رواية يوميات بنات
الفصل العاشر10
بقلم منه محمد
ف اليوم التالي وهم بالمصعد
مريم : بصي بقى هننزل متأخر شويه عشان لو شافنا هايقعد يعزم عينا بقى و كده ف نستني شويه يركب العربيه نركب احنا و نطلع ورا من غير ما يحس بينا بعد كده نستني شويه لما ينزل و تتطلعى بقى ع الشركه لا من شاف و لا من دري
منار : ايوه بس هنعمل كل ده ازاى و احنا معناش عربيه
مريم بفخر : لا منا طلبت اوبر
منار : طلبتي اوبر ليه؟
مريم : اصل لسه قابضه امبارح
منار : اه ف عايزه تلخصي علي مرتبك من دلوقتي
مريم : ياستي سيبني انزه نفسي شويه بدل بهدله المواصلات دي
هبط المصعد اخيرا
مريم : استني
نظرت من حولها يميناً ويساراً لتتأكد انه غير موجود
مريم : هطلع انا اول اشوف الدنيا و بعدين اشاورلك تتطلعي
كانت تتسحب كمن يذهب فى عمليه سريه
مريم بهمس : تعالي
انتظروه حتى ركب ثم ركبوا بسرعه
السائق : عايزين تروحوا فين؟
مريم : ورا العربيه دي يا كابتن
منار : كابتن ايه عيب اسمه حضرتك
مريم : روا العربيه اللى طلعت دى حضرتك بس بسرعه شويه
وصلت سياره "عمرو" عند الشركه و ورائه السياره التي يركبون بها
السائق : وصلنا يا انسه
مريم : استني لما يمشي و بعدين تطلعي
منار : حاضر
انتظرته حتى ابتعد ثم خرجت من السياره
مريم : خالي بالك من نفسك يلا سلام
ثم انطلقت السياره ب "مريم" لتأخذها الى عملها
كانت "منار" تمشى ببطئ شديد لكي لا يلاحظها واثناء صعودتها عتبات الشركه تعثرت و وقعت
عند هذه اللحظه اللتفت " عمرو"
عمرو : منار
نهضت "منار" مسرعه و هي تشعر بالحرج الشديد
منار : ازيك حضرتك يا استاذ عمرو
عمرو : انت كويسه
منار بتوتر : تمااام انا تمام
اشار لها بالدخول قبله دخلت وهي مازلت تشعر بالحرج
____________________________________________________
كانت "مريم" تعمل فى مكتبها حتى سمعت صوت ضجه فجأه
باسل : بنت خالتشيييي