رواية حلمت به فوق حلمي
الفصل السادس6 والاخير
بقلم رحمه أيمن
€ انا واحد بحبك يا رحمه .. واحد بحبك وغيران
_!!!
€ والله العظيم بحبك
_"بتوتر " مراد ان... انت بتقول اي
€ بقول الي حسه ، طيب انا هقعد لي لعند دلوقتي ولسه مسافرتش .. بحبك من زمان جدا كمان ، رحمه مش عيزك تردي دلوقتي انا هسافر بعد بكره وهستنى اسمع ردك قبل ما سافر تمام
_....
€ ادخلي عشان متتاخريش علي عمو
كنت محتاره جدا ... معقول مراد بحبني انا ! طيب انا مش فهمه احساسي لي ، طيب وبفكر في ماركو لي .. هو كان متعصب لي اووف بقي علي الحيره ، اعمل اي يا ربي
_ صباحو
* اي يا بت عمله زي الزومبي لي
_ سبيني في حالي انا منمتش ساعه من امبارح
* اي الي حصل
_ عديت علي ماركو ملقتوش شوفتي
* تقريبا مش هنا انهرده هو مقلكيش
_ لاء مقليش ! هو كويس !
* تقريبا راح اجتماع عادي ، احكيلي يا مصيبه عملتي اي
بعد نص ساعه ..
* ههه كنت عارفه والله
_ ازاي ! هو قلك
* كان باين عليه اوي انه غيران عليكي لما كنتي بتسبي وتكلمي ماركو ويرن متروديش ويجي يسال عليكي اقله انك معاه كان يتجنن
_ طيب انا دماغي هتتفرتك اعمل اي
* فكري بقلبك مش بعقلك
_ ازاي يعني افكر بقلبي
* يعني بتخافي عليه اوي بتفكري فيه بتغيري عليه بتركزي معاه بتحبي تفصيله واهم من ده كلو احساس الامان، بتحسي معاه بالامان والسعاده
_ اي ده كلو يماا ، هو كويس بحب الهزار معاه والضحك وبهتم بيا بس....
* ايواا هيه بس دي
_ مفكرتش في كحب الصراحه ؟
* قدامك مهله لبكره ، فكري وقومي يلا الشغل
العصر...
_ هو ماركو مجاش
* لسه
المغرب....
_ ايه هو مفيش حد في الشركه لي ... ماركو جيه طيب
* صدعتيني اقسم بالله ... لسه لسه وحيات امي ما جيه اغنيهالك
_ الله بتزعقي لي مكنوش 15 مره سألتك فيها الله
* هشتمكي
كنت قلقانه عليه ، اول مره ميكلمنيش ول ميبعتليش مسج فتحت التلفون الف مره علي امل رساله مفيش ... بعت انا رساله ظهر سهم واحد وقافل تلفونه ... حاسه ان اليوم ناقصه سيكا ..
الساعه 9 مساء..
_ اممم اووه لاا لا لا بلا بو
الطباخه : في حاجه يا رحمه ، بقالك ساعه عماله تلفي وماسكه التلفون
_ انا ؟
الطباخه : لاء الحج ابويا الله يرحمه
_ يا طنط بقي
الطباخه: لو مستني البيه ، هيجي الساعه 12 كده فدخلي نامي احسن
_ شكلها كده
دخلت بصه في التلفون بردو وعملاه العب واسمع اغاني ومفيش حاجه شغلاني غير هو !
ترن ترن ترن ترن
_"اي ده " الو ، انت قافل من الصبح لي ها تعرف كام مره رنيت عليك كنت بتعمل اي طيب رن طمني انت...
: ههه اهدى يا مجنونه
_ يسلام بقيت مجنونه خلاص يعني ، ول انت الي ناوي تجنني
: طيب انزلي
_ انزل فين
: انا تحت البيت ، عرفت حد بحب الكريب كده وكنت جعان الصراحه فقلت اجيب اتنين واعزم بقي
_ لاء شبعانه الدايت هيبوظ
: بالفراخ
_ لاء هصمم مش هضعف لاء اسبتي
: وعليه جبنه كتير سيحه وكاتشب
_ قلتلي انت فين ؟
اول ما شفته قلبي فرح ، ابتسامته الي بشوفها مره في الاسبوع دي وشوفتها انهرده خطفت قلبي ... هو انا بعمل اي الله يخربتني
_ اممم عظمه
: بتحبي اوي كده
_ الاكله الي بتفرح لما تاكلها من قلبك كده الجبنه مع الفراخ ولما يكون سخن يسلااام ، انا جوعت وانا بكله
: ههه الحساب 50 جنيه
_ بس
: خلاص 55 وجنيه
_ اوعي تفتكر اني هسامحك عشان جبتلي اكل حلو وشبرقتني ، انسى
: يا شيخه سمحني بالله سامحيني ده انا زي ابنك يعني
_ يا رخممم
: يا بنتي شغل كان ورايه اجتماع وقفلت التلفون عشان اركز ، ثم انه مش حوار يعني لازم اشوفك كل يوم
_ اه لازم تشوفني كل يوم تعرف قلقت عليك ازاي ووح..
: ههه كمليها
_"بتوتر" شكرا علي الاكل انا لازم اطلع..
: ممكن تقعدي دقيقه
_ اصل انا هتاخر وكمان ب..
: خمس دقايق بوعدك
قعدت فعلا رغم اني كان نفسي اجري فورا بعد الاحراج ده ، عينه كانت بتقولي استني في كلام عايز اقله ... كان تعبان وانا حبيت اقف جمبه
: بتحبي ؟
_ عفوا
: مراد ؟ ... بتحبي ؟
_ ! ... انت ... انت سمعته
: لاء حسيت
_ قلي انه بحبني
: وانتي بتحبي
_ هيفرق معاك في اي
: هرتاح
_ مش فاهمه
: جيت الشركه هنا لقيت بنت معايه في الاسنسار ، واحده رومشها وعنيها وخوفها وكلامها مع نفسها زي المجنونه ههه دخلت دماغي مخرجتش ... اتعملت معاها بجفاء وبعدتها عني وحولت اسيطر علي نفسي فجت تاني وقدمتلي عصير وساعدتني رغم اني كنت رزل بس من جوايه كنت فرحان الصراحه بس بستعبط ... لقيت فستانها هيتفك علي المسرح جريت اعمله لقيت شخص دخل وعملهلولك لقيتك بتكلمي وتهزرو وتكلمو وكنت بشيط ول طايقك ول طيقه وكل مره اقبلك كان لازم احرق دمك ... وبعدها اتقربنا وبقيت اشوفك واكلمك كل يوم وبقيتي جزء من حياتي غيرتيني وفرحتيني بجد ... حياتي كلها شغل وتصميم وجديه عرفتي تحوليني لطفل من جديد لقى الحياه ...
_.....
: اي ساكته لي
_ لاء انا مش ساكته ، انا هطب ساكته ... انت بتهزر صح قول متتكسفش
: كنت عايز اقول عشان مندمش .. كان فعلا اليوم ناقص حاجه لما مشوفنكيش ورغم اني مطبق بقالي يومين جيت عشان انتي اهم ووحشتيني
_ احم ... لاء بص انت تروح تنام وتسبني كده مسلكه لاني هعيط دلوقتي انا هطلع ونبقي نتكلم بعدان "تقوم بتحرك"
: ربنا انا بحبك ، واوي كمان تي لو انتي مبتحبنيش انا مش هندم علي ده ... وهستناكي بوعدك
_ "تقوم بلف " ينفع اسالك سوال
: امم
_ هو انت اسمك اي
: ههه يوسف
_ يااه ، احلي من اسم الشهره صراحه اسم ماركو ده وحش اوي
: انا شكلي هرجع في قراري ول اي
_ ههه
: خدي بالك وانتي ماشيه ... سلام
بصلي ببتسامه وركب العربيه ومشي وانا كنت هتشل من التوتر .. وحسه انة في بركان طافع في دماغي .. هعمل اي طاا
_ cheo
الاب : اهلا اهلا
_ لسه صاحي
الاب : امم كنتى فين
_ ها ، كنت في الجنينه منا لبسه لبس البيت اهو ... المهم اعملي قهوه معاك
الاب : امم محتاره في اي
_ يا حج بقي خليني اقلك حاجه مره طيب
الاب : قدامك تلت ساعه عشان ورايه اجتماع
_ بص هو صحبت صحبت صحبتي بحبها اتنين انت متخيل واحد زميل ليها من زمان هيه اه بتعزه وبتهزر وبتكلم معاه بس فاهم مفكرتش فيه كحب يعني وتاني لسه ظاهر في حياتها بس بقو صحاب جامدين اوي اوي ... امم محتاره اختار مين ول فهمه مشاعري اقصد هيه صحبت صحبت صحبتي محتاره يعني
الاب : اممم بصي يا ست رحمه الحب ده عباره عن احساس في القلب مش نقدر نغيره انتي بتفكري فيهم هما وخايفه تاذي مشاعر حد منهم بس قلبك اكيد بحب وبعز شخص اكتر من التاني او بحس معاه براحه والامان والسعاده اكتر اقصد صحبت صحبت صحبتك
_ ايوا متفهمش غلط
الاب : لازم تعرفي الحياه اختيارات وتجارب ولازم تختاري صح عشان متندميش
_ اكيد ... حيبك جوي ، هروح انام بقي عايز حاجه
الاب : رحمه هيه صحبت صحبت حصبتك دي بتشتغل اي الموضوع اثار فضولي الصراحه
_ بابا بقي
الاب : ههه رحمه بقي
رغم انه الحج كشفني وعرف الي فيها بس معاه حق لازم اقرر وافهم انا عايزه اي ومندمش ، خليكي ديما عرفه انه الحياه احيانا بتحطك في اختيارات كتير وانتي لازم تفكري كويس وتختاري الي يسعدك ويفرحك وبس مهما كان صعب او غريب بس اهم حاجه هتحسي انك عملتي الصح ....
في الكافيه ...
_ بص... هو انا ... مراد انا ...
€ ههه يا بنتي عادي قولي انك مش عايزه متخافيش
_ انا اسفه
€ هو انا مجروح اه بس طبعا مش هبينلك ههه متقلقيش
_ انت شخص يتمنى اي بنت في الدنيا انت فعلا تستاهل كل خير وربنا هيعوضك بالاحسن صدقني
€ لو لقيت زيك هبقي تمام
_ انا ... هو بس...
€ ههه يا بنتي عادي ده قرارك وانا هحترمه والطياره باقي عليها ساعتين وعايز اجهز الشنط فلازم امشي
_ مراد ، احنا هنرجع صحاب تاني مش كده
€ هجوابك لما اكون كويس ، خدي بالك من نفسك سلام
حسيت اني خزلته وفعلا اصعب احساس في الدنيا انك تتخزل من شخص كنت متعشم فيه ، بس انا لو فعلا وافقت مكناش انا وهو هنرتاح وساعتها هيضيع الحب وهضيع الصداقه واكون غلطت غلط اكبر وهيكون صعب الرجوع فيه .....
...جريت بسرعه زي المجنونه بكل فرحه علي الشركه وكل تفكيري اني اقله باعلي صوت .. بحبك
: عرفت انك قابلتيه
_....
: قلك اي ، قلتيله انك بتحبي ...
_تؤ قلتله اني بحبك انت
: لو بتحبي مش هز... اي !
_ ههه
: بجد ول بتهزري
_ تعالي ورانا شغل كتير ودروس عايزين نخلصها
______________________
: مبروك يا مصممتي
_ نور ايها المعلم
: مغطيه وشك لي
_ ان ان اه .. اي رئيك
: اتحجبتي !
_ اها من اهم القرارت الي كان نفسي اكون مصممه عشانها هو اني البس حجاب وصمم لبس ديني وشيك
: امم ملاك يا بنت امير هه
_ اوفر اووووي ههه ❤
: رخمه اوووي❤
اتعودي ديما لما تحلمي تسعي للحلم ده مهما مرات عليكي ايام وظروف كوني قدها حبي شغلك واتقنيه ودوري عليه ولقيه حتي لو بعد سنين لو لسه في وقت اكيد لسه في امل ...🧡💫
تمت