رواية غرام الاسد كامله جميع الفصول بقلم شروق محمد

رواية خادمة الفهد

 الفصل التاسع والعشرون29

بقلم صفاء حسني

نظرت لها منى وهى تسألها 

ما هو السبب الذي جعلها تقف معها 

ابتسمت هدير وقالت:

_انا عارفة انك محتاجه ترتاحي من شقي السنين وربنا يرزقك برجل مرتاح، يكون من نصيبك ،وده مش عيب ولا حرام واتمنى بجد أن البيه وليد يحبك أو على الأقل يرتاح ليكي. لكن انتبهي هو اول ما يختار واحدة هايختارها عشان أمه ،وهى في المقام الأول.

انصدمت منى من كلام هدير وشعرت ببعض الغيظ وقالت:

_انتى بقا شايفة نفسك انتى اللى تستحقى المقام دا وعشان كده بتعملى جميلة معايا عشان وصلتك ليه 

لا دا بعدك ،وانا مش بااتهدد انتى اللى  تخافي منى لانى اقسم بالله العظيم، لو وليد فصلنى أو رجعنا القاهرة.

ل اكون معترفه بكل اللى  اعرفه عنك.

ضحكت هدير بهستيريا كانت ما بين الضحك والبكاء وقالت:

_منى انتى فاكرة ان فى مقارنة ما بينا وهو يختار واحدة ،تبقي غبيه لو فكرتى كدا، ان  فى حد يفكر يتجوزنى واكون زوجته وأم أولاده ويكون سندى وظهرى وبكت بهستيريا ونزلت على الأرض ببكاء:

_ده حلم بعيد المنال مستحيل مش عشان خائفة من تهديدك، لا والله عشان انا مبقتش انفع يامنى ،وصدقينى انا مش عارفه انا جيت هنا ليه ووافقت ليه، ممكن عشان  اتاثرت ب ملك وبعد كده هبة بنت عم ملك،  كنت بشوفها وهى بتصلي وبتقراء قران حاجة كدة زى الملاك، غيرت منها كنت نفسي اتغير ،واول ما ولدته استاذ وليد، مسكت في لاقيت فرصة انى اهرب من كل حصل معايا ابدا حياة جديدة اشتغل اعتمد على نفسي بدون مساعدة رجل ،او رجل يدخل حياتى ،وقولت  عمل خير يطهرنى من أخطائى ،او عشان ابعد عن جو، كنت موجودة  فيه ومجبورة سنين طويلة اكون فيه  ،ربنا ما يوقعك في ضيقة زى اللى وقعت فيها، انتى الافضل يا منى اقسم بالله انتى الافضل، واتمنى ليكى تكونى من نصيبه، أو ربنا يرزقك شخص يحبك ،ويكون مستواه  المادى مرتاح ،وانا والله العظيم هقف جنبك، وعمرى ما هكون عاذل ما بينك وبين اي شخص، كل الموضوع أنى عارفة انك بنت نفسك تتفسحى، وتنزلى ماء وتجرى وتفرحى نفسك ،تحبى وتتحبي، والحياة اجبرتك انك تكون ممرضه، وانك تصرفى على أهلك وعلى نفسك بالحلال ،وحطى تحت الكلمة دى مليون خط انتى الافضل يا منى اقسم بالله، انتى تعبتى واختارتى الطريق الحلال وربنا يكرمك، وانا عملت كده عشان ادافع عنك مش اكتر ،كل الموضوع عاوزاكى تتحكمى شوية فى عواطفك ،وتقربى من والدة وليد، خليها تحبك، اهتمى بيها، خليها تحس، انك

 الشخص اللى يثق فيه ،وانك هاتكونى جنب أمه ،لان لو بتفكرى في وليد يكون شرطه الاول امه فهمتى يا قلبي.

قامت هدير بدون حديث ودخلت على الحمام غسلت وجهها

جلست منى بجوار السيدة الذي كانت تستمع إلى حديثهم وتخزنه في ذاكرتها البسيطة ونظرت لها السيدة: 

هى بنتى بتعيط ليه مين زعلها اوعى تكون انتى زعلتيها والله ل قول ل وليد عليكى يا وليد يا وليد 

اقتربت منى وهى مصدومة واقتربت من السيدة وقالت:

استهدى بالله يا حاجة والله العظيم ما زعلتها ولا قربت منها، هى بس كانت تعبانة ودخلت الحمام

وانا تحت امرك اؤمرينى عاوزة ايه 

نظرت لها السيدة بعد أن نسيت ما كان يحدث وقالت:

هو انتى مين وايه جابك هنا وفين وليد وبنتى 

وقامت تبحث عنهم 

مسكت منى فيها وقالت:

أهدى يا حاجة ابوس ايدك بلاش ،التوهان دلوقتي انا فيا اللى  مكفينى اقسم بالله العظيم 

ثم نادت هدير يا هدير تعالى والنبي الحاجة عاوزة تخرج خرجت هدير جرى واقتربت من السيدة وقالت:

رايحه فين يا امى انا هنا معاكى عاوزة تروح ل وليد 

هزت راسها السيدة وقالت:

_اه يا بنتى وحشنى اوى طول اليوم فى شغله وبقعد لوحدى بلاش تسافري تانى يا هدى وتسيبينى

ابتسمت هدير وقالت'

أسافر اروح فين انا مليش ملجأ غير هنا معاكى تعالى خدى العلاج ونامى شوي احنا بليل 

هزت راسها السيدة ومشيت معها وكأنها طفلة صغيرة فى يد امها وذهبت على السرير واخدت العلاج ونامت 

وفعلا ناموا 

..

عند فارس 

طلب فارس من هبة تهدى وقال:

_مش وقته يا هبة الوقت متاخر والكل هايكون نام 

ادخلى نامى انتى والحاج وبكرة من النجمة هانروح عند  اسماء

ابتسمت هبه وقالت:.

_هى اسمها اسماء شكلها ايه طويلة قصيرة محجبه والا بشعرها عصبية والا هادىه 

ابتسم فارس وقال:

_فيها كل الصفات دى واكتر اسماء اختك دى شخصية متناقضه ،احنا متربين مع بعض من وهى صغيرة

كان الكل فاكر أن احنا اخوات وأنها اخت فهد 

/جلست تستمع ل حديثه عن ذكرياته مع أختها اسماء

حتى غفت على الكرسي وكانت بريئه وجميلة 

ابتسم الاب وقال:

_على طول كدة هبه اول ما تقعد تتكلم معها ،وكان جيه ميعاد نومها تلاقيها تنام في أي مكان

ابتسم فارس وقال:

_ربنا يباركلك فيها يارب طيب انقلها غرفتها عشان مش تبرد 

ابتسم الاب وقال:.

_طبعا يا ابنى انت دكتور اقد الدنيا وانسان كويس وعشان كده وافقت نقيم عندك غير كدة كنت روحت فندق لحد ما اطمن علي ملك لكن نسيت أسألك:

هى اسماء بتكون بنت مين عشان كدة اتربت معكم وازاى عرفتوا انها بنت ليلي. 

بدأ يحكى فارس ما حدث واتكلم بصراحه وقال:

_اسماء مختلفة جدا عن هبه وملك  يا عمى هى السبب في أن ملك تدخل المستشفى وانا بجد مش عارف ازاى هبه ببراءتها ده تروح برجلها عند اسماء.

حاسس انها هتستغلها ل صالحها خصوصا أن هبه قريبة من ملك شورنى اعمل ايه

ابتسم الاب وقال:د

ماتفكرش كتير العمل عمل ربنا والصباح رباح 

ادخل نام يا ابنى 

ابتسم فارس وقال:

ونعم بالله

/وحمل هبه ما بين يده وهى حركت يدها وأصبحت فى حضنه كان ينظر لها، ووجهه الجميل وخصلة الشعر الذى رفضت أن تستمر تحت الحجاب، وتمردت ووقعت على عيونها اتجه إلى غرفة الضيوف ونايمها على السرير وهى تمسك فى رقبته دون أن تشعر

بدأ يفك يديها من على رقبته بهدوء وهو ينظر لها

وقال 

سبحان من صور  لكن وهو يفك يديها وقع على السرير وهى كانت بين يديه 

/حاول المستحيل أن يجعلها تقوم ولكن هى لم تتحرك 

كان يشعر ب أحراج 

/اقترب الاب من الغرفة ووجد هبه نائمة في حضنه مثلما كانت تفعل معه وهى تعتقد أن ابوها هو الذي بجواره تنهد وقال:

_اول مره بنتى تشعر بالأمان مع شخص وتمسك بيه ،وهى نائمة غيرى، طول عمري خايف ل محدش يحبك يا بنتى أو يجى عليكى أو يستغلك، من كثرت الكلام الذي كانت تقوله عليكى ليلي ،كانت تفسر البراءة والورقة البيضاء ب العبيطة ،كان يتذكر كلام ليلي وهى تقول تبقي تقابلنى لو لاقيت واحد يقبل ببنتك العبيطة دى ينضحك عليها وياخد كل فلوسها اللى انت بتتعب فيها 

بدأت تدور فكرة فى رأسه واقترب منهم 

اعتذر فارس وقال:

مش عارف اقومها أو ..بمعنى أصح، خايف اصحيها ساعدني أن أخرجها من بين. 

تنهد الاب  وقطع حديثه وقال:

_تخرجها من بين حضنك اللى هى حسيت فيه بالأمان 

انت عارف هى فاكراك انا ,،عشان كانت دائما تكلبش في كدا بس عندي سؤال ليك .

شعر  فارس بخجل وهز رأسه بالموافقة وقال:

اتفضل يا عمى 

نظر له وسأله:

_انت حاسس بإيه وبنتى فى حضنك، وبصراحه رجل ل رجل 

/أنصدم فارس من سؤاله وكان محرج ومش عارف يرد يقول ايه ومن خلال الصدمة تنح ولم ينطق

ابتسم الاب وقال:

_انا عارف من حقك تنصدم من السؤال لكن اعتبرنى صديقك مش ابوها وبسأل 

/احساسك ايه وهبة فى حضنك وما بين ايديك حاسس انك تعبت ،وبتقول ايه البلوى الل  اتحدفت عليا ده ،والا بتقول ايه طلع اللى فى عقلك وقوله 

تنهد  فارس واغمض عيونه وقال:

_الصراحة مش عايزها تخرج من حضنى، وتفضل نايمة فى للصبح بنتك حضنها دافى وكله حب وبراءة 

ابتسم الاب ب ارتياح وقال:

_يعنى شعرت بحب من ناحيتها واللا بتقول نفسك ده بريئه زى ما بتقول وعلى نيتها 

رد فارس ب أحراج وقال:

_بنتك جميلة جدا يا عمى والبراءة مش عيب دى كنز ومحظوظ الشخص الا بنتك تكون زوجته ،لانها زى ما بتقول بريئه ورقة بيضاء، لا تمتلك المكر بل تمتلك العفوية انت خايف ليه وبتسال ليه؟

اتنهد الاب وقال:

_الصراحة عشان السبب ده خايف عليها ،انا يا ابنى مريض بالسرطان الكبد ،فى آخر مرحلة وانا واقف قدامك حلاوة روح، لما عرفت كنت خايف جدا على بناتى، ملك وهبة لكن ملك ناصحه شوية عن هبه، قدرت تحافظ على نفسها رغم وقعت في الوحل ، والحمدلله لاقيت الشخص الا يتجوزها وتكون فى عصمته واطمن  عليها لكن هبه خايف جدا عليها.

أنصدم فارس وقال:

_انت متاكد طيب مقولتش ليه واحنا في المستشفى انت محتاج علاج  لازم تتابع كيمياوي

تنهد الاب وقال:

بقالي شهرين عليه يا ابنى ولمس شعره وأخرجه من بين يده وقال:

_وده الدليل شعرى بيقع يجى فى يوم ملك هتخاف منى ونزلت دمعه كانت رافضه تنزل  

/كان يشعر فارس بوجع الاب وحاول يخرج هبة من حضنه لكن رفض الاب ومسك ايديها وقال:

_سيبها يا ابنى انا هكون صريح معاك  فى مثل بيقول أخطب ل بنتك، وانا شعرت فيك انك الافضل  ل بنتى فهل توافق أن تستمر هبه فى حضنك دائما.

أنصدم فارس من سؤاله ومش عارف يرد ب ايه 

ابتسم الاب وقال:

عارف انك مصدوم واسيبك تفكر وبكره بالله عليك تبلغنى وبدأ يسحب ابنته من بين حضنه ونايمها 

وحضنها .

/خرج فارس وكأنه سايب قطعة من روحه كان يتذكر كل لحظة قضاها مع هبة خلال فترة تعب ملك ل حد النهارده 

براءتها، لما كانت تفرش السجادة جانب ملك وتصلي وتدعى لها ومسكتها للمصحف ،ضحكتها البريئه ،فرحتها لما قامت بالسلامه حزنها انها مش فاكراها فرحاتها لما عرفت عندها اخت لكن ماكنش عارف يقرر أن ده حب او اهتمام أو بنت مختلفة لكن تذكر أن يعتبر نفس الفرق ما بين ملك وفهد نفس الفرق ما بينه وبين هبه وان هبه لسه هتدخل الجامعة ولسه هتعيش حياة جديدة وممكن تقابل ناس وتحب وقبل ما يكمل شعر بوجع فى قلبه لمجرد تخيله انها ممكن تحب او تكون مع أحد غيره نام من التعب والتفكير اللى  مجننه 

.....

اقتنعت اسماء بكلام ليلي وانسحبت من الغرفة وهى الغيرة تشتعل في داخلها لكن اختارت الصبر 

واتجهت إلى غرفتها تنام 

كان فهد يتأمل ملك وهى نايمه حتى نام هو الآخر 

بعد ساعات طلع الصباح وكانت ملك تتقلب حتى أصبحت بجوار فهد وهو أيضا وجهها أمام وجهه فتحت عيونها ل وهله وابتسمت فى وجهه وبعد لحظات فاقت وقالت:

انا فين ايه اللى جابنى هنا 

فتح عيونه فهد على صوتها وهى تصرخ وسألها 

فى ايه على الصبح مالك 

بدأت تتذكر ملك بعد قطفت من بليل وقالت:

_مش اتفقنا أن الجزء ده بتاعك وده بتاعى ايه جابك جانبى 

اتنهد فهد وقام نظر فوجد هى من جاءت إلى جزء وايضا تصرخ فمسكها من خدودها وقال:.

_ملك بالله عليكى فوقى كدا وصحصحى ده الجزء بتاعى اللى تحت الستارة واللى  خارج الستارة بتاعك يعنى انتى اللى  جيتى عندى مش انا فقومى كدا اغسلى وشك على ما ابلغ اسماء تجيبلك هدومك.

/سمعته بيقول كدا فجلست وربعت رجلها أمامه ونظرت له: 

_سمعنى كدا بتقول هتتصل بمين عشان انا صاحىه طرشة وعمىه وعقلي مفوت عيد الكلام تانى كدا 

قام جلس أمامها نفس الجلسة وقال:

بجد انتى مش سمعتى والا بتهزرى ،حاضر يا ستى  اعيد عليك الكلام كنت بقولك هااكلم اسماء

نظرت له بصدمة وفتحت فمها بذهول ف استغرب فهد وسألها مالك مصدومة كدا 

نظرت له وقالت:

_انت فعلا مفيش امل معاك ،روح اتصل بيها واطلب منها كل الا انت عايزه ، وخليك تحت رحمتها ،هى وليلي وسبنى يعم اخطط انا مستقبلي ،وحياتى واعوض السنة الا ضاعت من عمرى فى قهر وذل. 

كان فهد مستغرب حديثها معه بكل الجرأة دى واتعصب وقال:

_انتى يا بت لسانك دا دائما متبرى منك ايه العك اللى  بتقوليه  ده اكون تحت رحمة مين يا حليتها فوقى لنفسك كدا وماتظنيش نفسك آملة .

ردت عليه ملك وقالت:

_انا ولا آملة ولا زفت وفايقة  جدا لكن انت اللى نسيت اتفاقنا وده الشرط الثالث ،تنسي انك تطلب حاجة من اسماء، أو تتصل بيها ،انسي انك محتاج ليها مفهوم .؟ هدومك لبسك أكلك كل حاجه تخصك مسؤلتى ،ولا اشتكيت وتعبت ي عم وقتها اسالها ، لو عايز تتخلص من ادمانها وتعرف تقرر انت عايز ايه عشان انت تايه يا فهد بيه ،ومش عارفه إن كنت بتحبها أو بتكرهها عايزها أو رافضها فكرتنى ب اغنية عمر دياب

ابتسم فهد عندما بدأ يفهم وسألها 

اغنية ايه بقا اللى توصف حالتى دى 

قامت وقفت على السرير بشقاوة ،وضمت صوابع يدها كأنها مايكرفون وقالت: 

هغنهالك 

وبدأت تغنى 

أحبك أكرهك

أسيبك أندهك

أعلق نفسي بيكي وللا أعمل فيكي إيه

أضمك أبعدك

أخونك أوعدك

غريب إحساسي بيكي مش مطمن له ليه

إحساسي ده ممكن يهد جبال، يضيع

بين حبي ليكي وكرهي ليكي خيط، رفيع

لا القرب مرتاح له

ولا البعاد قادر عليه

أحبك أكرهك

أسيبك أندهك

أعلق نفسي بيكي واللا أعمل فيكي إيه

أضمك أبعدك

أخونك أوعدك

غريب إحساسي بيكي مش مطمن له ليه

حاجات غريبة بحسها وأنا بين، إيديكي

كثير بخاف منك وكثير بخاف، عليكى

حاجات غريبة بحسها وأنا بين، إيديكي

كثير بخاف منك وكثير بخاف، عليكى

لا القرب مرتاح له

ولا البعاد أقدر عليه

أحبك أكرهك

أسيبك أندهك

أعلق نفسي بيكي ولا أعمل فيكي إيه

أضمك أبعدك

أخونك أوعدك

غريب إحساسي بيكي مش مطمن له ليه

أعلق نفسي بيكي ولا أعمل فيكي إيه

غريب إحساسي بيكي مش مطمن له ليه

أحبك أكرهك

أسيبك أندهك

أعلق نفسي بيكي ولا أعمل فيكي إيه

أضمك أبعدك

أخونك أوعدك

غريب إحساسي بيكي مش مطمن له ليه

أحبك أكرهك

أسيبك أندهك

أعلق نفسي بيكي ولا أعمل فيكي إيه

أضمك أبعدك

أخونك أوعدك

غريب إحساسي بيكي

...

عند هدير 

صحيت الصبح 

وصلت  هدير وجدت منى تجلس صامته سالتها مالك يا منى 

اتنهدت منى وقالت:

انا مش وحشة يا هدير  وإنسانة كويسة ومش بااستغل الفرص، اه ماأنكرش فرحت أن ربنا بعتلى فلوس كتير، من مجرد عمل بسيط يريحنى من التعب والسهر والجرى من غرفة ل غرفة، 

وحقن وجروح ودم انا بعيش والله حياة تصعب على الكفار وفى الاخر يقول ده ممرضه مقضياها ،ونسمع كلام زى الزفت عن التمريض وأنها

 بترسم على الدكاترة أو بتقضيها معهم احنا بيطلع سمعة وحشة علينا كاننا شغالين في كباري مش مستشفى ميعرفوش أن احنا 

بيطلع عين الا جابونا عشان ملليم غير الأمراض المعديه ،وفيه مننا اللى بيجلها فيرس c بسبب  المرضى اللي بنتعامل معاهم

.. بلوى بنعيشها وماأنكرش طمعت أن أوقع وليد ويحبنى لكن انتى عندك حق وليد مش من الرجالة الا عيونه زايغه، وبيرسم 

يوقع ممرضه ،وليد عايز اللى يهتم ب أمه فقط، وواضح انها اختارت وانا شايفه انك اتعلمتى كل حاجه اتعلمتى حتى ازاى

 تركبى محلول و ،تقيسى الضغط وكمان حفظتى الأدوية يبقي وجودى ملهوش فائدة ، وارجع انا 

رفضت هدير وقالت:

رجوع ايه وكلام فارغ ايه مش هترجعى وادينا شغلين على أكمل وجه، وهنقعد مع بعض مش مهم

 المسميت انتى  تكونى ممرضه وانا خادمة أو ونيسة لمريضه مسنه ، وممكن نشتغل مع بعض في كل مكان وليد اقدم لنا طبق من

 فضة أننا نسافر بلد عربية فاهمة يعني ايه بلد عربية يعنى هنشتغل وها يبقي معنا فلوس ولو فى يوم قال دوركم انتهى نروح

 نشتغل مع اى حد تانى فاهمة يا عبيطه انتى اختى اللى ربنا ماكتبليش اعيش معها  .

ضمتها منى وقالت:

_اتفقنا من النهارده مفيش غيرة وايدنا  هاتكون فى أيد

 بعض وفعلا مفيش راجل ينفعنا أيدينا

 وصحتنا هى إللى   هتخلينا نجيب فلوس والنصيب يجى فى وقته 

وفجأة 

              الفصل الثلاثون من هنا

 لقراة باقي الفصول من هنا

تعديل المقال