رواية حكاية الطفلة اثيل
الفصل العشرون20
بقلم شهد عبد الله
احس بي يد في كتفي اتلفت لقيتو سند
=انا موش قلت ليك م تبكي ؟
-م بيدي والله م بقدر اتحكم في دموعي
=لا تتحكمي انت اقوى من كدا وانا معاك يعني دموع وزعل ماف باسني في راسي وقعد جمبي ❤️ بعد شويه جو ميمو وعبودي مشينا قعدنا ساكتيين عبودي قال كنتي بتبكي ؟
=ابدا 😊
ميمو قالت لي ي ماما انتي رغبتك شنو ؟ وعاوزة تقري شنو ؟
=علم فلك 😍❤️
سند قال لي علم فلك ؟؟ ميمو قالت يعني شنو علم فلك؟ عبودي قال اول مره اسمع بيه
=طيب علم فلك ي ماما هو علم بختص بدراسه الغلاف الجوي من اجرام سماوية وكواكب وغيرو وهو جزء من علم الارض ❤️ بشبه علم الفضاء إتنشأ عام 1957 بعد اطلاق اول قمر صناعي اسبوتن الاول في اكتوبر 1957 بعدها اخترع المهندسون ارسال الحيوانات اول وقرر الاتحاد السوفتي اجراء التجربه في الكلبه لايكا واطلقو القمر الصناعي SPVTNIK2 يوم 3 نوفمر 1957 من التجربه دي عرفو انو الكانئنات الحيه يمكن ان تعيش خلال اطلاق مراكب فضائية اول علماء وصلو القمر يوري غادرن و مسترونق
ميمو قالت لي واو ي ماما😍😍❤️ بتجيبي المعلومات دي من وين😍
=علم الفلك م رغبه وبس هو شغف بالنسبه لي ❤️
عبودي قال لي طيب اقرا شنو عشان اتخصص علم فلك؟
=بحتاج رياضيات وحاسوب وفيزياء❤️
سند قال لي ي ماما القمر ببعد كم مننا ؟
= 335 الف متر تقريبا
-طيب وانتي رغبتك شنو؟
=اصل القمر❤️
-واو ي ماما بجد انت بعيده شديد واحلامك واسعه❤️ عبودي قال لي حنساعدك في تحقيق احلامك
=كيف؟
-امتحني علمي حاسوب مع سند
=😂😂انت مجنون كيف امتحن مع سند لالا مستحيل يقولو علي شنو بعدين اقرا انا ولا اقريكم م مشكله انا بشوف احلامي فيكم حاخلي ميمو تقرا علم فلك ❤️
سند قال لي ماف مستحيل ونحن معاك بعدين ديل منو البقولو هم اصلن سكتو بتيين؟ م عاوزنك تشوفي حلمك في زول عاوزنك تحققي انتي ❤️
=خلاص تاني م عاوزة نقاش في الموضوع دا ويلا النوم بكره عندكم مدراس نزلت خليتهم قاعدين
سند قال ليهم امي دي عظيمه يااااخ اتخلت عن كل شي عشانا❤️ ميمو قالت لي لازم نرجعا 20سنه لوراء وعشان نرجعا خلونا نشيل حاجز انها امنا عبودي قال ايوا كلامك صااح لازم نهتم بيها نفس الاهتمام بنفس الطريقه ونخليها تعمل البتحلم بيه هي م اقل مننا في شي ضحت باحلامها وعمرها عشانا من واجبنا نضحي ❤️
=اسي يلا النوم وبكره بعد المدرسه بوريك تعمل شنو دخلو نامو انا اتاكدت انهم نامو ومشيت نمت صحيت الصبح للصلاة وبقيت اراجع معاهوم الساعه سبعه شربنا الشاي وصلتهم مدارسهم ❤️ورجعت بديت انضف بعد خلصت عملت ليهم الغداء ودخلت هدوم سند الغساله وطلعت لرغد ❤️قالت لي خير مالك امبارح قاعدة في السطوح ل11
=مع اولادي والله قالو اقرأ تاني😂😂❤️
-مالو كلامن صااح اقري تاني😍❤️
=انتي ي رغد م جاده ولا شنو اقرا كيف انا راسي م قادره احكو عندي مسؤولية تلاته وبيت كمان دا غير الشغل الماسكو عمر اعمل شنو ولا شنو ياداب الحق انوم 5ساعات💔 خلي لم اقرأ كمان
-ربنا يعينك والله لكن انا متاكده عندك رغبه ولسه عاوزة تقري
=احلامي في كوم واولادي في كوم مرات لازم تتطفي الجواك عشان تنوري ليهم هم حاجات كتييرة ضحيت بيها عشانهم والله م ندمانه لانو هم الحينفعوني وهم البسندوني انا م عندي غيرهم لا اب لا ام لا اخو 💔 رغد قعدت تبكي قالت لي م عارفه اقول ليك شنو
=م تقولي حاجه انا فاهماك والحمد لله علي كل حال ي زوله ❤️ يلا انا حاتم باقي الغسيل عشان مواعيد المدرسه جات ❤️😘 نزلت غسلت الهدوم رقدت حبه نمت طوالي صحيت مخلوعه لقيت العصر باذن طوالي لبست ومشيت مدرسه ميمو قالو اخوانها ساقوها مشيت ليهم في المدرسه قال طلعو من 2😳😳راسي ضرب مشو وين يعني ضربت لرغد قالو م جو💔 بضرب في تلفوناتهم مغفوله ضربت لي ماجد قال م عارف شي عنهم بقيت بفتش لي خمسه خفت شديد طوالي مشيت الخرطوم اتنين دخلت الشركه واتوجهت لمكتبو بدون مقدمات دفرت الباب وبقيت اصرخ انا عاوزة اولادي وديت اولادي وين ي وائل اقسم بالله يحصل ليهم حاجة اقتلك واسلم نفسي
-اثيل بسم الله😳😳😳
= م اثيل ولا زفت انا عاوزة اولادي سكتك ليك عن كل شي الا ديل فاهم 💔
-ي بت والله م عارف وينهم بعدين نسيتي ديل اولادي برضو انا مستحيل اضرهم
=كذاب والله ديل اولادي براي وتاني بقول ليك لو عرفت انهم معاك ولا عملت ليهم شي م تلوم الا نفسك وعارفني بعمل شنو انسان مريض ومشيت خليتو بقي لاحقني ويكورك اثيل اثيل والشركه كلها تعاين مشيت زي الم بتكلم معاي اول م ركبت العربية وقف قدامي
=زح من وشي احسن ليك
جاء ركب معاي وقال انا زاتي خايف عليهم بدل البتعملي دا ارح نفتشهم م رديت واتحركتا ضربت لمحمد قال م جو قلبي وجعني شديد انا لو خسرتهم بموووت والله 💔 حيلي مات وقفت العربيه وبقيت ابكي 💔 ي رب تغطي عليهم وتحفظهم لي ي الله انا م عندي غيرهم ي الله وانهريت بكا هنا وائل زاتو بكا وحضني عليهو 💔زحيت منو دورت العربيه ومشيت البيت باب الشارع فاتح خفت زيادة💔كان معلق في حيطه الشارع لانك عظيمه ومعاها سهم ❤️ دخلت الحديقه كلها عبارة عن كواكب وبدل فضائية عاوزة ادخل البيت البروجكتر بدا يعرض صوري مع امي وابوي صوري واولادي صغار مصورني وانا بطبخ وبلعب معاهم❤️صوره بجضدم عبودي مكتوب انتي منطق امان صوره حاضنه سند انتي الحنان❤️ صوره انا وميمو بنطبخ انتي احسن صديقه واخت ❤️دموعي سالت بغزارة دخلت كانو معلقيين في المدخل صورة كبييييره فيها انا وهم الانوار فتحت كانو التلاته واقفين وبغنو هابي بريد دي تو يو سنه حلوه ي عظيمه سنه حلوه ي اميره سنه حلوه ي اثيل ❤️ حضنتهم وكملت البكي قلت ليهم خفت عليكم والله 😭😭😭😭😭❤️عليكم الله م تعملو فيني كدا تاني
سند قال لي بتخافي لدرجه دي؟
=انت اهبل انا عندي غيركم عشان م اخاف عليكم 😭😭❤️عشاني ي ماما بلاش مفاجات بتجلط😭
عبودي قال لي اثيل م ممكن يعني🙂بقيتي حليمه اكعب من ميلاف بنجهز من الصباح اعملي حركات الهنود دي ونططي وقولي واو اوو اي شي😂😂🙂😒م تتبكي م هندا نحن كويسين 😒
=انت ي حيوان دي فكرتك موش😂😂😘
-بري افكار سندك العاقل😂 ميمو قالت لينا ي ماما ولعت الشموع خمسه مرات🙂
=جايه😂😂❤️ طفيت الشمعه وكلهم عايدو لي عاينت لوائل كان ماف م اشتغلت بيه بقيت اتونس معاهم سند قال لي وائل حامد البجيبو بيتنا شنو؟
=انا مشيت ليهو افتكرت خطفكم ولا شي
عبودي قال وقفي المسلسلات قلت ليك😂😂🙂
=اسكت مني احسن ليك😒
سند واصل كلامو قال لي اه م علينا بيه المهم انك معانا
=عيب ي ماما دا ابوكم
-ابو عبودي وميمو وانا وابوي وامي اسمها اثيل❤️ عبودي وميمو قالو لي نحن برضو
=انتو عارفين انو الوالدين ديل لو قلت ليهم اف ربنا بحاسبك ؟ وهم البدخلوك الجنه حتي لو قصر في حققكم وظلمكم ربنا بحاسبكم عليه انتو اطلعو من حقو وخلو ربنا يحسابو وبطريقتو بعدين انا م ربيتكم كدا 🙂سند قال لي والمطلوب؟
=المطلوب تعتذر وتطلب العفو وكدا ربنا برضى عنك م رضا الله الا في رضا الوالدين
-عشانك بس🙂
=يوم الجمعة كلكم حتعتذرو من ابوكم لو م لقيتو عند ناس جدكم حتمشو بيتو عبودي قال لي م بخش بيت ياسمين
=دا بيت ابوك وانا م قلت امشي اسكن حتعتذرو وتجو وياسمين دي تسلمو عليها عادي في النهاية زولة كبيره مشكلتها معاي م معاكم
-امي انت م معقوله 🙂
=لا معقوله انا ربتكم كدا
-هو موش قال م عرفتي تربي ؟
=يقول العاوز دا ابوك م بتحاسبو😒
-فهمنا
=اهااا يوم الجمعة حتعتذرو؟
-نحن حنعتذر لكن نسامح دي م بتقدري تجبرينا عليها
=هو الله بسامح وبغفر انتو منو عشان م تسامحو؟
-م كل الدنيا عندها قلبك وبياضو وماف زول صافي زيك❤️والحنينه اسم لايق عليك ❤️
=😂😂❤️حبيبي ي ناس عبودي بقي يقول كلام حلو
-اصلن انا حريف في الحاجات دي 😌
=ي ولد احترم ادبك😂😂😒
سند قال لي م اديناك هداياك ❤️ميمو جابت لي بوكس بتاع ميكب ماركه هدى بيوتي 😘 وسند وعبودي خاتم دهب مكتوب عليهو سندي❤️عبودي قال لي يعني انا برضو سندك😒
=الغيره دي😂😂❤️ يلا النوم حبايبي دخلت غرفتي وبقيت افكر جاني سند قال لي م تخافي سند حيعتذر عشانك بس اعتبرو ابوي دي مستحيله
=انت كيف بتعرف انا بفكر في شنو😳
-لاني سندك علي قولك وبقدر افسر كلام عيونك قبل تنطقي حتى لم تسرحي بعرفك بتفكري في شنو🙂❤️عرفتك حتمشي لوائل وعارف حتكوني منهارة كدا انا كنت عاوز يشوف انو انتي بتحبينا كيف وبتخافي علينا اكتر من نفسك وعايزو يجي عشان يعرف انو م ليو وجود في حياتنا 🙂
=بقيت اخاف منك والله 😂😂يعلم الله بحبك
-بموت فيك واسي م تفكري في ردة فعل وائل لمن نعتذر حيكون خجلان وم عندو ردة فعل🙂
=😳😳😳والله العظيم حيرتني
باسني في راسي وهو بضحك نومي ي غاليه نومي😂😂😂❤️
لمن جاء طالع وانا بفكر هو بعرف الحاجات دي كيف؟اتلفت علي قال لي لاني نسخه منك وفي كل تفاصيلك طبعي حاعرف تفكيرك واشيل الهم قبلي يجيك😂❤️ انا هنا خفت حقيقه قلت لي طير نوم ي ولد😂❤️
-حبيبت الولد طرتو😂 طفا لي النور ونمت المنبه ضرب دخلت استحميت اتوضيت لبست عباية الصلاة وشلت مصلايتي ماشه اصحيهم لقيتهم كلهم وافقين في مصلاياتهم منتظرني😳 خلعوني طبعا صلينا مشيت اكوي الهدوم لقيتها مكويه استغربت عاوزة اعمل الشاي لقيتو في السفره بعد لبسو وجو قلت ليهم الليله مالكم😂😭😂😂 عبودي قال لي الحمه عاليه موش؟
=دي حمه مالطيه عديل😂
سند قال لي ولا شي دا مفروض يحصل من زمان وطلعو مشيت وصلتهم وم اتونسو خالص ولا قالو اقيف ليهم عاوزين حاجه كالعاده بوقفوني ميه مره لحد م نصل وصلتهم باسوني ونزلو وم وروني اطبخ ليهم شنو اصلن بعمل لي اي زول العاوزو حيروني😂😂😂وصلت البيت لقيت رغد في المطبخ بتطبخ 😳😳
=اجي انتو كلكم كويسين ؟ واثيل وين ماله م طلعت الليله
-سجلتها في ترحيل
=انتي متخلفه 😒😒من الروضه بوديهم بعدين ثانويتها فاتحه في مدرسه سند وعبودي لي يعني😒
-م قلت عشان تريحك😊
=تريحني شايلاها في راسي انا ولا موديها الجنوب م بنزلها جم مدرستهم وبخشو كلهم 😒😒😒قال تريحك قال سرعه تضربي تلغي الترحيل وتخلي عوراتك دي😒
-الليه هرشتيني انا اختك الكبيره ي بت😂😂❤️=اختي متخلفه غظتيني والله😒😒
-اسفه 😘😘 تعالي شوفي المحشي نجض ولا لا
=😂😂 ي سلام عليك اكلتنا المفضله انا وعبودي😂❤️
-هو زاتو طلبها مني 😂
=عبودي ؟ غريبه يكون جنو مصاحبك😂😂
اتونسنا عملنا الجبنه ومشينا السوق نشتري حاجات ضرب لي عمر
-الو
=اثيل ي هلا
-اهلين بيك
= عاوز اشوفك ضروري
-طيب بتيين يعني؟
=زي الساعه اربعه جم مدارس الاولى في كافي....
-طيب ان شاء الله اربعه بكون عندك 😊
رجعنا البيت م كان عندي شي شربنا الجبنه صليت العصر وطلعت جبت اولادي سند قال لي دا م طريق بيتنا
=ايوا حانزل خمسه دقائق واجيكم
-ماشه وين؟
=حاشوف عمر ي ماما عندي
معاهو شغل وم بتاخر عليكم
وقفتهم الكافي كان فاتح في محل اسكريم قلت ليهم انزلو لحد م اجيكم
لاقيت عمر وسلمت علي قعدنا طلب لي قهوة
-كيفك والله مشتاقين
=كويسه والله الحمد لله انت كيفك
-تمام والله طبعا حتكوني مستغربه عاوزك لي
=لا م مستغربه اكيد في الشغل
-الله يفتح عليك شغلك ماشي كويس شديد ومحلاتك اشتهرت شديد بذات محلات الدهب في سوق امدرمان وذي م قلتي الارباح بتتقسم بالتساوي علي خمسه لكن اخوانك قاطعتو قلت لي قصدك اولاد المرحوم عماد 🙂
-اي شهري برسل لي ايمن السعوديه وياسر وخالد بصل ليهم في المحميه بس اخوك اقصد منذر عماد ليهم 17سنه م شال ولا جنيه خلعني طبعا قلت لي بكل لهفة هو وين 😳💔
-م معروف والله ماف منو خبر وماف في شندي وقروشو زادت وم عارف اوديها وين
=طيب سهله تعمل حساب باسمو تخت فيها القروش شهري اول م يظهر تدي حقو
-كنت مفكر اعمل فندق بقروشك في كسلا
=قروشي دي انا مسلاماك ليها اعمل العاوزو ودخل الارباح في حسابات اولادي
-طيب ي اثيل بالبنسبه لموضعنا؟
=شوف ي عمر جيت اتناقش معاك في الشغل موضوعنا قفلتو من قبل 15سنه بولاده ميلاف صح؟ خلينا اخوان احسن واولادي بقو رجال اسي تعال سلم عليهم مشينا محل الاسكريم وعرفتو عليهم قلت لي دا سند ودا عبودي ودي ميلاف ودي اثيل بت رغد سلم عليهم وقال م شاء الله كبرو❤️ ودعناهو واتحركنا سند قال لي انتي كيف بتامني اموالك لي عمر
=مالو عمر؟
-في النهايه اخو ياسمين وامو عواطف م تنسي ي امي
=اي هو ولدهم لكن م عندو علاقه بيهم ولا بشبهم انسان خلوق وطيب وامين وزول اتربى معاي انا وسيده يعني اخونا
-اممممم طيب
وصلنا البيت عبودي جرا المطبخ قلت لي براحه بتقع😂
=انا المحشي م بجامل في
رغد قالت لي هي امك خلت ليك حاجه😂
=صحي الكلام دا ي اثيل😳
بتهظر معاك ي ولد امشي غسلو يدينكم عشان اخت ليكم الغدا 😂😂دخلت الحمام وجيت لقيتهم ختو 😳😂قلت ليهم يعلم الله ماف زول فيكم طبيعي 😭😂انتو كويسين م تخوفوني عليكم 😭
عبودي قال لي والله ي امي انا طبيعي مساطيل البخدمو ديل😂
=انت لو خدمتا معانها جنييت عديل😂😂 رغد قالت لي دا عبودي الختا الاكل وعمل العصير
عبودي بقي يغني ي ظالماني😪
=حبيبي انا😘❤️
وقعدنا ناكل بعد المغرب جيت اقول ليهم القرايه لقيتهم اي واحد ماسك كتابو سالتهم م شاء الله عليهم م عندهم ولا غلط الساعه 9صلينا واي زول فات سريرو نام باقي الاسبوع برضو كانو مواصلين بنفس الانضباط حيروني طبعا😂❤️ يوم الجمعة هم صحوني للصلاة قرينا صوره الكهف واصلن كنا ختمنا❤️ عملت بليله وبلح ورسلت عبودي وسند يوزعوها في الجامع❤️بعد جو طلعت ليهم غيارتهم لبسنا واتحركنا لي بري ❤️
في مكان تاني :
صحي زهجان وبقى يصحي فيها ي ياسمين قومي عايني الساعه كم اهلي راجننا
=طيب ي ولي م تصرخ قايمه
-جلابتي وينا 😒
=اسال الشغاله 😊
-اثيل عمرها م قالت لي اسال زول كانت بتجهز لي من سبعه وم حصل خلتني امشي الصلاة بي بنطلون وقميص 💔
طوالي اتنفضت فيهو انت في شنو الايامات دي اثيل اثيل لو عاجباك قدر دا امشي ليها م تعمل لي وجع راس
-ولا يوم اتكلمت معاي بالإسلوب دا🙂💔دا م غلطتك غلطي عمري والله
=قصدك شنو انت 😡
-ولا شي حبيبتي قومي البسي عشان منتظرننا بالفطور 😘❤️
=اووووووووف
-عارفه ي ياسمين قبل اسبوع اول مره احس اني وحيد وم عندي سند في الدنيا دي
=لي مالك ان شاء الله الناقصك شنو بيوت وشركات ويومي من دوله لي دوله وتركب العربيه دي وتنزل من دي وم خليت لي بت م جكستها واسي عايش كانك مراهق الناقصك شنو
-مع ديل كلهم انا وحيد م شفتي اولادي عملو لي امهم عيد ميلاد كيف وهي خافت وعاوزة تموت عشان اتاخرو تلاته ساعات م لقتهم انا عايش سنين بدون💔يكون الغلط مني؟ انا الفرطتا معقول؟💔 انا وحيد بالجد
=وحيد انا م ماليه عينك بعدين اثيل اصلن مربيه اولادها من صغار ومحرشاهم عشان يكرهوك واي شي بحصل ليك بسببها كرهت اولادك فيك وانا الله م رزقني😭💔 وقعدت تبكي
-م تبكي حبيبتي م ذنبك واثيل دي بكرها شديد
=الكلام دا من قلبك😪
سكت مسافه وقال ليها اي 💔
انا وصلتا سلمنا عليهم ودخلت لعمو حامد حضني وبكي قال عرفت بالعملو وائل الله يهدي واعفي لي لاني م حافظت علي وعدي 💔
=العفو ي ابوي انت م عندك علاقة معاهو وائل ربنا يهدي والله م فارق معانا كتيير
-ي بتي انت م بتقدري تعيشي من غير راجل المسؤوليه دي م بتقدري عليها براك
=نفس الكلام قلتوهو قبل 12سنه وقدرت اعيش وقلت ليكم انا في حد زاتي راجل لي نفسي واولادي بقو رجال ❤️م محتاجه تاني راجل
-ي بتي اي بت محتاجه لحب واهتمام محتاجه راجل يسندها ويقيف معاها اطلقي من وائل دا وعمر قاطعتو قلت لي انا م زيهم كلهم انا اثيل وابدا م محتاجه حب ولا راجل وعمر دا م عاوزة افتح موضوعو وبعدين ي ابوي بيني وبين وائل ورقه وبتشرط 🙂😌يعني لا وائل ولا عمر فارقين معاي وم تشيل همي ابدا انا مبسوووطه شديد واولادي اكتر مني وم عاوزين عنصر خامس خالص في حياتنا لو كان قريب ولا بعيد نحن متكاملين ومكملين بعض❤️ دموعو جرت تاني قال لي راجل والله😂
=لا م راجل انا بت انا ام
لدن نادتنا للفطور طلعتا لقيت وائل قاعد وجمبو ياسمين الحنه لي عيونا ولا بسه توب يتراقش وغايتو اولادي كانو قاعدين بعيد سلمت عليهم وقفت جم ايمان واديتهم نظرة ميمو قامت سلمت علي ابوها في راسو وتاني في خدو وقالت اسفه ي بابا هو فرح شديد قال ليها م مشكله 😍❤️ عبودي حضنو وقال لي القلت م ربتنا هي الخلتنا نعتذر ليك واسف ي ابوي وائل باسو قال لي نعمه التربيه انا كنت مبسوطه وبضحك ❤️ سند همس لي في اضانو قال لي شفت البتضحك ديك صدقني جيتك عشان خاطر الضحكه دي اما انت زيك زي اي جردل في حياتي 🙂 واسف ي وائل حامد واوعك تحاول ترفع يدك تاني لانو دي حتكون اخر مره اعتزر فيها 😁 لمن سند جاء ماشي وائل مسكو من يدو ودموعو جاريه اعفي لي سند اشر علي السماء وقال يعفي ليك هو 😊قلت لي احم الاكل برد قعدنا اكلنا والعصر شربنا الجبنه واخر ونسه ومبسوطين طلعنا منهم المغرب وائل قال لي عاوزك
=خير🙂
-ان شاء الله خير ثواني من وقتك
=طيب مشيت معاهو علي جم قال لي اثيل ومسك يدي اول م مسك يدي اولادي التلاته وقفو قدامي قال ليهم بسم الله م عاوز اضربها😂😂 سند قال لي قول العاوزو هي بتسمعك من ورانا 🙂 قال لي يبدو بقيت م بعني ليكم حاجه
=ابدا والله🙂
-ولا شي؟💔
عبودي قال لي الشي كتيير 🙂
-حقكم والله دا غلطي انا وغبائ م زنبكم💔امشو واعفو لي وخلو بالكم منها
=م بنتوصى عليها نحن 🙂 مسكوني ومشينا كنت بعاين لي كان مكسور شديد وندمان لكن م بقدر ارجع شي انا كلامو صح دا غلطو هو ركبنا نزلتهم في شارع النيل قعدنا ساكتين نص ساعه قلت ليهم بتعرفو شنو عن جبر الخواطر؟ عاينو لي بستغراب سند قال لي تجبر خاطر تفرح زول؟ ميلاف قالت م عارفة وانت
=جبر خاطر تفرح زول على قول سند ❤️
غلط جبر خاطر لم تلقى زول زعلان تقعد تراضي لمن تضحكك زول في نص بكيتو لم تشيل الهم في عز الوجع بتجبر خاطرو لمن تنفذ طلب زول وم تخجلو ❤️ لمن تفرح انسان من جوه قلبو لمن تبقى كتف لزول محتاج خليكم دايما جابرين خواطر عاينو لماشاعر غيركم وكونو سند لكل محتاج م تحرجو زول م تكسرو خاطرو💔حافظو علي سعادت غيركم ربنا بديكم السعادة ❤️الناس لمن تموت م بتشيل قروش ولا رفاهية نحن ماشين بقماش ابيض سامحو ياااخ بعدين م بنفعكم الا دعوات الخواطر الجبرتوها دي ❤️
سند قال لي انتي بتقولي كدا عشان وائل؟
=م عشان وائل عشان نفسكم دي وائل دا ابوك م تكسرو بخاطرو ولو اعتزر سامحو
-وانتي لمن بتبكي وقلبك يتقطع المسح دموعك منو لمن بتتوجعي براك الشال همك منو ؟ الجبر خاطرك منو؟ وائل معاك في نفس البيت حصل فرحك ؟ جبر خاطرك؟ نحن نجبر خاطرو لي ؟
=نحنا م بنعامل الانسان بالمثل نحن بنعامل الانسان بمعدنا الاصلي الاتربينا عليهو صح ي عبودي
قال صح ي ماما سند قال لي انت اسكت هس من زمان ود ابوك واي شي ابوي ابوي وقدر م يعمل انت م بتفهم وبترجع لي عبودي قال لي دا واجب ولو كدا انت ولد امك واي شي امي امي سند قال لانو امي تستاهل م زيك انت اصواتهم علت كوركت فيهم قلت لي انا بقول في شنو وانت بتقولو في شنو عبودي اعتزر سرعه
=دايما هو يغلط وانا اعتذر اسف وفات ركب العربيه ميمو قالت ليهم اسي انتو مالكم 😒سند قال ليها شايفه قلت ادبو وم احترم امي قاعده هو يكورك الا اكسر راسو عشان يمشي عديل قلت لي دا اخوك الصغير لم يغلط صلحو م تعاقبو واول م نصل تعتذر فاهم انت زاتك غلطا ركبنا الطريق كلو عبودي ساكت وميو وسند بلعبو اول م دخلنا سند قال لي اسف عاين لي وفات دخل غرفتو سند قال لي شايفه؟
=م مشكله امشي اعتزر انت ي ماما 😘 سقت ميلاف ومشينا هو دخل غرفة اخوهو
=ي مان🌚
-.......ا
=عبودي حبيبي انا 😘
-اننننن😒
=دقيقه اتذكر بتقولها كيف غير صوتو وحرك رموشو بطريقه مستهبله وقال عبووووووووووودچي 😂
-قلت ليك ميه مره م تحاكيها😂😂😂😏😏ذاتك م بتقولها زيها 😒
=انت چادي 😂
-سند اتخارج موش قلت ود ابوي ولا زفت 🙂🙂
=احي انا من الجضوم الحلوه دي امممح بحبك ي ولد😂
-لو م فكيتني بعوقك😒
=ابييت الا تقول م زعلان امح امح حبيبي ي ناس وحلاتي الجضوم دي 😂
انا لقيتو ماسكو عاوز يقتلو قلت لي م رضا لسه؟
=اي عارفه قلبو اسود م برضا سرعه 😂😂
-شفت عشان كلامك دا م مسامحك😒
بقينا نكلكل في ويضحك هي راضي
=م راضي 😂😂
-م راضي طيب 😂=خلاص راضي راضي خلوني 😂😂😂😂
سند قال لي قول الرووب 😂😂
=الرووووووووب واي ي امي خلوني بموت والله 😂😂😂😂😂😂😂
-معفن 😘
بسنا وطلعنا ميمو بتضحك قالت لينا يستاهل
سند بقى يعاين ليها😈😈قالت لي نظرات دي م طمنتني قامت جاريه وهو وراها 😂😂
=والله الليله تكسرو لي حاجه تنومو في الشارع 😂
عبودي طلع معاهو وبقيو يتجارو ويتعاورو 😂😂دخلت غرفتي بضحك نمت خليتهم بلعبو الصباح لقيتهم راقدين جمبي قومو ي ماما الليله الصبح فاتنا😳😳😳 سند قال م قادر
=الليله واداكم النادي عندكم مسابقه نسيتو قومو سرعه 😒 قامو لبسنا وطلعنا لمن وصلنا النادي سند قال م تجينا بنرجع الساعه 4 برانا
=لي اربعه؟ المسابقه بتنتهي وحده
-طالعين مع الشباب ي امي
=م مشكله بوصلكم انت والشباب
-م ظريفه ي امي يقولو علينا شنو نحن بنرجع برانا
=خلو بالكم وم القى التلفونات مغفوله 😒
-اوكي😘😘باي
بعد نزلو قلت لي ميمو نحن نعمل شنو؟
=نمشي لخالتو رغد واثيل
-فكره وصلنا البيت طوالي طلعنا ليهم بنتونس رغد قالت نفسها في بسكويت
=عندي
-م بسكويت جاهز قصدي خبيز
=نخبز طيب ميمو اليوم داك قالت نفسها في خبيز
-طيب ارح
=تعالي تحت لانو مطبخي كبير وميمو واثيل يقفو في الفرم ناديتهم ونزلنا عجناهم وبدينا نخبر خلصنا الظهر عملنا الشاي وبقينا نتونس اثيل جات رسولها وبقت تضحك قلت ليها ضحكينا معاك🌚طوالي قعدت تتخجل ضحكتني ضحك 😂😂❤️قلت لي رغد انتي بتك دي بتخجل من اي حاجه؟
=والله محيراني معانا انا وابوها كدا😂😂
-اخير ليها 😂❤️
اتونسنا العصر قسمنا ليهم خبيزهم وفاتو قاعدين انا وميمو بنتونس ❤️
عارفه ي ماما انا بحبك شديد لانك بدتينا حريتنا في اختيار قرارتنا ❤️
=انا زاتي بحبكم ❤️
جاء عبودي ناطي قال لي انا بعشقك شامي ريحة خبيز ولا انفي عاوزة دكتور؟😂❤️
=صح في المطبخ والشاي في المصطبه
قام جراي بهدومو😂😂 قلت لي سند اها حبيبي فزتو
عبودي قال وااه اا ماما البتهم اهم
=ي ولد اكل وماتتكلم😒😒
-قلت ليك والله ي ماما غلبتهم كلهم 🙂
-فالح انت الزيك منو 😂😘امشي كب لاخوك شاي بعد شربو سند طلع لي ورقه قلتي لي دي شنو؟
=اوراق المعهد سجلتك في حتنزلي من بكره😊❤️
-😳😳😳معهد شنو انت جينت
=المعهد الحتمتحني منو شهادة وانا كويس 🙂
-امتحن اسي السنه فاتت بعد الموضوع دا قفلناهو 🙂
=م فاتت ولا شي امتحنات الفترة الاولى م امتحناها وبتقدري تحصلي والموضوع دا م حنقفلو 🙂
اتناقشنا كتيير وكان اول مره نتشاكل اخر شي خليتهم ومشييت فضلو زعلانين مني وشهر ماف زول بتكلم معاي 💔💔💔زي الكانو اي زول عايش براهو بخت الاكل باكل براي وبقوم 💔لقيتهم قاعدين في الهول وقفت قدام الشاشه طوالي قامت قعدت ابكي بعدييين معاكم يعني انا م بهمكم 😭😭😭💔سند جاء حضني قال لي م تبكي طيب
=ببكي ليكم شهر م بتتكلمو معاي عاوزني اكون كيف عبودي قال لي لكن ي ماما
=انت بالذات م تتكلم معاي😭😭م خليت وسيله ارضيكم بيها وترضو اعمل ليكم شنو ميمو قالت لي تسمعي كلامنا زي م بنسمع كلامك
=اعمل شنو طيب😭😭💔
-تقري
=ولو ابيت😒
-م بنتكلم معاك لي يوم الدين
=طيب موافقه😭❤️
سند قال لي قوليها تاني 😃😃❤️
=موافقه يااااخ😭😭😭 بقو يكوركو وينططو زي المجانين وميمو تزغرد😂😂ويشيلو ويحضنوني 😭❤️وسند دا شالني عدييل😂😂
بعد نص ساعه من الصريخ والنطيط قعدنا
=م تسكتو ياااخ طولتو م اتكلمتو معاي😭😭
عبودي قال لي فكرتي 😌طوالي رصعتو اصلن انت م بتجيب الا الافكار الشيطانيه زيك😒😒 اوعكم تعملو كدا
سند قال لي حتنزلي المعهد بكره موش؟🌚
=اااااممممم م عارفه
-الباخرك تاني شنو ي امي😭
=م عارفه م بقدر اقرى واعمل كل دا
-عندك شنو انتي؟
=شغل البيت ؟
-كلمت خالتو انتصار اتفقت مع المره حتجي بكره ومن بكره حتنظف وتغسل
=والشغل ؟
-اصلن م قاعده تعملي،شي غير التوقيع وعمر بعمل كل حاجه
=منو البوديكم المدرسه؟
-عمو محمد اتفق مع السواق والمفروض يجي من بكره 🌚
=والطبخ ؟
رغد جات قالت لي انا حاطبخ ليهم عارفاك م بتاكليهم من بره وم حتخلي المره تطبخ ليهم 😊
-تاني عندك شي؟
=منو البقريكم انتو برضو ممنحنين ؟؟
-نحن م صغار بنقرا برانا وعبودي بعد يخلص حيقري ميمو وانا وانتي نقرا سوا معانا اثيل😊❤️
=م عارفه اقول ليك شنو
-م تقولي شي غير ومواقفه🙂
=كلمتو وائل؟
- وائل يطلع منها؟ انا مسؤول منك وعارف مصلحتك وين 🙂
=اااااننن افكر🌚❤️
-ي امي يوووووووخ
=طيب موافقه موافقه😂😂بس بشرط
-شنو؟
=تهتمو بنفسكم جدا وم عازوه تقصير في دروسكم وصحتكم ونفسكم مفهوم ولو حصل ليكم اقل شي انا حاوقف اتفقنا ي ماما؟
-اتفقنا😍❤️
فعلا بديت من تاني يوم نزلت المعهد كنت شايله علمي حاسوب 😭❤️اول م دخلت المعهد لقييت نفسي ببكي❤️ المكان دا استبعتو شديد انا 💔💔 وقلت مستحيل يجي يوم اقعد فيهو 😭💔اتمنيتو كتييير وبكيت ليه الليالي اتعرضت للضرب والتعذيب عشانو 💔💔 وفقد الامل اني اقعد هنا اولادي وصلوني ❤️❤️كنت ببكي لمن بتنهد 💔 في وحدة ادتني منديل واتونست معاي اسمها زينب وكانت ظريفه ❤️ قالت عمر 22 سنه قلت ليها كل المعانا كدا قالت لي هو اصلن معهد بتاع تعليم الكبار بديت القرايه تاني والمره دي اقوي من المره الفاتت كنت بركز شديد بالذات مع الفيزياء والرياضيات مرت الايام واولادي م قصرو معاي البت الشغاله اسمها ليالي كانت م مقصره وبتقوم بكل واجباتي وظريفه شديد معاي❤️ والسواق هيثم ❤️ولد طيباني وأي مكان بودينا مرت الشهور واجتهدنا شديد وم اهملت اولادي ابدا بهتم بيهم زي اول عبودي اجز وفضل اسبوع للامتحانات ميمو وبقي يقري فيها وانا برضو بقريها وبنقرا انا واثيل وسند مرات بقرو براهم لانو شايلن احياء هم ميمو امتحنت الحمد لله وفضل لامتحانات انا وسند شهرين يوم طالعه من المعهد م لقيت هيثم بقيت واقفه منتظره جاني وائل بكل غضب انتي كيف...... 😡😡😡وسكت
=مالي انا اسي؟ سند جاء وقف قال لي في شي؟ وائل زي الصبت في مطره ولا حاجه😳😳😳 استغربت هو بخاف من سند كدا ليه ؟ سند قال لي مشينا ؟ قلت لي اي في العربيه قلت لي هيثم وين الليله
=خليتو في البيت جيتك انا
-معناها عارف ابوك حيجي؟
=هممممم
-في شنو ومالو لمن شافك سكت 😳ولي جاني غضبان
=م تشتغلي بيه
-بتكلم معاك انا 😒😒
=ماف شي ي امي 🙂❤️
-تمام 😒😒😒😒
وصلنا وكنت زهجانه منو شديد 🙂
جاني عبودي اثيل السمحه مالك قالبه خلقتك فينا😂😂❤️
=زح مني احسن ليك🙂 ابوكم مالو هايج كدا
-دا منفسن والله😂😭
=اتكلم باحترام🙂😒
- طيب وائل جاء سال منك وليالي قالت ليهو في المعهد غضب كيف تقري وم تكلميهو ولحقك سند لم عرف مشى ليك بس
دا كلو الموضوع متاكد؟
-اكذب عليك لي؟
=اوكي
-خلينا من وائل ارتاحي عشان تقومي تقري قربتو بعد دا❤️✨ الشهرين تمو وامتحنا نتايج ميمو طلعت جابت 267 ونزلت الثانوي وعبودي نزل تالت وانا وسند منتظرين النتيجه ❤️
يوم قاعدة في الحديقه بشرب في شاي جاني سند بصرخ 😳😳😳.......