رواية القدر
الفصل الاربعون40الاخير
بقلم رحمه ايمن
"لما بيوحشني بطلع صورته وأكلم فيه
وأسأله عن حاله وعن أحواله وعامل إيه
لما بيوحشني بطلع صورته وأكلم فيه
وأسأله عن حاله وعن أحواله وعامل إيه
وبقوله وحشتني جدا وفرقت معايا وفعلا
مش قادر ع الشوق ولا عارف حتى أخبيه
يااااه ع الدنيا لما تفكر تعاندنا لييه على غفلة
عن أغلى الناس تبعدنا ليه
وفي ثانية تاخذ مننا حبايبنا يااااه ع الدنيا
ياه ع الدنيا لما تفكر تعاندنا ليه على غفلة
عن أغلى الناس تبعدنا ليه
وفي ثانية تاخذ مننا حبايبنا ياه ع الدنيا"
وقفت غنى وانا براقب كيان الي مَسده خدها بكف إيديها وبتتنهد بقله حيله عليا
كيان
: الي يشوف عهد دلوقتي، ميشفهاش وهي بتكلم عليه اول جوازهم وهاتك يا شتيمه ، حِكم.
- الشوق بزل يا اوخشتي والله
كيان
: مكنش الكيف؟
- أش فهمك انتِ في الامثال الشعبيه، بقلك اي افصلي انا خلقي ديق الايام دي
كيان بضربها بالوساده
: و بدال شويه وهتقطعي شرينك كده عملتي نفسك توم كروز ومشيتي من البيت لي ها؟
تنهدت بتعب وانا برجع تاني لوضع الصامت محكتش حاجه غير اننا متخانقيش ومحتاجه اقعد معاهم شويه فرحبه بيا جدا وكنت محتاجه اقعد مع عمتو وكيان القاعده دي من زمان، كانوا وحشني .
لكن دلوقتي هو الي وحشني اكتر من نفسي حته ، ياترى عامل اي؟ بياكل كويس؟ عرفه انه ببعتلي رسايل وانا مبردش عليه وعمله نفسي جامده جتي ستين نيله
بس برضه قلقانه عليه، إيااد وحشتني اقسم بالله...
كيان بتحريك يدها امامها
: ياهووو، سرحتي بأفكارك تاني صح؟ ما علينا انا لازم اروح المحكمه دلوقتي، هجيبلك حاجات وانا جايه والBiskrem الي بقيتي بتعشقيها دي وقرفتيني بيها هجبهالك برضه
شالله يطمر في الي جبوكي
- خُذي قلبي
كيان بمرح
: وخده من زمان اصلا، تعالي اشربي شاي بنعناع مع جميله
طلبت مني اول ما دخلتلك الاوضه ونسيت اقلك ، همشي انا باي
- سلام.
اتحركت من علي السرير الي مبقمش من عليه ده وقعدت فترة الضهر مع عمته في الجنينه الي في البلكونه
رغم الجو الحر الا انه في طراوه وراحة بال رهيبه في البلكونه دي ، حقيقي المناظر الطبيعيه غير .
فتحت عيوني الي غمضتها من فتره علي صوت رساله في التلفون افتكرتها منه
فلقيتها فيروز
" بصي يا عهود، خرجتى من البيت من غير ما تقوليلي وقلت تمام ، سيبتك علي راحتك ومدخلتش رغم انه فضولي مأرنبني وهيتشل وقلت تمام ، لكن اقعد لوحدي انا ومكه وكلهم يخرجه السُخنه، ده الي مش تمام ومش هقبل بيه ابدا
والله انتحر انتوا حُرين! ممكن تيجي تقعدي معايا فترة الاسبوعين دول بليز؟! "
بعتتلي ايموجى الكتكوت الاصفر الصغير جنب الرساله وبعدها ستيكر بدمع وبيتوسل كده فضحكت عليها وانا برد بحنين جارف لكلام معاها
" عينيه يا فيروز ، هقول لعمتو واجيلك "
"يس! مستنياكي اوك وهعمل حسابك علي الفطار بكره
بحبك ابت، سلام"
"اليوم التالي"
جميله
: كده برضه يا عهد، احنا لحقنا نشبع منك يا بنتي
بعناقها
- مينفعش تقعد لوحدها والله، انتِ عرفه اني بحب قعدتك اكتر من اي حاجه اصلا، وان شاء الله هعوضهالك
جميله
: علي راحتك يا حبيبتي ، هقول اي بقي
بس تيجي انتِ وجوزك تتغدوا معايا متعوقيش
- حاضر
جرّيت الشنطه وانا بسلم علي كوكي بكف إيدي بصخب
- هتوحشني يا شق
كيان
: خد بالك من نفسك برو، ابقي طمنيني
جميله بمداعبتهم
: اتنين رجاله بشنبات يخواتي ، بارك الله فيكم.
«ضحكنا»
بعد اسبوع...
فريده
: = تعرف اني كتشفت اني محبتش فريده يا يامن
اعرفت انه في فرق كبير بين الهوس والحب
فريده كانت الشخصيه الي بتأذيني في كل حاجه بتعملها لكن بتمسك بيها بدافع الخوف، الخوف انى اخسرها.
مهما عملت هسامحها ومهما تعبتني هريحها، بس لما تيجي تشوف علاقتنا هتلقيها مكنتش موجوده اساسا
مقدرش اقلك موقف سعيد بينا من وقت ما تغيرت معايا
لكن عهد علمتني معنى الحب، قلتلي مره " لو احتجت تلقي السكينه هتلقيها هنا " وشورت علي قلبها وكملت بنفس النبره الي بدوب فيها بسببها " لانه ده مكانك انت ولاني حلالك واخصك انت بس "
مبقتش بحس بالامان ول الراحه غير بين ضلوعها فعلا
فهمت انه الحب راحه وامان مش حرب
وبقيت برجع اخر الليل بس عشان اخدها في حضني
رغم اني كنت بهرب لابعد مكان في العالم الا حضن فريده الي كان يشبه الشوك بنسبالي.
اكتشفت العشره والونس والضحكه الحلوه ودفه أكل وبيت مريحه راحه مش طبيعيه
رغم اني كنت عايش في تلج وبيت خالي من الحياه قبل كده.
لاول مره هعترف بده ليك
اول مره افرح انه تأذيت وتخنت من فريده بشكل ده
لانه بسبب بعدها عني القدر جمعني بعهد
وبسبب عهد قدرات اكون إياد الى ضحكته بقت حقيقه وصادقه ولقى دربه وطريقه اخيرا
ربنا كريم اوي تصدق، الحمد لله.
يبتسم يامن برزانه علي فضفضته الصادقه والخارجه من اعماق قلبه، ان ابنه الاكبر نضج واخيرا وفهم معني العائله الحقيقه وعثر علي وجهته الصحيحه بإنسانه صالحه تشبهه
ابتسم علي إيمانه بكل ما هو خير بعد البلاء
وان الله لن يفعل الا الخير
مَسح علي شعره برفق وابتسم في وجهه براحه
يامن
: فخور اوي بيك وبتفكيرك، ومتقلقش ان شاء الله كل حاجه هترجع احسن من الاول، انت ملكش ذنب في حاجه وعهد واعيه واكيد هترجع علاقتكوا احسن من الاول.
بترجي
= يا رب يا ابيه، بتمنى.
عمر
: بعيد عنك يا خاله انت كنت متجوز عقربه اصلا الحمد لله الذي عفنا منها، اعوز بالله شبه القنفذ.
يجفلهم صوت عمر وينظرو للارض فيجده نائم بجانبهم علي الرمال عاري الصدر وينظر لسماء ببرائه .
يضربه إياد بقطعه خوخ امامه وهو يقول بتنهد
= طب زَمر يا بن... خضتنا!
عمر بمسحها في الشورت الذي يرتديه
: االله! خوخ ميرسي
= عيل بيض!
عمر بمرح
: عايز اكل فراخ مشويه، خاله متيجي نشوى؟
«اليوم التالي»
الساعه 11:00 مساءا
يجلس عمر بمنتصف السياره بديق ويربع يده بتذمر
عمر
: واحد يقولي هنمشي عشان عهد وحشتني وتاني يقولي هنمشي عشان فيروز وحشتني وحقي مهدور في ام العائله دي ومفرحتش بأجازتي
بكره اتجوز وتين واسافر معاها ول الحوجه ليكو ي عائله يا ملزقه ماشي.
إياد ويامن معا بصراخ قُرب اذنه
: افصل يله!
عمر بخوف مصتنع
: ح حااضر براحه رعبتوني ايييه!
يخرجون من هناك مساءا بعد ان قرره فجأه الرجوع دون علم احد منهم تحت تذمر عمر وصراخه ولكن اضطر للاستسلام امامهم والان في طريقهم نحو المنزل رغم صياحه المستمر.
------------------------------------------
حركت إيدي علي جردل الفشار الي عملنا انا وفيروز واحنا بنلملم احزانا مع بعضنا وبناكل بنَهم وإكتئاب وعيونا علي الشاشه في الصالون.
فيروز بحزن
: حصل حاجه مرعبه معايا يا عهد؟ انا بسببها اتاكدت اني دخلت في مرحله إكتئاب رهيبه فعلا
بصتلها بماسك الفحم الي عملنا سوي ووشي بزداد رعب فوق رعبه وانا بسالها
- اي الي حصل اتكلمي؟
فيروز
: طلعلي هالات سوده اهئ اهئ
جزيت علي سناني وانا برميها ب الفشار في وشها
- غوري في داهيه!
فيروز
: بت! بوظتي الماسك لسه عمله وغالي ب50 جنيه
- ماسك في راسك يختي رعبتيني!
فيروز بنفس الاحباط
: دي كرسه يا عهد، حسه اني بقيت ست بيت اوي وبقيت وليه علي رأي عمر، بقي انا وليه يا عهد! انا وليه!
ضحكت عليها فزمت شفيفها زي الاطفال وخدت بطرمان النوتيلا وبدأت تاكل منه
- صباح الكرش!
فيروز
: طلعلي واحد صغنون اوي وانتِ
- وانا كمان! احنا بنضيع يا فيروز، لازم نعمل حاجه مينفعش كده؟ لازم نتحرك
فيروز
: معاكي حق، احنا لازم نتحرك ونعمل مكرونه فعلا هي الي بتقلل الاكتئاب .
- عندك فراخ؟
فيروز
: عندي
- وجبنه موزاريلا
فيروز
: اكيد
- يلا بينا
اتحرنا علي المطبخ بحماس ول كأننا مكناش مكتئبين من شويه وشغلنا " اطاوع ل ليثى " وهاتك يا رقص وبعدها فرهدنا ونمنا علي الكنبه بتعب عادي جدا .
- عايزه حاجه؟
فيروز
: يا بنتي متنامي معايا هنا، نامي مع مكه طيب
- كل يوم بتقولي الكلمتين دول، مزهقتش
انا عايزه انام في شقه الي فوق يا ستي يوه
فيروز
: انتِ حره الهي تتلبسي عشان تعرفي ان الله حق وتنزلي زي الفار المبلول بظبط
رقصت حوجبي ليها وانا بقول برخامه
- ده بعينك يا فيروز ها بعينك.
فيروز
: ههه غوري
- تصبحي علي خير يا فوفه
فيروز
: وانتِ بخير يا عهود.
طلعت فوق وانا بفتح الباب واتحرك علي اوضته، من وقت ما جيت هنا وانا بنام فوق في شقته القديمه، اوضه فيها صوره وشهادته وتخرّجه الي كانوا صورتين
صوره لي اخدتها في قلبي وصوره معاها رميتها في زباله.
اتحركت علي الدولاب بتعب وانا بغير هدومي ولبست قميصه الابيض الوحيد الي سرقته منه واخدته معايا وانا بتوسط سريره وبنام بعمق بعد ما سهرت لساعه 1 بحالها.
الساعه 3:00 صباحا.
يتحركون بخفيه بعد ان استيقظ عمر في السياره ودخل المنزل بنعاس شديد يبحث عن فراشه ويستلقي عليه بتعب
بينما تسحب يامن لدخول الغرفه وجلب مفتاح إضافي لشقه إياد التي فوقهم لعدم إزعاج روحه النائمه.
يامن بصوت منخفض امام الباب والقاء المفتاح
: اهو المفتاح الاحتياطي، التاني معرفش فين ، نام هنا انهارده مترجعش لوحدك بليل كده
بأخذه والصعود للاعلي
= اوك، تصبح علي خير يا باشا
يامن
: وانت من اهله.
------------------------------------------
يتحرك علي الشقه بتعب واضح ويدخل غرفته فيتسمر مكانه، هل هي حقا؟ ام يتخيل!
هل عهد التي امامه الان، هو يعلم بوجودها مع فيروز لكن لا يعلم بوجودها هنا، علي فراشه القديم.
تحرك وهو ينام بجانبها ويقلبها له بمنتهى الشوق واللهفه، يا ألهي كم كان مطعتشا وارتوى الان!
بنعاس
- يعنى اتخيلك مرتين في نفس الليله! ، ده اي العذاب ده يربي، ل اكون تلبست فعلا علي راي فيروز
لكن لو "انتَ" انا مستعده اتلبس طول حياتي، وحشتني يا إياد وحشتني اوي، نفسي اقرب منك وادفن راسي جواك وبوسك اه والله، الفيلم الي سمعناه ده غريب جدا!
لم يستطيع كتم ضحكته امامها وامام اعترافتها الغريبه بمنتهى الراحه!.
فاكملت دون إكتراث
- كمان بتتخيلي ضحكته، يخى تبا لجمالك !
معرفش اي الجفاف العاطفي والانحراف ده يا بت يا عهد
اتخمدي! وانتَ اختفي بسرعه بقي والله هعيط.
تقول اخر كَلمه بنبره مُتخدره بسب نعاسها فخدرته
ابتسم بإشراق وهو يتأملها و يقترب لها اكثر ويطبع قُبله سطحيه فوق ثغرها فتفتح عينيها بزهول وهي تصرخ كالمجنونه.
- عااااا!
= هههه ششش اهدي انا! والله انا هيسمعونا.
برقت بعيني واثر النوم بروح وببصله بزهول
إياد هنا! قدامي!
قرب مني بعد ما فطيت من السرير وكأنه مسمار شكنى وإيديه في جيبه وهو بقول بغمزه ومكر اشتقت ليهم اوي
= ينفع تطلبي حاجه ومنفذهاش!
بصتله فرفع حواجبه وانا وشي بيقلب طماطم بايظه سمعني! احيه سمعني وانا بهلوس في الكلام!
اودي راسي منه فين دلوقتي! روحي دفني نفسك
روحي دفني نفسك اجري!.
سكت وانا ببص للارض فقرب اكتر وكمل برخامه
= وبعدين مش قلتلك بلاش القميص ده عشان بتعبني؟
- انت بتعمل اي هنا؟
= شقتي واوضتي وسريري وقميصي ومراتي
ها اي تاني؟ سؤالك غبي يمدام.
قال كده وهو بقرب اكتر فحاولت اجري بسرعه فوقفني بدراعه وهو بيحاوط وسطى بإيديه لتنين فتوترت اكتر
سند جبهته علي جبهتي وريحته بتغمرني، يااه وحشتنِي! ، وحشتنِي ريحتك يا إياد
- إ..إياد
=تعبتيه يا عهد، تعبتيه اوي
حركت عيني الاتجاه التاني وانا عيوني بتنزف بإشتياق فضمني اكتر لي ودفن راسه في رقبتي وقال بنبره مُرهقه
= لي عملتي فينا كده ها ؟
- كنت زعلانه
= والي زعلان بيبعد عن حضن حبيبه المده دي كلها
يسيب البيت ويمشي وميحاولش يعدي يوم علي الاقل ويفكر بعقل او حتي يغضب في الاوضه التانيه وميطلعش بره بيته.
- انت الى غلطان
= انا آسف
- وانا بحبك
ابتسم بحب
= اوي؟
- اوي.
معرفش فضلت جواه قد اي ، بس مكنتش عايزه يتحرك من قدامي لدرجه اني اتكيت علي اظافري عشان اتاكد اني مبحلمش والحمد لله مطلعش حلم
خرجني من حضنه وهو بفك الجو بينا.
= بنسبه للميول الانحرافيه الي كانت عندك من شويه لسه موجوده ول راحت لحلها
ضربته بعصبيه
- بس بقي!
= ههه قولي بس هرضيكي
بصتله بإحراج وهو ميت ضحك فقلت بعصبيه
- والله انام بره!
= خلاص خلاص يلا هنام
- رخم
= منحرفه
- إيااااد!
= قلبه!
- يووه بقي
= ههه
وفعلا غرزت نفسي في حضنه زي ما تمنيت ونمت براحه بال وسكينه بعد 11 يوم كاملين.
------------------------------------------
اليوم التالي 12:00 ظهرا
صحيت متاخر وكان اول مره في تاريخ البشريه يصحى قبلي وانا بشوف كوبايه القهوه في إيده وبصص علي الاب بتركيز
فكيت الفوطه من علي شعري وانا بقعد على الكرسي قصاده
- صباح الخير
ينظر لها بإبتسامه مشرقه بعد رؤيتها امامه
= مساء الورد علي روحي، اي الحلاوه دي
- يجدع، اي الروقان ده ؟!
= حياتي رجعتلي، لازم اكون رايق
- بس لسه الموضوع مخلصش
اخدت حواجبه شكل القوس بغرابه، فكملت بثقه
- لازم نعرّف كل واحد مكانه المناسب احنا في حالنا يا إياد لكن الي يجي علينا لازم ياخد جزائه
السن بالسن وانا عرفه انه العفو احلي حاجه بس احنا هنحذرهم بس بحركه خفيفه عشان يبعده عنا.
يبتسم لانها تُفكر مثله وكان يريد التحدث معاها لكن سبقته فقال بجديه
= عندك فكره معينه ؟
- انا مليش كلام مع رجاله عفوا نسوان عملين نفسهم رجاله
= ههه
- فانت تصرف معاه، اما حبيبه القلب فسيبهالي
ربنا ما يوريك حاجتين
عهد وهي جعانه
وخناقه بنتين علي راجل، حاجه كده استغر للله العظيم
ضحك بصوت عالي ف سرحت فيه، م هو مينفعش كده بقي عصبح والله كتير
= انتِ كرسه
- تسلم يا زوق
= خلاص يا ستي ، معتز سيبى ليا، انا شايله من زمان وجيه الوقت عشان نعرفه حجم ه، روحه بين إيدي ولو رفع عينيه من الارض تاني يبقي بحسابها
- تمام اوي انا وثقه فيك ، معتز انتهي
بنسبه لفريده؟، عندك اي نقطه ضعف تعرفها عنها استعملها؟
= .....
------------------------------------------
اجتماعين، مواجهتين، وخطتين!..
اتحرك كل واحد علي وجهته واحنا بنرد عليهم لكن بطريقتنا
هما ميعرفوش مين احنا ونقدر نعمل اي لو عايزين
بس ميقلقوش هنعرفهم.
« شركه الاصدقاء.. غرفه معتز»
يقتحم إياد المكتب بثقه من غير أذن فيغضب معتز دون نظر لطارق
معتز برفع عينه
: اي قله الز... إياد!
- حسيت انه عندي خبر حصرى وهيعجبك ولسه اكيد متقلكش وعُبال ما قابلك هيكون موال وانا بحب السرعه
يبلع معتز ريقه وهو يتذكر كلامه الذي تردد في ذهنه بعد حديث إياد فيقول بقلق
معتز
: خبر اي؟
- هقلك.
يدخل إياد المكتب ويجلس علي كرسي مقابل له وهو يسند ساعديه علي ركبتيه ويتحدث بإبتسامه هادئه
= مش انا غيرت الإدارات هنا
يعني مثلا خالد انتقل للعلاقات العامه، هاله زي ما هيه ف Design وعمار رئيس تنفذي من مساعد اول
اما انت بقي فمتدرب من اول وجديد
انت مطرود من رئاسه الشركه يا معتز وهتنتقل الاداره لعمار لوحده بنسبه تزيد عنك 20%، اظن ده حقي بصفتي اكبر مساهم في الشركه دي من سنتين.
ينقلب وجه معتز بصدمه لحديثه وهو يقول بتلعثم
معتز
: ب... بس انا معملتش حاجه فى الشغل اتحاسب عليها
الشركه دي مكمله بسببي وبسبب تعبي فينا
= بس انت عملت، عملت في حياتي الشخصيه ونسيت حاجه مهمه يا معتز، انه تعبك وسنينك دي كلها الي تعبت فيها تحت رحمتي انا واني واخد نسبه 60% في الشركه دي يعني اكبر منكوا انتوا الاربعه، فصدقني اقل واجب اعمله معاك احرمك منها.
تحمر عيني معتز بسخط واضح لكن لا يرد ف هو يعلم العواقب الان
اكمل إياد بنفس النبره المستفزه
= وعشان انا أصيل وزوق معاك لاخر نفس مقطعتش رزقك لكن اقسم بالله يا معتز وده تحذيري الاخير مراتى خط احمر زي فيروز بظبط وأذيتها من أذيتي وشرفها من شرفي
واذا سكتلك اول مره ف ده عشان كنت ضدها معاكوا ولما وقفت ضدنا احترمتك بس هتفضل بتحقد وتغير مني لاخر نفس في عمرك.
اوعي تفكر اني معرفش ألعيبك من ورايه اذا كان هنا في الشركه دي ول شركتي الخاصه انا ويامن، لكن كنت بعدي وبفوت بطريقتي لكن دلوقتي التهديد هو الي هينفع مع الاشكال الي انت منهم دول.
اوعي تفكر انه صحابك دول صحاب
اول ما قلتلهم انى هرجعك متدرب والي هيعترض هرجعه معاه وافقه كلهم، حتي والله خالد الاصيل هه قلي طرده لو حابب عادي، صحاب مُشرفه لعلمك
معتز بحرقه
: انت كداب! مستحيل يوفقوا علي عملتك دي؟
= والله! اومال انا نقلتك ازاي من مكانك؟ متنساش انى مُساهم فيها اه لكن القرار الاخير قراركوا وهما مش قصره معايا والله
وزي ما طرده فريده زمان عمله معاك رغم انك فعلا الي شلت الشركه دي وكبرتها وتعبت فيها
لكن الي بيتبني بكره! بيخلص بكره ديما يا معتز بيه
كان نفسي علاقتنا تكون حلوه لكن انت الي اخترت
واختيارتك للاسف ديما غلط.
ينظر لساعه بهدوء وهو يعتدل في جلسته ويقف
= مضطر امشي عندي اجتماع
بارك لعمار نيابه عني لاني مشغول معنديش وقت، فرصه سعيده بقي ، للاسف مبقابلش متدربين هنا، بقابل مدراء بس
يكور معتز قبضته بإشتعال واحلامه تدمر امامه بينما يضع إياد نظارته الشمسيه ويتحرك لكن يقف قبل الخروج ويقول بجديه وصوت هادئ
= اه فكرتني، ابقي قول ل ليلي كمان انها مطروده عشان متجيش بكره، انت اقرب هي في بيتك برضه
يغمز بمرح ويقفل الباب خلفه ولا يستطيع معتز تمالك نفسه اكتر وينفجر كالاعصار ويبعثر كل اغراضه علي المكتب بعنف.
~~~~~~~~
« في الكافيه »
مشيت بفستاني الاسود الواسع وشنطتي السوده ونظارتي السوده وطرحتى الزرقه وانا بدخل من باب الكافيه بخطوات ثابته وبقعد قدامها من غير أذن ف ابتسمت وبصتلي ببرود
فريده بإستهزاء
: عهد الرشيدي بحالها هنا! مكنتش اعرف انه في ناس زيك تعرف كافيهات فخمه كده ، علي العموم تشربي اي علي حسابي اكيد ممعكيش حق حاجه هنا .
ابتسمت ببراءه وانا برد بنفس البرود
- اشرب عصير ليمون
وخلي يزود سكر معلش.
غيرت نظرتها وإبتسامتها السمجه قدامي وهي فعلا بتنادي النادل ياخد الطلب منها
حطيت رجل علي رجل قدامها والسكوت مخترق المكان فقطعته تاني بنبره مستفزه
فريده
: ممكن افهم سبب الصدفه السعيده دي اي؟
- بس هي مش صدفه، انا عرفت انتِ فين وجيت عشان اقابلك
فريده
: والسبب؟
- انك حربايه مثلا
فريده
: عفوا!
- لاء لاء زي ما سمعتي كده، مسمعتيش كويس
هكرره لك عادي، انك حربايه يا فريده هانم
خطافه رجاله، بتحب المشاكل، كدابه، خرابه بيوت
بالمختصر حربايه يعني.
فريده بعصبيه
: انتِ بتتجوزي حدودك و انا...
- ششش لسه مخلصتش كلامي في صفات تانيه لازم اقلها
زي مثلا حقوده، غيروه، و قاتله! وحرميه كمان!
يعني من كله الله اكبر.
بلعت رقها بخضه ووشها لونه بيتخطف فأبتسمت بإنتصار وعرفت انه صح وتاكدت من الاخبار الي بين إيدي
فريده
: بتقولي اي يا مجنونه انتِ!
- انهي كلمه عشان اوضح؟
غيوره مثلا ! عشان بتكرهي تشوفي الناس مبسوطين، سوده من جواكي يعني
خطافه رجاله! حطه عينك علي راجل متجوز وفهمه انه مراته هتسكتلك عادي لكن ده في احلامك يا قطه
حراميه! فانك نصبتي علي رجال وسحبتي منه 3 مليون دولاؤ يبقي حراميه اه
يمكن قاتله الي تقصدي عليها؟! فاكيد لانك ضربتي واحد بالعربيه من سنه وانتِ مسافره ومات وهربتي!
عرفتي انا اقصد اي؟
فريده بتلعثم
: ان.. انتِ بتخرفي تقولي اي، انا معرفش انتِ بتكلمي عن اي؟
- ولو وريتك دليل هتصدقيني
دليل انك خطافه رجاله ف إياد معروفه
دليل انك حراميه، حسابك الي في ألمانيا بأسمك وابوكي ميعرفش عنه حاجه
دليل انك قتلتي واحد اخو شافك ومحجوز في المستشفي وفاكر وشك وعنده استعداد يعترف عليكي
موجود كلو موجود، انتِ بس الي مش موجوده يا حب.
جسمها كلو رجف والخوف سيطر عليها وهي بتسحب شنطتها وبتكلم بقلق اكبر
فريده
: و.. واضح انك تعبانه في دماغك الكلام ده مش حقيقي
انا مضطره امشى و...
مسكت إيديها جامد وانا بقعدها قبل ما تقف وبقول بتحذير
- اقعدى، اقعدي والا هندمك
فريده
:.....
مديت العصير ليها ببرود وانا بتريق
- خدي العصير ده يهدي اعصابك، طلبته عشانك خساره نرمى
حركت راسها الاتجاه التاني ونفّسها بتاخده بصعوبه فعرفت انها شويه وهتنهار فكملت لعب في اعصابها
- اعترفي حصل ول لاء وانا مش هفضحك؟
فريده
: محصلش وانتِ مين عشان تحسبني اصلا بال....
- تؤتؤتؤ متزعلنيش منك!
هه وانا الي فكرتك صريحه، اتريكي جبانه، خايفه مني؟
حقك برضه، انا خوف اي حد
فريده بعصبيه دون الوعي بحديثها
: اه يا عهد! حصل! انا عملت حادثه وقتلت واحد كان سايق عربيه قبل كده، وسرقت من واحد 3 مليون دولار
وخطافه رجاله وبحب إياد عايزه اي، هتعملي اي يعني؟
- ول حاجه
الادله الي عندي، علي كلامك الجميل ده واسمعه لباباكى الي قاعد علي التربيزه الي وراكي دي، بمنتهى البساطه ول.. بين عليه سمع لوحده مش محتاجه اقوم.
اتجمدت مكانها واكاد اجزم انها فقدت التنفس وانا بأبتسم ببلاده وبشاور عليه
بصتله وانا بشوف الحسره والصدمه في عينيه و عملت احترام لزعله دلوقتي وناديت علي النادل عشان حساب و امشي.
حركت عيني عليها فبصتلي وشرر هيطلع من عينيها و انا بطلع الفيزا السودا الي إياد ادهالي وبقولها بعند
- عرفت الاماكن دي لما روحت ارقي منها
وبقيت بعرف احاسب لما بقت الفلوس معايا بزياده الحمد لله، اعرفي انتِ بتكلمي مين
انتِ قعده قدام مرات إياد ادهم الرفاعي يا فريده
اشوفك علي خير، سلام.
اتحركت وانا باخد شنطتي فوقعت وهي بتهجم عليا وانا ببعد عنها بحذر وابوها جيه بسرعه يفرق بينا
حازم بشدها والوقوف بينهم
: اهدي يا فريده! اهدي!
انا اسف يا بنتي اتفضلي انا هتعامل معاها
لميت شنطتي من علي الارض وانا برد عليه بأدب
- حاضر يا عمو، اتشرفت بحضرتك
اتحركت بصعوبه وهي لسه بتُفرك وعايزه توصّلي وبتكلم بصوت جهوري والمكان كله مركز معانا
فريده بعصبيه
: إياد يخصني انا، هيطلقك يا عهد
هيطلقك ويرجعلي، تعالي هنا وانا والله ل....!!
انصدمنا انا وهي وقلم بنزل فوقها وهي بتقع علي الارض وبتبصله بزهول وخضه
حازم
: كفايه بقي! مش كفايه كل القرف الي عملتي ولسه ليكي عين تبجحي، يخساره تربيتي فيكي، ندمان اني ربيت بنت مدلعه وجشعه بشكل ده
اتفضلي قدامي علي البيت يا فريده، يلا فورا!
سحبها من دراعها ودموعها بتتكوم في عيونها وبتترجى يهدأ وهتفهمه الي حصل وانا بأبتسم وبطبط علي قلبي وبقولوا
تمت المهمه بنجاح اشق ، عاش .
ƑĹÃŜĤ βÃČЌ
- تمام اوي انا وثقه فيك ، معتز انتهي
بنسبه لفريده؟ عندك اي نقطه ضعف تعرفها عنها استعملها؟
= انا معرفتش حاجه عنها بعد ما سافرت لانى مهتمتش اعرف اخبارها ، لكن الي يساعدك فيروز كانت مراقبها لدرجه انها سلّطت عليها مُخبر مخصوص ليها.
لانها اديقت منها وزعلت عليا فتوقع هي الي هتفيدك
- تمام هنزلها دلوقتي افهم منها ، اعملك فطار؟
= فيروز عملتلي، انزلي افطري انتِ كمان
- حاضر
..........
فيروز
: اعرف عنها بلاااوي، يااه ده انا اوصلها المشنقه وانا حطه رجل علي رجل
- حلو اوي! عايزكي تحكيلي كل الي حصل وبتفصي المُمل
احكي يا غاليه احكي .
فيروز
: اسمعي يا ستي
..............
حازم
: الو؟
- والد فريده معايا؟
حازم
: ايوا مين؟
- انا عهد مرات إياد يا عمو و كنت عايزه اكلم حضرتك في موضوع كده.
βÃČЌ.
- السلام عليكم
= وعليكم السلام، فينك؟
- لي؟
= انا قدام الكافيه، لسه مخرجتيش؟
- خرجت.
= خرجتي؟!
- بص وراك
لف ليا لقاني ماسكه اتنين ايس كريم وجيه عليه جري
= ههه مجنونه!
- اتاخرت عليك
= لاء لسه واصل
- ضيعت عليك فيلم عاطفي انما اي حكايه يا سيد والله
شبك صوابعي بصوابعه واحنا بنتحرك من غير العربيه
= تعالي هنسمعه واحنا بتغداء انا هقع من الجوع
- هناكل اي؟
= مشوى
- ييي! تاني! انت مبتزهقش من المطعم ده، لاء.
= تيجي نروح مطعم الفول والفلافل الي روحنا قبل كده ؟
- بجد! اشطا يلا بينا.
= وبعدها نروح نجيب دره
- ونتمشي علي البحر
= ونروح نقدم لعهد في الكليه عشان تكون طالبه جامعيه قد الدنيا
- و نشرب عصير قص... اي!
= ههه تعالي يا اخره صبري
- تعرفي اني بحبك
= اوي؟
- اوي.
«بعد 5 سنوات»
- خد يا حيوان هنا! انتِ يله!
كارم
: انا معملتش حاجه يا ماما! كرم الي وقعها
- سوري يا حبيبي، انت يا حيوان! تعالي
كريم
: يا ماما انا كريم، كرم الي وقعها والمثحف
- انتوا هتشتغلوني يله انت وهو ، هتشتغلوني يا عيال إياد
مسكت التالت منا مش غبيه هلبسهم زي بعض
وانا بقول بإنتصار
- مسكتك وربنا ما هحلك!
كرم
: يووه يا ماما انا كارم حرام عليكي الزلم "الظلم" ده!
- انتوا عايزين تنقطوني! مبصعبش عليكوا انا! ارحووني.
ترن ترن ترن
- كريم افتح الباب لبابا
كرم
: انا كرم يا ماما، كريم الى لابس احمر
- اي كلب فيكوا يقوم يفتح والا اقسم بالله بدور!
جري كارم الله يصلح حاله يا رب فتحله وجيه قعد تاني قدام الآله الي فكها وجمعها حوالي 6 مرات الحمد لله بشبه عليه من دماغه الحديديه وهدوئه الي يغلب سنه.
= مساء الخير علي رجالتي
~ باباااا
جري كرم وكريم عليه بمرح وهو بجيب 4 كياس وبوزعهم علي كل واحد.
وبعدها جيه دوري وانا بقول بتعب
- إياد انا عايزه اطلق؟
دخلني جواه باس راسي كالمعتاد وهو بيضحك وبستفزني وبقول ببرود
= حاضر خدي ده بس وهطلقك عينيه
اتحرك لفوق وكأنه سمع مساء النور عادي وانا بطلع ورا وطالبه معايا نكد، هخرج الكبت ده ازاي طيب!
مش هو الي جابهم يشرب بقي
- يعني انت ربنا عايز يعوضك وتخلف ، حقك!
انما انا ابتلى بتلات مصايب لي؟ في بطن واحده يا مؤمن! بلاش دي لي يطلعه شبهك كلهم
لي اعيش مع اربع نسخ في البيت، ناقصه رعب انا!
إياد ونبي عايزه اطلق
= م تيجي نجيب تلات بنات ونكملهم دسته
- صبرني يا رب!
ضحك واتنهد بتعب وهو بياخدني في حضنه
= ههه خلاص يا حبيبي حقك عليا انا
بكره اخدت اجازه وهساعدك وكمان هخلي فيروز تيجي تعمل معاكي حاجه تمام كده
- تمام، انا بحبك اصلا
= وانا كمان يا روح قلبي، ننام بقي؟
- إياد انا لسه برضه عايزه اطلق
= اااه يني مش هنخلص انهارده انا عارف
طيب ننام عشان تعبان ونتكلم بكره
- وطلقني؟
= وطلقك
- خلاص اتفقنا
« بعد شهرين»
في سياره
- سمير تعالي كده علي اليمين، بهير في نص يا حبيبي انت اوس المشاكل ، شهير انت المحترم الوحيد الي فيهم يا كارم والله زي ما انت ربنا يحميك .
يلا يا إياد
= تعرفي لما يكبره ويعرفه كنتِ مسمياهم اي هسموكي!
- امشي وانت ساكت كمان! ما صدقت ارتب
= ههه حاضر
بصتلهم وانا بقول تعليماتي زي ناظره المدرسه .
- انهارده فرح ابن خالتكوا عمر وطنط وتين
طنط اي؟
الثلاثه معا
: وتين
- الله ينور، نروح نقعد من غير دوشه، مش هلف وراكوا انا زي نحله، نقعد اي
الثلاثه معا
: محترمين
- ونسمع اي؟
الثلاثه معا
: الكلام
ومنعندش وندايق ابله مين؟
االثلاثه معا
: مكه
- لولولوي بحبكوا ، اتفضل يا بابا إياد يلا.
اتحركنا علي الفرح وهو بيشبك إيدي بإيديه وصوته الخافت بيتكلم مع عينيه
= طلعه زي القمر انهارده
- مفيش حد احلي منك
= طيب بحبك
- اوي؟
= ههه اوي.
" انت قدري ورفيق دربي وزوجي وونيسى فكم "ياء" اخري ستضيفها في قاموسك! وكم "ياء" تخصك وحدك "