معايا الي ولادي معملهوش..عارف دلوقتي انك بتقولي اني كده ظلمتهم وده حقهم وانا انسان ظالم ومحكمتش بالعدل.. بس صدقيني يابنتي هو ده العدل.. انا كنت محتاجهم جمبي في عز تعبي ملقتهومش..لقيتك انتي.. انتي يالبني الي تستاهلي اني اكتبلك كل ثروتي ليكي انا عملت الحكايه دي من وراكي لان واثق انك مش هتوافقي.. بس صدقيني يابنتي ده حقك وده عدل ربنا.. اخر حاجه هقولهالك خلي بالك من نفسك وسامحيني يالبني وادعيلي.

" لبني بعد ما قراءت الجواب.. كانت بتعيط قفلته وحطيته جمبها وقالت : مسمحاك ياعمو.. مسمحاك.. بس ليه عملت كده فيا ليه ياعمو انا مش قد ولادك انا عارفه ومتاكده انهم مش هيعدوها بالساهل معايه انا لوحدي وهما كتير والكتر تغلب الشجاعه انا مش هقدر اواجهم لوحدي انا خايفه اوي..يارب انت الي عالم بيا يارب قويني عليهم وخليك معايا يارب 

حضنت نفسها وهي بتعيط بحرقه وبصت علي صوره ابوها وامها وعمها والقطه بتاعتها.. قامت ووقفت قدامهم وهي بتفتكر يوم ما عمها  جبلها القطه دي..

_____فلاش باك _____

لبني كانت قاعده علي الارض بتلعب وقدامها صلصال لونه ابيض.. وحامد قاعد علي الكرسي قدامها وبيتفرج علي التليفزيون لكن كان معاها ومتابعها بطرف عينه.. وكانت لبني عندها 3 سنين.. قاعده بتلعب بالصلصال.. وحامد بيبصلها وابتسم لما لقاها عملت قطه بالصلصال.. وهي كان علي وشها ابتسامه وجريت علي حامد..

لبني : عمو بث شوف القطه تاعتي جميله ازاي (عمو بص شوف القطه بتاعتي جميله ازاي)

حامد باسها وشالها وحطها علي رجله وقال : جميله اوي ياقلب عمو.. وبصلها وقال : انتي بتحبي القطط يالبني

لبني : مش اوي بس نفسي يكون عندي قطه زي بتاعت البت ثوثن صحبتي ( مش اوي مش نفسي يكون عندي قطه زي بتاعت البت سوسن صحبتي)

حامد باسها من خداها وحضنها..ونزلت من علي رجله وجريت علي جوه.. وحامد فضلت الكلمه في ودانه وقرر قرار

تاني يوم الصبح..

حامد بعد ما جيه من الشغل قفل الباب وراه.. لبني جريت عليه لما نادي عليها وحضنته.. حامد شالها وقعد وقعدها علي رجله

لبني ببراءه : وحثتني اوي

حامد : وانتي كمان وحشتيني اوي ياقلب عمو الشويه الصغيرين دول

لبني : جبتلي الثوكولاته تاعتي  

حامد : طبعا. اتفضلي الشوكولاته ياست البنات

لبني باسته من خده وسقفت بفرحه: انا بحبك اوي ياعمو 

حامد : وانا بموت فيكي ياقلب عمو..

لبني : اممم ايه الي في الشنطه دي

حامد : مفاجئه يالمضه

لبني : ليا

حامد : اكيد

لبني : ايه هي

حامد :  غمضي عينك وانتي هتعرفي

لبني حطت ايديها علي عنيها.. حامد طلع من الشنطه قطه لونها ابيض كيوت صغيره.. وقالها : فتحي بقي

لبني شالت ايديها من علي عنيها.. واول ما شافت القطه اخدتها بفرحه كبيره وقعدت تلف بيها وسط ابتسامه حامد علي فرحها

حامد : مبسوطه ياقلب عمك

لبني جريت وحضنته وهي طايره من الفرحه : انا بحبك اوي اوي يااحلي عمو

حامد : وانا بموت فيكي ياقلب عمو

_______باك _______

مازالت واقفه ودموعها علي خدها.. وهي بتبص للصور وبالاخص صوره القطه بتاعتها وافتكرت لما ماتت

____فلاش باك ____

لبني جريت علي حامد وهي بتعيط.. حامد اتخض وشالها وقال : في ايه.. في ايه يالبني

لبني ببراءه ودموع : القطه راحت.. القطه مش بتنونو

حامد : ليه الي حصل

لبني : مش عارفه

حامد اخدها وراحوا يشوفوا القطه.. لقوها نايمه علي الارض ومش بتنونو

حامد بص لقي لبني بتبص للقطه وبتعيط.. فكر بسرعه وكلم دكتور بطري يشوف القطه وكلمه وجيه وكشف علي القطه وخرج من جوه وهو حزين حامد فهم ولبني بتعيط

الدكتور : البقاء لله.. القطه ماتت

الدكتور مشي وحامد حضن لبني

لبني ببراءه : يعني ايه ياعمو ماتت

حامد : لبني ياحبيبتي القطه ماتت راحت عند ربنا زي ما بابا وماما راحوا

لبني بداءت تعيط وهي مش مستوعبه.. طفله صغيره وكانت متعلقه بالقطه دي اوي وعاشت معاها سنتين. 

__________باك _______

لبني بدموع : ربنا يرحمكم يارب

لفت وشها وراحت عند السرير ورجعت راسها لورا والدموع في عنيها وغمضت عنيها بتعب والنوم غلبها 

______بقلم رحمه محمد _____

صفاء وهي بتلطم علي رجليها بندب : يالهوي.. ازاي ده يحصل انا هتجنن.. ازاي بابا يعمل كده

جابر : ابوكي ده شكله خرف علي اخر ايامه

سالم اكلم : جابر لو سمحت  متتكلمش عن بابا كده

جابر شوح باءيده  : ياعم اسكت.. هو ده اب في اب في الدنيا يعمل الي عمله ده.. ده كأنه بينفي وجودكم في حياته..

مديحه بغل : وانا مش هسكت علي الي حصل ده.. ومش هسيب بنت ال *** تاخد حقنا وتكوش علي كل حاجه

نهال : ايوه.. احنا مش هنسيبها ومش هنسكت علي حقنا.. لان ده ميراثنا احنا مش هي

وائل بتفكير : انا حاسس ان الوصيه دي مزوره.. وان البت الي اسمها لبني دي زورتها مع المحامي..علشان يبقي ليها كل حاجه وانتوا تطلعوا من مولد بلا حمص 

صفاء بشر وخبث : اقسم بالله ورحمه امي لو كلامك ده صحيح لهندمها ندم تبكي عليه طول حياتها.. 

مديحه : تبقي مصيبه يا ختي وحلت علينا.. 

نهال : يبقي كده معناه ان ميراثنا خلاص بخ ضاع وبنت ال** اخدته في عبها 

وائل بتفكير وخبث : سيبوني انتوا بس وانا هجبلكم قرار الموضوع ده 

______بقلم رحمه محمد _____

المحامي : ااااااه.. حرام عليكم.. ارحموني ابوس ايديكم 

وائل حاطت رجل علي رجل وطلع سيجاره وولعها وراح ناحيته : انا مش هرحمك غير لما تقولي الحقيقه 

المحامي : حقيقه ايه 

وائل : احنا هنبتدي نستعبط بقي امممم.. وبص لواحد واقف وشاغل الكهرباء للمحامي.. وشاور تاني ليه يبطل

وائل : ها هتقول ولا حبيت لعبه الكهرباء 

المحامي : اقول ايه.. قولي اقول ايه وانا هقول انا مش فاهم حاجة والله 

وائل وهو بيخرج دخان سيجارته: تقول حقيقه الوصيه.. الي انا متاكد انها مزوره ومش حقيقيه 

المحامي : مزوره؟.. مزوره ايه حضرتك.. الوصيه سليمه ميه في الميه.. والمرحوم الله يرحمه سجلها ووداها الشهر العقاري زي ماقولت ليكم مفيش اي حاجه مزوره 

وائل قرب منه وقال : لا فيه.. الوصيه كلها مزوره وده الكلام الي هتقوله 

المحامي بعد فهم : مش فاهم حاجة 

وائل : يعني تقول قدامي دلوقتي.. ان الوصيه مزوره.. وان لبني جتلك قبلها بكام يوم واتفقت معاك انكم تزوره الوصيه.. من أسماء ولاد حامد لاسمها هي وبس علشان تاخد كل حاجه 

المحامي : بس كده حرام لان ده محصلش و.. اااااااه

لم يكمل جملته بسبب الكهرباء 

وائل ببرود : كنت بتقول ايه بقي 

المحامي : كنت بقول تحت امرك ياباشا 

وائل ابتسم ابتسامه جانبيه.. وطلع تليفونه وجاب التسجيل وقاله : يلا.. اكلم 

المحامي بصله بخوف وائل قاله : هتكلم ولاااا

المحامي : هكلم.. هكلم 

وائل : جدع.. يلا قول.. ومتخليش صوتك يبقي في رعشه اكلم كاءنك بتقول الصدق فااهم 

المحامي : فاهم 

_____بقلم رحمه محمد _____

صفاء بتهز في رجليها وحواليها اخواتها.. ورجالتهم.. وقاعدين يكلموا ويشتموا في لبني..جرس الباب رن.. مديجه قامت تفتح وكان وائل 

مديحه : كنت فين ياوائل 

وائل قعد وقال : كنت بجيب الحقيقه.. علشان تعرفوا ان لبني دي مش سهله 

كلهم بصوا لبعض باءستغراب ومش فاهمين حاجه. 

جابر : يعني ايه 

وائل بصلهم وطلع التليفون وقال بخبث : اسمعوا كده 

كلهم سمعوا التسجيل الي كان فيه اعتراف المحامي الي كان تحت التهديد. 

(الحقيقه ان الوصيه دي مزوره.. وان كله الكلام ده كدب.. والحقيقه ان انسه لبني جتلي واتفقت معايا اني ازور الوصيه واكتب فيها اسمها بدل اسامي اولاد الاستاذه حامد.)

كلهم بعد ماسمعوا التسجيل اتصدموا وبصوا لبعض وبعدين اتوعدوا للبني..

وائل بخبث وهو شايفيهم مصدومين : شوفتوا مش قولتلكم ان الوصيه دي مزوره وكلامي طلع صح

صفاء بشر : اه يابنت ال *****.. واقسم بالله ماانا سيباكي

بصت لاخواتها الي مصدومين و سالم مكنش مصدق لبني تعمل كده لانه بيحبها.. كان شايفها بريئه وجميله.. ومازال وحاسس ان فيه حاجه غلط وان الكلام ده كدب لانه عارف لبني كويس مستحيل تعمل كده. 

جابر : انتوا هتقعدوا ساكتين كده وحقكم بيتاخد.. 

صفاء : لا مش هسكت ولا هقعد.. وديني لاربيها 

_____بقلم رحمه محمد ____

عند لبني..

صحيت من النوم علي صوت خبط علي الباب.. قامت من علي السرير بتعب وراحت فتحت الباب.. وكانت ام ابراهيم

ام إبراهيم وهي داخله ومعاها صنيه فيها اكل : عارفه انك ماكلتيش حاجه.. يلا تعالي نتغدا سوا

لبني قعدت علي السفره وقالت بتعب : مليش نفس والله ياطنط.. كلي انتي

ام إبراهيم : لا ونعمه مانا واكله غير لما تاكلي

لبني : والله ماليا نفس ياحبيبتي.. كلي انتي بالف هنا وشفا

ام إبراهيم : طب بصي خدي اللقمه دي مني

لبني : والله العظيم ما هقدر

ام إبراهيم : كده تزعليني منك ينفع كده

لبني : والله ماقادره اكل اي حاجه ومليش نفس.. كتر خيرك ياطنط والله بتسالي عليا وبتشوفيني.. انا خلاص بقيت وحيده ومليش حد

ام إبراهيم : ماتقوليش كده يابنتي.. اومال انا روحت فين بس

لبني باءبتسامه : ربنا يخليكي ليا يارب

قطع كلامهم صوت خبط علي الباب جامد لدرجه ان الباب هينكسر لبني اتخضت وخافت ومسكت في ام إبراهيم..

ام إبراهيم : ماتخفيش ياحبيبتي هروح افتح

راحت تفتح الباب زقوها وقعت علي الارض ولبني جريت عليها لأنها ست كبيره وقالت : ايه الهمجيه دي

دخل من الباب جابر وصفاء ومديحه ونهال وكريم  ووائل وشكلهم مش بيبشر بالخير ابدا..

لبني خافت وبلعت ريقها وقالت : انتوا عايزين ايه

صفاء بغل مسكتها من شعرها : جايين نربوكي ياحراميه.. يامزوره يانصابه

لبني بداءت تعيط وقالت : نصب وتزوير ايه مش فاهمه حاجه

جابر اكلم : انتي يابت هتعمليهم علينا ولا ايه.. لا شغل الاستعباط ده مبياكلش معنا

لبني بعياط وصفاء مسكها من شعرها : والله العظيم انا بريئه معملتش حاجه.. ومش فاهمه كلامكم

وائل ابتسم بخبث وطلع موبايله وجاب التسجيل.. لبني اول ماسمعته اتصدمت وعيطت وقالت : كدب والله العظيم كدب.. انا معملتش حاجه صدقوني

مديحه بسخريه : قالوا للحرامي احلف.. وبص لاتنين ستات كانوا واقفين بره.. ياستات علموها الادب

لبني بداءت ترجع لورا بخوف وهي بتعيط والستات قربوا عليها ووووو

                الفصل الرابع من هنا

لقراءة باقي الفصول من هنا

تعديل المقال