رواية ملتزمة غيرت لي حياتي
الفصل التاسع عشر19
بقلم منه محمد
تمت الخطبه في منزل "حنان" مع حضور المقربين من اهله واهلها
وعندما اراد "انس" ان يلبسها الدبله رفضت مد يدها ف تعجب جميع من كان ف الخطبه
انس مازحاً : في ايه انت مش عايزاني البسك الدبله ولا ايه؟
حنان : لا بس مينفعش تمسك ايدي احنا لسه مخطوبين بس
انس : طب والعمل؟
اخذت الخاتم منه ولبسته بمفردها، ف تعجب الجميع اكثر
واعطت "انس" خاتمه لكي يلبسه، فلبسه بالفعل
___________
بعد انتهاء الخطبه ذهب الجميع لكن ظلت "سرين" معاها
سرين : ايه يا بنتي يعني كان لازم تحرجيه كده مكنتي خلتيه يلبسك الخاتم وخلاص
حنان : مينفعش هو لسه ميحلليش هو مجرد خطبني بس
سرين : بس كل الناس بتعمل عادي
حنان : ومعني ان كل الناس بتعمل كده يبقي عادي ومبقاش حرام
سرين : لا مش اصدقي بس كنت عدتيها انهارده وخلاص
حنان : لا طبعاً مينفعش اقدم تنازلات
سرين : يا بنتي الناس بيقولوا عليكي قفل ده انت حتى محتطيش ميكب
حنان : الناس يقولوا اللي يقوله مدام مش بعمل حاجه غلط ف مش همامي
سرين بسعاده : انا فخوره ان عندي صاحبه زيك وانت فعلاً كل كلامك صح
حنان بمزاح : مشوفكيش بقى حاطه ميكب ف فرحي
سرين بضحك : لا اذا كان العروسه مش هتحط هحط انا
حنان : المهم انك تاخدي الخطوه دي عشان ربنا مش عشاني
سرين : ان شاء الله
_____________
جاء "انس" لزياره "حنان "
انس : جهزي نفسك عشان هنخرجك انهارده
حنان : نخرج ازاي !؟
انس : نخرجك نتغدي بره
حنان : ايوه بس انا قولتك احنا لسه مخطوبين مينفعش نخرج لوحدنا
انس : امممم مشكله فعلاً طب هنعمل ايه؟
حنان : لو عايزنا نقعد مع بعض يبقي تجي عندنا ف البيت ولكن مينفعش نخرج لوحدنا، إلا ف حاله لووو
انس : لو ايه؟
حنان : لو كتبنا الكتاب ساعتها مش هيبقي مفيش مشاكل
انس : حيث كده يبقي على بركه الله تحبي كتب الكتاب يبقي امتي؟