رواية انا ضحية ولست بعاهرة
الفصل السابع عشر17
بقلم فللوس
ﺳﺎﺭﻩ ﺗﺸﻢ ﺭﻳﺤﻪ ﺍﻟﻌﻄﺮ ﺑﺘﺎﻋﻪ ﺣﺴﺎﻡ ﻋﺸﺎﻥ ﻛﺎﻥ ﺑﺘﻤﻴﺰﻩ ﻣﻦ ﺑﻴﻦ ﺃﻟﻒ ﻋﻄﺮ،
ﻭﺗﺘﻠﻔﺖ ﻭﺭﺍ ﻭﺗﻠﻘﻰ ﺣﺴﺎﻡ ...
ﺳﺎﺭﻩ ﺣﻴﻠﻬﺎ ﻣﺎﺕ ﻭﺑﺎﻟﺼﺪﻣﻪ ﻣﺎﻗﺪﺭﺕ ﺗﺒﻠﻊ ﺭﻳﻘﻬﺎ ، ﺟﺎﻫﺎ ﺇﺣﺴﺎﺱ ﻏﺮﻳﺐ
ﻣﺎﻋﺎﺭﻓﻪ ﺇﺫﺍ ﺩﻱ ﺻﺪﻓﻪ ، ﻣﻔﺎﺟﺄﻩ ﻭﻻ ﻛﺎﺭﺛﻪ ،
ﺣﺴﺎﻡ ﻭﺍﻗﻒ ﻣﻠﺼﻖ ﻓﻲ ﺍﻟﺤﻴﻄﻪ ﻭﻣﺤﺘﺎﺭ ﻳﻌﻤﻞ ﺷﻨﻮ ، ﺳﺎﺭﻩ ﻣﻦ ﺟﻮﻩ ﻋﺎﻳﺰﻩ
ﺗﺤﻀﻦ ﺣﺴﺎﻡ ﺗﺒﻜﻲ ﻓﻲ ﺻﺪﺭﻩ ﺗﺤﻜﻲ ﻟﻴﻬﺎ ﻣﻌﺎﻧﺎﺗﻬﺎ ﻣﻦ ﺑﻌﺪﻭ ﺗﺜﺒﺖ ﻟﻴﻪ ﺍﻧﻬﺎ
ﺑﺪﻭﻧﻪ ﻋﺒﺎﺭﻩ ﻋﻦ ﻓﺮﺍﻍ ﻭﺗﺤﺎﻭﻝ ﺗﻤﺸﻲ ﻋﻠﻴﻪ ﻭﺗﺤﻀﻨﻪ ﺑﺲ ﺗﺘﺬﻛﺮ ﻭﺻﻴﻪ ﺃﻣﻬﺎ
ﻟﻤﻦ ﻗﺎﻟﺖ ﻟﻴﻬﺎ
( ﻟﻮ ﺳﺘﺮﺗﻲ ﻧﻔﺴﻚ ﻣﻊ ﺳﻌﻴﺪ ﻋﺎﻓﻴﻪ ﻋﻨﻚ )
ﻭﺗﻔﻜﺮ ﺃﻧﻪ ﺣﺴﺎﻡ ﺍﺗﺨﻠﻰ ﻋﻨﻬﺎ ﻳﻮﻡ ﺍﺣﺘﺎﺟﺖ ﻟﻴﻪ ﻭﺑﺎﻟﺮﻏﻢ ﻣﻦ ﺃﻧﻬﺎ ﺍﻓﺘﻘﺪﺕ
ﺃﻏﻠﻰ ﻣﺎﺗﻤﻠﻚ ﺑﺲ ﻛﺴﺒﺖ ﺭﺿﺎﺀ ﺃﻷﻡ ، ﻭﺗﻨﺰﻝ ﻣﻨﻬﺎ ﺩﻣﻌﻪ ﻭﺗﺪﻱ ﺣﺴﺎﻡ ﺿﻬﺮﻫﺎ
ﻭﺗﻤﺴﻚ ﻳﺪ ﺳﻌﻴﺪ ﻭﺗﻘﻮﻝ ﻟﻴﻪ ...
ﺳﺎﺭﻩ : ﺃﺭﺡ ﻳﺎﺣﺒﻴﺒﻲ ﺃﺗﺎﺧﺮﻧﺎ ﻋﻠﻰ ﺍﻟﺴﻔﺮ
ﺳﻌﻴﺪ ﻳﺤﺘﺎﺭ ﻋﻦ ﺗﻐﻴﻴﺮ ﺳﺎﺭﻩ ﺍﻟﻤﻔﺎﺟﺊ : ﺗﻤﺎﻡ ﻳﺎﻗﻠﺒﻲ ﺍﺭﺡ ، ﻭﻣﺎﻟﻮ ﺍﻟﻮﺩ ﺩﻩ
ﻭﺍﻗﻒ ﻫﻨﺎ ﻭﺑﻌﺎﻳﻦ ﻟﻴﻨﺎ ﻛﺪﻩ ﺍﻓﺘﻜﺮﺗﻪ ﺑﻌﺮﻓﻚ
ﺳﺎﺭﻩ : ﻻﻻﻻ ﺩﻩ ﺷﻜﻠﻮ ﺍﺧﺼﺎﺋﻲ ﻭﻻ ﻣﻤﺮﺽ ﺣﺎﺟﻪ ﺑﺎﻟﺸﻜﻞ ﺩﻩ
ﺣﺴﺎﻡ ﻗﻠﺒﻮ ﻳﻮﺟﻌﻮ ﻭﻳﻘﻌﺪ ﻓﻲ ﺍﻟﻮﺍﺿﻪ ﻭﻳﺒﻜﻲ ﻭﺍﺛﻨﺎﺀ ﻣﺎﺑﻴﺒﻜﻲ ، ﻋﻠﻮﻳﻪ ﺃﻡ
ﻣﺪﺛﺮ ﺗﻄﻠﻊ ﻣﻦ ﻏﺮﻓﻪ ﻧﻔﻴﺴﻪ ﻭﺗﻠﻘﻰ ﺣﺴﺎﻡ ﻓﻲ ﺍﻟﻮﺍﺿﻪ ﻣﺪﻣﻊ ..
ﻋﻠﻮﻳﻪ : ﺳﺠﻤﻲ ﺍﻧﺖ ﺣﺴﺎﻡ ﻭﺩ ﻋﻮﺍﻃﻒ ؟؟ ﺟﻴﺖ ﻣﺘﻴﻦ ﻣﻦ ﺍﻟﺴﻔﺮ؟
ﺣﺴﺎﻡ ﺳﺎﻛﺖ ﻭﻣﺘﻐﺎﻳﻆ ﻣﻨﻬﺎ ﻛﻮﻧﻪ ﻭﻟﺪﻫﺎ ﻣﺪﺛﺮ ﺍﻟﺴﺒﺐ ﻓﻲ ﻛﻞ ﺍﻟﺤﺼﻞ
ﻭﻳﻔﻀﻞ ﻳﺴﻜﺖ ...
ﻋﻠﻮﻳﻪ : ﻭﺣﺮﺍﻡ ﻋﻠﻴﻚ ﺩﻩ ﺷﻨﻮ ﺍﻟﻌﻤﻠﺘﻪ ﻣﻊ ﺳﺎﺭﻩ ﺩﻩ ﻳﺨﺲ ﻋﻠﻴﻚ ، ﻭﺍﺳﻊ ﺟﺎﻱ
ﻟﻴﻪ ؟؟ ﻋﺸﺎﻥ ﺗﻬﺪﻡ ﻟﻴﻬﺎ ﺯﻭﺍﺟﻬﺎ ﺍﻟﺠﺪﻳﺪ
ﺣﺴﺎﻡ ﻳﺼﺮﺥ ﻓﻴﻬﺎ ﻭﻳﺤﺎﻭﻝ ﻳﻘﻮﻝ ﻟﻴﻬﺎ ﺍﻟﺴﺒﺐ ﻣﺪﺛﺮ ﻭﻟﺪﻙ : ﺍﻧﺘﻲ ﺗﺴﻜﺘﻲ
ﺧﺎﻟﺺ ﻛﻞ ﻣﻦ ﻭﻝ ....
ﻧﻔﻴﺴﻪ ﺗﺴﻤﻊ ﺻﻮﺕ ﺣﺴﺎﻡ ﻭﺗﻨﺎﺩﻱ ﺑﻲ ﺍﺳﻤﻪ ،ﻭﺣﺴﺎﻡ ﻳﺴﻜﺖ ﻭﻣﺎﻳﺬﻛﺮ ﺍﺳﻢ
ﻣﺪﺛﺮ ﻋﺸﺎﻥ ﺷﺎﻑ ﺍﻧﻪ ﺍﻟﻮﻗﺖ ﺃﺗﺎﺧﺮ ﻭﻧﻔﻴﺴﻪ ﻋﻴﺎﻧﻪ ﻣﺎﺑﺘﺴﺘﺤﻤﻞ ﺻﺪﻣﺎﺕ ﻣﺮﻩ
ﺗﺎﻧﻴﻪ ...
ﺣﺴﺎﻡ : ﻛﻴﻔﻚ ﺧﺎﻟﺘﻲ ﻧﻔﻴﺴﻪ
ﻧﻔﻴﺴﻪ : ﻛﻨﺖ ﺧﺎﻟﺘﻚ ، ﺍﻟﺠﺎﺑﻚ ﻫﻨﺎ ﺷﻨﻮ ؟
ﺣﺴﺎﻡ ﻳﻜﺬﺏ ﻋﻠﻴﻬﺎ : ﺳﻤﻌﺖ ﺍﻧﻚ ﻋﻴﺎﻧﻪ ﻭﺟﻴﺖ ﺍﺗﻄﻤﻦ ﻋﻠﻴﻚ
ﻧﻔﻴﺴﻪ : ﻭﺍﻟﻜﻠﻤﻮﻙ ﺍﻧﻲ ﻋﻴﺎﻧﻪ ﺩﻳﻞ ﺑﺮﺿﻮ ﺍﺧﻮﺍﺗﻚ ﺍﻟﺨﺮﺑﻮ ﺳﻤﻌﻪ ﺑﺘﻲ ﻓﻲ
ﺍﻟﺤﻠﻪ ﻟﺤﺪﻱ ﻣﺎﻭﺻﻠﺖ ﺍﻟﺤﺎﻟﻪ ﺍﻻﻧﺎ ﻓﻴﻬﺎ ﺩﻱ ؟؟
ﺣﺴﺎﻡ : ﺍﺧﻮﺍﺗﻲ ؟؟ ﻋﻤﻠﻮ ﺷﻨﻮ ﺍﺧﻮﺍﺗﻲ
ﻧﻔﻴﺴﻪ : ﻣﺎﺍﻧﺖ ﻃﻠﻘﺖ ﺑﺘﻲ ﻋﺸﺎﻥ ﻗﺎﻟﻮ ﺍﻧﺖ ﺍﻛﺘﺸﻔﺖ ﺍﻧﻬﺎ ﻋﺎﻫﺮﻩ
ﻋﻠﻮﻳﻪ ﺗﻘﻄﻊ ﻛﻼﻣﻬﺎ : ﻧﻔﻴﺴﻪ ﻣﺎﺗﻘﻮﻟﻲ ﻛﺪﻩ ﺑﺘﻚ ﺍﻏﺘﺼﺒﻮﻫﺎ ﺍﻧﺘﻮ ﻟﻴﻪ ﻣﺎﻋﺎﻳﺰﻳﻦ
ﺗﺼﺪﻗﻮﻫﺎ ، ﻣﺎﻟﻜﻢ ﻭﻣﺎﻝ ﻛﻼﻡ ﻧﺎﺱ ﺍﻟﺤﻠﻪ ﻭﻣﺎﻝ ﺍﺧﻮﺍﺕ ﺣﺴﺎﻡ،
ﺣﺴﺎﻡ ﻃﺒﻌﺎ ﻛﺎﻥ ﻣﺼﺪﻕ ﺍﻧﻬﺎ ﺑﺎﻟﺠﺪ ﻋﻤﻠﺖ ﻋﻼﻗﻪ ﻣﻊ ﻣﺪﺛﺮ ﻭﺍﻟﻘﺼﻪ ﻣﺶ
ﺍﻏﺘﺼﺎﺏ ﻋﺸﺎﻥ ﻛﺎﻥ ﺑﺘﻜﺬﺏ ﻋﻠﻴﻪ ﺩﻓﺎﻋﺎ ﻋﻦ ﻧﻔﺴﻬﺎ ﻭﻋﻦ ﻣﻮﺿﻮﻉ
( ﻧﺸﺮ ﺍﻟﻔﻴﺪﻳﻮ ﺍﻟﻤﺎﺻﺪﻗﻮ ﺍﺻﻠﻮ )
ﻭﻳﻘﻮﻝ ﻟﻲ ﻧﻔﻴﺴﻪ : ﺃﻧﺎ ﻃﻠﻘﺘﻬﺎ ﻋﺸﺎﻥ ﻣﻮﺿﻮﻉ ﺷﺨﺼﻲ ﻭﺍﺧﻮﺍﺗﻲ ﺑﺤﺎﺳﺒﻬﻢ
ﺍﺳﻊ ﻓﻲ ﺍﻟﻤﻮﺿﻮﻉ ﺩﻩ ﻭﻳﻄﻠﻊ ﻣﻨﻬﻢ ﻭﻳﺪﻭﺭ ﻋﺮﺑﻴﺘﻪ ﻭﺍﻭﻝ ﻣﺎﻳﺼﻞ ﺍﻟﺒﻴﺖ ...
ﺣﺴﺎﻡ ﻳﻀﺮﺏ ﺍﻟﺠﺮﺱ ﻭﻟﻤﻴﺎﺀ ﺗﻔﺘﺢ ﺍﻟﺒﺎﺏ
ﻟﻤﻴﺎﺀ ﺗﻔﺮﺡ ﻭﺗﺼﺮﺥ : ﻭﺑﻌﻠﻲ ﻳﺎﺍﻣﻲ ﺣﺴﺎﻡ ﻭﺻﻞ
ﺣﺴﺎﻡ ﻳﻘﺸﻂ ﻟﻴﻚ ﻓﻲ ﻟﻤﻴﺎﺀ ﻛﻒ ﻭﻳﻤﺴﻜﺎ ﻣﻦ ﺷﻌﺮﺍ ﻭﻳﺪﺧﻼ ﺟﻮﺍ ...
ﻟﻤﻴﺎﺀ ﻣﺪﻧﻘﺮﺍ : ﻭﺍﺍﺍﺍﺍﻱ ﻳﺎﺍﻣﻲ ﺍﻟﺤﻘﻴﻨﻲ
ﻋﻠﻴﺎﺀ ﺗﺸﻮﻑ ﺣﺴﺎﻡ ﻣﺎﺳﻚ ﺍﺧﺘﻬﺎ ﻣﻦ ﺷﻌﺮﺍ ﻭﺟﺎﺭﻳﻬﺎ : ﻭﺍﺍﺍﺍﺍﻱ ﻓﻲ ﺷﻨﻮ ﻓﻲ
ﺷﻨﻮ ﺍﻟﺤﺎﺻﻞ ﺷﻨﻮ ؟؟
ﺣﺴﺎﻡ ﻳﺠﺪﻉ ﻟﻤﻴﺎﺀ ﻓﻲ ﺍﻟﻮﺍﺿﻪ ﻭﻳﻘﻠﻊ ﺣﺰﺍﻣﻪ ﻭﻳﻘﻊ ﺿﺮﺏ ﻓﻲ ﻋﻠﻴﺎﺀ ، ﺃﻡ
ﺣﺴﺎﻡ ﻋﻮﺍﻃﻒ ﺗﺠﻲ ﺟﺎﺭﻳﻪ ﺑﺎﻟﺼﺮﺍﺥ
ﻋﻮﺍﻃﻒ : ﻳﺎﻭﻟﺪ ﻳﺎﻭﻟﺪ ﻓﻲ ﺷﻨﻮ ﻓﻚ ﺍﺧﻮﺍﺗﻚ ﺩﻳﻞ ، ﻭﺣﺴﺎﻡ ﺷﻐﺎﻝ ﻳﻀﺮﺏ
ﻓﻴﻬﻢ
ﻋﻮﺍﻃﻒ : ﻣﺎﺍﻋﺎﻓﻴﻪ ﻋﻨﻚ ﻟﻮ ﻣﺎﻭﻗﻔﺖ ﺿﺮﺏ ﻭﺷﺮﺣﺖ ﻟﻲ
ﺣﺴﺎﻡ ﻳﻮﻗﻒ ﺿﺮﺏ : ﺍﻟﺘﺎﻓﻬﺎﺕ ﺩﻳﻞ ﺟﺎﺑﻮ ﺧﺒﺮ ﺍﻧﻲ ﻃﻠﻘﺖ ﺳﺎﺭﻩ ﻣﻦ ﻭﻳﻦ ؟؟
ﻋﻮﺍﻃﻒ : ﻣﻦ ﺍﺑﺮﺍﻫﻴﻢ
ﺣﺴﺎﻡ : ﺍﺑﺮﺍﻫﻴﻢ ﻭﺩﻋﻤﻲ ؟؟ﻭﻗﺎﻝ ﻟﻴﻬﻢ ﺍﻧﻬﺎ ﻋﺎﻫﺮﻩ ؟؟ ﻭﺳﻤﻊ ﻣﻦ ﻭﻳﻦ
ﺍﺻﻼ ؟؟ ﺣﺮﺭﻡ ﺩﻗﺲ ﻣﻌﺎﻱ
ﻟﻤﻴﺎﺀ ﺑﺘﺒﻜﻲ : ﻧﺤﻦ ﻋﺎﻳﺰﻳﻦ ﻣﺼﻠﺤﺘﻚ ﻭﺍﻧﺖ ﺗﻀﺮﺏ ﻓﻴﻨﺎ
ﺣﺴﺎﻡ : ﻣﺼﻠﺤﺘﻲ ﺑﻲ ﺗﺸﻮﻳﻬﻜﻢ ﺳﻤﻌﺖ ﺑﺖ ؟؟ ﻭﺑﻌﺪﻳﻦ ﺍﻧﺎ ﺍﻟﻌﺸﺖ ﻣﻌﺎﻫﺎ
ﻣﺎﺍﺗﻜﻠﻤﺖ ﻋﻨﻬﺎ ، ﺗﺘﻜﻠﻤﻮ ﺍﻧﺘﻮ ؟؟ ﻣﺎﻟﻜﻢ ﻭﻣﺎﻟﻬﺎ ، ﻭﺩﻟﻴﻠﻜﻢ ﺷﻨﻮ
ﻋﻠﻴﺎﺀ : ﺩﻟﻴﻠﻨﺎ ﺍﻧﻪ ﻛﻨﺎ ﺑﻨﺸﻮﻓﻬﺎ ﺑﺘﺮﺳﻞ ﺑﺖ ﻋﻤﻬﺎ ﺳﻼﻓﻪ ﻟﻲ ﻣﺪﺛﺮ
ﺣﺴﺎﻡ ﻳﺘﺨﻠﻊ : ﻛﻴﻒ ؟ ﻛﻴﻒ ؟
ﻟﻤﻴﺎﺀ : ﺃﻳﻲ ﻗﺒﻞ ﻳﻮﻡ ﺗﺠﻴﻚ ﺑﻲ ﺍﺳﺒﻮﻋﻴﻦ ﺷﻔﻨﺎ ﺳﻼﻓﻪ ﺑﺘﺘﻜﻠﻢ ﻣﻊ ﻣﺪﺛﺮ ﻭﺍﻭﻝ
ﻣﺎﺷﺎﻓﻨﺎ ﺧﺶ ﺑﻴﺘﻢ ﻭﻗﻔﻞ ﺍﻟﺒﺎﺏ ﻭﺳﻼﻓﻪ ﻋﻤﻠﺖ ﺭﻭﺣﻬﺎ ﻣﺎﺷﺎﻳﻔﺎﻧﺎ ﻧﺤﻦ ﻛﻨﺎ
ﻣﻔﺘﻜﺮﻳﻨﻬﻢ ﻓﻲ ﻋﻼﻗﻪ ﺑﺲ ﺍﻟﻈﺎﻫﺮ ﺳﺎﺭﻩ ﺍﻟﻜﺎﻥ ﺑﺘﺮﺳﻞ ﺳﻼﻓﻪ
ﺣﺴﺎﻡ : ﻛﻨﺘﻮ ﻣﻔﺘﻜﺮﻳﻦ ؟؟ ﺩﻩ ﺩﻟﻴﻠﻜﻢ ؟؟
ﻟﻤﻴﺎﺀ ﺑﺘﺒﻜﻲ ﻭﺗﺼﺮﺥ : ﻳﺎﺥ ﺍﺿﺮﺏ ﺑﺮﺍﺣﺘﻚ ﺑﺲ ﻓﻲ ﺍﻻﺧﻴﺮ ﻋﺮﺳﺖ ﻭﺳﺎﻓﺮﺕ
ﻭﻻ ﺍﺷﺘﻘﻠﺖ ﺑﻴﻚ
ﺣﺴﺎﻡ ﻳﻮﻗﻒ ﺿﺮﺏ ﻭﺑﺎﻟﺼﺪﻣﻪ ﻳﺪﺧﻞ ﻏﺮﻓﺘﻪ ﻭﻳﺒﻜﻲ ...
# ﺑﻌﺪ _ ﺗﻼﺗﻪ _ ﺳﺎﻋﺎﺕ
ﻋﻮﺍﻃﻒ : ﻳﺎﺑﻨﺎﺕ ﺧﻼﺹ ﺑﻌﺪ ﺩﻩ ﺍﻣﺸﻮ ﺻﺎﻟﺤﻮﻩ ﺍﺧﻮﻛﻢ
ﻟﻤﻴﺎﺀ ﻭﻋﻠﻴﺎﺀ : ﻭﺍﻟﻠﻪ ﻭﻻ ﺑﻨﺸﺘﻐﻞ ﺑﻴﻪ ﺗﺎﻧﻲ
ﻋﻮﺍﻃﻒ : ﺻﺎﺡ ﺍﻧﺘﻮ ﻗﻠﺘﻮ ﻋﺎﺯﻣﺎﺕ ﺻﺤﺒﺎﺗﻜﻢ ﻋﺸﺎﻥ ﺗﺨﺘﺎﺭﻭ ﻟﻴﻪ ﻋﺮﻭﺱ ﻣﻨﻬﻢ
ﻟﻤﻴﺎﺀ : ﻭﺍﺍﺍﻱ ﻧﺴﻴﺖ ، ﺍﺭﺡ ﺍﺭﺡ ﻳﺎﻋﻠﻴﺎﺀ ﻧﻌﺘﺬﺭ ﻟﻴﻪ ﻭ ﻧﺤﻨﺴﻮ ،ﻭﻓﻌﻼ ﻳﺪﺧﻠﻮ
ﻟﻴﻪ ﻓﻲ ﺍﻟﻐﺮﻓﻪ ﻭﻳﻌﺘﺬﺭﻭ ﻟﻴﻪ ﻭﺣﺴﺎﻡ ﻳﻘﺒﻞ ﺍﻋﺘﺬﺍﺭﻫﻢ
ﻟﻤﻴﺎﺀ : ﻻﺯﻡ ﺑﻌﺪﻳﻦ ﺗﻜﻮﻥ ﺷﺎﺍﻛﻲ ﻓﻲ ﺟﻜﺲ ﻧﻀﻴﻒ
ﺣﺴﺎﻡ : ﻫﻬﻬﻬﻬﻪ ﺍﻧﺘﻮ ﻣﺎﺑﺘﺒﻄﻠﻮ ﺣﺮﻛﺎﺗﻜﻢ ﺩﻱ
ﻋﻠﻴﺎﺀ : ﻟﻤﻦ ﺗﺒﻄﻼ ﺍﻧﺖ ، ﻭﺍﻟﻠﻪ ﺣﻴﺠﻮ ﻣﺰﺯ ﺑﺎﻟﺮﺩﻭﻡ ﻭﻣﻌﻈﻢ ﺍﻟﺒﻨﺎﺕ ﺟﺎﻳﺎﺕ
ﻋﺸﺎﻧﻚ
ﺍﻟﻤﺴﺎﺀ ﺟﺎﺀ ﻭﺣﺴﺎﻡ ﺳﺎﻕ ﺍﺧﻮﺍﺗﻪ ﻋﺮﺱ ﺻﺤﺒﻮ ﺍﻟﺴﺮ ﻭﺍﻭﻝ ﻣﺎﺩﺧﻠﻮ ﺍﻟﺼﺎﻟﻪ
ﺍﻟﺒﻨﺎﺕ ﻛﻠﻬﻢ ﺑﻌﺎﻳﻨﻮ ﻟﻲ ﺣﺴﺎﻡ ﻭﺷﻐﺎﻻﺕ
( ﻭﺍﺍﻱ ﻛﺸﻔﻲ ﺍﻟﻌﺴﻞ ﺩﻩ / ﺩﻩ ﺍﺧﻮ ﻟﻤﻴﺎﺀ ﻭﻋﻠﻴﺎﺀ ؟؟ / ﻗﺎﻟﻮ ﻛﺎﻥ ﻣﺘﺰﻭﺝ ﺑﺖ
ﻭﻃﻠﻘﺎ / ﻋﺎﻳﻨﻲ ﻟﻲ ﻭﺟﻨﺎﺗﻮ ﺍﺭﻳﺘﻮ ﺣﻘﻲ )
ﺣﺴﺎﻡ ﻗﻌﺪ ﺍﺧﻮﺍﺗﻪ ﻗﺪﺍﻡ ﻭﻫﻮ ﺭﺟﻊ ﻭﺭﺍ ﺟﻤﺐ ﺍﻟﺮﺟﺎﻝ ، ﻛﺎﻥ ﻗﺎﻋﺪ ﺑﺮﺍﻩ ﻭﻓﺠﺄﻩ
ﻳﻠﻤﺤﻮ ﺻﺤﺒﻮ ﻛﺎﻥ ﺑﻘﺮﺍ ﻣﻌﺎﻩ ﻓﻲ ﺍﻻﺳﺎﺱ ﺍﺳﻤﻮ ﻳﻮﺳﻒ ...
ﻳﻮﺳﻒ : ﺍﻧﺖ ﺣﺴﺎﻡ ؟؟
ﺣﺴﺎﻡ : ﺍﻭﻭﻭﻭﻭ ﻳﻮﺳﻒ ﺍﻟﺨﺒﺮ ﺷﻨﻮ ﻳﺎﺯﻭﻝ ﻳﺎﺥ ﺳﻨﻴﻦ ﻣﺎﺷﻔﺘﻚ ﺑﺲ ﻣﻼﻣﺤﻚ
ﻳﺎﻫﺎ ﺫﺍﺗﺎ
ﻳﻮﺳﻒ : ﻫﻬﻬﻬﻬﻬﻬﻪ ﺍﻧﺖ ﻛﻤﺎﻥ ﻳﺎﻛﺎ ﺫﺍﺗﻚ ، ﻭﻗﺎﻟﻮ ﻟﻲ ﺍﺗﺰﻭﺟﺖ
ﺣﺴﺎﻡ : ﺍﻱ ﻭﺍﻟﻠﻪ ﺑﺲ ﺍﻧﻔﺼﻠﻨﺎ ﻭﻛﺪﻩ
ﻳﻮﺳﻒ ﻳﺘﺤﺮﺝ ﻭﻣﺎﻳﺪﻗﻖ ﻓﻲ ﺍﻟﺘﻔﺎﺻﻴﻞ ﻭﻳﻐﻴﺮ ﺍﻟﻤﻮﺿﻮﻉ : ﻳﺎﺯﻭﻝ ﺍﻟﻠﻪ ﻳﻌﻮﺽ
، ﻃﺒﻌﺎ ﺷﺎﻳﻒ ﺍﻟﺒﻨﺎﺕ ﺑﻜﺸﻮﻓﻮ ﻟﻴﻚ ﺍﻭﻝ ﻣﺎﺩﺧﻠﺖ
ﺣﺴﺎﻡ : ﻫﻬﻬﻬﻬﻬﻬﻪ ﺑﻄﻞ ﻳﺎﺥ
ﻳﻮﺳﻒ : ﻫﻬﻬﻬﻬﻪ ﺍﻧﺖ ﻋﺎﺭﻑ ﻧﺼﻬﻢ ﻓﺎﻛﺎﺕ ﻭﻋﺎﻫﺮﺍﺕ ، ﺑﻨﺎﺕ ﺣﻠﻪ ﻧﺎﺱ ﺍﻟﺴﺮ
ﺩﻳﻞ ﻧﺼﻬﻢ ﻛﺪﻩ
ﺣﺴﺎﻡ ﺑﻤﺰﺡ : ﻳﺎﺯﻭﻝ ﻭﺍﺳﻊ ﺍﻧﺎ ﺣﺎﺟﺰﻳﻦ ﻟﻲ ﻋﺮﻭﺱ ﻣﻨﻬﻢ
ﻳﻮﺳﻒ : ﻫﻬﻬﻬﻪ ﻳﺎﺯﻭﻝ ﻣﺎﺗﺮﻛﺐ ﺍﻟﻤﺎﺳﻮﺭﻩ ﺳﺎﻱ
ﺣﺴﺎﻡ : ﻟﻠﺪﺭﺟﻪ ﺩﻱ ﻳﺎﺯﻭﻝ
ﻳﻮﺳﻒ : ﺍﻧﺖ ﺍﺳﻊ ﻗﻮﻡ ﺍﻗﻌﺪ ﺟﻤﺐ ﺍﻱ ﻭﺣﺪﻩ ﻋﺠﺒﺘﻚ ﻟﻮ ﺭﻓﻌﺖ ﻟﻴﻚ ﻳﺪﻱ
ﻣﻌﻨﺎﻫﺎ ﺩﻱ ﻣﺤﺘﺮﻣﻪ ﻭﻟﻮ ﻧﺰﻟﺖ ﻟﻴﻚ ﺇﺑﻬﺎﻣﻲ ﻣﻌﻨﺎﻫﺎ ﺩﻱ ﻋﺎﻫﺮﻩ
ﺣﺴﺎﻡ : ﻭﺍﻧﺖ ﺑﺘﻌﺮﻓﻬﻢ ﻛﻴﻒ
ﻳﻮﺳﻒ : ﻫﻬﻬﻬﻬﻪ ﻟﻤﻦ ﺗﺨﻠﺺ ﺑﻮﺭﻳﻚ
ﺣﺴﺎﻡ ﻳﻀﺤﻚ ﻭﻳﻘﻮﻡ ﻳﺠﺮﺏ ، ﻭﺍﻟﺒﻨﺎﺕ ﻳﺘﻀﺎﺣﻜﻮ ﻭﻛﻞ ﻣﺎﻳﻘﻌﺪ ﻣﻊ ﺑﺖ ﻳﻘﺒﻞ
ﻭﺭﺍ ﻳﻠﻘﻰ ﻳﻮﺳﻒ ﻣﻨﺰﻝ ﺇﺑﻬﺎﻣﻮ 🏽👎 ، ﺣﺴﺎﻡ ﻗﻌﺪ ﻣﻊ ﺍﻟﺘﺎﻧﻴﻪ ﻗﺒﻞ ﻭﺭﺍ
ﻟﻘﻰ ﻳﻮﺳﻒ ﻣﻨﺰﻝ ﺇﺑﻬﺎﻣﻮ ..🏽👎
ﺣﺴﺎﻡ ﻗﺎﻡ ﻣﻦ ﺍﻟﺘﺎﻧﻴﻪ ﻗﻌﺪ ﻣﻊ ﺍﻟﺘﺎﻟﺘﻪ ﺛﻢ ﺍﻟﺮﺍﺑﻌﻪ ﻭﻟﻘﻰ ﻳﻮﺳﻒ ﻣﻨﺰﻝ ﺍﺑﻬﺎﻣﻪ
🏽👎 ﺣﺴﺎﻡ ﺍﺗﺤﻴﺮ ﻭﻭﺻﻞ ﺍﻟﺒﺖ ﺍﻟﺨﺎﻣﺴﻪ ﻗﺒﻞ ﻭﺭﺍ ﻭﻟﻘﻰ ﻳﻮﺳﻒ ﻣﻨﺰﻝ
ﺇﺑﻬﺎﻣﻪ 🏽👎 ﻭﺍﺛﻨﺎﺀ ﻣﺎﺣﺴﺎﻡ ﺑﺘﻨﻘﻞ ﻣﻦ ﺑﺖ ﻟﻲ ﺑﺖ ، ﺷﺎﻓﻮﻩ ﺍﺧﻮﺍﺗﻪ
ﻟﻤﻴﺎﺀ ﻭﻋﻠﻴﺎﺀ ﻭﺑﻘﻮ ﻳﻜﻮﺭﻛﻮ ﻟﻴﻪ ...
ﻟﻤﻴﺎﺀ ﻭﻋﻠﻴﺎﺀ : ﺣﺴﺎﻡ ﺣﺴﺎﻡ ﺗﻌﺎﻝ ﺗﻌﺎﻝ ﻫﻨﺎ ﻧﻌﺮﻓﻚ ﻋﻠﻰ ﺻﺤﺒﺎﺗﻨﺎ
ﺣﺴﺎﻡ ﺑﻘﻰ ﻳﻀﺤﻚ ﻭﻣﺸﻰ ﻗﻌﺪ ﺟﻤﺐ ﺍﺧﻮﺍﺗﻪ ﻭﻗﺒﻞ ﻋﻠﻲ ﻳﻮﺳﻒ ﺻﺤﺒﻪ
ﻋﺸﺎﻥ ﻳﻘﻮﻝ ﻟﻴﻪ ﺩﻗﻴﻘﻪ ﺩﻳﻞ ﺍﺧﻮﺍﺗﻲ ﺍﺳﻠﻢ ﻋﻠﻰ ﺻﺤﺒﺎﺗﻬﻢ ﻭﺍﺟﻴﻚ ...
ﻳﻮﺳﻒ ﺍﻓﺘﻜﺮ ﺣﺴﺎﻡ ﻋﺎﻳﺰ ﺭﺃﻳﻪ ﻓﻲ ﺍﻟﺒﻨﺘﻴﻦ ﺩﻳﻞ ﺷﻨﻮ
( ﻋﺸﺎﻥ ﻣﺎﻋﺎﺭﻑ ﺍنو هم ﺍﺧﻮﺍﺗﻪ )
، ﻳﻮﺳﻒ ﻳﻨﺰﻝ ﺇﺑﻬﺎﻡ ﺍﺻﺎﺑﻌﻴﻨﻮ ﺍﻻﺗﻨﻴﻦ 🏽👎🏽👎 ﻭﻳﺄﺷﺮ ﻟﻲ
ﺣﺴﺎﻡ ﻣﻦ ﺑﻌﻴﺪ ﻭﻳﻘﻮﻝ ﻟﻴﻪ ﺩﻳﻞ ﺃﻛﺒﺮ # ﻋﺎﻫﺮﺍﺕ 👎