رواية عشقي
الفصل الثاني غشر12
بقلم يارا عبد العزيز
أسر بعصبية: انزليلى
شذى نزلت بخوف بس حاولت متبينش دا
أسر بجدية وغضب : لو مش اد سواقة العربيات متسوقيهاش احسن
شذى : انت بتتكلم معايا كدا ليه انت اللى غلطان
أسر : والله
شذى : ايوا انت اللى مقولتليش انك هتقف فخبطت فيك
أسر : بتهيألى انى نورت العربية من ورا عشان تعرفى انى هقف بس ااه الهانم كانت بتتكلم فى التليفون ومش واخدة بالها المفروض كنت اجاى اناديلك بالميكرفون اقولك انا هقف
شذى بغرور: انا مستعدة اديك فلوس تصالحها بس خلينى امشى عشان متأخرة
أسر : هو انتى مفكرانى وقفتك عشان فلوس الظاهر انك
متعرفيش مين هو أسر المالكى انتى لازم تتعلمى الادب يلا قدامى على الشرطة
شذى بخوف : شرطة هى اصلا محصلهاش حاجه
أسر : والله انا بتبلى عليكى مثلا
شذى : طب ورينى كدا
أسر اتجه ناحية العربية وشذى استغلت الفرصة وركبت العربية وساقت العربية بسرعة
أسر وهو بيبص للعربية خبط فى كوتش عربيته بغضب
: ااه يا بنت ال استغفر الله العظيم
ركب عربيته ومشى
عند ياسمين و زين
زين بصل لياسمين بحب واتكلم بحنية : ياسمين حبيبى
ياسمين بنوم : سابنى نايمة شوية يا زين احنا نايمين انبارح متأخر
زين بأببتسامة : عندى شغل فى الشركة اصحى عشان نفطر ونمشى
ياسمين صحيت بأببتسامة: صباح الخير
زين : صباح النور يعمرى يلا قومى انا عملت الفطار
ياسمين: لحد السرير كمان يعينى يعينى
زين : قالولى تقدرى تروحى الكلية من انهاردة بس لو مش قادرة هروحك تنامى وابقى روحى بكرة
ياسمين بفرحة : بكرة ايه انا ما صدقت
زين : طب يلا ناكل ونغير ونمشى
ياسمين: بحبك
زين : وانا بعشقك
عند مي ومحمود
محمود بأببتسامة.: احلى فطار لى احلى زوجة وابن فى الدنيا صحيح يا مي انتى عايزاه بنت ولا ولد انا عن نفسى عايزاها بنت شبه
مي اتجاهلته وبدأت تاكل
محمود : طب على فكرة أنا جوزك يعنى من حقوقى انك تردى عليا
مي : اطلع برا يا محمود
محمود بهزار: يا ريتك ما رديتى بس قمر حتى وانتى متعصبة تصدقى بس متتعصبيش كتير بقى عشان البيبى ماشى
وديت وشها الناحية التانية وابتسمت بدون ارادة منها لاحظها واتكلم بحب
: ايوا كدا خلى الشمس تطلع
ياسمين: افتكرت حاجه ضحكتنى بس مش اكتر
محمود بحب : حتى لو مش بسببى المهم انى مشوفش دموعك تانى عشان حقيقى مش عارفه بتعمل فى قلبى ايه
مي بسخرية : هو انت اصلا عندك قلب اشك الصراحة
محمود بحزن : قبل ما اكتشف انى بحبك يمكن مكنش عندى قلبى
مي بعصبية: انت مبتعملش اى حاجه فى حياتك غير انك بتكدب وبس يا محمود وانا مبقتش اثق فيك فبطل تتعب نفسك عشان كل اللى بتعمله دا من غير فايدة
محمود : اثبتلك حبى ازاى
مي : مبقتش تفرق معايا حتى لو بتحبنى
محمود : من قلبك
مي بتحدى : ااه
محمود : متأكدة
مي : ايوا
محمود : تمام
اخد السك..ينة من طبق الفاكهة وحاطها ما بين ايديه وضغط جامد
مي بخوف شديد ودموع شالتها من ايده و وقعتها على الأرض اتكلمت بعصبية مفرطة: انت اتجننت ايه اللى
انت عملته دا
محمود مهموش جر..حه وفضل باصصلها بحب كبير وابتسامه حس ان قلبه طار من الفرحة بسبب انه شاف خوفها عليه
جريت جابت علبة الاسعافات اخدته من ايده تحت نظرات الابتسامة والحب منه حطيت ايده تحت المياه وعقمتله الجرح وغطته
مي بدموع : بتوجعك اوى ؟؟
محمود بدموع : لا قلبى هو اللى بيوجعنى عشان انتى بعيدة عنه انا اسف والله اسف متزعليش منى حقك عليا انا كنت غبى وحي..وان انى عملت كدا فى اكتر بنى ادمة شوفتها نضيفة فى حياتى
مي ببكاء : مش هعرف مش هعرف اسامحك مش قادره اللى انت عملته مكنش قليل
مسح دموعها واتكلم بحنية مفرطة
: خلاص متعيطيش
مسحت دموعها واديته ضهرها بس قاطعها صوته
: طب على الاقل ادينى فرصة
بصتله شافت الصدق باين فى عينيه اللى مليانة بالدموع حاولت تتماسك بصعوبة وسابته ودخلت الاوضة قفلت على نفسها
اما هو فبص لطيفها بحزن كبير وسرعان ما بص على جرحه وافتكر خوفها عليه أبتسم بحب
: مش هستسلم يا مي حبى ليكى يستاهل المعافرة
عند زين وياسمين
زين : يلا وصلنا
ياسمين بصيت على الكلية بفرحة واتكلمت بطفولة
: مش مصدقة انى واخيرا هدخل الكلية
زين بفرحة لفرحتها:
بالتوفيق يعمرى هبقى ارن عليكى بعد اما تخلصى اول محاضرة
ياسمين: تمام يحبيبى
زين : الخمار مش قصير كدا
ياسمين: ما هو طويل اهو يا زين
زين : المرة الجاية تطوليه شوية وتلبسى جوندى
ياسمين: والله ما البس نقاب احسن
زين : تصدقى فكرة هفكر فى الموضوع
ياسمين بأببتسامة:
انا اتأخرت سلام
زين : خدى بالك من نفسك ولو حصل حاجه كلمينى
ياسمين: اشطا
زين : اشطا بقى فيها بشمهندسة تقول اشطا
بص لطيفها بحب كبير وطلع بالعربية
عند شذى
شذى : الحمد لله الدكتور مجاش
هنا : اتأخر انتى ايه اللى اخرك كدا
شذى : اسكتى على اللى حصلى
جت تتكلم قاطعها دخول الدكتور بصتله بصدمة كبيرة