رواية بنت العدو الفصل الرابع والاربعون44بقلم ندا علي حبيب
كنز بصت ليه بعد كلامه وقالت بعدم تصديق : اعتبر بنتك
بنتي ؟! اااه انت عاوز تتجوزني علشان بنتك بتحبني يعني ام مستعاره صح ؟
سليم بهدوء : ليه فهماها كدا انا لو مش متقبلك مش هطلب منك تتجوزيني ولا هكون قاعد القعده دي ؟
كنز قامت وقفت واخدت شنطته وبصت ليه بغضب : خلي تقبلك لنفسك يا استاذ سليم مش انا اللي هتجوز واحد كان متجوز قبل كدا ولا انا برضو اللي هتجوز حد متقبلني مش حاببني سلااام " ومشيت بكل غضب وضيق وخنقه "
" سليم بص عليها ببتسامه وهي ماشيه "
كنز في نفسها : قال لو مش متقبلك مش هطلب اتجوزك لاء متشكر بدل ما يقولي حب من اول نظره او يقولي اعجاب بيقولي تقبل خليه لنفسك ؟
...................................
" ليلي وقفه في المطبخ بتاع شقتها بتغسل المواعين وسلمي مع مصطفي في الاوضه "
ليلي بحب :إذا شايفنى مِش عم ببكِى فكرك يعنى مش مَوْجوع ؟
مصطفي جيه من وراها وحضنها : موجوعه من ايه وانا في الدنيا يا ليلي " وباس رقبتها " انا عوزك طول ما انا عايش وبتنفس تكوني ديما مبسوطه وفرحانه وسعيده
ليلي لفت ليه ببتسامه : الاغنيه في دماغي من الصبح بحبها اوي
مصطفي قرب من شفايفها وباسها وقال بهمس : خليني انا بس في دماغك مش عاوز اي حاجه تشغلك عني
ليلي بصتله بضحك : اشغل نفسي بيك اكتر من كدا اتجنن بقا
مصطفي ضحك وقال بخبث وهو بيمشي ايده علي جسمها : سلمي نامت ما تيجي نخطف حلم صغنن جنبها
ليلي رفعت حاجبها : ورايا حجات عوزه اعملها الاكل بتاع العشا لصفولن واسراء انا اللي مسؤله عنها وزي ما انت شايفني عماله اغيل المواعين والاكل علي النار بالعربي مش وقته علشان مش فاضيه
مصطفي : انا مالي انا بالكلام دا كله يا ليلي انتي مراتي وعليكي حقوق ليا مليش دعوه انا بكل الكلام دا
ليلي بستغراب : ومن امتي بينا كلمة حقوق عليكي دي يا مصطفي انا امتي منعت نفسي عنك دا علشان بقولك مش فاضيه دلوقتي انت ليه مش مقدر ظروفي
مصطفي بغضب : ظروف ايه اللي مش مقدرها انا لو فعلا مش مقدرك كنت اتجوزت عليكي
" الكلمه نزلت علي ليلي زي المايه الساقعه اللي نزلت علي حاجه سخنه ومصطفي ادرك الكلمه واضايق فعلا من نفسه "
ليلي بزهول : تتجوز عليا قدرت تقول الكلمه عادي يا مصطفي " بعدين ابتسمت بوجع " حقك الشرعي مش همنعك منه روح اتجوز يا مصطفي
مصطفي بضيق : مكنش قصدي اقولها والله هي طلعت كدا في وقت نرفزه انتي عرفه ان مفيش وحده تملي عيني غيرك
ليلي دموعها نزلت وراحت طفت علي الاكل علشان استوي : عادي بقا طلعت في وقت نرفزه او وقت حب المهم انها طلعت " ومسحت دموعها وبصت ليه " احضرلك الغدا تاكل
مصطفي قلبه وجعه علي شكلها راح ومسك ايديها وهي عيطت : حقك علي قلبي انا عارف ان بضغط عليكي متزعليش نفسك بقا دموعك دي بتوجعني والله يا ليلي
ليلي بعياط : انا مقدرش اصلا اتخيلك جنب وحده غيري يا مصطفي دا انا بغير من مامتك لما تحضنك تقوم تقولي اتجوز عليكي ؟
مصطفي حضنها : لو سمعتيها بعد كدا مني حقك تعملي فيا البدع بطلي عياط
ليلي مسحت وشها : اوعدني انك تفضل ليا ومعايا يا مصطفي انا مش خايفه بس مبقتش مطمنه اوعدني ان مهما حصل بينا هتفضل جنبي وتدعمني انا مقدرش اكمل من غيرك يابن الجبراني
مصطفي باس راسها : ودا وعد من ابن الجبراني عمري ما هبعد عنك ولا هتخلي عنك مهما حصل هتفضلي مراتي وام بنتي وقبل دا كله حبيبتي اللي حاربت علشانها الدنيا واتجوزتها
ليلي ابتسمت علي كلامه : بحيث كدا بقا نحضر الغدا ونتغدا ونعد نكوي في هدومنا
مصطفي ضحك عليها : ايوااا كدا اضحكي خلي الشمس تدخل البيت يلا جهزي الاكل علي ما اكمل انا غسيل المواعين
ليلي : لاء هتزلني بشوكه والمعلقه والكوبايه دول مش مواعين انت بقا كل دقيقه هتقولي مين اللي غاسل المواعين النهارده
مصطفي : تصدقي بالله انا غلطان دا بدل ما تقوليلي كتر خيرك يا حبيبي انك هتساعدني
ليلي : مصطفي يا جبراني انا متنازله عن مساعدتك يا ابن الجبراني " وراحت علي البوتجاز تكمل الاكل ومصطفي راح حضنها " هي دي المساعده ؟
مصطفي : ليكون مش عاجبك يابت ؟!
ليلي ابتسمت : ليه لما بعيط لازم تصالحني وقتها يعني مثلا متقولش هسيبك تهدي واجيلك ؟
مصطفي : الدموع دي زي النار بالظبط بتاكل الحلو والوحش مبتفرقش لو انا سبتك فعلا ومشيت كدا انا بحط بنزين علي النار تشعلل اكتر لكن لو احتويت النار دي وطفيتها عمرها ما هتحرق كل حاجه كدا بتفادي الحاجات اللي ممكن كانت تتحرق لو مشيت ولا ايه يا ست ام سلمي
ليلي ببتسامه : ست ام سلمي مش بتمووت فيك من قليل يابن الجبراني
..................................
" جمال واقف قدام بيت مروه مستنيها تنزل علشان متأخر وعاوز يلحق كتب الكتاب "
جمال بضيق : ياااربي علي التأخير انا برضو اللي غلطان المفروض كنت اقولها البسي من امبارح مش من 5 سعات بس
" مروه نزلت لجمال وكانت في قمة الشياكه لبسه دريس اسود ستان وحزامه من الحزر والؤلؤ والماس ( المصنوع مش الحقيقي ) وطرحه بيج وشنطة بيج في اسود وهيلز بيج ميكب بسيط كانت رقيقه جدا والدبله والمحبس منورين في ايديها البيضه وضوافيرها منكير اسود "
مروه ببتسامه لجمال : ايه رأيك في خطيبتك ؟!
جمال بصلها وتاهه في شكلها ورقتها وبساطتها وجمالها : صراحه تخيلت هتلبسي حاجه هنتخانق عليها بس انا حاليا لساني مش قادر يسعفني علي اي كلمه اقولها شايف قدامي ملاك رقيق مش قادر اعبر عن مدي اعجابي بيه
مروه ببستامه : يكفي ان اشوف الفرحه في عيونك يا جمال يكفي ان اشوفك لابس الدبله وانت فرحان يكفي انك بتحبني انت وكفي يا جمال
جمال ابتسم ونسي انه في الشارع اصلا مسكها من خدودها : يابت هحبك اكتر من كدا ايييه خلصتي الحب اللي جواايا كله
مروه بصدمه : جمال شيل ايدك براحه عن وشي لو التنت باظ او الفاونديشن اتمسح احتمال ادبحك هنا بدم بارد عادي
جمال بستغراب : فاونديشن ايه دا اللي عامل شبه المحاره صح ؟
مروه : محاره ؟! محارة ايه يا جمال دا شبه الكريم كدا لو عندك حبايه في بشرتك هيخبيها كدا يعني
جمال : طب ما انا عارف وعارف كمان الكونسيلر والكحله والرماشه ايه رأيك فيا بقاا
مروه بستغراب : رماشه ايه الرماشه دي بتعمل ايه ؟
جمال : الرماشه اللي بتطول الرموش دي يعني مش عيب اكون الراجل وعارف وانتي مش عرفه حاجه خالص
مروه بضحك : ااااه انت تصدق المسكره يعني الرماشه اسمها مسكره
جمال : اركبي بس يا مروه علشان احنا اصلا متأخرين عوزين نروح قبل كتب الكتاب يلا
مروه ركبت جنبه : هاات فونك ؟
جمال بصلها : فوني عايزه منه ايه ؟
مروه بصتله بستغراب : مالك في ايه خوفت كدا ليه ؟
جمال : انا مخوفتش بس متعودتش علي حد يمسك فوني وكدا بس لو عايزاه خديه اهو
مروه بصتله : ايوا هاته " واخدته فنحته دخلت علي الواتس والماسنجر والانستا فضلت تفتش في كل الفون وقالت في نفسها " طيب ما انت كله فل اهو خايف امسك الفون ليه
جمال : قولتلك مش خايف بس مش متعود المهم فطرتي ولا نروح نفطر في اي مكان
مروه اتعدلت علي الكرسي ورجعت راسها ورا : لاء انا فطرت امشي علطول علشان مش عوزه اتأخر
" جمال مشي علطول علي البلد "
.....................................................
" الوقت عدي والليل جيه وبيت الحبايبه يعتبر مليان ناس ومعازيم علي اخره منظر الكوشه والزينه تحفهه اووي شهد لبسه فستان رقيق اووي وبسمله لبسه فستان جميل وتحفه وليلي لبسه دريس رصاصي منفوش شويه وهيلز اسود وطرحه سودا وميكب بسيط وشايله سلمي علي ايدها وعمالين يسلمو علي الكل "
الديجي : نتشرف بأحلي عريس وعروسه " ودخل صفوان اللي زي القمر في البدله السودا وشعره المتسرح وشكله قمر وفي ايده اسراء اللي لبسه بدله بيضه وطرحه بيضه وحزمه بيضه وميكب عروسه وشكلها رقيق اووي قعدو علي الكوشه "
" ليلي وبسمله وشهد وكنز وزينب وقفين في جنب بيتصورو فجأة دخلت عليهم مروه "
مروه ببتسامه : هتصوروني ولا اروح بقاااا
ليلي بفرحه وهي بتحضنها : اااه كنت خايفه انك متجيش اووي عمله اييه وحشاني اووي اييه القمر دا يا بت
مروه بغرور وهي بتحط الدبله في وشها : اخلويت علشان اجاري حلاوة خطيبي
بسمله برفع حاجب : خفي تواضع يمااا والنبي دا محدش بيشكر فيه غيرك انتي وامي وابويا لما يحتاج منه حاجه
" البنات ضحكو والمأذون وصل وبدؤ يكتبو الكتاب فرحه وتوتر وقلق وكل المشاعر متجمعه ختم المأذون كتب الكتاب "
صفوان بفرحه : مراااتي رسمي بقااااا اخيراااا
اسراء قربت عليه بهمس : اوعي تحضني ولا تعمل شغل المحن دا اوووعي يا صفوان
صفوان بهمس : لاء مش هحضن هنا انا وافرج الناس عليا لينا شقة تلمنااا
شهد : بتتهامسو بتقوولو اييه ؟
صفوان مسك اسراء من كتفها بغرور :هي من النهارده مراتي يعني يا 3 عقارب اطلعو منها بقاا كفايه كدا
" الديجي شغل اغنية حبيتك بتلاته ليلي شدت ايد اسراء وبدؤ يرقصو وانضم ليهم مروه وشهد وكنز وزينب ورقصو بجد "
مصطفي قاعد جنب غالب اللي يعتبر نايم اصلا : غااالب اصحي يابني فضحت اهلناااا انت جاي تنام في الفرح
غالب بنوم : يا عم انت شايلني ما تسيب اهلي نايم كان فيه نموس في الشقه شلفط وشي ورجلي معرفتش انام
سليم جيه من وراه : طيب ما كنت تبخ النموس دا اي مبيد حشري ومتقرفش اهلناا
مصطفي بص عليه بفرحه : يااااربي سليم عبدالله ياااا جدع وحشني يا جدع فييينك " وحضنه قوي "
سليم ببتسامه : والله العظيم انتو اكتر بس لسه راجع من السعوديه من اسبوعين والله العظيم
غالب :اوعاااا بقااا علي العمله الصعبه الريال بغشره جنية يعني انت زماانك متريش
جمال جيه وبصله : دا لابس بدله لوحدها ب 3 تلاف جنيه ؟!
سليم: الله اكبر عليكن فييي ايه يا جدع مش كدا والله براحه علي نفسكم كدااا الواحد جي اجازه شهرين وراجع لشغله تااني
مصطفي شده قعده جنبه : فكك من الحوارات دي كلها انت عامل ايه اتجوزت تاني ولا لسه ولا ايه ظروفك
غالب : قوم يا جمال نروح نرقص مع صفوان " وشده وراحو "
سليم بتنهيده وعينه بتدور علي كنز : لسه والله يا ديشا مش لاقي حد يكون بمصفاتي ولا حد مناسب ويوم ما الاقي تكون بنت بنوت لسه
مصطفي : وايه المشكله بنت بنوت بنت بنوت انت اي حد يتمناك مش فاهم فين المشكله ؟
سليم : انا كنت متجوز وعندي بنت واي بنت حقها تتجوز حد يكون ليها وبس مفيش حد يشغله عنها وانا حياتي شغلي وبنتي والدنيا دمار والله يا مصطفي
مصطفي : ربنا يكتبلك السعاده والهنا يا سليم وانا عارف ربنا هيجبر بخاطرك وهيرزقك ببنت الحلال اللي تصونك تحمي عرضك انشاء الله
سليم اخيرا عينة شافت كنز بترقص مع اسراء وفرحانه بجد ابتسم وتلاقائي لما شافها مشيت ووقفت وراهم قال : اللهم امين ياارب مصطفي لو كلمتك علي حاجه كأنك اخ هتكلم
مصطفي : من غير تردد طبعا اتكلم
سليم : انا مثلا شوفت كنز بنت عمك اكتر من مره هل لو اتقدمت ليها منكن توافق بيا
" كنز وراهم وسامعه كل كلامهم يعتبر فرحت لما سمعت كلامه بس استنت رد مصطفي "
مصطفي سكت شويه بعدين رد : انا الف مين يتمناك يا سليم بس كنز مش من الالف دول كنز يوم ما هتتجوز هتتجوز اللي تختاره مش انا ولا غالب اللي هنجبرها فهمت
" سليم ابتسم لانه عارف ان كنز وراه بصلها بطرف عينه انه حاول بس الامل مفقود اصلا ، كنز وقتها حست ان كل الكلام اللي اتقال صح هي حقها تتجوز واحد ليها وبس مش كان متجوز وكبير اووي عنها وعنده بنت ليه تضحي كدا وقتها ادركت انها صح ولازم تعيش حياتها بس بعيده عنه "
" اليوم عبارة عن رقص وضحك وهزار وفرحه "
غالب بيرقص مع صفوان : خد بالك انت دخلت طريق مفيش فيه لف وارجع تاني في هتكمل ولا امسح الشقه من عفشك وعفشي ومحاكم الاسره تقطع نفسها علشانا
جمال : لاءوالانيل لو قالتلك انا ولا اصحابك يا صفوان تعنل ايه وقتها بقا تفرد صدرك كدا وتاخد نفس وتقولها ازااي تقارني نفسك بصحابي انا بنام جنبهم ولا جنبك اناي طبعاً وبعد الجنلتين دول هتنقذ نفسك من حوار فيه كانت هتلم هدومها وتروح عند اهلها
غالب : نرجع بقااا لحوار خرجني انا اتخنقت انت لو معاك مليون جنيه في جيبك طلع 300 جنيه وقول مفيش غيرهم لو زدتي عنهم هنمسح المكان قبل ما نمشي
اسراء بصدمه : بسمله انتي و مروه شيلووو رجلتكم عندي بدل ما اقلب الفرح مشرحه
" الكل ضحك علي غالب وعلي صفوان وعلي جمال "
سلمي نامت علي ايد ليلي راحت عند مصطفي علشان ياخدها منها واتصدمت في سليم : السلام عليكم مصطفي معلش سلمي نامت ممكن تخليها معاك شويه
مصطفي اخد سلمي منها وبصلها تمشي ومشيت : كان نفسي تكون صاحيه وتشوفها بس مدام انت هنا شويه كمان لازم نشوفك كتير البيت زي ما هو متغيرش هات بعضك وتعالي انت مش غريب يا سليم
سليم ببتسامه : انشاء الله ربنا يخليهالك ويحميها شكلك خاالص يا ديشاا
ليلي شدت كنز وقالت في ودنها : سليم قاعد مع مصطفي
كنز بصت علي مصطفي وعيونها جت في عيون سليم : ما يجي وانا مالي
ليلي : انا بعرفك بس
كنز : تعالي يا ستي نرقص بلا سليم بلا جزر يلا
" صفوان مسك ايد اسراء ووقف في نص الصاله وبدأت اغنية الله يبارك لي فيك "
صفوان : يا حبيبي من حبي فيك لا هتكلم ولا غنيلك من اليوم دا هحبك حب جديد يخليني حبيبي ادعيلك كل كلمه في الاغنية دي حقيقي بتوصف حبي ليكي الله يباركلي فييك يا اغلي من عنيا الله يخليني ليك واجبلك الدنيا دياا الله الله حبيبي " وشاال اسراء في حضنه "
مصطفي وغالب وجمال : يا صفوااان يا وحشش الليله ليلتكك
اسراء بخجل في ودنه : انا اهو قدامك وبين ايديك انا كلي علشانك وملك لييك
صفوان بهمس : حاسس ان بحلم يا اسراااء معقول خلاص بقيتي مراتي بجد
اسراء حطت ايديها علي وشه بعشق : صدق يا حبيبي
" سألت قلبي بيحبك قد ايه وقالي قلبي دا حُب جديد عليه "
" كنز وسليم بصو لبعض ونفس كلام الاغنيه سليم ابتسم ليها انه حاول مع انه محولش علشان حد قبل كدا "
" الكل سقف ليهم "
ليلي لبسمله : شكلهم قمرر اوي ربنا يحميهم مكنتش اعرف انهم بيحبو بعض اووي كدا
بسمله : طب بصي علي كنز و سليم كدا بقا واضح يا ليلي انهم هيبقي بينهم حاجه
ليلي بصت عليهم : بس مين هيوافق بيه وهو متجوز ومخلف يا بسمله
بسمله : سبيها للأيام يا ليلي وانشاء الله خير
" غالب راح عند الديجي وشغل اغنيه ياعم الفرح فرحنا "
مصطفي راح عند ليلي : خدي سلمي خليها معاكي " وراح عند صفوان " شد حيلك شد دا الجواز بيهد
صفوان بضحك :اول مره احب الهده ياااعم عااوز اجرب الهده دي مره عادي
غالب شده عليه : شد حيلك يا عريسنا علي الله ترفع راسنا
صفوان برفع حاجب : لاء من النحية دي اطمن " وبص لإسراء " وانتي كمان يا عروسه ابقي شوفيه بكام بووسه متخليش بقااا نفسي في حاااجه عرفه تعملي اييه " وغمزلهاا "
اسراء فتحت بوقها : لاء مش عوزه اعرف اسكتت
ليلي مسكت ايديها بضحك : واحد نفذي طلباته
بسمله : اتنين ما بقيتي مراته
كنز بضحك : تلاته دلعي فيه ودادي
مروه : اربعه وخديه علي الحاااااااامي يااا بتتت
صفوان لمروه : خطيبتك يا جمال بتسخنها عليا من دلوقتييي يا نااس
جمال حط ايده علي كتفه : اصل انتو الليله ليلتكم اول ما تروحو علي بيتكم من الاخر كدا دلعيه افتكررر الجمااايل دي يااااض شد حيلللك بقااا
" اليوم عدي اسراء رسمي بقت مرات صفوان المعازيم مشيت والكل بيتصور مع اسراء وصفوان ليلي بتتصور مع جوزها وهكذا بسمله وهكذا اسراء وكنز وشهد وزينب قعدين علي الكوشه بيضحكو "
غالي لصفوان : اظن اتبسطوو يلا خد مراتك واطلع علي شقتك علشان طيرتك بكرا بدري الف مليون مبروك يا حبيبي
صفوان حضن غالي : الله يبارك في صحتك يا حج " وسلم علي الكل وراح عند اسراء اشتالها ببتسامه وطلع علي شقته "
مصطفي شايل سلمي اللي بتف علي اي حد تشوفه مصطفي اضايق جد من كدا : سلميي عيييب كدا هضربك
سلمي اول مره مصطفي يتعصب عليها تلاقائي عيطت اووي ليلي سمعتها راحت عندها : في ايه يا مصطفي بتعيط ليه جعانه يا روحي
مصطفي : لاء زعقت فيها ؟
ليلي بصت ليه : زعقت فيها ليه
مصطفي : شغاله تف علي اي حد المهم يلا لأن مبقتش قادر اقف من ضهري ورجلي اخلصي يلا عوزين نروح احنا
ليلي بحنان : يلا يا حبيبي نروح شكلك مرهق اصلا يلا
" مصطفي اخد مراته وعيلته ومشي علي بيته وهكدا غالب وجمال اخد مروه يروحها وبيت الحبايبه اتقفل والكل نام "
" في عربية مصطفي "
ليلي قعده جنبه وسلمي علي بطنها : مصطفي هو يعني ايه الاكتفاء ؟
مصطفي مسك ايدها : يعني مصطفي وليلي مصطفي مكتفي بيها وليلي مكتفيه بيه دا بنسبالي اكتفاء
ليلي ابتسمت : ويعني ايه الحب ؟
مصطفي بصلها وابتسم : يعني عيلة كان بينهم ما يصنع الحداد مشاكل ومصايب محدش في الدنيا قدر يحلها بس ابن الجبراني شاف بنتهم اللي اول مره شافها قالتله مش عوزه اشوف وشك تاني وسماها بت العدو بس تلاقائي بقت هي اللي عوزه تشوفه دخل الحب بينهم موت الحقد والكرهه حارب الكل علشانها والنهارده بقت في بيته ومعاه دا بنسبالي الحب
ليلي بحب : ويعني ايه الجنون ؟
مصطفي ابتسم اووي : ان بكون في شغلي بس بفكر فيكي عاوز اشوفك طول الوقت لما اتأخر عليكي افتح صورك اشوفها ان ممكن اضحي بالعالم علشانك دا الجنون بنسبالي
ليلي بعشق : ويعني ايه الثقه ؟
مصطفي باس اديها : ان اسيبك بين مليون راجل وانا متأكد ان الوحيد اللي مالي عينك
ليلي : انا بعشقك يابن الجبراني
مصطفي : بمووت فيكي يابت العدو ؟!