رواية ملاك في عالمي الفصل الاول1بقلم ندي صابر
بتفتح عيونها بتعب بتلاقي نفسها في مكان مقطوع ضلمه جدا...
. حاسه بصداع رهيب هيفرتك دماغها، بتبص حواليها مش فاكره
هيا فين او مش عارفه تحدد ايه المكان المرعب ده، بتعيط لما بتسمع صوت الكلاب جاي من بعيد وبتفضل تصرخ،
حاولت تقوم تلاقي مخرج من المكان ده بس هتروح فين المكان كله ضلمه ومرعب
فجأه بتسمع صوت حد جاي عليها، قرب منها اكتر وفي اللحظه
دي صرخت بصوت عالي جدا: عاااااااااااااااااااااا....... ابعد عني متقربش
اخيرا بتسمع صوت رجولي خشن: اهدي متخافيش أنا مش هعملك حاجه
بيمسك الموبيل يفتح الفلاش على نفسه عشان تقدر تشوفه: أنا شهاب وكنت ماشي بالعربيه من هنا وسمعت صوت حد بيصرخ وبيعيط فانزلت اشوف في ايه،انتى إزاى دخلتي هنا
كانت بتحاول تقوم تقف وتتكلم معاه بس بمجرّد ماوقفت حستك إن المكان بيلف بيها والدنيا اسودت بيها اكتر ووقعت في الارض
شهاب في اللحظه دي اتخض وجري عليها شالها وحطها في عربيته وطلع بيها على الفيلا
بعد دقايق وصل شهاب قدام الفيلا وركن ونزل شالها ودخل بيها الفيلا وكل الخدم مستغرب مين دي وإزاي شهاب المعز يدخل بواحده الفيلا لأول مره كده عادى
_أول ما امه شافته طلعت تجري عليه وابوه وقف متنح ومصدوم
عفاف (الأم): مين دي ياشهاب ومالها كده
شهاب كمل طريقة بهدوء: معرفش ياماما
وهنا اتكلم والده بعصبيه: استنا عندك..... يعني ايه متعرفش مين دي، واحده داخل بيها الفيلا في نص الليل على ايدك يااستاذ يامحترم وتقول معرفش، أنا بقا عاوز اعرف دلوقتي حالا مين البنت دي
شهاب بيحاول يسيطر على اعصابه لأن هو اللى حط نفسه في الموقف المحرج ده: والله العظيم مااعرف هيا مين بجد، انا كنت بلف بالعربيه شبه كل يوم سمعت صوت واحده بتصرخ وبتقول حد يلحقنى ولما نزلت اشوف في ايه ولسه بتكلم معاها ملحقتش اعرف منها اي حاجه لأن اغمى عليها شبه ماحضرتك شايف كده
رد الأب: تروح شايلها وجاي بيها على الفيلا علشان نروح كلنا في مصيبه
بصت عفاف على البنت بحيره : ياترى ايه اللي رماكي كده يابنتي وحكايتك ايه
الأب: البنت دي لازم تطلع برا الفيلا دلوقتي
عفاف بعصبيه: هتطلع تروح فين بالشكل ده، ده بدل ماتقول تفضل معانا لحد ماتفوق ونعرف هيا مين وأهلها فين
الأب: وافرض دي واحده عامله كل ده علي ابنك عشان تضحك عليه، انتى ناسيه احنا مين عشان نسيب واحده غريبه فى وسطنا بالسهولة دي
الأم بعصبيه: مستحيل البنت دي تكون كده، شكلها غلبانه وطيبه
الأب بإستهزاء: خليكي انتي كده احكمي بالمظاهر لحد ماتروحي في داهيه انتى وابنك
وهنا شهاب مقدرش يفضل ساكت اكتر من كده: بابا لو سمحت كفايه والبنت دي مش هتطلع من هنا غير لما تفوق ونعرف فين أهلها، وبعد اذن حضرتك من هنا لحد ماتفوق مش عاوز اسمع اي اعتراض على وجودها
بص المعز ل شهاب بحاجب مرفوع واستغراب: انت بتقول ايه، انا خايف عليك منها علفكره
شهاب: وأنا مش عيل وعارف انا بعمل ايه وانا مسؤل عن كل حاجه ممكن تحصل
طلع المعز من الفيلا بعصبيه: اولع بس افتكر كلامي وخليك عايش ضارب الدنيا طناش شبه امك كده
بص شهاب لــ عفاف بزعل فااتكلمت وهيا بتطبطب عليه: معلش ياحبيبي متزعلش منه هو خايف عليك وانت عارف ابوك واسلوبه، المهم قولى هتعمل ايه دلوقتي
بص شهاب بحيره للبنت اللي لسه نايمه: مش عارف ياماما بس هنصبر لحد ماتفوق ونعرف منها كل حاجه
عفاف ببسمه: طب حطها في اوضه الضيوف وادخل نام وانا هفضل معاها لحد ماتفوق
دخل شهاب حط البنت في اوضه الضيوف وقرب من عفاف باس ايديها: متحرمش منك ياست الكل.... تصبحي على خير
عفاف: وانت من اهل الخير والجنه ياحبيبي.
و