رواية الحب الهادى
الفصل الثاني2
بقلم ايه منصور
شخص ما :حسيت انك هتكونى هنا
تلا :نعم ،هو انت ،اسمك هادى صح
هادى :اه ،عامله ايه
تلا : الحمدلله
هادى :ممكن رقم تليفونك
تلا :لا طبعا
هادى :ليه مرتبطه
تلا :لا ،بعد اذنك
كريم :عملت ايه يسطا
هادى :طلبت رقم تليفونها
كريم : الله يسهلو
هادى :ما تسمع الاول
كريم :اسمع ايه ما خلاص كده
هادى :ماوفقتش
كريم :شكلها مرتبطه وانت تاعب نفسك على الفاضى
هادى :لا مش مرتبطه ،سالتها
كريم :بقولك ايه دى يومها بسنه ،يوم علشان تعرف اسمها ويوم علشان تعرف مرتبطه ولا لا ،هتتعبك جدا علشان تتعرف عليها
هادى :ماهى عجبانى علشان كده مابحبش أنا النوع الساهل ده ،انا احب اللى تتعبنى علشان اوصلها
(عندى أنا )
هو جه مخصوص علشانى ،هو صحيح قمر ١٤بس زمانه بيلعب بالبنات لعب ،لكن استحاله اديله فرصه أنه يلعب بيا
ماما :تلا لسه مالبستيش
تلا :البس ليه ،احنا نازلين ؟
ماما :تلا ،العريس اللى قولتلك عليه من اسبوع بقولك ايه البسى بسرعه الناس على وصول
تلا :حاضر
(قعدت معاه نص ساعه بس انا مش معاه اصلا ومشيوا )
ماما :ايه رايك فيه ،مهندس وقمر وطول بعرض
تلا :دمه واقف ،ماخطفنيش كده
ماما :يادى الخطفه اللى بتدورى عليها ،على كده هتفضلى قاعده مش هتتجوزى
تلا :أن شاء الله هيجى اللى يخطفنى ،معلش هدخل انام علشان عندى شغل الصبح بدرى
ماما :ماشى ياختى ادخلى نامى
(دخلت قعدت افكر فى هادى لحد اما نمت )
(تانى يوم )
حنان :تلا خلصت يا طنط
ماما :اهى مستنياكى بقالها نص ساعه
حنان :بنتك هتتحسد ولا البحر بيعمل فى الناس كده
تلا :برقتلها ، يلا علشان هنتاخر
حنان :احكيلى اللى حصل معاه انبارح
تلا :عرفتى منين انى شوفته انبارح
حنان :ملامحك المبتسمه دى والسرحان وانك بتنزلى بدرى ،المهم احكيلى بقى اللى حصل
تلا :(قصيت لها ما حدث)،بس كده
حنان :بقولك ايه انا هاجر معاكى النهارده لأن الواد ده شكل أمه داعيه عليه بواحده تطلع عينه
تلا :ماشى تعالى بعد الشغل
(بعد الشغل )
هادى : وحشتيني