رواية يوميات بنات
الفصل السادس عشر16
بقلم منه محمد
وقع عليها الخبر كالصدمه اخذت تركض في انحاء الغرفه كالمجنونه
حتي دخلت غرفه امها لتيقظها
مريم : مااااامااااا يا ماااامااااا
قامت الام بفزع من صراخها : ف ايه يابت؟
مريم ببكاء : باسل يا ماما باسل
الام : الله ماله باسل يا بنتي انا مش فاهمه حاجه !؟
مريم : عمل حادثه
الام بصدمه : ايه !!
____________________________________________________
و ف المستشفى
سماح ام مريم : حمد الله علي سلامتك يا باسل
كان يجلس علي الفراش و وضعوا لقدمه جبيره لانها تعرضت للكسر
باسل : الله يسلمك يا خالتي
ميرفت : كده بردو يا واد تقلقني عليك حد يلف بالعربيه ف الوقت المتأخر ده؟
باسل : حقك عليا يا ماما مكنتش اصدقي اقلقك انا بس كنت زهقان شويه بعد ما وصلت مريم البيت و قولت الف بالعربيه شويه
ميرفت : المهم حصل خير الحمد لله انها جت علي قد كده و ربنا طمنا عليك
ده لما البت مريم كلمتني انا قلبي وقع ف رجلي معرفتش اعمل ايه؟
باسل : الا هي فين مريم صحيح؟
سماح : قاعده بره انت مشوفتهاش دي كانت مموتها نفسها عياط اول ما عرفت
باسل بفرح : بجد 😀
____________________________________________________
كانت تجلس ف الخارج ف الاستقبال اتت إليها اختها تحمل كوبين من القهوه و اعطتها واحد
منار : خدي اشربيلك حاجه تفوقك
اخذت منها الكوب وبدأت تشرب منه
منار : مش هتخشي تطمني عليه
نظرت لها بغضب
منار : و ربنا ما اصدقي حاجه يعني تطمني عليه زي قريبك يعني الله
قم اكملت بخبث : مشوفتيش نفسك و انت بتتشحتفي عليه و مموته نفسك عليه ثم اكملت ساخره منها : باسل باسل ياماما
دفعتها بغيظ : بس بقي ده انت رخمه ليكي نفس تهزري ف ظرف زي ده
منار : بفوكك شويه الله
مريم : هو ماما و خالتوا بيتكلموا معا ف ايه ، ده ملهوش كتير طالع من العمليات
منار بخبث : اهي يعني ما انتيش عارفه بيتكلموا ف ايه اكيد بيدللوا عليكي
مريم بتعجب : الله و هو ده وقته !!
منار : ده وقته و وقته اوي كمان هو دول بيضعوا فرصه
تنهدت ثم قالت : بقولك ايه شوفلنا حد بتاع ورد قريب من هنا
منار بخبث : ليييه؟
مريم بعصبيه : الله هو اللي ليه هندخل ع الراجل ايدينا فاضيه يعني
منار : خلاص خلاص متزوقيش ، اجيب بوكيه واحد و لا اتنين
مريم : اتنين ليه ان شاء الله !؟
منار : يعني عشان كل واحد تاخدلها واحد
مريم : عارفه لو مسكتيش هدلق القهوه ف وشك
منار : طب اجيبه لون ايه؟
مريم : منااااار
منار : خلاص خلاص قايمه