رواية غرام الاسد كامله جميع الفصول بقلم شروق محمد

 رواية خفايا الماضي

 الفصل الثالث عشر13 والرابع عشر14 

بقلم حنين ابراهيم الخليل

نظرت لها نهال بشرود وهي تتذكر تلك الحالة التي تعرفت عليها صدفة

كانت تمشي في الممر عندما وجدت شابا جالسا على وجهه علامات التوتر و بجانبه فتاة جميلة تحاول مواساته

: إهدى يا حبيبي إن شاءلله هتبقى كويس

حسام: إزاي بس يا دارين سمعتي الدكتور قال إيه أنا هحتاج عملية أستأصال كلى؟ أنا حتى عمري ما اشتكيت من حاجة لولا أنك طلبتي نعمل تشك أب قبل الفرح 

دارين بتوتر: و اهو شفت طلع عندك مشكلة في الكلى لولا التحاليل كانت حالتك هتتفاقم و مكناش هنلحقك 

 نظرت للشاب اللذي كان يبدو بحالة جيدة باستغراب ثم دخلت لمكتب الطبيب 

نهال عادت من ذكرياتها على صوت ملك: إفتكرتي الشب الي قولتيلي إنهم إكتشفو عنده قصور كلوي و أستغربتي إنهم عملولو عملية بدل ما يدولو علاج السكر الي بيقلل نسبة البروتين الي بيدره البول /-عفاكم الله /

نهال وهي تستعيد ذكريات ذلك اليوم: أيوه بس الدكتور قالي إنه حالته كانت أول ريدي متقدمة و العلاج مش هينفع 

ملك؛ إنتي شوفتي التحاليل و الأشعة الي عملها؟ 

نهال: لا دكتور معتز قال

مؤمن: طيب إنتي لما شوفتي أستاذ حسام كان باين عليه إنه عنده أنيميا نقص الكلسيوم؟ طبعا إنتي كدكتورة هتشوفي أي بوادر من شحوب بشرته و خلافه من أعراض

كانت نهال تفكر بالفعل عدم عمل الكلى بشكل جيد تعني إصابة المريض بالأنميا و نقص كلسيوم ذلك كان سيضهر على وجهه الذي لم ترى عليه ما يوحي بمرضه بل كان يبدو بصحة جيدة لذلك كانت طلبت من الدكتور معتز إعادة التحاليل فقد يكون هناك خطأ بالأول 

معتز: من فضلك دكتورة نهال دي مش من صلحيات شغلك الحالة دي تخصني أنا و أنا مش عيل ولا دكتور متعين أول إمبارح عشان أعمل غلطة زي دي 

نهال: بس يا دكتور.. 

معتز: دكتورة من فضلك تقدري تتفضلي دلوقتي ورايا شغل 

باك

مؤمن وصلته مكالمة: إبن حلال لسا كنا في سيرتك دلوقتي، متقلقش قريب هجيبلك حقك، تمام دقايق و أكون عندك

 

جلس يفكر قليلا ثم وجه كلامه لنهال: تحبي تشوفي الحالة الي وصلها بعد ما عمل العملية في أكبر مستشفى في البلد

بعد نصف ساعة 

كانت تجلس و الصدمه بادية على وجهها ترى ذلك الشاب ممددا على سرير فقد الكثير من وزنه في تلك المدة القصيرة لم يكن يستطيع الحركة كثير بدا عجوزا في أواخر عمره وليس شابا في مقتبله

نهال: ممكن تحكيلي الي حصلك من الأول؟ 

نظر حسام لمؤمن باستفهام 

مؤمن: نهال دكتورة في المستشفى الى عملت فيها العملية و هي مستعدة تساعدنا في القضية الي هنرفعها عليهم بس عايزة تعرف منك إيه الي حصل 

حسام بتعب إتنهد بحزن: أنا عارفها سمعتها بتكلم الدكتور المسؤول عن حالتي وفعلا عدت التحليل في معمل تاني بس غلطت لما مروحتش خدت النتيجة بنفسي

نظرت له نهال باستفسار

 من شهر أنا كنت  بحضر لفرحي أنا و حبيبتي وفي مرة إقترحت عليا إننا نعمل تشيك اب و أصرت نروح على مستشفى الأمل رغم وجود مستشفى غيرها جنبنا بس هي إتحججت إنه حكومي و مش نضيف و هي هتخاف يجيها مرض منه بدل ما يعالجوه و أنا طاوعتها و روحنا ولما طلعت نتيجة التحاليل بتاعتي و قالي إنه لازم أشيل كليتي إتصدمت إزاي أنا عمري ما إشتكيت من أي أعراض بس هي فضلت تواسيني وتقنعني إن ده الأفضل ليا   لحد ما سمعت الدكتورة بتطلب منه أعيد التحاليل و لما الدكتور رفض أنا رحت لمعمل عدتهم و يوم ما طلعت النتيجة أنا كنت في الشغل إتصلت بدارين عشان تجيبهم و لما خلصت شغلي و طلبت منها تدهملي قالتلي إنه الدكتور قالها إني لازم أعمل العملية النهاردة قبل بكرة و هي كلمت الدكتور معتز عشان يسرعلنا الإجراءات كانت بتتكلم و هي بتبكي و تترجاني إني مأعندش عشان صحتي كده هتسوء و هي ملهاش غيري لو حصلي حاجة هي كانت وحيدة بعد موت أبوها و أمها في الحادثة و أنا عملت العملية و بعد يومين طلعت عديت مع دارين على الصيدلية عشان تجيبلي الدوا في الوقت الي هي نزلت فيه الدكتور الي عملي التحاليل في المعمل جه سلم عليا: إيه يا حسام كنت فين كل ده بقالي ثلاث ايام مش عارف أوصلك من يوم ما جتلي للمخبر 

حسام بتعب: معلش يا دوك كان عندي عملية عملتها من يومين

الدكتور باستغراب: عملية إيه؟ 

حسام: شلت كليتي مش إنت قولت إني حالتي محتاجه عملية بشكل عاجل؟ 

الدكتور: محصلش أنا إدتلها التحاليل و قايلها إن صحتك زي البومب و أكيد التحليل الأول إتبدل مع حد تاني 

حسام بصدمة: إيه؟ 

بعد دقائق خرجت دارين من الصيدلية 

دارين بابتسامة: ممكن تفك شوية بقا الدكتور أكدلي إنه كلها شهر و هتخف و ترجع تعيش حياتك  طبيعي زي الأول 

في تلك اللحظة صعد الدكتور في السيارة خلفها: بس انا قبلها أكدتلك إنه هو معندوش مشكلة تمنعه إنه يعيشها 

نظرت خلفها بصدمة وبلعت ريقها 

حسام: إكتشفت إنها كانت متفقة مع المستشفى وواخدة مبلغ كبير منهم قصاد تبرعي بالكلية 

إبتسم بسخرية: و طبعا معرفتش أخد ضدهم أي إجراء قانوني لأنها طلعت ممضياني على موافقة بالعملية يوم ما مضيت على كتب الكتاب 

---

كانت نهال تقف في الشرفة وهي تبكي  لا تصدق ما عرفته اليوم كل هذا حدث أمام عينها كيف لم تنتبه 

ملك من ورائها: مالك بس يا حبيبتي عاملة في نفسك كده ليه؟ 

نهال: أنا حاسة بالذنب يا ملك حاسة إني كان ممكن أمنعهم يعملوله العملية لو أصريت على رأيي يومها 

ملك: بس إنتي مكنتش تعرفي للي بيخططوله يا نهال كنتي هتقفيله بتاع إيه، بس إحنا دلوقتي بإيدنا الي نمنعهم يعملو عمليات بعد كده

جاءها إتصال من مؤمن إبتسمت: إبسطي أهو بيتصل عشان  يعرفنا عمل إيه بعد ما خد الدليل الي إديتهوله للبوليس 

فتحت الهاتف: ألو 

فتحت عينيها بصدمة: يعني إيه لقيتو الفلاشة فاضية 

الفصل الرابع عشر 

كانت ملك تضع يدها على رأسها و تبدو مهمومة 

نهال: أنا مش فاهمة حاجة 

ملك: أنا إزاي مفكرتش إنهم عاملين حسابهم لحاجة زي دي هما حطو فايرس للجهاز عشان لما أي حد يحاول ينقل المعلومات على فلاشة أو كارت مومري زي ما عملت الكارت يتحرق أول ما نوصله في جهاز تاني

نهال: يعني إحنا كده مفيش أي دليل في إدينا 

ملك': للأسف كل حاجة ضاعت و رجعنا للصفر 

نهال بتفكير: طيب أنا هتصرف 

ملك بإنتباه  : هتعملي إيه؟ 

نهال: هرجع لشغلي في المشفى عادي بس المرة دي هاخد بالي أكتر من تحركاتهم لحد ما أمسك دليل ضدهم

ملك: بس هما لو حسو بحاجة هيكون فيه خطر عليكي 

نهال: متقلقيش هاخد بالي كويس 

ملك وقفت بتشنج: نهال أظن إنك شوفتي كويس إن مفيش لعب مع الناس دي حسام أخدو كليته من غير ما يحس ولما إكتشف خداع مراته ليه معرفش بتصرف ضدهم بأي إجراء عشان كانو حابكينها كويس و كل ما نمسك ضدهم دليل يضيع من إيدينا كأنه كان سراب، عايزاني أسيبك تدخلي لوكرهم إنتي عارفة إيه الي ممكن يحصل لو كشفوكي؟ 

نهال وقفت نظرت لها بهدوء و إبتسامة لطيفة على شفتيها وضعت يدها حول كتف أختها: بس إنتي مخوفتيش يكشفوكي لما روحتي معايا يومها ليه

نظرت لها ملك بعيون خالية من أي تعبير: بس أنا مش زيك يا نهال

عقدت نهال حاجبيها بعدم فهم

ملك: إنتي حياتك مهمة عند الكل ماما وبابا بيعتمدو على ذكائك مرضاكي محتاجينك العالم كله محتاج إبتكاراتك الي هيخفف الألم على ناس كتير إنما أنا؟ مش فارقة عند حد حتى لو مـ،ت ا... 

لم تنهي كلامها حيث فاجأتها صفعة من أختها أستمرت بعدها بهزها مثل المجنونة 

نهال بدموع:إيه الكلام الي بتقوليه ده؟ إنتي إزاي تسمحي لنفسك تفكري بالطريقة دي مين قالك إن حياتك مش مهمة إنتي مش عارفة غلاوتك عندي ولا إيه؟ 

نظرت لها بإبتسامة مكسورة: معليش بس دي الحقيقة حتى إنتي هتزعلي عليا فترة و تتسيني 

توجهت إلى سريرها بتثاقل: إذا كانت أمي نفسها دعتلي بالموت عشان أنا بقيت بالنسبة لها مجرد حمل و بعملها مشاكل و بس 

عانقتها نهال وربتت على ضهرها متقوليش كده يا حبيبتي أنتي عارفة إنها مكانتش تقصد 

ملك بتوهان: ولا تقصد عادي مبقتش تفرق 

إستلقت على سريرها: تصبحي على خير 

نظرت لها بحزن قبلت جبينها ودثرتها: و إنتي من أهله

خرجت من غرفتها لتقابل والدتها في طريقها وهي تقول بسخرية: هي الشملولة نامت 

نهال بضيق: ايوة 

ثريا: مش عارفة البرود الي عندها جيباه منين 

نهال: ماما بطلي طريقتك دي معاها من فضلك هي معملتش حاجة لكل ده لو على الصفقة فهي عملت صفقة أحسن من الأولى و خلال فترة قصيرة هترفع أسهم الشركة لفوق القضية و سليم إتنازل و دفع تعويض كمان 

ثريا ببرود: بفضل تدخلك 

نهال تركتها وهي تزفر بيأس 

في اليوم التالي قبل مغادرتها تحدثت مع ملك 

نهال:روحي إنتي مكاني تممي الصفقة مع بابا و لو حصل أي تطور هكلمك 

ودعتها ملك بقلق

بعد ساعتين كانت ملك مع والدها يضعون اللمسات الأخيرة للإتفاق مع الشركة الجديدة حين جاءها إتصال من أختها 

نهال: ملك أنا شوية هبعتلك فيديو لإتفاقيتهم على خطف الأطفال وصليه لمؤمن عشان يفضحهم و بعدها إبعتيه للجهات الأمنية أنا عارفة إنه لو إعتمدنا على البلاغ بس فيه مليون طريقة يهربو و ينكرو الأدلة بس لما تبقى قضية رأي عام هتبقى رقبتهم بإدينا 

ملك بقلق: نهال إنتي فين دلوقتي 

نهال: إعملي الي قولتلك عليه متشغليش بالك

قبل أن تضيف شيء أخر كانت أقفلت الخط حاولت الإتصال بها مجددا لكن الخط كان مغلق

إتصلت بمؤمن وهي تركض خارج الشركة 

: مؤمن إلحقني نهال حياتها في خطر، هي كانت بتكلمني دلوقتي وكان باين من صوتها إنها خايفة حد يسمعها 

بسرعة وانا رايحة المشفى أغلقت الخط وبعد دقائق وصلت للمستشفى سألت عن أختها ليخبروها في الإستقبال انها لم تأتي اليوم لم خرجت و إنهارت بالبكاء (شيء سيء حدث تعلم ذلك كل ذلك بسببها لو لم تقحمها من البداية) 

: ملك انا دورت عليها و ملقيتهاش

ملك: أنا إديتها سلسلة النهارده فيها جي بي اس فتحت حقيبة

 ضهرها و أخرجت جهازها اللوحي و شغلته لتبحث  على موقع أختها كان يشير أنها قريبةقري

بحثت هي و مؤمن  عن المكان بعد أن إستدارا حول المشفى ليجدا مبنى مهجور  بعد توغلهم فيه وجدا داخله قبو عند دخولهما له

 كان يبدو مثل غرفة عمليات غير نضيفة إنقبض قلب ملك عند رؤية الد،ماء على السرير دارت في رأسها الإحتمالات 

مؤمن وهو يلتفت حوله: الواضح إنهم عرفو إنهم إنكشفو عشان كده فضو المكان  بس الد،م ده بيأكد إنهم مبعدوش

ملك: ن ن نهال يا مؤمن هما عملو فيها إيه؟. 

مؤمن: إهدي إن شاء الله هتكون كويسة 

وبقي بتفقد المكان: ملك لقيت باب خلفي بسرعة خلينا نلحقهم 

خرجا سويا من الباب ليدخلا في ممر ضيق و مضلم أمسكا أنفهما

 من الرائحة العفنة أثناء ذلك تعثرت ملك بكيس ضمن كومة أكياس سوداء أمامهما 

 شغلت ملك إضاءة الهاتف لترى الشيء الذي وقعت عليه كانت ستنهض لكن لفت نظرها الشعر الذي خرج من الكيس بلعت ريقها و هي 

تفتحه بيدين مرتعشتين لترى صدمتها الكبرى وتصرخ صراخا دوى المكان: لااااا نهاااال فوقي نهااااال

الصدمة كانت ألجمت مؤمن هو الأخر بعد ساعات من البحث

 عنها وجدا جـ،ثتها داخل الكيس في أبشع منضر بعد أن سر،قت كل أعـ،ضاء ها

بعد مدة وصلت الشرطة للمكان و جمعت الأدلة لكن هذه 

المرة رمي بالدكتور معتز كبش فداء للمنضمة 

بعد أن أنكرت المستشفى تواطؤها في هذ النوع من العمليات 

الدكتور إنتحـ،ر في السجن بعد أن إعترف على نفسه 

باك

ملك كانت محتضنة نفسها و هي تردد بجنون: أنا السبب

 أنا السبب بس مكنش قصدي سامحوني

 أنا كان لازم أكون بدالها 

يوسف دخل لها وجدها في تلك الحالة حاول تهدأتها لكنه فشل

 إتصل بالطبيب لعطيها إبرة مهدأة و تنام 

ضل بجانبها طوال الليل يسمع همهماتها بين الحين و الأخر بأنها

 من كان يجب أن تمو،ت لأنه لا أحد يحبها 

                الفصل الخامس عشر من هنا

لقراءة باقي الفصول من هنا

تعديل المقال