رواية جريمة عشق
الجزء الثالث3 الفصل الحادي والثلاثون31
بقلم مريم نصار
فيلا العدوي . يوم الاجازه .
آدم : بعد الفطار طلع ينام شويه . وبعد حوالى ساعتين صحي . واتعدل . وشاف مريم بتصلى . وبص ف الساعه . وعرف انها بتصلى الضهر . وقام واستغفر . ودخل الحمام . واتوضي . وخرج .
مريم : خلصت صلاه . وبصتله ب ابتسامتها المعتاده . انا فرشتلك سجادة صلاتك .
آدم : ابتسم . تسلمي ياروحي . بس مصحتنيش ليه اصلى ف المسجد ؟
مريم : صحيتك ياحبيبى . بس انت كنت غرقان ياقلبى ونايم بعمق . واقامو الصلاه .
آدم : هز راسه ربنا يغفرلى . انتى متعرفيش انا كنت هموت وانام .
مريم : بعد الشر عليك يا آدم . انت ياحبيبى بقالك كام يوم مبتنمش كويس . المهم انت احسن دلوقتي ؟
آدم : ايوه ياروحي . انا الحمد لله وقايم فايق كمان . وباس أيدها بس عايز منك طلب .
مريم : ابتسمت . ف ثوانى ويكون قدامك احلى فنجال قهوه دبل . لروح قلبى .
آدم : ابتسم من قلبه . وضمها لقلبه . ربنا مايحرمنى منك . ولا من ابتسامتك الصافيه الل بتحييي قلب آدم .
مريم : ولا يحرمنى من حبك وحنانك يا آدم . يلا ياحبيبى صلى الضهر . وانا هجهزلك قهوتك وهستناك تحت .
آدم : حاضر يا روحي .
مريم : خرجت . وآدم وقف ع سجادة الصلاه وبدء يصلى .
مريم : دخلت المطبخ . وعملت القهوه .
زينب : بتوتر . سيبيها انتى ياست مريم . وانا هطلعها لسي آدم .
مريم : لا يازينب . آدم هينزل يشربها ف الليفنج .
زينب : خلاص . اتفضلى انتى وانا هجيبها لسي آدم ف الليفنج . وحضرتك مش عايزه تشربى حاجه اعملهالك ؟
مريم : بتفكير . عارفه يازينب . نفسي اشرب . عناب ساقع .
زينب : فوريره يكون جاهز . اطلبى واتمنى ياست مريم .
مريم : ابتسمت . تسلميلي يا زينب . هي سعاد لسه نايمه ؟
زينب : ايوه ياست مريم . بعد ماخلصت الشغل المهم بتريح شويه . تحبى اصحيها ؟
مريم : بسرعه لالالا . سيبيها نايمه وتصحي براحتها . هي بتصحي من الفجر . سيبيها حرام .
زينب : بحُب . الهي ربنا يكرمك دنيا وآخره . ويسعد قلبك وتفرحي باحفادك . ياست مريم قادر ياكريم . والله ربنا بيحبنا علشان رزقنا شغل عندك انتى وسي آدم بيه !!
مريم : زينب . مفيش حاجه اسمها بشتغل عندك . انتى بتشتغلى معانا . احنا الل محتاجينلك مش انتى الل محتجالنا . ولحقت القهوه قبل ما تفور . شوفتى بقى القهوه كانت هتفور . يلا اعملى العناب بسرعه . وهاتيه مع القهوه ف الليفنج .
زينب : حاضر . من عينيه ياست مريم .
----------------------بقلمى Mariem Nasar
آدم نزل . وقعد جمب مريم ..
مريم : تقبل الله ياحبيبى .
آدم : منا ومنك ياروحي . ايه الهدوء ده ؟ اومال فين الشباب؟
مريم : مراد مريح فوق ف الجناح بتاعه. وفريحه ف العياده . اما زين قال إنه خارج لواحد صاحبه ساعه وراجع . وريتال فوق مع الولاد وميرو وآدم كمان معاها .
آدم : اممم ربنا معاهم ..
مريم : اللهم آمين .انا عملتلك القهوه . وزينب هتجيبها حالا.
آدم : تسلم ايدك . قوليلى بقى . تحبى نخرج انهارده بعد الغدا ؟
مريم : نخرج ؟ نخرج نروح فين ؟
آدم : انتى من زمان مخرجتيش . وبعدين انتى عارفه إن. طارق تعبان شويه من ضرسه الل مجننه ده وخايف يخلعه . تعالى نروح نشوفه ونقعد معاه هو ورنا شويه. وبعدها ياقلبى اخدك ونطلع ع شيرين ومصطفى . ولو ف وقت نروح ل ملك وجاسر واخوكي حسام . ايه رايك موافقه.؟
مريم : ابتسمت . والله فكره جميله اوي خلاص ياحبيبى انا موافقه .
آدم : تمام . نشرب القهوه الدبل .واقعد مع الماستى شويه وبعد الغدا نطلع نلبس. واول مشوار يبقى عند الواد طارق . وبعدها باقى العيله ..
زينب : دخلت تقدم القهوه ل آدم بتوتر . اتفضل يسى آدم بيه .
آدم : متشكر يازينب .
زينب : بألف هنا وحطت القهوه .
زينب : اتفضلى العناب ياست مريم .
مريم : تسلم ايدك يا زينب ..
زينب : حطت العناب .واتعدلت وماسكه الصينيه فاضيه . وباين عليها التوتر . .
. واتحركت خطوتين . ورجعت تانى . وبعدها رجعت خطوتين تانى ومرتبكه .
آدم : بعدم فهم . اله مالك يازينب . رايحه جايه . ف حاجه ؟
زينب : بتوتر. ها . احم لا لا ابدا مفيش يسيى آدم بيه . انا . انا ماشيه اهو .
مريم : تعالى يا زينب . ايه ياحبيبتى شكلك فعلا عايزه تقولى حاجه !
زينب : قدمت خطوتين . هوا . بصراحه . هوا.
آدم : اممم بما إن فيها بصراحه . تعالى اقعدى يازينب واتكلمى ..
زينب : ماسكه الصينيه . وبلعت ريقها بتوتر . وقعدت قدام آدم ومريم ع الأرض .
آدم ومريم . بدهشه . وف صوت واحد. قومي من ع الأرض يازينب .
ومريم : كملت . زينب قومى اقعدى ع الكرسي .
زينب : احم مايصحش يست مريم .
مريم : قومي الله يهديكى .
زينب : قامت بحرج حاضر. وقعدت قدامهم ع طرف الكرسي بكسوف . ووشها بقى احمر جدا.
آدم : شاف توترها . ايه يازينب حصل معاكي حاجه ؟ حد ضايقك هنا .؟
زينب : بنفي . ابدا ابدا والله انتو بتعاملونى كأنى واحده من العيله ولا حسستونا ف يوم اننا خدامين . ربنا يبارك فيكو يارب .
مريم : ايه خدامين دي يازينب . انا هفضل أقولك كل شويه . انك انتى وسعاد والبنات الل معاكم انتو اساس البيت .
آدم : كلامك خايب يازينب . وبعدين خادم القوم سيدهم . دا انا بشرب من ايدك كباية شااي متتشربش ههههههههه .
مريم . ضحكت . وزينب ضحكت .
آدم : شاف زينب لسه ساكته ..وقال طيب يازينب . انتى محتاجه لحاجه . محتاجه فلوس . حصل معاكي حاجه؟
زينب : بسرعه . لا لأ فلوس ايه ؟ انا عايشه ف خيركو ربنا يسترك دنيا وآخره انت وست مريم .
آدم ومريم : اللهم امين .
آدم : ده خير ربنا يازينب . ها قولى بقى الل عندك . وانا بستمتع بقهوة مريم . ومريم تشرب العناب الل ملوش طعم ده ههههه .
زينب : ابتسمت . وتوترها قل . وقالت بصراحه يسي آدم بيه انت وست مريم . انا كنت عايزه اقولكو على حاجه بس مكسوفه .
مريم : قولى يازينب . متتكسفيش من حاجه ياحبيبتى خير ..
زينب : هو خير . احم . انا ..انـا جالى عريس .
مريم : ابتسمت . حبيبتي الف مبروك
زينب : وشها احمر . وبصت ف الارض . الله يبارك فيكي ياسِت مريم . وانا بصراحه زى ما انتو عارفين انى مقطوعه من شجره . وكنت بقول يعنى لو.. لو احم وسكتت .
آدم : فهم . وابتسم . وهز راسه . انتى مش مقطوعه من شجره يازينب وخليه يجي يقابلنى يوم الاجازه الل جايه. ويطلب ايدك .
زينب : عيونها لمعت بدموع . وابتسمت . ربنا يخليك يسي آدم بيه . انا عارفه أن حضرتك مش هترفض حاجه زي دي . العريس شايف نفسه حبتين . وانا عايزه اقص جناحه من دلوقتي .
آدم : ههههههههه عايزه تسيطري يازينب .
زينب : لا مش القصد والله . هو منيل حبتين . وطيب وغلبان . وعامل فيها ابو العريف .
آدم : هو شغال ايه يا زينب .
زينب : شغال ريس انفار قد الدنيا .
آدم : ايه ده ؟ هو مش من القاهره .
زينب : لا هو من بلدي . وجيران من سنين . وبعد وفاة اهلى . امه الله يجحمها وقفت حال الجوازه ومرضيتش بيا عروسه لابنها . لكن هي دلوقتي ماتت . وابنها عايز يتجوزني .
مريم : بزعل . حرام عليكى يازينب . متدعيش عليها الله يرحمها ويغفر لها .
زينب : بغيظ غصب عني والله يست مريم دى وليه مقتدره ومفتريه . دي طلقت مرات اخوها من اخوها . ودايره ف البلد تظلم ف خلق الله . وابنها ياكبدى مغلوب ع أمره . ومصدقنا ان ربنا خدها وريحنا من شرها ..
مريم : لا حول ولاقوة إلا بالله . يازينب اتقي الله . اذكرو محاسن موتاكم . خلاص هي ف دار الحق . ولازم تدعيلها بالرحمه والمغفره ويحسن خاتمتنا جميعا .
زينب : استغفر الله العظيم . والله غصب عني انا مشوفتش منها شويه . لحد ما ربنا كرمنى بالشغل عندكو . سامحينى ياست مريم .
مريم : حبيبتى ربنا يريح قلبك ويجعلك ف الخير نصيب إن شاء الله .
آدم : طيب والعريس ده يازينب واثقه فيه أنه كويس ؟
زينب : ايوه طبعا . ده غلبان اوى . وغبى حبتين وعامل فيها أنه فاهم كل حاجه . ههههه . بس منيل وغلبان اوى والله . واول ما اتصل عليا قالى هنتجوز . قولتله لا يمكن يحصل ابدا غير بعد ما سي آدم بيه يوافق. وقولتله إن العيله بتمر بشوية ظروف كدا . واول ما الدنيا تروق هقولك . وكملت بزعل . بس هو قالى بعد الجواز هقعد ف البيت . وانا مش عايزه اسيبكم ولا ابعد عن البيت ده يوم واحد ..
آدم : بتفكير . يعنى هو مالوش شغل ثابت يازينب .؟
زينب : لا هو ارزقي ع باب الله بيشتغل كل شويه فى مكان وجه هنا من كام سنه اشتغل ف مزرعه . وشويه ريس انفار . وشويه جناينى عند بهوات البلد واهو بيقلب رزقه .
مريم : ربنا يكرمك ويكرمه إن شاء الله .
آدم : طيب يازينب . قوليله يجي يوم الاجازه الل جايه وانا هكلمه وانا هقُصلك جناحه يستى ولا هخليه يشوف نفسه عليكى . وبخصوص الشغل يشتغل هنا جناينى وانتى تفضلى معانا ها مبسوطه كدا .
زينب : ضحكت بدموع . وقامت مره واحده وزغرطت بفرحه كبيره .
آدم : ومريم اتخضو . وبعدها ابتسمو لفرحتها.
زينب : بسعاده . الهى ربنا يكرمك يسي آدم بيه ويخليلك ست مريم وتعيشو 100 سنه فى سعاده وهنا . الهي يسترك يست مريم ولا تشوفي يوم وحش ابدا .ويخليلك سي آدم بيه .ويخليلكو اولاودكو واحفادكو . والهي ..
آدم : قاطعها . بس بس خلاص يازينب .
مريم : ههههه اللهم امين يارب العالمين واياكى يازينب ياحبيبتى انتى بنت حلال وتستاهلى كل خير . ومتقلقيش من اي حاجه .
مراد فوق وسمع الزغروطه ونزل بسرعه . وكمان ريتال ونزلو مدهوشين ..
مراد : ايه يا جدعان الزغاريط دى . فرحونا معاكو .
ريتال : ايه يازوزو . بتزغرطي ليه .؟
زينب : اتكسفت واتحركت بسرعه من قدامهم .
آدم : عيال رخمه وفصيله . كسفتو البنت .
مراد : اله . هو سر ياجدعان قولى انتى يامريوم . زينبو بتزغرط ليه ؟
مريم : ضحكت . اصل جالها عريس ياحبيبى . وهيجي يطلب أيدها من آدم .
مراد : والكل ابتسمو . يلا ع البركه . انا قولت الحاج آدم رشح نفسه ف الانتخابات ولا حاجه
آدم : وحياتك اتعرضت عليا بس انا موافقتش.
----------------------بقلمى Mariem Nasar
عند فهد ..
رينو بتجري ورا فهد . والباب خبط .
فهد : ثوانى ياحبيبتى . خشي جوه وانا هشوف مين ..
رينو : مكشره عينيها . انا هدخل البس الاسدال . وأرجعلك . بس اعرف انى مش هسيب حقي اوكي .
فهد : هههههه . اوكي وانا هسيبك تاخدى حقك .وغمزلها .
رينو : اتكسفت . ودخلت الاوضه بسرعه تلبس الاسدال والنقاب ..
فهد : فتح الباب واتصدم . هيلينا !!!!؟
هيلينا : ابتسمت . وكانت لابسه بنطلون جينز وبلوزه شيك عليها . وكانت بشعرها . وماسكه علبة شوكليت كبيره . وبوكيه ورد شيك جدا. وقالت . هاااااي سفيان .
فهد : بلع ريقه بصعوبه . وبص وراه وخاف ع رينو ومنها ف نفس الوقت . وبص ل هيلينا تانى بغيظ مكبت . نعم !! خير انتى جايه تانى ليه ؟
هيلينا : شافت تيشرت فهد متبهدل .. اي دا سفيان . انت عامل ايه ف نفسك . ايه بهدلك كيدا ؟
فهد : صك ع اسنانه بغيظ مكبت . وانتى مالك . انتى مالك . انا مشوفتش ف برودك . واتفضلى بقى امشي من هنا قبل ما تحصل مشكله ..
رينو : لبست الاسدال والنقاب وخرجت مين ياحبيبى !؟
فهد : قلبه دق بخوف وقفل الباب ف وش هيلينا بسرعه. ولف ضهرو ع الباب ها !!؟ لا لا دا مفيش حد ..
رينو : بتعجب . وعدم فهم ! مفيش حد!؟ ازاى . ده . جرس الباب رن مرتين . ؟
فهد : بلخبطه أه . دا . لا . والجرس رن تانى . فهد صك ع اسنانه الله يخربيتك . الله يخربيتك شكلك بتحبى الضرب.
رينو : رفعت النقاب. مالك يافهد ؟ الباب خبط تانى . ف ايه ؟
فهد : ها . اه احم . هفتح اهو . بس . خشي انتى جوه .
الباب رن تانى ..
فهد : متغاظ . ولعنها ف سره ..
رينو : مستغربه تصرفاته . فهد افتح الباب عيب كدا . الل ع الباب يقول ايه ؟ وممكن يكون حد مهم افتح بقى . ونزلت النقاب.
فهد : هز راسه . احم تمام . هفتح . ولف وغمض عينيه وبيدعي انها تكون حست ع دمها ونزلت . وفتح .
هيلينا : ايه سفيان تقفل ف وش هيلينا الباب . عيب كيدا .
رينو : اتصدمت وشهقت بصوت عالى . وعيونها مفتوحه ع الاخر . انتتتتتتتى !!!؟
فهد : حط ايدو ع وشه . مفيش حد معايا استرها يارب . منك لله يهيلينا الكلب انتى .
هيلينا : هاااى . ايوه انا . ممكن ادخل نيتكلم شويا . انا عارف انك مدايك منى .
فهد : عينيه ع رينو . ومنتظر هجوم ف اى وقت ..
رينو : صكت ع أسنانها . واتحركت بنرفزه . ومسكت فهد شدته جوه . وهي وقفت مكانه .
فهد : اتحرك معاها بسهوله علشان خايف عليها .
رينو : افندم . خير . انتى مش ناويه تسبينا ف حالنا ؟ انتى عامله زى عفريت العلبه . ومكفاكيش الل اتعمل فيكي جايه ليه تانى؟..
هيلينا : مدت أيدها . اتفضلى . دى حاجه بسيطه انا بعتذر فيها . الورد ده علشانك انتى .
رينو : غمضت عينيها بغيظ . لو سمحتي اتفضلى من هنا . وياريت تنسي العنوان . علشان كده كتير اوى . ولفت لفهد ولا ايييه؟
فهد : مش عارف يعمل ريأكشن معين . اه احم فعلا كدا كتير . وكتير جدا كمان !!
هيلينا : اتكسفت . يعنى انا جاى اعتذر واجيب ورد علشان اسافر وانت مش زعلانه منى . تقولى امشي . شكرا كيتير انت . وبصت ل فهد شكرا كيتير سفيان .انا ماشي ..ولفت .
رينو : ضميرها انبها .وصعبت عليها . استنى .
فهد : بزهول . تستنا اييييه خليها تغوور ..
هيلينا : لفت . وبصت ل رينو .
رينو : تعالى ادخلى .
هيلينا : ضحكت . بيجد . انت كيتير كيتير كيوت .
فهد : صك ع اسنانه بغيظ . وبيتفرج .
رينو : شاورت ليها . اتفضلى .
هيلينا : دخلت . اتفضل انت الورد . وكمان دى حاجه بسيطه شوكيلت ل انت .
رينو : هزت راسها . ميرسي. تعالى . ودخلو الليفنج ..
فهد : شدها . وراح بيها عند الطرقه . ايه الل انتى عملتيه ده ؟
رينو : بصراحه مش عارفه . بس صعبت عليا . وبعدين دي جايه تعتذر . وكمان قالت إنها هتسافر . انا هشوف هي عايزه ايه وتمشي ع طول !!
فهد : نفخ بديق . استغفر الله العظيم يارب.
رينو : حبيبى اهدا شويه . وادخل غير هدومك . وانا هقعد معاها .
فهد : نعم !؟ تقعدى معاها لوحدك . اه وأخرج ع ضربك فيها . ولا تعمل فيكى حاجه . تعالى وشدها من أيدها ع اوضة النوم . اقفى هنا هلبس تيشرت غير ده وأخرج معاكي .
رينو : بس يافهد . ... ومكملتش. .
فهد : شاورلها . الموضوع منتهي . وقلع التيشرت . ولبس تيشرت تانى . تعالى نشوف المصيبه الل مش هتحل عننا دي . وخرجو .
هيلينا : كانت واقفه بتتفرج ع ديكور الليفنج والصور .
فهد : دخل ورينو رفعت النقاب .
هيلينا : شافت رينو ل اول مره . وانبهرت . واو انتى جميله جدا .
فهد : غار عليها . ممكن بقى نعرف انتى عايزه ايه بالظبط .
هيلينا : قعدت . اسمع سفيان . انا اعرف اتكلم مصري كويس . لكن انا موش اعرف عادات تقاليد مصريين غير إن البنت المسلم متعملش علاقه غير بعد ال الجواز . وراأأد قالى كول خاجه عن عادات تقاليد مصريين .
فهد ورينو : بصو لبعض. بعدم فهم ( رأد .)
رينو : ايه رأد ده ؟ مش فاهمه ؟.
هيلينا : رأد . رأد . انت تعرفه انت وسفيان اسمه رأد بودي جارد..
فهد : كشر عينيه . اوعي يكون قصدك رعد ؟؟
هيلينا : ضحكت يس ايوه هو رأد . انا قولت رأد كول خاجه وهو خمش غاضب ع هيلينا . وصوت عالى كيتير .
فهد ورينو . بصو لبعض بعدم فهم تانى .
هيلينا : رأد قال ان انا عملت غلط كيبير انا جيت لوخدى . وقال إن انا عايز اكسر ضلوئى وابتسمت . واو انا خبيت رأد كيتير سو هارت.
رينو : هديت شويه . وكتمت الضحكه .
فهد : انتى تقصدى أن رعد قالك . انك عايزه يتكسر ضلوعك . وانتى حبيتى رعد ؟
هيلينا : ضحكت يس انا خبيته كيتير . وكملت بزعل . انا كول يوم اروه ل رأد الشوغل واتكلم معاه وروهت ال شركه بتاع رأد .واقول انا بخيبك رأد انا عايز اتجوزك. بس رأد زعل هيلينا وقال انا البس وحش انا امشي بيشعرى . انا موش انفع ليه زوجه مصريه انا موش أعجبه . وعيونها اتملت بدموع. انا خبيت رأد كيتير . زعق اغضب قال خجات كيتير داد ومام موش اعرفها . واتنهدت بزعل . انا مسافر بعد ثلاث ايام امشي اروه ايطالى . بس انا موش انسا رأد ابدا ودمعه نزلت منها .
فهد : ساكت .
رينو : هيلينا صعبت عليها جدا . وبصت لفهد حبيبى ممكن تسيبنا لوحدنا شويه ؟
فهد : بص ل رينو مش هينفع . استحاله !
رينو : حبيبى والله متخفش عليا . طيب بص اقعد ف الصالون قدامنا هنا .
فهد : بتحذير . شغلى علمنى مثقش ف صوابعى انا مش هسيبك لوحدك فهمتى !!؟
رينو. : هزت راسها . واتنهدت . طيب انا هقعد جمبها . انت شايف حالتها عامله ازاى .ارجوك.
فهد : اتنهد . ماشي .
رينو : قامت وقعدت جمبها . انتى بتحبى رعد بجد ؟
هيلينا : بصت لرينو ف عينيها وقالت بصدق . انا اخب رأد كيتير كيتير اوى . انا موش اعرف انا اعمل ايه بس امشي من هينا . اسمع انت اسمك ايه ؟
رينو : لارين .
هيلينا : مسحت دموعها . وابتسمت . اسمع لارين . انا جيت علشان اقولك انا اسف كيتير . رأد قال ان انا موش انفع ابوس جوز خد تانى . وقال إن كيدا انا اعمل خاجه خرام . باس انا موش اعرف كيدا . وبصت ل فهد . انا اسف كيتير سفيان . واسف انا جيت لوخدى انا موش اعرف خجات كيتير . وبصت ل رينو . انا عملت غلط وانا موش اعرف وانا عايز اصلخ ال غلط ده . وجابت شنطتها .
فهد : عينيه عليها . وع الشنطه .
هيلينا : فتحت الشنطه . وطلعت تذكرتين سفر اتفضل لارين .
رينو : بعدم فهم . ايه ده ؟
هيلينا : انا قولت ل رأد ان انا اعتذر لكم واجيب تذكره سفر لجزر ال مالديف انت وسفيان ١٠ ايام ع اليخت بتاع داد . بس رأد قال انك وشاورت ع النقاب بيتلبس ده . وسفيان غاضب دائما (تقصد بيغير ع رينو ). وهيرفض انك تكوني ع اليخت ف الشاطئ . وانا اعرف جزيره ف المالديف خاصه خلوه اوى وموش فيها خد خالص . خالص . انا حجزت لكم التذكرتين . تسافر اسيا وبعد كيدا طائره خاصه وبعدها ع اليخت وانا بنفسي اوديكم الجزيره . وهيكون معاكم طائره خاصه لكم . وطائره خاصة لي . انا هوديكم الجزيره واسيب اليخت معاكم وفيه كول خاجه مأكولات مشروبات كول كول خاجه انتو تختاجوها . وانا ارجع بالطائره بتاعت انا ..والطائره الخاصه التانى علشان انا عارف ان سيفان مش واثق ف هيلينا . ولو خصل خاجه سفيان اركب الطائره وترجع ع المطار . ودي هدية هيلينا ل سفيان ولارين . واتمنى انك توافق علشان مش احس بالذنب ارجوك لارين وافق بليز .
رينو : بصت ل فهد . بدهشه ولسانها اتلجم.
فهد : اتنهد . اسمعى هيلينا . اولا انك تيجي لحد هنا وتعتذرى دي كفيله اننا منزعلش منك . واحنا فعلا خلاص مش زعلانين منك . ويمكن حصل سوء تفاهم الفتره الل فاتت وحصل لخبطه لكن كل حاجه اتوضحت. لكن انا اسف مش هقدر اقبل الهديه دي . كفايه تصميمك ف اننا منزعلش منك ..
رينو : فعلا هيلينا فهد بيتكلم صح . انتى كان ممكن ترجعي بلدك من غير ما تهتمى . لكن انك تصممي اننا منزعلش منك دي بجد كفايه . وانك تفكرى ازاى نكون مبسوطين . حاجه جميله منك . وانا كمان بعتذر ليكى عن سوء التفاهم الل حصل . اسمعي هيلينا. انا دلوقتي عايزه اكلمك ف موضوع رعد . انتى مسلمه وواضح انك متعرفيش كتير عن الدين الاسلامي . وعن الراجل الشرقي . رعد حتى لو بيحبك دينه ورجولته يمنعه انه مراته متكونش محجبه ع الاقل . جسمك الل ظاهر للناس ده هتتحاسبى عليه . شعرك ده هتتحاسبى عليه . وقبل ما تحبى رعد لازم تحبى ربنا . ولو انتى اقتنعتى وهتتغيرى . لازم قبل ما تتغيرى علشان رعد . تتغيرى علشان ربنا اولا . بصي هو الموضوع طويل جدا انى افهمك واشرحلك حجات كتير ف الاسلام . انتى لازم تتغيرى علشان نفسك قبل اي شئ . لازم تنقذي نفسك واضح إنك ضحية .ومحدش علمك . انتى فهمانى هيلينا .
هيلينا : اتنهدت بزعل . ايوه لارين انا فاخم كول كلامك رأد قال نفس الكلام لو عايز اتجوزه. قال انى لازم البس لبس طويل . واكون زي بنات اسلام .
رينو : ابتسمت يعنى رعد معندوش مانع انه يتجوزك . اممم شكل كدا كمان رعد حبك .
هيلينا : موش اعرف . انا متلخبط كيتير . لارين انا محتار انا عايز رأد عايز اسلام عايز البس بحريه عايز اعيش . انا موش فاخم انا اول مره أشعر انى متلخبط . وبصت ل فهد . المهم دلوقتى سفيان انا موش موافق انك ترفض هدية هيلينا . ارجو انك توافق اعتبره شهر عسل انت ولارين .
رينو : الفكره جواها بدءت تكبر واتخيلت وهي ف جزيره لوحدها هي وفهد . لكن عارفه أن فهد هيرفض .
فهد : اسف انا مش هقبل .
هيلينا : بصت ل رينو .ارجوك قول لسفيان انه وافق . انا هكون مبسوط كيتير . وانت وسفيان هتكون مبسوط كيتير . وشاورت ع بطنها .وحياة بيبى وافق .
رينو : هزت راسها . سبيها ع الله هيلينا ..
هيلينا : اسمع لارين انا مسافر بعد ثلاث ايام . انا اجي هينا بعد اتنين يوم . واعرف منك موافق ولا لا . وده رقم هاتف هيلينا مصري . وبصت لفهد وعطته ورقه وده عنوان الجزيره ف اسيا ممكن تسأل وتطمن. وارجوك وافق . انت هتكون ف جزيره انت ولارين ١٠ ايام . وبصت ل رينو . انتى تجري ع البحر بحريه . تلبس بحريه . تعيش بحريه مفيش حد هيشوفك خالص . انا حجزت مكان لكم وممنوع أحد يذهب هناك . لمدة ١٠ ايام من أول يوم تكون انت وسفيان هناك . وإن كان سفيان قلقا . فهو شرطي يستطيع أن يتفقد المكان بخبرته . اتمنى أن توافقو ومن بعدها لم تروني ابدا وإن لم توافقو سأكون معكم دائما. فكرو جيدا . أمامكم يومان . وحطت التذكرتين على التربيزه . وقامت وقفت . انا همشي اروح اودع رأد . باى لارين . بااى سفيان . واتحركت وخرجت ..
----------------------بقلمى Mariem Nasar
فهد : ماسك الورقه وشاف العنوان . وحطها ع التربيزه بعدم اهتمام .ومسك بوكيه الورد وفتش فيه . ومسك علبه الشوكليت وفتشها علشان لو هيلينا حاطه فيهم حاجه ..
رينو : ضحكت بصمت ع فهد . وقامت وقعدت جنبه . ايه رايك؟
فهد : رأيي في ايه ؟
رينو : ف هدية هيلينا !
فهد : مرفوضه . انا مش واثق فيها .
رينو : بغيظ . ليه بقى مرفوضه . حبيبى تخيل كدا انا وانت لو حدنا ع البحر وف جزيره لوحدنا . واو بجد انا بتخيل انا بجرى على البحر وانت تجرى ورايا . وانام ف حضنك ع شط البحر . ارجوك ليه متوافقش؟
فهد : ابتسم ببرود . لأنى مش واثق فيها قولتلك . وممكن متكونش هديه . ممكن تكون عايزه تنتقم منك ع العلقه الل انتى اديتيهالها . او ممكن كمين علشان تتنقم منى ومنك ع الل اتعمل فيها .. فهمتى؟
رينو : طيب مش انت اخدت منها العنوان . فيك تسأل وتعرف كل حاجه . مش كدا ،؟
فهد : اتنهد . رينو انسي الموضوع ده . الحمدلله انها مشيت . وانا هبعتلها رساله بالادب كدا . انى مش موافق وترجع زي ماجت . انا بدءت اجيب أخري .
رينو : طيب وهيلينا ورعد؟
فهد : بعدم فهم . مالهم ؟
رينو : مش هنساعد هيلينا ورعد ف حكايتهم؟
فهد : اه . ونساعدهم ازاى بقى . واحنا مالنا .
رينو : بدلع ومسكت ياقت التيشرت . نساعدهم . إننا نحاول نغير من شخصية هيلينا . ونشرحلها اكتر عن الإسلام . يمكن ربنا يهديها . وساعتها رعد يتجوزها . واهو نكون عملنا حاجه كويسه .
فهد : اممم . تساعديهاااا ااااه . مش دي هيلينا الل انتى كنتى غيرانه منها .
رينو : حبيبى انا كنت متغاظه انها فكرت تبصلك . لكن دلوقتي الأمر مختلف . هي بتحب واحد بعيد عنى وعنك . وبعدين انا شايفه انى اساعدها من باب الدين . مين عارف مش يمكن ربنا يقدرنى واحاول أقنعها انها تقرب من ربنا وتتغير للأفضل . ويمكن كمان ربنا يجعل هيلينا سبب لدخولى الجنه لو ربنا هداها على أيدى .
فهد : ابتسم . وقربها منه . انا معاكي أن ده شئ جميل . بس افرضي رعد مابحبش هيلينا .
رينو : يبقى عملنا الل علينا . والأهم من رعد . إننا ناخد بايد هيلينا للجنه .
فهد : امم . خلاص ياحبيبتى . وانا ابقى مبسوط . انك ربنا يجعلك سبب ف هداية الناس ..
رينو : باسته من خدو برقه . ممكن توافق بقى؟
فهد : باسها برقه . أوافق على ايه؟
رينو. : ابتسمت . ع هدية هيلينا . ونسافر انا وانت الجزيره ارجووووك . عايزه أعيش معاك بعيد عن الناس والعالم . خلينى ف حضنك ولوحدنا . بليزز .
فهد. : اتنهد . طيب ادينى يوم بس . واعرف ايه نظام الجزيره دى . واعرف كل حاجه واقولك قرارى النهائى .
رينو : بفرحه . حضنته جامد . حبيبى حبيبى . انا متاكده انك هتوافق . ربنا يخليك ليا يارب.
فهد :ضمها لحضنه اكتر ويخليكى لفهد العمر كله .
رينو : خرجت من حضنه . تعالى معايا . ومسكته من ايدو .
فهد : قام معاها . ع فين ؟
رينو : هاقولك تعالى بس . واخدته ع المطبخ .
فهد : لأ مش هعمل كيك . انا اشتريها اسهل .
رينو : لا خلاص انا صرفت نظر مش عايزه كيك ..ههههههههه.
فهد : بعدم فهم . طيب جايبانى هنا ليه ؟
رينو : ابدا . ولفت ضهرها ليه . وجابت طبق الدقيق كله . دالقتو . ع وشه والتيشرت . انا باخد حقى منك . هههههههههههه..وجريت.
فهد : يامجنونه . انتى الل جبتيه لنفسك . تعالى . وجري وراها . ورينو هلكانه ضحك ع شكل فهد بالدقيق . ووشه ابيض وعينيه . هههههههههههه استنى . استنى اصورك بليززز .
فهد : جري وراها . حااااضر عايزه تصورينى اوكي . ومسكها شدها لحضنه وقلعها الاسدال غصب عنها .
ورينو مش قادره تبطل ضحك .استنى بس بتعمل اييييه هههههه.
فهد : هتعرفي دلوقتي . وقلعها الاسدال . وفك شعرها . واخد راسها وحطها ع التيشرت . ومسح وشه ف خدها وشعرها . واتبهدلت .
فهد : ورينو بصو لبعض . وكل واحد بيضحك ع شكل التانى .
فهد : جاب الفون . الخاص بالبيت . يلا تعالى نتصور . ونعمل فيديو كمان . وفتح الكام . وبدؤو يتصورو صور مجنونه .
ورينو : قلبها بيضحك فرح قبل وشها .
وفهد : عاش معاها احاسيس ومشاعر مختلفه وجميله . وفتح الفيديو . وأتصورو ف كل مكان . وماشي بيها ع المطبخ . وسابو الفيديو مفتوح . ورينو صممت أن فهد يساعدها في ترويق المطبخ . وهما متبهدلين بالدقيق . وفهد بدء يساعدها في ترويق المطبخ . والضحك ع وشهم طول الوقت . واخيرا خلصو . وقفلو الفيديو ..
فهد : ههههههههه ااااه والله مش قادر .
رينو : هههههه شكلك تحفه وحلو اوي . وانت بالشكل ده . انا رايحه اخد شاور بعد البهدله دي . وشهقت.
فهد : شدها لحضنه . رايحه فين يختى ؟ زى ما خلتينى اروق معاكي المطبخ واشاركك فيه . انا لازم اشاركك الشاور .
رينو : فتحت عينيها على الاخر . وبلعت ريقها بتوتر. ها .. اه . اه طبعا طبعا يافهد . ومالو . دا . دا انا مستنيه الفرصه دى من زمان . احم طبعا .!!!
فهد : كشر عينيه . انا شامم ريحة غدر !!
رينو : شهقت غدرر؟ . ابدا ابدا . غدر . غدر ايه بس . احم وبلعت ريقها . هوا .. هو انا عمرى غدرت بيك؟
فهد : هز راسه . لأ .
رينو : طيب . اومال ايه بقى . انا . انا هدخل اخد هدومي . وندخل ناخد احلا شاور اوكي ؟
فهد : هز راسه . والدقيق بينزل ع وش رينو . وضحكو . وقالها اوكي ..
رينو : خرجت من حضنه . ولفت ضهرها ورقصت حواجبها . احم انا .داخله الأوضه .
فهد : رفع حاجبه . ومالو ادخلى الاوضه . اتفضلى . وفتح الباب . ودخل .
رينو : وقفت قدام الدولاب وباصه ف الدولاب. احم انا هطلع هدومي . انت كمان طلع هدومك .
فهد : اوكي . انا رايح اجيب هدومي .
رينو : ابتسمت بخبث . وضحكه شريره . هاهاها . اومال مش ناخد شاور مع بعض . احلم يافهد .وجريت ع الحمام بسرعه وقفلت الباب . ههههههههه . زمانه دلوقتي هيتجنن يعينى . وبتلف . واتخضت وجت تصرخ . وحط ايدو ع بوقها .
فهد : هههههههه . مش بقولك شامم ريحة غدر . اهدى كدا ياروحي . ويلا علشان ناخد احلا شاور مع بعض ههههههههه . وشال ايدو من على بوقها . وغمز
رينو : كشرت عينيها وصكت ع أسنانها بغيظ مكبت . انت .انت . اعمل فيك ايييييه.
فهد : بغمزه انتى بس اعشقى الفهد
الحلقه ٣١ ج 2
رواية جريمة عشق٣
(عشق الفهد)
بسم الله نبدأ
رعد : قاعد ف مكتبه ف شركة الحراسه. الباب خبط ودخل شاب رعد باشا . البنت الل بتيجي كل يوم ومجتش امبارح . موجوده دلوقتي بره وعايزه تقابلك .
رعد : قلبه دق . وبلع ريقه . خليها تتفضل.
الشاب : تمام ياباشا . وخرج ..
رعد : حط ايدو ع قلبه . ونفخ بديق حقيقي . انا مش عارف . لما انا مش عايزها . حاسس انها وحشانى اوى ليه لما مجتش امبارح وهموت واشوفها ؟ اوووف استغفر الله العظيم يارب .
هيلينا : دخلت . وابتسمت هااى رأأد .
رعد : رفع عينيه ليها . وبيحاول يسيطر ع دقات قلبه . وشاف انها لابسه بنطلون وبلوزه . وهز راسه . اتفضلى هيلينا .
هيلينا : حطت الشنطه ع المكتب . وقعدت. وخشتنى اوى رأد . انا موش اعرف اخبى مشاعر جوايا . رأد انا شايف ف عينيك مشاعر لهيلينا .
رعد : اتنهد بتعب . هيلينا . احنا اتكلمنا ف الموضوع ده قبل كده . حرام عليكى بقى انا من يوم ماقبلتك وانا مش مركز ف شغلى والنوم راح من عينى . لو سمحتي افهمى انا حتى لو بموت فيكي . استحاله اتجوزك وانتى بالشكل ده !!
هيلينا : بزعل . قامت وقفت . طيب رأد بوص ع لبسي . انا ليبست زى ما انت عايز . لبس طويل .
رعد : قام وراح وقف قدامها . لا ياهيلينا لأ. مش ده اللبس الل انا بتمناه لمراتى .
هيلينا : طيب انت اتمنا ايه .وتتجوز ايه.
رعد : بص ف عينيها . انا لما اتجوز هبص ع الاخلاق . والأخلاق والاحترام بتبان من اللبس . مش شرط كلهم . لكن انا بتمنى أن مراتى تلبس لبس واسع فضفاض . مايبنش منها حاجه . ستره نفسها . لربها قبل جوزها . عايزها تخاف ربنا فيا . عايزها ... وحس انها مش فاهمه . واتنهد . بصي هيلينا . شوفتى لما جيتى اول مره . ودخلتى فيلا آدم العدوي .لفهد؟
هيلينا : هزت راسها بدموع . ايوه .
رعد : لما دخلتى جوه الفيلا . شوفتى البنات كانو محتشمين ف لبسهم ازاى . مش شرط النقاب . لكن شوفتى الفستان فضفاض عليهم ازاى؟ شوفتى لبسهم ف قمة الشياكه والاحترام . انا بقى بتمنى إن مراتى ف المستقبل تبقى من النوعيه دى . وصدقينى هقدملها قلبى وروحي هديه .
هيلينا : بدموع . رأد انا اسال سؤال وانت جاوب عليه . انت بتخب هيلينا رأد .
رعد : قلبه دق . واتنهد . وهز راسه . ايوه هيلينا . انا غصب عني لقيتك دخلتى جوه قلبى . ازاى معرفش . كل تفكيري فيكى مسيطر عليا . حاولت مفكرش فيكى لكن غصب عني بلاقي نفسي بفكر فيكى . حتى لما جيتى ورايا ع الشركه هنا . وكنت بزعقلك علشان تمشي . كنت ببقى مدايق جدا من نفسي . لكن انا اسف مقدرش اقدملك الحب ده . لان دينى ورجولتى رافض المبدء من البدايه أنا أرفض أن مراتى تبقى ماشيه جمبى ف الشارع وكل الرجاله بتبص عليها وع مفاتنها . رجولتى ترفض نظرة الناس ليا . وتشاور عليا . ويقولو شوفو الل ماشي وسايب مراته شبه عريانه وكل الناس بتبص عليها .؟ ساعتها هبقى ف نظرهم مش راجل ابدا .. وكمان ربنا هيبقى مش راضي عنى . انا حبيبتك . لكن انا اقدر اتغلب ع حبى ليكى . ف مسألة الدين . واحترامي لنفسي. هيلينا انتى لازم تتغيرى علشان نفسك . علشان دينك . قبل منى . وصدقينى اليوم الل هلاقيكى فيه اتغيرتى للافضل . لبستى واسع . ولبستى حجاب . وصليتى . وتغيرى تقاليد الغرب . ساعتها رعد هيبقى ملك ايديكى . غير كدا . انا اسف .
هيلينا : بتسمعو . وفهمت كلامه . لانها حسته بقلبها . وقالت رأد صعب كيتير البس غطاء ع شعري . انا وانت نيتجوز . وواحد واحد اتغير معاك .
رعد : ابتسم بوجع . وهز راسه لأ هيلينا . انا ممكن اتجوزك . لو لبستى حجاب وواسع وفضفاض . وبعد الجواز . اغير من عاداتك وتقاليد الغرب الل اتربيتى عليها . غير كدا انا اسف بجد .واتنهد وقال. انا نفسي اخطفك واخبيكى عن العالم كله لان جواكى جميل اوى . كفايه انك قاطعتى مسافات طويله علشان اعتذار . انا بتمنى انك تتغيرى . ساعتها هكون اسعد واحد في الدنيا دى كلها .
هيلينا : بتسمعه وفرحت لانه بيحبها وبعد ما خلص كلام . مسكت ايد رعد وحطتها ع قلبها. بوص رأأد . قلبى بيدق كيتير كيتير رأد . ارجوك تعالى نيتجوز وانا اتغير معاك واحده واحده .
رعد : من لمسة أيدها قلبه بيدق. وسمع دقات قلبها . وشال ايدو بسرعه .وكمان زعل علشانها
واتخنق . وزعقلها.وهيلينا اتخضت.. ارجوكي ياهيلينا كفايه بقى . مش كل يوم ف نفس الموال ده لا انا موافق ولا انتى هتتغيرى . . انا حاسس اني بتعذب من سنين مش اسبوع واحد . ارجوكي مدام مش هتتغيرى ابعدى عن طريقي . ارجعى بلدك . ارجعي وعيشي حياتك . عيشي سهرات وحفلات . وخروجات . البسي قصير برحتك . عري جسمك برحتك . بس بعيد عنى .انا لا يمكن اوافق عليكى وانتى كدا فاهمه ولا لأ . وياريت لو تتفضلى بقى من هنا . ولف ضهره ليها . وغمض عينيه وقلبه مخنوق علشان أسلوبه معاها وسمع صوت عياطها . وفتح عينيه بغيظ . اسمعي يابت الناس . ياريت متجيش الشركه دي تانى . وتنسي حد اسمه رعد . وياريت لو تسافري من دلوقتي . انا مش عايز اشوفك تانى فااااهمه .
هيلينا : واقفه وبتعيط . وقالت بشهقات.ماشي رأد انا ماشي واينت من تشوف هيلينا تانى . انا بكرهك رأد هيلينا بتكرهك كيتير . وخدت شنطتها وجريت وخرجت من المكتب . ومشيت.
رعد : قلبه ادايق علشانها . وقعد ع كرسي المكتب وغمض عينيه واتنهد بوجع كبير . انا اسف يا هيلينا غضب عنى سامحينى . وياريت تكرهينى فعلا . وياريت لو اقدر انساكي ..
----------------------بقلمى Mariem Nasar
بعد فتره .
فهد . ورينو بعد ما اخدو شاور . اتغدو . ورينو حست انها تعبانه ومحتاجه تنام . وفهد دخل قعد جمبها لحد ما نامت ..
فهد : قاعد ع السرير . وبيفكر ف هيلينا .ياتري ايه الل جابها ع مصر . وبعد مافوقت من الغيبوبه بفتره صغيره . البنت دي الل يشوفها يقول عليها بريئه . طيب معقول جت من ايطاليا مخصوص علشان تعتذر !!؟ طيب اعتذرت والموضوع خلص . ايه الل خلاها تفكر انها تقدم هديه وبالشكل ده؟ لأ وكمان ع جزيره خاصه ؟ مش يمكن حد من المافيا زقها علينا . لأ مافتكرش . لأن المافيا استحاله توصل لينا . طيب ايه سبب انها تيجي ع هنا ؟ اوووف . لأ وكمان رينو عايزه تسافر . يارب اعمل ايه . ايوه مفيش غير مراد واكرم . وقام من جمب رينو بشويش . واخد فونه وخرج . واتصل ع مراد . ورد الووو فخد باشا بنفسه هههههههه.
فهد : اه ياخفيف . اهمد بقى عايزك ف حوار مهم .
مراد : بهزار . عايز فلوس ؟
فهد : صك ع اسنانه بنفاذ صبر . يبنى اسمع بقى . هيلينا جت عندي ع البيت انهردا !!
مراد : بدهشه . ايييه ينهار اسوس . وكانت لابسه ايه ؟ ههههه .
فهد : ولا يامراد . مش وقت هزار خالص بجد ف حوار مهم . وعملت حركه غريبه انهردا !!
مراد : اتعدل . طيب انا معاك قول ايه الل حصل ؟
فهد : اسمع يسيدى . وحكاله كل حاجه حصلت !! بس ده كل الل حصل ورينو مصممه ونفسها تسافر .
مراد : بتفكيرر امم حاجه غريبه فعلا . بص يا فهد. انت قولت انها سابت رقم فونها وعنوان الجزيره . والتذكرتين .
فهد : ايوه .
مراد : طيب سهله جدا . انت ابتعلى رقم الفون بتاعها . وصور التذاكر وعنوان الجزيره . وابعتهم على الواتساب . وادينى ساعتين زمن بس !! واكون جايبلك القديم والجديد كله بتاع هيلينا دي . وخصوصاً أن ابوها معروف .
فهد : هتكلم اكرم .
مراد : طبعا ده انا لازم أكلمه .
فهد : بس اكرم ف اجازه مع مراته وابنه .
مراد : مالكش دعوه بس انت .وانا هتصرف معاه . ولو البت دى طلعت ابيض . انا لو منك اخد مراتى واطير ع المالديف . والعا معاك يمعلم
فهد : ههههه ام نقك عليه ده . بس اعرفلى كل حاجه . وبعدها نشوف هنعمل ايه . انا هصورلك كل حاجه وابعتهالك حالا ..
مراد : اشطا . يلا سلام . وقفلو ..
فهد : صور الرقم وصور كل حاجه وبعتها ل مراد .
مراد : اخد الصور وبعتها ل اكرم . واتصل عليه . وطلب منه يعرف كل المكالمات الل تمت ع رقم هيلينا . ويوصل بأي طريقه ل ايميل الفيس بوك . إن شاله من خلال ايميل والدها . ويتحري عن هيلينا ف ايطاليا . وكمان يعرف كل حاجه عن الجزيره . وهل فعلا ف حجز خاص ولا لأ .
اكرم : قاله تمام . ساعتين زمن واجيبلك كل المعلومات . وبكره اجيبلك ماضي هيلينا كله .
مراد : تمام ياشبح ف انتظارك . وقفلو ..
بعد شويه .
رينو : صحيت ملقتش فهد جمبها ..وقامت وخرجت . وشافته بيتكلم ف الفون . ولما شافها ابتسم . وشاورلها .
رينو : راحت تقعد جمبه . لكن فهد شدها وقعدها ف حضنه . وهي ضحكت بصمت .
فهد : بيتكلم ف الفون . طيب تمام . تمام . هههههههههه يبنى بطل بقى الله يخربيت كدا .
مراد : والعا يابا . هتسافر بقى ويخت وجُزر وحورات . مكنتش انا الل انقذت هيلينا دي . ههههههههه .
فهد : ههههههههه وانا موافق . خدها باليخت بالطياره وبالجزيره كمان .
مراد : وانا موافق . بس اختك هتصعب عليا. ههههههههه .
فهد : يبقى الله يرحمك بقى .
مراد : عيب عليك . صحبك وحش يسطا .
فهد : اه . طيب هات فريحه كدا اقولها ؟
مراد : ههههههههه انت محدش يعرف يهزر معاك ابدا هههههههه .
فهد : ههههههههه . كلنا لها يبنى . قولى آدم ومريم فين . رينو بتسال وهفتح الاسبيكر ؟.
مراد : اذيك يابت يارينو .؟
رينو : ابتسمت الحمدلله . اذيك انت يا ابيه ؟
مراد : انا قمر يقلب ابيه ههههه .. اسمعى يستى .آدم . بعد الغدا . اخد مريوم وخرجو ف جوله عائليه . راحو لطارق . ودلوقتي عند شيرين . وهيطلع ع ملك . وبعدها ع حسام .
رينو : استغربت .ايوه . بس مامي اتصلت عليا الصبح ومقالتش أنهم خارجين ؟
مراد : لا مريوم مكانتش تعرف . ده قرار مفاجئ من ادامها ههههه . ياما نفسي اعرف اسم الدلع بتاع آدم ايه ههههههههه .
رينو : هههههههههه . انت لسه مصمم بردو يا ابيه ؟
مراد : ايون يابت . دا انا ببحث عن الموضوع ده . بس عارفه . انا اشتغلت ف مهمات صعبه جدا . بس معلومة دلع آدم ده مش قادر اوصلها . بس بعون الله هعرف ده انا ابن العدوي .
فهد ورينو : ضحكو عليه ..
مراد : يلا بقى انا هقفل. لانى يدوبك البس وانزل اجيب فريحه من العياده . وقفلو .
فهد : حط الفون جمبه . وحط ايدو ع بطنها . ايه ياروحي نمتى كويس ؟
رينو : امم . بس قايمه كسلانه خالص .
فهد : طيب انا عندى ليكى مفاجاه هتخليكى رشيقه وفراشه هههههههه .
رينو : كشرت عينيها . فهد مش علشان تخنت شويه بسبب الحمل . تقعد تلمح عن الرشاقه اوكي .
فهد : ههههه والله ما قصدي كدا خالص . وقولتلك قبل كده . انتى مش باين عليكى . وحتى لو تخنتى ولا يفرق معايا . المهم رينو روحي جمبى وف حياتى .
رينو : ابتسمت وحاوطت رقبته بايديها . حبيبى يافهد ربنا مايحرمنيش منك ابدا . ها قولى بقى إيه المفاجأة؟
فهد : همس ف ودنها بحب. استعدى علشان هسافر انا ومعشوقتى الصغيره ع المالديف . وهقضى معاها اجمل 10 تيام ها !؟ مبسوطه؟.
رينو : شهقت بصوت عالى . بييجاااد يافهد.
فهد : هههههههه بييجاد ياعشق الفهد . انا عملت شوية تحريات كدا . واخوكي مراد جابلى الناهيه . وكله تمام والبت طلعت ابيض.
رينو : بفرحه . حضنته جامد اوي بحباااااك . بحبك . بحبك . اوى اوى اوى يافهد. بموت فيك .
فهد : وانا بعشق فرحتك وسعادتك ياقلب فهد.
رينو : يعنى هنسافر انا وانت وبس . وهقعد معاك ع جزيره خاصه لوحدنا ؟ وهخرج بشعرى . واجري ع البحر .
فهد : رفع حاجبه . وقال بتريقه . اه ياحبيبتى هتخرجى بشعرك . وهتلبسي مايوه كمان ع البحر .
رينو : شكلك بتهزر صح ؟
فهد : اله ما انتى الل بدئتى تهزرى يالاري .
رينو : بدلع طفولى . بيبى ارجوك . مفيش حد هيشوفنا . عايزه أعيش معاك بحريه شويه . بلييزززز . وباسته . ارجوك . ارجوك . ارجوك.
فهد : مط شفايفه.وهز راسه . بصي سيبى كل حاجه لوقتها . انا محكمش ع حاجه من غير ما اشوف النظام هناك ايه ؟ ولو . هاا؟ انا بقول لو . مفيش حد موجود هناك غيرنا . اخرك فستان وتحته بنطلون .وممكن تنزلى الحجاب شويه . يعنى 5 سنتى كدا .
رينو : ربعت ايديها بزعل .فستااااان !!!؟؟ مش مسافره . مش عايزه اسافر . بعد اذنك . وجت تقوم من حضنه.
فهد : مسكها . رايحه فين . وايه الل زعلك دلوقتي . مش كفايه انى دوست ع قلبى وهخليكى تقلعي النقاب بليل !!
رينو : بصتله بسرعه . وصكت ع أسنانها بغيظ . واتكلمت بغيظ. انا مش عايزه اسافر يافهد . وسبنى اقوم . انا هكمل نوم افضل . وقامت دخلت الاوضه وقفلت الباب جامد.
فهد : اتنهد . وقام . ودخل الاوضه . وشافها قاعده ع طرف السرير وبتهز رجليها بنرفزه .وراح قعد جمبها .
رينو : بغيظ .لفت وشها الناحيه التانيه ..
فهد : رينو حبيبتى !!
رينو : ..... مبتردش .
فهد : انتى يابت انا بكلمك . مش سمعانى .
رينو : ......مبتردش .
فهد : سابها . وراح الاتجاه التانى من السرير ونام مكانه .ع ضهره . ااااه ياضهرك يافهد . يالى كنت بتفكر لو الجزيره فاضيه من الناس هتخلى مراتك تجري ع البحر . بالبنطلون. وبلوزه وفرده شعرها.
رينو : فتحت عينيها وبوقها من الفرحه . ورجعت قعدت جمب فهد . بجد . بجد يا فهد ؟
فهد : بصلها. حضرتك بتكلمينى أنا ؟
رينو : هههههههه . ايوه بكلمك انت ههههه.
فهد : اتعدل . وبعدين معاكي بقى . اى كلمه متعجبكيش تزعلى وتمشي .
رينو : بطفوليه . ما انت ياحبيبى الل بتقول كلام يدايقنى . ف باقوم علشان منتخانقش مع بعض . والله انا مش عايزه اتخاق معاك انا بحبك اوى.
فهد : قرب منها بحب . وانا بعشق كل حاجه فيكى .
بعد يومين ..
فهد : حبيبتى انا نازل . رايح ل رنا وطارق . هتحتاجي حاجه وانا راجع ؟
رينو : اممم سلامتك ياحبيبى . سلملى عليهم كتير .
فهد : باس جبينها . خلى بالك من نفسك . ومتفتحيش لحد . وجرس الباب رن .
رينو : ياترى مين ؟
فهد : ثوانى . خشي جوه . وراح يفتح ..
هيلينا : هاي سفيان .
فهد : شاف هيلينا . ووشها باين عليه الزعل . اهلا هيلينا . اتفضلى .
هيلينا : جت تدخل . لكن افتكرت كلام رعد . وقالت قبل ما تدخل هي لارين موجود في البيت .؟
رينو : من جوه . تعالى ادخلى ياهيلينا . انا موجوده !!
فهد : هز راسه . اتفضلى .
هيلينا : ثانكس . ودخلت وسلمت على رينو . هاى لارين عامل ايه ؟
رينو : شافت شكلها مرهق . ومفيش ابتسامة كل مره . اهلا هيلينا . تعالى اقعدى . تشربى ايه ؟
هيلينا : نو ثانكس .انا جاي اعرف انت موافق أو لا علشان عايز امشي من هينا بيسرعه .
فهد : قعد . ورينو قعدت جنبه . ومستغربين نبرتها .
فهد : احم فى حاجه حصلت معاكي هنا ف مصر ؟
هيلينا : نو موش هصل هاجه . وابتسمت بتمثيل . قول لارين سفيان وافق انه سافر انت وهو مالديف .
رينو : قامت وقعدت جمبها . مالك يا هيلينا ؟
هيلينا : ضحكت بدموع . ابدا موش في هاجه .
فهد : خايف ع رينو . انه يسيبها معاها . لكن شاف الحزن ع وش هيلينا . وقام وقف احم . انا هدخل اعمل حاجه نشربها . وهسيبكم . وخرج . ومن جواه قلقان ع رينو ..
رينو : ها بقى فهد قام . مش هتقوليلى مالك؟
هيلينا : عيطت . بصوت مهموس . انا تعبان كيتير لارين . انا موش عارف اعمل ايه .
رينو : اهدي ياحبيبتى . اهدي واحكيلى ايه الل حصل معاكي . الموضوع يخصك انتى ورعد ؟
هيلينا : هزت راسها ايوه . تعرف لارين . رأد بيحبنى كيتير . هو قال كيدا . بس رافض انا . رافض لبس هيلينا . رافض شعر هيلينا بدون غطاء الراس .
فهد : سمع كلام هيلينا . واطمن ع رينو . ودخل المطبخ يعمل مشروب ..
رينو : جابت منديل خدي امسحي وشك واهدي ياهلينا . احكيلى ايه الل حصل بالظبط . انتى اخر مره روحتى ل رعد امتى؟
هيلينا : انا روهت ل رأد الشوغل يوم كنت هينا عندك اقدملك الهديه . ورأد قالى امشي من هينا بيسرعه ارجع بلدك . سافر هيلينا وابعد عني . وعيطت .
رينو : طيب بطلى عياط . قولى كل الل حصل .وهنلاقى حل ان شاء الله .
هيلينا : حكت ل رينو كل حاجه من اول مره شافت فيها رعد . لحد اخر مره كانت عندو ف المكتب وقالت إنها بتكرهه . وروحت ع البيت . وأبوها مشغول . وقضت اليومين ف البيت لوحدها ومراحتش تانى ل رعد . ومستنيه ميعاد الطياره بفارغ الصبر . وجت انهردا . علشان السفر بكره .
رينو : سمعتها للآخر . وفهد جاب العصير . وسابهم مع بعض وقعد جوه . ومرضيش ينزل غير بعد ما هيلينا تمشيى ..
رينو : سمعت كل كلام هيلينا وصعبت عليها جدا . ورينو بتفكير . قامت وجابت اللاب توب . ودخلت ع النت . وجابت دروس مبسطه وسهله لشرح الاسلام .باللغه الايطاليه .الزي الإسلامي للمرأة . والصلاه . والزواج . وجابت حجات سهله توصلها المعلومه بسلاسه . وبعدها . رينو شرحت ليها موقف رعد . وانها هتخسر كتير لو سابت رعد . لان هيلينا غنيه جدا . ودي كانت فرصه ل رعد لو محبكيش كان ع الاقل اتجوزك علشان ثروتك . لكن رعد رفض كل حاجه . واختار دينه .يعنى رعد هيصونك وهيحميكى . ورينو حكتلها عن حياتها ف حجات بسيطه . وإن النقاب والحجاب عمرو ماكان حاجز ان البنت تحقق ذاتها وحلمها . ورينو قالت ليها انها ف كلية الطب . وإن فهد هياخدها تكمل سنه ف جامعة ف بريطانيا . وبخرج مع جوزي وبتفسح وبسافر وعايشه حياتى . لكن جمالى ولبسي وجسمي محدش يشوفه غير جوزي .ومحارمي . غير كدا . محدش ليه الحق انه يشوف خيالى . وانتى ياهيلينا . لازم تنقذي نفسك من عذاب الاخره . انتى فكرى . ف سبب إن ربنا بعتك علشان تشوفي رعد . وتقابليه . ويكلمك عن الاحتشام . ودي اكيد اشاره ليكي إن ربنا عايزك تلتزمي وترجعي عن الطريق الل انتى فيه . وتقربى من ربنا .وصدقينى . دين الإسلام يسر وسهل جدا . وف النهايه رعد هيتجوزك . وكمان لما تقربي من ربنا وتحتشمى ف النهايه هتكسبى. جنه .
(جنه فيها لا عين رأت ولا أذن سمعت ولا خطر ع قلب بشر)
هيلينا : شافت ف اللاب توب . وسمعت من رينو . وحست براحه جواها . وكمان متلخبطه . وسمعت عن حياة رينو . ومتجوزه ومبسوطه . وهي لابسه نقاب يعنى الحياه موقفتش لما اتنقبت . لأ دي بتكمل تعليمها . وهتسافر . وعايشه ف سعاده . لكن جواها متلخبط . ومهزوز . مش بالسهوله انها تاخد قرار بتغيير شامل ف حياتها ..
رينو : شافت حيرة هيلينا وفكرت انها تقربها من دينها واحده واحده وتشرحلها بسلاسه . ومسكت أيدها . حبيبتي انا عايزه منك طلب .
هيلينا : قول طلب ايه .
رينو : عايزه ايميل الفيس بوك . بتاعك . ورقم الواتساب . عندك . ممكن .
هيلينا : ابتسمت . ونبقى اصدقاء أنا وأنت؟
رينو : طبعا . انا هكلمك كل يوم . اوكي .
هيلينا : اوكي . وكل واحده اخدت ايميل الفيس بوك والواتساب ..
هيلينا : كيدا تمام . ها لارين . انت قولت ايه . سفيان وافق ع سفر اسيا ؟
رينو : ابتسمت بفرحه . ايوه . فهد وافق .
هيلينا : ضحكت . واو انا شايف انك كيتير مبسوط لارين ؟
رينو : هزت راسها . ايوه وانا بجد بشكرك جدا.
هيلينا : متقولش كيدا . وقامت اوكي . يعنى انا احجز طائرة جزر المالديف بكره اهنا التلاته.
رينو : ثوانى اشوف فهد رائيه ايه . وراحت سالت فهد. وقالها تمام زى ما اتفقنا .عايزه نسافر كلنا بكره . او عايزه نسافر بعد منها . انا موافق ..
رينو : بتفكير . وشافتها فرصه . انها تسافر مع هيلينا . وتتكلم معاها ف الطياره عن الحجاب . وقالت خلاص ياحبيبى نسافر بكره كلنا مع بعض ..
فهد : تمام زي ما تحبى .
رينو : بسعاده. اوكي . وخرجت وبلغت هيلينا . واتفقو انهم هيسافرو بكره بليل ع ميعاد الحجز ..وهيلينا سلمت عليها وخرجت .
----------------------بقلمى Mariem Nasar
فهد : حبيبتي . بما اننا هنسافر بكره . البسي بقى بسرعه . نروح ل رنا وطارق. ونسلم عليهم . وبعدها . شيرين . وبعدها آدم . ايه رايك .ولا حاسه انك تعبانه مش قادره ؟
رينو : لأ لأ انا كويسه . ثوانى البس . ونروح نسلم ع العيله ..
ورينو . لبست .وفهد اخدها وخرجو . وراحو ل طارق وعرفوهم . وسلمو عليهم . ورودي مشغوله ف العياده الجديده . ورينو باركت ليها . وبعدها راحو عند مصطفى وشيرين .وقعدو معاهم شويه وبلغوهم وسلمو عليهم .وخرجو . وراحو عند آدم ومريم . وسلمو ع الكل . وبلغوهم بالسفر . ومريم قلقت ع رينو . وقالت ..
مريم : طيب يارينو . انتى حامل . وخلاص كلها ايام وتدخلى ف الشهر السابع .
رينو : متقلقيش يامامي . إن شاء الله خير . احنا هنسافر بالطياره . ولما ننزل هناك ف الطياره هناخد طياره خاصه لجزر المالديف . بجد انا متحمسه اوووى .
مريم : بقلق . ربنا يستر . استودعتك عند الله.
فهد :متقلقيش يامريم . احنا مجهزين كل حاجه . ومعانا ربنا قبل اى حاجه . والل مكتوب هنشوفه .
كلهم . ونعم بالله ..
آدم : خلى بالك منها يافهد . ولو حست بأى تعب . تقطع الاجازه وتنزل فورا .
فهد : حاضر ياعمى . والله انا مكنتش موافق . لكن رينو بقى نفسها تشوف الميا الزرقا. وضحك . وكلهم ضحكو ..
رينو : شافت مريم . قلقانه . وقامت قعدت جنبها . ايه بس ياست الكل . مالك قلقانه ليه؟
آدم : مسك ايدها . مالك يامريم ؟
مريم : ابدا . انا بس مش متعوده أنهم يبعدو عنى . رينو مسافره بكره مع فهد ١٠ ايام . ونور مسافره كمان يومين مع محمد ع اسكندريه ١٠ ايام .
رينو : مامي لو حاسه انك قلقانه . خلاص انا ممكن مسافرش . والله مش مشكله خالص . الاهم عندى انك تكونى مبسوطه ...
مريم : ابتسمت بحب .لا ياحبيبتى . انا سعادتكو وفرحتكو عندى بالدنيا . سافري يابنتى واتهنى وربك هو الحافظ .
رينو : حضنتها . حبيبتي يامامي . انا بحبك اوى اوى . انتى اجمل واحن ام ف العالم كله.
مريم : ضمتها بسعاده . وانتي واخواتك اجمل هديه ليا انا وآدم ف الدنيا .
فهد : الله الله . نجيب شجره بقى واتنين لمون . ولا ايه ياعمي .
آدم : هههههههه . انا كنت لسه هدمع. قطعت سحر اللحظه انت ههههه..
فهد : ههههههههه . خلاص كلاكيت تاني مره . دول احلا اتنين يعيطو ف ثانيه هههههه .
رينو : كشرت عينيها . والله يسي فهد . وبطنها اتحركت . اهو شوفت آركان وآرين اعترضوا ع كلامك اهو .
فهد : اله . هتبقى انتى وهما وتيم عليا . الله يرحمنى بقى . ههههه.
رينو : لاااا تيمو ده راشق ف قلبى .
فهد : بصلها بشرز . قولتى ايه !!!؟
رينو : بصت ل آدم ومريم . هو انا قولت حاجه ؟
آدم. ومريم . هههههههههههه ..
رينو : والنحمه ماقولت حاجه .وغمزت لفهد مافيش غير بابى الل راشق ف قلبى . عندك اعتراض !؟
فهد : فهم انها بتغيظه. وقال . آدم ده راشق ف منتصف قلبى . ولا مريوم بقى .
آدم : بتحذير . ولاااا . ابعد عن مريم . خلصنا من الجبله . هتطلع انت . هااااا .
رينو : قامت وقعدت جمب فهد . وشمتانه فيه ..هههههههههههه . ههههههه .
فهد : هز راسه وهمس ل رينو . وحيات امك . لانتقم منك لما نروح حااااضر !!!!
رينو بلعت ريقها وخافت ..
وبعد شويه . المغرب إذن . وصلو المغرب . وفهد ورينو . سلمو ع كل العيله . وخارجين من فيلا آدم . وفهد شاف رعد واقف . وسرحان وتايهه . وفهد افتكر نفسه لما كان مفارق رينو .
رينو : لما شافت رعد بالشكل ده . قالت انا لازم اعمل كل الل اقدر عليه . علشان اجمع قلبين تايهين ف الحلال . انا جربت وجع الفراق . ومش عايزه حد يجربه -----