رواية جبروت انثي وسطوة رجل الفصل التاسع والعشرون29بقلم الاء الرحمن
كل حاجة بقت جاهزة عالتنفيذ عايزك تجهز نفسك
ههههههههههه ولا يهمك انا هخليهم يمشوا يكلموا روحهم
لكن نور ليا انا ومش لغيري فاهمة ومحدش يقدر يبص عليها
ونور مش هتكون غير ليك وده وعد مني انا سلام
استني
نعم اخلص الكل بيستنى تحت
نور ما تعرفش اي حاجة عن اتفاقنا ده
اكيد سلام
مروى قفلت الفون ولسه هتنزل
كان مالك وراها
مروى لسه هتتكلم معاه وتشوف هو فهم ايه
نزل وخرج من القصر كله
ليا :اعذريه يا طنط هو مش مستوعب الفكرة لسه
مروى قربت منها بحنية :انتي عرفتي
ليا اومأتلها بدماغها بأه
مروى :صدقيني لما هيفهم هيديني كل اعذار العالم
ليا بابتسامة :وانا متأكدة من ده يا طنط الست الي شايفها دلوقت ست مفيش احن منها
هنا جت نور وماسكه في ايد ادهم
نور :صباح الخير
مروى بابتسامة :صباح الفل وحشتيني يا بنت
نور :هههههه وانتي كمان
مروى بصت لادهم بغيظ :خد بالك منها يله واوعى تزعقلها او تزعلها من تاني
ادهم حضنها من كتفها ببرود لمروى :نور مراتي وحبيبتي واشيلها في عيني مش محتاج حد يوصيني عليها
خرجت فريدة وسلمى ادهم طنشها وباس نور على خدها :انا هروح الشركة وانتي خدي بالك من روحك
نور :اوك وانا ربع ساعة وطالعة
مروى شدتها معاها :يبقى تعالي نشرب القهوة مع بعض
فريدة بغييييظ :ااااع هتجنن
نور كانت بتضحك جامد
مروى :في ايه
نور قصت عليها الي عملته بفريدة
مروى :هههههههه لا ولسه التقيل جي بس براڤو عليكي
نور باحراج :خالتوا هو انتي وجدو عاملين ايه
مروى ببرود :عادي
نور :خالتوا هو انتي فعلا مش هتقدري تسامحيه تصدقي صعبان عليا جدا
مروى بقرف :ولا عمري هسامحه ده اكتر انسان كرهته وبكرهه وهكرهه
ده قال لمالك امك سابتك على شان تشوف حياتها عبى دماغه عليا
مالك مش طايق يبص في وشي يا نور عارفة لما تتحرمي من ضناكي سنين طويلة قوي على امل لما يرجعلك يترمي في حضنك وتبقى دي بس اوهام في دماغك
سامي اكتر انسان مذي في الحياة دي كلها لو لفيتي العالم اقسملك ما هتلاقي خد مؤذي قده
نور بشرود :لكن الحب يا خالتوا بيعمل اكتر من كده ليه ما قولتيش مثلا انه جدو حبك حب محدش حبه لحد قبل كده
ولا ايه يجبر راجل في سنه يجبر وحده بعد السنين دي كلها انه يجبر وحده تتجوزه برغم كل حاجة بتعمليها فيه لكن لسه صابر عليكي
ومتأكد انه هيموت ويملك لكن مع رفضك ما قربلكيش
مروى :سامي ما بيحبنيش سامي بيحب التملك
حاجة عجبته وما امتلكهاش وطبعا ازاي سامي العمري يطلب حاجة وما ينولهاش دي كانت حاجة كبيرة قووي بالنسبالة صدقيني بسننا ده لو خدني في رضايا هبقى زيي زي غيري بالنسبالة
نور :تصدقي الكلام ده غلط بالعكس الي بيحبك لما يملكم وبرضاكي بيبقى عايز يعمل اي حاجة على شان يرضيكي
مروى 😏:نور يا حبيبتي حبي جوزك اه لكن ما تتعلقيش فيه قوي كده
نور :خالتوا هو انتي ليه بتكرهي ادهم
مروى بسخرية :بكرهه مرة وحده انتي ما تعرفيش حاجة يا نور اسكتي
نور :لانه شبه جدو
مروى مسكت ايدها :انا ما بكرهش ادهم يا نور انا احيانا بكره بعض تصرفاته وتحكماته الزيادة فيكي
ومع الموقف الاخير الي عمله اتجننت منه بزيادة لما عرفت انه ضربك
نور :هو غلط اكييد بتصرفه لكن انا الي زودتها شوية على فكرة ادهم ضربني الم واحد ومش بقلل من الي عمله لا لاني لا يمكن اقبلها على كرامتي
لكن زعيقه وصراخه وغضبه كان اوڤر اوي على الي حصل
مروى :ربنا يهدي سركوا
............................................
عند ندى
كانت خارجة من اوضتها ما وعيتش لنفسها غير وفي حد بيسحبها وقفل الباب
ندى بغضب :انت اتجننت
ادم بوجه شاحب وعينين ما داقوش طعم النوم :ايوه اتجننت وهطلع جناني عليكي ايه رائيك
ندى بغضب:ادم ابعد عني احسن ليك لانده لجدي والقصر كله يتلم عليك
ادم مسك دماغها :لميهم دلوقت وقبلها
ندى حاولت تبعد عنه كان بيقبلها بعنف لاول مرة يتعامل معاها كده دموعها كانت بتنزل جامد
هو ليه بيعمل كده ليه اتغير كده
فين ادم الي حبه الراجل الفرفوش الي خلاها اتعلقت بخفة دمة
ادم بعد عنها وهو بيتنفس جامد وسند جبينه على جبينها :انا اسف
ندى بعدت عينيها عنه كانت حاسه بضعف كبير وكأنها كبرت عنده عمر على عمرها
ادم بندم:سامحيني يا ندى انا اسف اسف صدقيني عينيا ما داقوش النوم لانك مش في الاوضة
ندى مسحت دموعها :سيبني يا ادم نور وخالتوا بيستنوني تحت
ادم :ندى انا اسف والله اسف اني شكيت فيكي لو للحظة انا انا بحبك يا ندى
ندى زقته ودموعها بتنزل :فين حبك هاه فين حبك ده وانت مل يوم بتنصف امك عليا وانت متاكد اني ما عملتلهاش حاجة واني في حالي
فين حبك ده وانت بتصرخ عليا وبتشد في شعري
فين حبك لما تنيمني كل يوم دمعتي على خدي
لو كان ده الحب انا مش عايزاه وبصتله بقوة كبيرة وكانها نور مش ندى
انا لما حبيت حبيت ادم الي كان بينور ضحكتي مش ادم الي من لما اتقفل علينا باب وهو ما بيعملش حاجة غير انه بيطفيني وبس
وسابته ومشيت وهو مصدوم من كلامها
نزلت ندى عند نور بعد ما مسحت دموعها
ندى :صباح الخير
نور بقلق :صوتك كان عالي كده ليه
مروى :انتي صح نمتي في اوضة وهو في اوضة ايه الي جمعكم في اوصة وحدة
ندى :مفيش شفته دلوقت وانا خارحة من اوضتي
نور :ايووه
ندى ببرود :حاجة بيني وبينه محدش له دعوة
مروى :لا والله الي يشوفك دلوقت ما يشوفكيش امبارح وانتي بتستخبي منه في حضني
ندى طنشتهم :شربتوا قهوة ولا لسه
نور فهمت مدى وانها مش عايزة تتكلم دلوقت :لا مستنينك
ندى قالتلهم يعملوا اتنين قهوة
مع نزول ادم الي طنشته
ادم نزل بسرعة من غير ما يتكلم
سامي دخل من الجنينة
سامي :متجمعين عن النبي
ندى بابتسامة :اهلا يا جدو
نور :ايه يا خالتوا جدو راجع شباب اليومين دول
سامي قعد جنب مروى وايده على كتفها :ازاي ما ارجعش شباب ومروى حب حياتي بين ايديا
ليا :الله الله الله على الغزل امال مالك مصدرلي الوش الخشب كده ليه
سامي :ههههههههه لانه نسخة من مامته
مروى 🤨:لا والله
سامي :اه والله نسخة من مامته مش بكدب ما بيضحكش لحد
مروى قامت من جنبه وهي بتكلم نفسها
سامي بصوت عالي :سامعك على فكرة
هنا دخلت سناء وسيرين معاها
سامي :اهو حبيبت جدها وصلت
سيرين جريت عليه حضنته
سامي بقلق :في ايه
سيرين :مش عايزاه يا جدو مش عايزاه ارجوك خليه يطلقني
الكل اتصدم من الي بتقوله
سامي :ليه يا حبيبتي فيكي ايه
سناء قصت عليه كل حاجة قالتها بنتها ليها عن معاملته
سامي بصدمة :مازن يعمل كده
نور التزمت الصمت
ندى قربت منها :هو انتي كنتي عارفة
نور :انسي
سيرين :مش عايزاه يا جدو ارجوك
نور :اطلعي ارتاحي يا سيرين وبعدين لكل حادث حديث
سناء خدت بنتها وطلعت
ونور راحت الشركة
دخلت مكتبها داني ما كانش موجود
ندهت السكرتيرة وقالتلها انه ما جاش النهاردة
نور ضربتله مرة واتنين وتلاته ما ردش
ومع استمرار رنها
داني بتعب :الو
نور :داني قلقتني انت فين
داني :كح كح تعبان قوي مش هقدر اجي الشركة
نور بقلق :فيك ايه اجيبلك الدكتور
داني :يا ريت والله
نور قفلت معاه وكلمت الدكتور وراحتله الشقة
نور خبطت جامد وبالعافية فتح الباب وفعلت كان تعبان جدا
الدكتور كشف عليه
نور :طمني يا دكتور
الدكتور :التهاب رئوي حاد جدا عايز اهتمام وراحة
نور :ان شاء الله
الدكتور كتبلها الادوية
نزلت نور جابتهم على بسرعة وجت
عملتله شربة وادته الادوية وفضلت معاه لحد ما نام
ضربلها ادهم
نور :الوو اهلا يا ادهم
ادهم :انتي فين انا بالشركة عندك وقالولي خرجتي
نور بصت لداني وعرفت انه ادهم هيدايق لو عرف
نور :انا في
ادهم بغضب :انجزي داني معاكي انتوا فين
نور اتنهدت :ادهم داني تعبان قوي وانا معاه في البيت