رواية ملتزمة غيرت لي حياتي
الفصل الخامس عشر15
بقلم منه محمد
في اليوم التالي كانت الفتاتان تجلسان في ساحه الكليه يتحدثان معاً الا ان اتي لهم "انس"
انس : انسه حنان
حنان : نعم
انس : ايييه كنت عايز اتكلم معاكي ف موضوع
سرين : طب استاذن انا بقي
وحين قامت لتذهب امسكت "حنان" بيدها تحثها على الجلوس
حنان فى سرها : اقعدي مينفعش تسيبني اتكلم معاه لوحدي
سرين : طيب ثم جلست
انس ببعض التوتر : هووو انا مش هاطول عليكي بسسسسس
اقتربت "سرين" قليلاً من" حنان " و همست فى اذنها قائلاً : شكله عايز يتكلم ف حوار شخصي ومحرج مني خاليني امشي هاقف قريب منك مش هابعد
حنان : بس انا خايفه
سرين : متخافيش انا مش هابعد، ثم اكملت بصوت مرتفع : ايييه انا هاروح اعمل حاجه مش عارفه ايه هي عن اذنكوا
نظرت "حنان " لها بغرابه، ثم التفت للشخص الواقف امامها
انس : هووو انا كوونت عايز رقم باباكي
حنان بعدم فهم : ليه
لم يعرف "انس" ما يقوله لها ف لقد توقع ان تفهم بكل بساطه
انس بتوتر : عشان يعنييي كنت عايز اتكلم معاه ف موضوع
حنان بتعجب : طيب و اعطيته الرقم
_________________________________________________
اخبر "انس" والده عن ما ينوي إليه و اخبره عنها وعن اخلاقها ولكنه لم يخبره عن ما فعله معها خوفاً من ان يرفض
انس : وانا اخدت رقم والدها انهارده عشان اكلمه و احدد معاها معاد
الاب : ماشي يا بني على بركه الله ، بس انت شايف انك مستعد فعلاً عشان تأخد خطوه زى دي الجواز ده مسئوليه كبيره
انس : ان شاء الله
الاب : خلاص علي بركه الله بس صلي استخاره
انس : صليت فعلاً و ارتحت
الاب : صلي تاني يا بني وماله
_______________________________________________
سرين : يا بنتي انت ازاى مش فاهمه معني انه اخد رقم باباكي يبقي عايز يتقدملك
حنان : بس انا مجاتش ف دماغي كده
سرين بسخريه : اومال هياخد رقم باباكي ليه عايز يتعرف عليه مثلاً
حنان : منا معرفش بقى انا اتوترت لما قالي كده وبعدين اول اتحط فموقف زى ده
سرين : المهم دلوقتي لو اتقدملك انت هتوافقي عليه؟
حنان : بتردد مش عارفه