رواية ملتزمة غيرت لي حياتي
الفصل الثاني عشر12
بقلم منه محمد
ذهب "انس" لتأدية الصلاه وجلس بجوار والده ف الصف، بعد الانتهاء من الصلاه نظر إليه والده بتعجب مختلط بفرحه ايضاً فهو لم يرى ابنه يذهب إلى المسجد منذ فتره طويله
الاب بفرحه : تقبل الله يا انس
انس : منا ومنكم ان شاء الله
الاب : بس شكلك نسيت الصلاه يا بطل
انس : بجد ليه؟
الاب : عشان لما بنركع بنقول سبحان الله العظيم مش سبحان ربي الله الاعلى، دى بنقولها ف السجود
انس : بجد، اه صح نسيت ف اخفض رأسه بخجل منه فكيف نسي شئ بسيطاً كهذا، رتب عليه ابوه بحنان
الاب : متخافش انها هعلمهالك من تانى فاكر لما كنتي بتجي معايا المسجد وانت صغير وكنت بعملك الصلاه ساعتها
انس ببعض الخجل : اه
الاب : هنرجعها تانى الايام الحلوه دي تاني
انس : متشكر اوى يا بابا
__________________________________________________
الام : انت كنت فين يا انس دورت عليك ملقتكش
الاب : كان بيصلي معايا
الام بفرحه : بجد ربنا يهديك يا بني ويثبتك
_________________________________________________
استغل "انس" فتره عقابه و بدأ بالبحث عن عمل واستطاع العثور على عمل بسيط بصعوبه لكنه اجتهد فيه واعجب به الرجل الذى يعمل عنده لأمانته و اخلاصه ف العمل
___________________________________________________
مع الوقت بدأ "انس" يلتزم بالصلاه وقام بعمل ورد يومي له من القرآن غير ان قطع علاقته بالكل البنات اللواتي كان يكلمهن و ايضاً ابتعد عن اصحاب السوء وتغيرت حياته لافضل
___________________________________________________
كانت "حنان" تجلس فى منزلها تقرأ وردها اليومي عندما سمعت صوت الجرس يرن فذهبت لتفتح الباب، تفاجئت بفتاه ملامحه ليست غريبه عليها ترتدي الحجاب لاول مره
حنان بتعجب : سرين !!
سرين : ازيك يا حنان
حنان : اتفضلي
تدخلت "سرين" و عينها لا تعرفها من على الارض
حنان : تشربي ايه؟
سرين : و لا حاجه انا مش ها طول خمس دقايق و ماشيه
حنان : ليه؟
سرين : انا مش قادره انام من تأنيب الضمير بسبب اللي عملته فيكي
حنان : يا بنتي انت لسه فاكره انا نسيت خلاص
سرين بحزن : بس انا منستش ومش قادره اسامح نفسي
حنان : يابنتي متقسيش على نفسك كده وبعدين انت اه ف الاول كنت بتخدعني بس لما حسيتي ان اللى انت بتعمليه ده غلط و هيضرني وقفتي، يا سرين كلنا بنلغط ولازم نتعلم من غلطنا و زى لما ربنا بيسامح احنا كمان لازم نسامح وانا سامحتك لعل دى تبقى فرصه انك تراجعي غلطك من تاني
سرين ببكاء : بس انت قولتي انك مش عايزه تكملي معايا يبقى انت لسه مسامحتنيش
حنان : انا يمكن غلطت بردو لما اتسرعت ف الحكم عليكي ومسمتعيكش كويس، بس سيبك انت انا مبسوطه انك خدتي خطوه الحجاب اخيراً
سرين : شكراً كله بفضلك
حنان : لا قولي بفضل ربنا انا كنت مجرد سبب
سرين : بس انا عمرى ما هنسالك الجميل ده ابداً انت غيرتي فيا حاجات كتير، ممكن نرجع صحاب
حنان : يا سلام اوى اوى، ها تشربي ايه بقي؟