رواية قلبي بريء الجزء الثانى2
الفصل الثالث3
بقلم لوريتا يونس
سارة : سليمة عدا اسبوع على يلي حصل اكيد الناس نسيت
سليمة بدموع : لو كل الناس نسيت أنا مش هنسى يلي حصل ..يا سارة انا اتفضحت
سارة : متقوليش كدا تاني يا سليمة ، انتي لازم تثبتي للناس انك قوية وان البهاق ده حاجة مبتقللش منك بالعكس دي بتميزك عن غيرك ، وده مش كلامي علفكرة دا كلام حَبيب القلـب .
سليمة بخجل : يونس
سارة بخبث : بس انا مقولتش يونس
سليمة بكسوف : بس يا سارة
سارة بضحك وغمزة : يا سبحان الله اول ما جبنا سيرة يونس البت عينها طلعت قلوب ووشها احمر ونسيت زعلها في ثانية ، يلا بقى يست الحبيبة انتي روحي زي الشاطرة كدة والبسي
سليمة باستغراب : ليه
سارة بغمزة : عشان ننزل نقابل حبيب القلب
سليمة بضيق : بطلي استظراف يا سارة
سارة : خلاص يووه ، رايحين عند الشلة نصور فيديوهات
سليمة بحزن : فكرك هينفع اصور فيديوهات تاني اصل يعني بعد يلي حصل
سارة : ايوا هينفع عادي ..يلا البسي يا سليمة وانا هستناكي
سليمة بتوتر : حاضر وامري لله
..وبالفعل لبست سليمة وخرجت مع سارة وراحو اتقابلو كلهم في الشقة كانو بيحاولو يضحكو سليمة ويفرفشوها بالأخص يونس لكنها كانت حزينة جدا ومش قادرة حتى تضحك
حسام : بقولكوا اي يا جماعة انا هعملي كوباية شاي اعملكو معايا
سليمة : لا خليك انا هعمله
يونس وهوا بيمسك ايديها : لا خليكي قعدة معايا هوا هيعمله
سليمة بابتسامة : انا ليا طريقة معينة بعمل بيها الشاي ، بحط فيه شوية نعناع ، متخافش مش هتاخر هعملكو معايا ماشي
" ماشي "
..راحت سليمة المطبخ وبالفعل عملت الشاي وحطت فيه نعناع وجت تشيل الصينية كانت تقيلة طبعا بسبب الكوبايات الكتير في ايديها اترعشت ووقعت كلها على لبس ليلى
سليمة بخضة : انا اسفة بجد انا اسفة ليلى انتي كويسة
ليلى بغضب جحيمي : انتي عامية ولا متخلفة ولا اصلك اي بالظبط
حسام بقلق : انتي كويسة يا ليلى
ليلى : لبسي كله اتبهدل هروح ازاي بالقرف ده
يونس ببرود : والله المفروض تحمدي ربنا إن الشاي مطلعش سخن ، بدل ما انتي عمالة تندبي في حظك كدا
..بصتله بغيظ ودخلت الحمام يونس قرب من سليمة
يونس بحنان : مالك بس بتعيطي ليه
سليمة بدموع : والله ما كان قصدي ايدي اترعشت فجأة ، وبعدين الشاي كان نفسي تشربه اوي كنت حطالك فيه نعناع
يونس بضحك على لطافتها : بس كدا طب تعالي
...أخدها و دخلو المطبخ
يونس بابتسامة: طب انا هعملك بقى شاي على طريقتي وانتِ اعمليلي على طريقتك اشطا ؟
سليمة بفرحة : اشطا
..عملو الشاي وشربوه وهما بيحكو عن نفسهم
سليمة : تعرف حاجة يا يونس ، انا زمان كنت بفضل جواز الصالونات ، بس اكتشفت أن الجواز عن حب اجمل بكتير مفيش احلى من انك تكون عارف الشخص بقالك سنين فاهمه وهوا فاهمك ومتمسكين ببعض رغم المشاكل يلي بتحصل احيانا بينكم ، واهم حاجة المشاعر يلي في قلوبنا لبعض تفضل موجودة حتى لو عدى 100 سنة
يونس : بصراحة أنا بقى مختلف معاكي في الحتة دي ، انا بالنسبالي جواز الصالونات احلى بكتير مش كل حاجة الحب احنا ممكن بالمودة والرحمة العلاقة تبقى احسن من كتير يلي في بينهم حب بقالهم سنين ، وانا لما هتجوز هتجوز صالونات مش عن حب
سليمة : طب اوصفلي كدا فتاة احلامك عاملة ازاي
يونس بابتسامة: محجبة ، شعرها يلي هشوفه انا بس طبعا يكون ناعم ، كيرفي ، محترمة ومتربيه ، طيبة وعلى نياتها
..سليمة بصت للارض بحزن لما لقت أن ولا حاجة في يلي قالها فيها ، وهيا كمان سمحتله أنه يقرب منها قبل كدة ، يبقى هوا اكيد شايفها مش محترمة
سليمة بحزن: هوا أنا ممكن اسالك سؤال
يونس : اه طبعا اتفضلي
سليمة : هوا انت شايفيني قليلة الادب صح
يونس بصدمة : نعم ! اي يلي انتي بتقوليه ده يا سليمة وازاي تفكري اني ممكن اكون واخد فاكرة عندك كدا !!
سليمة : انا مش عبيطة يا يونس انا بوستني من خدي وحضنتني وانا سمحتلك عادي ، وانت اكيد دلوقتي شايفني اني مش محترمة عشان سمحتلك تقرب مني .
يونس بهدوء : بصي يا سليمة ، انا بصراحة ساعتها فكرت فيكي بطريقة مش كويسة شوية ...بس انا فرحت لما انتي قولتيلي كدة دلوقتي ، عشان معنى كدا انك حاسة بتأنيب ضمير انك سمحتي لولد يقرب منك وانك كان لازم تاخدي موقف ، بس مشكلة يا سليمة احنا بشر وبنغلط وانا كمان غلطت لما قربت منك ..بس انا حياتي عبارة عن كدا عندي البوس من الخدود للبنات ده زي السلام عليكم كدا ، فا انا اسف متزعليش مني لو كنت تماديت
سليمة بابتسامه: ولا يهمك يا يونس ، احنا هنتفق اتفاق احنا هنعمل ما بينا حدود وانا مش هحضنك تاني ولا انت هتقرب مني ..اتفقنا
يونس بابتسامة: اتفقنا
...بعد الحركة يلي سليمة عملتها كبرت في نظر يونس اكتر وحمد ربنا أنه معملش يلي كان بيفكر فيه معاها ، وأنه كان يأذيها وياخد غرضة منه ..بس هوا مقدرش يعمل كدا ومقدرش يجرحا وبرر لنفسه بأنها صعبانة عليه مش اكتر .
ليلى بغضب : الله الله بقى انتي بقى يا هانم موقعة عليا كوبايات الشاي كلها عشان تستفردي بحبيبي
يونس بغضب : ليلى انا قولتلك كام مرة انا مش حبيبك
سليمة مشيت من قدامهم ومشيت وراها ليلى وسارة وسيف حسام شافوهم
ليلى بزعيق : مش هتمشي يبت انتي من هنا ومتفكريش أن وش البراءه ده هيدخل عليا
يونس بغضب وهوا بيمسكها من دراعها : لا بقولك اي لحد هنا وكفاية انا ساكتلك من بدري ، انتي اصلا مين عشان تدخلي في حياتي بأي حق جاية تحاسبيني ..انتي ومال اهلك بيا اصلا
ليلى بعصبية : بتشتمني يا يونس وعشان مين عشان المبقعة دي
..بصلها بصدمة وكان لسا هيشتمها اتفاجأ بسليمة يلي ضربت ليلى بالقلم سمع كل يلي موجودين من قوته وو