رواية ورد وشوك
« خارج مركز الشرطه»
عمار: انتو فاكرين كده بتلو دراعي، ولما هو يشيلها بدالك، هسكت واتنازل، تبقو غلطانين انتو متعرفونيش كويس
هاله: مش مهم،.. هو مكنش من بقيت عيلتي علشان اهتم بيه.. خليه يتعدم
( قالتها وذهبت ظنآ منها انه لن يتركه بالسجن ف يوقفها قبل ان تبتعد)
عمار: ابني مش اهم عندي من شغلي،.. ولو مبعتيش،.. عمره ما هيشوف النور تاني
هاله: وانا بقولك هو مش من بقيت عيلتي.. يعني هكون احن عليه منك؟
( قالتها وذهبت ليشعل لفافته وينفس دخانها بهدؤء)
سامح: طيب وكرم باشا، هيفضل في السجن
عمار: خليه يومين مع المساجين يتربا.. لغيت ما هي تبيع
سامح: يا باشا ماهي قالتلك مش هتبيع
عمار: تؤ.. هتبيع
سامح: ايه وجهه نظر سعادتك؟
عمار: بقولك هتبيع وخلاص
سامح: اللي تشوفه يا باشا
ذهبت الي قبر والدها، تشكي له حزنها وما يجري معها، وهي تبكي، ولم تعود للمنزل الا بعد يومين، بعد ان مرت بالقسم وعلِمت ان كرم ما زال هناك
منزل هاله»
عادت للمنزل لتفتح لها ميسره
ميسره؛ انتي كنتي فين
( تبعد يدها وتدخل ، لتركض إليها سحر وتعانقها ونادر يقف ويتطلع إليها بعدم فهم)
سحر بفرحه: حمدالله علي سلامتك ياحبيبتي.. نورتي بيتك.. ( تبعد عنها وتتابع) احنا قلبنا عليكي البلد
نادر: كنتي فين؟ وطلعتي ازاي من السجن؟... اقصد حمدالله على سلامتك،.. بس ازاي ده حصل وطلعتي روحتي فين
هاله: عن اذنكم
نادر: مش قبل ما افهم كنتي فين و ازاي طلعتي
هاله: وعمار المهدي مقالكش
نادر : قالي قول لاختك فكري كويس وخلاص، ومفهمنيش حاجه
ميسره تقف امامها: بعتي المحل صح
(هاله تتطلع اليها بصمت ف تتركهم وتذهب وسحر تتبعها)
ميسره: اكيد باعت وعاوزه تاخد الفلوس لوحدها علشان كده بتعمل الشويتين دول
نادر: اسكوتي دلوقتي
( قالها وذهب الي هاله وهي تبعته ليجدوها تريح رأسها بحضن سحر وتبكي)
نادر: في ايه يا هاله؟، فهمينا حصل ايه؟
سحر: استنا عليها تهدا يا نادر
هاله تعتدل: خليه يا سحر.. انا هريحكم... طلعت عشان "كرم" شال التهمه بدالي
نادر: وهو يشيل التهمه بدالك ليه؟.. قصده ايه بالحركه دي؟
هاله: قصده يخرجني من السجن.. مش زيكم، كل اللي يهمكم بيعت ولا لا..( تتابع باستحقار) كل يوم بتخلوني اتحسر علي عمري اللي ضاع معاكم... انتو متستاهلوش اي حاجه كويسه تتعمل علشانكم
ميسره : سيبك مننا وقوليلنا ايه المقابل اللي هياخده منك بعد ما يتحبس عشانك.. ما احنا عارفين ان ابوه مش هيسيبه يتحبس وهيخرجو.. طيب وبعدين؟
هاله : ابوه طلع اندل منك يا ميسره وقالي مش هيطلعه غير لو بيعت.. انتو الاتنين نفس الطينه
ميسره: وانتي اللي طيبة قوي.. وهتسيبيه يتحبس عشانك.. ومتفكريش تبيعي المحل عشان تخرجيه.. زي عادتك دايما بتستندلي مع اللي حوليكي
نادر: ميسره اخرسي دلوقتي
هاله تقف امامها: خليها تتكلم وتقول اللي هي عاوزاه
ميسره: اللي عاوزاه هو انك تدينا حقنا من فلوس المحل،.. تقدري تعملي كده ولا ملكيش غير في النحيب طول الوقت
هاله بعد تفكير : انا ولا الفلوس يا ميسره؟
ميسره :.....
هاله: ردي.. انا ولا الفلوس
ميسره: عاوزه الفلوس، بس مش لازم نخسر بعض.. انتي لو بيعتي من الأول مكناش زعلنا كده
هاله: لا لازم تختاري انا او الفلوس
ميسره: الفلوس
( ألمتها كلمتها ولكنها تماسكت واستدارت لنادر)
هاله: وانت... تختارني انا ولا الفلوس
نادر يوطئ رأسه : ......
هاله: قول ساكت ليه
ينظر لسحر ليجدها تدمع ف يعود بنظره إليها: انتي يا هاله
هاله: قول اللي انت عاوزه انا مش هزعل
نادر: ياهاله انا مكنتش عاوز اكتر من ان حياتي تتعدل.. انا مش طماع ولا مستعد ابيعك علشان الفلوس
هاله بدموع: اخر كلام عندك ايه؟.. انا ولا الفلوس
نادر: انتي
هاله: اها...( تتابع بعد صمت ومراقبه لنظراتهم) انا هبيع بس بشرط... تسيبولي البيت ده
ميسره بفرحه: موافقين
تنظر لها: هيتكتب بأسمي... ومش عاوزه من تمن المحل حاجه، انا متبرعه بيه لسحر
سحر بدموع: حد الله بيني وبينهم
ميسره: ماشي ياهاله موافقين.. وسحر موافقه
سحر: مش عاوزه، انا مش ممكن هقبلهم
هاله: يبقا كل واحد فيكم النص
( قالتها وذهبت لتقفز ميسره بفرح ف تنظر لنادر لتجده منزعج ف يبعدها عن طريقه ويذهب وسحر تنظر لها باستحقار وتتركها)
ميسره: جكم الهم ملكمش في الفرح ( تتابع بفرحه) مفيش غير جوزي حبيبي هو اللي هيفرحلي
( قالتها وركضت لغرفته واتصلت به)
ياسر : نعم
ميسره بفرح: هاااله وافقت تبيع يا ياسر
ياسر يبتهج: بجد؟
ميسره بفرح: اه.. لسه قايله كده حالا
ياسر: مش يمكن بتكدب؟
ميسره: لا مبتكدبش طالما قالت هتبيع ف هتبيع،.... ومش بس كده دي مش هتاخد نصيبها يعني انا ليه خمسه مليون
ياسر بفرح: مبروك حبيبتي.. الف مبروك يا روحي
ميسره: الله يبارك فيك... احنا لازم نحتفل بقا
ياسر: اكيد، انا هستناكي اول الشارع عشان اخدك ونتفسح
« ڤيلا عمار»
الحارس: عمار باشا، الأستاذ سامح مساعد كرم باشا طالب يقابلك ومعاه واحده
عمار: دخلهم
الحارس: حاضر ياباشا
ذهب الحارس ثم عاد ب سامح و هاله ليقف عمار ويستقبلها بإبتسامة انتصار
عمار: توقعت انك هتتأخري اكتر من كده
هاله: موافقه ... بس كرم يطلع الاول
عمار: انتي مش مطمنه علي ابني معايا..( يتابع) هو هيطلع اول ما نمضي العقود
هاله تأوم ايجابآ: ماشي... امتي هنخلص؟
عمار: النهارده، كل حاجه جاهزه... بس هتروحي معايا الشركه وهناك هنقابل المحامي هناك ونخلص كل حاجه
هاله: مش قبل ما اشوف الفلوس بعيني
عمار: حقك طبعاً حالآ احولهملك علي حسابك
هاله: معنديش حسابات، هاخدهم كاش
عمار: في حد بيشيل فلوس كاش دلوقتي يابنتي
هاله: اه انا بشيلهم
عمار: زي ما تحبي، انا دلوقتي هجبلك المبلغ كامل، وهيكون موجود عند البيع... تمضي وتاخدي الفلوس
هاله: تمام، انا هروح اجيب اخويا وارجع يكون جهزت الفلوس... وعاوزاهم علي اتنين.. خمسه وخمسه
عمار: تمام اوي... روح معاها يا سامح وابقا هاتها علي الشركه وتعاله
سامح: باشا
اخذها وذهب بالسيارة
سامح: وافقتي ليه دلوقتي؟
هاله : ......
سامح: علي فكره، كرم باشا لما طلب ايدك مكنش عشان مصلحه.. هو شاف انك مناسبه تكوني شريكة حياته
هاله: هو من البداية كان جاي عشان المحل مش عشاني
سامح: واتحدا ابوه عشانك، واتحبس عشانك.. وعاوز يبوظ المشروع بردو عشانك
هاله: مشروع إيه
سامح: مشروع مدينه سكنيه.. شركة المهدي اشترت كل المحلات اللي حوليكي عشان المدينه دي، ومكنش فاضل غيرك عشان تبيعي
هاله: اااه... وانا اللي محتاره ومش فاهمه ايه اصراركم انكم تشترو المحل... دا انا قولت يمكن تحته مقبره اثاريه او بترول
سامح: هههههه
هاله: وعلى كده الباشا بتاعك في كل مشروع يعمله، بيروح لستات ويعمل معاهم كده
سامح: مش بالظبط، بس من يوم موت مراته مفيش واحده قدرت تخليه يفكر يتجوزها غيرك
هاله:ومين قالك الكلام ده
سامح: انا عارف ، وهو مش بيخبي عليه حاجه
هاله :باين عليكم صحاب مش مجرد مدير والمساعد بتاعه
سامح: اخوات مع حفظ الألقاب
هاله: ههه... حلوه اخوات مع حفظ الألقاب دي
سامح: لازم علشان الشغل يمشي
« منزل هاله»
طرقت الباب لتفتح لها سحر
هاله: فين نادر يا سحر
سحر: في اوضته مش راضي يطلع منها
هاله: انا هدخلو
تركتها ودخلت عنده
هاله: حابس نفسك ليه؟
نادر: هطلع اعمل ايه؟
هاله: وتحبس نفسك ليه؟
نادر: مليش نفس اخرج ولا اشوف حد
هاله: لما تعرف انا جيالك ليه نفسك هتتفتح
نادر: ليه
هاله: جايه اخدك علشان نروح لعمار المهدي نبيع المحل وناخد الفلوس
نادر: قبل ما افرح ولا ازعل.... هو انتي بجد ناويه تقاطعينا لما نبيع؟
هاله: يهمك؟
نادر يدمع: طبعاً يهمني،.. انا قولتلك أسبابي اللي مخلياني عاوز ابيع... بس انا مش عاوز اخسرك ولا تبعدي عننا ( يتابع ببكاء) بس انا عاوز محسش اني عاجز قدام مراتي لما تطلب مني حاجه.... عاوز البس كويس بدل الهدوم اللي بمشي بيها من سنين،.. عاوز متكسفش لما صحابي يجولي علشان البيت علي البيت قده.. او مقدرش اروح عزومه لحد عشان مش هقدر اردله العزومه... او نطر نستحمل التعب انا وانتو ومراتي عشان مش معانا تمن الكشف... والأهم اني عاوز ادور على سبب تأخير الخلفه وانا مش معايا ادور
هاله: كل ده من حقك وانا مش بلوم عليك، بس انا كمان كنت بصون الامانه اللي سبهالي بابا وهتحاسب عليها قدام ربنا ( تسيل دموعها وتتابع) محدش كان محتاج الفلوس دي قدي.. محدش كان محتاج يفكر في نفسه غيري.. بس كان صعب عليه اني اخون الأمانه، ومفكرش فيكم واشوف مصلحتي بعيد عنكم... ربنا يعلم بالخوف اللي حساه بعد ما خلاص هضيع أمانة بابا... خايفه قوي اقابله يا نادر... مش عارفه هقوله ايه
نادر يمسح دموعه : خلاص مش هنبيع... احنا طول عمرنا عايشين كده .. ف هنعتبر ان الفلوس دي مجتش... انسي خلاص انا مش موافق
هاله بدموع: دلوقتي الموضوع مبقاش يخصنا لوحدنا... في واحد تاني حياته متوقفه علي البيع
نادر يهدء: مين؟
هاله: كرم
نادر: وحياته تتوقف علي البيع ليه
هاله: ابوه قالي لو مبيعتش مش هيطلعه من السجن،.. ومش بيهدد،.. اللي زيه يعمل اي حاجه علشان مصلحته... اللي يقدر يقتل مش هيفرق معاه حد حتي لو ابنه
نادر: وانتي مالك بردو ماهو حر... يشغلك في إيه
«توطئ رأسها ولا تجيب»
نادر: إيه
هاله : هو شال التهمه عني، مع انه كان هيموت فيها
نادر: ما يموت... مش ابوه اللي عمل كده
تتهرب من النظر اليه
نادر ينظر إليها: اهاااا... لا هو بجد يستاهل.. نومك في المحل بتاعه بدل نومة الشارع، وانقذك من شاكر، وجابلك زباين.... مكسوفه تقولي كده انتي صح
هاله بتهرب: اه
نادر يرفع حاجبه: لا يستاهل فعلاً
هاله: طيب مش هتقوم
نادر: ههههه هقوم
هاله: بتضحك علي ايه
نادر: مبضحكش.... يلا بينا
تتركه وتذهب وهو يتبعها
« في مكان اخر »
ياسر: وحشتيني أوي أوي أوي
ميسره: علشان كده سألت عليه
ياسر: يعني مشوفتيش اللي عملوه اخواتك
ميسره: ولو.. بردو كنت استحملت علشاني
ياسر: سامحني ياحبيبي كنت متضايق شويه، بس انتي عارفه اني بحبك
ميسره: ما علشان عارفه انك بتحبني.. انا مزعلتش منك، وقلت افرحك أول واحد
ياسر: فرحتي مش هتكمل غير لو اخدتي حقك منهم وفلوسك بقو في ايدك... انا خايف عليكي يا ميسو دول مستضعفينك
ميسره: متخافش عليه،.. اول ما يبيعو هاخد الفلوس واسيبلها البيت تشبع بيه، وانا اشتري شقه علي البحر، واعمل مشروع، واجيب عربيه، واشتري فساتين، واعيش حياتي بقا
ياسر: اه طبعاً... وعلى كده هيبيعو امتي
ميسره : مش عارفه هي قالت هبيع وخرجت، شكلها راحت تكلم الراجل اللي هيشتري
ياسر : طيب وسيباها ليه؟... ليه مروحتيش معاها وشوفتي هتعمل ايه؟ مش يمكن يزودها عن اللي متفقين عليه، وتاكل حقك
ميسره : متخافش.. هي قالت مش هتاخد اصلا
ياسر: وانتي صدقتي
ميسره: اه صدقت، هي وش فقر اصلا وتكره الخير.. ياساتر عليها دي كانت معيشانا في ميتم
ياسر : ربنا يخلصك منها ومن عيشتها... ولا تزعلي انا من دلوقتي هدور علي شقه علشان اخدك فيها بعيد عنهم
ميسره بإبتسامة: لدرجه دي بتحبني يا ياسر
ياسر : احبك بس اااالهوي... دا انتي روحي يابت... انا بعشق امك.. ما تيجي
ميسره؛ هههههه عيب احنا في الشارع
« مقر شركة المهدي»
تمضي وبعدها تعطيه القلم
المحامي: اتفضل امضي عمار بيه
عمار يمضي : اهو... متشكر يا استاذ اتفضل انت دلوقتي
المحامي : حاضر... عن اذنكم ( قالها وذهب)
عمار : مبروك ياهاله.. مبروك يا نادر... فلوسكم اهي لو فاضين تعدو اتفضلو.. هما خمسة مليون في كل شنطه زي ما طلبتي
هاله : متشكرين... يلا يا نادر
( جرت احدي الحقائب، ونادر جر الاخره وذهبو.. ف يقفو في الشارع بانتظار سياره تقلهم، ليأتي سأئق عمار ويطلب منهم ان يوصلهم بأمر منه ف يذهبو معه الي البيت وعندما يصلون تستقبلهم ميسره ف تنظر للحقائب)
ميسره : ايه الشنطة دي.. كنتو فين
تدخل وتضع الحقيبه علي الطوله وتفتحها: اها... عديهم
تنظر للمال بذهول ف تقترب منهم وتتحسسهم بيديها: ايييه ده... كل دول فلوس
هاله : اه هتقدري تعديهم... دول خمسه مليون
ميسره بذهول : مش هعد خليهم ببركتهم كده
هاله تغلق الحقيبه وتسلمها لها: مبروكين عليكي... يلا خدي وروحي دوري علي مكان تقعدي فيه
نادر : كلام إيه ده يا هاله... انتي ليكي فيهم
هاله: يحرم عليه اي قرش من الفلوس دي... يلا اطلعي بره ده بيتي انا ... امشي
ميسره :طيب متزقيش همشي.. بس اجيب تليفوني( قالتها وشدت الحقيبه لداخل)
نادر : ايه اللي عملتيه ده؟... يعني ايه مش هتاخدي من الفلوس
هاله : يعني مش هاخد... يلا شوف هتخبي الفلوس دي فين و ياريت تلحق البنك تحطهم فيه بدل ما يتسرقو
نادر: لااا يا هاله لا.... مش ممكن اقبل بكده... انتي ليكي زينا مينفعش متاخديش
هاله: يحرم عليه قرش واحد منهم... خلاص متشغلش بالك بيه، خد الفلوس وشوف هتعمل ايه، وابدء حياتك مع مراتك... بس طلب صغير... عاوزه اقعد لوحدي... شوف شقه اقعدو فيها انتو ومراتك ممكن
نادر: انتي قولتي انك مش هتقطعي علاقته بينا يا هاله... هترجعي في كلامك ولا ايه
هاله: لا مش بقطع معاك ولا حاجه... تقدر تيجي في اي وقت البيت مفتوحلك، بس دلوقتي مش عاوزه اشوف حد ولا حد يشوفني.... عاوزه ارتاح
نادر: هاله ارجوكي ما تعمليش كده... طيب نقسم دول بنص انا وانتي
هاله: ياحبيبي والله ما عاوزه حاجه، ومسامحه... يلا بس
نادر: ماشي ياهاله، لما تروقي نتكلم
( كانت تقف عند غرفتها تنظر اليهم وتراها هاله عند توجهها لغرفتها ف تتجاهلها وتذهب، لتشرد وتبدء باستيعاب انها لم يعد لها اهل ف تجر الحقيبه وتغادر)
« منزل والد سحر»
نادر: خليكي هنا يومين يكون دبرت مكان تاني وهاجي اخدك
سحر: واختك يا نادر
نادر: مش هسيبها، بس هي طلبت نسيبها لوحدها دلوقتي
سحر: ماشى، بس خليك وراها لغيت ما توافق تاخد الفلوس
نادر: من غير ما تقولي
سحر: متشكر.. وربنا يخليكم لبعض
نادر يبتسم: ويخليكي ليا حبيبتي ولا يحرمني منك
سحر بإبتسامة: بحبك
نادر: احم... هما اهلك فين
سحر: هههههه جوه
نادر: يعني مناموش
سحر: هههههه لأ
نادر بإبتسامة: اجيلك لما ينامو بقا.. خلي بالك من نفسك
سحر: انت هتروح فين
نادر: متشغليش بالك بيه
سحر: لأ ازاي مشغلش بالي
نادر: هبات عند وائل صحبي
سحر: طيب ياحبيبي ابقا كلمني
نادر: حاضر
« امام منزل ياسر»
ياسر: هي دي الفلوس
ميسره: اه
ياسر: اوبااا... مليانه؟
ميسره: اه
ياسر: وماشيه بيها في الشارع عادي كده
ميسره: وهعمل ايه يعني ماهي قالتلي امشي وانا لسه مجبتش شقه
ياسر: يلا في داهيه.. انا دلوقتي هتصرف في مكان،.. ونبات الليله فيه والصبح تروحي البنك تفتحي حساب باسمك و تحطيهم فيه
ميسره: طيب يلا بقا
ياسر: خمسه، هعمل تليفون اشوف الراجل لقا الشقه ولا لا وبعدين نروح
ميسره: طيب
ذهب وعاد بعد دقائق
ياسر: يلا بينا
ميسره: لقيت شقه
ياسر: اه لقيتها وجاهزه من كل حاجه
ميسره: طيب مش هتجيب هدومك
ياسر: نجيبها بعدين.. يلا نمشي
ميسره: يلا
اخذها وذهب بها الي شقه مجهزه من كل شيء
تنظر حولها: ااااالله ايه الشقه الحلوه دي... معقول دي بتاعتنا
ياسر: ايوه يا حبيبتي، دي حاجه كده في الاول، بعدين هجبلك شقه تليق بيكي
ميسره: انا اللي هجيب الشقه
ياسر: لا يا حبيبتي، مينفعش الكلام ده معايا... انا لا يمكن اقبل مراتي تجيبلي شقه
ميسره بإبتسامة: حبيبي انا وانت واحد
ياسر :واحد في كل حاجه الا دي انتي بتقولي ايه.. انا مراتي تجبلي شقه.... لا ضايقتيني بجد والله
تطوق عنقه بدلال: اسفه حبيبي
ياسر: لا زعلان
ميسره: امممم... طيب ما تيجى اصالحك
ياسر: مشكلتي اني بحبك.. دا اللي مضيعني
ميسره: هههههههههههه
ياسر: اااالعب... يلا نتصالح ( حملها علي ذرعيه ودخل به الغرفه )
اليوم التالي
استيقظت من نومها وهي تتحسس مكانه وهي مازالت تغلق عينيها ف لم تجده، لتنهض وتنظر حولها باحثآ عنه ولكنه ليس هنا.. ف تذهب لخارج الغرفه وتناديه
ميسره: ياسر.... حبيبي انت فين.... يااسر... راح فين ده؟
( بحثت عنه في كل المنزل ولم تجده ف تتذكر المال لتذهب لمحلهم ولم تجدهم ف تركض الي هاتفها وتتصل به وتجد ان هاتفه مغلق، ف تشعر بالقلق والافكار تتضارب في عقلها، ف تدور حول نفسها حتي سمعت صوت فتح الباب لتخرج بسرعه ظنآ منها انه هو ف تجد رجل يدخل)
ميسره: انت مين؟
الرجل ينظر لها من اسفل لأعلي: يلا يختي امشي
ميسره: امشي ايه.. وفين ياسر
الرجل: مشي وقالي اقولك كفياكي كده لما يعوزك هيجيبك
ميسره بصدمه: لما يعوزني هيجبني... لما يعوزني..( تصرخ) لما يعوزني... يابن الكلب... يابن الكلب.. يابن الكلب.... سرقني سرق فلوسي( خرجت بالبيجامه الي الشارع تركض وتتجه الي منزل اهله ف تطرق الباب بقوه حتي فتحت لها امه ف دفعتها ودخلت)
ميسره: ياااااسر.... ابنك فين يا وليه... ابنك الحرامي فيييين
الام: ايه جابك يا لمامة الشوارع... مش خلاص طلقتك عاوزه منه ايه تانى
ميسره بصدمه: طلقني؟... طلقني امتي؟... محصلش
الام: حصل يختي، طلقك من اليوم اللي اتضرب عندكم ورمتوه في نص الليل... اطلعي بره
( امسكت ذراعها ورمتها للخارج واغلقت الباب لتعود وتطرق الباب وهي تصرخ حتي سمعها كل السكان)
ميسره بصراخ: يا نصابين يا حرااااميه... فلوسي يا ولاد الكلب، فلووووسي.... يااااسر هقتلك يا ياسر.. وشرفي لا اقتلك... سرق فلوسي ( ظلت تصرخ بأنهيار ليحملها الناس ويخرجوها من العماره ف تركض ف الشارع وتنادي ياسر ثم تجلس في وسط الطريق وتضحك)
ميسره: هههههههههههه سرقني... هههههههههههه ياسر سرق فلوسي هههههههههههه ( تجهش بالبكاء) هاااله انا اتسرقت يا هاله.. يا يااااسر انت فين ( ازدادت صافرات السيارات حولها لتنهض وتصرخ بهم)
ميسره: اخرسووووو.... اخرسو، محدش يزمر تانى ( تبكي) محدش يزمر انتو فاهمين.... انا بكره هجيب عربيه وازمر زيكم، واضايقكم لما ياسر يسرق فلوسكم( تبكي بصوت عالي) ياااهاله انا اتسرقت... خليه يرجعلي فلوسي يا هاله
« امام القسم»
سامح: حمدالله على السلامة
كرم: علي ايه ياخويا،.. فرحتي بخروجي و واحد غيري لبسها
سامح: هو اللي حط السم ميصعبش عليك
كرم: مش بابا اللي قاله بردو... انا مش عارف ازاي هقدر ارجع اعيش معاه تاني
سامح: هتعمل ايه، ماهو ابوك متقدرش تتبرا منه
كرم: بس اقدر اخد بنتي ونمشي
سامح: وهو هيسمح بكده
كرم: هو ملهوش دعوه بيا تاني
سامح: اللي يريحك... بس هتعمل ايه مع البنت
كرم: ولا هقدر اشوفها تاني
سامح: ليه دي باعت المحل عشان انت تخرج
كرم: اديك قولت باعتو عشاني وخلاص بابا هيهده ،.. هقدر اقابلها ازاي بعد كده
سامح: بس هي اكيد مستنياك
كرم: عارف بس طول ما انا مش هقدر اوقف هد المحل مش هروحلها
«بعد ايام»
كانت جالسه بالمنزل وعينها لا تفارق الباب حتي يأست من قدومه ف احتشدت الدموع في عينيها حزنآ وخزلان منه، وظلت تبكي حتي طرق نادر الباب ف تمسح دموعها وتفتح له ثم تعود
نادر : ازيك يا لولو
هاله : تمام وانت
نادر : تمام... عندي ليكي خبر يارب يبسطك
هاله : إيه؟
يوريها بعض الصور: شوفي كده
هاله : ايه ده
نادر : ده محل كشري
هاله : حلو.. مبروك
نادر : ده هيكون صدقه علي روح بابا، الاكل هناك ببلاش للغلابه
تبتسم: حلو قوي تسلم ايدك
نادر : الله يسلمك... بس لسة بردو مفكرتيش، انا سايبلك الفلوس علي جمب
هاله : مبروكين عليك، قولتلك مش هاخد حاجه، اتصرف فيهم أنت
نادر: ليه بس فهميني
هاله : مش عاوزه حاجه
نادر بتنهيده : طيب ممكن تيجى تعيشي معايا بدال ما تقعدي لوحدك
هاله : انا مرتاحه كده من فضلك سيبني علي راحتي
نادر: طيب يا هاله، براحتك
هاله بعد صمت: مظهرتش تانى
يتوتر: مين
هاله : مين غيرها.. اختك
نادر: لا.. ما... مظهرتش
تنظر إليه بشك : مالك... اختك حصلها حاجه
نادر :
هاله :ما تتكلم ، اختك مالها
نادر : في مستشفى المجانين... ياسر سرق فلوسها ف تعبت والناس ودوها المستشفى
هاله: و مقولتليش ليه... كنت مستني ايه علشان تقولي ( تنهض) يلا وديني
نادر : بعد اللي حصل منها
هاله: يلا وصلني بقولك
«ڤيلا عمار »
دخل الغرفه وجلس عنده وهو نائم علي سريره ويظهر عليه التعب
كرم: بابا
عمار : انت جيت؟
كرم: سلامتك ياحبيبي، مالك
عمار: شكلها كده خلاص، وهموت
كرم: متقولش كده،.. دول شوية تعب وهيروحو لحالهم زي اللي قبلهم
عمار بتعب: دي غير اللي قبلهم ( يبتسم ويتابع) بس انا مش خايف، ابوك طول عمره ما بيخفش
كرم: يا بابا متقولش كده، هتخف، مش شوية تعب زي دول هيموتوك
عمار: عادي حتى لو موت، المهم دلوقتي انا عاوزك تتابع الشغل، انت عامل زعلان واحنا لسه مبدأناش ازالة ولا بناء
كرم: بعد الشر عليك... بس يا بابا انا مش هشارك في المشروع ده
عمار: ليه بقا
كرم: كده
عمار: علشان محل الكشري طبعاً
كرم: اه يا بابا
عمار: يعني هنوقف مشروع زي ده علشان حتت محل كشري
كرم: علشان انا قولتلها ان احنا مش هناخده منها، وانت خدته بالغصب
عمار: واشمعنا دي... من امتي واحنا بنسمع لعواطفنا في الشغل
كرم: علشان انا عاوزها يا بابا
عمار: عاوزه ايه، وفي نظرك هي تساوي الفلوس اللي هتيجي من ورا المشروع ده
كرم: تساوي اكتر من كده.. انا حاسس ان ربنا بعتني ليها، وبعتها ليه،
عمار: اهااا... نضيع ملايييين علشان شوية كلام فارغ
كرم: لا مش هنضيعهم، انا عندي فكره لو وافقت عليها ف انا هتابع الشغل في المشروع.. ولو موافقتش، ف انا مش هشتغل ولا ليه دعوه
عمار: وهي ايه الفكره دي
كرم: الفكره ان المحل يكون ضمن المطاعم اللي هتتعمل في المشروع، وميتهدش يفضل زي ماهو كده
عمار: اممم.. وبعدين
كرم: وبعدين اقدمه مهر ليها، و اكتبه باسمها
عمار: باسمها ايه.. اذا كان الوحدات مش هتتملك وكلها للأستثمار،.. ف حضرتك تكتب بأسمها محل ازاي... طيب وكانت خدت الفلوس ليه لما هتكتبه باسمها
كرم: مهر ليها... كتير عليه حتة محل اقدمه مهر
عمار: طيب ولما انت تقدمه مهر ويفضل زي ماهو احنا نشتريه ليه من الاول
كرم: دا اللي عندي، لو موافق كلمني ( نهض)
عمار: أقعد
كرم: افندم
عمار بتنهيده: موافق... بس كده لازم التصميمات كلها تتغير علشان نعرف ندمج المحل مع المطاعم وكله ده هياخد فلوس ووقت
كرم: وافق انت بس وسيب الباقي عليه
عمار يتنهد: ماشي يابني... كلم المهندس و وريني هتعمل ايه
كرم يبتسم: اوكي... متقلقش الشغل هيعجبك
عمار: ماشي ( يتابع) عارف لو مكنتش باعت علشان تخرجك انا ما كنتش وافقت، ... بس بردو مش هقبل بأي خساره او غلط في التصميم، كله يكون علي الشعره انت فاهم
كرم بإبتسامة: تمام، كله هيتظبط زي مانت عاوز
« المستشفى»
كانت تجلس بالحديقة وتنادي ياسر وهاله تنظر اليها والدموع تنهمر في عينيها
نادر: الصدمه كانت كبيرة عليها ومستحملتش
هاله بدموع: هي اللي باعتنا علشان الفلوس.. شوف حصلها ( قالتها وذهبت اليها)
ميسره تمسك بها: هاله.... جبتي الفلوس من ياسر
هاله بدموع: انتي عرفاني
ميسره: اه
هاله: طيب تيجي معايا البيت
ميسره: لأ
هاله: مش عاوزه تروحي بيتك
ميسره تدمع: لأ
هاله بدموع: ليه
ميسره بدموع: عشان ياسر ضحك عليه
هاله: ملناش دعوه بيه، ربنا مش هيسيبه
ميسره بدموع: بس انا عاوزه فلوسي يا هاله.. هاتهملي منه
هاله تعانقها: تغور الفلوس، تغور.... انتي هترجعي معايا البيت
ميسره تقبض علي ثيابها وتبكي: انا مستاهلش...(تتابع) انا مكاني هنا
هاله بدموع: لا انتي مكانك معايا... هنمشي مع بعض، وهنبتدي من جديد
ميسره تبتعد عنها: أنا مش هسيب هنا امشي.. نادر خدها وامشو
هاله بدموع: مش همشي من غيرك
ميسره ببكاء: انتي كده بتوجعي قلبي مش بتريحيني... انا مستاهلش تسامحيني
هاله : انتي بنتي قبل ما تكوني اختي وانا مسامحه في اي حاجه
ميسره تنفعل: مش عاوزاكي تسامحيني.... انا مش عاوزه حد يسامحني، .... مش هرجع يا هاله، ده المكان اللي يناسبني، هقضي عمري كله فيه.... خدها وامشو
نادر: هنبتدي صفحه جديده مع بعض، بس انتي وافقي
ميسره: لاااا. قولت لا، يلا امشو( تنفعل اكثر) امشو من هنا.... ( تصرخ ) لو ممشتوش انا هموت نفسي... يلا من هنا... محدش يجي هنا تاني
هاله ببكاء: ميسره علشان خاطري
(تركل المقعد بانفعال شديد وتصرخ بهم ليذهبو.. حتي جأو الممرضات واخذوها ونادر يحتضن هاله التي تبكي ويأخذها الي المنزل ف تذهب لغرفتها وترتمي علي سريرها وتعانق وسادتها وتبكي بحرقه ف يأتي نادر ويضع يده على كتفها)
نادر: هاله بطلي عياط.... علشان خاطري كفايه
هاله ببكاء: انا كنت عارفة ان الفلوس دي اخرتها وحشه وهي مكنتش فاهمه كده، اهو طمعها ضيعها، ياريتها كانت رضيت باللي في أيدها
نادر: طيب اهدي اللي حصل حصل
هاله ببكاء: الله يقطع الفلوس اللي تعمل في الناس كده
« بعد وقت يذهب نادر عندما ألحت عليه ليتركها، ف تجلس الباقي من اليوم في غرفتها المظلمه حتى طرق احدهم الباب، ف تتوجه اليه وتفتح لتتفاجئ ب كرم ثم تحد من نظراتها وتحدثه بجمود»
هاله: جاي ليه تاني؟ مش خلاص خدتو المحل؟
كرم: عاوز اتكلم معاكي
هاله: مفيش بينا كلام، اتفضل امشي من هنا
كرم: هاله لو سمحتي، انتي لازم تسمعيني وتعرفي عاوز اقول إيه
هاله: هتقول ايه؟.. هتقول انك كنت بتحوم حوليه علشان المحل، ولما خدته مفكرتش حتي تيجي تقولي شكراً
كرم: كنت عارف انك هتفكري كده.. بس انا كنت مُحرج اقابلك وانا مش قادر ارجعلك المحل.. بس انا قولتلك متبعهوش، انتي اللي بعتيه ومسمعتيش الكلام
هاله: كنت عبيطه، وقولت اخرجك من السجن.. بس ياريتني سيبتك لغيت ما ابوك يعطف عليك ويخرجك
كرم: كفايه كلام واسمعي جاي ليه
هاله: اها.. قول واتحفني
كرم بزهق: هتندميني اني جيتلك ليه.. ما تكلميني كويس
هاله بتنهيده: قول يا استاذ كرم.. بس بسرعه علشان عاوزه انام
يخرج عقد ويعطيه لها: اتفضلي
تأخذه منه وتقراءه ثم تنظر إليه بعدم فهم: يعني ايه؟
كرم: يعني المحل بتاعك رجعلك، ومش هيتهد
هاله: افندم.. امال خدتوه ليه لما هترجعوه تاني؟.. انا ممعييش قرش من فلوسكم علشان ارجعها
كرم: مش عاوز فلوس
هاله: والمقابل؟
كرم:ده تقدري تعتبريه هديه جوازنا
هاله بتلعثم: جوازنا ؟... اه... بس انا موافقه
كرم: ليه بقا؟
هاله: كده
كرم : مفيش حاجه اسمها كده من غير سبب
هاله: لما تديني انت سبب يخليك تعوز تتجوزني،.. في غيري كتير احلي، وأصغر، ومن مستواك،.. عاوز تتجوزني انا ليه
كرم: انا مكنتش هتجوز تاني، لا صغيره، ولا حلوه، ولا واحده من مستوايا زي ما بتقولي
هاله: ولما هو كده عاوز تتجوزني ليه
يفرك اصابعه ويجمع حديثة بتنهيده: هتصدقيني لو قولتلك اني حاسس ان ربنا كاتب نكون مع بعض، من قبل ما نتقابل... زائد ان انا وانتي مناسبين... انا عجبني فيكي أمانتك، وصبرك، ومسامحتك، وطيبتك، وعمري ما هلاقي واحده احسن منك... واكيد انتي محتاجه حد يكون سند ليكي، ولو دورتي عمرك كله مش هتلاقي زيي( ترفع حاجبها ليتابع) زي ما بقولك، انتي مش هتلاقي زيي، ولا انا هلاقي زيك
هاله: اه... يعني مش عاوز تتجوزني علشان تجبر بخاطري؟
كرم: هههههه اجبر بخاطرك؟...لو الموضوع كده ما انا ممكن اشوفلك حد تاني يتجوزك عشان اجبر بخاطرك..( يتابع) انتي تفتكري اني افكر في الجواز بعد 17 سنه وشويه عشان اجبر بخاطرك بس
هاله: مش عارفه بقا
كرم بإبتسامة خفيفه: لا يا هاله، انا عاوزك،.. عاوزك انتي بذات ومش بجبر بخاطرك ولا حاجه
هاله تبتسم بارتباك: اه
كرم: طيب قولتي ايه
هاله: هفكر
كرم: ياااهاله تفكري في ايه ( يدور) واحد في وسامتي، ولياقتي، وشياكتي، وطيبتي يفكرو علشان يوافقو عليه ليه
هاله : مش قوي كده
كرم: لاقوي.. بطلي تقل، وقولي موافقه
هاله بإبتسامة: لو كنت مُصر ف ماشي
كرم: ماشي ايه
هاله بخجل: موافقه وخلاص
كرم: هههههه ده كرم اخلاق منك والله
هاله استدارت لتخفي توترها: طيب ممكن تمشي علشان الناس
(يتقدم نحوها و يديرها إليه ف يمسك وجهها وينظر إليها)
كرم بخفوت: عهد عليه طول ما انا عايش لا اخليكي اسعد واحده في الدنيا
تخفض جفنيها بخجل: اه
كرم بإبتسامة: متتكسفيش اوي كده انا همشي وبكره هعدي عليكي علشان اعرفك علي لي لي
هاله بخجل: طيب
كرم : تصبحي على خير
هاله: وانت من اهله
« اليوم التالي»
كانت بانتظار قدومه ف يطرق احدهم الباب لتفتح ف تجد لي لي تتطلع لها بسخط، ولكن لم تعرفها
لي لي: انتي بقا هاله؟
هاله: اه انا.. انتي مين؟
لي لي: انا حبيبة كرم اللي عاوزه تاخديه مني
تبهت ملامحها وهي تتطلع إليها: حبيبة مين؟
لي لي: حبيبة كرم، " كرم المهدي" الواد الحليوه الطويل ده، عرفاه طبعا
تلمع عينيها من اثر الدموع: حبيبته ازاي يعني
لي لي: يعني وعدني بالجواز
كرم يأتي وينظر إليها: انتي ايه اللي جابك هنا
لي لي: جايه اشوف اللي انت بتخوني معاها
ينظر لهاله: متصدقهاش، دي كدابه
لي لي: لا مش كدابه وانا هسبتلك اني مش كدابه ( توريها صور لهم سويآ علي الهاتف) مش هو ده، اقلبي تاني هتلاقي
(تنظر لصور ودموعها تسيل)
كرم: هاله متصدقهاش دي كدابه، انا عاوزك انتي
لي لي: مش كدابه هو اللي كداب
كرم: هي اللي بتجري ورايا من زمان
لي لي: متصدقهوش
(هاله تتقدم نحوه وتنظر إليه بصمت وفجأه تصفعه علي وجهه لتغمض لي لي عين وتنظر لهم بالاخره)
لي لي: اووبس
هاله ببكاء: انا استاهل علشان بصدق واحد حقير زيك
كرم يضع يده على وجهه: احنا بنهزر.. قوليلها يابنتي انتي مين
لي لي: خطيبته
كرم: خلاص بقا.. اتكلمي بجد
لي لي: مراته
كرم: بت هضربك
لي لي: ام ولاده
هاله: خدها وامشو بدال ما اطلبلكم البوليس
كرم: دي لي لي.... قوليلها اخلصي
( تنظر اليها لتجدها تحاول إخفاء ضحكتها)
هاله: بنته؟
لي لي: هههههههههه اه بنته
هاله بدموع: حرام عليكم تلعبو بأعصابي كده
كرم بإبتسامة: بتغير عليه.. اااه وشي يقطعك ياااهاله
لي لي: هههههه ماهو واضح من صوابعها علي وشك
كرم: طيب اسبقيني علي العربيه
لي لي: ليه ما استنا
كرم: بقولك امشي علي العربيه
لي لي بعبث: طيب ( تنظر لهاله بإبتسامة) متزعليش انا اللي قولتله نختبرك
هاله تبتسم وسط دموعها: مش كده بردو
لي لي: انتي لسه شوفتي حاجه، انا هخليكي تجنني بس اصتبري
هاله: اصتبري؟
كرم: متخديش عليها هي ساعات بتقلب شوارعيه كده
هاله بإبتسامة: بس جميله
لي لي: دلوقتى بقيت جميله ومن شويه كنتي هتطلبي البوليس... دي باين عليها واقعه في دباديبك يا كرمله
كرم: طيب امشي لا اضربك
لي لي بعبث: طيب ( قالتها وذهبت)
كرم: هي اللي قالتلي نعمل الحركه دي
هاله: انا من وقت ما شوفتك وانا اعصابي بايظه، ارحمني علشان خاطر ربنا
كرم بإبتسامة: حاضر... بس طلعتي بتغيري عليه اهو
هاله: مش بغير ولا حاجه
كرم: دااا بجد
هاله: اه
كرم يرفع حاجبه: طيب عيني في عينك
تخفض جفنيها: مش بغير
يتقدم نحوها الي الداخل لتنظر إليه بارتباك: بصيلي و انتي بتقوليها
هاله بارتباك: يلا نمشي لي لي مستنيه
كرم: خليها تستنا
هاله بارتباك: عيب
كرم : مش عيب ولا حاجه
تتطلع إليه بتوتر ف تزداد ضربات قلبها وتعلى انفاسها وهو يمسك يدها ليقبل باطنها ف تشدها منه وتخرج سريعآ ف يضحك ويتبعها
« عند السياره»
لي لي: اتأخرتو ليه؟
هاله بتوتر: كنا بنقفل الباب
كرم: وانتي مالك.. يلا اركبي
لي لي: البااااب ااه
كرم: بقولك اركبي
لي لي: ماشي ياكوكو، هعديها جدعنه مني
(هاله تبتسم بخجل ليفتح لها كرم الباب ف تدخل ولي لي تنظر له برفعة حاجب)
لي لي: يااااحنين
يشد شعرها ويدخلها
لي لي: اي اي... شعري
كرم: بطلي قلت ادب
هاله: براحه عليها
لي لي: قوليلوه
تمر الأيام ويزيد قربهم لبعض حتي أصبح الإثنين اقرب لبعضهم من انفسهم،.. ومن جهه نادر ف هو افتتح مشروع خاص به.. وميسره تزداد حالتها سوء في المستشفي... وعمار كذلك ف لم يعد يستطيع الخروج ويعيش بالأدويه تحت اشراف ممرضه لا تفارقه،... و جاء موعد العرس، ليجتمع الكل في اكبر قاعات الأفراح وافخمها،.. لترتدي هاله فستان زفاف من تصميم اشهر المصممين ف تبدو ك ملكه متوجه، ف تخطف انظار كل الحضور،
سامح: بااااشا اشيك عريس في القاره السمراء وقارة اسيا وكل القارات
كرم: هههههه ايوه امدحني كمان علشان احبك
سامح: هههههه من قلبي والله يا باشا
كرم يعانقه: حبيبي يا سامح
سامح: الف مبروك.... مبروك يا عروسه، خالي بالك منه
هاله بإبتسامة: في عنيا
سامح بإبتسامة: الف مبروك
( قالها وذهب)
يقبل يدها: يارب.... مبروك
هاله بإبتسامة: الله يبارك فيك
نادر يأتي ويعانق هاله: الف مبروك ياحبيبتي، الف الف مبروك
هاله بإبتسامة: حبيبي ربنا يخليك ليا
نادر يسلم علي كرم: خلي بالك منها
كرم: في عنيا
يمر الوقت وينتهي العرس ف يأخذها الي احدي الفنادق قبل سفرهم في اليوم التالي لقضاء شهر العسل
يعانقها: الف مبروك
هاله بخجل: الله يبارك فيك
يبتعد وينظر إليها بإبتسامة: مبسوطه
هاله: اه
كرم: طيب ومكسوفه ليه
هاله بارتباك: انا تمام
كرم يقترب منها وينزع عنها الطرحة: يمكن دي السبب
هاله بارتباك: اه شويه
( يعانقها ويشد سحاب الفستان لينزعه عنها ف تنتفض بتوتر ثم تغمض عينيها ويديها ترتجف من الخوف)
كرم بخفوت: خايفه ليه، اهدي خالص
هاله: مش.. مش خايفه ( تأخذ نفس) مفيش حاجه
كرم: ايوه كده اهدي
تأوم ايجابآ: اها... طيب
ينظر إليها وهو يداعب عنقها بيدها لتدفع يده وتبتعد عنه ف يمسك بها ويجذها بين ذراعيه ويضغط بشفتيه علي شفتيها وتبدء اول ليله 🫣🫣
اليوم التالي
تستيقظ قبله لتنظر إليه بإبتسامة، ثم تتركه وتذهب للحمام، تستحم وتخرج لتجده يفتح عينيه وينظر إليها ثم يرمي لها قبله ف تدير ظهرها وتبتسم بخجل ف ترا انعكاس صورته وهو يتقدم نحوها ويعانقها من الخلف
هاله : هشرح شعري ابعد
كرم يقبل عنقها: سرحي وانا كده
هاله: مش هعرف
ياخذ منها المشط: هاتي انا هسرحلك ( يبدء بالتسريح)
هاله بإبتسامة: شكرا
كرم: العفو ابقي تعالي كل يوم
تستدير إليه: ايه رايك منسافرش بلاد بره ونروح نقعد مع لي لي
كرم: لا هنسافر، وبعدين نرجع نقعد مع لي لي
هاله بإبتسامة: ملهوش لازم
كرم: ليه لازمه، انا خليت سامح يحجزلنا وهيجبلنا التذاكر
هاله: هو سامح ده ملهوش اهل يسالو عليه، انت ممرمطه معاك
كرم: سيبك من اي حاجه وتعالي هقولك موضوع مهم
هاله: موضوع ايه
كرم: تعالي بس وانا هقولك ( حملها علي ذراعيه)
هاله: هههههه بلاش يدوب اجهز نفسي.. نزلني
كرم: الموضوع الاول وبعدين تجهزي نفسك